Transparency Myanmar

transparency.myanmar@gmail.com

နိုဝင်ဘာလ ၇ ရက်နေ့၌ ကျင်းပ ပြုလုပ်မည့် ဒီမိုကရေစီ ရွေးကောက်ပွဲ မတိုင်မီ မြန်မာ နိုင်ငံ၏ အခြေအနေနှင့် ပတ်သက်၍ ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းက တရုတ် နိုင်ငံခြားရေး ဝန်ကြီး Yang Jiechi နှင့် တွေ့ဆုံ ဆွေးနွေးခဲ့ကြောင်း သိရသည်။ မစ္စတာ ဘန်ကီမွန်းသည် အောက်တိုဘာလ ၃၀ ရက်နေ့က တရုတ်ပြည်သို့ သွားရောက်စဉ် ကမ္ဘာ့ ကုန်စည်ပြပွဲ ပိတ်ပွဲ အခမ်းအနားသို့ မတက်ရောက်မီ နိုင်ငံခြားရေး ဝန်ကြီး Yang Jiechi နှင့် ရှန်ဟိုင်း မြို့တွင် ယင်းသို့ တွေ့ဆုံ ဆွေးနွေးခဲ့ခြင်း ဖြစ်သည်။

"မစ္စတာ ဘန်ကီမွန်းနဲ့ တရုတ် နိုင်ငံခြားရေး ဝန်ကြီးတို့ နှစ်ယောက် တွေ့ဆုံ ဆွေးနွေးပွဲမှာ နျူကလီယာ လက်နက် ဖြုတ်သိမ်းရေးနဲ့ မပြန့်ပွားရေး တို့ကိုပါ ဆွေးနွေး ခဲ့ကြပါတယ်။ နောက်ပြီးတော့ ကိုရီးယား ကျွန်းဆွယ်၊ မြန်မာနဲ့ ဆူဒန် နိုင်ငံတို့ရဲ့ အခြေအနေ တွေကိုလည်း ဆွေးနွေး ကြပါတယ်" ဟု ကုလ သမဂ္ဂမှ ပြောရေး ဆိုခွင့် ရှိသူက AFP သတင်းဌာနသို့ ပြောကြားသည်။ သို့သော် အသေးစိတ် အချက် အလက်များကို ထုတ်ဖော် ပြောဆိုခြင်း မရှိပေ။

မြန်မာ အတိုက်အခံ ခေါင်းဆောင် ဒေါ်အောင်ဆန်းစုကြည်နှင့် အခြားသော နိုင်ငံရေး အကျဉ်းသားများအား နှစ်ပေါင်း ၂၀ အတွင်း ပထမဆုံး ကျင်းပ ပြုလုပ်မည့်  ရွေးကောက်ပွဲ မတိုင်မီ လွတ်မြောက်ရေး အတွက် ကုလသမဂ္ဂ အကြီးအကဲက မြန်မာ နိုင်ငံ အပေါ် ဖိအား ပေးမှုများ ပြုလုပ်ထားပြီး ဖြစ်သည်။

အနောက် နိုင်ငံများနှင့် နိုင်ငံရေး လှုံ့ဆော်သူများက ဒေါ်အောင်ဆန်းစုကြည် ပါဝင်ခွင့် မရအောင် ပြုလုပ် ထားခြင်းကြောင့် အဆိုပါ ရွေးကောက်ပွဲသည် ဒီမိုကရေစီ နည်းလမ်းနှင့် ကိုက်ညီမှု မရှိကြောင်း ပြောကြားသည်။ ထို့ပြင် ဒီမိုကရေစီ လိုလားသည့် အခြားသော ပါတီများကလည်း မြန်မာ စစ်အစိုးရ၏ ကန့်သတ် ချုပ်ခြယ်မှုများသည် ရွေးကောက်ပွဲတွင် ၎င်းတို့သာ သေချာပေါက် အနိုင်ရ ရှိစေရန် ဖန်တီးထားခြင်း ဖြစ်ကြောင်း စွပ်စွဲ ပြောဆိုသည်။

တရုတ်သည် စီးပွားရေး ပိတ်ဆို့မှုများနှင့် ရင်ဆိုင်နေရသော မြန်မာ၏ အနီးကပ် မဟာမိတ် နိုင်ငံများ ထဲတွင် တစ်နိုင်ငံ အပါအဝင် ဖြစ်ပြီး ကုန်သွယ်ရေး၊ လက်နက် ရောင်းဝယ်ရေးတို့ ပြုလုပ်ပြီး မြန်မာ စီးပွားရေး ကောင်းမွန်အောင် အကူအညီ ပေးလျက် ရှိသည်။ ထို့ပြင် ကုလသမဂ္ဂ လုံခြုံရေး ကောင်စီ အဖွဲ့ဝင် နိုင်ငံများက မြန်မာ နိုင်ငံ အပေါ် ပိတ်ဆို့ အရေးယူမည့် ကိစ္စများကို တရုတ်နိုင်ငံက ဗီတိုအာဏာ သုံးကာ အကာအကွယ် ပေးလျက် ရှိသည်။

အတိုက်အခံ နိုင်ငံရေး သမား Liu Xiaobo အား ၂၀၁၀ ပြည့်နှစ်အတွက် နိုဗယ်လ် ငြိမ်းချမ်းရေးဆု ချီးမြှင့်လိုက်မှုအပေါ် တရုတ်အစိုးရက အမျက် ဒေါသ ထွက်မှုကို ဖြေရှင်းရန် မစ္စတာ ဘန်ကီမွန်း ယင်းသို့ တရုတ်နိုင်ငံသို့ သွားရောက်ခြင်း ဖြစ်ကြောင်း လေ့လာ အကဲခတ်သူများက ပြောကြားသည်။

ကုလသမဂ္ဂ အကြီးအကဲက တရုတ်နိုင်ငံအပေါ် ပြစ်တင် ဝေဖန်မှုကား မပြုခဲ့ပေ။ သို့သော် နိုဗယ်လ် ငြိမ်းချမ်းရေးဆု ချီးမြှင့်မှုသည် လူ့အခွင့်အရေးနှင့် ပတ်သက်သော လုပ်ဆောင်ချက်များနှင့် အလေ့အထများ တစ်ကမ္ဘာလုံးတွင် မြှင့်တင်နိုင်ရေး အတွက် နိုင်ငံတကာ သဘော တူညီချက် တစ်ရပ် ဖြစ်သည်ဟု ၎င်းက ဆိုသည်။

AFP သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment