Transparency Myanmar

transparency.myanmar@gmail.com

yangonchronicle2011 Op-Ed
Document yangonchronicle2011 Op-Ed

Snapshot of the item below:
yangonchronicle2011 Op-Ed

၁၉.၁.၂၀၁၃

နေ့စဉ်ထုတ်သတင်းလွှာ

  1. လက်နက်ကိုင် ၁၀ ဖွဲ့နှင့် နိုင်ငံရေးဆွေးနွေးမှုကို ယခုနှစ်ဆန်းပိုင်းတွင်ပြုလုပ်မည်ဟု သမ္မတပြော
  1. လဂျားယန်ဒေသတွင် စစ်ဆင်ရေးရပ်ဆိုင်းမည်ဖြစ်ကြောင်းနှင့်စစ်ပွဲဖြစ်ပွားမှုအခြေအနေ ကိုသတင်းထုတ်ပြန်
  2. မြန်မာနိုင်ငံဆိုင်ရာ စီးပွာရေးသံမှုများ နိုင်ငံတကာသို့စေလွှတ်မည်
  3. ကိန်းဂဏန်းတိကျမှုမရှိသော အစိုးရ၏ ငါးနှစ်စီမံကိန်းဥပဒေ ပြန်လည်ရေးဆွဲမည်

သတင်းနှင့် ဆောင်းပါးများမှ ကောက်နှုတ်ချက်များ

***************************************************************

နေ့စဉ်ထုတ်သတင်းလွှာ

လက်နက်ကိုင် ၁၀ ဖွဲ့နှင့် နိုင်ငံရေးဆွေးနွေးမှုကို ယခုနှစ်ဆန်းပိုင်းတွင်ပြုလုပ်မည်ဟု သမ္မတပြော

အစိုးရနှင့် အပစ်အခတ် ရပ်စဲထားသော တိုင်းရင်းသား လက်နက်ကိုင်အဖွဲ့ ၁၀ ဖွဲ့နှင့် ယခုနှစ် ဆန်းပိုင်းတွင်  နိုင်ငံရေး ဆွေးနွေးပွဲများ ပြုလုပ်မည် ဖြစ်ကြောင်းနှင့် ကေအိုင်အေ အဖွဲ့နှင့်လည်းငြိမ်းချမ်းရေးရရှိရန် ဆောင်ရွက်သွားမည် ဖြစ်ကြောင်းကိုယနေ့မနက် ၉ နာရီက နေပြည်တော်ရှိ MICC ခန်မ တွင်ကျင်းပသော ပထမအကြိမ်မြန်မာနိုင်ငံ ဖွံ့ဖြိုးတိုးတက်မှု ဖိုရမ်အစည်းအဝေးခန်းမ ဖွင့်ပွဲမိန့်ခွန်းပြောကြားရာတွင် နိုင်ငံတော်သမ္မတ ဦးသိန်းစိန်က ထည့်သွင်း ပြောကြားသွားခြင်းဖြစ်သည်။

ကေအိုင်အိုအဖွဲ့မှလွဲ၍ ကျန်လက်နက်ကိုင်အဖွဲ့ ၁၀ ဖွဲ့နှင့်အပစ်အခတ် ရပ်စဲရေးလက်မှတ်ရေးထိုးထားပြီး Political dialogue ကိစ္စများ ဆောင်ရွက်ရန် ယခုနှစ်ဆန်းပိုင်းမှစတင်ကာ ပြင်ဆင်နေကြောင်း ကိုဆက်လက်ပြောကြားသည်။

မိမိတို့အစိုးရအနေဖြင့် စစ်မှန်သောငြိမ်းချမ်းရေး ရရှိသည်အထိ ဆောင်ရွက်သွားမည်ဖြစ်ကြောင်း၊ ကေအိုင်အို/ ကေအိုင်အေ အဖွဲ့ကိုလည်း ငြိမ်းချမ်းရေးဆောင်ရွက်ဖို့ လက်ဆင့်ကမ်းထားပြီး ယခုသည်နေရာမှလည်း ထပ်မံဖိတ်ခေါ် ကြောင်း၊ တပ်မတော်မှအကန့်အသက်နှင့် ဆောင်ရွက်နေသော စစ်ရေးဆောင်ရွက်မူများကို မိမိအနေဖြင့်ရပ်ဆိုင်းရန်အမိန့် ပေးထား ပြီးဖြစ်သည့်အတွက် ကေအိုင်အို/ကေအိုင်အေ အနေဖြင့်လည်း စစ်ရေးဆောင်ရွက်မှု များကိုရပ်ဆိုင်းရန် လိုအပ်ကြောင်းကိုလည်းကေအိုင်အေ/ကေအိုင်အိုနှင့်ပတ်သက်၍လည်း ထည့်သွင်းပြောကြားသွားသည်။

တိုင်းပြည်အေးချမ်းမှသာ တိုင်းရင်းသားပြည်သူများ၏ လူမှုရေ၊ စီးပွားရေးတိုးတက်ဖို့ ဆောင်ရွက်နိုင်မည် ဖြစ်သလိုလူမှုစီးပွား ဖွံ့ဖြိုးတိုးတက်မှ သာတိုင်းပြည်အေးချမ်း သာယာနိုင်မည်ဖြစ်ကြောင်း၊ နိုင်ငံအေးချမ်းသာယာအောင် အတွက်လက်နက်ကိုင် အဖွဲ့အစည်းများနှင့် ရေရှည်တည်တံ ခိုင်မာ သောထာဝရငြိမ်းချမ်းရေးရအောင် ဆောင်ရွက် သွားမည်ဖြစ်ကြောင်း စသည့်ငြိမ်းချမ်းရေးနှင့် ပတ်သက်သည့် အကြောင်းအရာများကိုပါ ထည့်သွင်း ပြောကြားသည်။

အဆိုပါဖိုရမ်သို့ ဒုသမ္မတနှင့်တကွ ပြည်ထောင်စုဝန်ကြီးများ ပြည်သူ့လွှတ်တော်ကိုယ်စာလှယ်များ၊ တိုင်းဒေသ ကြီးအစိုးရနှင့် ပြည်နယ်အစိုးရ အဖွဲ့ဝန်ကြီးချုပ်များ၊ ကိုင်ပိုင်အုပ်ချုပ်ခွင့်ရတိုင်း၊ ဒေသဥက္ကဋ္ဌများနှင့် ကမ္ဘာတစ်ဝှမ်းမှ အလှူရှင်နိုင်ငံများ၊ မိတ်ဖက်အဖွဲ့အစည်းများနှင့် နိုင်ငံတကာမှ ကိုယ်စာလှယ်များ တက်ရောက်ခဲ့ကြောင်းသိရသည်။

YC

--------------------------------------------------------------

လဂျားယန်ဒေသတွင် စစ်ဆင်ရေးရပ်ဆိုင်းမည်ဖြစ်ကြောင်းနှင့်စစ်ပွဲဖြစ်ပွားမှုအခြေအနေ ကိုသတင်းထုတ်ပြန်

ပွိုင့် ၁၇၇ တောင်ကုန်းအပါအဝင် လဂျားဝန်ဒေသပတ်ဝန်းကျင်တွင် ကေအိုင်အို၊ ကေအိုင်အေ ခြေကုပ်စခန်းများ ကိုတပ်မတော် စစ်ကြောင်း များမှ ၂၀၁၃ ခုနှစ ဇန်နဝါရီလ ၁၉ ရက်နေ့ မနက် ၆ နာရီမှစတင်ကာ နယ်မြေရှင်းလင်း စစ်ဆင်မှုများကို  ရပ်ဆိုင်းသွားမည်ဖြစ်ကြောင်းနှင့် စစ်ပွဲဖြစ်ပွာမှု များကို နိုင်ငံတော်သတင်းထုတ်ပြန်ရေးအဖွဲ့မှ သတင်း ထုတ်ပြန်ချက်(၃/၂၀၁၃) ကို ၂၀၁၃ ခုနှစ် ဇန်နဝါရီလ ၁၈ ရက်နေ့တွင်သတင်း ထုတ်ပြန် လိုက်ကြောင်းသိရသည်။

တပ်မတော်အနေဖြင့် လဂျားယန်ဒေသရှိမိမိ တို့တပ်စခန်းများသို့ ရိက္ခာများပိုပေးရန် စစ်ကြောင်းများ စေလွှတ်ရာတွင် ရိက္ခာပို့ဆောင်ပေးခြင်း ဖြစ်သည့်အတွက် ကေအိုင်အို၊ ကေအိုင်အေလက်နက်ကိုင်တပ်ဖွဲ့များအနေဖြင့် တိုက်ခိုက်ခြင်း မပြုရန် အကြောင်းကြားထားသော်လည်း ၎င်းတို့အနေဖြင့် ထိုရိက္ခာပို့သည်စစ်ကြောင်းများကို သုံးကြိမ်တိုင် တိုက်ခိုက်မှု များကြောင့်  တပ်မတောသား ၃၅ ဦးကျဆုံးကာ ၁၉၀ ဦးထိခိုက်ဒဏ်ရာရရှိခဲ့သဖြင့် နယ်မြေ ရှင်းလင်းမှုကို ဆောင်ရွက်ရခြင်း ဖြစ်ကြောင်းဖော်ပြထားသည်။

ငြိမ်းချမ်းရေးစကားဝိုင်းမှတဆင့် မိမိတပ်စခန်းများကို ရွေဆိုင်ပေးရန်အတွက် တပ်မတော်အနေဖြင့် ဆုံးဖြတ်ထား သော်လည်း ရွေလီဆွေးနွေးပွဲ တွင်နိုင်ငံတော်အစိုးရ၏ ဖိတ်ခေါ်မှုကို  ကေအိုင်အို၊ ကေအိုင်အေ လက်နက်ကိုင်အဖွဲများမှ လာရောက်ခြင်း မရှိသည်အတွက် တိုက်ပွဲများကိုဖိတ်ခေါ်သကဲ့ သို့ဖြစ်လာစေသည်။ တပ်မတော်အနေဖြင့် နိုင်ငံတော်သမ္မတ၏ မိမိကိုယ်ကိုကာကွယ်ဖြင်းမှအပ ပစ်ခက်တိုက်ခိုက်မှုများ မပြုလုပ်ရန် ညွန်ကြားချက်များကို လိုက်နာဆောင်ရွက် သွားမည်ဖြစ်သည့်အကြောင်းကို တပ်မတော်ကာကွယ်ရေးဦးစီးချုပ်ကအတည်ပြုပြောကြားသည်။

တိုက်ပွဲများကြောင့် ပြည်သူလူထုများ ဒုက္ခရောက်စေမည့် မလိုလားအပ်သော လမ်းတံတားများ၊ မီးရထားလမ်းနှင့် ကားလမ်းများကို ကေအိုင်အို၊ ကေအိုင်အေ အဖွဲများအနေဖြင့် တိုက်ခိုက်ဖျက်စီးခြင်း မပြုလုပ်ရန်နှင့် လက်နက်ကိုင်တိုက်ပွဲ များအရှိန်လျော့ကျလာသည်နှင့် အမျှဒေသခံပြည်သူများ၏ လူမှုရေး၊ စီးပွားရေးအကူအညီများကို ပိုမိုပေးအပ်လာနိုင်ကာ ပြန်လည်ထူထောင်ရေး လုပ်ငန်းများဆောင်ရွက်ပေးနိုင်မည်ဖြစ်ကြောင်းနှင့် နိုင်ငံတော် အစိုးရအနေဖြင့်လည်း ကေအိုင်အို၊ ကေအိုင်အေ အဖွဲများအပါအဝင် ပြည်ထောင်စု တိုင်းရင်းသားအားလုံးနှင့်လည်း စည်းလုံးညီညွတ်ရေးအတွက်လက်တွဲ ဆောင်ရွက်ရန် အသင့်ရှိကြောင်းကိုလည်းဖော်ပြထာားသည်။

အဆိုပါ သတင်းထုတ်ပြန်ချက်အပေါ် ကေအိုင်အို၊ ကေအိုင်အေ အနေဖြင့် လဂျားယန်ဒေသပတ်ဝန်းကျင်သာမက ကချင်ပြည်နယ်တစ်ခုလုံးတွင် ရပ်ဆိုင်းသင့်ကြောင်းကို ယနေ့တွင်ပြန်လည် ထုတ်ပြန်လိုက်သည်။ ဇန်နဝါရီလ မနက် ၄ နာရီမှ ၉ နာရီခန့်အထိ ဖာကန့်မြို့နယ်ကာမိုင်းရဲစခန်းကို ၎င်းတို့ အဖွဲ့မှဝင်ရောက် တိုက်ခိုက်ခဲ့ရာ ရဲတပ်ဖွဲ့ဝင်နှစ်ဦး ကျဆုံးပြီး အဆောက်အဦးများမီးလောင်သွားကြောင်းသိရသည်။

YC

------------------------------------------------------------

မြန်မာနိုင်ငံဆိုင်ရာ စီးပွာရေးသံမှုများ နိုင်ငံတကာသို့စေလွှတ်မည်

မြန်မာနိုင်ငံအနေဖြင့် စီးပွားရေးလုပ်ဆောင်ရာတွင် အထောက်အကူဖြစ်သောနိုင်ငံများသို့ စီးပွားရေးနှင့် သက်ဆိုင်သော သံမှူးများကို ကမ္ဘာနိုင်ငံ များသို့ စေလွှတ်ရန်အတွက် ဝန်ကြီးဌာနများမှ အလတ်တန်းအဆင့်ရှိသော ဝန်ထမ်းများကိုသင်တန်းပေးကာ စီစစ်ရွေးချယ်သွားမည်ဖြစ်ကြောင်းကို အမျိုးသားစီးမံကိန်းနှင့် စီးပွားရေးဖွံ့ဖြိုးတိုးတက်မှု ဝန်ကြီးဌာန နိုင်ငံခြားစီးပွားဆက်သွယ်ရေး ဦးစီးဌာနဒုတိယညွှန်ကြားရေးမှုးချုပ် ဒေါက်တာဝါဝါမောင် ကပြောကြား ကြောင်းသိရသည်။

ဝန်ကြီးဌာနများမှ အလတ်တန်းအဆင့်ရှိသော ဝန်ထမ်း ၅၁ ဦးကိုနှစ်ပတ်ခန့်သင်တန်းပေးကာ ၎င်းတို့၏အရည်အချင်း၊ အရည်အသွေးအသွေးနှင့် အင်္ဂလိပ်စာတိုးတက်မှုများကို သေချာစွာစိစစ်ရွေးချယ်မည်ဖြစ်ကာ အရေအတွက် မည်မျှအထိ ရွေချယ်သွားမည်ကိုမူ မသိရှိရသေးကြောင်း၊ အနာဂတ်တွင် မြန်မာနိုင်ငံနှင့် ကုန်သွယ်မှုဆက်ဆံရေးတိုးမြှင့် လာမည့်နိုင်ငံများ၊ နိုင်ငံ၏စီးပွားရေးဖွံ့ဖြိုးတိုးတက်မှုအတွက် ရင်းနှီးမြှုပ်နှံနိုင်ရန်ချေးငွေများနှင့် နည်းပညာ အကူအညီများ ပံ့ပိုးပေနိုင်သောနိုင်ငံများ စီးပွားရေးကိစ္စများတွင် ပူးပေါင်းဆောင်ရွက်ရန် အလာအလာကောင်းမည့် နိုင်ငံများကိုတွင် စီးပွားရေးနှင့် သက်ဆိုင်သော သံမှုများကိုခန့်အပ်သွားမည်ဖြစ်ကြောင်း ၎င်းကဆက်လက်ပြောကြားသည်။

မြန်မာ့စီးပွားရေး ဖွံ့ဖြိုးတိုးတက်ရန်အတွက် နိုင်ငံတကာတွင်မြန်မာနိုင်ငံဆိုင်ရာ စီးပွားရေးသံမှုများသည် အရည်အချင်းရှိပြီး တိုင်းပြည်အတွက် အာတက်သရောလုပ်ဆာင်နိုင်ခြင်းအားဖြင့် နိုင်ငံတကာမှအခွင့်အလမ်းကောင်း များကိုရရှိနိုင်မည်ဖြစ်ကြောင်း စီးပွားရေးပညာရှင်များက သုံးသပ်ကြသည်။

YC

--------------------------------------------------------------

ကိန်းဂဏန်းတိကျမှုမရှိသော အစိုးရ၏ ငါးနှစ်စီမံကိန်းဥပဒေ ပြန်လည်ရေးဆွဲမည်

နှစ်အလိုက်တိုးတက်လာနိုင်သော ဂျီဒီပီ နှင့်ငွေကြေးဖောင်းပွနှုန်း အလုပ်လက်မဲ့နှုန်းနှင့် အခြေခံကိန်းဂဏန်းများ ကိုတိကျမှန်ကန်စွာ ထည့်သွင်း တွက်ချက်ထားခြင်းမရှိသောကြောင့် ပြည်ထောင်စုအစိုးရ အဖွဲ့မှတင်သွင်းသော ပဉ္စမ ကာလတို အမျိုးသား ၅ နှစ်စီမံကိန်းကို ပြန်လည်ရေးဆွဲရန် လွှတ်တော်မှ သဘောတူသဖြင့် ဇန်နဝါရီလ ၁၇ ၇က်နေ့တွင် ပြည်ထောင်စုလွှတ်တော် အစည်းအဝေးက ဆုံးဖြတ်လိုက်သည်။

အဆိုပါစီမံကိန်းကို ပြည်ထောင်စုလွှတ်တော်တွင် လွှတ်တော်ကိုယ်စာလှယ် ၁၀ ဦးက ဆွေးနွေးပြီး ပြန်လည် ရေးဆွဲရန်လိုအပ်သဖြင့် ဥပဒေကြမ်းကော်မတီနှင့် အစိုးရအဖွဲ့အနေဖြင့် ပူးပေါင်းကာ ရေးဆွဲသင့်ကြောင်းကို အဆိုပါ အစည်းအဝေးတွင် ဆုံးဖြတ်ခဲကြခြင်းဖြစ်သည်။

၂၀၁၂-၂၀၁၃ဘဏ္ဍာရေးနှစ်မှစတင်ကာ ၂၀၁၅-၂၀၁၆ ဘဏ္ဍာရေးနှစ်အထိ ရေးဆွဲထားသော ပဉ္စမကာလတို ငါးနှစ် အမျိုးသားစီမံကိန်းတွင် တပ်မတော်မှ ပြုလုပ်လျက်ရှိသော စီးပွားရေးလုပ်ငန်းများပါဝင်နေကြောင်း၊ စီမံကိန်းတွင် ကုန်ကျမည်ငွေကြေးပမာဏ လေးပုံ ပုံလျင်အစိုးရအနေဖြင့် တစ်ပုံသာကုန်ကျစရိတ်ကျခံမည်ဖြစ်ပြီး ကျန်ငွေများကို ပုဂ္ဂလိကလုပ်ငန်းများမစိုက်ထုတ် ဆောင်ရွက်ရမည်ဖြစ်သည့်အတွက် ပုဂ္ဂလိက ရင်းနှီးမြှုပ်နှံမှု အခန်းကဏ္ဍကို ကိန်းဂဏန်း တိတိကျကျဖော်ပြရန်လိုအပ်သဖြင့် အဆိုပါစီမံကိန်းကိုပြန်လည်ရေးဆွဲရန် တိုက်တွန်းရခြင်းဖြစ်ကြောင်းသိရသည်။

အဆိုပါစီမံကိန်းတွင် လူတစ်ဦးစီ၏ ဂျီဒီပီ တန်ဖိုးမှာ အခြေခံနှစ်ဖြစ်သည့် ၂၀၁၀-၂၀၁၁တွင် ၇၅၈,၅၇၆ ကျပ် ဖြစ်ပြီး ၂၀၁၁-၂၀၁၂ တွင် ၇၄၆,၁၉၃ ကျပ် သာဖြစ်သည့်အတွက် စာရင်းများကွဟနေခြင်း ကဏ္ဍအလိုက်ရင်းနှီးမြှုပ်နှံမှု ပမာဏများသည်လည်းကွာဟနေကြောင်း သိရသည်။

YC

*******************************************************************