Transparency Myanmar

transparency.myanmar@gmail.com

Document yangonchronicle2011
yangonchronicle2011

၅.၁၀.၂၀၁၂

ပြည်တွင်းသတင်း

  1. လက်ပံတောင်းတောင်စီမံကိန်းရပ်ဆိုင်းရန် အခေါင်းမီးရှို့ဆန္ဒထုတ်ဖော်ခဲ့သူများ အရေးယူခံရ
  1. ဈေးနှုန်းနှစ်မျိုးသတ်မှတ်၍ အရန်ဆန်ဝယ်ယူမည်
  2. ပုဂ္ဂလိကသီးသန့်ဓာတ်အားထုတ်လုပ်မှုအတွက် လာရောက်လျှောက်ထားနိုင်ပြီ

 ပြည်တွင်းပါတီ၊ နိုင်ငံရေးသတင်း

  1. အောက်တိုဘာလအတွင်း နိုင်ငံတော်သမ္မတ တောင်ကိုရီးယားသို့ သွားရောက်မည်

သတင်းနှင့် ဆောင်းပါးများမှ ကောက်နှုတ်ချက်များ

******************************

ပြည်တွင်းသတင်း

လက်ပံတောင်းတောင်စီမံကိန်းရပ်ဆိုင်းရန် အခေါင်းမီးရှို့ဆန္ဒထုတ်ဖော်ခဲ့သူများ အရေးယူခံရ

မုံရွာခရိုင်ရှိ လက်ပံတောင်းတောင် စီမံကိန်းလုပ်ကိုင်ရန် မြေသိမ်းခံခဲ့ရသည့် ကျေးရွာမှတောင်သူများက စက်တင်ဘာလ ၅ ရက် နေ့တွင် မြန်မာ-ဝမ်ပေါင်ရုံး အနောက်မြောက်ဘက်တွင် အခေါင်းသုံးလုံးအား မီးရှို့၍ ဆန္ဒထုတ်ဖော်ခဲ့သည့်အတွက် သက်ဆိုင်ရာက ၎င်း ဆန္ဒထုတ်ဖော်ခဲ့သူများအား အရေးယူခဲ့ကြောင်း သိရသည်။

“လက်ပံတောင်းတောင် စီမံကိန်းလုပ်ဖို့အတွက်ဆိုပြိး မြေတွေ သိမ်းပါတယ်။ မြေသိမ်းခံခဲ့ရတဲ့ တောင်သူတွေက အောက်တိုဘာ ၅ ရက်နေ့မှာ အခေါင်းသုံးလုံးပြုလုပ်ပြီးတော့ မီးရှို့ပြီး ဆန္ဒဖော်ထုတ်ခဲ့ကြတာပါ။ ဒီထဲက ဆန္ဒဖော်ထုတ်ရာမှာ ပါဝင်ခဲ့တယ်လို့ ယူရတဲ့ရွာသား ၁၆ ဦးကို ဆားလင်းကြီး ရဲစခန်းက အမှုဖွင့်ထားပါတယ်”ပာု မြေသိမ်းခံရွာသားတစ်ဦးက ပြောကြားသည်။

ဆန္ဒထုတ်ဖော်ခဲ့သူ ရွာသားများအား တရားစွဲဆိုခဲ့သည့် အကြောင်းအရင်းများမှာ မြန်မာ့စီးပွားရေးဦးပိုင်လီမီတက်နှင့် ဝမ်ပေါင်ကုမ္ပဏီတို့အား ဒေသခံရွာသားများကို စိတ်ညိုညင်အောင်ပြုလုပ်ခြင်း၊ ကုမ္ပဏီကျက်သရေ နစ်နာစေရန် အကြံတို့ဖြင့် ပြုမူဆောင်ရွက်ခြင်းတို့ကြောင့် ၎င်းရွာသားများအား ဆားလင်းကြီးရဲစခန်းက (ပ)၂၃၃။၁၂ ပြစ်မှုပုဒ်မ ၁၄၃ ။ ၁၄၇။ ၅၀၀ တို့ ဖြင့်အမှုဖွင့် အရေးယူခဲ့ခြင်းဖြစ်ကြောင်း သိရသည်။

ထို့ပြင် NGO အဖွဲ့အစည်းဆိုင်ရာ ကော်မတီဥက္ကဋ္ဌ အမျိုးသားလွှတ်တော်ကိုယ်စားလှယ် ဒေါ်ခင်ဝိုင်းကြည်က ပြည်သူများမှ ဆက်လက် လုပ်ဆောင်ခြင်း မပြုရန် အပြင်းအထန် ကန့်ကွက်လျက်ရှိသည့် လက်ပံတောင်းတောင် ကြေးနီစီမံကိန်းပြဿနာအား လွှတ်တော်တွင်းသို့ တင်သွင်း၍ ဆွေးနွေးသွားမည်ဖြစ်ကြောင်း စက်တင်ဘာလ ၃၀ ရက်နေ့တွင် တော်ဝင်နှင်းဆီခန်းမ၌ ပြုလုပ်ခဲ့သည့် လက်ပံတောင်းတောင်နှင့် ချင်းအလှသဘာဝ ကာကွယ်ထိန်းသိမ်းရေး နှီးနှောဖလှယ်ပွဲတွင် ပြောကြားခဲ့သည်။

“ဒီမှာ လာနားထောင်တဲ့အခါကျတော့ သူတို့ရဲ့ ရင်ဖွင့်သံတွေ၊ ဆုံးဖြတ်ချက်ချတာတွေကိုကြားတယ်။ ဒါတွေက ပြည်သူ့အသံ ဖြစ်တဲ့အတွက် လွှတ်တော်ထဲကို တင်ပေးမယ်။ လုံးဝသယ်သွားမယ်။ ဒါ အန်တီတို့တာဝန်ပဲလေ။ အားလုံးကို လုပ်အား မဆုံးရှုံးစေချင်ဘူး။ စိတ်ဓာတ် မဆုံးရှုံးစေချင်ဘူး။ အကုန်လုံးကို တန်ဖိုးရှိရှိနဲံ့ စည်းမျဉ်း၊ စည်းကမ်းနဲ့အညီ ရသင့်ရထိုက်တာတွေ ရစေချင်တယ်”ပာု ဒေါ်ခင်ဝိုင်းကြည်က ပြောကြားသည်။

လက်ပံတောင်းတောင်ကြေးနီစီမံကိန်းအား မြန်မာ့စီးပွားရေးဦးပိုင်လီမီတက်နှင့် တရုတ်ကုမ္ပဏီဝမ်ပေါင်တို့က ပူးပေါင်းလုပ်ကိုင်လျက်ရှိပြီး ယင်း စီမံကိန်း ကိစ္စရပ်များကြောင့် သဘာဝပတ်ဝန်းကျင်ထိခိုက်မှုအများအပြား ဖြစ်ပေါ်ခဲ့ကြောင်း သိရသည်။

YC

--------------------------------------------------------------------------------------------------------------------------

ဈေးနှုန်းနှစ်မျိုးသတ်မှတ်၍ အရန်ဆန်ဝယ်ယူမည်

နိုင်ငံတော်မှ ပြည်တွင်းစားသုံးမှုဖူလုံရေး၊ ပြည်တွင်းဈေးနှုန်း တည်ငြိမ်ရေးများအတွက် အရန်ဆန်ဝယ်ယူရာတွင် ဈေးနှုန်းနှစ်မျိုး သတ်မှတ်၍ ဝယ်ယူတော့မည်ဖြစ်ကြောင်း အရန်ဆန်ထားရှိရေး ကြီးကြပ်မှုကော်မတီမှ တာဝန်ရှိသူတစ်ဦး၏ ပြောကြားချက်အရ သိရသည်။

“လာမယ့် မိုးစပါးပေါ်ချိန်ကစပြီးတော့ နိုင်ငံတော်က ဈေးနှုန်းနှစ်မျိုးသတ်မှတ်ပြီး အရန်ဆန်ဝယ်ယူတော့မှာပါ။ ဧည့်မထစပါးကို ရိုးရိုးနဲ့ အထူးစပါး ဆိုပြီး နှစ်မျိုးခွဲခြားသတ်မှတ်ဝယ်ယူမှာပါ။ ရိုးရိုးကို ၃၃၀၀၀၀ ဈေး၊ အထူးဧည့်မထကို ၃၅၀၀၀၀ ဈေးဆိုပြီးသတ်မှတ်ဝယ်ယူမှာပါ”ပာု ၎င်းက ဆက်လက် ပြောကြားသည်။

နိုင်ငံတော်မှအရန်ဆန်ဝယ်ယူရန် ယခုသတ်မှတ်ပေ