Transparency Myanmar

transparency.myanmar@gmail.com

yangonchronicle 2011 - (2)
yangonchronicle 2011 - (2)

၂၇.၁.၂ဝ၁၂

ဘာသာပြန်သတင်းများ (အပိုင်း -၂)

  1. မြန်မာနိုင်ငံတွင် မျှော်လင့်ချက်သစ်ထွက်ပေါ်ပြီဟု အိုဘားမား ချီးကျူးပြောဆို

(AP သတင်းဌာနမှ 25 Jan 2012 ရက်စွဲပါ Obama hails new hope in Myanmar ကို ဘာသာပြန်ဆိုသည်)

  1. အမေရိကန်သည် မြန်မာနိုင်ငံ၏ သမိုင်းတွင် မှန်ကန်သောဖက်မှ ရပ်တည်ပေးနိုင်ပါသေးသည်

(26 Jan 2011 ရက်စွဲပါ Washington Post မှ fred Hialt ရေးသားသော The U.S could get on the right side of history in Burma ကို ဘာသာပြန်သည်)

***********************************

ဘာသာပြန်သတင်းများ

မြန်မာနိုင်ငံတွင် မျှော်လင့်ချက်သစ်ထွက်ပေါ်ပြီဟု အိုဘားမား ချီးကျူးပြောဆို

(AP သတင်းဌာနမှ 25 Jan 2012 ရက်စွဲပါ Obama hails new hope in Myanmar ကို ဘာသာပြန်ဆိုသည်)

မြန်မာနိုင်ငံတွင်း ဒီမိုကရေစီပြုပြင်ပြောင်းလဲမှုများကို အမေရိကန်ပြည်ထောင်စု သမ္မတ ဘားရက်အိုဘားမားက "မျှော်လင့်ချက်သစ်" တစ်ရပ် အဖြစ် ချီးမွမ်းပြောဆိုလိုက်ကြောင်း သတင်းဌာနအသီးသီး၏ ရေးသားဖော်ပြချက်အရ သိရသည်။

အမေရိကန်ပြည်ထောင်စု၏ အာရှပစိဖိတ်ဒေသအတွင်း ဆက်လက်တည်ရှိမှုအတွက် ကြိ်ုးပမ်းသွားရန် ဆုံးဖြတ်ထားသည် ဖြစ်ရာ မြန်မာနိုင်ငံ၏ ပြုပြင်ပြောင်းလဲမှုများက မျှော်လင့်ချက်သစ်များကို ဖြစ်ပေါ်စေကြောင်း အိုဘားမားက နိုင်ငံတော်အခြေပြမိန့်ခွန်း(State of the Union Address)တွင် ထည့်သွင်းပြောဆိုသည်။

အမေရိကန်သမ္မတအများစုသည် နိုင်ငံတော်အခြေပြမိန့်ခွန်းပြောဆိုရာတွင် ပြည်တွင်းရေးကိုသာ ဦးစားပေး ပြောဆိုလေ့ ရှိသော်လည်း ယခု တစ်ကြိမ်တွင်မူ ကမ္ဘာလုံးဆိုင်ရာအခင်းအကျင်းတွင် အမေရိကန်ဦးဆောင်မှုကို မြင်တွေ့ရမည်ဖြစ်ကြောင်း ထည့်သွင်းပြောဆိုသည်။

“အမေရိကဟာ ပစိဖိတ်ပါဝါဖြစ်တယ်ဆိုတဲ့ အချက်ကို ကျွန်တော်တို့ ရှင်းရှင်းလင်းလင်း လုပ်ကိုင်ပြသပြီး ဖြစ်ပါတယ်။ မြန်မာပြည်မှာ ခေတ်သစ် တစ်ခု အစပျိုးမှုကြောင့် မျှော်လင့်ချက်သစ်ကို ဖြစ်ပေါ်စေပါတယ်” ဟု မြန်မာနိုင်ငံကို Burma ဟူသောအသုံးအနှုန်းဖြင့် ညွှန်းဆိုပြောကြားသည်။

အနောက်နိုင်ငံများ၏ အမြင်တွင် ကာလကြာရှည်စွာ အပယ်ခံဖြစ်ခဲ့သည့် မြန်မာနိုင်ငံသည် ယခုအခါ အရပ်သားအစိုးရ တက်လာပြီးနောက် ဒီမိုကရေစီပြုပြင်ပြောင်းလဲမှုလုပ်ခြင်း၊ အတိုက်အခံခေါင်းဆောင် ဒေါ်အောင်ဆန်းစုကြည်နှင့် တွေ့ဆုံဆွေးနွေးခြင်း၊ နိုင်ငံရေးအကျဉ်းသားများကို လွှတ်ပေးခြင်း အစရှိသည်တို့ကို လုပ်ဆောင်လျက်ရှိသည်။

အမေရိကန် နိုင်ငံခြားရေးဝန်ကြီး ဟီလာရီကလင်တန်သည်လည်း ပြီးခဲ့သည့် ဒီဇင်ဘာလအတွင်း မြန်မာနိုင်ငံသို့ ပထမဆုံးအကြိမ် လာရောက်လည်ပတ်ခဲ့သည်။ ထို့နောက် မြန်မာနှင့် ပုံမှန်သံတမန် ဆက်ဆံရေး ပြန်လည်စတင်မည် ဖြစ်ကြောင်း ၎င်းကထုတ်ဖော်ပြောဆိုထားသည်။

*******************************

အမေရိကန်သည် မြန်မာနိုင်ငံ၏ သမိုင်းတွင် မှန်ကန်သောဖက်မှ ရပ်တည်ပေးနိုင်ပါသေးသည်

(26 Jan 2011 ရက်စွဲပါ Washington Post မှ fred Hialt ရေးသားသော The U.S could get on the right side of history in Burma ကို ဘာသာပြန်သည်)

ဆီရီးယားနိုင်ငံ၏ Bashar al-Assad က ၎င်း၏ပြည်သူများကို သတ်ရန်အမိန့်ပေးခဲ့ခြင်းအတွက် ယခင်ကတည်းက နည်းလမ်းပြခဲ့သူမှာ မိုင် ၄၀၀၀ ခန့်ဝေးကွာသော အရှေ့တောင်အာရှနိုင်ငံတစ်ခုကို မှားယွင်းစွာ အုပ်ချုပ်နေသော ဗိုလ်ချုပ်ကြီးများ ဖြစ်သည်။

မြန်မာအစိုးရသည် ၁၉၈၈ ခုနှစ်က လက်နက်မဲ့သော တက္ကသိုလ်ကျောင်းသားများအား သတ်ဖြတ်ခဲ့ပြီး ၂၀၀၇ ခုနှစ်တွင် ဘုန်းတော်ကြီးများကို သေနတ်ဖြင့် ပစ်ခဲ့သည်။

                သို့သော် အချိန်ကြာလာသောအခါ ပြည်သူများကလည်း မေ့သွားကြပြီး အချို့ဗိုလ်ချုပ်ကြီးများသည် ယူနီဖောင်းချွတ်လျက် အရပ်သားအစိုးရ အသွင်ပြောင်းခဲ့သောအခါ အစိုးရများ၊ ကုမ္ပဏီများနှင့် အခြားအုပ်စုများသည် အရေးယူပိတ်ဆို့မှုများ ရုတ်သိမ်းပြီး မြန်မာအစိုးရနှင့် ဆက်ဆံရေးပြုလုပ်ရန် ဖိအားပေးလာသည်။ ထိုသို့ ကျယ်ကျယ်ပြန့်ပြန့် မတောင်းဆိုမီက အာရပ်နွေဦးတော်လှန်ရေးက သင်ခန်းစာအချို့ ရခဲ့ကြပြီး ဖြစ်သည်။

မြန်မာနိုင်ငံအပေါ် အရေးယူမှုများ ချမှတ်ခဲ့ခြင်းသည် အလုပ်မဖြစ်ပာူသော အချက်မှ ဆက်ဆံရေးပြုလုပ်ရန် ငြင်းချက်ထုတ်မှုများ ထွက်ပေါ် လာခြင်း ဖြစ်သည်။ စစ်အစိုးရသည်၁၉၉၀ ရွေးကောက်ပွဲရလဒ်ကို ပစ်ပယ်ခဲ့ခြင်းမှာ ဆယ်စုနှစ် နှစ်စုခန့်ကြာလာသော် ပေါ်ပြူလာဖြစ်ခြင်း မရှိတော့ သော်လည်း မေ့တော့မမေ့ကြသေးပေ။ အမေရိကန်သံတမန်များနှင့် ကုမ္ပဏီများ မြန်မာနိုင်ငံနှင့် ဝေးကွာခဲ့သောအခါ တရုတ်၏ပါဝါက မြန်မာနိုင်ငံအပေါ် လွှမ်းမိုးလာခဲ့သည်။ မြန်မာပြည်သူများသည် ဆင်းရဲမြဲ ဆင်းရဲလျက်ရှိပြီး ကမ္ဘာကြီးနှင့် အထီးကျန်ဖြစ်လျက်ရှိသည်။

အဘယ်ကြောင့် အသစ်တစ်ခုခုကို ကြိုးပမ်းသနည်း။ အဘယ်ကြောင့် မိမိကိုယ်မိမိ ဒုက္ခတွေ့စေမည့် အိုင်ဒီယာကို ပစ်ပယ်ပြီး ပိုမို၍ လက်တွေ့ ကျသော တစ်ခုမပြောင်းသနည်း။

ဖြစ်နိုင်သော အကြောင်းပြချက်အချို့ စိတ်ထဲသို့ ရောက်လာသည်။ အချက်တစ်ချက်မှာ စစ်အစိုးရနှင့် ဆက်ဆံရေးလုပ်ခြင်းဖြင့် မွန်းကျပ်နေသော အစိုးရအတွက် ပို၍အားရှိသွားစေမည်လောဆိုသည့် အချက်ဖြစ်သည်။ အနောက်ဥရောပသည် ကျူးဘားနှင့် ဆယ်စုနှစ်များစွာကပင် ဆက်ဆံရေး ပြုလုပ်လာခဲ့ရာ ကက်စထရိုသည် ဘာမျှကုန်ကျစရိတ်မရှိလှပဲ ယူရိုငွေများ ဝင်လာခဲ့ပြီး သူ၏ အာဏာရှင်စနစ် တည်ငြိမ်အောင် လုပ်ထားနိုင်ခဲ့သည်။

ဆက်ဆံရေးပြုလုပ်ခြင်းကြောင့် အမေရိကန်စီးပွားရေး ပိုကောင်းလာအောင်လည်း လုပ်ပေးနိုင်မည်မပာုတ်ပေ။ မြန်မာနိုင်ငံသည် ၎င်း၏ ထူးဆန်းသော အကျင့်တစ်ခုဖြစ်သည့် သံသယကြီးမားသည့် ခရိုနီဆိုရှယ်လစ်စနစ်ကိုသာ ဖက်တွယ်ထားမည်ဆိုပါက၊ ဖွံ့ဖြိုးတိုးတက်မည့် အခွင့်အလမ်းများ မရနိုင်ပေ။

ထို့အပြင် အရေးယူပိတ်ဆို့မှုများ အလုပ်မဖြစ်ပာု ပြောရခြင်းမှာလည်း တရားမျှတမှုမရှိပာုဆိုရမည်ဖြစ်သည်။ အဘယ်ကြောင့်ဆိုသော် အမေရိကန်ပြည်ထောင်စုသည် အရေးယူမှုကို အပြည့်အဝ အသုံးမချရသေးသောကြောင့်ဖြစ်သည်။ ၎င်းသည် မြန်မာခေါင်းဆောင်များ၏ ကိုယ်ပိုင် ငွေကြေးများနှင့် ဆွေမျိုးများ၏ ကိုယ်ပိုင်ငွေများကို တင်းတင်းကြပ်ကြပ် ချိန်ရွယ်လုပ်ဆောင်ခြင်း မရှိသေးပေ။ အမေရိကန်တို့သည် ၎င်းတို့၏ မပာာဗျူပာာ ဦးစားပေးမှာမြန်မာနိုင်ငံအတွင်းမှ ဒီမိုကရက်များအား ကူညီရန် ဖြစ်သည်ဆိုသောအချက်ကို မြန်မာနိုင်ငံ၏ အိမ်နီးချင်းများအား ရှင်းအောင်ပြောမထား ခဲ့ပေ။ မြန်မာ၏ အိမ်နီးချင်းအချို့မှာ ၎င်းတို့ ဒီမိုကရေစီအသစ်ပာုဆိုနေကြပြီး၊ မြန်မာနိုင်ငံမှ သွေးစွန်းသောဗိုလ်ချုပ်များနှင့် မသက်မသာ ပုခုံးဖက်လျက် ရှိကြသည်။ အမေရိကန်သည် စစ်အစိုးရကျုးလွန်ခဲ့သော လူသားချင်းစာနာမှုမရှိသည့် ရာဇဝတ်မှုများအတွက် ကုလသမဂ္ဂ စုံစမ်းရေးကော်မရှင်ကိစ္စကို စကားပြောခဲ့သော်လည်း ဘယ်သောအခါမှ တွန်းအားပေးခဲ့ခြင်းမရှိပေ။ ဒေါ်အောင်ဆန်းစုကြည်ကပင် ကုလသမဂ္ဂ စုံစမ်းရေးကော်မရှင်အတွက် ထောက်ခံခဲ့သည်။

တွန်းအားပေးခြင်းသည် အကျင့်ဆိုးများ ထပ်ခါထပ်ခါ ဖြစ်ပေါ်နေမှုကို အားပျော့သွားစေပါမည်။(အဘယ်ကြောင့် ကဒါဖီကိုမူ ဗုံးကြဲ၍ ရွာ တစ်ရွာပြီး တစ်ရွာ ဖျက်ဆီးသော မြန်မာအစိုးရကိုမူ ဘာမျှမလုပ်သနည်း) တွန်းအားပေးခြင်းသည် ကဒါဖီ၊ အာဆတ်နှင့် အခြားအာရပ် အာဏာရှင်များကို ၎င်းတို့အား မနှစ်သက်ကြောင်းအဆို ကိုစောင့်ရန်မလိုကြောင်း ပြသခြင်းပင်ဖြစ်သည်။

သို့သော် အီဂျစ်တွင် ယခုနွေဦးက Pew သုတေသနဗဟိုက ပြည်သူ့မြင်ကို စာရင်းကောက်ယူရာမှ အားကောင်းသော ငြင်းချက်ထုတ်မှုတစ်ခု ထွက်ပေါ်လာခဲ့သည်။

အီဂျစ်တွင် အမေရိကန်ပြည်ထောင်စုသည် ဆယ်စုနှစ်ပေါင်းများစွာ လုံးဝလက်တွေ့ကျသော ထိတွေ့ဆက်ဆံရေးမူဝါဒကို ကျင့်သုံးခဲ့သည်။ မူဘာရက်နှင့်အဖွဲ့ အမှားများမလုပ်နိုင်အောင်ထားရှိသော ကိုင်ရိုမှ အမေရိကန်သံအမတ်များသည်  အီဂျစ်ပြည်သူများ၏ ပိုမိုလုံခြုံသောဘဝအတွက် လိုလားချက်များကို မသိနားမလည်၊ သဘာဝမကျပာုဆိုကာ မှန်မှန်လစ်လျူရှုခဲ့သည်။ နောက်ဆုံးအီဂျစ်ပြည်သူများသည် လမ်းပေါ်သို့ထွက်၍ ကိုယ်ပိုင် အုပ်ချုပ်ခွင့်ရရန် တောင်းဆိုကြရာ၊ အမေရိကန်ပြည်ထောင်စုသည် သမ္မတမူဘာရက် ဆက်လက်ရှင်သန်နိုင်ရန် မျှော်လင့်ချက်မရှိတော့သည်အထိ မူဘာရက်ဖက်မှ ရပ်တည်ခဲ့သည်။

ရလဒ်ကားအဘယ်နည်း။ အီဂျစ်လူမျိုးများ၏ ၂၀% ကသာ အမေရိကန်ပြည်ထောင်စုကို အကောင်းမြင်ကြသည်ပာု Pew က တွေ့ရှိသည်။ Pew ၏ တွေ့ရှိချက်အရ အရှေ့အလယ်ပိုင်းတွင် ဖြစ်သွားခဲ့သော နိုင်ငံရေးအရပြောင်းလဲမှုကို အမေရိကန်သမ္မတက ကိုင်တွယ်ပုံနှင့် ပတ်သက်၍ အနုတ် လက္ခဏာဆောင်သော အမြင်က ပို၍များသည်ပာုဆိုသည်။ သဘောမကျသူ အများစုက ပြောရာတွင် ပြောင်းလဲမှုအတွက် တောင်းဆိုသူများအပေါ် Obama ၏ ထောက်ခံမှုအနည်းငယ်သာ ရခဲ့သည်ပာုဆိုသည်။

အမေရိကန်ပြည်ထောင်စုသည် သမိုင်းတွင်မှားသည့်ဘက်တွင် ရပ်ခဲ့ပြီးဖြစ်သည်။ တနည်းအားဖြင့် ယခုအခါ ထိုအတွက် ပေးဆပ်နေရပြီ ဖြစ်သည်။

အကယ်၍ မြန်မာ စစ်တပ်အစိုးရသည် အနာဂါတ်ကို ကိုယ်စားပြုသည်ပာု ယုံကြည်မှုရှိသည်ဆိုပါလျှင် ဆက်ဆံရေး တည်ဆောက်ရန်နှင့် နှစ်နိုင်ငံကြား ခြားနားနေမှုများကို ပြင်ဆင်ရန် ဖြစ်သည်။ စစ်အစိုးရ မည်သည့်အချိန်တွင် ကျရှုံးမည် သို့မပာုတ် ၎င်း၏ စစ်သားများ မည်သည့်အချိန်တွင် ကျောင်းသားများနှင့် ဘုန်းတော်ကြီးများအား မသတ်တော့ပါပာု ဆုံးဖြတ်ချက်ချမည်ဆိုသည်ကို မည်သူမျှ အတိအကျ မခန့်မှန်းနိုင်ဆိုသည်မှာ သေချာသည်။

သို့သော် စစ်အစိုးရက ၎င်းတို့ကို ပြည်သူက မုန်းတီးသည်ဆိုသည်ကိုမူ ရှင်းရှင်းလင်းလင်း နားလည်ထားသည်။ ထို့ကြောင့် အစိုးရသည် မီဒီယာများကို ပိတ်ပင်ခြင်း၊ အစိုးရဆန့်ကျင်သူထောင်ပေါင်းများစွာအား ထောင်ချခြင်း၊ ဒေါ်အောင်ဆန်းစုကြည်၏ NLD ကို ပိတ်ပင်ခဲ့ခြင်းနှင့် မြို့တော်ကို လူအများနှင့်ဝေးရာတွင် ငွေဘီလီယံသုံးစွဲ၍ ရွှေ့ပြောင်းခဲ့ခြင်းများ လုပ်ခဲ့ခြင်းဖြစ်သည်။ အာရှတစ်ခုလုံးသည် မြန်မာနိုင်ငံကို ဖြတ်ကျော်သွားကြပြီဖြစ်ရာ၊ မြန်မာနိုင်ငံမှ သက်ကြားအို သူခိုးကြီးများအနေဖြင့် ၎င်းတို့သည် အမှန်တကယ်ပင် အနာဂါတ်ကို ကိုယ်စားမပြုဆိုသည်ကို နားလည်ရမည်ဖြစ်သည်။

အမေရိကန်သည် အီဂျစ်တွင် မူဘာရက်ပြုတ်ကျရေး၊ အီဂျစ်ပြည်သူများအပေါ် အနည်းငယ်သာ လုပ်ဆောင် ပေးနိုင်သကဲ့သို့ မြန်မာနိုင်ငံ၏ စစ်အစိုးရ နိဂုံးချုပ်ရေးတွင်လည်း အမေရိကန်တို့၏ လုပ်ဆောင်ပေးနိုင်မှုမှာ မပြောနိုင် သေးပေ။ သို့သော် ဒီမိုကရက်တစ်မြန်မာနိုင်ငံတွင် Pew သုတေသန ဗပိာုက စစ်တမ်းကောက်ယူမှုပြုလုပ်ပြီး၊ မြန်မာနိုင်ငံတွင် ရလဒ်ကောင်းများထွက်ရေးအတွက် အမေရိကန်တို့ ဘာလုပ်ပေးနိုင်မလဲ ဆိုသည်ကို စဉ်းစား ရတော့မည် ဖြစ်သည်။

                            *****************************************


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle 2011- (1)
yangonchronicle 2011- (1)

၂၇.၁.၂ဝ၁၂

ဘာသာပြန်သတင်းများ (အပိုင်း -၁)

  1. ကမ္ဘာ့ခေါင်းဆောင်များအား မြန်မာနိုင်ငံအားထောက်ခံကူညီရန် ဒေါ်အောင်ဆန်းစုကြည် ပြော

(27 Jan 2012 ရက်စွဲပါ Radio Australia News မှ Suu Kyi calls on World Leaders to support Burma ကို ဘာသာပြန်သည်)

  1. အမေရိကန်ဆီနိတ်တာက မြန်မာနိုင်ငံမှ တိုးတက်မှုများကို အသိအမှတ်ပြု

(26 Jan 2012 ရက်စွဲပါ VOA news မှ Michael Bowman ၏  US Lawmaker notes progress in Burma ကို ဘာသာပြန်သည်)

  1. ထားဝယ်စီမံကိန်းအကောင်အထည်ဖော်သည့်ကုမ္ပဏီ ငွေကြေးအရင်းအနှီးနှင့် စီးပွားရေးမိတ်ဖက်ထပ်မံရရှိရန် ရှာဖွေ

(Bangkok Post သတင်းစာမှ 23 Jan 2012 ရက်စွဲပါ Dawei developer seeks more funding, partners ကို ဘာသာပြန်ဆိုသည်)

***********************************

ဘာသာပြန်သတင်းများ

ကမ္ဘာ့ခေါင်းဆောင်များအား မြန်မာနိုင်ငံအားထောက်ခံကူညီရန် ဒေါ်အောင်ဆန်းစုကြည် ပြော

( 27 Jan 2012 ရက်စွဲပါ Radio Australia News မှ Suu Kyi calls on World Leaders to support Burma ကို ဘာသာပြန်သည်)

မြန်မာနိုင်ငံသည် ရှားပါးပြီး တန်ဖိုးရှိသော အခွင့်အလမ်းများဆုံရာအမှတ်သို့ ရောက်နေပြီဖြစ်ကြောင်း ဒီမိုကရေစီ ခေါင်းဆောင် ဒေါ်အောင်ဆန်း စုကြည်က ဆွစ်ဇာလန်နိုင်ငံတွင် ပြုလုပ်သော ကမ္ဘာ့စီးပွားရေးဖိုရမ်တွင် တက်ရောက်လာသော ကိုယ်စားလှယ်များအား ပြောကြားလိုက်သည်။

သူမက ဗီဒီယိုလင့်ခ်မှ စကားပြောရာတွင် ကိုယ်တိုင်တက်ရောက်ရန် သူမအနေဖြင့် အမျိုးသားဒီမိုကရေစီ အဖွဲ့ချုပ် ကြားဖြတ်ရွေးကောက်ပွဲ ဝင်ရေးအတွက် အလုပ်များနေသဖြင့် မတက်ရောက်နိုင်ကြောင်း ပြောကြားခဲ့သည်။

မြန်မာနိုင်ငံတွင် ပြောင်းလဲမှုလုပ်ရန် လိုအပ်နေမှု များစွာရှိသေးကြောင်း၊ သို့သော် နိုင်ငံတကာအသိုင်းအဝိုင်း၏ အကူအညီဖြင့် တိုးတက်မှု များလည်း ရှိခဲ့ကြောင်း သူမကပြောသည်။

“ မြန်မာနိုင်ငံရဲ့ အကျိုးစီးပွားကို မြှင့်တင်ပေးလိုတဲ့သူတွေရယ်၊ ငြိမ်းချမ်းရေး၊ တည်ငြိမ်ရေးနဲ့ ဖွံ့ဖြိုးတိုးတက်ရေး၊ သာယာဝပြောရေးအတွက် ကြိုးစားနေတဲ့ တခြားနိုင်ငံတွေနဲ့ အဖွဲ့အစည်းတွေကို ကျွန်မပြောချင်တာကတော့ ကျွန်မတို့ရဲ့ နောက်ထပ်အရေးကြီးတဲ့ ခြေလှမ်းတစ်ရပ်ဖြစ်တဲ့ အလားအလာကောင်းများနဲ့ ဖြည့်ဆီးမှုကြားက ခြားနားနေမှုကို တံတားခင်းပေးခြင်းမှာ ကျွန်မတို့ကို  ထောက်ခံပံ့ပိုးပေးဖို့ဖြစ်ပါတယ်” ဟု သူမက ပြောခဲ့သည်။

**************************

အမေရိကန်ဆီနိတ်တာက မြန်မာနိုင်ငံမှ တိုးတက်မှုများကို အသိအမှတ်ပြု

( 26 Jan 2012 ရက်စွဲပါ VOA news မှ Michael Bowman ၏  US Lawmaker notes progress in Burma ကို ဘာသာပြန်သည်)

ထိပ်တန်းအမေရိကန်ဥပဒေပြုအမတ်တစ်ဦးက မြန်မာနိုင်ငံမှ နိုင်ငံရေးပြုပြင်ပြောင်းလဲမှုများကို ချီးကျူးခဲ့ပြီး၊ နောက်ထပ်ပြောင်းလဲမှုများ လိုသေးကြောင်း ပြောကြားခဲ့သည်။ ဆီးနိတ်လူနည်းစုခေါင်းဆောင် Mitch McConnell သည် မကြာသေးမီက မြန်မာနိုင်ငံမှ ပြန်လာခဲ့ပြီး ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့်လည်းကောင်း၊ သမ္မတဦး သိန်းစိန်နှင့်လည်းကောင်း တွေ့ဆုံခဲ့သည်။

၎င်းသည် ဆီးနိတ်ချိန်ဘာ ( Chamber floor) တွင် မြန်မာနိုင်ငံနှင့်ပတ်သက်၍ မျှော်လင့်ချက်များရှိပြီး သတိနှင့် အကောင်းမြင်သော သတင်းစကားများ ပြောခဲ့သည်။ ၎င်းက မြန်မာနိုင်ငံသည် ကမ္ဘာပေါ်တွင် အထီးကျန်ဆုံးနှင့် အဖိနှိပ်ဆုံးနိုင်ငံများတွင် တစ်ခုဖြစ်ကြောင်းဖော်ပြခဲ့သည်။

“ကျွန်တော်တို့အများစုက မြန်မာနိုင်ငံမှာ ပြောင်းလဲမှုတွေဖြစ်တယ်ဆိုတာ ဟုတ်၊မဟုတ် စဉ်းစားနေကြတာ။ ကျွန်တော်မကြာခင်က သွားကြည့်ခဲ့ တာပါ။ ဝမ်းသာစွာပြောလိုတာကတော့ ပြောင်းလဲမှုတွေကို ရှင်းရှင်းလင်းလင်း တွေ့နေရတယ်ဆိုတာပါပဲ” ဟု McConnell ကပြောသည်။ “ လွန်ခဲ့တဲ့ ခြောက်လအတွင်း မြန်မာနိုင်ငံမှာ ဒီမိုကရေစီကိုဦးတည်တဲ့ တိုးတက်မှုအချို့ လုပ်နိုင်ခဲ့ပါတယ်။ ဒါကတော့ ကြိုဆိုရမယ့်သတင်းအဖြစ် ကျွန်တော် ပြောပြတာပါ” ဟု ၎င်းက ဆိုသည်။

Mitch McConnell သည် နှစ်စဉ် မြန်မာနိုင်ငံအပေါ် အရေးယူရေးဥပဒေများချမှတ်ရန် ဦးဆောင်ခဲ့သူ တစ်ဦးဖြစ်သည်။ ၎င်းက အစိုးရ၏ အရပ်သားအုပ်ချုပ်ရေးအတွက် အသွင်ကူးပြောင်းရေးကာလနှင့် နိုင်ငံရေးအကျဉ်းသားများ လွှတ်ပေးခဲ့မှုကို ချီးးကျူးပြောဆိုခဲ့သည်။

“ဒေါ်အောင်ဆန်းစုကြည်ရဲ့ သတ္တိနဲ့ သည်းခံစိတ်ရှည်နိုင်မှုကြောင့် တရားမျှတမှုဟာ ကြန့်ကြာခဲ့ရတယ်ဆိုပေမယ့်၊ ဒီနေ့ မငြင်းပယ် နိုင်တော့ပါဘူး၊ သူမဟာ သူ့တိုင်းပြည်မှာ လွတ်မြောက်ရေး( freedom) အတွက် မျှော်လင့်ချက်တွေ ရှင်သန်နိုင်အောင် လုပ်ဆောင်နိုင်ခဲ့ပါပြီ” ဟု McConnell က ပြောသည်။ “ ကျွန်တော့်အနေနဲ့ နိုဘယ်လ်ဆုရှင်ကိုရော သမ္မတကြီးကိုရော လူကိုယ်တိုင်တွေ့ရလိမ့်မယ်လို့ ဘယ်တုန်းကမှ မစဉ်းစားမိဘူး၊ တွေ့ခဲ့ရတဲ့ အချိန်တွေဟာ သိပ်တန်ဖိုးရှိပါတယ်” ဟု ၎င်းကပြောသည်။

McConnell ကပြောကြားရတွင် မြန်မာအစိုးရသည် ပြုပြင်ပြောင်းလဲရေးအတွက် ငြင်းမရနိုင်သော အပေါင်းလက္ခဏာ ဆောင်သော ခြေလှမ်းများ လုပ်ဆောင်ခဲ့ကြောင်း၊ ထို့ကြောင့် ဝါရှင်တန်နှင့် ရန်ကုန်ကြား သံအမတ်ကြီးအဆင့် ဖလှယ်ရေးကို ထောက်ခံကြောင်း၊ သို့သော် နောက်ထပ်လုပ်ဆောင် စရာများ လုပ်ရဦးမည်ဖြစ်ကြောင်းပြောကြားခဲ့သည်။

“ မြန်မာအစိုးရဟာ စစ်မှန်တဲ့ မပြောင်းလဲနိုင်တဲ့ ပြုပြင်ပြောင်းလဲရေးတွေ အောင်မြင်ဖို့ ခိုင်မာတဲ့လမ်းကြောင်း ရှိနေဆဲ ဖြစ်ပါတယ်။ ဒါပေမယ့် နောက်ထပ် တိုးတက်မှုတွေများ မရှိပဲနဲ့တော့ အမေရိကန်ရဲ့ အရေးယူပိတ်ဆို့မှုတွေ ရုတ်သိမ်းဖို့ ကျွန်တော်မထောက်ခံပါဘူး။ Obama အစိုးရကလည်း ထောက်ခံလိမ့်မယ်လို့ ကျွန်တော်မထင်ပါဘူး” ဟု McConnell ကပြောသည်။

McConnell က လာမည့် ကြားဖြတ်ရွေးကောက်ပွဲများကို အဆိုပါတိုးတက်မှုများအတွက် အရေးကြီးသော စမ်းသပ်မှုတစ်ခုအဖြစ် သတ်မှတ် ထားပြီး၊ မြန်မာအစိုးရနှင့် တိုင်းရင်းသားများကြား အပြည့်အဝပြန်လည်ပေါင်းစည်းမှု ရရှိရေးအတွက်လည်း တိုက်တွန်းခဲ့သည်။ ၎င်းက မြန်မာနိုင်ငံနှင့် မြောက်ကိုးရီးယားဆက်ဆံရေးကိုလည်း ရပ်ဆိုင်းရန် တောင်းဆိုခဲ့သည်။

မကြာသေးမီက ဝါရှင်တန်ပို့စ်နှင့် အင်တာဗျူးတွင် မြန်မာနိုင်ငံသမ္မတကြီးက ၎င်းတို့သည် အနောက်နိုင်ငံ တောင်းဆိုမှုများကို လုပ်ဆောင်ခဲ့ပြီး ဖြစ်၍၊ ၎င်းအနေဖြင့် အမေရိကန်၏ အရေးယူမှုများ တဖြည်းဖြည်း ဖြေလျော့သွားပြီး၊ နောက်ဆုံးဖယ်ရှားသည်ကို မြင်တွေ့လိုကြောင်း ပြောကြားခဲ့သည်။

**************************

ထားဝယ်စီမံကိန်းအကောင်အထည်ဖော်သည့်ကုမ္ပဏီ ငွေကြေးအရင်းအနှီးနှင့် စီးပွားရေးမိတ်ဖက်ထပ်မံရရှိရန် ရှာဖေ

(Bangkok Post သတင်းစာမှ 23 Jan 2012 ရက်စွဲပါ Dawei developer seeks more funding, partners ကို ဘာသာပြန်ဆိုသည်)

အရင်းအနှီးကဲသော ထားဝယ်စီမံကိန်းကြီး အကောင်အထည်ပေါ်လာရန် ဆက်လက် တွန်းအားပေးရာတွင် ထိုင်းနှင့် မြန်မာအစိုးရနှစ်ရပ်၏ ထောက်ပံ့မှုများသာမက နိုင်ငံခြားစီးပွားရေး မိတ်ဘက်များ၏ ချိန်ခွင်လျှာမျှပေးမှုတို့လည်း လွန်စွာအရေးပါသည့် နေရာတွင်ရှိကြောင်း Italian-Thai Development Plc ကုမ္ပဏီက ပြောကြားသည်။

ဈေးကွက်တန်ဖိုးအရ ထိုင်းနိုင်ငံ၏ အကြီးဆုံးဆောက်လုပ်ရေးလုပ်ငန်းကြီးဖြစ်သော ITD အနေဖြင့် လာမည့်နှစ်များအတွင်း ထားဝယ် ရေနက် ဆိပ်ကမ်းစီမံကိန်း၌ ကားလမ်း၊ ရထားလမ်း၊ ဆိပ်ကမ်း၊ တယ်လီကွန်မြူနစ်ကေးရှင်းကွန်ယက် အစရှိသည့် အခြေခံအဆောက်အအုံများ တည်ဆောက်ရန် အမေရိကန်ဒေါ်လာ ၈ ဘီလီယံလိုအပ်မည် ဖြစ်သည်။

"အချိုးတူထည့်ဝင်မှု၊ ချေးငွေရယူမှု၊ မဟာဗျူဟာမိတ်ဖွဲ့မှု ပုံစံမျိုးနဲ့ စီမံကိန်းအတွက် ရန်ပုံငွေရှာဖွေသွားမှာ ဖြစ်ပါတယ်" ဟု Dawei Development Co(DDC) မှ အမှုဆောင်ဒါရိုက်တာ Somchet Thinaphong ကပြောကြားသည်။

မြန်မာနိုင်ငံမှ ပြည်တွင်းရင်းနှီးမြှုပ်နှံရေး ကုမ္ပဏီတစ်ခုဖြစ်သော Max Myanmar က DDC မှ အစုရှယ်ယာ ၂၅ ရာခိုင်နှုန်းဝယ်ယူရန် သဘော တူညီထားပြီးဖြစ်သည်။ DDC သည် ထားဝယ်ရေနက်ဆိပ်ကမ်း စီမံကိန်းကို စီမံခန့်ခွဲလုပ်ကိုင်ရန် ITD က ထူထောင်ပေးထားသည့် ကုမ္ပဏီခွဲ တစ်ခု ဖြစ်သည်။ DDC ကမူ ထားဝယ်စီမံကိန်းကြီး၏ အစုရှယ်ယာ ၅၁ ရာခိုင်နှုန်းကို ဆက်လက်ထိန်းသိမ်းထားမည်ဖြစ်ပြီး ကျန်ရှိသော အစုရှယ်ယာများအတွက် ရင်းနှီးမြှုပ်နှံသူများကို ဖိတ်ခေါ်လျက်ရှိကြောင်း ထုတ်ဖော်ပြောဆိုသည်။

ITD သည် ထားဝယ်ရှိ စတုရန်းကီလိုမီတာ ၂၅၀ ခန့်ရှိသည့် အထူးစီးပွားရေးဇုန် လုပ်ကိုင်ဆောင်ရွက်ရန် နှစ်ပေါင်း ၇၅ နှစ် လုပ်ပိုင်ခွင့် သဘောတူညီချက်ရရှိထားသည်။ ယင်းစီးပွားရေးဇုန်သည် ထိုင်းနိုင်ငံ Rayong ရှိ Map Ta Phut စက်မှုဇုန်ထက် ၁၀ ဆခန့်ကြီးမားသည်။ အက်ဒမန် ပင်လယ်ကမ်းခြေတွင် တည်ရှိသည့် ယင်းထားဝယ် စီမံကိန်းကြီးမှာ ဘန်ကောက်မြို့တော်နှင့်မူ ကီလိုမီတာ ၃၅၀ မျှသာဝေးကွာပြီး စတီးစက်ရုံ၊ လျှပ်စစ် ဓာတ်အားထုတ်လုပ်ရေးစက်ရုံ၊ ရေနံဓာတုစက်ရုံ၊ ဓာတ်မြေသြဇာစက်ရုံ အစရှိသည်တို့ တွဲဖက်ပါဝင်မည် ဖြစ်သည်။

"တရုတ်၊ ဂျပန်နဲ့တောင်ကိုရီးယားစတဲ့နိုင်ငံတွေဟာ ကျွန်တော်တို့စီမံကိန်းကြီးရဲ့ အခရာကျတဲ့ မဟာဗျူဟာမိတ်ဖက်တွေပဲ ဖြစ်ပါတယ်။ အဲဒီ အုပ်စုတွေတစ်ခုချင်းစီအတွက် ချိန်ခွင်လျှာထိန်းညှိပေးမယ့်ကိစ္စဟာ အင်မတန်အရေးကြီး လှပါတယ်။ ဥပမာအားဖြင့်ပြောရရင် တကယ်လို့ ကျွန်တော်တို့မှာ တရုတ်မိတ်ဖက်တွေများနေမယ်ဆိုရင် အမေရိကန်ပြည်ထောင်စုက စိတ်ကျေနပ်မှာမဟုတ်ပါဘူး" ဟု Dr Somchet က ပြောကြားသည်။

အမေရိကန်ပြည်ထောင်စု နိုင်ငံခြားရေးဝန်ကြီး ဟီလာရီကလင်တန် ပထမဆုံးအကြိ်မ်အဖြစ် နေပြည်တော်သို့ သွားရောက်ကာ သမ္မတ ဦးသိန်းစိန် အပါအဝင် အစိုးရဝန်ကြီးများသာမက အတိုက်အခံခေါင်းဆောင် ဒေါ်အောင်ဆန်းစုကြည်နှင့် တွေ့ဆုံမှုများပြုလုပ်နိုင်ခဲ့ပြီးနောက် မကြာမီကာလအတွင်း ၌ပင် အိုဘားမားအုပ်ချုပ်ရေးအဖွဲ့က မြန်မာနိုင်ငံနှင့် ပုံမှန်သံတမန် ဆက်ဆံရေးပြန်လည်ထူထောင်မည်ဟုကြေညာခဲ့သည်။ ဂျပန် စီးပွားရေး၊ ကုန်သွယ် ရေးနှင့် စက်မှုဝန်ကြီးသည်လည်း အာလားတူပင် မြန်မာနိုင်ငံသို့ သွားရောက်လည်ပတ်ခဲ့သည်။

Dr Somchet ၏အဆိုအရ ထိုင်းနှင့် မြန်မာအစိုးရတို့သည် ထားဝယ်စီမံကိန်းကြီးအတွက် နယ်ပယ်လေးခုတွင် ထောက်ပံ့မှုများပေးရန် တိုက်တွန်းပြောဆိုထားကြောင်း သိရသည်။ ယင်းနယ်ပယ်များမှာ ၁- ရုပ်ပိုင်းဆိုင်ရာ အခြေခံအဆောက်အဦများအဖြစ် ထိုင်းနှင့် မြန်မာနိုင်ငံအကြား သယ်ယူပို့ဆောင်ရေး လမ်းကြောင်းများ ဖောက်လုပ်ရေး။ ၂- နှစ်နိုင်ငံအကြား ၂၀၁၅ ခုနှစ် အာဆီယံစီးပွားရေး အသိုင်းအဝိုင်း(AEC)အရ နယ်စပ် ဆက်သွယ်မှုများ တိုးမြင့်ကောင်းမွန်လာရေးရန်အလို့ငှာ ထားဝယ်ရေနက်ဆိပ်ကမ်း စီမံကိန်းအတွက် အင်စတီးကျူးရှင်းဆိုင်ရာ အခြေခံ အဆောက်အဦများ တည်ဆောက် ရေး။ ၃- နှစ်နိုင်ငံအကြား ငွေကြေးလွှဲပြောင်းမှုများ ပြုလုပ်နိုင်ရန် ဘဏ္ဍာရေးလုပ်ထုံးလုပ်နည်းဆိုင်ရာ ကူညီထောက်ပံ့မှုများရရှိရေး။ ၄- နယ်စပ်ဖြတ်ကျော် ရင်းနှီးမြှုပ်နှံမှုသဘောအရ ထိုင်း-မြန်မာစီးပွားရေးလုပ်ငန်းများ ယှဉ်ပြိုင်မှု မြှင့်တင်ရေး စသည်တို့ ဖြစ်သည်။

"အဲဒီ ဖက်တာတွေအားလုံးဟာ ထားဝယ်ရေနက်ဆိပ်ကမ်းစီမံကိန်းကြီးကို မဲခေါင်တောင်ပိုင်း စီးပွားရေးစင်္ကြံနဲ့ ချိတ်ဆက်ပေးပြီး နိုင်ငံခြား ရင်းနှီးမြှုပ်နှံသူတွေရဲ့ ရှုထောင့်ကကြည့်မယ်ဆိုရင် ကမ္ဘာလုံးသဘောအရ ယှဉ်ပြိုင်မှု အားကောင်းတဲ့ ပုံစံမျိုးဖြစ်စေပါတယ်"ဟု ၎င်းက ဆက်လက် ပြောဆိုသည်။ ထားဝယ်တွင် တည်ဆောက်မည့် ကျောက်မီးသွေး စွမ်းအင်သုံး လျှပ်စစ်ဓာတ်အားထုတ်လုပ်ရေး စက်ရုံစီမံကိန်းကို သဘာဝပတ်ဝန်းကျင် ထိခိုက်မှုကြောင့် ရပ်ဆိုင်းလိုက်သည်ဟူသော သတင်းများ ထွက်ပေါ်နေသော်လည်း Mr Somchet က မြန်မာအစိုးရထံမှ တရားဝင်အကြောင်းကြားမှု တစုံတရာ မရရှိသေးကြောင်း ပြောကြားသည်။

*******************************


Google Docs makes it easy to create, store and share online documents, spreadsheets and presentations.
Logo for Google Docs