Transparency Myanmar

transparency.myanmar@gmail.com

ဘာသာပြန်သတင်းများ

မြန်မာ့ ပြုပြင်ပြောင်းလဲရေး ကြိုးပမ်းချက်များကို ကူညီပါ

(Japan Times သတင်းစာမှ 16 Jan 2014 ရက်စွဲပါ Assist Myanmar’s reform efforts ကိုဘာသာပြန်ဆိုသည်)

စစ်ဘက်အုပ်ချုပ်ရေးမှ အရပ်ဘက်အုပ်ချုပ်ရေးစနစ်သို့ လွှဲပြောင်းခဲ့သည်မှာ သုံးနှစ်နီးပါးခန့် ကြာမြင့်ခဲ့ ပြီဖြစ်သော မြန်မာနိုင်ငံသည် ဒီမိုကရေစီဖော်ဆောင်ရေးနှင့် စီးပွားရေးပြုပြင်ပြောင်းလဲရေး ပြုလုပ်ရာတွင် စိန်ခေါ်မှုများ ယနေ့ အချိန်အထိ ကျန်ရှိနေဆဲပင် ဖြစ်သည်။ မြန်မာနိုင်ငံ စီးပွားရေးအတွက် ရင်းနှီးမြှုပ်နှံမှုကောင်းများ ပေါ်ထွက်လာ စေမည့် အခြေခံအဆောက်အဦးများ ဖွံ့ဖြိုးရေးကို အထောက်အကူပြုရန် ဂျပန်နိုင်ငံက စီးပွားရေးအကူအညီများ ပေးအပ်မည်ဟု ကမ်းလှမ်းခဲ့သည်။ အဆိုပါ အကူအညီအထောက်အပံ့များကို မြန်မာနိုင်ငံအနေဖြင့် နိုင်ငံရေးနှင့် ဥပဒေ ပြုပြင်ပြောင်းလဲရေး လုပ်ကိုင်လာနိုင်ရန်ပါ တိုးမြှင့်ပေးအပ်သင့်ပါသည်။

မြန်မာနိုင်ငံအပေါ် တစ်ချိန်က သတ်မှတ်ပြဋ္ဌာန်းခဲ့သော ပိတ်ဆို့အရေးယူမှုများအား အနောက်အင်အားကြီး နိုင်ငံများက ဖယ်ရှားပေးလိုက်သည်နှင့် တစ်ပြိုင်နက်တည်း သဘာဝသယံဇာတနှင့် ရင်းမြစ်ပေါ်ကြွယ်ဝသော နိုင်ငံ တွင်းသို့ နိုင်ငံခြားရင်းနှီးမြှုပ်နှံမှုများ အရေးတကြီးသဘောမျိုးဖြင့် ဝင်ရောက်လာခဲ့ကြသည်။

ယခုနှစ်ဆိုလျှင် မြန်မာအနေဖြင့် အရှေ့တောင်အာရှနိုင်ငံများအဖွဲ့(အာဆီယံ) ဥက္ကဌရာထူးကို ပထမဆုံး အကြိမ် အဖြစ်ရယူတော့မည်ဖြစ်ရာ အဆိုပါဖြစ်ရပ်သည် မြန်မာအနေဖြင့် နိုင်ငံတကာအသိုင်းအဝိုင်းထဲသို့ ရာနှုန်းပြည့် ပြန်လည် ဝင်ရောက်မှုပြုနိုင်သည့် သဘောတရားကို ဖော်ကျူးလိုက်ခြင်းပင် ဖြစ်ပါသည်။

ပြီးခဲ့သည့် ၂၀၁၃ ခုနှစ် မတ်လ ဘဏ္ဍာရေးနှစ်တွင် မြန်မာနိုင်ငံ၏ ဂျီဒီပီသည် ၆ ဒဿမ ၅ ရာခိုင်နှုန်းထိ ရောက်ရှိခဲ့ပြီး ယခုနှစ်အတွက်မူ ၆ ဒဿမ ၈ ရာခိုင်နှုန်းရှိမည်ဟု ခန့်မှန်းထားသည်။

ဂျပန်နိုင်ငံခြား ကုန်သွယ်ရေးအဖွဲ့က ပြုလုပ်ထားသော စစ်တမ်းများအရ ဂျပန်စီးပွားရေးလုပ်ငန်းကြီးများ၏ ၈၀ ရာခိုင်နှုန်းခန့်သည် အာရှနှင့်သမုဒ္ဒရာ ထိစပ်နေသော နိုင်ငံများတွင် ရင်းနှီးမြှုပ်နှံလိုကြပြီး မြန်မာနိုင်ငံကို လာမည့် ၂ နှစ်အတွင်း စီးပွားရေးတိုးချဲ့လုပ်ကိုင်ရမည့် နိုင်ငံတစ်နိုင်ငံအဖြစ် ရှုမြင်ကြသည်။

သို့သော် မြန်မာနိုင်ငံတွင် အခြေခံအဆောက်အဦး ဖွံ့ဖြိုးမှုက လျင်မြန်သော စီးပွားရေးတိုးတက်မှု ခြေလှမ်း များနှင့် တန်းတူမလိုက်နိုင်ဘဲ ဖြစ်နေသည်မှာ ထင်ရှားပါသည်။ လျှပ်စစ်ဓာတ်အား အလုံအလောက် ဖြန့်ဝေပေးနိုင်ခြင်း မရှိမှုကြောင့် မြန်မာနိုင်ငံတွင် လုပ်ငန်းလည်ပတ် လုပ်ကိုင်နေပြီဖြစ်သည့် ဂျပန်စီးပွားရေးလုပ်ငန်းများ အနေဖြင့် စွမ်းအင်ပြတ်တောက်မှုများနှင့် ရင်ဆိုင်နေကြရသည်။ ကားလမ်းနှင့် ရထားလမ်းဖောက်လုပ်ရေး၊ ဆိပ်ကမ်းများ တည်ဆောက်ရေး အစရှိသည်တို့မှာ အရေးပေါ်လုပ်ကိုင်ရမည့် လုပ်ငန်းကြီးများ ဖြစ်လာသည်။

ပြီးခဲ့သည့် ဒီဇင်ဘာလအတွင်း သမ္မတဦးသိန်းစိန် ဂျပန်နိုင်ငံ တိုကျိုမြို့သို့ လာရောက်လည်ပတ်ခဲ့စဉ်က ဂျပန်နိုင်ငံက မြန်မာနိုင်ငံ၏ အခြေခံအဆောက်အဦး တည်ဆောက်မှုကို ငွေကြေးထောက်ပံ့သည့် အနေဖြင့် ချေးငွေ ယန်းငွေ ၆၃ ဘီလီယံပေးမည်ဟု ကတိပြုပြောဆိုခဲ့သည်။  ရင်းနှီးမြှုပ်နှံမှုနှင့် ပတ်သက်သော သဘောတူညီချက် စာချုပ်များကို လည်းနှစ်နိုင်ငံလက်မှတ်ရေးထိုးခဲ့ကြသည်။

ဝန်ကြီးချုပ် ရှင်ဇိုအာဘေး ၂၀၁၂ ခုနှစ် ဒီဇင်ဘာလတွင် အာဏာရရှိလာသည့် အချိန်မှစ၍ ဂျပန်နိုင်ငံက ထောက်ပံ့ပေးရန် ကတိကဝတ်ပြုခဲ့သည့် ချေးငွေနှင့်ထောက်ပံ့ငွေ ပမာဏမှာ ယခုဆိုလျှင် ယန်းငွေ ၁၅၀ ဘီလီယံထိ ရှိလာပြီဖြစ်သည်။ အဆိုပါ အကူအညီများက မြန်မာနိုင်ငံတွင် ရင်းနှီးမြှုပ်နှံလုပ်ကိုင်လျက်ရှိသည့် လုပ်ငန်းကြီးများကို အကျိုးအမြတ်ဖြစ်ထွန်းစေပြီး နှစ်နိုင်ငံ အပြန်လှန်ချစ်ကြည်ရင်းနှီးမှုအား မြှင့်တင်စေမည်မှာ မှန်သော်လည်း ဂျပန်အနေဖြင့် မြန်မာနိုင်ငံတွင်း အခြားသော ပြုပြင်ပြောင်းလဲမှုများ လုပ်ကိုင်လာနိုင်ရေးအတွက် ကူညီထောက်ပံ့မှုများ ဆက်လက် တိုးမြှင့်ပေးသင့်သည်။

ဒီမိုကရေစီ ဖော်ဆောင်ရေး လုပ်ဆောင်မှုတစ်ရပ်အနေဖြင့် ၂၀၁၃ ခုနှစ် ဒီဇင်ဘာလတွင် သမ္မတဦးသိန်းစိန်  က နိုင်ငံရေး  အကျဉ်းသားများ လွတ်ငြိမ်းချမ်းသာခွင့် ကြေညာချက်တစ်ရပ်ကို ကြေညာခဲ့သည်။ ယင်းကြေညာ ချက်ကြောင့် တစ်ချိန်က နိုင်ငံရေးတက်ကြွလှုပ်ရှားမှုဖြင့် ဖမ်းဆီးထိန်းသိမ်းခံထားရသော အကျဉ်းသားများစွာ လွတ်မြောက်ခွင့်ရရှိလာသည်။

သို့သော် မြန်မာအစိုးရသည် အတိုက်အခံခေါင်းဆောင် ဒေါ်အောင်ဆန်းစုကြည် တိုက်တွန်းဆော်သြနေသည့် ဖွဲ့စည်းပုံအခြေခံဥပဒေ ပြင်ဆင်ရေးကိစ္စကို အကောင်အထည်ဖော်ရန် ခြေတုံချတုံဖြစ်လျက်ရှိသည်ကို တွေ့ရသည်။ ယင်းဥပဒေက မြန်မာစစ်တပ်အနေဖြင့် ပါလီမန်လွှတ်တော်တွင် ကိုယ်စားလှယ်နေရာ ၂၅ ရာခိုင်နှုန်းကို ရွေးကောက် တင်မြှောက်ခံစရာမလိုဘဲ ရယူခွင့်ပြုထားသလို ဗြိတိန်နိုင်ငံသား ခံယူထားသည့် သားနှစ်ဦးရှိသော ဒေါ်အောင်ဆန်းစုကြည် အား သမ္မတဖြစ်ခွင့်မရှိအောင် ပိတ်ပင်ထားသည်။

ဖွဲ့စည်းပုံအခြေခံဥပဒေ ပြင်ဆင်ရေးဆွဲရေးသည် မြန်မာနိုင်ငံ အပြည့်အဝ ဒီမိုကရေစီ အသွင်ကူးပြောင်းရေး အတွက် အရေးပါသော လုပ်ဆောင်ချက်တစ်ရပ်အဖြစ် မြန်မာအစိုးရက လုပ်ဆောင်ပေးရမည့် လုပ်ငန်းတစ်ရပ်ဖြစ်လာ သည်။ အကယ်၍ လာမည့် ရွေးကောက်ပွဲတွင် လွတ်လပ်မျှတမှုရှိမည်ဆိုပါက NLD ခေါင်းဆောင် ဒေါ်အောင်ဆန်းစုကြည် အနေဖြင့် ပါလီမန်လွှတ်တော်တွင် အမတ်နေရာ အတော်များများကို ရယူနိုင်ဖွယ်ရှိသည်။ မြန်မာအနေဖြင့် အခြားသော နိုင်ငံရေးနှင့်ဥပဒေရေးရာ ပြုပြင်ပြောင်းလဲမှုများ လုပ်ကိုင်နိုင်ရေးအတွက် ဖွဲ့စည်းပုံ အခြေခံဥပဒေ ပြင်ဆင်မှုပြုလုပ်ရန် ဂျပန်နိုင်ငံက အားပေးအားမြှောက် ပြုလုပ်သင့်ပါသည်။

သတင်းများအရ ဂျပန်အစိုးရသည် လာမည့် ငါးနှစ်အတွင်း မြန်မာနိုင်ငံရှိ တိုင်းရင်းသားလူမျိုးစုများ၏ လူနေမှုဘဝ အဆင့်အတန်းမြှင့်တင်ရေးအတွက် ယန်းငွေ ၁၀ ဘီလီယံ ထောက်ပံ့ပေးအပ်သွားမည်ဟု သိရပါသည်။ အဆိုပါ ထောက်ပံ့ငွေသည် သမ္မတဦးသိန်းစိန်အစိုးရ နှင့် တိုင်းရင်းသားလက်နက်ကိုင်များအကြား ငြိမ်းချမ်းရေး ဆွေးနွေးပွဲကို အကူအညီပေးရန်လည်း ဖြစ်သည်။

ဆိုရလျှင် ယင်းကိစ္စသည် မြန်မာနိုင်ငံ အမျိုးသားပြန်လည်သင့်မြတ်ရေး ဖြစ်စဉ်အတွက် ဂျပန်နိုင်ငံ၏ ကူညီ ပံ့ပိုးမှု တစ်ရပ်ဖြစ်ရာ မလွဲမသွေကြိုဆိုရမည် ဖြစ်ပါသည်။


Attached: International media (1)
Google Drive: create, share, and keep all your stuff in one place. Logo for Google Drive

Q & C

Snapshot of the item below:
Q & C

 

သတင်းဆောင်းပါးမှ ကောက်နှုတ်ချက်များ

“အန်ကယ်တို့က ဥပဒေကြမ်းကော်မတီဝင်ဆိုတော့ တချို့ကိစ္စတွေမှာ မလုပ်သင့်ပါဘူးလို့ ဆုံးဖြတ်ကြပေမယ့် အများစုရဲ့ သဘောထားအရ ထောက်ခံတဲ့အကြောင်း သဘောထားမှတ်ချက်ပြန်ပေးကြရပါတယ်။ အန်ကယ် တို့က ဒါကို လိုက်နာ ကြရတာပဲ။ အဲဒီတော့ လွှတ်တော်ထဲမှာ ရောက်တော့ ပြန်ကန့်ကွက်လို့ မရတော့ဘူး။ အဲဒီလို ကန့်ကွက်နေ ကြလို့ရှိရင် လူကြီးကနေပြီးတော့ မင်းတို့ကော်မတီတွေ ဘာဖြစ်နေကြတာလဲလို့ ပြောမှာပေါ့။ ခလုတ်နှိပ်ပြီးတော့ မဲပေးလိ်ုက်ရင်တော့ မမြင်သာဘူးပေါ့။ ဒီကိစ္စကတော့ နှစ်ဖက်ရှိပါတယ်”

ဇန်နဝါရီလ ၂၂ ရက်နေ့ထုတ် မြန်မာပို့စ်ဂျာနယ် အတွဲ (၆) အမှတ် (၄) တွင် ပါရှိသော “လွှတ်တော် ကိုယ်စား လှယ်များထံမှ အစည်းအဝေး အဆုံးအဖြတ်ရယူရာတွင် ထပ်မံဖြည့်စွက်သည့် ဆန္ဒပြု နည်းလမ်းနှစ်ခုအား နိုင်ငံတော်သမ္မတမှ ဖြည့်စွက်ရန်မသင့်ကြောင်း သဘောထားမှတ်ချက် ပြန်လည်ပေးပို့” သတင်းမှ ပြည်သူ့ လွှတ်တော် ကိုယ်စားလှယ် ဦးဘရှင် ၏ပြောကြားချက်အား ကောက်နှုတ်ချက်။


“ဖွဲ့စည်းပုံအခြေခံဥပဒေမှာ တကယ်တမ်းပြောရမယ်ဆိုရင် ဒီနေ့ခေတ်စားနေတဲ့ ဖက်ဒရယ်ပေါ့။ ပြည်နယ်တိုင်း တွေမှာ ရှိနေတဲ့ပြည်သူတွေ အမှန်တော့ နိုင်ငံသားတွေချည်း အဲ့ဒီလူတွေရဲ့ အခွင့်အရေးတွေ တကယ်ရအောင် ကျွန်တော်တို့ လုပ်ပေးရမယ်။ အဲဒီလို ရအောင်လုပ်ပေးနိုင်ဖို့အတွက်ဆိုလို့ရှိရင် သူတို့ကို လုပ်ပေးပိုင်ခွင့်ရှိ ရမယ်။ ဘာလို့လဲဆိုရင် သူတို့မှာ ကိုယ်ပိုင်စီးပွားရေးတွေ ရှိတယ်။ ပြည်နယ်နဲ့တိုင်းတွေမှာ သူတို့အစိုးရ၊ လွှတ်တော်များရှိတယ်။ သူတို့ကို လုပ်ပိုင်ခွင့်ပေးရမယ်။ အဲဒီတော့မှ သူတို့လည်း လုပ်နိုင်လာမယ်။ ပြည်သူတွေရဲ့ အကျိုးအတွက်ကိုလည်း ဆောင်ရွက်လာနိုင်တယ်။ သို့သော်လည်း ကျွန်တော်တို့ ဖြစ်စေချင်တာ ကတော့ ပြည်နယ်တိုင်းက ပြည်ထောင်စုထဲမှာ ပါတယ်။ ဒါ့ကြောင့် သူတို့ကိုယ်တိုင်ပါတဲ့ ပြည်ထောင်စုကြီးရဲ့ အကျိုးကို အကုန်လုံးဝိုင်းဆောင်ရွက်ရမှာပါ ဒါကတော့ အဖြစ်ချင်ဆုံး၊ သို့သော် ဘာပဲပြောပြော သူ့ဒေသမှာလည်းပဲ သူတိုးတက်အောင် သူလုပ်နိုင်ရမှာပါ။ အဲဒါက ကျိန်းသေ ပါတယ်။ ကျွန်တော်တို့ လုပ်နိုင်ပါတယ်”

ဇန်နဝါရီလ ၂၃ ရက်နေ့ထုတ် Envoy Journal အတွဲ (၄) အမှတ် (၃၄) တွင်ပါရှိသော “ပုဒ်မ ၅၉ (စ) ကိုပြင်ဆင်ရာတွင် လူအတွက် မစဉ်းစားဘဲ နိုင်ငံနှင့် နိုင်ငံသားများအားလုံးအတွက်သာ စဉ်းစားပြီး ပြင်မည်ဟု ဦးဌေးဦးဆို” သတင်းမှ ပြည်သူ့လွှတ်တော် ကိုယ်စားလှယ် ဦးဌေးဦး ၏ ပြောကြားချက်အား ကောက်နှုတ် ချက်။


“ရွေးကောက်ပွဲကော်မရှင်ဟာဆိုရင် လွတ်လပ်ပြီး အဖွဲ့အစည်းဖြစ်ရမယ်။ မည်သည့်ပုဂ္ဂိုလ်၊ မည်သည့်အဖွဲ့ အစည်းရဲ့ သြဇာသက်ရောက်မှုမှ မရှိစေရဘူး။ ဒါဟာ နိုင်ငံတကာကော်မရှင်တွေလည်း ဒီအတိုင်းပဲ၊ ဦးတင်အောင်ကို ကော်မရှင်ပေါ့၊ ဦးခင်မောင်အေးက ဒီ နဝတ လက်ထက်အထိ နောက်ဆုံးကော်မရှင်အဖြစ် သူ တာဝန်ယူခဲ့ရတယ်။ အဲဒီတော့ ဥပဒေကို နားလည်ပြီးတော့ လွတ်လပ်တဲ့ ပုဂ္ဂိုလ်မျိုးဖြစ်တာက ဒါ ကော်မရှင် လုပ်ထုံးလုပ်နည်းနဲ့ ညီတယ်လေ။ ရာထူးဌာန်တရ အနေနဲ့ရော အဖွဲ့အစည်းတစ်ရပ်အနေနဲ့ ဒါကိုအမာခံပြီး ဖွဲ့စည်းနေရင်တော့ ဒါ ကောင်းတဲ့လက္ခဏာ မဟုတ်ဘူး”

ဇန်နဝါရီလ ၂၃ ရက်နေ့ထုတ် ပြည်သူ့ဆန္ဒ ဂျာနယ် အတွဲ (၁) အမှတ် (၄၅) တွင် ပါရှိသော “ရွေးကောက်ပွဲ ကော်မရှင်သို့ တပ်မတော်သားများ ပြောင်းရွှေ့တာဝန်ထမ်းဆောင်သည့်အပေါ် တိုင်းဒေသကြီး လွှတ်တော် ကိုယ်စားလှယ် ဦးကျော်” သတင်းမှ တိုင်းဒေသကြီး လွှတ်တော်ကိုယ်စားလှယ် ဦးကျော်၏ ပြောကြား ချက်အား ကောက်နှုတ်ချက်။


“သတင်းမှားဖော်ပြတယ်ဆိုပြီး ရန်ကုန်တိုင်းရဲတပ်ဖွဲ့ရုံးက သတင်းထိမ်ချန်တယ်ဆိုတာ အများပြည်သူကို ထိခိုက်စေ တယ်။ သတင်းရယူတယ်ဆိုတာ မီဒီယာ အကျိုးအတွက် မဟုတ်ဘူး။ သူတို့ (ရဲတပ်ဖွဲ့) ပိုင်ဆိုင်တယ်ဆိုတာ မဟုတ်ဘူး။ တကယ်လို့ သတင်းလွဲမှားခဲ့တယ်ဆိုရင် သက်ဆိုင်ရာသတင်းဌာနကို တရားစွဲဆိုခွင့်ရှိတာပဲ။ မီဒီယာတွေကလည်း ကျင့်ဝတ်နဲ့အညီ သတင်းရယူသင့်တယ်။ ဘယ်သတင်းက မှားတယ်၊မှန်တယ်ဆိုတာ ဖော်ပြရဲရမယ်။ ခု သတင်းထိမ်ချန် တဲ့ပုံစံက တပ်မတော်အစိုးရလက်ထပ်က မီဒီယာ တွေကို ထိန်းချုပ်ခံခဲ့ရတဲ့ ပုံစံမျိုးလို သက်ရောက်နေတယ်”

ဇန်နဝါရီလ ၂၀ ရက်နေ့ထုတ် The Voice နေ့စဉ်ထုတ် သတင်းစာတွင် ပါရှိသော “ရန်ကုန်တိုင်းဒေသကြီး ရဲတပ်ဖွဲ့ ပြည်တွင်းပုံနှိပ် မီဒီယာများကို သတင်းထုတ်ပြန်မှု ကန့်သတ်” သတင်းမှ မြန်မာဂျာနယ်လစ်ကွန်ရက် (MJN) မှ အထွေထွေအတွင်းရေးမှူး ဦးမြင့်ကျော် ၏ ပြောကြားချက်အား ကောက်နှုတ်ချက်။


“လက်ရှိဘဏ်စနစ်အပေါ် ပြည်သူတွေက ယုံကြည်မှုရှိရှိနဲ့ ဆက်ဆံလုပ်ကိုင်ဖို့လိုတယ်။ ဘဏ်တွေကလည်း နည်းပညာ တွေကို ပိုမိုကျယ်ကျယ်ပြန့်ပြန့်နဲ့ လုပ်ကိုင်ဖို့လဲလိုတယ်။ အစိုးရပိုင်းကလဲ ဘဏ်လုပ်ငန်းတွေ ပိုမိုဖွံ့ဖြိုးတို့ အတွက် နိုင်ငံခြားဘဏ်တွေနဲ့ အကျိုးတူပူးပေါင်းလုပ်ကိုင်တာတွေကို အားပေးဖို့ လိုအပ်ပါတယ်”

ဇန်နဝါရီလ ၂၀ ရက်နေ့ထုတ် ရန်ကုန်တိုင်းမ် နေ့စဉ်ထုတ် သတင်းစာတွင် ပါရှိသော “ဘဏ်အရေအတွက် တိုးလာသော်လည်း ဘဏ်ဝန်ဆောင်မှုလုပ်ငန်းများ အားနည်းနေဆဲဟု ဘဏ်များ အသင်းဥက္ကဌ ဝန်ခံပြောဆို” သတင်းမှ မြန်မာနိုင်ငံဘဏ်များ အသင်းဥက္ကဌ ဦးသိန်းထွန်း ၏ ပြောကြားချက်အား ကောက်နှုတ်ချက်။



Google Drive: create, share, and keep all your stuff in one place. Logo for Google Drive