Posts
 | yangonchronicle 2011- (1) |
၈.၁၁.၂၀၁၂
ဘာသာပြန်သတင်းများ
- မြန်မာနိုင်ငံ စိုက်ပျိုးရေးကဏ္ဍတွင် နိုင်ငံခြားရင်းနှီးမြှုပ်နှံမှုအတွက် တံခါးဖွင့်ရန် စဉ်းစား
( 6 November 2012 ရက်စွဲပါ The Nation မှ Myanmar considers opening agriculture to foreign investment ကို ဘာသာပြန်ပါသည်)
- ရခိုင်ပြည်နယ်တွင်း ဆူပူအုံကြွမှုများကို စိုးရိမ်ကြောင်း ဗြိတိန်ထုတ်ဖော်
(UPI သတင်းဌာနမှ 6 Oct 2012 ရက်စွဲပါ Britain express concern about violence in Myanmar ကိုဘာသာပြန်ဆိုသည်)
- နယူးဇီလန်ဝန်ကြီးချုပ် အရှေ့အာရှထိပ်သီးညီလာခံ အပြီးတွင် မြန်မာသို့သွားမည်
(Scoop news မှ 8 Nov 2012 ရက်စွဲပါ “PM to attend EAS and visit Myanmar” သတင်းကို ဘာသာပြန်သည်။)
***********************************************
ဘာသာပြန်သတင်းများ
မြန်မာနိုင်ငံ စိုက်ပျိုးရေးကဏ္ဍတွင် နိုင်ငံခြားရင်းနှီးမြှုပ်နှံမှုအတွက် တံခါးဖွင့်ရန် စဉ်းစား
( 6 November 2012 ရက်စွဲပါ The Nation မှ Myanmar considers opening agriculture to foreign investment ကို ဘာသာပြန်ပါသည်)
မြန်မာနိုင်ငံတွင် အလုပ်လုပ်နိုင်သောလူဦးရေ၏ ၇၀% ကို အလုပ်ပေးထားနိုင်သော စိုက်ပျိုးရေးကဏ္ဍတွင် နိုင်ငံခြားရင်းနှီးမြှုပ်နှံမှု ပိုမိုလိုအပ်လျှက် ရှိကြောင်း မြန်မာဘက်မှ အင်္ဂါနေ့တွင် အရိပ်အမြွက်ပြောကြားခဲ့သည်။
"မြန်မာနိုင်ငံရဲ့ စိုက်ပျိုးရေးကဏ္ဍမှာရှိတဲ့နိုင်ငံခြားရင်းနှီးမြှုပ်နှံမှုဟာ စုစုပေါင်းနိုင်ငံခြားရင်းနှီးမြှုပ်နှံမှုရဲ့ ၀.၄၈% ပဲ ရှိပါတယ်"ဟု သမ္မတ ဦးသိန်းစိန်က ဗီယင်ကျင်းတွင်ကျင်းပသော (၉)ကြိမ်မြောက် အာရှ-ဥရောပ အစည်းအဝေးမိန့်ခွန်းတွင် ထည့်သွင်းပြောကြားခဲ့ပါသည်။
"တကယ်လို့သာ ကျွန်တော်တို့ဟာ အဆင့်မြင့်နည်းပညာ၊ အတွေ့အကြုံဝေမျှမှု၊ သုတေသန၊ ချေးငွေနဲ့ နိုင်ငံခြားရင်းနှီးမြှုပ်နှံမှုစတဲ့ လိုအပ်တဲ့ အကူအညီတွေရခဲ့မယ်ဆိုရင် ကျွန်တော်တို့တိုင်းပြည်ဟာ စားနပ်ရိက္ခာကို ပြည်တွင်းဈေးကွက်ပိုလျှံရုံသာမက ဒေသတွင်းဈေးကွက်ကိုပါ ဖြည့်ဆည်း ပေးနိုင်မယ်ဆိုတာ ခိုင်ခိုင်မာမာယုံကြည်ပါတယ်"ဟုလည်း ဦးသိန်းစိန်က ဆိုသည်။
-------------------------------------------------------------------------------------------------------------
ရခိုင်ပြည်နယ်တွင်း ဆူပူအုံကြွမှုများကို စိုးရိမ်ကြောင်း ဗြိတိန်ထုတ်ဖော်
(UPI သတင်းဌာနမှ 6 Oct 2012 ရက်စွဲပါ Britain express concern about violence in Myanmar ကိုဘာသာပြန်ဆိုသည်)
မြန်မာနိုင်ငံတွင်ဖြစ်ပေါ်နေသော ဆူပူအုံကြွမှုများနှင့် လူသားချင်းစာနာထောက်ထားမှုဆိုင်ရာ အကျပ်အတည်းဖြစ်မှုများ နှင့် ပတ်သက်၍ ဗြိတိန် နိုင်ငံအစိုးရအနေဖြင့် စိုးရိမ်ပူပန်လျက်ရှိကြောင်း နိုင်ငံခြားရေးဝန်ကြီးဝီလျံဟေ့ဂ်ကပြောကြားသည်။ မစ္စတာဝီလျံဟေ့ဂ်သည် လာအိုနိုင်ငံတွင် ကျင်းပ ပြုလုပ်သည့် အာရှ-ဥရောပထိပ်သီးဆွေးနွေးပွဲတွင် မြန်မာနိုင်ငံသမ္မတ ဦးသိန်းစိန်နှင့် သီးခြားတွေ့ဆုံမှုပြုလုပ်ခဲ့ကြောင်းအတည်ပြုပြောဆိုသည်။
မြန်မာနိုင်ငံတွင်း လုပ်ကိုင်ဆောင်ရွက်လျက်ရှိသည့် နိုင်ငံရေးပြုပြင်ပြောင်းလဲမှုများကြောင့် မိမိအနေဖြင့် လွန်စွာဝမ်းမြောက် ဝမ်းသာဖြစ်ရပါကြောင်း၊ သို့တိုင်အောင် ရခိုင်ပြည်နယ်တွင်းဖြစ်ပေါ်နေသည့် ဆူပူအုံကြွမှုများ၊ အကြမ်းဖက်မှုများအတွက် စိုးရိမ်ပူပန်မိ ပါကြောင်းပြောဆိုသည်။ အဆိုပါဖြစ်စဉ်များကြောင့် လူသားချင်းစာနာထောက်ထားမှုဆိုင်ရာ အကျပ်အတည်းများဖြစ်ပေါ်ရသည်ဟု မစ္စတာဝီလျံဟေ့ဂ် ကဆိုသည်။
"ဆူပူအကြမ်းဖက်မှုတွေအားလုံးအဆုံးသတ်နိုင်ရေးအတွက် မြန်မာနိုင်ငံမှာရှိတဲ့ သက်ဆိုင်ရာ နိုင်ငံရေးပါတီနဲ့အဖွဲ့အစည်းတွေအားလုံး လုပ်ကိုင် ဆောင်ရွက်ပေးကြဖို့ ဗြိတိန်နိုင်ငံကတိုက်တွန်းပါတယ်" ဟု မစ္စတာဝီလျံဟေ့ဂ်က ကြေညာချက်ထုတ်ပြန်ပြောဆိုသည်။
ရခိုင်ပြည်နယ်တွင်းဖြစ်ပေါ်ခဲ့သော ဆူပူအုံကြွမှုများကြောင့် လူပေါင်း ၈၉ ဦးသေဆုံးပြီး ထောင်ပေါင်းများစွာ အိုးမဲ့အိမ်မဲ့ဖြစ်ခဲ့ရသည်။ သို့သော် မြန်မာအစိုးရအဆိုအရ ရခိုင်ပြည်နယ်တွင်းအခြေအနေအရပ်ရပ်မှာ ကောင်းစွာထိန်းသိမ်းထားနိုင်ပြီဖြစ်သည်ဟုဆိုသည်။
မည်သို့ပင်ဆိုစေ ကုလသမဂ္ဂလူသားချင်းစာနာထောက်ထားမှုဆိုင်ရာ ပူးပေါင်းဆောင်ရွက်မှုရုံး(UNOCHA) မှ ပြောခွင့်ရပုဂ္ဂိုလ် Jen Laerke က
"ရခိုင်ပြည်နယ်တွင်း အခြေအနေမှာ အလွန်အမင်း အထိအခိုက်မခံသော အခြေအနေဖြစ်သည်" ဟု ပြောသည်။
မြန်မာနိုင်ငံတွင် အစိုးရသစ်လက်ထက် လုပ်ကိုင်ဆောင်ရွက်နေသော နိုင်ငံရေးပြုပြင်ပြောင်းလဲမှုများကို တုံ့ပြန်သည့်အနေဖြင့် ကမ္ဘာ့ဘဏ် (World Bank) က ဒေါ်လာ ၂၄၅ သန်းထောက်ပံ့မည်ဖြစ်ကြောင်း လွန်ခဲ့သည့် သတင်းပတ်ကထုတ်ပြန်ကြေညာသည်။
------------------------------------------------------------------------------------------
နယူးဇီလန်ဝန်ကြီးချုပ် အရှေ့အာရှထိပ်သီးညီလာခံ အပြီးတွင် မြန်မာသို့သွားမည်
(Scoop news မှ 8 Nov 2012 ရက်စွဲပါ “PM to attend EAS and visit Myanmar” သတင်းကို ဘာသာပြန်သည်။)
နယူးဇီလန်ဝန်ကြီးချုပ်ဂျွန်ကီးသည် ပထမဆုံးမြန်မာခရီးစဉ် မတိုင်မှီ အရှေ့အာရှထိပ်သီးညီလာခံ တက်ရောက်ရန်အတွက် ကမ္ဘောဒီးယားသို့ ယခုလကုန်ပိုင်းတွင် အရင်သွားမည်ဟု သိရှိရသည်။
မစ္စတာဂျွန်ကီးသည် အာဆီယံ ၁၀ နိုင်ငံ အပါအဝင် သြစတြေးလျား၊ တရုတ်၊ အိန္ဒိယ၊ ဂျပန်၊ ကိုရီးယား နိုင်ငံများ အဖွဲ့ဝင်သစ် ရုရှားနှင့် အမေရိကန်ပြည်ထောင်စုတို့မှ နိုင်ငံခေါင်းဆောင်များနှင့် အတူ နိုဝင်ဘာ ၂၀ တွင် ဖနွမ်းပင်မြို့၌ အရှေ့အာရှ ထိပ်သီးညီလာခံ EAS သို့တက်ရောက် မည်ဖြစ်သည်။
“ဒီအစည်းအဝေးဟာ နယူးဇီလန်အတွက် အရေးပါတဲ့ နိုင်ငံတွေစုဝေးကြတဲ့ပွဲပါ။ ဒေသတွင်း နိုင်ငံရေး၊ လုံခြုံရေး၊ စီးပွားရေးကိစ္စရပ်တွေကို ဆွေးနွေးကြမှာပါ။ အာဆီယံ ၁၀ နိုင်ငံနဲ့ သူတို့ရဲ့ ကုန်သွယ်ရေး လွတ်လပ်ဇုံ စီးပွားဖက် ၆ နိုင်ငံပါဝင်တဲ့ ဒေသတွင်းကျယ်ကျယ်ပြန့်ပြန့်စီးပွားရေး လက်တွဲ ပူးပေါင်းမှု အစီအစဉ် အတွက် စေ့စပ်ဆွေးနွေးတွေမှာ ကျွန်တော်လည်း ပါဝင်ဆွေးနွေးဖို့ မျှော်လင့်ထားပါတယ်။” ဟု ဂျွန်ကီးက ပြောကြားသည်။
နယူးဇီလန်ဝန်ကြီးချုပ်သည် အရှေ့အာရှထိပ်သီးညီလာခံအပြီးတွင် မြန်မာသမ္မတဦးသိန်းစိန် အတိုက်အခံခေါင်းဆောင် ဒေါ်အောင်ဆန်းစုကြည် တို့နှင့် တွေ့ဆုံရန် မြန်မာနိုင်ငံသို့ ဆက်လက်သွားရောက်မည် ဖြစ်သည်။
“မြန်မာနိုင်ငံသည် ပြီးခဲ့တဲ့တစ်နှစ်လုံး သမိုင်းဝင် နိုင်ငံရေး၊ စီးပွားရေး ပြုပြင်ပြောင်းလဲမှုတွေ ပြုလုပ်ခဲ့ပါတယ်။ ဒီလိုတိုးတက်ပြောင်းလဲမှုတွှေကို ကျွန်တော်အနေနဲ့ ဦးဦးဖျားဖျားတွေ့မြင်ချင်ပါတယ်။ ပြီးတော့ ကမ္ဘာကြီးနဲ့ နိုင်ငံရေး၊ စီးပွားရေး၊ ပြန်လည်ပေါင်းထုတ်ဖို့ ကြိုးစားနေတဲ့ မြန်မာနိုင်ငံကို အားပေးထောက်ခံဖို့ နယူးဇီလန်က ဘယ်လိုပါဝင်နိုင်မလဲ ဆိုတာကို လေ့လာသွားမှာပါ။” ဂျွန်ကီးကပြော ကြားသည်။
ဂျွန်ကီးက ဆက်လက်၍ “ကျွန်တော့်ရဲ့ခရီးစဉ်ဟာ နှစ်နိုင်ငံအကြားဆက်ဆံရေးတည်ဆောက်ဖို့ နယူးဇီလန်ကကတ်ိပြုထားတာကို ထင်ဟပ် ပါလိမ့်မယ်။ မြန်မာနိုင်ငံမှာလာမယ့် နှစ်အနည်းငယ်အတွင်း နယူးဇီလန်ကုမ္ပဏီအတွက် စစ်မှန်တဲ့ အခွင့်အလမ်းတွေရှိလာလိမ့်မည်လို့ မျှော်လင့်ပါတယ်” ဟု ပြောကြားသွားသည်။
***********************************************
| Google Drive: create, share, and keep all your stuff in one place. |  |