Posts
(From The Washingtonpost)
13 - Nov - 2009
အမေရိကန်သမ္မတ Barack Obama သည် ယခုအပတ် အာရှတိုက်တွင် အလုပ်များနေမည် ဖြစ်ပါသည်။ သူ၏ တိုကျို၊ စင်ကာပူ၊ ဘီဂျင်းနှင့် ဆိုးလ်တို့တွင် ပြုလုပ်မည့် အစည်းအဝေးများတွင် မြန်မာနိုင်ငံရှိ ဖိနှိပ်မှုများ၊ ဂျပန်နိုင်ငံရှိ အမေရိကန် စစ်စခန်းများနှင့် မြောက်ကိုရီးယား နျူကလီးယားလက်နက်ကိစ္စများကို ဆွေးနွေးလိမ့်မည် ဖြစ်ပါသည်။ အလုပ်လက်မဲ့ (၁၀.၂) ရာခိုင်နှုန်းနှင့် ရုန်းကန်နေရသော အမေရိကန်ပြည်ထောင်စု၏ သမ္မတ Obama သည် ကမ္ဘာပေါ်တွင် လျင်မြန်စွာ တိုးတက်စပြုနေသော ဒေသတွင်းတွင် အမေရိကန်နှင့် စီးပွားရေးနှင့် ပတ်သက်၍ ဆက်ဆံမှုများအတွက် အာရုံပြုလိမ့်မည် ဖြစ်သည်။
အလွန်တရာ သိမ်မွေ့သော ပြဿနာတစ်ခုမှာ အာရှဒေသတွင်း အမေရိကန်နှင့် တရုတ်နှစ်နိုင်ငံ၏ ကုန်သွယ်ရေးနှင့် ရင်းနှီးမြှုပ်နှံမှု စီးဝင်လာခြင်းများအပေါ် ပြန်လည်ချိန်ညှိရေးပင် ဖြစ်ပါသည်။ တရုတ်သည် ၎င်း၏ ပို့ကုန်မြှင့်တင်ရေးအတွက်၊ ဒေါ်လာငွေတန်ဖိုး ကျဆင်းနေချိန်တွင် သူ၏ ယွမ်ငွေကို ခိုင်မာအောင် ပြုလုပ်လျက် ရှိသည်။ အဆိုပါအချက်သည် အမေရိကန်နှင့် အခြားအာရှနိုင်ငံများကို ဒေသတွင်း ကုန်သွယ်မှုအတွက် မိမိတို့ ရှယ်ယာများ တွက်ချက်ရာတွင် ပိုမို ခက်ခဲစေမည် ဖြစ်ပါသည်။ ယခု နောက်ဆုံး အန္တရာယ်ရှိသော လက္ခဏာတစ်ခုမှာ ရုရှား၊ တောင်ကိုရီးယား၊ ထိုင်းနှင့် ဖိလစ်ပိုင် အစိုးရများသည် ထိခိုက်မည့် ဆိုးကျိုးများကို ထိန်းချုပ်ရန် ကြိုးပမ်းမှုအဖြစ် ဒေါ်လာကို အကြီးအကျယ် ဝင်ယူနေခြင်း ဖြစ်ပါသည်။ အဆိုပါ ကြိုးပမ်းမှုမှာ လက်တွေ့တွင် အန္တရာယ် ကြီးမားသော်လည်း သက်ဆိုင်ရာ တိုင်းပြည်၏ စိုးရိမ်မှုများနှင့် တိုင်းတာလျှင် အရေးကြီးနေပေသည်။ Obama အစိုးရသည် တရုတ်နှင့် အခြားအာရှနိုင်ငံများကို ပြည်တွင်းသုံးစွဲမှု မြင့်တက်လာရန် ပြုလုပ်ရေးအတွက် တွန်းအားပေးခဲ့ပါသည်။ အာရှဒေသမှလည်း အမေရိကန်ပြည်ထောင်စု၏ ငွေကြေးဆိုင်ရာ အခွန်ကိစ္စတို့ကို အစိုးရမှ စီမံ ခန့်ခွဲခြင်း စည်းမျဉ်းကို လက်ခံရေးအတွက် တောင်းဆိုနေကြပါသည်။
အမေရိကန်၏ ကုန်သွယ်ရေး မူဝါဒ၏ ဟာကွက်များသည် အာရှတွင် အမေရိကန် စီးပွားရေး ပြိုင်ဆိုင်မှုများအတွက် အဓိက ခြိမ်းခြောက်မှုပင် ဖြစ်သည်။ ၂၀၀၇ ခုနှစ်က ကွန်ဂရက်သည် အနာဂတ် စီးပွားရေးနှင့် ပတ်သက်၍ ညှိနှိုင်းမှုများကို သမ္မတ၏ တမုဟုတ်ချည်း ဆုံးဖြတ်ချက်ကို ခွင့်ပြုထားခြင်းကို ဆက်လက်ထားရှိခြင်း မရှိခဲ့ပေ။ ထိုစဉ်က ကွန်ဂရက်ကို ဒီမိုကရက်များ ချုပ်ကိုင်ခဲ့ကြသည်။ Obama ကမူ ထိုအာဏာကို အသုံးပြုလိမ့်မည် မဟုတ်ပါ။ ယခုအချိန်ထိ Obama အစိုးရ၏ ကုန်သွယ်ရေးဆိုင်ရာ အရေးယူမှုအဖြစ် သံမဏိလုပ်သားများ သမဂ္ဂ၏ တောင်းဆိုချက်အရ တရုတ်နိုင်ငံမှ တင်သွင်းလာသော တာယာများကို အကောက်ခွန် ပိုမို ကောက်ခံခဲ့ခြင်း ဖြစ်သည်။ Bush အစိုးရလက်ထက်က အမေရိကန် - တောင်ကိုရီးယား လွတ်လပ်စွာ ကုန်သွယ်မှု သဘောတူညီချက် ညှိနှိုင်းဆွေးနွေးခဲ့မှုများမှာလည်း လက်မှတ် မရေးထိုးသည်မှာ နှစ်နှစ်ခန့်ရှိပြီ ဖြစ်သည်။ အဆိုပါ ကုန်သွယ်မှု သဘောတူညီချက်အရ ၉၅% သော လူသုံးကုန်နှင့် စက်မှုထုတ်ကုန်များသည် သုံးနှစ်အတွင်း အခွန် ကင်းလွတ်ခွင့်ရမည် ဖြစ်သည်။ အစိုးရ ခန့်မှန်းချက်အရ တစ်နှစ်လျှင် အမေရိကန်မှ တောင်ကိုရီးယားသို့ ပို့ကုန် ဒေါ်လာ ၁၀ ဘီလီယံဖိုးအထိ တိုးတက် တင်ပို့နိုင်မည် ဖြစ်သည်။ အမေရိကန် စီးပွားရေးလုပ်ငန်းအတော်များများက ထောက်ခံခဲ့ကြသည်။ သို့သော် Ford နှင့် Chrysler ကားကုမ္ပဏီများက ကန့်ကွက်ခဲ့ကြသည်။ အနာဂတ်တွင် အမေရိကန်၏ အကောက်ခွန် လျှော့ချရေးနှင့် အမေရိကန်ကားများ တောင်ကိုရီးယားတွင် တိုးချဲ့ရောင်းချရေးတို့မှာ ဆက်နွယ်နေသည့် အတွက်ကြောင့် ဟုဆိုပါသည်။
Obama အစိုးရသည် ကိုရီးယားနှင့် သဘောတူညီချက်များကို ပြန်လည်သုံးသပ်မည် ဖြစ်ရာ ကြိုတင် အသိပေးထားပြီး ဖြစ်သည့် ကားကိစ္စ ပါဝင်ပါသည်။ သို့သော် ကိုရီးယားများကလည်း ငြိမ်နေမည် မဟုတ်ပေ။ ဆိုးလ်သည် ဥရောပသမဂ္ဂနှင့် သဘောတူညီချက်ကို အပြီးသတ် ဆောင်ရွက်နိုင်ခဲ့ပြီး ဥရောပသမဂ္ဂ အခြေစိုက် ကုမ္ပဏီများကို အမေရိကန်ကုမ္ပဏီများထက် ထရီလီယံဒေါ်လာတန်ဖိုးရှိ ကိုရီးယားဈေးကွက်တွင် အခွင့်အရေး ပိုမိုပေးမည် ဖြစ်ပါသည်။ အာရှနိုင်ငံများသည်လည်း မိမိတို့ကြားရှိ ကုန်သွယ်မှုနှင့် ပတ်သက်သော အတားအဆီးများကို ဖယ်ရှားလျက်ရှိပြီး အာရှဒေသကို လွတ်လပ်စွာ ကုန်သွယ်ရေးဒေသအဖြစ် ပြောင်းရန် ကြိုးပမ်းလျက် ရှိပါသည်။ အာရှ - ပစိဖိတ်ဒေသသည် ကမ္ဘာကြီး ၏ ပြည်တွင်းထုတ်လုပ်မှုများ၏ တစ်ဝက်ကျော်ကျော်ကို နေရာယူထားပြီး ကမ္ဘာကြီး၏ ကုန်သွယ်မှုတန်ဖိုး၏ ၄၄% ကို ဤဒေသမှ ပြုလုပ်ပါသည်။ အမေရိကန်ပို့ကုန် အတော်များများ၏ ခရီးဆုံးလည်း ဖြစ်ပါသည်။ Obama သည် အမေရိကန် ကုန်သွယ်ရေးမူဝါဒကို ပြန်လည် သန်စွမ်းလာအောင် ခြေလှမ်း မလှမ်းမချင်း ဤအာရှပစိဖိတ်ဒေသတွင် အမေရိကန်တို့ ကျန်ရစ်ခဲ့မည် ဖြစ်ပါသည်။ ပထမခြေလှမ်း အဖြစ် တောင်ကိုရီးယားနှင့် လွတ်လပ်စွာ ကုန်သွယ်မှု သဘောတူညီချက်ကို လက်မှတ် ရေးထိုးနိုင်သည်အထိ ဆောင်ရွက်ရန် လိုပေသည်။
--~--~---------~--~----~------------~-------~--~----~
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.
-~----------~----~----~----~------~----~------~--~---