Transparency Myanmar

transparency.myanmar@gmail.com

yangonchronicle 2013
Document yangonchronicle 2013

Snapshot of the item below:
yangonchronicle 2013

 

၂၀.၁.၂၀၁၃

နေ့စဉ်ထုတ်သတင်းလွှာ

  1. လက်ပံတောင်းတောင် စုံစမ်းစစ်ဆေးရေး ကော်မရှင်၏လုပ်ဆာင်ချက်များကို သတင်းထုတ်ပြန်
  2. လူအခွင့်အရေးကော်မရှင် ပဋိပက္ခဖြစ်ပွားရှိရာသို့ သွားရောက်လေ့လာမည်
  3. ကသာခရိုင် အင်းတော်မြို့နယ်တွင် ညမထွက်ရအမိန့်ထုတ်ပြန်
  4. ကာမိုင်းရဲစခန်းတွင် KIA နှင့် တိုက်ပွဲဖြစ်ပွား

*************************************************************************************

နေ့စဉ်ထုတ်သတင်းလွှာ

လက်ပံတောင်းတောင် စုံစမ်းစစ်ဆေးရေး ကော်မရှင်၏လုပ်ဆာင်ချက်များကို သတင်းထုတ်ပြန်

လက်ပံတောင်းတောင်ကြေးနီစီမံကိန်းများနှင့် ပတ်သက်ပြီး၎င်းတို့ အဖွဲ့၏ ဆောင်ရွက်နေမှုများကို သိရှိရန် အတွက် နိုင်ငံတော်သမ္မတထံသို့ လုပ်ဆောင်မှုများနှင့် ပတ်သက်သည့် ကြားဖြတ်အစီရင်ခံစာကို ၄၈ နာရီအတွင်း တင်ပြရန် စီစဉ်လျက်ရှိကြောင်းကို ၂၀၁၃ ခုနှစ် ဇန်နဝါရီလ ၁၉ ရက် နေ့ တွင် စုံစမ်းစစ်ဆေးရေးကော်မရှင်မှ သတင်းထုတ်ပြန်ချက် အမှတ် (၂/၂၀၁၃) ဖြင့်ထုတ်ပြန်လိုက်ကြောင်းသိရသည်။

ကော်မရှင်အနေဖြင့် စုံစမ်းစစ်ဆေးမှု ဆောင်ရွက်ရာတွင် အဖွဲ့များဖွဲ့၍ ဆောင်ရွက်နေမှု၊ လက်ပံတောင်းတောင် ကြေးနီစီမံကိန်း အပါအဝင် စံပယ် တောင်၊ ကြေးစင်တောင်တွင် သတ္တုတူးဖော် လုပ်ကိုင်နေမှုများအပြင် ပတ်ဝန်းကျင် ထိန်းသိမ်းရေး၊ ကျန်းမာရေး၊ လူမှုစီးပွားရေးနှင့် ပတ်သက်သော လေ့လာ တွေ့ရှိချက်များ၊ သာသနိက အဆောက်အအုံများနှင့် ပတ်သက်ပြီး ဆရာတော်များ၏ မိန့်ကြားချက်များ၊ မြန်မာ့ပတ်ဝန်းကျင် သိပ္ပံအဖွဲ၏ တင်ပြ ချက်များကို ကြားဖြတ် အစီရင်ခံစာ တွင်ထည့်သွင်းရန်အတွက်ဆွေးနွေးခဲ့ပါသည်။

ဝမ်ပေါင်ကုမ္ပဏီ၊ မြန်မာ့စီးပွားရေးဦးပိုင်ကုမ္ပဏီနှင့် သပိတ်စခန်းဖြိုခွင်းခဲ့သည် မြန်မာနိုင်ငံရဲတပ်ဖွဲ့အပါအဝင် မြို့နယ်အထွေထွေအုပ်ချုပ်ရေး ဦးစီးဌာနများနှင့်လည်း တွေ့ဆုံခဲ့သည့်ဆွေးနွေးချက်များကို အစီရင်ခံစာတွင် တင်ပြသွား မည်ဖြစ်ကြောင်းသိရသည်။

ယခုနိုင်ငံတော်သမ္မတထံသို့ တင်သွင်းမည့် ကြားဖြတ်အစီရင်ခံစာသည် လက်ပံတောင်းတောင် စုံစမ်းစစ်ဆေးရေး ကော်မရှင်၏ လုပ်ဆာင်နေမှု များနှင့် ပတ်သက်ပြီး တင်ပြခြင်းသာ ဖြစ်၍ထုတ်ပြန်ကြေညာချက်များကိုမူ အပြီးသတ် အစီရင် ခံစာတင်ပြသည့်အချိန်မှသာ အသေးစိတ်ထုတ်ပြန် သွားမည်ဖြစ်ကြောင်း သိရှိရပါသည်။

YC

------------------------------------------------------------

လူအခွင့်အရေးကော်မရှင် ပဋိပက္ခဖြစ်ပွားရှိရာသို့ သွားရောက်လေ့လာမည်

မြန်မာနိုင်ငံအမျိုးသားလူအခွင့်အရေး ကော်မရှင်၏ အဖွဲ့ဝင် ၄ ဦးပါဝင်သော အဖွဲ့သည် ပဋိပက္ခဖြစ်ပွားရာ ကချင်ပြည်နယ်အတွင်း တိုက်ပွဲများ ကြောင့်နေရပ်မှစွန့်ခွာလာသော ပြည်သူများ၏အခြေအနေကို သိရှိရန်အတွက် ကိုယ်တိုင်သွားရောက်လေ့လာမှုနှင့်ပတ်သက်ပြီး ဇန်နဝါရီလ ၁၈ ရက်နေ့ နေ့စွဲဖြင့် သတင်းထုတ်ပြန်လိုက်ကြောင်းသိရှိရ သည်။

အဆိုပါအဖွဲ့သည် စစ်ဘေးဒဏ်ကြောင့် တိမ်းရှောင်နေရသော ပြည်သူများကို လူသားချင်း စာနာထောက်ထားမှုဆိုင်ရာ အကူအညီများ ပေးနေ သော ကချင်ပြည်နယ် အစိုးရအဖွဲ့ ကုလသမဂ္ဂ လက်အောက်ခံ အဖွဲ့အစည်းများနှင့် လူမှုရေးအသင်းအဖွဲ့များမှ အကူအညီများ ပိုမိုပေးအပ်နိုင်ရန် အတွက် သက်ဆိုင်ရာ အာဏာပိုင်များနှင့် ဆက်သွယ်ညှိနှိုင်း ခဲ့ပြီးအကူအညီများ တိုးမြင့်ပေးနိုင်ရေးကိုပါ ကြိုးပမ်းဆောင်ရွက်သွားမည်ဖြစ်ကြောင်း သိရှိရပါသည်။

တိုင်ပွဲများဖြစ်ပွားနေသည့်ကြားမှ ငြိမ်းချမ်းရေးဖော်ဆောင်နေသော အဖွဲ့ဝင်များ၏ဆောင်ရွက်မှုကို ကော်မတီ အနေဖြင့် ချီးကျူးပါကြောင်း၊ပဋိပက္ခ ဖြစ်ပွားရာဒေသများသို့ လူသားချင်း စာနာထောက်ထားမှုဆိုင်ရာ အကူအညီများလုံခြုံ  စွာရောက်ရှိနိုင်ရန်အတွက် မည်ကဲ့သို့ တာဝန်ယူဆောင်ရွက်သင့် သည်ဆိုသောကိစ္စရပ်များကိုလည်း ငြိမ်းချမ်းရေးဆွေးနွေး ရာတွင်ထည့်သွင်းဆွေးနွေးရန် အကြံပြုတိုင်တွန်းလိုက်ကြောင်းကိုပါ ဖော်ပြထားသည်။

မြန်မာနိုင်ငံ အမျိုသား လူအခွင့်အရေး ကော်မရှင်အဖွဲ့ဝင် ၄ ဦးပါဝင်သောအဖွဲ့သည် ကချင်ပြည်နယ်အတွင်း ဖြစ်ပွားနေသော တိုက်ပွဲများကြောင့် နေရပ်မှ စွန်ခွာတိမ်းရှောင်လာသော ဒုက္ခသည်များ၏အခြေအနေကို ကိုယ်တိုင်ကိုယ်ကျ သိရှိရန်အတွက် ၂၀၁၁ ဒီဇင်ဘာလ တွင် ပထမဆုံးအကြိမ် သွားရောက်ခဲ့ကြောင်းသိရှိရသည်။

ပဋိပက္ခဖြစ်ပွားနေသောကချင်ပြည်နယ်နှင့် ရခိုင်ပြည်နယ်တွင် လူသားချင်စာနာထောက်ထားမှုအကူအညီများ ကိုလည်း ICRC အနေဖြင့် အကူ အညီများ တိုးမြင့်ပေးသွားမည်ဖြစ်ကြောင်းကို အဆိပါဥက္ကဋ္ဌက နိုင်ငံတော်သမ္မတနှင့် ဇန်နဝါရီလ ၁၇ ရက်နေ့က တွေ့ဆုံစဉ်ပြောကြားခဲ့သည်။

YC

--------------------------------------------------------

ကသာခရိုင် အင်းတော်မြို့နယ်တွင် ညမထွက်ရအမိန့်ထုတ်ပြန်

စစ်ကိုင်းတိုင်းဒေသကြီး ကသာခရိုင် အင်တော်မြို့နယ်တွင်ခရီးသွား ပြည်သူလူထု၏ အသက်စည်းစိမ်နှင့် နိုင်ငံပိုင် ပစ္စည်းများဆုံးရှုံးခြင်းမှကာ ကွယ်ရန်တွက် ၂၀၁၃ ခုနှစ် ဇန်နဝါရီလ ၁၆ ရက်နေ့မှစတင်ကာ ဖေဖော်ဝါရီလ ၁၄ ရက်နေ့ အထိ ညမထွက်ရအမိန့်ကို အင်းတော်မြို့နယ်အုပ်ချုပ်ရေးမ က အမိန်အမှတ်(၁/၂၀၁၃)ပုဒ်မ ၁၄၄ အရ ထုတ်ပြန် လိုက်ကြောင်းသိရသည်။

အဆိုပါထုတ်ပြန်ချက်တွင် မီးရထားသံလမ်းများတွင် ဗုံးထောင်ပေါက်ကွဲမှုများကြောင့် ကချင်ပြည်နယ်အစ နန်းစီးအောင်ဘူတာမှ စစ်ကိုင်းတိုင်း ဒေသကြီးအထက်ပိုင်း မဲဇာဘူတာအထိဘူတာ ၇ ဘူတာအပါအဝင် အင်းတော်မြို့နယ် နိမိတ် အတွင်း ည ၈ နာရီမှစတင်ကာ မနက် ၅ နာရီအထိ ဖြတ်သန်း သွာလာခွင့်ပြုမည်မဟုတ်ကြောင်းသိရသည်။ သို့သော် မြန်မာမီးရထား ဧရိယာ ဘူတာပတ်ဝန်းကျင်များတွင်ပါဝင်မှုမရှိကြောင်းသိရသည်။

အဆိုပါထုတ်ပြန်ချက်များကို သံလမ်းတလျောက်ရှိ နီးစပ်ရာကျေးရွာများတွင်လည်း ကြေညာချက်များကိုထုတ်ပြန် ပေးသွားပြီးဖြစ်ကြောင်းနှင့် နန်းစီးအောင်ဘူတာမှစတင်ကာ မြစ်ကြီးနားမြိုတွင်အဆိုပါအမိန့်ထုတ်ပြန်ထားခြင်းမရှိကြောင်း ကိုသက်ဆိုင်ရာဝန်ထမ်းများက ပြောကြားသည်။

ကေအိုင်အို/ကေအိုင်အေအဖွဲ့အနေဖြင့် မန္တလေး-မြစ်ကြီးနား မီးရထားတွင်မိုင်းခွဲတိုက်ခိုက်မှု ၅၆ ကြိမ်နှင့် မြစ်ကြီးနား-ဗန်မော် ကားလမ်းတွင် မိုင်းခွဲ တိုက်ခိုက်မှု ၄၂ ကြိမ်ခန့် ပြုလုပ်ခဲ့ကြောင်းကို နိုင်ငံပိုင်သတင်းစာများတွင် ဖော်ပြထားကြောင်းသိရသည်။

YC

----------------------------------------------------------

ကာမိုင်းရဲစခန်းတွင် KIA နှင့် တိုက်ပွဲဖြစ်ပွား