Posts
Q & C
Snapshot of the item below:
သတင်းဆောင်းပါးမှ ကောက်နှုတ်ချက်များ
“ဒီမိုကရေစီဆိုတာ ပြိုင်တာပဲ။ ပြည်သူအပေါ်မှာ မူတည်တယ်။ ပြည်သူလူထုရဲ့ ယုံကြည်အားကိုးတဲ့ ပါတီက အနိုင်ရမယ်။ ပြီးတော့ အဲဒီသက်တမ်းမှာ အစိုးရဖြစ်လာမယ်။ ကျွန်တော်တို့ ပါတီကတော့ အပြတ်နိုင်အောင် ကြိုးစားမှာပဲ”
မတ်လ ၇ ရက်နေ့ထုတ် The Voice နေ့စဉ်ထုတ် သတင်းစာတွင် ပါရှိသော “၂၀၁၅ ရွေးကောက်ပွဲတွင် NLD ပါတီကို အပြတ်အသတ် အနိုင်ယူမည်ဟု သူရဦးရွှေမန်း ပြော” သတင်းမှ NLD ပါတီဝင် ပြည်သူ့ လွှတ်တော် ကိုယ်စားလှယ် ဦးနိုင်ငံလင်း ၏ ပြောကြားချက်အား ကောက်နှုတ်ချက်။
“ဒီလိုအရေးကြီးတဲ့ စီးပွားရေးဆိုင်ရာ ဥပဒေတွေ လိုအပ်နေသေးတာကြောင့် ရင်းနှီးမြှုပ်နှံမှု အကြီးစားတွေ မလာသေး တာပါ၊ သူတို့ အစိုးရပိုင်းကတော့ မြန်မာအစိုးရ ပြုပြင်ပြောင်းလဲရေး ဒီမိုကရေစီ ဖော်ဆောင်ရေးတွေ ပြောနေပေမဲ့ လုပ်ငန်းရှင်တွေကတော့ ဥပဒေတွေလိုအပ်နေသေးတာကြောင့် ဝင်မလာတာပါ။ နိုင်ငံခြား ရင်းနှီးမြှုပ်နှံမှု ဥပဒေ ရှိနေပြီ ဖြစ်ပေမဲ့ စီးပွားရေးဆိုင်ရာ ဆက်စပ်နေတဲ့ ဥပဒေတွေအတည်ပြု အသက်မဝင်မချင်း အလုပ်လုပ်ဖို့ ခက်နေဦးမယ်”
မတ်လ ၇ ရက်နေ့ထုတ် မော်ဒန်ဂျာနယ် အမှတ် (၃၉၉) တွင် ပါရှိသော “စီးပွားရေး၊ ငွေကြေး ဥပဒေ ခြောက်ခု အတည်မပြူမချင်း နိုင်ငံခြား ရင်းနှီးမြှုပ်နှံမှု ခက်ခဲမည်ဟုဆို” သတင်းမှ ပါရမီစွမ်းအင်လုပ်ငန်းစု အမှုဆောင် အရာရှိချုပ် ဦးပြည့်ဝထွန်း ၏ ပြောကြားချက်အား ကောက်နှုတ်ချက်။
“နိုင်ငံရေးအကျဉ်းသား စိုးရိမ်ပူပန်မှု ဆိုတာက အစိုးရကပြန်ပြီး နောက်ကြောင်း ပြန်လှည့်မယ့် ပုံသဏ္ဍာန်မျိုး ဖြစ်လို့ရှိရင် ဟိုးအရင်တုန်းက ပုံစံမျိူးဖြစ်မှာ စိုးရိမ်တာပါ။ ၂၀၁၅ ဝန်းကျင်ပဲဖြစ်ဖြစ် နိုင်ငံရေးအကျဉ်းသား ပြန်ထိန်းနိုင်တယ် ဆိုတာမျိုးတွေ စိုးရိမ်မှုရှိကြတယ်”
မတ်လ ၇ ရက်နေ့ထုတ် Mizzima နေ့စဉ်ထုတ် သတင်းစာတွင် ပါရှိသော “နိုင်ကျဉ်းစာရင်း ကောက်ယူရာတွင် စိုးရိမ်မှုများရှိနေ” သတင်းမှ နိုင်ငံရေးအကျဉ်းသားများ ကွန်ရက် (အထက်မြန်မာပြည်) မှ ဦးသန့်ဇင် ၏ ပြောကြားချက် အားကောက်နှုတ်ချက်။
“မြန်မာနိုင်ငံအတွင်းမှာ ဝင်ရောက်လုပ်ဆောင်နေကြတဲ့ နိုင်ငံတကာ အဖွဲ့အစည်းတွေနည်းတူ မြန်မာ အာဏာပိုင်တွေနဲ့ အကြံဥာဏ်တွေ ဖလှယ်ပြီး လုပ်ဆောင်တာဖြစ်တဲ့အတွက် အာဏာပိုင်တွေ ဘက်ကလည်း လူသားချင်းစာနာ ထောက်ထားမှုဆိုင်ရာ လုပ်ငန်းတွေမှာ ကျွန်တော်တို့နဲ့ ပြန်လည်ပူးပေါင်း ဆောင်ရွက်တာတွေ ဗဟိုအဆင့်ရော၊ ပြည်နယ်၊ တိုင်း အဆင့်မှာပါ ရှိနေပါတယ်”
မတ်လ ၉ ရက်နေ့ထုတ် မွန်းတည့်နေ ဂျာနယ် အတွဲ (၂) အမှတ် (၁၁) တွင်ပါရှိသော “ကချင်ပြည်နယ် မြစ်ကြီးနားတွင် ရုံးဖွင့်ခွင့်ရပြီးနောက် နိုင်ငံတကာ ကြက်ခြေနီကော်မတီက အဆိုပါဒေသတွင် လုပ်ငန်းများ တိုးချဲ့ဆောင်ရွက်မည်” သတင်းမှ ICRC အဖွဲ့မှ ပြောခွင့်ရပုဂ္ဂိုလ် Michael O Btien ၏ ပြောကြားချက်အား ကောက်နှုတ်ချက်။
“ပတ်ဝန်းကျင်ထိန်းသိမ်းရေးက ဥပဒေရှိတယ်။ လုပ်ထုံးလုပ်နည်း ဥပဒေတွေကတော့ ကျန်နေသေးတယ်။ EIA နဲ့ ပတ်သက်တာတွေလဲ ဆောင်ရွက်နေတယ်။ ဘာသာရပ်ဆိုင်ရာ ကျွမ်းကျင်တက်ကျွမ်းတဲ့ ဝန်ထမ်းတွေ၊ လူအင်အားတွေ စုနေရတုန်းပဲ၊ စတင်ဖွဲ့စည်းနေရတဲ့ ကာလမို့လို့ အားနည်းနေသေးတယ်။ ဒါ့ကြောင့် အားနည်းနေသေးတာပါ”
မတ်လ ၇ ရက်နေ့ထုတ် Democracy နေ့စဉ်ထုတ် သတင်းစာတွင် ပါရှိသော “အစိုးရစီမံခန့်ခွဲမှု ညံ့ဖျင်း ခြင်းကြောင့် သဘာဝပတ်ဝန်းကျင် ထိခိုက်ပျက်စီးမှုဒဏ်ကို ခံစားနေရခြင်းဖြစ်ဟု ဆို” သတင်းမှ သစ်တောနှင့် သဘာဝပတ်ဝန်းကျင် ထိန်းသိမ်းရေး ဦးစီးဌာနမှ ညွှန်ချုပ်ဦးနေအေး ၏ ပြောကြားချက်အား ကောက်နှုတ် ချက်။
| Google Drive: create, share, and keep all your stuff in one place. |  |