Transparency Myanmar

transparency.myanmar@gmail.com

yangonchronicle 2011 - (2)
yangonchronicle 2011 - (2)

၁၅.၂.၂ဝ၁၂

ဘာသာပြန်သတင်းများ အပိုင်း(၂)

  1. ထိုင်းရတ်ချာဘူရီကုမ္ပဏီ ၂၀၁၂ ဘတ်ဂျက်ချမှတ်၍ မြန်မာ၌ လုပ်ငန်းချဲ့ရန် မျှော်မှန်း

(Reuters News မှ 14 Feb 2012 ရက်စွဲပါ Thai Ratchaburi Sets 2012 Capex sees Myanmar Expansion သတင်းကို ဘာသာ ပြန်ဆိုသည်။)

  1. မြန်မာနှင့် ပိုမိုဆက်သွယ်ဆောင်ရွက်ရန် စင်ကာပူမျှော်မှန်း

(Channel News Asia မှ 14 Feb 2012 ရက်စွဲပါ S’pore eyes more links with Myanmar ကို ဘာသာ ပြန်ဆိုသည်။)

  1. တရုတ်ဒုတိယသမ္မတ၏ အမေရိကန်ခရီးစဉ်စတင်

(BBC သတင်းဌာနမှ 13 Feb 2012 ရက်စွဲပါ China's Xi Jinping in closely-watched visit to US ကို ဘာသာ ပြန်ဆိုသည်)

***************************************************************************

ထိုင်းရတ်ချာဘူရီကုမ္ပဏီ ၂၀၁၂ ဘတ်ဂျက်ချမှတ်၍ မြန်မာ၌ လုပ်ငန်းချဲ့ရန် မျှော်မှန်း

(Reuters News မှ 14 Feb 2012 ရက်စွဲပါ Thai Ratchaburi Sets 2012 Capex sees Myanmar Expansion သတင်းကို ဘာသာပြန်ဆိုသည်။)

ထိုင်းနိုင်ငံ၏ ထိပ်တန်းပုဂ္ဂလိကဓာတ်အားထုတ်လုပ်သူ Ratchaburi Electricity Generating Holding Pcl ကုမ္ပဏီသည် ၂၀၁၂ အတွက် ဘတ်ငွေ ၈ ဘီလျံ(ဒေါ်လာသန်း ၂၆၀) ရင်းနှီးမြှုပ်နှံရန် စီစဉ်ထားပြီး၊ ထားဝယ်စီမံကိန်းနှင့် ပတ်သက်၍ မြန်မာနိုင်ငံတွင် ရင်းနှီးမြှုပ်နှံနိုင်မည့် အခွင့်အလမ်းများကို လေ့လာလျက်ရှိသည်။

ဇန်နဝါရီ ၁၀ ရက်တွင် မြန်မာအစိုးရက သဘာဝပတ်ဝန်းကျင်ထိခိုက်မှုကိုအကြောင်းပြ၍ မီဂါဝပ် ၄၀၀၀ ကျောက်မီးသွေးလောင်စာသုံး ဓာတ်အားပေးစက်ရုံတည်ဆောက်မှုကိုရပ်ဆိုင်းခဲ့ပြီးနောက်တွင် မိမိတို့ ရတ်ချာဘူရီ ကုမ္ပဏီအနေဖြင့် အခြားလောင်စာဆီသုံးအမျိုးအစားများကို ရှာဖွေလေ့လာနေသည်ဟု ကုမ္ပဏီဥက္ကဋ္ဌ နီပေါမီလင်သန်းဇွန်းက သတင်းထောက်များကိုပြောကြားသည်။

“ထားဝယ်စီမံကိန်းနဲ့ပတ်သက်တဲ့ ဖြစ်နိုင်ချေအားလုံးကို ကျွန်တော်တို့ လေ့လာနေတုန်းပါပဲ။ အဆုံးစွန် ပြောရမယ်ဆိုရင် အီတာလျံ၊ ထိုင်းကုမ္ပဏီနဲ့ မြန်မာအစိုးရက သဘောတူမှသာ ရှင်းလင်းတဲ့ အဖြေထွက် လာမှာပါ” ဟု နီပေါက ဆိုသည်။ ထားဝယ်စီမံကိန်းကို ဦးဆောင်နေသော အီတာလျံထိုင်းကုမ္ပဏီသည် မြန်မာတောင်ပိုင်း တနင်္သာရီကမ်းရိုးတမ်း ထားဝယ်ဒေသတွင် ရေနက်ဆိပ်ကမ်းနှင့် ဆက်စပ်စီမံကိန်းများ အကောင်အထည် ဖော်ရန်အတွက် မြန်မာအစိုးရနှင့် ဒေါ်လာ ၈ ဘီလျံ တန်ဖိုးရှိကန်ထရိုက်စာချုပ်ကိုလက်မှတ်ရေးထိုးခဲ့သည်။

ရတ်ချာဘူရီကုမ္ပဏီအနေဖြင့် လျှပ်စစ်ဓာတ်အားလိုအပ်ချက် များပြားလာနေသော နေပြည်တော်နှင့် ရန်ကုန်မြို့ အပါအဝင် မြန်မာနိုင်ငံရှိ အခြား မြို့ကြီးများတွင် ထပ်မံရင်းနှီးမြှုပ်နှံနိုင်မည့် အခွင့်အလမ်းများကိုလည်း လေ့လာ သုံးသပ်နေသည်ဟု နီပေါက ပြောကြားသည်။ “မြန်မာနိုင်ငံဟာ နိုင်ငံတကာစံမီအောင် ကြိုးစားတော့မည်အဆင့်တစ်ခုထဲကို ဝင်ရောက်နေပါပြီ၊ ဒီအခြေအနေဟာ ကျွန်တော်တို့သွားရောက် ရင်းနှီးမြှုပ်နှံဖို့အတွက် အခွင့်အလမ်း တံခါးတွေ အများကြီးဖွင့် ပေးထားပါတယ်” ဟု နီပေါက သုံးသပ်ပြောဆိုသည်။ ရတ်ချာဘူရီကုမ္ပဏီသည် ယခုနှစ်အတွက် ရင်းနှီးမြှုပ်နှံမှု ဘတ်ဂျက်အဖြစ် ဘတ်ငွေ ၈ ဘီချံချမှတ်ထားပြီး လက်ရှိလည်ပတ်နေသောဓာတ်ပေးစက်ရုံ ၁၃ ခု ပြုပြင်ထိန်းသိမ်းရေးနှင့် သဘောတူညီချက် ရပြီးသား အပါအဝင် စီမံကိန်းသစ်များအတွက် အဓိကရည်ရွယ်ခြင်းဖြစ်သည်ဟုသိရှိရသည်။

အခြားသောထိုင်းအင်အားကြီးကုမ္ပဏီများကဲ့သို့ပင် ရတ်ချာဘူရိကုမ္ပဏီသည် လျှပ်စစ်ဓာတ်အားပေး မလုံလောက်သော သြစတြေးလျ၊ လာအိုနှင့် အခြားအိမ်နီးခြင်းနိုင်ငံများတွင် ရင်းနှီးမြှုပ်နှံ၊ စီးပွားရှာနိုင်မည့် အခွင့်အလမ်းများကို ရှာဖွေလေ့လာလျက်ရှိပြီး၊ ၂၀၁၂ အတွင်း အခြား ရွေးချယ်စရာ လျှပ်စစ်ဓာတ်အားထုတ်လုပ်ရေး နည်းလမ်းများနှင့် ဆက်စပ် စီးပွားရေးလုပ်ငန်းများကိုအဓိကဦးတည်လေ့လာမည်ဖြစ်သည်။ “ကျွန်တော်တို့ ရတ်ချာဘူရီ ကုမ္ပဏီရဲ့ ရည်မှန်းချက်ကတော့ ကျွန်တော်တို့ စိတ်ဝင်စားတဲ့ စီမံကိန်းတိုင်းမှာ အနည်းဆုံး ၂၅ ရာခိုင်နှုန်းရင်းနှီးမြှုပ်နှံဖို့ဖြစ်ပါတယ်” ဟုနီပေါက ဆိုသည်။

ရက်ချာဘူရီကုမ္ပဏီသည် ၎င်း၏ လက်ရှိတပ်ဆင်ထုတ်လုပ်နိုင်စွမ်း ၅၁၃၁ မီဂါဝပ်ကို ၂၀၁၂ နှစ်ကုန် တွင် မီဂါဝပ် ၃၀၀ ထပ်မံတိုးမြှင့်ရန် မျှော်လင့်ထားပြီးအသစ်ထပ်မံထုတ်လုပ်မှုကိုနေစွမ်းအင်သုံးဓာတ်ပေးစက်ရုံ နှစ်ခုနှင့် သြစတြေးလျရှိ ၎င်း၏ Ratch, Australia Corporation LTD ထံမှ ရရှိမည်ဟု သိရှိရသည်။ ပြီးခဲ့သောမေလတွင် ရက်ချာဘူရီကုမ္ပဏီသည် သြတြေးလျးဓာတ်အားပေးစက်ရုံထုတ်လုပ်သူTransfield Services Infrastructure fund ကုမ္ပဏီတွင် အဓိကပင်မရှယ်ယာဝယ်ယူ၍ TransfieldကိုRatch-Australia Corporation LTD ဟုအမည်ပြောင်းလဲခဲ့သည်။ ရတ်ချာဘူရီ ကုမ္ပဏီတွင် နိုင်ငံပိုင် ထိုင်းလျှပ်စစ်ဓာတ်အား ထုတ်လုပ်မှု အာဏာပိုင်လုပ်ငန်းက ၄၅ ရာခိုင်နှုန်း ရှယ်ယာပါဝင်သည်။

ပြီးခဲ့သောအင်္ဂါနေ့တွင် ကုမ္ပဏီကသတင်းထုတ်ပြန်ရာတွင်မူ နိုင်ငံတွင်းလေးပုံတစ်ပုံခန့် ရေလွှမ်းမိုးကာ ဓာတ်အားသုံးစွဲမှု လျော့နည်း သွားခြင်းကြောင့် ၂၀၁၁ အတွက် အသားတင် အမြတ်ငွေ ၇.၄ ရာခိုင်နှုန်း ကျဆင်းသွားသည်ဟုဖော်ပြထားသည်။ ရတ်ချာဘူရီကုမ္ပဏီက ၎င်း၏ ရှယ်ယာများကို ဘွန်းစာချုပ်များဖြင့် ဒေါ်လာသန်း ၅၀၀ ဖိုး ရောင်းချသွားမည်ဖြစ်ပြီး ရရှိသောဘဏ္ဍငွေများကိုချေးငွေပြန်ဆပ်ခြင်း၊ ဓာတ်အား ထုတ်လုပ်မှုနှင့် ဆက်စပ်ရင်းနှီးမြှုပ်နှံခြင်းနှင့် လုပ်ငန်း လည်ပတ်မှု ရင်းနှီးငွေများအဖြစ် အသုံးပြုသွားမည်ဟုဆိုသည်။

***************************************************************************

မြန်မာနှင့် ပိုမိုဆက်သွယ်ဆောင်ရွက်ရန် စင်ကာပူမျှော်မှန်း

(Channel News Asia မှ 14 Feb 2012 ရက်စွဲပါ S’pore eyes more links with Myanmar ကို ဘာသာ ပြန်ဆိုသည်။)

စင်္ကာပူနိုင်ငံသည် စီးပွားရေး၊ နိုင်ငံရေးဆိုင်ရာပိုမိုတံခါးဖွင့် ပွင့်လင်းလာသော မြန်မာနိုင်ငံနှင့်ဆက်သွယ် ဆောင်ရွက်မှုများ ပိုမိုတိုးတက်ရန် မျှော်လင့်နေသည်ဟု နိုင်ငံခြားရေးဝန်ကြီးကေရှန်မူဂမ်က ပြောကြားလိုက်သည်။ အင်္ဂါနေ့က ပါလီမန်တွင် စင်္ကာပူ-မြန်မာ နှစ်နိုင်ငံဆက်ဆံရေး အနေအထားနှင့် ၂၀၁၄ အာဆီယံဥက္ကဋ္ဌ နေရာကို တာဝန်မယူခင် မြန်မာနိုင်ငံအတွက် တိုးတက်ပြောင်းလဲမှု အဆင့်သတ်မှတ်ချက်များကို အာဆီယံက ပစ်မှတ်ထားရေး စသောကိစ္စရပ်များနှင့် ပတ်သက်သည့် မေးခွန်းများကိုရှန်မူဂမ်က ပြန်လည် ဖြေကြားခဲ့ခြင်းဖြစ်သည်။

ရှန်မူဂမ်ကစင်္ကာပူနှင့် မြန်မာနိုင်ငံတို့သည် ကာကြာရှည်ကောင်းမွန်၊ ခိုင်မြဲသောဆက်ဆံရေးရှိခဲ့ကြပြီး ၂၀၁၄ အာဆီယံဥက္ကဋ္ဌတာဝန်ကို ယူမည့် မြန်မာနိုင်ငံကို စင်္ကာပူက ကြိုဆိုထောက်ခံသည်ဟုဆက်လက်ပြော ကြားသည်။ စင်္ကာပူနိုင်ငံခြားရေးဝန်ကြီးကဆက်လက်၍ အာဆီယံအဖွဲ့သည် ဥက္ကဋ္ဌနေရာနှင့် ပတ်သက်၍ ပြောင်းလဲ တိုးတက်ရေး ကိစ္စကို စည်းကမ်းသတ်မှတ်ချက်အဖြစ် လုံးဝမချမှတ်ခဲ့ကြောင်း၊ ဤအစား မြန်မာအစိုးရကသူတို့ ချမှတ်ထားသော အဆင့် ၇ ဆင့် လမ်းညွှန်မြေပုံအတိုင်းဆောင်ရွက်နိုင်အောင် အာဆီယံကစောင့်ကြည့် အားပေးခဲ့ကြောင်း၊ ၂၀၁၄ အာဆီယံဥက္ကဋ္ဌ တာဝန်သည်လည်း လက်ရှိအရှိန်အဟုန်ကို မြန်မာနိုင်ငံဆက် လက်ထိန်းထားရန် အခွင့်အလမ်း တစ်ရပ်ပင်ဖြစ်ကြောင်း ရှင်းလင်းပြောဆိုသည်။

“အာဆီယံဥက္ကဋ္ဌတာဝန်ကို ယူလိုက်ပြီဆိုရင် မြန်မာနိုင်ငံဟာအဖွဲ့ရဲ့ ပြင်ပဆက်ဆံရေးမျက်နှာဖုံးဖြစ်လာမှာပါ။ ဒါဆိုရင် သူတို့နိုင်ငံရဲ့ အကျိုးစီးပွားကို သာမကပဲ အာဆီယံတစ်ဖွဲ့လုံးရဲ့ အကျိုးစီးပွားကိုပါ ကာကွယ်လုပ်ဆောင် ပေးရတော့မှာပါ” ဟုရှန်မူဂမ်က ဆိုသည်။ “ဒါ့အပြင် ဥက္ကဋ္ဌ တာဝန်ယူတဲ့ မြန်မာနိုင်ငံဟာအာဆီယံအဖွဲ့ရဲ့ ပြင်ပမိတ်ဆွေနိုင်ငံတွေ ယုံကြည်စိတ် ချမှုရှိအောင် လုပ်ပြရမှာဖြစ်ပါတယ်။ ကျွန်တော်တို့ အာဆီယံအဖွဲ့ဟာ ၂၀၁၅ မှာအာဆီယံအသိုင်းအဝိုင်းတစ်ခုထဲ ဖြစ်လာအောင် ဦးတည်ပြီးတိုးတက်ပြောင်းလဲရေးကို ဆက်လက်လုပ်ဆောင်ကြမှာပါ” ဟုစင်္ကာပူဝန်ကြီးက ပြောကြားသည်။

“ကမ္ဘာကြီးကတော့ စောင့်ကြည့်နေပါပြီ။ လက်ရှိ မြင်တွေ့မှုတွေအရ မြန်မာနိုင်ငံဟာ အာဆီယံဥက္ကဋ္ဌတာဝန်ကို အောင်မြင်အောင် အားထုတ် ကြိုးစားလိမ့်မယ်လို့ ကျွန်တော်တို့ယုံကြည်ပါတယ်။ ၂၀၁၄ ဥက္ကဋ္ဌ တာဝန်ယူရင်း မြန်မာတွေ အောင်မြင်မှုရလဒ် ရရှိအောင် စင်္ကာပူနိုင်ငံက အတူတကွ Ɯ