Transparency Myanmar

transparency.myanmar@gmail.com

International media (1)

Snapshot of the item below:
International media (1)

ဘာသာပြန်သတင်းများ

(Bernama News မှ 22 Jan 2014 ရက်စွဲပါ EU seeks close cooperation with Myanmar in reform process သတင်းကို ဘာသာပြန်ဆိုသည်)

(23 January 2014 ရက်စွဲပါ LA Times မှ Carol J.Williams ရေးသားသော “UN right chief  demands Myanmar probe reported massacre of Muslim” ကိုဘာသာပြန်ဆိုသည်။)


မြန်မာနိုင်ငံဆက်လက်ပြုပြင်ပြောင်းလဲရေး လုပ်ငန်းစဉ်တွင် အနီးကပ် ပူးပေါင်းဆောင်ရွက်သွားရန် အီးယူ ကြိုးပမ်း

(Bernama News မှ 22 Jan 2014 ရက်စွဲပါ EU seeks close cooperation with Myanmar in reform process သတင်းကို ဘာသာပြန်ဆိုသည်)

မြန်မာနိုင်ငံ၏ ပြုပြင်ပြောင်းလဲရေး လုပ်ငန်းစဉ် ဆက်လက်လုပ်ဆောင်သွားမည့်အပိုင်းတွင် အီးယူက အနီးကပ် ပူးပေါင်းဆောင်ရွက်သွားရန် လုပ်ဆောင်နေကြောင်း မြန်မာသမ္မတရုံးက ဗုဒ္ဓဟူးနေ့တွင် ပြောကြားသည်။

မြန်မာနိုင်ငံဆိုင်ရာ အီးယူသံအမတ်ကြီး ရိုလန်ကိုဘီယာနှင့် ဒုတိယသမ္မတ စိုင်းမောက်ခမ်းတို့ နေပြည်တော်၌ တွေ့ဆုံစဉ် ယင်းကိစ္စ ဆွေးနွေးခဲ့ခြင်းဖြစ်သည်ဟု Xinhua က သတင်းဖော်ပြသည်။

ယင်းသို့တွေ့ဆုံစဉ် မြန်မာနိုင်ငံ၏ ငြိမ်းချမ်းရေးလုပ်ငန်းစဉ်နှင့် နိုင်ငံရေးလုပ်ငန်းစဉ်တို့ကို ပွင့်လင်းမြင်သာသော ပုံစံဖြင့် အကောင်အထည်ဖော်ရေးကိစ္စကို နှစ်ဦးစလုံးက ပြောဆိုဆွေးနွေးခဲ့ကြသည်ဟု သိရှိရသည်။

အပြန်အလှန်ထိတွေ့ဆက်ဆံမှု ပိုများလာသော အီးယူနှင့်မြန်မာနိုင်ငံတို့သည် ခိုင်မာသော လက်တွဲဆောင်ရွက်မှု ကို တည်ဆောက်ရန် ဆုံးဖြတ်ထားကြပြီး မြန်မာနိုင်ငံတွင် ပြုပြင်ပြောင်းလဲမှုများကို တွန်းအားပေးသွားကြရန် ကတိပြုကြောင်း ထုတ်ဖော်ပြောဆိုထားသည်။

၂၀၁၃ နိုဝင်ဘာလက အီးယူ- မြန်မာ အထူးလုပ်ငန်းအဖွဲ့ အစည်းအဝေးကို နေပြည်တော်တွင် ကျင်းပခဲ့ရာ ဒီမိုကရေစီထွန်းကား၍ကြီးပွားဖွံ့ဖြိုးသော မြန်မာနိုင်ငံဖြစ်လာအောင် အတူတကွလုပ်ဆောင်သွားကြရန် အီးယူကော်မရှင်နာမင်းကြီး ကက်သရင်းအက်ရ်ှတန်နှင့် မြန်မာသမ္မတရုံးဝန်ကြီး ဦးစိုးသိန်းတို့က ကတိကဝတ် ပြုခဲ့ကြသည်။

ထို့အပြင် ၂၀၁၄ အစောပိုင်းတွင် အီးယူ-မြန်မာ လူ့အခွင့်အရေး ဒိုင်ယာလော့ဆွေးနွေးမှုကို စတင်ရန်နှင့် စီးပွားရေး ချိတ်ဆက်မှု လွယ်ကူချောမွေ့စေမည့် နည်းလမ်းများကို အစိုးရအား အကြံပေးမည့် အီးယူ-မြန်မာ စီးပွားရေး ကောင်စီကို ဖွဲ့စည်းရန် အထူးလုပ်ငန်းအဖွဲ့အစည်းအဝေးတွင် သဘောတူခဲ့ကြသည်။

စီးပွားရေးကဏ္ဍတွင် အသေးစား အလတ်စားလုပ်ငန်းများနှင့် ကုန်ကြမ်းပစ္စည်းများ၊ စိုက်ပျိုးရေး ဆက်စပ်လုပ်ငန်းများ၊ စဉ်ဆက်မပြတ်ခရီးသွားကဏ္ဍ ဖွံ့ဖြိုးရေးနှင့် European Investment Bank နှင့် မြန်မာနိုင်ငံတို့ကြား ပူးပေါင်းဆောင်ရွက်ရေး စသည်တို့နှင့် ပတ်သက်ပြီး မူဝါဒဒိုင်ယာလော့ ဆွေးနွေးရာတွင် ထိရောက်စွာ ပူးပေါင်းဆောင်ရွက်ရေးနှင့် ပတ်သက်သော သဘောတူညီမှုများကိုလည်း အထက်ပါ ၂၀၁၃ နိုဝင်ဘာလ အထူးလုပ်ငန်းစဉ်အစည်းအဝေးတွင် ရရှိခဲ့သည်။


ကုလသမဂ္ဂ လူ့အခွင့်အရေးအဖွဲ့အကြီးအကဲက မြန်မာနိုင်ငံမှ မူဆလင်များ သတ်ဖြတ်မှု စုံစမ်&#