Posts
 | yangonchronicle2011 |
၂၄.၆.၂၀၁၂
ပြည်တွင်းသတင်းများ
- ပြည်နယ်နှင့် တိုင်းဒေသကြီးအလိုက် အဝေးပြေးကုန်စည်ပို့ဆောင်ရေး လုပ်ငန်းရှင်များအသင်း ဖွဲ့စည်း
- အလုပ်သမားများ ည ၉ နာရီထက်ကျော်လွန်၍ အလုပ်ဆင်းခွင့် ပြုတော့မည်မပာုတ်
- မြေယာလျော်ကြေးငွေနှင့် ပတ်သက်၍ CNPC သတင်းစာရှင်းလင်းပွဲပြုလုပ်
ပြည်တွင်းပါတီ၊ နိုင်ငံရေးသတင်းများ
- ဗြိတိန်ရောက် မြန်မာမိသားစုများနှင့် တွေ့ဆုံမှုပြုလုပ်
သတင်းနှင့် ဆောင်းပါးများမှ ကောက်နှုတ်ချက်များ
*****************************
ပြည်တွင်းသတင်းများ
ပြည်နယ်နှင့် တိုင်းဒေသကြီးအလိုက် အဝေးပြေးကုန်စည်ပို့ဆောင်ရေး လုပ်ငန်းရှင်များအသင်း ဖွဲ့စည်း
မြန်မာနိုင်ငံအတွင်း ကုန်သွယ်မှုလုပ်ငန်းများ လုပ်ကိုင်ရာတွင် အဆင်ပြေနိုင်စေရန်နှင့် အဝေးပြေး ကုန်စည်ပို့ဆောင်ရေးလုပ်ငန်းများ လုပ်ကိုင်ရာ တွင် ပိုမိုလွယ်ကူချောမွေ့နိုင်စေရန် ပြည်နယ်နှင့် တိုင်းဒေသကြီးများအလိုက် အဝေးပြေးကုန်စည်ပို့ဆောင်ရေးဝန်ဆောင်မှု လုပ်ငန်းရှင်များအသင်းကို မကြာမီကာလအတွင်း ဖွဲ့စည်းသွားမည်ဖြစ်ကြောင်း ဗပာိုအဝေးပြေး ကုန်စည်ပို့ဆောင်ရေးဝန်ဆောင်မှု လုပ်ငန်းရှင်အသင်းချုပ်မှ တာဝန်ရှိသူတစ်ဦး၏ ပြောကြားချက်အရ သိရှိရသည်။
ယခုကဲ့သို့ ပြည်နယ်နှင့် တိုင်းဒေသကြီးများအလိုက် အဝေးပြေးကုန်စည်ပို့ဆောင်ရေး ဝန်ဆောင်မှု လုပ်ငန်းရှင်များအသင်း ဖွဲ့စည်းတည်ထောင် ရခြင်းမှာ မြန်မာနိုင်ငံအတွင်း အဝေးပြေကုန်စည်ပို့ဆောင်ရေးလုပ်ငန်းများ ပိုမိုအဆင်ပြေနိုင်စေရန်၊ ကုန်စည်ပို့ဆောင်ရေးလုပ်ငန်းများအပေါ် ဝန်ထုတ်ဝန် ပိုးများဖြစ်နေသော လုပ်ငန်းများ လျှော့ချနိုင်ရန်၊ ကုန်စည်စီးဆင်းမှုဆိုင်ရာ သတင်းအချက်အလက်များ ရယူစုစည်းနိုင်ရန်အတွက်တို့ကြောင့်ဖြစ်ကြောင်း သိရသည်။
“မြန်မာနိုင်ငံရဲ့ အဝေးပြေးကုန်စည်ပို့ဆောင်မှုလုပ်ငန်း ပိုအဆင်ပြေနိုင်စေဖို့နဲ့ ကုန်စည်စီးဆင်းမှုတွေပိုမြန်ဆန်စေနိုင်ဖို့အတွက် ပြည်နယ်နဲ့ တိုင်း ဒေသကြီးတွေအလိုက် အဝေးပြေးကုန်စည်ပို့ဆောင်ရေးဝန်ဆောင်မှု လုပ်ငန်းရှင်များအသင်းကို ဖွဲ့စည်းတော့မှာပါ။ အခုလောလောဆယ်တော့ မန္တလေး တိုင်းဒေသကြီးနဲ့ ရှမ်းပြည်နယ်(မြောက်ပိုင်း)မှာ ဖွဲ့စည်းပြီးပါပြီ။ ဧရာဝတီတိုင်းဒေသကြီး၊ ပုသိမ်၊ စစ်ကိုင်းတိုင်းဒေသကြီး၊ မုံရွာ၊ မွန်ပြည်နယ်၊ ကရင်ပြည် နယ် ဘားအံနဲ့ မော်လမြိုင်တို့မှာ ဆက်ဖွဲ့သွားမှာပါ”ပာု ၎င်းက ဆက်လက်ဆိုသည်။
ထို့ပြင် လက်ရှိအချိန်သည် မိုးရာသီကာလဖြစ်သည့်အတွက် နယ်မြို့များမှ ရန်ကုန်သို့ တင်ပို့ကုန်ရှားပါးလာသည့်အတွက် ကုန်ပို့ခများ ကျဆင်း လာပြီး ယခု ဇွန်လလယ်တွင် ကျပ် ၃၇-၃၅ နှုန်းသို့ ကျဆင်းလာကြောင်း မန္တလေးကားဂိတ်ပိုင်ရှင်တစ်ဦးက ဆိုသည်။
“ခုကာလက မိုးဦးရာသီကာလဆိုတော့ နယ်မြို့တွေကနေ ရန်ကုန်ကို ကုန်စည်ပို့တာတွေ ရှားပါးလာပါပြီ။ အရင် ရှမ်းပြည်နယ်ကနေ ရန်ကုန်ကို အောက်ခံကုန် တစ်ပိဿာကို ကျပ် ၅၀-၅၅ နှုန်းရှိရာမှ ယခု ဇွန်လလယ်မှာ ကျပ် ၄၅-၄၀ နှုန်းကို ကျဆင်းသွားပါတယ်”ပာု အထက်ပါပုဂ္ဂိုလ်က ဆက်လက် ဆိုသည်။
မြန်မာနိုင်ငံသည် အစိုးရသစ်လက်ထက်မှစတင်၍ နိုင်ငံရေး၊ စီးပွားရေးလုပ်ငန်းများကို ပြုပြင်ပြောင်းလဲမှုများ လုပ်ဆောင်ခဲ့သည့် နိုင်ငံခြားရင်းနှီး မြှုပ်နှံမှုများ ပိုမိုဝင်ရောက်လာခဲ့သည့်အပြင် နယ်စပ်ကုန်သွယ်ရေးလုပ်ငန်းများလည်း ပိုမိုဖွံ့ဖြိုးလာခဲ့ကြောင်းသိရသည်။
Ref:(News Watch)
-----------------------------------------------------------------------------------------------------------------------------------
အလုပ်သမားများ ည ၉ နာရီထက်ကျော်လွန်၍ အလုပ်ဆင်းခွင့် ပြုတော့မည်မပာုတ်
စက်ရူံ၊ အလုပ်ရုံ လုပ်ငန်းရှင်များအနေဖြင့် ပြည်တွင်းရှိ အလုပ်သမားများအား ၎င်းတို့၏ ဆန္ဒအရ အချိန်ပိုအလုပ် လုပ်ကိုင်ခွင့်များ ပေးရမည်ဖြစ် သော်လည်း ည ၉ နာရီထက် ကျော်လွန်၍ အချိန်ပို အလုပ်မဆင်းခိုင်းကြရန် ၂၀၁၂ ဇွန်လ ၁၂ ရက်နေ့တွင် အလုပ်သမားဝန်ကြီးဌာနမှ စက်ရုံပိုင်ရှင်များ အား တွေ့ဆုံ၍ ပြောကြားကြောင်း သိရသည်။
“ပြည်တွင်းက အလုပ်သမားတွေကို သူတို့ဆန္ဒရှိတယ်ဆိုရင် အလုပ်ရှင်တွေက အချိန်ပိုဆင်းခွင့်ပြုရမှာပါ။ ဒါပေမယ့် ည ၉ နာရီထက်ကျော် ပြီးတော့ ခိုင်းလို့တော့မရပါဘူး။ တစ်နေ့ အလုပ်ချိန် ၈ နာရီထက် မကျော်ပဲနဲ့ တစ်ပတ်ကို ၄၄ နာရီထက် ပိုလုပ်ရမယ်ဆိုရင် အချိန်ပိုကြေးဆိုပြီး စေခိုင်း တာတွေ မလုပ်ရတော့ပါဘူး”ပာု အလုပ်သမားဝန်ကြီးဌာနမှ တာဝန်ရှိသူတစ်ဦးက ဆိုသည်။
ယခုနှစ်ပိုင်းအတွင်း၌ လုပ်ခလစာကိစ္စရပ်နှင့် ပတ်သက်၍ ရန်ကုန်တိုင်းဒေသကြီးအတွင်းရှိ စက်ရုံ (၁၁)ရုံတွင် အလုပ်ရှင်နှင့် အလုပ်သမားများ ကြား ပဋိပက္ခမျုား ဖြစ်ပွားခဲ့သည့်အနက် လက်ရှိအချိန်တွင် စက်ရုံ (၁၀)ရုံတွင် အလုပ်ရှင်နှင့် အလုပ်သမားများကြား သဘောတူညီချက်ရရှိထားကြောင်း အလုပ်သမားဝန်ကြီးဌာနမှ စက်မှုလက်မှုလုပ်ငန်းရှင်များ အသင်းသို့ အကြံပြုခဲ့ကြောင်း သိရသည်။
ထို့ပြင် အလုပ်သမားအခွင့်အရေးနှင့် ပတ်သက်သည့် နည်းဥပဒေနှင့် ဥပဒေများ မထွက်ရှိသေးသည်အချိန်ထိ အခြေခံလစာအား ၅၆၇၀၀ ကျပ် နှုန်းပေးရန် စက်မှုလက်မှုအသင်းအား အကြံပြုပြောထားကြောင်း အထက်ပါပုဂ္ဂိုလ်၏ ထပ်မံပြောကြားချက်အရ သိရှိရသည်။
Ref:News Watch
--------------------------------------------------------------------------------------------------------------------------------
မြေယာလျော်ကြေးငွေနှင့် ပတ်သက်၍ CNPC သတင်းစာရှင်းလင်းပွဲပြုလုပ်
မြန်မာနိုင်ငံအတွင်းကျောက်ဖြူ-ကူမင်း စွမ်းအင်ပိုက်လိုင်း လုပ်ကိုင်လျက်ရှိသည့် China National Proleum Corporation (CNPC)မှ ပိုက်လိုင်း ဖြတ်သန်းရာဒေသများရှိ မြေလျော်ကြေး၊ လယ်ယာစိုက်ခင်းသီးနှံများ လျော်ကြေးငွေပေးအပ်ရေးကိစ္စရပ်များနှင့် ပတ်သက်၍ ၂၀၁၂ ဇွန်လ ၂၄ ရက်နေ့ တွင် ဆီဒိုးနားပိာုတယ်၌ သတင်းစာရှင်းလင်းပွဲတစ်ရပ်ကို ကျင်းပပြုလုပ်ခဲ့ကြောင်း ပြည်သူ့ဆက်ဆံရေးဌာနမှ တာဝန်ရှိသူတစ်ဦး၏ ပြောကြားချက်အရ သိရသည်။
လက်ရှိအချိန်တွင် ကျောက်ဖြူ-ကူမင်း စွမ်းအင်ပိုက်လိုင်းဖြတ်သန်းရာဒေသများတွင် လယ်ယာလျော်ကြေးငွေပြဿနာများ တက်လျက်ရှိပြီး ယင်းကိစ္စရပ်နှင့် ပတ်သက်၍ ပြေလည်မှုရရှိနိုင်စေရန် သတင်းစာရှင်းလင်းပွဲပြုလုပ်ရခြင်းဖြစ်ကြောင်း သိရသည်။
CNPC မှ လုပ်ကိုင်ဆောင်ရွက်လျက်ရှိသည့် ကျောက်ဖြူ-ကူမင်း စွမ်းအင်ပိုက်လိုင်းသည် ယခင် တပ်မတော်အစိုးရလက်ထက်ကတည်းကပင် လုပ်ကိုင်ဆောင်ရွက်ခဲ့သည့် စီမံကိန်းတစ်ခုဖြစ်ပြီး ၂၀၀၉ ခုနှစ်မှ စတင်၍ လုပ်ကိုင်ဆောင်ရွက်ခဲ့ခြင်းဖြစ်ကြောင်း အထက်ပါပုဂ္ဂိုလ်က ဆက်လက်ဆိုသည်။
ကျောက်ဖြူ-ကူမင်း စွမ်းအင်ပိုက်လိုင်းသည်လုပ်ကိုင်နိုင်ရန် CNPC မှ အမေရိကန်ဒေါ်လာ သန်း ၂၅၀၀ ဝန်းကျင် ရင်းနှီးမြှုပ်နှံခဲ့ပြီး ရခိုင်ပြည် နယ်၊ မကွေးတိုင်း၊ မန္တလေးတိုင်းနှင့် ရှမ်းပြည်နယ်တို့ကို ဖြတ်သန်း၍ တည်ဆောက်ခြင်းဖြစ်ကြောင်း သိရသည်။
Ref:The Voice
*****************************
ပြည်တွင်းပါတီ၊ နိုင်ငံရေးသတင်းများ
ဗြိတိန်ရောက် မြန်မာမိသားစုများနှင့် တွေ့ဆုံမှုပြုလုပ်
ဇွန်လ ၂၂ ရက်နေ့တွင် ဗြိတိန်နိုင်ငံသို့ ရောက်ရှိနေသည့် အမျိုးသားဒီမိုကရေစီအဖွဲ့ချုပ်(NLD)ပါတီဥက္ကဋ္ဌ ဒေါ်အောင်ဆန်းစုကြည်သည် ဗြိတိန် နိုင်ငံ လန်ဒန်မြို့ရှိ Royal Festival Hall ၌ ဗြိတိန်နိုင်ငံရှိ မြန်မာမိသားစုများနှင့် တွေ့ဆုံမှုများ ပြုလုပ်ခဲ့ပြီး သတင်းစာရှင်းလင်းပွဲတစ်ခု ပြုလုပ်သွား ကြောင်း ယင်းနိုင်ငံရှိ မြန်မာနိုင်ငံသားတစ်ဦး၏ ပြောပြချက်အရ သိရှိရသည်။
“ဒေါ်အောင်ဆန်းစုကြည်က ဗြိတိန်ရောက် မြန်မာမိသားစုတွေနဲ့ တွေ့ဆုံတဲ့အခါမှာ မိမိနိုင်ငံအပေါ် သစ္စာရှိကြဖို့၊ ကိုယ်နေတဲ့နေရာမှာ ကောင်း ကောင်းမွန်မွန် နေထိုင် သင်ယူကြပြီး မြန်မာနိုင်ငံမှာ ပြန်ပြီး အကောင်အထည်ဖော်ကြဖို့ဆိုတာကို ပြောကြားသွားပါတယ်”ဟု ၎င်းက ဆိုသည်။
ထို့ပြင် NLDပါတီဥက္ကဋ္ဌ ဒေါ်အောင်ဆန်းစုကြည်သည် ဗြိတိန်ရောက် မြန်မာမိသားစုများနှင့် တွေ့ဆုံမှုအပြီး၌ သတင်းစာရှင်းလင်းပွဲတစ်ခု ပြုလုပ် ခဲ့ပြီး အဆိုပါသတင်းစာရှင်းလင်းပွဲ၌ မြန်မာနိုင်ငံသည် ဒီမိုကရေစီနိုင်ငံတစ်နိုင်ငံ ဖြစ်လာရန် လိုအပ်သည့်အချက်တစ်ချက်မှာ အတိုက်အခံအဖွဲ့အစည်း သည် အစိုးရအဖွဲ့ဖြစ်လာနိုင်ကြောင်းဆိုသည့် အချက်အား လက်ခံနိုင်ရမည်ဆိုသည့်အချက် လိုအပ်လျက်ရှိကြောင်း ထည့်သွင်းပြောကြားခဲ့ပြီး ရခိုင်ပြည် နယ်တွင်း အကြမ်းဖက်မှုများ ဖြစ်ပွားနေသည့် ကိစ္စရပ်နှင့် ပတ်သက်၍ မြန်မာမိသားစုများက မေးခွန်းများမေးမြန်းခဲ့ရာ ၎င်းက အဓိကပြဿနာသည် စည်း ကမ်းမဲ့ နယ်စပ်ကျော်ဖြတ်မှုကြောင့်ဖြစ်ပြီး အစိုးရဝန်ထမ်းများ၏ လာဘ်စားမှုများရှိခြင်းကြောင့် ဖြစ်ကြောင်းနှင့် အဓိကအချက်သည် တရားဥပဒေစိုးမိုး ရေးဆိုသည့် ဆောင်ပုဒ်အား သေချာတိကျစွာ လုပ်ဆောင်နိုင်ခြင်းမရှိသည့်အတွက် ဖြစ်ရကြောင်း မေးခွန်းများအား ပြန်လည်ဖြေကြားသွားခဲ့ကြောင်း သိရှိ ရသည်။
ထို့နောက် ပြည်ပရောက် မြန်မာနိုင်ငံသားများ မြန်မာနိုင်ငံသို့ ပြန်လာရေးကိစ္စနှင့် ပတ်သက်သည့် မေးခွန်းတွင် ဒေါ်အောင်ဆန်းစုကြည်မှ ယင်း ကိစ္စသည် မိမိကိုယ်တိုင် ဆုံးဖြတ်ရမည့်ကိစ္စဖြစ်ပြီး Dual Citizenship ဖြစ်ရန် အခွင့်အရေးနှင့် ပတ်သက်၍ မြန်မာနိုင်ငံသားများကသာ ဆုံးဖြတ်ရမည် ဖြစ်ကြောင်း ပြန်လည်ဖြေကြားမှုများ ပြုလုပ်ပြီး မြန်မာမိသားစုများနှင့် တရင်းတနှီး တွေ့ဆုံနှုတ်ဆက်မှုများ ပြုလုပ်ခဲ့ကြောင်း သိရသည်။
အဆိုပါ တွေ့ဆုံပွဲ၌ သီရိမောင်မောင် မြန်မာ့ဆိုင်းဝိုင်းဖြင့် နိုင်ငံတော်သီချင်း သီဆိုမှုများ ပြုလုပ်ပြီး တိုင်းရင်းသား ဝတ်ဆုံများဖြင့် သရုပ်ဖော် သီဆိုဖျော်ဖြေမှုများပြုလုပ်ခဲ့သည့်အပြင် အဆိုတော် ဒေါ်မာမာအေးမှလည်း သီဆိုဖျော်ဖြေခဲ့ကြောင်း သိရှိရပြီး သတင်းစာရှင်းလင်းပွဲပြုလုပ်ရာ၌လည်း ဗြိတိန်ရောက် မြန်မာမိသားစုများ၏ မေးမြန်းချင်သည့် မေးခွန်းများအား လန်ဒန်မြို့သို့ ရောက်ရှိနေသည့် ဟာသသရုပ်ဆောင် ကိုဇာဂနာမှ ငွေဖလားဖြင့် မေးခွန်းစာရွက်လိပ်များအား ကောက်ခံ၍ ဒေါ်အောင်ဆန်းစုကြည်မှ မဲစနစ်ဖြင့် ပြန်လည်ဖြေကြားမှုများပြုလုပ်ခဲ့ကြောင်း အထက်ပါပုဂ္ဂိုလ်၏ ထပ်မံပြောပြ ချက်အရ သိရှိရသည်။
ATM
*****************************
သတင်းနှင့် ဆောင်းပါးများမှ ကောက်နှုတ်ချက်များ
“ကျွန်တော် သမ္မတကြီးရဲ့ မိန့်ခွန်းကို အပြည့်အဝထောက်ခံပါတယ်။ ရခိုင်ပြည်နယ်ရဲ့ လက်ရှိအခြေအနေအား ရပ်/ကျေးအဆင့်ကစပြီး ငြိမ်းချမ်းရေးနဲ့ တည်ငြိမ်မှုထိန်းသိမ်းရေးကော်မတီတွေ ဖွဲ့ဖို့လိုပါတယ်။ အဲဒီမှာ အုပ်ချုပ်ရေးအဖွဲ့တွေ၊ လူမှုရေးအဖွဲ့တွေ၊ နိုင်ငံရေးပါတီတွေ၊ ကိုယ်စားလှယ်တွေ၊ အရပ် ဘက်လူ့အဖွဲ့အစည်းတွေပါ ပါဝင်ပြီး ဒီအခြေအနေတွေကို ထိန်းသိမ်းပေးဖို့ လိုအပ်နေပါပြီ”
ဇွန် ၂၁ ထုတ် 7DAY NEWS အတွဲ (၁၁) အမှတ် (၁၅) တွင်ပါသည့် "ရပ်ကျေးအဆင့်မှစ၍ ငြိမ်းချမ်းရေးနှင့် တည်ငြိမ်မှု ထိန်းသိမ်းရေး ကော် မတီများ ဖွဲ့ရန် လိုအပ်နေပြီဟုဆို” သတင်းမှ ပြည်သူ့လွှတ်တော်ဥက္ကဋ္ဌ ဦးသိန်းညွှန့်၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
“အထူးသဖြင့် အတွေ့အကြုံနုနယ်သေးသော လူငယ်လေးများကိုသာ ရည်ရွယ်ပြောကြားခြင်းဖြစ်ပါသည်။ ၈၈ ကာလက ကျွန်တော်သည် တက္ကသိုလ် နောက်ဆုံးနှစ် အောင်ခါစအရွယ်မို့ ဒီမိုကရေစီ အရေးတော်ပုံကို ကောင်းကောင်း သိမီလိုက်ပါသည်။ ထိုစဉ်အချိန်က ကျွန်တော်လည်း လူငယ်တစ်ယောက် မို့ တန်းတူရွယ်တူ လူငယ်သူငယ်ချင်းများ၊ ဒီမိုကရေစီ ရဲဘော်များအကြောင်းကို တွေ့ကြုံသိမြင်ခဲ့ရပါသည်။ ထိုသောကလာလက လူငယ်တစ်စုသည် စိတ်ဓာတ်တက်ကြွမှုတစ်ခုကိုသာ အရင်းတည်လှုပ်ရှား ဆောင်ရွက်နေကြသည်။ နိုင်ငံရေးအတွေ့အကြုံကလည်း ဘာမှရှိကြသည်မဟုတ်။ စာဖတ်ရမှန်း၊ လေ့လာသင်ယူ ဆည်းပူးရမှန်းလည်း နားမလည်ကြ။ ထို့ကြောင့် ယနေ့ ဒီမိုကရေစီအင်အားစုလူငယ်များအနေနှင့် အတွေ့အကြုံ၊ အသိပညာကြွယ်ဝ သော တိုင်းပြည်နှင့် လူမျိုးပေါ် အသက်ပေးချစ်မြတ်နိုး၍ အနှစ်နာခံ ကိုယ်ကျိုးစွန့်သော ခေါင်းဆောင်တို့၏ ဦးဆောင်မှုကို ခံယူကာ နောက်လိုက်ကောင်း များဖြစ်ရန်၊ မိမိကိုယ်မိမိ အတွေးအခေါ်နှင့် စွမ်းဆောင်ရည် မြင့်မားစေရန် ကြိုးစားကြရပါမည်။ စည်းကမ်းနည်းလမ်းကျနစွာ ဆောင်ရွက်ကြရပါမည်”
ဇွန် ၂၃ ထုတ် UNITY အတွဲ (၁) အမှတ် (၁၃) တွင် ပါသည့် ဆောင်းပါးရှင် မြင့်ငွေ (မော်ကျွန်း)၏ “ခြံစည်းရိုးပေါ်ကလူ ခြံစည်းရိုးအတွင်း ကလူ” ဆောင်းပါးမှ ကောက်နှုတ်ချက်
-----------------------------------------------------------------------------------------------------------------------------------
“စစ်တပ်အုပ်ချုပ်ရေးပုံစံက အထက်အမိန့်ကို အောက်လက်က အဆင့်ဆင့်နာခံရတဲ့ သဘောဖြစ်တယ်။ အမိန့်ပေးပုံစံနဲ့ အုပ်ချုပ်တာဖြစ်တယ်။ အခုလို အမိန့်ပေးအုပ်ချုပ်မှုပုံစံကို အများပြည်သူတွေနဲ့ ပတ်သက်ဆက်နွယ်တဲ့ ပြည်သူ့ရေးရာ စီမံခန့်ခွဲမှုလုပ်ငန်းတွေမှာ အသုံးပြုလို့မရဘဲ ကောင်းမွန်တဲ့ အုပ်ချုပ် စီမံခန့်ခွဲမှုလုပ်ငန်းတွေမှာ အသုံးပြုလို့မရဘဲ ကောင်းမွန်တဲ့ အုပ်ချုပမ်မှုပုံစံမှာ Do what I say. ဆိုတဲ့ ငါပြောတဲ့အတိုင်းလုပ်ဆိုတာ အာဏာရှင်ပုံစံ ဖြစ်တယ်။ Don’t do what I say, Do what I do. ဆိုတာက ခေါင်းဆောင်ကနေ စံနမူနာပြု လုပ်ဆောင်မှုတွေကနေ အောက်လက်ငယ်သားတွေကို လုပ် ဆောင်စေတာမျိုးဖြစ်တယ်။ ဘယ်လိုအဖွဲ့အစည်း တွေမှာမဆို ခေါင်းဆောင်ကောင်းတွေရဲ့ စံနမူနာပြ လုပ်ဆောင်မှုတွေက အရေးကြီးတာဖြစ်တယ်”
ဇွန် ၂၁ ထုတ် 7DAY NEWS အတွဲ (၁၁) အမှတ် (၁၅) တွင်ပါသည့် ဆောင်းပါးရှင် ဦးငွေသိန်း (ကုမ္ပဏီလမ်းညွှန်) “ပြည်တော်သာခေတ် ရောက်လာတော့မည်လော” ဆောင်းပါးမှ ကောက်နှုတ်ချက်
**********************************************
Google Docs makes it easy to create, store and share online documents, spreadsheets and presentations.
