Posts
စစ်အစိုးရ ကျောထောက် နောက်ခံ ပေးမှုကို ရရှိထားသည့် ပါတီက လွှတ်တော် အမတ်နေရာ ၈၀ ရာခိုင်နှုန်း အနိုင် ရရှိကြောင်း ထုတ်ဖော် ကြေညာလိုက်ရာ မြန်မာနိုင်ငံ၏ အဓိက အတိုက်အခံ ဒီမိုကရေစီ ပါတီကြီး နှစ်ခုမှာ နှစ်ပေါင်း ၂၀ အတွင်း ပထမဆုံး ကျင်းပသည့် ရွေးကောက်ပွဲ၌ ရှုံးနိမ့်သွားပြီ ဖြစ်သည်။
နိုဝင်ဘာလ ၇ ရက် (တနင်္ဂနွေနေ့) တွင် ကျင်းပ ပြုလုပ်သည့် ပါတီစုံ ဒီမိုကရေစီ ရွေးကောက်ပွဲ အပေါ် စစ်အစိုးရက ကြိုးကိုင် ချယ်လှယ်ခဲ့သည်ဟု ဒီမိုကရေစီ လိုလားသော အတိုက်အခံ ပါတီများက စွပ်စွဲ ပြောဆိုသလို အမေရိကန် ပြည်ထောင်စု၊ ဥရောပ သမဂ္ဂ နှင့် ဂျပန်နိုင်ငံ တို့ကလည်း ပြစ်တင် ရှုတ်ချထားသည်။ အဆိုပါ ရွေးကောက်ပွဲသည် စစ်အုပ်ချုပ်ရေး စနစ်ကို အရပ်သား အုပ်ချုပ်ရေးပုံစံ ပြောင်းလဲရန် ကြိုးပမ်းမှု တစ်ခုသာ ဖြစ်၍ အတု အယောင်မျှသာ ဖြစ်သည်ဟု ဆိုသည်။
သြစတြေးလျ နိုင်ငံခြားရေး ဝန်ကြီး Kevin Rudd က "လွတ်လပ်ပြီး တရား မျှတမှုတို့နှင့် ကင်းကွာသည်" ဟု ဆိုပြီး မြန်မာ ရွေးကောက်ပွဲကို ပြစ်တင် ရှုတ်ချလိုက်သည်။ စစ်အစိုးရ သြဇာခံ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (ကြံ့ဖွံ့- USDP) မှ တာဝန်ရှိသူ တစ်ဦးက ၎င်းတို့ ပါတီသည် ရွေးကောက်ပွဲတွင် လွှတ်တော် အမတ်နေရာ ၈၀ ရာခိုင်နှုန်း အထိ အနိုင်ရဖွယ် ရှိကြောင်း ပြောကြားသည်။
ရွေးကောက်ပွဲ ရလဒ်များ မကြေညာမီ ရက်ပိုင်း ကပင် စစ်အစိုးရ ကျောထောက် နောက်ခံ ကြံ့ဖွံ့ ပါတီက ပြည်လုံးကျွတ် အတိုင်းအတာဖြင့် အနိုင်ရရှိကြောင်း သတင်းများ ထွက်ပေါ်ခဲ့သည်။
ကြံ့ဖွံ့ပါတီမှ အရာရှိ တစ်ဦးက ဧရာဝတီတိုင်း၌ အမတ်နေရာ ၉၁ နေရာ ဝင်ရောက် ယှဉ်ပြိုင်ရာတွင် ၆ နေရာ ရှုံးကြောင်း၊ မန္တလေးတွင် ၁၀၅ နေရာ ဝင်ရောက် ယှဉ်ပြိုင်ရာ ၂ နေရာသာ ရှုံးကြောင်း ပြောကြားသည်။ မန္တလေးနှင့် ဧရာဝတီတိုင်းတို့သည် မြန်မာ နိုင်ငံတွင် အကြီးဆုံး တိုင်းဒေသကြီးများ ဖြစ်သည်။
ရွေးကောက်ပွဲတွင် နိုင်ငံ့ဝန်ထမ်းများအား ကြိုတင်မဲပေးရန် ဖိအားပေးမှုများ ရှိခဲ့သည့် ကိစ္စနှင့် ပတ်သက်၍ နိုင်ငံရေးပါတီ ၆ ပါတီခန့်က ရွေးကောက်ပွဲ ကော်မရှင်ကို တိုင်တန်းထားကြောင်း သိရသည်။
နိုဘယ်လ် ငြိမ်းချမ်းရေးဆုရှင် အမျိုးသား ဒီမိုကရေစီ အဖွဲ့ချုပ် (NLD) မှ ခွဲထွက်လိုက်သော အမျိုးသား ဒီမိုကရေစီ အင်အားစု (NDF) ပါတီက ရန်ကုန် တိုင်းဒေသကြီးတွင် ၁၆ နေရာသာ အနိုင် ရရှိပြီး ကျန်ပြည်နယ်နှင့် တိုင်းဒေသများတွင် ရှုံးနိမ့်ကြောင်း ပြောဆိုသည်။
ဒုတိယ အကြီးဆုံး အတိုက်အခံ ပါတီ ဖြစ်သည့် ဒီမိုကရက်တစ် ပါတီ (မြန်မာ) လည်း ရွေးကောက်ပွဲတွင် အရေးနိမ့်ခဲ့သည်။
ဤအတော အတွင်းမှာပင် နယ်စပ်ဒေသ ဖြစ်သော မြဝတီတွင် မြန်မာစစ်တပ်နှင့် ကရင် လက်နက်ကိုင် တပ်ဖွဲ့အကြား ပစ်ခတ် တိုက်ခိုက်မှုများကြောင့် ဒုက္ခသည် ပြည်သူ နှစ်သောင်း ကျော်ခန့် ထိုင်းနိုင်ငံဘက်သို့ ထွက်ပြေး တိမ်းရှောင်သွားကြသည်။
သတင်း ပေးပို့ချက်များ အရ ထိုင်း-မြန်မာ နယ်စပ် ဒေသတွင် လက်နက်ကြီးများနှင့် သေနတ် ပစ်ဖောက်သံများ အဆက်မပြတ် ကြားရသည်ဟု ဆိုသည်။ ယခု အခါ အခြေအနေမှာ တည်ငြိမ် အေးချမ်းသည့် အဆင့်သို့ ပြန်လည် ရောက်ရှိလာပြီ ဖြစ်ကြောင်း အဆိုပါ ဒေသမှ သတင်း ရင်းမြစ်များက ဆိုသည်။
ထိုင်းအာဏာပိုင်များက ယခုအခါ ဒုက္ခသည်များကို မြန်မာ နိုင်ငံသို့ ပြန်ပို့ရန် စီစဉ်လျက် ရှိသည်။ ခန့်မှန်းချက် များအရ ထိုင်းနိုင်ငံ ဘက်သို့ ထွက်ပြေး တိမ်းရှောင်ခဲ့ကြသည့် ဒုက္ခသည် ဦးရေ နှစ်သောင်းမှ လေးသောင်းအထိ ရှိသည်။
မြန်မာ စစ်တပ်နှင့် ကရင် လက်နက်ကိုင် တပ်ဖွဲ့များ အကြား ပစ်ခတ် တိုက်ခိုက်မှုမှာ နှစ်ပေါင်း ၂၀ အတွင်း ပထမဆုံး ရွေးကောက်ပွဲ ကျင်းပသည့် နိုဝင်ဘာလ ၇ ရက်နေ့တွင် ဖြစ်သည်။ အဆိုပါ တိုက်ပွဲအတွင်း အနည်းဆုံး လူ ၁၀ ဦးခန့် သေဆုံးခဲ့ကြောင်း သိရသည်။
BBC သတင်းကို ဘာသာ ပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.