Transparency Myanmar

transparency.myanmar@gmail.com

Document yangonchronicle 2011- (1)
yangonchronicle 2011- (1)

 

၂၆.၆.၂၀၁၂

ဘာသာပြန်သတင်းများ

  1. မြန်မာနိုင်ငံ၏ လျှပ်စစ်စွမ်းအားအတွက် အမှန်တကယ်ရုန်းကန်ရမှုလား။

(23 June 2012 ရက်စွဲပါ Global Post မှ Patrick Winn ၏ Myanmar's real power struggle? Keeping the lights on ကို ဘာသာပြန်ဆိုသည်။)

  1. မြန်မာနိုင်ငံတွင်မူးယစ်ဆေးဝါးရောင်းဝယ်မှု နှိမ်နင်းလျက်ရှိဟု ရဲမှူးကြီးပြော

(25 June 2012 ရက်စွဲပါ Radio Australia မှ Burma eracking down on drug trade: Colnel ကို ဘာသာပြန်ဆိုသည်။)

*****************************************

ဘာသာပြန်သတင်းများ

မြန်မာနိုင်ငံ၏ လျှပ်စစ်စွမ်းအားအတွက် အမှန်တကယ်ရုန်းကန်ရမှုလား။

(23 June 2012 ရက်စွဲပါ Global Post မှ Patrick Winn ၏ Myanmar's real power struggle? Keeping the lights on ကို ဘာသာပြန်ဆိုသည်။)

နှိပ်စက်လွန်းသော ဗိုလ်ချုပ်ကြီးများနှင့် လွတ်မြောက်ရေးအတွက် တိုက်ပွဲဝင်နေသူများကို မေ့ပစ်လိုက်ပါ။ မြန်မာနိုင်ငံတွင် လျှပ်စစ်စွမ်းအား အတွက် ရုန်းကန်နေရမှုများတွင် စိတ်ဆိုးနေသော လူထုကြီးသည် အစိုးရ၏ ဆိုးရွားလှသော လျှပ်စစ်မီးပေးစနစ်ကို ဆန့်ကျင်လျက်ရှိသည်။ မြန်မာအစိုးရ သည် လူအများအပေါ် သံသယကြီးသော အာဏာရှင်စနစ်မှ လွတ်လပ်သော ဈေးကွက်ဒီမိုကရေစီသို့ အသွင်ကူးပြောင်းရေးဖြစ်စဉ်ကို ပုံမှန်နှုန်းဖြင့် ကြိုးစား ဖော်ဆောင်နေသည်။

သို့သော် ပို၍အနီးကပ်ကြည့်ရှုပါက မြန်မာနိုင်ငံသည် လျှပ်စစ်မီးပုံမှန်လင်းနေစေရန်ပင် ကြိုးစားနေရသည်ကို တွေ့ရသည်။ ကမ္ဘာ့ဘဏ်၏ ခန့်မှန်းချက်အရ လူဦးရေ၏ ၁၃% ထက်နည်းသော အချိုးအစားသည်သာ အစိုးရ၏ လျှပ်စစ်မီးဖြန့်ဖြူးပေးမှုကို ရရှိသည်ဟု ဆိုသည်။ မြောက်ကိုရီးယားနှင့် အရှေ့တီမောတို့သည်ပင် ထိုထက်ပိုသောနှုန်းကို ရရှိနေသည်။

အဆိုပါ လျှပ်စစ်မီးရရှိသော လူနည်းစုသည်ပင် နေ့စဉ်လျှပ်စစ်မီး ပြတ်တောက်မှုနှင့် စိတ်ပျက်ဖွယ် ကြုံတွေ့ရလျက်ရှိသည်။ ဆင်းရဲပြီး လျှပ်စစ်မီး မရှိသည့် ဝေးကွာသောအရပ်မှလူများသည် မီးအိမ်များကိုသာသုံးရပြီး ၎င်းတို့၏ လူနေမှုအဆင့်အတန်းကိုပြသ သကဲ့သို့ ဖြစ်နေသည်။ လျှပ်စစ်မီး မလုံလောက်မှုသည် ဖွံ့ဖြိုးတိုးတက်မှုအတွက် ထိခိုက်မှု ဖြစ်ရပြီး၊ စက်ရုံများ နေ့လည်ဘက်တွင်ပင် ရပ်ထားရခြင်း၊ ကျေးလက်ဒေသမှ ကလေးများ ဖယောင်းတိုင်ဖြင့်သာ စာကျက်ရခြင်းများ ဖြစ်စေသည်။

သမ္မတဦးသိန်းစိန်သည် မကြာသေးမီက အလွန်ရည်မှန်းချက်ကြီးသောပန်းတိုင်ကို ကြေညာခဲ့ရာ GDP တစ်ဦးချင်း ဝင်ငွေကို သုံးဆတိုးစေ၍ ၂၀၁၆ ခုနှစ်တွင် ဒေါ်လာ ၃၆၀၀ ထိရောက်စေမည်ဟု ဆိုခဲ့သည်။ အမေရိကန်နှင့် ဥရောပမှ ရင်းနှီးမြှုပ်နှံသူများကလည်း အရေးယူမှုများရုတ်သိမ်းသွား သဖြင့် မြန်မာနိုင်ငံသို့ ပြန်လည်ဝင်ရောက်ရန် ရှင်းလင်းခဲ့ပြီးဖြစ်ကာ ကာလရှည်ကြာ ဆင်းရဲဒုက္ခရောက်ခဲ့သော တိုင်းပြည်အား ပြန်လည်အားကောင်းစေရန် ကူညီနိုင်မည်ဟု မျှော်လင့်လျက်ရှိသည်။ သို့သော် လျှပ်စစ်ဓာတ်အားကို တိုးချဲ့၍ ခေတ်မီအောင် မပြုလုပ်နိုင်ပါက မြန်မာနိုင်ငံ၏ စီးပွားရေးနှင့် ပတ်သက် သော တော်လှန်ရေးသည် အောင်မြင်နိုင်လိမ့်မည်မဟုတ်ပေ။

အဆိုပါအမှန်တရားကို မြန်မာနိုင်ငံမှလက်ရှိအာဏာပိုင်များကလည်း နားလည်သဘောပေါက်ဟန်ရှိသည်။ "ရင်းနှီးမြှုပ်နှံမှုဟာ အင်မတန် အရေးကြီးပါတယ်။ ဒါပေမဲ့ ကျွန်တော်တို့မှာ အားနည်းချက်ရှိပါတယ်။ ဒါကတော့ လျှပ်စစ်ဓာတ်အားပါပဲ"ဟု ရင်းနှီးမြှုပ်နှံမှုနှင့် ကုမ္ပဏီမှတ်ပုံတင်ဌာနမှ အကြီးအကဲ ဦးကျော်ဇောမောင်ကပြောသည်။ "ကျွန်တော်တို့ အဆင့်မြင့် နည်းပညာတွေ လိုအပ်ပါတယ်၊ ကျွန်တော်တို့ ရင်းနှီးမြှုပ်နှံသူတွေလိုပါတယ်။ အမေရိကန်ဟာ ရှေ့မှာအများကြီး တိုးတက်နေပါတယ်၊ မြန်မာနိုင်ငံကို လာခဲ့ကြပါ"ဟု ၎င်းက ပြောသည်။

မြန်မာနိုင်ငံတွင် ရေနံ၊ ဓာတ်ငွေ့၊ ရေအားလျှပ်စစ်များနှင့် ကျောက်မီးသွေးများ အလျှံပယ်ရှိသော်လည်း တိုင်းပြည်တွင် လျှပ်စစ်ဓာတ်အား ချို့တဲ့မှုသည် ပတ်ဝန်းကျင်နှင့် လိုက်လျောညီထွေ မရှိလောက်အောင်ပင် နာကျင်စွာခံစားရမှုများကို ဖြစ်စေသည်။ မြန်မာနိုင်ငံတွင်ရှိသော လျှပ်စစ်ဓာတ်အားထုတ်လုပ်သည့် စက်ရုံ(၃၀)ကျော်မှ ထုတ်လုပ်သည့် ဓာတ်အားအများစုကို အိမ်နီးချင်းတရုတ်နှင့် ထိုင်းနိုင်ငံသို့ ရောင်းခဲ့သည်။ အဆိုပါ နှစ်နိုင်ငံသည် မြန်မာနိုင်ငံတွင် လျှပ်စစ်ဓါတ်အားထုတ်လုပ်သည့် စက်ရုံများ ငွေစိုက်ထုတ်၍ ဆောက်လုပ်ခဲ့သည်။ နောက်ထပ် ဆောက်လုပ်ရန်လည်း စီမံလျက်ရှိသည်။

အစိုးရ၏ စာရင်းရှင်းတမ်းတွင် စွမ်းအင်နှင့်ပတ်သက်သော စီမံကိန်းများသည် နိုင်ငံခြားရင်းနှီးမြှုပ်နှံမှု၏ ၈၃% ရှိပြီး တန်ဖိုး ဒေါ်လာ ၂၆.၂ ဘီလီယံရှိသည်ဟု ဖော်ပြထားသည်။ တရုတ်သည် ရှေ့ဆုံးမှပြေးနေသော်လည်း မြန်မာ့ဓာတ်ငွေ့ လုပ်ကွက်များတွင် ရုရှား၊ အိန္ဒိယနှင့် ဆွစ်ဇာလန်နိုင်ငံ များမှ ကုမ္ပဏီများကလည်း ဝင်ရောက်ရန်ပြင်ဆင်လျက်ရှိသည်။

အရေးယူမှုများရှိနေသည့် ကာလများတွင်ပင် ပြင်သစ်၏ Total ကုမ္ပဏီနှင့် အမေရိကန်၏ Chevron ကုမ္ပဏီတို့သည် မြန်မာ့ကမ်းရိုးတန်းတွင် ပိုက်လိုင်းဆောက်၍ လည်ပတ်ခဲ့သည်။ ၎င်းတို့သည် အရေးယူမှုများ၏ အားနည်းချက်ကို ရှာ၍ ရှောင်ရှားလုပ်ဆောင်ခဲ့ကြသည်။

အဆိုပါ နိုင်ငံခြားသားများသည် မြန်မာနိုင်ငံမှ စွမ်းအင်အများစုကို ပိုက်လိုင်းဖြင့်သွယ်၍ ထုတ်ယူသွားခဲ့သော်လည်း မြန်မာနိုင်ငံသားများ သတိမမူ မိခဲ့ကြပေ။ ယခု နိုင်ငံသားများသည် လျှပ်စစ်မီးပိုမိုရရှိရေးအတွက် အသစ်ရလာသော စီတန်းလှည့်လည်ခွင့်ကို အသုံးချ၍ တောင်းဆိုခဲ့ကြသည်။

မေလတွင် လျှပ်စစ်မီးပြတ်သွားခြင်းကြောင့် ရန်ကုန်တွင် ဆန္ဒပြမှုများဖြစ်ပွားခဲ့ရာ ရဲက မကြမ်းတမ်းသော ကိုင်တွယ်မှုများ ပြုလုပ်ခဲ့ပြီး ရပ်တန့် သွားစေခဲ့သည်။ ဝေးလံသော ဒေသများတွင်မူ မြန်မာနိုင်ငံ၏ စွမ်းအင်မူဝါဒသည် လက်နက်ကိုင် ပဋိပက္ခများနှင့် ကြုံတွေ့ရလျက်ရှိသည်။ ကချင်ပြည်နယ် တွင် ကချင်လွတ်မြောက်ရေးတပ်မတော်(KIA)နှင့် တိုက်ပွဲများ ဖြစ်ပွားနေခြင်းသည် ဘီလီယံဒေါ်လာတန်ဖိုးရှိ တရုတ်တို့၏ ရေအားလျှပ်စစ် ရေလှောင်တမံနှင့် ဓာတ်ငွေ့ပိုက်လိုင်းစီမံကိန်းကို ခြိမ်းခြောက်လျက်ရှိသည်။

ကရင်ပြည်နယ်တွင်လည်း မြန်မာနှင့်ထိုင်းအစိုးရတို့က ရေလှောင်တမံဆောက်လုပ်ရန် ကြိုးစားနေသော မြစ်၏နံဘေးတွင် ကရင်အမျိုးသား လွတ်မြောက်ရေးတပ်မတော်(KNLA)က စခန်းချထားသည်။ "သူတို့က တိုင်းတာရေးလုပ်ငန်းတွေ လုပ်နေပါပြီ၊ ကျွန်တော်ကသူတို့ကိုပြောတယ်၊ ကျွန်တော်တို့နဲ့ အရင်ညှိပါလို့"ဟု KNLA တပ်မဟာ (၅) မှ ဗိုလ်မှူးချုပ် Saw Kyaw Hteh ကပြောသည်။

"ရွာသားတွေက ဆည်ဆောက်ရင်သူတို့မြေတွေ ရေလွှမ်းသွားမှာဖြစ်လို့ မဆောက်လိုကြဘူး"ဟု ၎င်းက ပြောသည်။ "ဒါကြောင့် ဒီနယ်မြေကို ကျွန်တော့်တပ်တွေ ရွှေ့ထားတာပါ"ဟုဆိုသည်။ အဆိုပါ စီမံကိန်းမှာ မည်သို့ဆက်လက်လုပ်ကိုင်ရမည်ကို မဆုံးဖြတ်နိုင်သည့် အခြေအနေတွင်ရှိသည်။

ရန်ကုန်တွင် တရုတ်နိုင်ငံလုပ် နေရောင်ခြည်စွမ်းအင်သုံးဆိုလာပြားများ ရောင်းချသည့်ဆိုင်များ ပေါ်လာသည်။ "ကျွန်တော်တို့ နေရောင်ခြည် စွမ်းအင်သုံး ဆိုလာပြားတွေ ပိုရောင်းရပါတယ်၊ မြို့ကလူတွေ ဝယ်တာမဟုတ်ပါဘူး၊ ရွာတွေကိုဝယ်ပြီး သယ်သွားကြပါတယ်"ဟု Power Light မီးဆိုင်မှ ပိုင်ရှင် ကျော်ဖြိုးခင်အောင်က ပြောသည်။ ကရင်ပြည်နယ်တွင် ရွာများ၌ နေ့အချိန်တွင် နေရောင်ခြည်မှစွမ်းအင်များကို ဘက်ထရီအားသွင်း ထားလျက် ညအချိန်တွင် ပြန်လည်အသုံးပြုကြသည်။

လျှပ်စစ်မီးသည် မြန်မာနိုင်ငံ နေရာအတော်များများအတွက် ငွေကုန်ကြေးကျများမှုကို ဖြစ်ပေါ်စေသည်ပာု ရန်ကုန်အခြေစိုက် အမြတ်မယူသော Proximity Designs ကို ထူထောင်သူ Debbie Aung Din က ပြောသည်။ ၎င်း တို့သည် အနောက်နိုင်ငံဒီဇိုင်နာများ ထုတ်လုပ်သည့် ဈေးကြီး ကိရိယာများ ကို နမူနာယူ၍ ထုတ်လုပ်သော ပစ္စည်းများကို ဈေးအရင်းအတိုင်း ရောင်းချပြီး မြန်မာလယ်သမားများ၏ ထုတ်လုပ်မှုကိုမြှင့်တင်ပေးသည်။

အရောင်းရဆုံးပစ္စည်းမှာ ဆည်မှရေစုပ်သော လိုင်းတစ်ခုဖြစ်သည်။ Stairmaster ပုံစံခြေနင်းတံမှ လျှပ်စစ်စွမ်းအားဖြင့် ရေစုပ်တင်ရာ၊ စမ်းချောင်းမှရေပုံးများဖြင့် ရေခပ်ခြင်းကို သက်သာစေသည်။ သို့သော် ပြီးခဲ့သည့်လက Proximity သည် D-Light ဟုခေါ်သော ပစ္စည်းတစ်မျိုးကို မိတ်ဆက်ပေးခဲ့သည်။ ၎င်းကို Stanford တက္ကသိုလ်ဘွဲ့ရများက အချို့အစိတ်အပိုင်းများ ဒီဇိုင်းရေးဆွဲထားသော Apple ၏ အစိတ်အပိုင်းများ အသုံးပြုထားသော နေရောင်ခြည်စွမ်းအင်သုံး မီးအိမ်ဖြစ်သည်။

၎င်းကို (၁၁) )