Posts
 | yangonchronicle2011 Op-Ed |
၎.၈.၂၀၁၂
ဆောင်းပါးကဏ္ဍ
- နိုင်ငံသားများကိုယ်တိုင် သဘောတူညီ ပြဋ္ဌာန်းသောဥပဒေများ ပေါ်ထွက်လာရေး
*****************************************
ဆောင်းပါးကဏ္ဍ
နိုင်ငံသားများကိုယ်တိုင် သဘောတူညီ ပြဋ္ဌာန်းသောဥပဒေများ ပေါ်ထွက်လာရေး
အေးမောင်ကျော်
(သြဂုတ်လ ၁ရက်နေ့ထုတ် ပြည်သူ့ခေတ်ဂျာနယ် အတွဲ (၃) အမှတ် (၁၀၅) မှ ထုတ်ယူဖော်ပြချက်။)
ယခုဇူလိုင်လဆန်းက စတင်ကျင်းပသော လွှတ်တော်ပုံမှန်အစည်းအဝေများမှာ ယခင်ကျင်းပခဲ့သော အကြိမ်များနှင့်မတူ တမူထူးခြားမှုများ ရှိသည်ဟု ယူဆပါသည်။ နိုင်ငံတစ်နိုင်ငံကို စီမံအုပ်ချုပ်ရာတွင် အများပါဝင်နိုင်သော နိုင်ငံရေးအဖြစ် ပုံဖော်နိုင်မှု အဆင့်တစ်ခုကို တက်လှမ်းနိုင် သောကြောင့် ဖြစ်ပါသည်။ ယခင်အကြိမ် ရွေးကောက်ပွဲကျင်းပစဉ်က ပါဝင်ခွင့်မရခဲ့သော NLD ပါတီမှာ ကြားဖြတ်ရွေးကောက်ပွဲတွင် ပါဝင်ခဲ့ပြီး၊ မဲဆန္ဒနယ် ၄၅နေရာတွင် ၄၃နေရာ အနိုင်ရကာ ယခု လွှတ်တော်သို့ ပါဝင်တက်ရောက်လာခဲ့သည်။
အင်အားကြီး အတိုက်အခံပါတီတစ်ရပ်ပီပီ လူထုထောက်ခံမှုအပြည့်အဝဖြင့် လွှတ်တော်သို့ပါဝင်လာရာ ယခုတစ်ကြိမ် ပြည်သူ့လွှတ်တော်သည် အခြားအကြိမ်များထက် ပို၍ တရားဝင် ဂုဏ်သရေရရှိလာပြီး ပြည်သူလူထု၏ ပေးအပ်သောတာဝန်များကို ပိုမို၍ ထမ်းဆောင်လာရလိမ့်မည်ဟု ယူဆ နိုင်ပေသည်။
နောက်ထပ်တွေ့မြင်ရသော ထူးခြားချက်တစ်ခုမှာ လွှတ်တော်တွင်တင်သွင်းသော ဥပဒေကြမ်းများကို လွှတ်တော်တွင် ဆွေးနွေးသည်နှင့် တစ် ပြိုင်တည်း လူထုမှ သိရှိ၊ လေ့လာနိုင်ရန် သတင်းစာများတွင် ထည့်သွင်းဖော်ပြပေးလာခြင်း ဖြစ်ပါသည်။ ဤသည်မှာ တရုတ်ပြည်လေ့လာရေးခရီးစဉ် အတွင်း တရုတ်ဥပဒေကြမ်းကော်မတီနှင့် တွေ့ဆုံရာတွင် ၎င်းတို့၏ လုပ်ပုံလုပ်နည်းများကို ပြောပြခဲ့ရာမှ သိရှိလာခဲ့ခြင်းဟု ဆိုပါသည်။ တရုတ်ပြည်တွင် ဥပဒေကြမ်းများအား သတင်းစာနှင့် အင်တာနက်တို့မှာ ကြိုတင်ဖော်ပြပြီး ပြည်သူတို့၏ အကြံဉာဏ်များကို ရယူဆောင်ရွက်လျက်ရှိကြောင်း ပြော သည်ဟု ဆိုသည်။ တကယ်တမ်း မြန်မာပြည်တွင်လည်း ယင်းအတွေ့အကြုံများ ရှိပါသည်။ ၁၉၄၇ခုနှစ် အခြေခံဥပဒေ ရေးဆွဲစဉ်ကာလ ပထမမူကြမ်း၊ ဒုတိယမူကြမ်းစသဖြင့် ပြည်သူလူထုအတွင်း ပုံနှိပ်ရိုက်ထုတ် ချပြပြီးမှ အပြီးသတ်ရေးဆွဲခဲ့ခြင်းများ ရှိပါသည်။
မည်သို့ပင်ဖြစ်စေ ပြည်သူလူထုသို့ ချပြ အသိပေးရေးဆွဲခြင်းမှာ ကောင်းသောအစဉ်အလာတစ်ရပ် ဖြစ်သည့်အပြင် ဒီမိုကရေစီ လူ့ဘောင် များတွင် ကျင့်သုံးနေကြသော အမူအကျင့်များဖြစ်သဖြင့် ကြိုဆိုရမည် ဖြစ်ပါသည်။
ဒီမိုကရေစီလူ့ဘောင်များတွင်သာ လူတစ်ဦးချင်းသည် ကိုယ်ပိုင်ဆုံးဖြတ်ပိုင်ခွင့်များကို အများဆုံးဆောင်ရွက်ရန် အခွင့်အလမ်း ရှိသည်ဟု ယူဆ ကြပါသည်။ ဤသည်မှာ ဥပဒေအောက်တွင် နေထိုင်ရန် ကိုယ်တိုင်ရွေးချယ်ခြင်း ဖြစ်ပါသည်။ မည်သည့်ပုဂ္ဂိုလ်မှ လူ့အဖွဲ့အစည်းအတွင်း အခြားသော သူများနှင့် ပေါင်းစည်းနေထိုင်ခြင်းမှ ကင်းလွတ်ပြီး ကျေနပ်နှစ်သိမ့်မှုကို ရရှိနိုင်မည် မဟုတ်ပေ။ သို့သော်လည်း အခြားသူများနှင့် ပေါင်းစည်း နေထိုင် ခြင်းတွင်လည်း ပေးဆပ်ရမှုများ ရှိပါသည်။ သင်ကြိုက်နှစ်သက်သည်ကို သင်ကြိုက်သလို အမြဲလုပ်ဆောင်နိုင်မည်တော့ မဟုတ်ပေ။ သင်လုပ် ဆောင်လိုမှုနှင့် အခြားသူများ လုပ်ဆောင်လိုမှု ကြားပဋိပက္ခများ ရှိမည်သာဖြစ်သည်။ သင်နေထိုင်သောလူ့အဖွဲ့အစည်း၊ အုပ်စုအတွင်း အခြားသူများ နှစ်သက် သဘောကျသည်များကို သင်နာခံနေရခြင်းများလည်း ရှိနိုင်ပါသည်။ တစ်ဆက်တည်းဆိုသလိုပင် သင်နှစ်သက်သည်ကို အတင်းအကျပ် လုပ် ဆောင်၍ မရနိုင်ပေ။ သင့်အနေနှင့် ကွဲလွဲမှုများကို ငြိမ်းချမ်းသောနည်းဖြင့် ဖြေရှင်းပြီး သဘောတူညီချက်များရအောင် ကြိုးစားရပေမည်။ သို့သော် ထိုသီ အိုရီနှင့် လက်တွေ့ပေါင်းစပ်ခြင်းမှာ အလွန် ဦးနှောက်စားသောအလုပ် ဖြစ်ပေသည်။
အကယ်၍ လူ့အဖွဲ့အစည်းဝင်များ အမြဲသဘောတူညီမှုရရှိနေပါက အဖြေမှာ အလွန်လွယ်ကူသွားပေလိမ့်မည်။ တကယ်တမ်းဆိုလျှင် ထိုအခြေ အနေမျိုးတွင် ဥပဒေပင် လိုအပ်မည်မဟုတ်တော့ပေ။ သင်သည် ဥပဒေကို လိုက်နာသလို ကိုယ့်ကိုကိုယ်လည်း လိုက်နာရန်သာ ရှိတော့သည်။ ထိုအခြေ အနေတွင် ပြဿနာအားလုံးသည် ကွယ်ပျောက်သွားမည်ဖြစ်ပြီး သင်နှင့် သင့်အဖွဲ့အစည်းဝင်များအကြား ပြည့်စုံသောလိုက်ဖက်ညီမှု ဖြစ်လာမည် ဖြစ်ပေ သည်။ မင်းမဲ့နေသော အုပ်ချုပ်သူမလိုတော့သော အခြေအနေသည် တကယ် ဖြစ်လာပေလိမ့်မည်။
သို့သော် အတွေ့အကြုံများအရ ထိုအခြေအနေမျိုးသည် ရှားရှားပါးပါး ကိစ္စမျိုးသာ ဖြစ်သည့်အတွက် ပြီးပြည်စုံသော ခံနိုင်ရည်ရှိသော ပန်းတိုင် များကို ရောက်ရှိစေသော သဘောတူညီမှုများ ရရှိရန်အတွက် ခက်ခက်ခဲခဲ ကြိုးပမ်းနေရခြင်း ဖြစ်ပေသည်။
ထို့ကြောင့်ပင် ယခုသတင်းစာများတွင် ဥပဒေကြမ်း ဖော်ပြနေရခြင်း ဖြစ်ပေသည်။ ၎င်းဥပဒေကြမ်းများကို ၆ရက်ဇူလိုင်လမှ စတင်ဖော်ပြခဲ့ရာ နိုင်ငံဝန်ထမ်းဆိုင်ရာဥပဒေကြမ်း၊ လာဘ်ပေးလာဘ်ယူမှု ပပျောက်ရေးဥပဒေကြမ်း၊ ရာဇသတ်ကြီးဥပဒေကိုပြင်ဆင်သည့် ဥပဒေကြမ်း၊ ကာလစည်းမျဉ်း သတ် အက်ဥပဒေကိုပြင်ဆင်သည့် ဥပဒေကြမ်း၊ တရာရုံးများမထီမဲ့မြင်ပြုမှု ဥပဒေကြမ်း၊ ပစ္စည်းလွှဲပြောင်းခြင်း အက်ဥပဒေကိုပြင်ဆင်သည့် ဥပဒေကြမ်း၊ တရားမဥပဒေကို ပြင်ဆင်သည့် ဥပဒေကြမ်း၊ ရာဇဝတ်ကျင့်ထုံးဥပဒေကို ပြင်ဆင်သည့် ဥပဒေကြမ်း စသည်ဖြင့် ဥပဒေကြမ်းအတော်များများကို ပြည်သူ များ တွေ့ရှိလေ့လာ သုံးသပ်နိုင်ကြမည် ဖြစ်သည်။
ယခု သက်ဆိုင်ရာနယ်ပယ်အလိုက် အတွေ့အကြုံရှိသူများ၊ ဥပဒေပညာရှင်များမှ သုံးသပ် ရေးသားချက်များကိုလည်း တွေ့မြင်နေရပြီ ဖြစ်သည်။ လွှတ်တော်ဆိုသည်မှာ ဥပဒေများကိုပြဋ္ဌာန်းရန် ရွေးချယ်ထားသောလူတစ်စုအား ပြုစုပြဋ္ဌာန်းစေခြင်းဟု အဆိုရှိသော်လည်း လွှတ်တော်မှာ သက်တမ်း နုနယ်သေးသည့်အပြင် ကော်မတီများတွင် စုဆောင်းသိုမှီးထားသော အချက်အလက်များ နည်းပါးနေသေးသည့်အတွက် အမတ်များအနေနှင့် ပြင်ပ ပညာရှင်များနှင့် အတွေ့အကြုံရှိပုဂ္ဂိုလ်များထံမှ ကောင်းမွန်သောအကြံဉာဏ် အများအပြားလိုအပ်နေခြင်း ဖြစ်သည်။ ပြီးခဲ့သောလွှတ်တော်မှ မြေယာ ဥပဒေကို အချိန်ယူ သုံးသပ်နိုင်ခြင်းမရှိဘဲ ပြဋ္ဌာန်းလိုက်သဖြင့် ယင်းဥပဒေတွင် ပြောစရာအချက်များ ရှိလာနေသည်ကို ရေးသားချက်များ တွေ့ရှိနေရခြင်း ဖြစ်သည်။ လွှတ်တော်ဥက္ကဋ္ဌများနှင့် ဥပဒေကြမ်းကော်မတီတို့ကလည်း အကြံဉာဏ်များကို ဖိတ်ခေါ်၍ အလေးထား လက်ခံဆောင်ရွက်မည်ဟု ဆိုနေ သဖြင့် ဝမ်းမြောက်အားတက်ဖွယ်ရာ ဖြစ်နေပါသည်။
ဤအစီအစဉ်အရ နိုင်ငံသားများအနေနှင့် ဥပဒေမပြဋ္ဌာန်းမီ ကိုယ်ပိုင်အမြင်များကို ထုတ်ဖော်တင်ပြရန် အခွင့်အလမ်းရမည် ဖြစ်သည်။ ဥပဒေ ကြမ်းများကို အလစ်အငိုက်တွင် တင်သွင်းခြင်းမျိုးမဟုတ်ဘဲ လွှတ်တော်အမတ်များအတွက် လေ့လာချိန် ပြင်ဆင်ချိန် အပြည့်အဝလိုပါသည်။ အပြန် အလှန် စေ့စပ်ညှိနှိုင်းခြင်း၊ အပေးအယူစေ့စပ်ခြင်းဖြင့်သာ လူတိုင်အတွက် ကျေနပ်နိုင်မည်ဖြစ်သော ဥပဒေမျိုး ပြဋ္ဌာန်းနိုင်မည် ဖြစ်သည်။ အားလုံး သဘောတူညီမှုရရှိရန် မဖြစ်နိုင်သော်လည်း အသင့်တော်ဆုံး သဘောတူညီမှုရရန် လိုအပ်ပါသည်။ ထိုစံချိန်စံညွှန်းအရ လူအားလုံးသည် ကိုယ့်ရွေးချယ် မှုအရ ကိုယ့်ဥပဒေဘောင်သို့ ဝင်ရောက်ခြင်းဆိုသည့် အခြေအနေမျိုးသို့ မရောက်သည့်တိုင် ကိုယ်ပိုင်ဆုံးဖြတ်မှု အတိုင်းအတာကိုမူ အမြင့် ဆုံးရောက် အောင် ကြိုးစားရမည် ဖြစ်ပါသည်။
သက်ဆိုင်ရာဝန်ကြီးဌာနများမှ ဥပဒေကြမ်းအပြင် အများအပြား ထပ်မံတင်သွင်းကြရန်ရှိရာ ပြန်ကြားရေးဝန်ကြီးဌာနမှ တင်သွင်းရန်ရှိသော ပုံနှိပ်ဥပဒေမူကြမ်းသည်လည်း သတင်းစာစာမျက်နှာများပေါ်တွင် ကြိုတင်လေ့လာသိရှိနိုင်ရန် ပေါ်ထွက်လာမည်ဟု မျှော်လင့်ရပါသည်။ ဤသည်မှာ Freedom of Expression ဆိုသော တိုင်းပြည်တစ်ပြည်အတွက် အရေး ကြီးစတုတ္ထမဏ္ဍိုင်ဖြစ်ရာ အများပါဝင် ညှိနှိုင်းဆုံးဖြတ်သော၊ စာပေလောကသား များကိုယ်တိုင် ပါဝင်ပြဋ္ဌာန်းသောဥပဒေ ဖြစ်လာလျှင် နိုင်ငံတော်အတွက်၊ ဝန်ကြီးဌာနအတွက် အလွန်မင်္ဂလာရှိသော ဥပဒေတစ်ရပ် ဖြစ်လာမည် ဖြစ်ပေ သည်။ ဥပဒေကို အတင်းအကျပ် ပြဋ္ဌာန်းခိုင်းခြင်းမျိုး မဟုတ်ဘဲ၊ ဥပဒေအောက်တွင် နေထိုင်ရန် နိုင်ငံသားများကိုယ်တိုင်က ရွေးချယ်လာသော အခြေ အနေမျိုးရောက်အောင် ကြိုးပမ်းရမည်မှာ အားလုံး၏တာဝန် ဖြစ်ပါသည်။
Ref:( On Democracy Robert-A-Dahl)
*****************************************
Google Drive: create, share, and keep all your stuff in one place.
