Posts
 | yangonchronicle2011 |
၂၈. ၄.၂၀၁၂
ပြည်တွင်းသတင်းများ
- ပဲခူး ကလပ် နိုင်ငံခြားရေးဝန်ကြီးရုံးဟောင်း ဟိုတယ်အဖြစ်ပြောင်းလဲ
- မေလ ၁၅ ရက်နေ့တွင် မြန်မာစီးပွားရေး ညီလာခံ ကျင်းပမည်
ပြည်တွင်းပါတီ၊ နိုင်ငံရေးသတင်းများ
- အမျိုးသားညီလာခံကြီးတစ်ရပ် ကျင်းပမည်
- ဗ.က.သမှ ကျောင်းသားကျောင်းသူများထံသို့ ပြန်ကြားချက်စာတစ်စောင် ထုတ်ပြန်
သတင်းနှင့် ဆောင်းပါးများမှ ကောက်နှုတ်ချက်များ
*****************************************
ပြည်တွင်းသတင်းများ
ပဲခူး ကလပ် နိုင်ငံခြားရေးဝန်ကြီးရုံးဟောင်း ဟိုတယ်အဖြစ်ပြောင်းလဲ
ရန်ကုန်တိုင်းဒေသကြီး၏ စီးပွားရေးအချက်အခြာနေရာတစ်ခုဖြစ်သော ဒဂုံမြို့နယ်အတွင်းရှိ ပဲခူးကလပ်ဟုခေါ်သည့် နိင်ငံခြားရေးဝန်ကြီးရုံး ဟောင်းကို စက်မှုဝန်ကြီးဟောင်း ဦးအောင်သောင်းနှင့်နီးစပ်သူ ဦးရဲဝင်းဆိုသူက ဟိုတယ်အဖြစ်လုပ်ကိုင်ခွင့်ရသွားကြောင်း ထိပ်တန်းစီးပွားရေး လုပ်ငန်း ရှင်ကြီးတစ်ဦးက ပြောကြားသည်။
လက်သိပ်ထိုး အမည်ခံလေလံကို ဦးအောင်သောင်းနှင့်နီးစပ်သူ စက်မှုဇုံထုတ်ကားများကို လုပ်ကိုင်ခဲ့သူ ဦးရဲဝင်းက သိန်းတစ်သောင်းဖြင့် နှစ်၆၀ လုပ်ကိုင်ခွင့် ရရှိသွားကြောင်း၊ ဦးရဲဝင်းနှင့်အတူ စင်္ကာပူကုမ္ပဏီတစ်ခုက ငွေရင်းစိုက်ထုတ်ကာ ပြန်လည်ပြင်ဆင်မည်ဖြစ်ပြီး ပထမငါးနှစ်ကို ဦးရဲဝင်းက ဟန်ပြလုပ်ကိုင်မည်ဖြစ်ကာ ကျန်နှစ်များကို စင်္ကာပူကုမ္ပဏီက ဆက်လက်လုပ်ကိုင်သွားရန် စည်းဝါးရိုက်ထားကြောင်း အထက်ပါပုဂ္ဂိုလ်က ဆက်လက် ရှင်းပြသည်။
ပဲခူးကလပ်ဝင်းအတွင်းရှိ မြေကွက်လွတ်ကို အထက်၂၂ ထပ်ဟိုတယ်အဖြစ် တည်ဆောက်မည်ဖြစ်ပြီး အဆောက်အဦးဟောင်းအတွင်း အမျိုး သားခေါင်းဆောင် ဗိုလ်ချုပ်အောင်ဆန်း ရုံးထိုင်ခဲ့သောအခန်းပုံစံတူနှင့် ဗိုလ်ချုပ်ပုံတူများထားရှိကာ ပြခန်းအဖြစ်ထားရှိမည်ဖြစ်ကြောင်း ပြုပြင်မွမ်းမံ မှုများအတွက် ဂျပန်ကုမ္ပဏီတစ်ခုကို ငှါးရမ်းပြင်ဆင်နေကြောင်း ၎င်းက ဆိုသည်။
MP
-----------------------------------------------------------------------------------------------------------------------------------
မေလ ၁၅ ရက်နေ့တွင် မြန်မာစီးပွားရေး ညီလာခံ ကျင်းပမည်
၂၀၁၂ မေလ ၁၅ ရက်နေ့တွင် စီးပွားရေးအချက်အချာကျသည့် ရန်ကုန်နှင့် နေပြည်တော်တို့၌ ပဉ္စမအကြိမ်မြောက် မြန်မာစီးပွားရေး ညီလာခံကို ကျင်းပပြုလုပ်သွားမည်ဖြစ်ကြောင်း ပြည်တွင်းကုမ္ပဏီတစ်ခုမှ တာဝန်ရှိသူတစ်ဦးက ပြောကြားသည်။
“လာမည့် မေလ ၁၅ ရက်နေ့မှာ စီးပွားရေးညီလာခံကြီးတစ်ခု ကျင်းပပြုလုပ်သွားမှာပါ။ မြန်မာနိုင်ငံမှာ စီးပွားရေး ရင်းနှီးမြှုပ်နှံတာတွေ ပြုလုပ် မယ့် နိုင်ငံတကာက စီးပွားရေးလုပ်ငန်းရှင် ၁၀၀ ကျော်တက်ရောက်လိမ့်မယ်လို့ ထင်ပါတယ်”ပာု အထက်ပါပုဂ္ဂိုလ်က ဆက်လက်ဆိုသည်။
မြန်မာနိုင်ငံအတွင်း အစိုးရသစ်လက်ထက်မှစတင်၍ စီးပွားရေးပြုပြင်ပြောင်းလဲမှုများကို လုပ်ဆောင်ပြသခဲ့သည့်အတွက် ကမ္ဘာ့နိုင်ငံအချို့မှ စီးပွားရေးလုပ်ငန်းရှင်များမှာ မြန်မာနိုင်ငံအတွင်း ရင်းနှီးမြှုပ်နှံမှုများပြုလုပ်ရန် စိတ်ဝင်စားလျက်ရှိပြီး လက်ရှိအချိန်တွင် နိုင်ငံတွင်း ရင်းနှီးမြှုပ်နှံမည့် လုပ်ငန်းရှင်များမှာ ရေနံနှင့်သဘာဝဓာတ်ငွေ့လုပ်ငန်း၊ ပာိုတယ်လုပ်ငန်း၊ ဆောက်လုပ်ရေးလုပ်ငန်း၊ မော်တော်ယာဉ် ထုတ်လုပ်ရေးလုပ်ငန်း၊ ဆက်သွယ် ရေးနှင့် နည်းပညာလုပ်ငန်း ကဏ္ဍတို့တွင် ရင်းနှီးမြှုပ်နှံမှုများပြုလုပ်နိုင်ရန် မြန်မာနိုင်ငံရှိ တာဝန်ရှိသူများနှင့် ဆွေးနွေးညှိနှိုင်းမှုများ ပြုလုပ်လျက်ရှိကြောင်း သိရသည်။
“မြန်မာနိုင်ငံရဲ့ စီးပွားရေးဖွံ့ဖြိုးတိုးတက်မှုတွေအတွက် အနာဂါတ်အလားအလာကတော့ ကောင်းနေပါပြီ။ ပြီးတော့ လာမယ့် ၂၀၁၅ မှာ ဖြစ်ပေါ် လာမယ့် အာဆီယံဒေသတွင်း လွတ်လပ်စွာကုန်သွယ်ခွင့်(AFTA)အတွက်လည်း ပြည်တွင်းကလုပ်ငန်းရှင်တွေ ပြင်ဆင်သင့်နေပါပြီ”ပာု ပြည်တွင်း စီးပွား ရေးလုပ်ငန်းရှင်တစ်ဦးက ဆိုသည်။
မြန်မာစီးပွားရေးညီလာခံကို ၁၉၉၄ ခုနှစ်မှ စတင်ကျင်းပခဲ့ခြင်းဖြစ်ပြီး ၁၉၉၇ ခုနှစ်တွင် စင်္ကာပူနိုင်ငံ၌ နောက်ဆုံးကျင်းပ၍ အခြေအနေ အကြောင်းအမျိုးမျိုးကြောင့် ရပ်ဆိုင်းခဲ့ရကြောင်း သိရသည်။
YC
*****************************************
ပြည်တွင်းပါတီ၊ နိုင်ငံရေးသတင်းများ
အမျိုးသားညီလာခံကြီးတစ်ရပ် ကျင်းပမည်
မကြာမီကာလအတွင်း ပြည်တွင်းရှိ တိုင်းရင်းသားလက်နက်ကိုင်တပ်များ အားလုံးပါဝင်သည့် အမျိုးသားညီလာခံ (National Assembly) အစည်းအဝေးပွဲကြီးကို ကျင်းပပြုလုပ်သွားမည်ဖြစ်ကြောင်း ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးအောင်မင်းက ပြောကြားသည်။
မကြာသေးမီကာလအတွင်းက KNU နှင့် ပြည်ထောင်စုအဆင့် ငြိမ်းချမ်းရေးဆွေးနွေးပွဲတစ်ခုတွင် ဦးအောင်မင်းက “အခု နိုင်ငံတော်သမ္မတကြီး ချမှတ်ပေးထားတဲ့ ငြိမ်းချမ်းရေးလမ်းပြမြေပုံ အဆင့်(၃)ဆင့်အရ ပထမအဆင့်ဖြစ်တဲ့ တိုင်းရင်းသား လက်နက်ကိုင်တပ်တွေနဲ့ အပစ်အခတ်ရပ်စဲရေး သဘာတူစာချုပ်တွေကို လက်မှတ်ရေးထိုးပြီး ဖြစ်ပါတယ်။ လက်ရှိအချိန်မှာတော့ ဒုတိယအဆင့်ဖြစ်တဲ့ နိုင်ငံရေးအရ စေ့စပ်ညှိနှိုင်းမှုတွေကို စတင်နေပါပြီ။ နောက်ဆုံးတတိယအဆင့်ဖြစ်တဲ့ တိုင်းရင်းသားလက်နက်ကိုင် အဖွဲ့အစည်းအားလုံးပါဝင်တဲ့ အမျိုးသားညီလာခံ အစည်းအဝေးပွဲကြီး (National Assembly) ကို ကျင်းပပြုလုပ် သွားမှာ ဖြစ်ပါတယ်”ပာု ပြောကြားသည်။
ထိုသို့ တိုင်းရင်းသားလက်နက်ကိုင်တပ်များ အားလုံးပါဝင်သည့် အမျိုးသားညီလာခံကြီးတစ်ရပ် ကျင်းပရာတွင် ဖွဲ့စည်းပုံအခြေခံဥပဒေ၌ ပါရှိ သည့် တိုင်းရင်းသားများ၏ ရပိုင်ခွင့်နှင့် ပတ်သက်၍ အချက်အလက်အားလုံးကို တိုင်းရင်းသားများသို့ ပေးအပ်သွားမည်ဖြစ်ပြီး ဖွဲ့စည်းပုံအခြေခံဥပဒေမှ ခွင့်မပြုသည့်အချက်များမှ လွဲ၍ ကျန်အချက်များကို ပေးနိုင်သမျှ ပေးအပ်သွားမည်ဖြစ်ကြောင်း ငြိမ်းချမ်းရေးဖော်ဆောင်ရေးအဖွဲ့မှ တာဝန်ရှိသူ တစ်ဦးက ပြောကြားသည်။
“အခုချိန်ထိ ကချင်ပြည်နယ်က တချို့နေရာတွေမှာ တပ်မတော်နဲ့ တိုင်းရင်းသား လက်နက်ကိုင်တွေ ပစ်ခတ်နေတုန်းပဲ။ တိုက်ပွဲဖြစ်ပြီဆို အရင်ဆုံး ဒုက္ခရောက်ရတာက ပြည်သူပဲ။ စစ်ဘေးရှောင်သူတွေရဲ့ ဒုက္ခသည်စခန်းမှာလည်း တော်တော်ကို အကူအညီတွေ လိုအပ်နေပါတယ်။ ပြည်တွင်း စစ် မြန်မြန်ငြိမ်းချမ်းဖို့ အရေးကြီးနေပါပြီ”ပာု မြန်မာ့အရေး လေ့လာနေသူတစ်ဦးက ဆိုသည်။
မြန်မာနိုင်ငံတွင် အစိုးရသစ်လက်ထက်မှ စတင်၍ နိုင်ငံရေးနှင့် စီးပွားရေးပြုပြင်ပြောင်းလဲမှုများကို လုပ်ဆောင်ပြသခဲ့သည့်အတွက် ပြည်တွင်းရှိ တိုင်းရင်းသားလက်နက်ကိုင်တပ်အချို့မှ အစိုးရနှင့် ငြိမ်းချမ်းရေးဆွေးနွေးမှုများ ပြုလုပ်ရန် သဘောတူညီခဲ့ကြသည်။
YC
-----------------------------------------------------------------------------------------------------------------------------------
ဗ.က.သမှ ကျောင်းသားကျောင်းသူများထံသို့ ပြန်ကြားချက်စာတစ်စောင် ထုတ်ပြန်
ဧပြီလ ၂၇ရက်နေ့တွင် ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်မှ မြန်မာနိုင်ငံရှိ ကျောင်းသားကျောင်းသူများသို့ ဗမာနိုင်ငံလုံး ဆိုင်ရာ ကျောင်းသားသမဂ္ဂများအဖွဲ့ချုပ်(ဗ.က.သ)အား ယခုနှစ် ၂၀၁၂ခုနှစ်မှစ၍ တစ်နိုင်ငံလုံးတွင် ပြန်လည်ဖြစ်ထွန်းလာစေရန် ရည်ရွယ်ချက် ပါရှိသည့် ပြန်ကြားချက်တစ်စောင်အား ထုတ်ပြန်လိုက်သည်ဟု သတင်းရရှိသည်။
“ပြန်ကြားချက်စာထဲမှာ ဒီနှစ်ကနေစပြီး ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်ဆိုတဲ့ ဗ.က.သအဖွဲ့ချုပ်ကို တစ်နိုင်ငံလုံးမှာ ပြန်လည်ပေါ်ပေါက်လာဖို့ ကြိုးစားမယ်ဆိုတဲ့အချက်ကို ဦးဆုံးဖော်ပြထားပါတယ်။ ပြီးတော့ ကျွန်တော်တို့အဖွဲ့ဝင်တွေကို အမျိုးမျိုးလှည့်ပြီး ခြိမ်းခြောက်မှု တွေ ဖိအားပေးမှုတွေလုပ်တဲ့ အာဏာပိုင်တွေနဲ့ပတ်သက်ပြီးလည်း ဝိုင်းဝန်းဖြေရှင်းကြရန်ဆိုတဲ့အချက်ကိုလည်း ထည့်သွင်းထားပါတယ်”ဟု ယင်းအဖွဲ့ချုပ် မှ အဖွဲ့ဝင်တစ်ဦးက ပြောကြားသည်။
ထို့နောက် ၎င်းတို့အဖွဲ့သည် ဗကသအဖွဲ့ချုပ် ပြန်လည်ဖြစ်ထွန်းလာရေးအတွက် ပိုမိုခိုင်မာစေရန်နှင့် လှုပ်ရှားမှုများ အဆက်မပြတ် ဆောင်ရွက် နိုင်စေရန် သတင်းကွန်ယက်အား ပြုလုပ်သွားမည်ဖြစ်ကြောင်း၊ ယင်းအပြင် တစ်နိုင်ငံလုံးတွင် ပညာသင်ဘက်များဖြစ်သည့် ညီအစ်ကိုများကြောင့် ခရိုင် သမဂ္ဂပေါင်း (၁၀)ခု၊ ဒေသဆိုင်ရာသမဂ္ဂ (၂)ခု၊ မြို့နယ်သမဂ္ဂ (၃)ခု၊ လူမျိုးစုသမဂ္ဂ (၁)ခုနှင့် တက္ကသိုလ်ကောလိပ် ကျောင်းသားသမဂ္ဂများလည်း ပေါ်ထွန်း လာခဲ့ပြီးဖြစ်ကြောင်း ယင်းပြန်ကြားချက်ထဲတွင် ထည့်သွင်းဖော်ပြထားခြင်းမှ သိရှိရသည်။
ထို့ပြင် ယင်းပြန်ကြားချက်စာထဲ၌ အချက် ၆ချက်ပါရှိပြီး ယင်းအချက်များထဲတွင် ကျောင်းသားသမဂ္ဂများအား နည်းလမ်းပေါင်းစုံဖြင့် ချိတ်ဆက် ထားပြီး ဖြစ်ပေါ်လာသည့်အန္တရာယ်များအား အတူတူဝိုင်းဝန်းဖြေရှင်းမည်ဆိုသည့်အချက်များလည်း ထည့်သွင်းထားကြောင်း အထပ်ပါပုဂ္ဂိုလ်၏ ပြောကြား ချက်အရ သိရသည်။
ATM
****************************************
သတင်းနှင့် ဆောင်းပါးများမှ ကောက်နှုတ်ချက်များ
''မြန်မာနိုင်ငံရဲ့ အနာဂတ်မှာ ပြည်တွင်းပြည်ပ လုပ်ငန်းတွေ များပြားလာနိုင်တယ်။ သုံးစွဲလည်ပတ်လာတဲ့ ငွေကြေးတွေ များလာနိုင်တယ်။ နိုင်ငံ့စီးပွားရေး တည်ငြိမ်မှုကို မထိခိုက်အောင် ထိန်းလို့ရတဲ့နည်းတွေလည်း အများကြီးရှိတယ်။ ငွေချေး စာချုပ်လိုမျိုး၊ ရွှေထုတ်ရောင်းတာမျိုး၊ ပိုနေတဲ့ငွေတွေ ဝယ်တာ မျိုး၊ အခွန်ကောက်ခံတာမျိုး စတဲ့နည်းတွေနဲ့ ထိန်းကျောင်းသွားလို့ ရနိုင်ပါတယ်။ အစိုးရအနေနဲ့ ယုံကြည်စိတ်ချရတဲ့ စီးပွားရေး ပတ်ဝန်းကျင် ဖြစ်လာ အောင် မူဝါဒချမှတ်နိုင်ဖို့ အစဉ်အဆက်ကြိုးစားဖို့ လိုတယ်။ အရင်တုန်းက မူဝါဒကို ဟိုပြောင်းဒီပြောင်း ခဏခဏလုပ်ခဲ့ဖူးပေမယ့် အခုအစိုးရလက်ထက် မှာတော့ ပါလီမန်ကတစ်ဆင့် သွားမှာဖြစ်တာကြောင့် လုပ်ချင်တာလုပ်တာမျိုး နည်းသွားနိုင်မယ်လို့ ယူဆပါတယ်။ အဓိကကတော့ အပြောင်းအလဲ လုပ် ချင်တဲ့စိတ်၊ ပြောင်းလဲမှုမှာ တိုးတက်အောင်လုပ်ချင်တဲ့ သန္နိဋ္ဌာန်ရှိဖို့ပဲ လိုပါတယ်”
ဧပြီ ၂၆ ထုတ် BiWeekly ELEVEN အတွဲ (၇) အမှတ် (၂၉) တွင်ပါသည့် “မြန်မာနိုင်ငံတွင် ရင်းနှီးမြှုပ်နှံမှုနှင့် ကုန်သွယ်မှုများ သိသိသာသာ တိုးတက်လာဖွယ်ရှိ၍ နိုင်ငံ၏ စီးပွားရေးတည်ငြိမ်အောင် ထိန်းသိမ်းနိုင်ရန် အရေးကြီးကြောင်း အာရှဖွံ့ဖြိုးရေးဘဏ်ပြောကြား” သတင်းမှ ပါမောက္ခ ဦးမော်သန်း၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
“ယခုအခါ အချို့အချို့သော စာဖတ်အသင်းတို့တွင် လူငယ်ကလေးများသည် နိုင်ငံရေးတွင် ဗိုလ်ချုပ်အောင်ဆန်းမှစ၍ တစ်ယောက်မကျန် ဝေဖန်ကြ သည့်အပြင် ဖြစ်ပေါ်လာသော အရေးကိစ္စများကိုလည်း ဝေဖန်နေကြ၏။ ၎င်းတို့အား အမှားအမှန်ပြုပြင်ပေးမည့်သူကား မရှိကြပေ။ ၎င်းတို့ဝေဖန်မှုသည် အရပ်သတင်းအဖြစ်သို့ ရောက်သွားစေခြင်းဖြင့် အကျိုးထက်အပြစ်ကို ဖြစ်စေတော့၏။ ထိုမှသတပါး လွတ်လပ်စွာဝေဖန်ခွင့် ရှိသည်ဟူရာ၌ ဝေဖန်ခွင့် ရှိသလောက် တာဝန်လည်း ရှိလေသည်။ မိမိတို့၌ရှိသော လွတ်လပ်စွာဝေဖန်ခွင့်ကို အသုံးချခြင်းဖြင့် တိုင်းပြည်၌အကျိုးမဖြစ်ဘဲ အဆိုးဖြစ်မည်ဆိုလျှင် ထိုလွတ်လပ်ခွင့် ကို အသုံးမပြုကြရာ။ အသုံးပြုကြလျှင် လွတ်လပ်ခွင့်ကို အလွဲသုံးစားပြုရာ ရောက်သည်ကို သတိပြုသင့်ကြပေသည်”
ဧပြီ ၂၇ ထုတ် သတင်းသစ် အမှတ် ၁/၀၀၅ တွင်ပါသည့် ဖိုးသောကြာ(ခေတ်+မိုး) ရေးသားသည့် “လွတ်လပ်စွာ ဝေဖန်ခွင့်” ဆောင်းပါးမှ ကောက်နှုတ်ချက်
-----------------------------------------------------------------------------------------------------------------------------------
“ကျမ်းကျိန်လွှာကိစ္စက ပြည်သူတွေကို ကတိပေးခဲ့တဲ့အတိုင်း ကျွန်မတို့ရဲ့ ကတိတွေကို ကျွန်မတို့က ပြန်ပြီးတော့ အကောင်အထည်ဖော်တာ ဖြစ်ပါတယ်။ ကျွန်မတို့ အခုလုပ်နေတာတွေက ကျွန်မတို့ ရွေးကောက်ပွဲမတိုင်မီက ကတိပေးခဲ့တာတွေနဲ့ အပြောင်းအလဲမရှိဘဲ အကောင်အထည်ဖော်နေတာ ဖြစ်ပါ တယ်။ ရွေးကောက်ပွဲ မတိုင်မီမှာ တစ်မျိုးပြော၊ ရွေးကောက်ပွဲပြီးတဲ့အခါ တစ်မျိုးပြော အဲဒီလိုမျိုးနိုင်ငံရေးသမားတွေမှာ NLD မပါဘူး”
မေ ၁ ထုတ် New Watch အတွဲ (၇) အမှတ် (၄၃) တွင်ပါသည့် “ထွက်ပေါက်မရှိသည့် နိုင်ငံရေးလမ်းစဉ်ဖြစ်အောင် NLD မလုပ်ဟု ဒေါ်အောင်ဆန်းစုကြည်ဆို”သတင်းမှ ဒေါ်အောင်ဆန်းစုကြည် ၏ ပြောကြားချက်အပေါ် ကောက်နှုတ်ချက်
**************************************
Google Docs makes it easy to create, store and share online documents, spreadsheets and presentations.
