Transparency Myanmar

transparency.myanmar@gmail.com

yangonchronicle 2013
Document yangonchronicle 2013

Snapshot of the item below:
yangonchronicle 2013

 

*

*

၆.၃.၂၀၁၃

နေ့စဉ်ထုတ်သတင်းလွှာ

  1. NLD ပါတီ၏ ညီလာခံကိုယ်စားလှယ် ၄ ဦးထုတ်ပယ်
  2. ၂၀၁၃-၂၀၁၄ ဘဏ္ဍာနှစ်တွင် ယခင်နှစ်ထက် အခွန် ၅ ရာခိုင်နှုန်း တိုးမြှင့်ကောက်ခံမည်
  3. လယ်ယာကဏ္ဍဆေးမြီးတိုဖြင့် ကုသ၍မရကြောင်း ဆန်လုပ်ငန်းရှင်များအသင်းချုပ်ဥက္ကဋ္ဌပြောကြား
  4. SSA နယ်မြေတွင် အစိုးရ ရဟတ်ယာဉ်ကွင်းတည်ဆောက်မည့် အစီစဉ်ဖျက်သိမ်း

**********************************************************************************

နေ့စဉ်ထုတ်သတင်းလွှာ 

NLD ပါတီ၏ ညီလာခံကိုယ်စားလှယ် ၄ ဦးထုတ်ပယ်

ကြားဖြတ်ရွေးကောက်ပွဲအနိုင်ရန် အမျိုးသားဒီမိုကရေစီအဖွဲ့ချုပ် NLD ပါတီ၏ နိုင်ငံလုံးဆိုင်ရာညီလာခံကျင်းပရန် ရွေးချယ်ထားသည့် ညီလာခံ ကိုယ်စားလှယ် ၄ ဦးကိုထုတ်ပယ်လိုက်ကြောင်း မတ်လ ၅ ရက်နေ့ ရက်စွဲဖြင့် ကြေညာချက်ထုတ်ပြန်ခဲ့သည်။

NLD ပါတီအဖွဲ့ချုပ်အတွင်း ညီညွှတ်ရေးကို ပြိုကွဲပျက်စီးစေမည့် အပြုအမူ၊ အပြောအဆို၊ လှုပ်ရှားမှုများပြုလုပ်ခဲ့သည့်အတွက် ဦးခင်မောင်ဝင်း ဥက္ကဋ္ဌ(ဗပာိုညီလာခံကိုယ်စားလှယ်) NLD အလုပ်အမှုဆောင်အဖွဲ့ဝင် လမ်းမတော်မြို့နယ်၊ ဦးသန့်ဇင်(ဗပာိုညီလာခံကိုယ်စားလှယ်) ရွှေပြည်သာမြို့နယ်၊ ဦးခင်မောင်ရှိန် ဥက္ကဋ္ဌ(ဗပာိုညီလာခံကိုယ်စားလှယ်) NLD မြောက်ပိုင်းခရိုင် ရန်ကုန်တိုင်းဒေသကြီးနှင့် ဒေါ်မိမိကြီး ဗပာိုညီလာခံကိုယ်စားလှယ် NLD ကောလင်းမြို့နယ် စစ်ကိုင်းတိုင်းဒေသကြီးတို့ (၄)ဦးအား မတ်လ ၄ ရက်နေ့တွင် ကျင်းပပြုလုပ်ခဲ့သည့် ညီလာခံကျင်းပရေး ဗပာိုကော်မရှင် အစည်းအဝေး ဆုံးဖြတ်ချက်အရ ညီလာခံကိုယ်စားလှယ်အဖြစ်မှ ထုတ်ပယ်လိုက်ကြောင်း သိရသည်။

 အမျိုးသားဒီမိုကရေစီအဖွဲ့ချုပ်(NLD)ပါတီ၏ နိုင်ငံလုံးဆိုင်ရာ ညီလာခံကို မတ်လ ၈ ရက်နေ့မှ ၁၀ ရက်နေ့ထိ ဗပာန်းမြို့နယ်၊ တော်ဝင်နှင်းဆီ ခန်းမတွင် ကျင်းပပြုလုပ်သွားမည်ဖြစ်ကြောင်း သိရသည်။

 ထို့ပြင် NLD ပါတီ၏နိုင်ငံလုံးဆိုင်ရာ ညီလာခံမှာ လုံခြုံရေးတင်းကြပ်လျက်ရှိသည့်အတွက် အဆိုပါညီလာခံသို့ သတင်းတက်ရောက်လိုသူ မီဒီယာများ အနေဖြင့် ဖိတ်စာနှင့်တကွ လာရောက်ရမည်ဖြစ်ကြောင်း သိရသည်။

YC

                                        *******************************************************************

၂၀၁၃-၂၀၁၄ ဘဏ္ဍာနှစ်တွင် ယခင်နှစ်ထက် အခွန် ၅ ရာခိုင်နှုန်း တိုးမြှင့်ကောက်ခံမည်

လာမည့် ၂၀၁၃-၂၀၁၄ ဘဏ္ဍာနှစ်တွင် နိုင်ငံတွင်း စီးပွားရေးလုပ်ငန်းများ၊ သယံဇာတလုပ်ငန်းများနှင့် ပြည်သူများထံမှ အခွန်ငွေ ဘီလံ ၂၃၉၅ ကျော်ရရှိနိုင်စေရန် ယခင်ဘဏ္ဍာနှစ်အခွန်ကောက်ခံငွေထက် ၅ ရခိုင်နှုန်း ပိုမိုကောက်ခံသွားမည်ဖြစ်ကြောင်း ဘဏ္ဍာရေးနှင့် အခွန်ဝန်ကြီးဌာန ပြည်ထောင် စုဝန်ကြီး ဦးဝင်းရှိန်က မတ်လ ၅ ရက်နေ့တွင် ကျင်းပပြုလုပ်ခဲ့သော ပြည်ထောင်စုလွှတ်တော် ပုံမှန်အစည်းအဝေးတွင် ပြောကြားသည်။

ပြီးခဲ့သည့် ၂၀၁၂-၂၀၁၃ ဘဏ္ဍာနှစ်တွင် နိုင်ငံတွင်းစီးပွားရေးလုပ်ငန်းများနှင့် ပြည်သူများထံမှ ဝင်ငွေခွန် ကျပ်သန်းပေါင်း ၆၈၅၃၇၂ ဒဿမ ၃၈၂ (ကျပ်ငွေဘီလီယံ ၆၈၅)ကျော် ကောက်ခံရရှိခဲ့သည့်အတွက် လာမည့်ဘဏ္ဍာနှစ်တွင် ဝင်ငွေခွန် ကျပ်သန်းပေါင်း ၁၀၆၄၉၃၂ ဒဿမ ၇၂၉ (ကျပ်ငွေဘီလီယံ ၁၀၆၄ ကျော်)ရရှိနိုင်စေရန် အခွန်ကောက်ခံသွားမည်ဖြစ်ကြောင်း သိရသည်။

သို့သော် ထိုသို့ အခွန်တိုးမြှင့်ကောက်ခံရာတွင် ဝင်ငွေခွန်ကောက်ခံမှုအတိုင်းအတာ သတ်မှတ်ချက် အတိအကျမရှိသေးသည့်အတွက် အငယ်စား နှင့် အလတ်စားစီပွားရေး လုပ်ငန်းရှင်များနှင့် အခြားအခြေခံ အလုပ်သမားများအပေါ် ဝန်ထုပ်ဝန်ပိုးဖြစ်စေနိုင်ကြောင်း သိရသည်။ ထို့ပြင် ယခင်အစိုးရ လက်ထက်ကတည်းကပင် အခွန်ကောက်ခံမှု ရှင်းလင်းတိကျခြင်းမရှိခဲ့သော စွမ်းအင်ဝန်ကြီးဌာနနှင့် သတ္တုတွင်းဝန်ကြီးဌာနများကိုလည်း ယခုလာမည့် အခွန်အကောက်ဖွဲ့စည်းပုံတွင် ထည့်သွင်းသွားမည်ဖြစ်ကြောင်း သိရသည်။

လက်ရှိ မြန်မာနိုင်ငံအတွင်း အခွန်ကောက်ခံရရှိမှု နည်းပါးရခြင်းမှာ အချို့နိုင်ငံခြားရင်းနှီးမြှုပ်နှံမှုများနှင့် ပို့ကုန်၊ သွင်းကုန်လုပ်ငန်းများအပေါ် အခွန် ကင်းလွတ်ခွင့်ပြုခြင်း၊ စီးပွားရေးလုပ်ငန်းရှင်ကြီးများမှ လက်ရှိအစိုးရသစ်လက်ထက်ထိတိုင် အခွန်တိမ်းရှောင်လျက်ရှိနေခြင်းနှင့် ပြည်သူထံတွင် အခွန် ဆိုင်ရာ အသိပညာများ ပြည့်ဝမှုမရှိခြင်းများကြောင့်ဖြစ်ကြောင်း သိရသည်။

ထို့ကြောင့် လာမည့်ဘဏ္ဍာနှစ်မှစတင်၍ နိုင်ငံတွင်း အခွန်တိုးမြှင့်ကောက်ခံ၍ နိုင်ငံဖွံ့ဖြိုးတိုးတက်ရေးကဏ္ဍများတွင် သုံးစွဲနိုင်စေရန် စစ်တပ်ပိုင် မြန်မာ့စီးပွားရေးဦးပိုင်လီမီတက်၊ မြန်မာ့စီးပွားရေးကော်ပိုရေးရှင်း၊ စီးပွားရေးအဖွဲ့အစည်းများနှင့် ယခင်တပ်မတော်အစိုးရလက်ထက်ကတည်းကပင် အခွန် တိမ်းရှောင်လျက်ရှိနေသည့် ခရိုနီစီးပွားရေးလုပ်ငန်းကြီးများကို အခွန်တိုးမြှင့်ကောက်ခံသွားတော့မည်ဖြစ်ကြောင်း သိရသည်။

YC

                                        *****************************************************

လယ်ယာကဏ္ဍဆေးမြီးတိုဖြင့် ကုသ၍မရကြောင်း ဆန်လုပ်ငန်းရှင်များအသင်းချုပ်ဥက္ကဋ္ဌပြောကြား

မြန်မာ့လယ်ယာကဏ္ဍ ဖွံ့ဖြိုးတိုးတက်ရေးအတွက် ဆေးမြီတိုဖြင့် ကုသ၍ မရနိုင်ကြောင်း  မြန်မာနိုင်ငံဆန်စပါး လုပ်ငန်းရှင်များ အသင်းချုပ် ဥက္ကဋ္ဌ ဦးချစ်ခိုင်က မတ်လ ၂ ရက်နေ့တွင် ရန်ကုန်မြို့ မရမ်းကုန်းမြို့နယ် မင်းဓမ္မလမ်းရှိ မြန်မာ ကွန်ဗန်ရှင်းစင်တာ(MCC) ခန်းမ၌ ကျင်းပသည့် လယ်ယာ ထွက်ကုန် တန်ဖိုးမြှင့်ပြပွဲ ၂၀၁၃ တွင် ပြောကြားခဲ့သည်။

နိုင်ငံတွင်း တတိယအဆင့် ပြုပြင်ပြောင်းလဲမှုများအား ဆက်လက်လုပ်ဆောင်နိုင်ရန် ပြည်သူ့ဝန်ဆောင်မှု စွမ်းဆောင်ရည်အကဲဖြတ်အဖွဲ့ကို ဖွဲ့စည်းထားပြီး အဆိုပါအဖွဲ့မှ ပြည်သူအသံ နားထောင်အကဲဖြတ်၍ ပြုပြင်ပြောင်းလဲမှုများအတွက် ဆက်လက်လုပ်ဆောင်သွားရမည်ဖြစ်ကြောင်း သိရ သည်။

ထို့ပြင် မြန်မာနိုင်ငံဆန်စပါးလုပ်ငန်းရှင်များအသင်းချုပ်အနေဖြင့် လယ်ယာကဏ္ဍအောက်ခြေအဆင့်တွင် ဖြစ်ပွားလျက်ရှိသော ပြဿနာများ အပေါ် ရိုက်ခတ်လာသည့် အသံများကို စုစည်းကာ နိုင်ငံတော်သို့ မှန်ကန်စွာတင်ပြရမည်ဖြစ်ပြီး ထိုသို့တင်ပြခြင်းဖြင့် ပုဂ္ဂိလိကစီးပွား ထိခိုက်လာနိုင်မည် ဖြစ်သော်လည်း အနာဂါတ်လယ်ယာကဏ္ဍ ဖွံ့ဖြိုးတိုးတက်လာမည် ဖြစ်သည့်အပြင် တောင်သူများ၏စီးပွားရေးလည်း ပိုမို တိုးတက်လာမည် ဖြစ်ကြောင်း ၎င်းကဆက်လက်ပြောကြားသည်။

ထို့အပြင် ပြည်ထောင်စုဝန်ကြီး ကုန်သည်စက်မှုလက်မှုအသင်းချုပ်တို့နှင့် နီးစပ်သော အများပိုင်ကုမ္ပဏီနှင့် ပုဂ္ဂလိကမှ ဖွဲ့စည်းထားသော အများပိုင်ကုမ္ပဏီအချို့တို့မှာ ရသင့်ရထိုက်သည့် အခွင့်ရေးထက်ပိုမိုရရှိနေကြောင်း ၎င်းက ထပ်မံပြောကြားခဲ့သည်။

YC

********************************************************

SSA နယ်မြေတွင် အစိုးရ ရဟတ်ယာဉ်ကွင်းတည်ဆောက်မည့် အစီစဉ်ဖျက်သိမ်း

ရှမ်းပြည်နယ်တိုးတက်ရေးပါတီနှင့် တပ်မတော်(SSPP/SSA)မြောက်ပိုင်းနယ်မြေတွင် ဖေဖော်ဝါရီလ တတိယအပတ် တိုက်ပွဲငယ် အချို့ဖြစ်ပွား ပြီးနောက် အစိုးရမှ အဆိုပါနယ်မြေအတွင်း ရဟတ်ယာဉ်ကွင်းတည်ဆောင်မည့်အစီစဉ်ကို ဖျက်သိမ်းလိုက်ကြောင်း SSA တပ်မတော် ပြောခွင့်ရပုဂ္ဂိုလ် ဗိုလ်မှူး စိုင်းလက ပြောကြားခဲ့သည်။

ရှမ်းပြည်နယ်အတွင်းရှိ SSA နယ်မြေဖြစ်သည့် လွယ်လန်းတောင်၌ စိုက်ပျိုးထားသော ဘိန်းစိုက်ခင်းများကို အမေရိကန်မူးယစ်ဆေးဝါး တိုက်ဖျက်ရေးအဖွဲ့(DEA)မှ လာရောက်စီစစ်ရာတွင် ရပ်နားနိုင်ရန် လေယာဉ်ကွင်း ၅ ကွင်းတည်ဆောက်ရာ၌ အစိုးရတပ်အလုံးအရင်းဖြင့် ဝင်ရောက်လာ သည့်အပြင် SSA အဖွဲ့များကိုလည်းကြိုတင်အကြောင်းကြားခြင်းမရှိသည့်အတွက် ဖေဖော်ဝါရီလ ၁၉ ရက်နေ့မှစတင်၍ အစိုးရတပ်မတော် နှင့် SSA အဖွဲ့များ တိုက်ပွဲများပြန်လည်ဖြစ်ပွားရခြင်းဖြစ်ကြောင်း သိရသည်။

ရှမ်းပြည်နယ်မြောက်ပိုင်း တန့်ယန်းမြို့နယ်အပြင်ဘက် လွယ်လန်းတောင်တစ်ဝိုက်တွင် ဖေဖော်ဝါရီလ ၂၃ ရက်နေ့ထိတိုင် တိုက်ပွဲငယ်များ ဖြစ်ပွားခဲ့သော်လည်း ဖေဖော်ဝါရီလ ၂၄ ရက်နေ့မှစတင်၍ တိုက်ပွဲများ ဆက်လက် ဖြစ်ပ