Posts
 | CURRENT NEWS |
ပြည်တွင်း နိုင်ငံရေး၊ စီးပွားရေး သတင်းစဉ်
- မြန်မာနိုင်ငံရေကြောင်း ဥပဒေသစ် ရေးဆွဲရန် မြန်မာနိုင်ငံရေကြောင်းပို့ဆောင်ရေး ဌာနနှင့် စင်ကာပူ JTJB အဖွဲ့တို့ ပူးပေါင်းဆွေးနွေးပွဲ ကျင်းပ
- စည်းမျဉ်းနည်းဥပဒေများကို ဗဟိုဘဏ်ကသာ ရေးဆွဲရန် လွှတ်တော်မှ အတည်ပြု
- ပိုင်ဆိုင်မှုတင်ပြရမည့်အချက်အား ပယ်ဖျက်ပေးရန် နိုင်ငံတော်သမ္မတမှတ်ချက်ပြုသည်ကို ပြည်ထောင်စုလွှတ်တော် ငြင်းဆို
မြန်မာနိုင်ငံရေကြောင်း ဥပဒေသစ် ရေးဆွဲရန် မြန်မာနိုင်ငံရေကြောင်းပို့ဆောင်ရေး ဌာနနှင့် စင်ကာပူ JTJB အဖွဲ့တို့ ပူးပေါင်းဆွေးနွေးပွဲ ကျင်းပ
နိုင်ငံတကာ ပင်လယ်ရပ်ခြားမှ တိုက်ရိုက် စီးပွားရေးရင်းနှီးမြှုပ်နှံမှုများ ပိုမိုဝင်ရောက်နိုင်ရန် မြန်မာနိုင်ငံ ပင်လယ်ရေကြောင်းဥပဒေများကို အပြည်ပြည်ဆိုင်ရာ နိုင်ငံတကာ စံညွန်းစံနှုန်းများ နှင့်အညီ ပြန်လည်သုံးသပ်ပြီး ပြင်ဆင်ရေးဆွဲနိုင်ရန် ရေကြောင်းပို့ဆောင်ရေး ညွှန်ကြားမှု ဦးစီးဌာန၊ မြန်မာနိုင်ငံ ရေကြောင်းပညာတက္ကသိုလ်နှင့် စင်ကာပူ အခြေစိုက် အပြည်ပြည်ဆိုင်ရာ ဥပဒေပညာရှင်များ (JTJB) အဖွဲ့တို့၏ ပူးပေါင်းဆွေးနွေးပွဲ ( Myanmar International Maritime Forurm) တစ်ရပ်ကို ဇူလိုင်လ ၈ ရက်နေ့တွင် ရန်ကုန်မြို့ဆီဒိုးနားဟိုတယ်၌ ကျင်းပပြုလုပ်ခဲ့ကြောင်း သိရသည်။
“ပင်လယ်ရေကြောင်းနဲ့ဆိုင်တဲ့ စီးပွားလုပ်ငန်းတွေက ဥပဒေတွေအတွက် နိုင်ငံတကာပညာရှင်တွေနဲ့ ဆွေးနွေးဖို့ လိုအပ် ပါတယ်။ ပင်လယ်ရေကြောင်းဆိုင်ရာ အခန်းကဏ္ဍကလဲ မြန်မာနိုင်ငံရဲ့ နိုင်ငံခြားတိုက်ရိုက် ရင်းနှီးမြှုပ်နှံမှုအတွက် အရေးကြီးပါတယ်။ ဒါကြောင့် အပြည်ပြည်ဆိုင်ရာ ကူးသန်းရောင်းဝယ်ရေး ကဏ္ဍတွေမှာ မြန်မာရဲ့ပင်လယ်ရေကြောင်းဆိုင်ရာ ကဏ္ဍတွေကို ထိထိ ရောက်ရောက် ပြောင်းလဲနိုင်ဖို့ လိုပါတယ် ” ဟု ယင်းဆွေးနွေးပွဲတွင် ပို့ဆောင်ရေးဝန်ကြီးဌာနမှ ပြည်ထောင်စုဝန်ကြီး ဦးဥာဏ်ထွန်းအောင်က ပြောဆိုခဲ့သည်။
ယင်းဆွေးနွေးပွဲ Myanmar International Maritime Forurm သည် မြန်မာနိုင်ငံတွင် ပထမဦးဆုံးအကြိမ်ပြုလုပ်သော အပြည်ပြည်ဆိုင်ရာ ပင်လယ်ရေကြောင်း ဆွေးနွေးပွဲ့တစ်ခု ဖြစ်ကြောင်း သိရသည်။
နိုင်ငံတကာမှ ရင်းနှီးမြှုပ်နှံမှု ပိုမိုဝင်ရောက်လုပ်ကိုင်လာလျှင် ဥပဒေများ၊ နည်းဥပဒေများက ခိုင်မာမှုမရှိလျှင် ကူးသန်း ရောင်းဝယ်ရေးနှင့် ရင်းနှီးမြှုပ်နှံမှုများ၌ ပိုမိုခဲယဉ်းမှုများ ရှိလာနိုင်သောကြောင့် မြန်မာနိုင်ငံ၏ လက်ရှိပင်လယ်ရေကြောင်း ဥပဒေ များကို နိုင်ငံတကာ စံနှုန်းများအတိုင်း ပြောင်းလဲရေးဆွဲနိုင်ရန်လိုကြောင်း၊ JTJB အဖွဲ့အနေဖြင့်လည်း မြန်မာနိုင်ငံ၏ ပင်လယ် ရေကြောင်း ဥပဒေကို ကမ္ဘာတွင် အကောင်းဆုံး ဥပဒေတစ်ခုဖြစ်အောင် အကူအညီများ ဆောင်ရွက်ပေးသွားမည်ဖြစ်ကြောင်း JTJB အဖွဲ့၏ Senior Parter Dato’ Jude P Benny က ယင်းအလုပ်ရုံ ဆွေးနွေးပွဲတွင် ပြောဆိုခဲ့သည်။
နိုင်ငံခြားရင်းနှီးမြှုပ်နှံမှု၏ အဓိက အစိတ်အပိုင်းတစ်ခုဖြစ်သော မြန်မာနိုင်ငံ၏ ပင်လယ်ရေကြောင်း ဥပဒေကို ပိုမိုခိုင်မာလာ အောင် နိုင်ငံတကာမှ ဥပဒေပညာရှင်များစွာနှင့် တွေ့ဆုံဆွေးနွေးပြီး ဥပဒေခိုင်မာရှိမှသာ ရင်းနှီးမြှုပ်နှံသူများ၏ ယုံကြည်မှု ပိုမိုရရှိ လာနိုင်ကြောင်း ရေကြောင်းပို့ဆောင်ရေး ညွှန်ကြားမှု ဦးစီးဌာန၏ ဒုတိယညွှန်ကြားရေးမှူး ဦးကိုကိုနိုင်မှ ပြောကြားခဲ့သည်။
အဆိုပါဆွေးနွေးပွဲတွင် မြန်မာနိုင်ငံ ရေကြောင်းဆိုင်ရာအခန်းကဏ္ဍ၏ လက်ရှိ တည်ဆဲဥပဒေများ၊ အာမခံလုပ်ငန်းများ၊ သဘောင်္တည်ဆောက်ခြင်း၊ သဘောင်္သား မှတ်ပုံတင်ခြင်းလုပ်ငန်းများနှင့် သဘာဝပတ်ဝန်းကျင်ဆိုင်ရာ ထိန်းသိမ်းကာကွယ်မှု များအတွက် နှစ်ဦးနှစ်ဖက် အပြန်အလည်ဆွေးနွေးကြပြီး မြန်မာရေကြောင်းဥပဒေသစ်အတွက် လိုအပ်သော ဥပဒေပြင်ဆင်မှုများ၊ ဥပဒေအသစ်များ ပြဋ္ဌာန်းရေးဆွဲခြင်းများကို အကောင်အထည် ဖော်ဆောင်ရွက်သွားမည်ဖြစ်ကြောင်း သိရသည်။
စည်းမျဉ်းနည်းဥပဒေများကို ဗဟိုဘဏ်ကသာ ရေးဆွဲရန် လွှတ်တော်မှ အတည်ပြု
ပြည်ထောင်စုမြန်မာနိုင်ငံတော်အတွက် အရေးကြီးသော ဥပဒေတစ်ရပ်ဖြစ်သည့် ဗဟိုဘဏ်၏ စည်းမျဉ်းများ၊ နည်းဥပဒေများ ထုတ်ပြန်ခွင့်ကို ဗဟိုဘဏ်ကသာ ထုတ်ပြန်ရန် ဇူလိုင်လ ၈ ရက်နေ့က ကျင်းပသည့် ပြည်ထောင်စုလွှတ်တော်က အတည်ပြုခဲ့ ကြောင်း လွှတ်တော်ကိုယ်စားလှယ်များထံမှ သိရသည်။
မြန်မာနိုင်ငံတော် ဗဟိုဘဏ်အနေဖြင့် ၄င်းတို့၏ စည်းမျဉ်းနည်းဥပဒေများကို ထုတ်ပြန်ခွင့်ရှိသည် အချက်အပေါ် အခြေခံ ဥပဒေပြဋ္ဌာန်းချက်များကို ပြည်ထောင်စုအဆင့်ရှိသော အဖွဲ့အစည်းတစ်ခုတစ်ခုက ရေးဆွဲရမည်ဆိုသော အချက်နှင့် ကိုက်ညီမှုမရှိသောကြောင့် ပြန်လည်ပြင်ဆင်ရန် နိုင်ငံတော်သမ္မတက မှတ်ချက်ပြု ပြောဆိုခဲ့သော်လည်း ပြည်ထောင်စုလွှတ်တော်က ယခုကဲ့သို့ အတည်ပြု၍ ပြဋ္ဌာန်းခဲ့ခြင်းဖြစ်ကြောင်း သိရသည်။
မြန်မာနိုင်ငံတော် ဗဟိုဘဏ်ဥပဒေကြမ်း၌ ဗဟိုဘဏ်ဥက္ကဋ္ဌသည် ပြည်ထောင်စုအဆင့်ရှိသော ဝန်ကြီး ဖြစ်ရမည်ဆိုသည့် အချက်ကြောင့် စည်းမျဉ်းများ၊ နည်းဥပဒေများကို ပြည်ထောင်စုအဆင့်ရှိသော အဖွဲ့အစည်းများက ဝင်ရောက်ရေးဆွဲပေးရန် မလိုအပ် တော့ကြောင်းကို ဥပဒေကြမ်း ပူးပေါင်းကော်မတီက ဇူလိုင်လ ၁ ရက်နေ့တွင် ပြည်ထောင်စုလွှတ်တော်သို့ တင်ပြခဲ့ကြောင်း သိရ သည်။
“ဗဟိုဘဏ်က ပြည်ထောင်စုအဆင့် အဖွဲ့အစည်းတစ်ခုဖြစ်တာရယ်၊ ဥက္ကဋ္ဌကလည်း ပြည်ထောင်စုအဆင့် ဝန်ကြီးဖြစ်တယ်။ နောက်ပြီး ဗဟိုဘဏ်ဆိုတာက လွတ်လပ်တဲ့ အဖွဲ့အစည်းအဖြစ် ရပ်တည်ရမှာဆိုတော့ စည်းမျဉ်းနည်းဥပဒေတွေကို ဗဟိုဘဏ်ကပဲ ရေးဆွဲမှ သဘာဝကျမှာ ” ဟု ဘဏ်များနှင့် ငွေကြေးဆိုင်ရာ တိုးတက်ရေး ကော်မတီဝင်တစ်ဦးကလည်း ပြောဆိုခဲ့သည်။
ဇူလိုင်လ ၈ ရက်နေ့က ပြုလုပ်သော ပြည်ထောင်စု လွှတ်တော်အစည်းအဝေးတွင် သမ္မတ၏ သဘောထားမှတ်ချက်များနှင့် အတူ ပေးပို့လိုက်သည့် မြန်မာနိုင်ငံတော် ဗဟိုဘဏ်ဥပဒေမူကြမ်းအား မဲခွဲဆုံးဖြတ်ဆောင်ရွက်ခဲ့ရာတွင် ပြည်ထောင်စုလွှတ်တော်မှ သဘောတူညီချက်ရရှိပြီး ယင်းဥပဒေကြမ်း အား နိုင်ငံတော်သမ္မတထံသို့ ပြန်လည်ပေးပို့ခြင်းဖြင့် နိုင်ငံတော်သမ္မတမှ ခုနှစ်ရက် အတွင်း၌ လက်မှတ်ရေးထိုးအတည်ပြု ပြဋ္ဌာန်းပေးရမည်ဖြစ်ကြောင်း ပြည်သူလွှတ်တော်ကိုယ်စားလှယ် တစ်ဦး၏ ပြောကြားအားဖြင့် သိရသည်။
“ဒုတိယအကြိမ် ပြန်ပို့ပြီးရင်တော့ သမ္မတက ခုနှစ်ရက်အတွင်း လက်မှတ်ထိုးပြီး ပြဋ္ဌာန်းရတော့မှာပေါ့။ သမ္မတကနေ ဒုတိယအကြိမ် သဘောထားမှတ်ချက်နဲ့ ပြန်လာရင် လွှတ်တော်ကိုယ်စားလှယ်တွေက ဘယ်အပိုဒ်ကို ပြင်ချင်ပါတယ်ဆိုပြီး လုပ်လို့မရ တော့ဘူး” ဟု ၄င်းက ဆက်လက်ပြောဆိုခဲ့သည်။
နိုင်ငံတော်သမ္မတ၏ သဘောထားမှတ်ချက်နှင့်အညီ ပြင်ဆင်ထားသော ဥပဒေကြမ်း (သို့မဟုတ်) နိုင်ငံတော်သမ္မတ၏ သဘောထားမှတ်ချက်ကို လက်မခံဘဲ မူလအတိုင်း အတည်ပြုသော ဥပဒေကြမ်းကို ပြည်ထောင်စုလွှတ်တော် ဆုံးဖြတ်ချက်ဖြင့် ပြန်လည်ပေးပို့လာလျှင် နိုင်ငံတော်သမ္မတသည် ဥပဒေကြမ်း ပြန်လည်ရရှိသည့်နေ့၏ နောက်တစ်နေ့မှ ခုနှစ်ရက်အတွင်း လက်မှတ်ရေးထိုး၍ ထုတ်ပြန်ကြေငြာရမည်ဟု ပြည်ထောင်စုမြန်မာနိုင်ငံတော်၏ ဖွဲ့စည်းပုံအခြေခံဥပဒေ ပုဒ်မ ၁၀၆ အပိုဒ်ခွဲ ( ခ ) တွင် ဖော်ပြ ထားသည်။
ပိုင်ဆိုင်မှုတင်ပြရမည့်အချက်အား ပယ်ဖျက်ပေးရန် နိုင်ငံတော်သမ္မတ မှတ်ချက်ပြုသည် ကို ပြည်ထောင်စုလွှတ်တော်ငြင်းဆို
လာဘ်ပေး၊လာဘ်ယူ ပပျောက်ရေးဥပဒေအရ ဖွဲ့စည်းမည့် ကော်မရှင်အဖွဲ့ဝင်များ၏ ပိုင်ဆိုင်မှုတင်ပြရမည့်အချက်ကို ပယ်ဖျက်ပေးရန် နိုင်ငံတော်သမ္မတ မှတ်ချက်ပြုသည် ကို ပြည်ထောင်စုလွှတ်တော်ဥပဒေကြမ်း ပူးပေါင်းကော်မတီက ဇူလိုင်လ ၈ ရက် တွင် ပြုလုပ်သည့် ပြည်ထောင်စုလွှတ်တော် အစည်းအဝေးတွင် ငြင်းဆိုခဲ့ကြောင်း သိရှိရသည်။
လာဘ်ပေး၊လာဘ်ယူပပျောက်ရေး ဥပဒေကြမ်းကို ပြည်ထောင်စုလွှတ်တော်မှ အတည်ပြုပြီး နိုင်ငံတော်သမ္မတထံသို့ ပေးပို့ခဲ့ ရာတွင် နိုင်ငံတော်သမ္မတမှ “ကော်မရှင်အဖွဲ့ဝင်များသည် ကော်မရှင်တွင် တာဝန်ပေးအပ်ခြင်းခံရသည့် အခါတွင် မိမိတို့ဦးစီး သည့် တစ်စီးပွားတည်းဖြစ်သော မိသားစုပိုင် ငွေကြေး၊ ပစ္စည်း ပေးရန်တာဝန်နှင့် ရပိုင်ခွင့်များကို တန်ဖိုးနှင့်တကွ စာရင်းပြုစုပြီး နိုင်ငံတော်သမ္မတထံ ပေးပို့ရမည်” ဟူသော ဖော်ပြချက်မှာ ဖွဲ့စည်းပုံအခြေခံဥပဒေနှင့် ညီညွှတ်မှုမရှိသဖြင့် နုတ်ပယ်သင့်ပါသည်ဟု မှတ်ချက် ပြုခဲ့သည်။
ပြည်ထောင်စု အစိုးရအဖွဲ့ဥပဒေတွင် “လွှတ်တော်၏ အတည်ပြုချက်ဖြင့် နိုင်ငံတော်သမ္မတက ခန့်အပ်သော ပုဂ္ဂိုလ်များသည် တစ်စီးပွားတည်းဖြစ်သော စီးပွားရေးလုပ်ငန်းများနှင့် ပိုင်ဆိုင်မှုများကို တန်ဖိုးနှင့်တကွ စာရင်းပြုစုပြီး နိုင်ငံတော်သမ္မတထံ ပေးပို့ရမည်” ဟူ၍ ပြဋ္ဌာန်းထားကြောင်း၊ ယခုကော်မရှင်နှင့်အဖွဲ့ဝင်များသည် ယခုဥပဒေအရ နိုင်ငံတော်သမ္မတ၊ ပြည်သူ့လွှတ်တော်ဥက္ကဋ္ဌနှင့် အမျိုးသားလွှတ်တော်ဥက္ကဋ္ဌတို့က ရွေးချယ်ထားသော အဖွဲ့ဝင် ၁၅ ဦး ၏ အမည်များကို နိုင်ငံတော်သမ္မတက ပြည်ထောင်စု လွှတ်တော် သို့တင်သွင်းပြီး သဘောတူညီချက်ရယူ၍ ကော်မရှင်ကို ဖွဲ့စည်းရသည့်အတွက် ပြည်ထောင်စုအစိုးရအဖွဲ့ ဥပဒေအရ “လွှတ်တော်၏ အတည်ပြုချက်ဖြင့် နိုင်ငံတော်သမ္မတက ခန့်အပ်သော ပုဂ္ဂိုလ်များ ဖြစ်သည်” ဟုမှတ်ယူရမည်ဖြစ်ကြောင်း၊ ထို့ကြောင့် ကော်မရှင်နှင့် ကော်မရှင်အဖွဲ့ဝင်များသည် မှုလပိုင်ဆိုင်မှုစာရင်း များကို ပြုစု၍ နိုင်ငံတော်သမ္မတထံ ပေးပို့ရမည်ဆိုသည်မှာ ဖွဲ့စည်းပုံ အခြေခံဥပဒေနှင့် ဆန့်ကျင်ခြင်းမရှိကြောင်း ပြည်ထောင်စုလွှတ်တော် ဥပဒေကြမ်းပူးပေါင်းကော်မတီ တာဝန်ရှိသူတစ်ဦးက ပြောကြား သည်။
ထို့ပြင်ကော်မတီနှင့် ကော်မရှင်အဖွဲ့ဝင်များသည် နိုင်ငံတော်တစ်ဝန်းလုံး အတွက်လည်းကောင်း၊ တစ်မျိုးသားလုံး၏ အကျိုးစီးပွားအတွက် လည်းကောင်း၊ လာဘ်ပေး၊လာဘ်ယူ ပပျောက်စေရန် ဆောင်ရွက်ရမည့်သူများ ဖြစ်ကြောင်း၊ ထို့ကြောင့် လာဘ်ပေး၊လာဘ်ယူမှုပပျောက်စေရန် တာဝန်ပေးအပ်ခြင်းခံရသူများသည် ပွင့်လင်း မြင်သာရှိပြီး နိုင်ငံတော်သမ္မတ၏ အုပ်ချုပ်ရေး အာဏာ ဆောင်ရွက်ရာတွင် အထောက်အပံ့ရရန်လိုကြောင်း အဆိုပါတာဝန်ရှိသူက ဆက်လက်ပြောကြားခဲ့ကြောင်း သိရှိရသည်။
| Google Drive: create, share, and keep all your stuff in one place. |  |