Transparency Myanmar

transparency.myanmar@gmail.com

yangonchronicle2013 (1)
Document yangonchronicle2013 (1)

Snapshot of the item below:
yangonchronicle2013 (1)

၂၃.၁.၂၀၁၃

ဘာသာပြန်သတင်းများ

  1. အစဉ်အလာ မဟာမိတ် တရုတ်နှင့် ခပ်ကင်းကင်းနေရန် မြန်မာကြိုးပမ်း

(The Dong-A ILBO မှ 23 Jan 2013 ရက်စွဲပါ Myanmar distances itself from influence of traditional ally China ကိုဘာသာပြန်ဆိုသည်)

  1. မဲဆောက်ကုန်သွယ်မှုဇုန်အတွက် ကက်ဘိနက်က မီးစိမ်းပြ

(22 Jan 2013 ရက်စွဲပါ Bangkok Post မှ Mae Sot trade zone gets the nod ကို ဘာသာပြန်ပါသည်)

  1. လူမှောင်ခိုကူးမှုတွင် ထိုင်းစစ်တပ်လည်းပါဝင်

(The Nation News မှ 22 Jan 2013 ရက်စွဲပါ “Thai army involved in people smuggling ” သတင်းကို ဘာသာပြန်ပါသည်)

  1. တရုတ်-မြန်မာ ပိုက်လိုင်းများ မေလတွင်အပြီးသတ်ဖွယ်ရှိ

(Xinhua News မှ 22 Jan 2012 ရက်စွဲပါ “China-Myanmar pipelines to be completed in May” သတင်း ကို ဘာသာပြန်ပါသည်)

***************************************************************

ဘာသာပြန်သတင်းများ

အစဉ်အလာ မဟာမိတ် တရုတ်နှင့် ခပ်ကင်းကင်းနေရန် မြန်မာကြိုးပမ်း

(The Dong-A ILBO မှ 23 Jan 2013 ရက်စွဲပါ Myanmar distances itself from influence of traditional ally China ကိုဘာသာပြန်ဆိုသည်)

တရုတ်နိုင်ငံအပေါ်ထားရှိသည့် မြန်မာနိုင်ငံ၏ သဘောထားပြောင်းလဲမှုကြောင့် ဘေဂျင်းအစိုးရက စိုးရိမ်ပူပန်မှုများဖြစ်နေပ်ါနေချိန်တွင် အမေရိကန်ပြည်ထောင်စု၊ ဂျပန်နှင့် အိန္ဒိယ အစရှိသည့်နိုင်ငံတို့က သယံဇာတပေါကြွယ်ဝပြီး အရှေ့တောင်အာရှဒေသတွင် မဟာဗျူဟာအရ အရေးပါသော မြန်မာနိုင်ငံကို ဆွဲဆောင်ရန် ကြိုးပမ်းလျက်ရှိသည်။

တရုတ်ကွန်မြူနစ်ပါတီ၏ နေ့စဉ်ထုတ်သတင်းစာ The Renmin Ribao က “မြန်မာနိုင်ငံ၊ လက်ပံတောင်းတောင်၊ ကြေးနီစီမံကိန်းတွင် ကန့်ကွက်ဆန္ဒပြမှုများဖြစ်ပေါ်နေသောကြောင့် တရုတ်ကုမ္ပဏီအနေဖြင့် လစဉ် အမေရိကန်ဒေါ်လာ ၂ သန်းမျှ ဆုံးရှုံးနေရကြောင်း ”ဇန်နဝါရီလ ၂၂ ရက်နေ့တွင် ရေးသားဖော်ပြသည်။ အဆိုပါ စီမံကိန်းတန်ဖိုးမှာ ဒေါ်လာ ၁ ဘီလီယံဖြစ်ပြီး တရုတ်ကုမဏီနှင့် မြန်မာကုမဏီများ ဖက်စပ်လုပ်ကိုင် နေခြင်းဖြစ်သည်။ တရုတ်နိုင်ငံပိုင်မီဒီယာကြီးလည်းဖြစ်သည့် ယင်း The Renmin Ribao သတင်းစာက တရုတ်နိုင်ငံရေးဆောင်ပုဒ်များဖြင့် ဝေဖန်မှုများပြုလုပ်သလို စိတ်ပျက်စရာ ကောင်းသော မြန်မာ့ရင်းနှီးမြှုပ်နှံမှုပတ်ဝန်းကျင်အကြောင်းကိုလည်း ဖော်ပြသည်။

တရုတ်နိုင်ငံ၏ မဟာမိတ်နိုင်ငံ သုံးနိုင်ငံမှာ မြောက်ကိုရီးယား၊ မြန်မာနှင့် ပါကစ္စတန်တို့ဖြစ်သည်။ တရုတ်နိုင်ငံခြားရေးဝန်ကြီးဌာန၏ အင်တာနက်စာမျက်နှာတွင် မြန်မာအစိုးရနှင့် ချစ်ကြည်ရင်းနှီးမှုကို “ညီအကိုသဖွယ်ဆက်ဆံရေး” အဖြစ်ဖော်ကျူးထားသည်။ တရုတ်-မြန်မာ အိမ်နီးချင်းနှစ်နိုင်ငံသည် ၁၉၅၀ ပြည့်နှစ်၊ သံတမန်ဆက်ဆံရေး စတင်ထူထောင်ချိန်မှစ၍ အနီးကပ်ဆက်ဆံမှုမျိုးရှိခဲ့သည်။

၁၉၈၈ ခုနှစ်၊ မြန်မာနိုင်ငံတွင် စစ်တပ်အာဏာသိမ်းပိုက်မှုပေါ်ပေါက်ကာ အမေရိကန်ပြည်ထောင်စုနှင့် ဥရောပတို့၏ ပိတ်ဆို့အရေးယူမှုများ ကြုံတွေ့ရချိန်တွင် တရုတ်နိုင်ငံက မြန်မာအပေါ်စီးပွားရေးနှင့် ရင်းနှီးမြှုပ်နှံမှုဆိုင်ရာ အထောက်အပံ့များကို အမြောက်အမြားပေးခဲ့ရာ တရုတ်သြဇာ လွှမ်းမိုးမှုလည်း ကြီးထွားလာခဲ့သည်။

တရုတ်သည် မြန်မာနိုင်ငံတွင် အကြီးဆုံးရင်းနှီးမြှုပ်နှံသူနိုင်ငံဖြစ်နေသော်လည်း တရုတ်သြဇာလွှမ်းမိုးမှုများက မြန်မာပြည်သူများအကြား အနုတ်လက္ခဏာဆောင်သည့် တုံ့ပြန်မှုများကိုဖြစ်ပေါ်စေသည်။

မြန်မာအစိုးရသည် ၂၀၁၁ ခုနှစ်၊ စစ်အစိုးရထံမှအာဏာလွှဲပြောင်းရယူပြီးချိန်တွင် ဘေဂျင်းအစိုးရနှင့်ဆက်ဆံမှုကို စတင်ဖယ်ခွာရန် ကြိုးပမ်းခဲ့သည်။ ဒီမိုကရေစီနည်းလမ်းတကျ ပထမဆုံးရွေးကောက်တင်မြှောက်ခံရသူ သမ္မတဦးသိန်းစိန်က တရုတ်နှင့် ယခင်စစ်အစိုးရ ပူးတွဲလုပ်ကိုင်လျက်ရှိသည့် မြစ်ဆုံစီမံကိန်းကို သဘာဝပတ်ဝန်းကျင်ထိန်းသိမ်းကာကွယ်ရန် ရပ်ဆိုင်းပစ်လိုက်သည်။ ယင်းစီမံကိန်းသည် တရုတ်နိုင်ငံမှ ဒေါ်လာ ၃ ဒဿမ ၆ ဘီလီယံအကူအညီဖြင့် အကောင်အထည်ဖော်နေခြင်းဖြစ်သည်။

ဟောင်ကောင်သတင်းစာတစ်စောင်ဖြစ်သော South China Morning Post ၏ ရေးသားဖော်ပြချက်အရ အကယ်၍ စီစဉ်ထားသည့် အတိုင်းအစစအရာရာအောင်မြင်သည်ဆိုပါက လာမည့်မေလမှစ၍ အရှေ့အလယ်ပိုင်းဒေသမှ ရေနံနှင့် သဘာဝဓာတ်ငွေ့များကို မြန်မာနိုင်ငံရှိ ပိုက်လိုင်းများမှတစ်ဆင့် တရုတ်ပြည်သို့တင်ပို့နိုင်တော့မည်ဖြစ်သည်ဟု  တရုတ်အမျိုးသားရေနံကော်ပိုရေးရှင်း(CNPC) က ဇန်နဝါရီလ ၂၁ ရက်နေ့တွင် ထုတ်ဖော်အသိပေးကြောင်းသိရသည်။ ကီလိုမီတာ ၁၁၀၀ ရှည်လျားသည့် ယင်းပိုက်လိုင်းသွယ်တန်းမှုသည် ဧရာမစီမံကိန်းကြီးတစ်ခုဖြစ်ပြီး မြန်မာနိုင်ငံ၊ ကျောက်ဖြူမြို့မှ တရုတ်နိုင်ငံ ရွှေလီမြို့အထိသွယ်တန်းနေခြင်းဖြစ်သည်။ အဆိုပါပိုက်လိုင်းများကြောင့် တရုတ်အနေဖြင့် ရေနံနှင့် သဘာဝဓာတ်ငွေ့ များအား ကီလိုမီတာ ၁၂၀၀ ခန့်ခရီးဖြင့် တင်သွင်းသယ်ယူရမှုကိုလျှော့ချပစ်နိုင်မည်ဖြစ်သည်။ ထို့ပြင် ယင်းစီမံကိန်းကို တရုတ်-မြန်မာနှစ်နိုင်ငံ စီးပွားရေးပူးပေါင်းဆောင်ရွက်မှုကို ကိုယ်စားပြုသည့် လုပ်ငန်းကြီးတစ်ခုအဖြစ်သတ်မှတ်ထားသော်လည်း ယခုကဲ့သို့ စီမံကိန်းပြီးဆုံးရန် နီးကပ်လာချိန်တွင် အောင်မြင်မှုအတွက် ဂုဏ်ပြုပြောဆိုရန် ဝန်လေးနေကြသည်ကိုတွေ့ရသည်။

South China Morning Post သတင်းစာရေးသားသလိုပင် “အကယ်၍ စီစဉ်ထားသည့်အတိုင်းအစစအရာရာအောင်မြင်သည်ဆိုပါက” ဟူသော အသုံးအနှုန်းကိုကြည့်လျှင် ဒေါ်လာ ၂ ဒဿမ ၅ ဘီလီယံတန် ယင်းစီမံကိန်းကြီးသည် ယနေ့အချိန်အထိ မသေချာမရေရာမှုများနှင့် ကြုံတွေ့နေရဆဲဖြစ်သည်ဟူသောအချက်မှာ ပေါ်လွင်နေသည်။

ဤအတောအတွင်းမှာပင် အမေရိကန်ပြည်ထောင်စု၊ ဂျပန်နှင့် အိန္ဒိယတို့က မြန်မာနိုင်ငံနှင့် ရင်းနှီးချစ်ကြည်မှုရရှိရန် ကြိုးပမ်းမှုများကို အရှိန်မြှင့်တင်လုပ်ဆောင်လျက်ရှိသည်။ ဂျပန်ဝန်ကြီးချုပ် ရှင်ဇိုအာဘေးက မြန်မာနိုင်ငံကို ဘဏ္ဍာရေးထောက်ပံ့မှုများပြုလုပ်ပေးရန်နှင့် ကော်ပိုရိတ်ရင်းနှီးမြှုပ်နှံမှုများပြုလုပ်ရန် အထူးသံတမန်တစ်ဦးစေလွှတ်ခဲ့သည်။ ဂျပန်သည် ၂၀၁၂ ခုနှစ်အတွင်း မြန်မာနိုင်ငံမှ ပေးရန်ရှိသည့် ကြွေးကျန်များကို လျှော်ပေးခဲ့ပြီး အတိုးနှုန်းသက်သာစွာဖြင့် ရေရှည်ချေးငွေသစ်များထပ်မံချပေးခဲ့သည်။

China Review News Agency အဆိုအရ ဂျပန်ဝန်ကြီးချုပ်သည် အရှေ့တောင်အာရှဒေသနိုင်ငံများနှင့် ဆက်ဆံရေးအားကောင်းအောင် လုပ်ဆောင်ခြင်းဖြင့် တရုတ်ပြည်၏သြဇာလွှမ်းမိုးမှုကို တုံ့ပြန်လျက်ရှိသည်။ ဂျပန်၏ ကြိုးပမ်းအားထုတ်မှုများတွင် မြန်မာဟူသည် အချက်အချာကျသောနေရာမှပါဝင်နေသည်။

အိန္ဒိယကာကွယ်ရေးဝန်ကြီး AK Antony ကလည်း ရန်ကုန်မြို့သို့လာရောက်လည်ပတ်ပြီး နှစ်နိုင်ငံ စစ်ရေးပူးပေါင်းဆောင်ရွက်မှုများပြုလုပ်ရန် ဆွေးနွေးသည်။ အိန္ဒိယဝန်ကြီးချုပ် မန်မိုဟန်ဆင်း ကိုယ်တိုင်သည်လည်း ပြီးခဲ့သည့်နှစ် မေလအတွင်း မြန်မာနိုင်ငံသို့ လာရောက်လည်ပတ်ခဲ့သေးသည်။ မန်မိုဟန်ဆင်းသည် မြန်မာသို့ နှစ်ပေါင်း ၂၅ နှစ်အတွင်း ပထမဆုံးလာရောက်လည်ပတ်သော အိန္ဒိယဝန်ကြီးချုပ်ဖြစ်သည်။

 ----------------------------------------------------------------------------------------

မဲဆောက်ကုန်သွယ်မှုဇုန်အတွက် ကက်ဘိနက်က မီးစိမ်းပြ

(22 Jan 2013 ရက်စွဲပါ Bangkok Post မှ Mae Sot trade zone gets the nod ကို ဘာသာပြန်ပါသည်)

ထိုင်း-မြန်မာနယ်စပ် Tak ပြည်နယ် မဲဆောက်ဒေသတွင် အထူးစီးပွားရေးဇုန် ထူထောင်ရန် အဆိုပြုချက်ကို ကက်ဘိနက်က အတည်ပြုခဲ့ပြီ ဖြစ်ပါသည်။

အမျိုးသားစီးပွားရေးနှင့် လူမှုရေးဖွံ့ဖြိုးမှုဘုတ်အဖွဲ့(NESDB) သည် ၂၀၁၅ အာဆီယံစီးပွားရေးအသိုင်း အဝိုင်းနှင့်နိုင်ငံ၏ အရှေ့-အနောက် စီးပွားရေး စကြံင်္ဖွံ့ဖြိုးရေးကို အထောက်အကူပြုမည့် စီမံကိန်းကို အဆိုပြုခဲ့ပါသည်။

အဆိုပြုချက်အကြမ်းအား ယမန်နေ့က Uttaradit တွင် ကက်ဘိနက်က အတည်ပြုခဲ့ပါသည်။ ကက်ဘိနက် ကအတည်ပြုခဲ့သော စီမံကိန်း၏ စည်းမျဉ်းများအရ အထူးစီးပွားရေးဇုန်တွင် မဲဆောက်ဧရိယာ တစ်ခုလုံး (သို့မဟုတ်) တစ်စိတ်တစ်ပိုင်းပါဝင်နိုင်ကြောင်း အစိုးရပြောခွင့်ရပုဂ္ဂိုလ် Tossaporn Serirak ကပြောကြားခဲ့ပါသည်။

Asean Single Window နှင့်အညီ တစ်နေရာတည်းတွင် ဝန်ဆောင်မှုအားလုံးပေးမည့်စနစ်လည်း အဆိုပါဇုန်တွင် ထူထောင်မည်ဖြစ်ကြောင်း ၎င်းကပြောပါသည်။ အဆိုပါစနစ်တွင် အချက်အလက်များချိတ်ဆက်ထားခြင်းနှင့် အကောက်ခွန်ဆိုင်ရာများလည်း ၂၀၁၅ ဒေသတွင်း စီးပွါးရေးစုဖွဲ့မှုအတွက် ပြင်ဆင်သည့်အနေဖြင့် ပါဝင်မည်ဖြစ်ပါသည်။

အဆိုပါစီမံကိန်းအကောင်အထည်ဖော်မည့် အထူးစီးပွားရေးဇုန် မူဝါဒကော်မတီတွင် ဝန်ကြီးချုပ်က ဥက္ကဋ္ဌအဖြစ် တာဝန်ယူမည် ဖြစ်ပါသည်။

ဝန်ကြီးချုပ် Yingluck Shinawatra က ပြောကြားရာတွင် မဲဆောက်အထူးစီးပွားရေးဇုန်နှင့် ပတ်သက်သော အလားအလာများမှာ ယမန်နေ့က အတည်မပြုမီ အချိန်အတော်ကြာကတည်းက ဆွေးနွေးနေခဲ့ပြီး ဖြစ်သည်ဟု ဆိုပါသည်။

နိုင်ငံတော်ကောင်စီသည် အဆိုပါစီမံကိန်းအတွက် ဥပဒေများကို ရေးဆွဲအတည်ပြုပေးမည် ဖြစ်ပါသည်။ အစပထမတွင် ထိုင်းနှင့် မြန်မာကို ပိုင်းခြားထားသည့် သောင်ရင်းမြစ်တစ်ဖက်ရှိ Mae Pa နှင့် Tha Sai Luad တို့တွင် စတင်ထူထောင်မည် ဖြစ်ပါသည်။

ထိုဒေသတွင် စက်မှုဇုန်ကို Tak ပြည်နယ်အာဏာပိုင်အဖွဲ့နှင့် အကောက်ခွန်ဌာနတို့ ပူးပေါင်းထူထောင်ကြမည် ဖြစ်ပါသည်။

လက်ရှိတံတားတွင် ပိတ်ဆို့မှုများမဖြစ်ရေးအတွက် ဒုတိယချစ်ကြည်ရေးတံတားကို တည်ဆောက်မည် ဖြစ်ပါသည်။

အထူးစီးပွားရေးဇုန်တွင် သယ်ယူပို့ဆောင်ရေးအခြေခံအဆောက်အဦး၊ သဘောင်္တင်ပို့မှုနှင့် ဖြန့်ဖြူးရေး ဗဟိုဌာနများ အကောက်ခွန်လွတ် ဧရိယာများ။ ဂိုဒေါင်များ၊ တစ်နေရာတည်းတွင် ဝန်ဆောင်မှုအားလုံးပေးမည့် နေရာများ၊ စစ်ဆေးမှုနှင့် အကောက်ခွန်စစ်ဆေးရေး စခန်းများပါဝင်မည် ဖြစ်ပါသည်။

စက်မှုစီးပွါးရေးဌာန၏ သုတေသနပြုချက်အရ မဲဆောက်ဒေသသည် ထိုင်း-မြန်မာ နယ်စပ်ကုန်သွယ်ရေး၏ အဓိကကျသော နေရာတွင်ရှိနေခြင်း ကြောင့် စီးပွားရေးဖွံ့ဖြိုးတိုးတက်မှုအတွက် အားကောင်းသော အလားအလာရှိသည်ဟု ဆိုပါသည်။

အဆိုပါ လေ့လာချက်အရ အထူးစီးပွားရေးဇုန်သည် အထည်အလိပ်နှင့် အထည်ချုပ်၊ ဟင်းသီးဟင်းရွက်နှင့် သီးနှံ စည်သွပ်ဗူးစက်ရုံ၊ သစ်အချောထည်နှင့် ပရိဘောဂပြုလုပ်ခြင်း ကဲ့သ