Transparency Myanmar

transparency.myanmar@gmail.com

Document yangonchronicle 2011- (1)
yangonchronicle 2011- (1)

 

၁၂.၁၀.၂၀၁၂

ဘာသာပြန်သတင်းများ

  1. ရိုဟင်ဂျာအခွင့်အရေးကိုကာကွယ်ပေးရန် မြန်မာနှင့် ဘင်္ဂလားဒေရှ့်ကို အမေရိကန်တိုက်တွန်း

(Business Recorder မှ 10 October 2012 ရက်စွဲပါ“US urges Myanmar, Bangladesh on groups's right” သတင်းကို ဘာသာပြန်ဆိုသည်)

  1. မြန်မာနိုင်ငံနှင့် ဆက်ဆံရေး တွင် လေသံမဟိန်းဟောက် နိုင်တော့သည့် တရုတ်

(6 October 2012 ရက်စွဲပါ The Economist မှ Relation with Myanmarး Less thumder out of China ကို ဘာသာပြန်ပါသည်)

  1. ထိုင်းနိုင်ငံက အစိုးရချင်း သဘောတူညီမှုဖြင့် အလုပ်သမာများ   တင်သွင်းမည်

(12 October 2012 ရက်စွဲပါ Bernama မှ Thailand to import workers under G –to-G agreement ကိုဘာသာပြန်ဆိုသည်။)

***********************************************

ဘာသာပြန်သတင်းများ

ရိုဟင်ဂျာ အခွင့်အရေးကို ကာကွယ်ပေးရန် မြန်မာနှင့် ဘင်္ဂလားဒေရှ့်ကို အမေရိကန်တိုက်တွန်း

(Business Recorder မှ 10 October 2012 ရက်စွဲပါ“US urges Myanmar, Bangladesh on groups's right” သတင်းကို ဘာသာပြန်ဆိုသည်)

အလွန်အကျွံ ခွဲခြားဆက်ဆံခြင်း ခံနေရသော ရိုဟင်ဂျာ မွတ်ဆလင် အုပ်စု၏ အခွင့်အရေးများကို ကာကွယ်ပေးကြရန် မြန်မာနှင့် ဘင်္ဂလားဒေရှ့်ကို အမေရိကန် ပြည်ထောင်စုက အင်္ဂါနေ့တွင် တိုက်တွန်းလိုက်သော်လည်း ခက်ခဲသောလုပ်ငန်း ဖြစ်လိမ့်မည်ဟု ဝန်ခံပြောကြားခဲ့သည်။

ဇွန်လက ရခိုင်ပြည်နယ် အကြမ်းဖက်မှုများကြောင့် နှစ်ဖက်စလုံးမှ လူပေါင်း၉၀ခန့် အသက်ဆုံးရှုံးခဲ့ရပြီး၊ ဘင်္ဂလားဒေရှ့် နိုင်ငံကလည်း ဒုက္ခသည် အသစ်များ ထပ်မဝင်နိုင်အောာင် တားဆီးလျက်ရှိသည်။

အမေရိကန် တာဝန်ရှိသူ ၄ဦးပါဝင်သော ကိုယ်စားလှယ် အဖွဲ့သည် ယခင်လက နှစ်နိုင်ငံစလုံးသို့ သွားရောက်၍ အာဏာပိုင်များ၊ အရပ်ဖက် အဖွဲ့အ စည်း ကိုယ်စားလှယ်များနှင့် တွေ့ဆုံကာ မြန်မာနိုင်ငံက နိုင်ငံသားအဖြစ် အသိအမှတ်မပြုသော ရိုဟင်ဂျာများ၏ အခြေအနေကို အကဲဖြတ် လေ့လာခဲ့ကြ သည်။

အထောက်အထားရှိသော ရိုဟင်ဂျာများ နိုင်ငံသားဖြစ်နိုင်မည့် နည်းလမ်းများကို မြန်မာအာဏာပိုင်များနှင့် ဆွေးနွေးခဲ့သည်ဟု လူဦးရေ ဒုက္ခသည် များနှင့် ရွှေ့ပြောင်းခြင်းဆိုင်ရာ အမေရိကန် လက်ထောက်နိုင်ငံခြားရေးဝန်ကြီး ကယ်လီကလီးမင့်က ပြောကြားသည်။

“စီးပွားရေး ဖွံ့ဖြိုးခြင်း၊ ဆင်းရဲမွဲတေမှုဖယ်ရှားပေးခြင်း၊ ဒေသခံတို့၏ အခြေခံ အခွင့်အရေးကို အာမခံခြင်းတို့ကို ဆောင်ရွက်မှသာလျှင် ရခိုင်ပြည်နယ် ငြိမ်းချမ်းနိုင်ချေ ရှိသည်”ဟု Open Society Foundation and Refugees Internationalက ပြုလုပ်သော ဆွေးနွေးပွဲ အခမ်းအနားတွင် သူမကပြောကြား သည်။

မြန်မာနိုင်ငံတွင် ရိုဟင်ဂျာ၈သိန်းခန့် နေထိုင်လျက်ရှိပြီး၊ ဘင်္ဂလားဒေရှ့် အရှေ့မြောက်ပိုင်း သားများကဲ့သို့ ဘင်္ဂါလီ ဘာသာစကား ပြောဆိုသော ရို ဟင်ဂျာများကို တရားမဝင် ရွှေ့ပြောင်းနေထိုင်သူများဟု မြန်မာနိုင်ငံဖက်က သတ်မှတ်ထားသည်။

ကျန်ရိုဟင်ဂျာ ၃သိန်းခန့်နေထိုင်နေသော ဘင်္ဂလားဒေရှ့် နိုင်ငံကလည်း နောက်ထပ်ရိုဟင်ဂျာ ဒုက္ခသည်များ ဝင်မလာစေရန်အတွက် ရှိရင်းစွဲ နိုင်ငံ တကာ ကယ်ဆယ်ရေး အေဂျင်စီ လုပ်ငန်းများကို တားမြစ်ပိတ်ပင်လျက်ရှိသည်။

“အမေရိကန် ပြည်ထောင်စုသည် ဘင်္ဂလားဒေရှ့်မှ ကယ်ဆယ်ရေးလုပ်ငန်းများကို တသမတ်တည်း ထောက်ခံအားပေးခဲ့သူဖြစ်ပြီး ဘင်္ဂလားဒေရှ့် အနေဖြင့်လည်း ၎င်း၏မြေပေါ်တွင် အထောက်အထား မရှိဘဲ နေထိုင်သူ ရိုဟင်ဂျာများကို ကူညီလိမ့်မည်ဟု အမေရိကန်က မျှော်လင့်ကြောင်း” ကယ်လီက လီးမင့်က ပြောကြားသည်။

“ဒီရိုဟင်ဂျာတွေကို မှတ်ပုံတင်ပေးဖို့၊ သူတို့ကို လက်ခံထားတဲ့ နယ်ခံဘင်္ဂလားဒေရှ့် အသိုင်းအဝိုင်း အပါအဝင် သူတို့အားလုံးရဲ့ လူနေမှုအဆင့်ကို မြှင့်တင်ပေးဖို့ ဘင်္ဂလားဒေရှ့် အစိုးရကို တိုက်တွန်ထားပါတယ်။ ပိုက်ဆံမရှိလို့ ကလေးတွေကို ကျောင်းထုတ်တာတွေ၊ အာဟာရ ချို့တဲ့တာတွေ အပါအဝင် လိုအပ်ချက်တွေ ကြီးထွားလာတာကို တွေ့မြင်နေရပါတယ်။ ဒါပေမယ့်လည်း ဒီပြဿနာတွေကို ဖြေရှင်းနိုင်မယ့် နည်းလမ်းတွေအောင်မြင်ဖို့ ခက်ခဲနေပုံ ရတာ ကတော့ ဝမ်းနည်းစရာပါပဲ”ဟု ရိုဟင်ဂျာကိစ္စနှင့် ပတ်သက်၍ နှစ်ပေါင်း၂၀ခန့် လုပ်ကိုင်ခဲ့သူ ကလီးမင့်က ပြောကြားသည်။

နိုင်ငံရေး အကျဉ်းသားများကို လွှတ်ပေးခြင်း၊ မီဒီယာဆင်ဆာ ဖြေလျှော့ပေးခြင်း၊ တိုင်းရင်းသား လက်နက်ကိုင်များနှင့် ဆွေးနွေးခြင်းစသော မြန်မာ နိုင်ငံ၏ သိသာသော အပြောင်းအလဲများကို အမေရိကန် ပြည်ထောင်စုက အားပေးရန် ကြိုးစားနေသည့်အလျှောက် အမေရိကန် နိုင်ငံခြားရေးဝန်ကြီး ဟီလာ ရီကလင်တန်က ရိုဟင်ဂျာမစ်ရှင်ကို စေလွှတ်ခဲ့ခြင်းဖြစ်သည်။

ယခင်နှစ်ပေါင်း နှစ်ဆယ်နီးပါး နိုင်ငံရေး အကျဉ်းသားအဖြစ် အကျယ်ချုပ် ထိန်းသိမ်းခံခဲ့ရသူ အတိုက်အခံခေါင်းဆောင် ဒေါ်အောင်ဆန်းစုကြည် သည်လည်း ယခုအခါ လွှတ်တော်ကိုယ်စားလှယ် အမတ်ဖြစ်လာကာ ယခင်လက အမေရိကန် ပြည်ထောင်စုသို့ သမိုင်းဝင်ခရီး သွားရောက်ခဲ့သည်။

 --------------------------------------------------------------------------------------------------------------------------------

မြန်မာနိုင်ငံနှင့် ဆက်ဆံရေး တွင် လေသံမဟိန်းဟောက်နိုင်တော့သည့် တရုတ်

(6 October 2012 ရက်စွဲပါ The Economist မှ Relation with Myanmarး Less thumder out of China ကို ဘာသာပြန်ပါသည်)

တရုတ်နယ်စပ်မြို့ ဖြစ်သော ရွှေလီရှိ Everything is good ကျောက်စိမ်းကုမ္ပဏီ အရောင်းပြခန်းတွင် လာရောက်သော ဧည့်သည်များသည် ပြထား သော အရာများထဲမှ အမဲရောင် ကျောက်တုံး တစ်ခုကို အာရုံကျ နေကြသည်။ တစ်ဖက်တွင် အနည်းငယ် လှီးပြထားရာ အတွင်းမှ အစိမ်းရောင် နှင့် ခရမ်း ရောင်ကို မြင်နေရပြီး ၄င်းသည် အမှန်တကယ် တန်ဖိုးရှိကြောင်း ပြသနေပါသည်။ ၄င်းသည် မြန်မာနိုင်ငံမှ အရည်အသွေး မြင့်မားသော ကျောက်စိမ်းဖြစ်ပြီး နားလည်သော တရုတ် ဖောက်သညများက ကမ္ဘာပေါ်တွင် အကောင်းဆုံးဟု ဆိုကြပြီး တန်ဖိုးကိုလည်း ဒေါ်လာ (၁.၂)သန်းဟု ကပ်ထားပါသည်။

ရွှေလီတွင် ထိုသို့သော ဆိုင်များ ရာနှင့်ချီ၍ ရှိပြီး အများစု မှာ ကျောက်စိမ်းကို လက်ဝတ်ရတာများလုပ်၍ ရောင်းချကြပါသည်။ တရုတ်လူမျိုးများ အတွက် မြန်မာနိုင်ငံမှ သစ်များ၊ ကျောက်တုံးများ ရောင်းခြင်းဖြင့် စီးပွားရေး ကောင်းမွန်လျက်ရှိသည်။ သို့သော် မြန်မာ အများစုကမူ တရုတ်တို့သည် မိမိတို့ နိုင်ငံမှ သယံဇာတ များခိုးယူနေသူများအဖြစ် သာ ရှုမြင်ကြပါသည်။ ၁၉၉၀ ခုနှစ်များ အလယ်ပိုင်းဆီက မြန်မာနိုင်ငံသည် အနောက်နိုင်ငံများ၏ စီးပွားရေးအရ အရေးယူမှု များကို ခံရကတည်းက တရုတ်တို့သည် မြန်မာနိုင်ငံအပေါ် လွတ်လပ်စွာ ချုပ်ကိုင်ခွင့် ရရှိခဲ့သည်ဟု ဆိုရမည်ဖြစ်သည်။ ရွှေလီတွင် စီးပွားရေး ၊ အားကောင်းလာခြင်းသည် ထိုအချက် မှန်ကန်ကြောင်း သက်သေပင် ဖြစ်သည်။ ယူနန်မှ စီးပွားရေး သမားများသည် မြန်မာနိုင်ငံမှ သွင်းကုန်များ ၊ အချို့ကို အဂတိ လိုက်စားသော မြန်မာအစိုးရ တာဝ