Posts
နာဂပြည်နယ် ဖက်ဒရယ်အစိုးရ (နာဂ အမျိုးသား ကောင်စီ-NNC) ၏ ဗိုလ်မှူးချုပ်ဟောင်းသည် Imphal ဒေသတွင် တားဆီး ပိတ်ပင်ထားသော စစ်လက်နက် ပစ္စည်းများနှင့်
စစ်လက်နက် မှောင်ခိုရောင်းဝယ်မှု ပြုလုပ်ခဲ့သောကြောင့် ဖမ်းဆီးခံရခြင်း ဖြစ်ကြောင်း မဏိပူရ ရဲတပ်ဖွဲ့က ဇူလိုင်လ ၃၁ ရက်နေ့တွင် သတင်း ထုတ်ပြန်သည်။
ရဲတပ်ဖွဲ့ အဆိုအရ NNC ၏ ဗိုလ်မှူးချုပ်ဟောင်း Mangkung Sarang Paisho အား Ukhrul ခရိုင် Phungyar ရဲစခန်းပိုင် နယ်မြေတွင် Imphal ရဲတပ်ဖွဲ့ အထူးကွန်မန်ဒို အဖွဲ့က ဇူလိုင်လ ၂၇ ရက်နေ့တွင် ဖမ်းဆီးရမိခဲ့ခြင်း ဖြစ်သည်ဟု သိရသည်။ Mangkung Sarang Paisho သည် အာသံပြည်နယ် တပ်ဖွဲ့မှ တပ်ပြေးတစ်ဦးလည်း ဖြစ်သည်။
၎င်းသည် Imphal ပြည်နယ် Nagaram မြို့ရှိ Stadium View Hotel အခန်း နံပါတ်-၂၀၁ အတွင်း တည်းခိုနေခိုက် ကွန်မန်ဒိုတပ်ဖွဲ့၏ စီးနင်းဝင်ရောက် ဖမ်းဆီးမှု ခံခဲ့ရခြင်း ဖြစ်ကြောင်း၊ အဆိုပါ ဟိုတယ်တွင် လက်နက် မှောင်ခိုဂိုဏ်း တစ်ခုမှ အဖွဲ့ဝင်များ တည်းခိုလျက် ရှိသည်ဟု သတင်း ပေးသောကြောင့် ဖမ်ဆီးရမိခဲ့ခြင်း ဖြစ်ကြောင်း မဏိပူရ ရဲတပ်ဖွဲ့ အရာရှိတစ်ဦးက ပြောသည်။
ရဲတပ်ဖွဲ့ စုံစမ်း ဖော်ထုတ်မှုအရ နာဂပြည်နယ် ဖက်ဒရယ် အစိုးရမှ ဗိုလ်မှူးချုပ်ဟောင်း Mangkung Sarang Paisho သည် မြန်မာနိုင်ငံမှ လက်နက်မှောင်ခို ထုတ်ယူပြီး NSCN(IM) အပါအဝင် တရားမဝင် အဖွဲ့အစည်းများသို့ ထောက်ပံ့ ရောင်းချနေသည့် မှောင်ခိုဂိုဏ်း အဖွဲ့ဝင်တစ်ဦး ဖြစ်သည်။ ၎င်းသည် မြန်မာနိုင်ငံ၊ Manyuan ကျေးရွာတွင် မြန်မာ အမျိုးသမီး တစ်ဦးနှင့် လက်ထပ်ကာ နှစ်ပေါင်း ၁၇ ခန့် နေထိုင်ခဲ့သည်။
Mangkung Sarang Paisho သည် သူ၏ သားဖြစ်သူ MS Sunlight ခေါ် Koba ခေါ် အောင်သန်းတင် (၃၀ နှစ်) နှင့်အတူ လက်နက်မှောင်ခိုမှုများ ပြုလုပ်လျက် ရှိသည်။ အောင်သန်းတင်မှာ NSCN(IM) လက်နက်ကိုင်အဖွဲ့တွင် မိမိကိုယ်မိမိ ဗိုလ်မှူးရာထူး ရယူထားသူ ဖြစ်သည်။
Mangkung Sarang Paisho သည် Hopeson နှင့် Jacob ပြည်နယ် ဒေသများရှိ တရားမဝင် လက်နက်ကိုင် အဖွဲ့အစည်းများ အတွက် လက်နက်များ ထောက်ပံ့ ပေးပို့ ရောင်းချနိုင်ရေး အတွက် အမည် မသိရသော နေရာတစ်ခုသို့ သွားရောက်ရန် ပြင်ဆင်နေခိုက် ဖမ်းဆီးခံခဲ့ရခြင်း ဖြစ်ကြောင်း ရဲက ဆိုသည်။
Hueiyen News Services မှ သတင်းကို ဘာသာ ပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.