Posts
Bangkok Post, 25th July 2010 ပုဂ္ဂ
ထိုင်းနိုင်ငံ အစိုးရသည် မြန်မာနှင့် နယ်စပ် ချင်းရိုင်ရှိ ကြန့်ကြာနေသော အထူး စီးပွားရေးဇုန် ထူထောင်မှုကို အပြီးသတ်ရန် တိုက်တွန်းခြင်း ခံနေရသည်။
အစိုးရ အရာရှိများ၊ ခရီးသွား လုပ်ငန်းနှင့် စက်မှုလုပ်ငန်းမှ ကိုယ်စားလှယ်များသည် ချင်းရိုင် ခရိုင် မယ်ဆိုင်တွင် ယခင် အပတ်က စုဝေးခဲ့ကြပြီး စိမံကိန်း ပြန်လည် စတင်ရန် ဆွေးနွေးခဲ့ကြသည်။
၎င်းတို့သည် မြောက်ပိုင်း နယ်စပ် ပြည်နယ်များ အတွက် ၂၀၁၀-၂၀၁၂ ဖွံ့ဖြိုးရေး အစီအစဉ်ကို ဆွေးနွေးခဲ့ကြခြင်း ဖြစ်သည်။
အနီးတဝိုက် ပြည်နယ်များ ဖြစ်သော ဖရေ၊ နန်နှင့် ဖေယို ပြည်နယ်များတွင် ကူးသန်း ရောင်းဝယ်မှုနှင့် ကုန်သွယ်ရေးကို တွန်းအားပေး လှုံ့ဆော်ရန် မျှော်လင့်ထားသည့် အထူး စီးပွားရေး ဇုန်ကို ဖန်တီးရန် အဆိုပါ အုပ်စုက အစိုးရအား တိုက်တွန်းခဲ့သည်။
ချင်းရိုင် ကုန်သည်ကြီးများ အသင်း ဥက္ကဋ္ဌ ဗီရွန်းကမ်ပီရိုက "အစိုးရ အနေဖြင့် မြောက်ပိုင်း ပြည်နယ်များတွင် လှုပ်ရှားနေကြသည့် အစိုးရ ဆန့်ကျင်ရေး ရှပ်နီများနှင့် ပတ်သက်၍ အလွန်အကျွံ စိုးရိမ် ပူပန်နေခြင်းထက် လူမှုရေးနှင့် စီးပွားရေး ကဏ္ဍများ တည်ဆောက်ခြင်း အပေါ်တွင်သာ အာရုံစိုက်သင့်သည်'' ဟု ပြောကြားလိုက်သည်။
"ဘယ်ပြည်နယ်က အဝါလဲ၊ ဘယ်ပြည်နယ်က အနီလဲလို့ စဉ်းစားနေတာကို အစိုးရ အနေနဲ့ ရပ်ဖို့ အချိန် ရောက်ပါပြီ'' ဟု ၎င်းက ဆိုသည်။
"ဒေသခံ ပြည်သူတွေ လိုအပ်သမျှ၊ တောင်းဆိုသမျှကို အစိုးရက အမြန်ဆုံး လုပ်ပေးသင့်ပါတယ်။ လူတိုင်း မျှတတဲ့ အခွင့်အရေး ရအောင် လုပ်ပေးဖို့ လိုပါတယ်။ ဒီကိစ္စက ပြန်လည် ပေါင်းစည်းရေး အတွက် လမ်းတစ်ခု ဖြစ်လာမယ်လို့ ကျွန်တော် ယူဆပါတယ်'' ဟု ဗီရွန်းက ပြောဆိုသည်။
"စီးပွားရေး ကိစ္စတွေနဲ့ ပတ်သက်လို့ အစိုးရရဲ့ စွမ်းဆောင်မှုတွေဟာ နိုင်ငံရေး တည်ငြိမ်မှုပေါ်မှာ မူတည်ပါလိမ့်မယ်" ဟု ၎င်းက ဆိုသည်။
ချင်းရိုင် ကုန်သည်ကြီးများ အသင်း ဥက္ကဋ္ဌက ဒေသတွင်း အခြား ပြည်နယ်များမှ လုပ်ငန်းရှင်များအား ၎င်းတို့၏ မျှော်လင့်ချက်များကို ခရီးသွား စီးပွားရေး လုပ်ငန်း တစ်ခုတည်းပေါ်တွင် မှီခိုခြင်း မပြုကြရန် သတိပေးလိုက်သည်။
ပြည်တွင်း နိုင်ငံရေး ပြဿနာများက ခရီးသွား စီးပွားရေး လုပ်ငန်းကို ရိုက်ချခဲ့ချိန်တွင် ကုန်သွယ်ရေး ကဏ္ဍမှာမူ ကြီးမားစွာ လွတ်မြောက်ခွင့် ရရှိခဲ့သည်ဟု ၎င်းက မှတ်ချက်ပေးသည်။
အထူး စီးပွားရေးဇုန် ထူထောင် ပြီးစီး လည်ပတ်သည်နှင့် တပြိုင်နက် ချင်းရိုင်သည် ထိုင်း၊ တရုတ်၊ လာအိုနှင့် မြန်မာတို့ ဖွဲ့စည်းထားသော မဟာမဲခေါင် အထက်ပိုင်း ဒေသခွဲ အတွင်းရှိ စီးပွားရေး ပူးပေါင်း ဆောင်ရွက်မှု အစီအစဉ်များ အောက်မှ "စီးပွားရေး စတုဂံ နယ်မြေ" သို့ အဓိက ကုန်သွယ်ရေး ဝင်ပေါက် ဖြစ်လာပါလိမ့်မည်။
ချင်းရိုင်သည် မြောက်ပိုင်း ဒေသတွင် ပို့ကုန် မဏ္ဍိုင် ဖြစ်နေသည့် တိုင်အောင် ဗီရွန်းက "ထိုင်းနိုင်ငံ အနေဖြင့် အထူး စီးပွားရေး ဇုန် ထူထောင်မှု နှောင့်နှေးနေပါက စီးပွားရေး အခွင့်အလမ်းများ ဆုံးရှုံးလိမ့်မည်'' ဟု ပြောကြားခဲ့သည်။
"လာအိုက ဆဗန်နာခက် ပြည်နယ်နဲ့ မြန်မာနိုင်ငံ တာချီလိတ် နယ်စပ်မြို့မှာ အထူး စီးပွားရေးဇုန်တွေ ထူထောင်ခဲ့တာ နှစ် တော်တော် ကြာခဲ့ပေမဲ့ ထိုင်းနိုင်ငံကတော့ ဘာမှ မလုပ်ခဲ့ပါဘူး" ဟု ဗီရွန်းက ဆိုသည်။
ဝန်ကြီးချုပ် အဘီဆစ် ဗဲ့ဂျာဂျီဗား မြန်မာနိုင်ငံသို့ လာမည့် လတွင် သွားရန် စီစဉ် ထားသော်လည်း ယခု ဆိုင်းငံ့ထားကြောင်း သိရှိရသည်။
ဗီရွန်းက ၎င်းအနေဖြင့် ဝန်ကြီးချုပ် အဘီဆစ်ကို မြန်မာခေါင်းဆောင်များနှင့် နယ်စပ် ကုန်သွယ်ရေး ကိစ္စများ ဆွေးနွေးစေလိုသည်ဟု ပြောဆိုခဲ့သည်။
"စီးပွားရေး စတုဂံ နယ်မြေထဲက အိမ်နီးချင်းတွေက ကျွန်တော်တို့ထက် တပန်းသာနေပါတယ်။ အခုအချိန်က ထိုင်းအစိုးရ အနေနဲ့ သူရဲ့ စွမ်းဆောင်ရည်ကို ပြဖို့ အခွင့်ကောင်း ဖြစ်ပါလိမ့်မယ်'' ဟု ဗီရွန်းက သုံးသပ်လိုက်သည်။
--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.