Transparency Myanmar

transparency.myanmar@gmail.com

chronicle- Mar, 3

Posted by Transparency Myanmar 2010
Friday, March 4, 2011


ပြည်တွင်းသတင်းများ


၂၀၁၁-၂၀၁၂ဘဏ္ဍာရေးနှစ်ဘဏ္ဍာရန်ပုံငွေ အရအသုံးဆိုင်ရာ ဥပဒေ ထုတ်ပြန်
     
မတ်၃၊

နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ၊ ဥပဒေအမှတ် ၉/၂၀၁၁ အရ ၂၀၁၁ ခုနှစ် ဇန်နဝါရီလ ၂၇ ရက်နေ့ရက်စွဲဖြင့် ၂၀၁၁ခုနှစ် နိုင်ငံတော်၏ ဘဏ္ဍာငွေအရအသုံးဆိုင်ရာဥပဒေကိုထုတ်ပြန်ခဲ့ကြောင်း သတင်းရရှိ သည်။

 အဆိုပါ ဥပဒေ တွင် ၂၀၁၁-၂၀၁၂ ဘဏ္ဍာရေးနှစ်၌ ပြည်ထောင်စု၏ ဘဏ္ဍာရန်ပုံငွေမှပြည်သူများအတွက် ထုတ်ယူသုံးစွဲမည့်ငွေပမာဏစာရင်းကို ဇယား(၄)ဖြင့် ထုတ်ပြန်ထားကြောင်း သိရသည်။

၂၀၁၁-၂၀၁၂ ဘဏ္ဍာရေးနှစ်တွင် ပြည်သူများအတွက် ကာကွယ်ရေး၊ ကျန်းမာရေး၊ ပညာရေး အပါအဝင် ပြည်သူ့ ဝန်ဆောင်မှုလုပ်ငန်း အကြောင်းအရာကဏ္ဍ ၃၅ ခု  အတွက် စုစုပေါင်း(သာမန်သုံးငွေနှင့် ငွေလုံးငွေရင်းသုံးငွေနှစ်ရပ်ပေါင်း) ကျပ် ၆၃၀၇ ဘီလျံကျော်သုံးစွဲရန် ဖော်ပြထားကြောင်း သိရသည်။

နိုင်ငံတော်၏ ဘဏ္ဍာငွေအရ အသုံးဆိုင်ရာ ဥပဒေအပိုင်း(၂)၊ အခန်း(၁)ရှိ ပုဒ်မ(၃)၊ ပုဒ်မခွဲ(က) တွင် နိုင်ငံတော်သမ္မတ၊ ပြည်ထောင်စု အစိုးရအဖွဲ့၊ လွှတ်တော်၊ ပြည်ထောင်စုတရားလွှတ်တော်ချုပ်၊ ပြည်ထောင်စုရှေ့နေချုပ်၊ ပြည်ထောင်စု စာရင်းစစ်ချုပ်၊ ပြည်ထောင်စုရွေး ကောက်ပွဲကော်မရှင်၊ ပြည်ထောင်စု ရာထူးဝန်အဖွဲ့၊ နိုင်ငံတော်ဖွဲ့စည်းပုံ ဥပဒေဆိုင်ရာခုံရုံး၊ ပြည်ထောင်စု ဝန်ကြီးဌာနများနှင့် ပြည်ထောင်စု အဆင့်အဖွဲ့အစည်းများ၏ ရငွေနှင့် သုံးငွေအတွက် တာဝန်ပေးအပ်ခြင်း ခံရသူ ပုဂ္ဂိုလ်အသီးသီးသည် အဆိုပါ ဥပဒေတွင် ပူးတွဲဖော်ပြထားသည့် ဇယား(၁)၊ (၂)၊ (၃)၊ (၄)တို့၌မိမိနှင့် ယှဉ်တွဲဖော်ပြထားသည့် ရငွေတို့ကို စီမံကြီးကြပ်ကောက်ခံခြင်းနှင့်သုံးငွေတို့ကိုစီမံခန့်ခွဲခြင်းပြုရမည်ဟုပြဋ္ဌာန်း ထားသည်။

--------------------------------------------------------------------------------------------------------------------------------

အထူးစီးပွားရေးဇုန်အကောင်အထည်ဖော်ဆောင်ရေးကော်မတီဖွဲ့စည်း

မတ်၁၊

အထူးစီးပွားရေးဇုန် အကောင်အထည်ဖော်ဆောင်ရေးကော်မတီကို နိုင်ငံတော်အေးချမ်း သာယာရေးနှင့်ဖွံ့ဖြိုး ရေးကောင်စီ အမိန့်ကြော်ငြာစာ အမှတ် ၄၂/၂၀၁၀ဖြင့်ဖွဲ့စည်းခဲ့ပြီး ပြည်ထောင်စု မြန်မာနိုင်ငံတော်ပြန်တမ်း ၂၀၁၁ ခုနှစ် ဖေဖော်ဝါရီလ ၁၈ ရက်နေ့ နေ့စွဲဖြင့် ထုတ်ပြန်ကြေညာခဲ့ကြောင်းသတင်းရရှိသည်။

ဝန်ကြီးဌာန အသီးသီးမှ ဝန်ကြီးများ၊ အရာရှိကြီးများ ဖြစ်သည့် ဥက္ကဋ္ဌ၊ အတွင်းရေးမှူး၊ တွဲဖက် အတွင်းရေးမှူးနှင့် အဖွဲ့ဝင် ၁၉ ဦးတို့ဖြင့်အထူးစီးပွားရေးဇုန် အကောင်အထည် ဖော်ဆောင်ရေး ကော်မတီကိုဖွဲ့စည်းခဲ့ကြောင်း သိရသည်။

အထူးစီးပွားရေးဇုန် အကောင်အထည်ဖော်ရေး အဖွဲ့ဝင် ၁၉ ဦးထဲတွင်ပါဝင်သူများမှာ ကော်မတီဥက္ကဋ္ဌမှာ အမျိုးသားစီမံကိန်းနှင့် စီးပွားရေးဖွံ့ဖြိုး တိုးတက်မှု ဝန်ကြီးဌာန ဝန်ကြီးဖြစ်ပြီး အတွင်းရေးမှူးမှာ အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှု ဝန်ကြီးဌာန ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနမှ ညွှန်ကြားရေးမှူးချုပ်ဖြစ်ကာ တွဲဖက်အတွင်းရေးမှူးမှာ ဆောက်လုပ်ရေး ဝန်ကြီးဌာန မြို့ရွာနှင့်အိုးအိမ်ဖွံ့ဖြိုးရေး ဦးစီးဌာနဒုတိယညွှန်ကြားရေးမှူးချုပ်တို့ ဖြစ်ကြပြီး အမှတ်(၂) စက်မှုဝန်ကြီးဌာန ဝန်ကြီး၊ စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန ဝန်ကြီး၊ နိုင်ငံခြားရေး ဝန်ကြီးဌာန ဝန်ကြီး၊ ပြည်ထဲရေး ဝန်ကြီးဌာန ဝန်ကြီး၊ အမှတ်(၁)လျှပ်စစ်စွမ်းအား ဝန်ကြီးဌာန ဝန်ကြီး၊ အမှတ်(၂) လျှပ်စစ် စွမ်းအားဝန်ကြီးဌာန ဝန်ကြီး၊ ဆောက်လုပ်ရေး ဝန်ကြီးဌာန ဝန်ကြီး၊ ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာန ဝန်ကြီး၊ စွမ်းအင် ဝန်ကြီးဌာန ဝန်ကြီး၊ ဘဏ္ဍာရေးနှင့်အခွန်ဝန်ကြီးဌာန ဝန်ကြီး၊ ရှေ့နေချုပ်(ရှေ့နေချုပ်ရုံး)၊ တနင်္သာရီတိုင်းဒေသကြီး အေးချမ်းသာယာရေးနှင့်ဖွံ့ဖြိုးရေးကောင်စီဥက္ကဋ္ဌ၊ ရခိုင်ပြည်နယ် အေးချမ်းသာယာရေးနှင့် ဖွံ့ဖြိုးရေး ကောင်စီ ဥက္ကဋ္ဌ၊ ကြေးတိုင်နှင့်မြေစာရင်းဦးစီးဌာန ညွှန်ကြားရေးမှူးချုပ်၊ စက်မှုညွှန်ကြားရေး ဦးစီးဌာန ညွှန်ကြားရေးမှူးချုပ်တို့ ပါဝင်ကြကြောင်း သိရသည်။

အထူးစီးပွားရေးဇုန် အကောင်အထည်ဖော်ရေး ကော်မတီ၏ လုပ်ငန်းတာဝန်များထဲတွင် အထူးစီးပွားရေးဇုန် ဖွံ့ဖြိုးတိုးတက်ရေးနှင့် စီမံခန့်ခွဲရေးတို့အတွက် စီမံကိန်းနှင့်အစီအစဉ်များ ချမှတ်ခြင်း၊ အထူးစီးပွားရေးဇုန် တည်ထောင်ရေးအတွက် အဆိုပြုချက်အပေါ် သက်ဆိုင်ရာ အစိုးရ ဌာနအဖွဲ့အစည်းများ၏သဘောထား ရယူ၍စိစစ်ပြီး ပြည်ထောင်စုမြန်မာ နိုင်ငံတော်အစိုးရအဖွဲ့သို့တင်ပြခြင်း၊ အထူးစီးပွားရေးဇုန်တွင် လမ်း၊ တံတား၊ လေဆိပ်၊ ဆိပ်ကမ်း၊ ရေ ပေးဝေရေး၊ လျှပ်စစ်ဓာတ်အားပေးရေးနှင့် စည်ပင် သာယာရေး လုပ်ငန်းများ၊ သင်တန်းဌာန၊ တက္ကသိုလ်၊ ကောလိပ်၊ သိပ္ပံနှင့်စာသင်ကျောင်း၊ မူလတန်းကြိုကျောင်း၊ နေ့ကလေးထိန်းကျောင်း၊ ပြုစုစောင့်ရှောက်ရေးဂေဟာ၊ ဆေးရုံ၊ အုပ်ချုပ်ရေး အဆောက်အအုံ စသည့်အများသုံးအခြေခံအဆောက်အအုံများ တည်ဆောက် လာစေခြင်း၊ အခြေခံအဆောက်အအုံများဆောက်လုပ်ထိန်းသိမ်းရာတွင် ရင်းနှီးတည် ဆောက်သူကစိုက်ထုတ်ကုန်ကျသည့် အသုံးစရိတ်များအား ပေးချေနိုင်ရေးအတွက် သတ်မှတ်ထားသည့်ကာလအတွင်း ယင်းဇုန်မှကောက်ခံရရှိသော အခွန်အခများကို သီးခြား ရန်ပုံငွေဖြင့် ထိန်းသိမ်းထားရှိပြီး ထိုအသုံးစရိတ်များပေးချေခြင်း စသည့်အချက်တို့ ပါဝင်ပါသည်။

--------------------------------------------------------------------------------------------------------------------------------

အမ်အေအိုင်ဖြင့်ဆီယမ်ရိမြို့မှဝင်လာလျှင်ဆိုက်ရောက်ဗီဇာထုတ်ပေး

မတ်၂။

အပြည်ပြည်ဆိုင်ရာ မြန်မာ့လေကြောင်း(MAI)ဖြင့် ကမ္ဘောဒီးယားနိုင်ငံ ဆီယမ်ရိမြို့မှ မြန်မာနိုင်ငံသို့ ဝင်ရောက်လာသော နိုင်ငံခြားခရီးသွားများအား ဆိုက်ရောက်ဗီဇာထုတ်ပေးသွားမည်ဖြစ်ကြောင်း သတင်းရရှိသည်။

ဖေဖော်ဝါလ ၂၃ ရက်နေ့တွင် အမ်အေအိုင်က ရန်ကုန်မြို့နှင့် ဆီယမ်ရိမြို့အကြား တိုက်ရိုက်လေကြောင်းလိုင်းကို ပထမဆုံးအကြိမ်အဖြစ် စတင်ပြေးဆွဲခဲ့ရာ ယင်းနေ့မှ စတင်၍ မြန်မာပြည်ဝင်ခွင့် ဆိုက်ရောက်ဗီဇာကိုလည်း MAIလေကြောင်းဖြင့် ဆီယမ်ရိမြို့မှတစ်ဆင့် ဝင်ရောက် လာသည့် နိုင်ငံခြားဧည့်သည်အား ရန်ကုန်အပြည်ပြည်ဆိုင်ရာ လေဆိပ်တွင် ထုတ်ပေးခြင်းဖြစ်ကြောင်း ယင်းလေကြောင်းလိုင်းမှ တာဝန်ရှိသူတစ်ဦးက ပြောကြားသည်။

ဆိုက်ရောက်ဗီဇာစနစ်ကို ၂၀၁၀ ပြည့်နှစ်၊ မေလ ၁ ရက်နေ့မှစတင်ပြီး ရန်ကုန်နှင့် မန္တလေးအပြည်ပြည်ဆိုင်ရာ လေဆိပ်နှစ်ခုတွင် စတင်ထုတ်ပေးခဲ့ပြီး လေးလအကြာ စက်တင်ဘာလ ၁ ရက်နေ့တွင် ယင်းစနစ်အား ပြန်လည်လေ့လာ သုံးသပ်ရန်အတွက် ရပ်ဆိုင်းခဲ့သည်။

ရန်ကုန်-ဆီယမ်ရိ ခရီးစဉ်ကို အပတ်စဉ် ဗုဒ္ဓဟူးနေ့နှင့် စနေနေ့တို့တွင် တစ်ပတ်လျှင် နှစ်ကြိမ်အဖြစ် အမ်အေအိုင်က ပျံသန်းပြေးဆွဲ သွားမည်ဖြစ်သည်။ ရန်ကုန်မှ နံနက် ၉ နာရီတွင် ထွက်ခွာပြီး ဆီယမ်ရိသို့ နံနက် ၁၁ နာရီ ၁၀ မိနစ်တွင် ဆိုက်ရောက်မည်ဖြစ်ပြီး ဆီယမ်ရိမှ မွန်းတည့် ၁၂ နာရီ ၁၀ မိနစ်တွင် ပြန်လည်ထွက်ခွာပြီး ရန်ကုန်သို့ မွန်းလွဲ ၁ နာရီ ၂၀ မိနစ်တွင် ဆိုက်ရောက်မည်ဖြစ်ကြောင်း သိရသည်။

------------------------------------------------------------------------------------------------------------------------------------------

ပဲဈေးနှုန်းမြင့်တက်

မတ်လ၀၁။ 

ပြည်ပသို့ ပဲတင်ပို့မှု မြင့်တက်လာခြင်းကြောင့် ပဲဈေးနှုန်းများ ကြိုဝယ်ဈေးထက် တစ်ဆခန့် ပိုမိုမြင့်တက်လျက်ကြောင်း သတင်းရရှိသည်။

တရုတ်နိုင်ငံမှ ပဲတီစိမ်းမှာ ယူမှုများပြား လာသောကြောင့် ဖေဖော်ဝါရီလမှ စတင်ကာ ပြည်ပတင်ပို့မှုနှုန်း မြင့်တက်လာကြောင်း ဘုရင့်နောင် ကုန်စည်အသိုင်းအဝိုင်းမှသိရသည်။

ဖေဖော်ဝါရီလ ၂၀ရက်နေ့တွင် ပဲတီစိမ်း တစ်တန်လျှင် (၁၂၇၀၆၈၈) ကျပ်၊ ပဲစင်းငုံတစ်တန်လျှင် (၇၂၇၀၀၀) ကျပ်၊ မတ်ပဲ Raw တစ်တန်လျှင် (၇၂၅၀၀၀) ကျပ်၊ RC တစ်တန်လျှင် (၈၁၂၀၀၀) ကျပ်နှင့် SQRC တစ်တန်လျှင် (၈၁၂၀၀၀) ကျပ်ဖြင့် အရောင်းအဝယ် ဖြစ်ခဲ့ကြောင်း ဘုရင့်နောင် ကုန်စည် အသိုင်းအဝိုင်းမှ သိရသည်။

ပဲတင်ပို့မှုသည် ၂၀၁၀ ခုနှစ်နှင့် နှိုင်းယှဉ်ပါက များစွာ မြင့်တက်လာကြောင်း  သိရသည်။ ယခင်နှစ် ပထမနှစ်လတွင် ပဲတီစိမ်း (၈၇၁၇၆) တန်၊   မတ်ပဲ (၇၂၈၄၁ ဒဿမ ၂၅) တန်နှင့် ပဲစင်းငုံ (၅၀၅၃၅ ဒဿမ ၅၀) တန် တင်ပို့နိုင်ခဲ့ပြီး ယခုနှစ် ပထမနှစ်လတွင် မတ်ပဲ (၇၉၄၁၃၇ ဒဿမ ၄၀) တန် ၊ပဲတီစိမ်း (၃၁၄၉၄၈ ဒဿမ ၁၀) တန်နှင့် ပဲစင်းငုံ (၂၂၇၈၇၉ ဒဿမ ၆၆) တန် တင်ပို့နိုင်ခဲ့ကြောင်း သိရသည်။

မြန်မာနိုင်ငံမှ ပဲတီစိမ်းကို တရုတ်နိုင်ငံက အဓိက သယ်ယူကြောင်း သိရပြီး မတ်ပဲနှင့် ပဲစင်းငုံကို အိန္ဒိယနိုင်ငံက အဓိကဝယ်ယူကာ ကိုရီးယား၊ မလေးရှား၊ ပါကစ္စတန်၊ ဘင်္ဂလားဒေ့ရ်ှနှင့် သီရိလင်္ကာနိုင်ငံ များကလည်း ဝယ်ယူကြောင်းသိရသည်။ 

--------------------------------------------------------------------------------------------------------------------------------

မလေးရှားသံရုံးဗီဇာထုတ်ပေးမှုကန့်သတ်

မတ်လ၁။

မြန်မာနိုင်ငံဆိုင်ရာ မလေးရှားသံရုံးသည် မတ်လ ၁၈ရက်မှ စတင်ကာ တစ်ပတ်လျှင် လေးရက်နှုန်းဖြင့် တစ်ရက်လျှင် လူမှုရေးဗီဇာ လျှောက်ထားသူ (၁၁၀) နှင့် အလုပ်သမား ဗီဇာလျှောက်ထားသူ (၂၀၀)ကိုသာ စတင်ကာ ခွင့်ပြုပေးတော့မည် ဖြစ်ကြောင်း သတင်းထုတ်ပြန် ချက်အရ သိရသည်။

ဗီဇာ လျှောက်ထားသူများ အနေနှင့် တနင်္လာနေ့မှ ကြာသာပတေးနေ့ အထိသာ နံနက် (၈) နာရီမှ ညနေ (၄) နာရီအတွင်း  လျှောက်ထားနိုင်ပြီး နေ့လည် (၁၂) နာရီမှ (၁) နာရီ အထိ ထမင်းစားချိန် ရပ်နားမည်ဖြစ်ကြောင်း သိရသည်။

ဗီဇာ လျှောက်ထားသူများသည် မလေးရှားနိုင်ငံသို့ မထွက်ခွာမီ(၁၄) ရက် ကြိုတင် လျှောက်ထားရမည်ဖြစ်ပြီး လူမှုရေး ဗီဇာလျှောက်ထားသူများသည် မလေးရှားနိုင်ငံရှိ မိသားစုဝင် ဖိတ်ခေါ်စာမှာ အရေးကြီးပြီး အိမ်ထောင်စု စာရင်းနှင့် လက်ထပ်စာချုပ် (မူရင်းနှင့် နိုတြီဘာသာပြန်) တို့ကို တပါတည်း ယူဆောင်လာရမည်ဖြစ်ကာ ဖိတ်ကြားသူ အလုပ်လုပ်နေသည့် ကုပ္မဏီစသည်တို့ ပါရှိရမည်ဟု သတ်မှတ်ထားသည်။

၎င်းအပြင် အလုပ်အကိုင် ရှာဖွေအေဂျင်စီတစ်ခုကို တစ်ရက်လျှင် အလုပ်သမားဗီဇာ လျှောက်ထားသူ ( ၁၅)ဦးသာ လျှောက်ထားခွင့် ပြုတော့မည်ဖြစ်ကြောင်းသိရသည်။

တနင်္လာနေ့တွင် လျှောက်ထားသော အလုပ်သမား ဗီဇာများအား ကြာသာပတေးနေ့တွင် ပြန်လည် ထုတ်ပေးမည်ဖြစ်ပြီး အင်္ဂါနေ့တွင် လျှောက်ထားသော အလုပ်သမားဗီဇာများကိုမူ နောက်တစ်ပတ် တနင်္လာနေ့မှ ထုတ်ပေးမည်ဖြစ်ကြောင်းလည်း သိရသည်။

--------------------------------------------------------------------------------------------------------------------------------

ပိုလီယိုကင်းစင်နိုင်ငံအဖြစ် ကြေညာရန် ၄ရက်အလိုတွင် ရောဂါပိုးပြန်တွေ့

မတ်လ၁။

မြန်မာနိုင်ငံတွင် ပိုလီယိုရောဂါ ကင်းစင်ပြီဟု ၂၀၀၇ ခုနှစ် ဇန်နဝါရီလတွင် ကြေညာနိုင်ခဲ့ပြီး စောင့်ကြည့်ကာလ (၃)နှစ် မပြည့်မီ (၄)ရက် အလိုတွင် ရောဂါပိုးဖြစ်ပွားသူ တစ်ဦးကို ထက်မံတွေ့ရှိခဲ့ကြောင်း သတင်းရရှိသည်။

၂၀၀၇ခုနှစ် နောက်ပိုင်း ပိုလီယိုရောဂါပိုး ပထမဆုံး ပြန်လည်တွေ့ရှိခဲ့သူမှာ မန္တလေးတိုင်း ဒေသကြီး ရမည်းသင်းမြို့နယ်မှ (၇) လသား အရွယ် ကလေးငယ်တစ်ဦး ဖြစ်ပြီး ဒီဇင်ဘာလ ပထမအပတ် အတွင်းက စတင်တွေ့ရှိခဲ့ခြင်းဖြစ်ကြောင်း ကုလသမဂ္ဂ ကလေးများရန်ပုံငွေအဖွဲ့ (UNICEF)၏ ပြန်ကြားရေးမှူး Ms. Zafrin Chowdhury က ပြောကြားသည်။

ကျန်းမာရေးဝန်ကြီဌာန အနေဖြင့် ဒီဇင်ဘာလ ၁၅ရက်နှင့် ၁၆ရက်နေ့များတွင် ရောဂါပိုး ပြန်လည်တွေ့ရှိခဲ့သည့် ရမည်းသင်းခရိုင်အတွင်း ကလေးငယ်တစ်သောင်းအားပိုလီယို အကြောသေ ရောဂါ ကာကွယ်ဆေး တိုက်ကျွေးခဲ့ကြောင်း သတင်းရရှိသည်။

--------------------------------------------------------------------------------------------------------------------------------

တာချီလိတ်- ကျိုင်းတုံလမ်းယခင်ကထက်ဂိတ်ကြေးပိုမိုကောက်ခံ


မတ်လ၁။

သံလွင်အရှေ့ပိုင်း တာချီလိတ်- ကျိုင်းတုံ ကားလမ်းရှိ ဂိတ်ကြီးများ၌ ယခင်ကထက် ဂိတ်ကြေး နှစ်ဆတိုးမြှင့် ကောက်ခံနေကြောင်း သတင်းရရှိသည်။

အဆိုပါဂိတ်ကြီးများတွင် ဘတ်စ်ကားတစ်စီး ယခင် ၃,၀၀၀ မှ ယခု ၅,၀၀၀၊ ဗဲင်းကားတစ်စီး ယခင် ၁,၀၀၀ မှ ယခု ၅,၀၀၀၊ ၆ ဘီး/၁၀ ဘီး ကုန်တင်ကားကြီးတစ်စီး ယခင် ၅,၀၀၀ မှ ယခု ၁၀,၀၀၀ အထိ ကောက်ခံနေသည်ဟု တာချီလိတ်မှ ယာဉ်မောင်းတစ်ဦးက ပြောကြားသည်။

တာချီလိတ် - ကျိုင်းတုံ ကားလမ်းတလျှောက်ရှိ ဂိတ်ကြီးများမှာ တာချီလိတ်အထွက် မယန်းဂိတ်၊ တာလေဂိတ် (တာလေမြို့နယ်ခွဲ)၊ မိုင်းဖြတ်နှင့် ကျိုင်းတုံ (နမ့်ပုံဂိတ်)တို့ ဖြစ်ကြသည်။

“ဂိတ်ကြီးတွေမှာ ဂိတ်ကြေးတွေ နှစ်ဆပိုတောင်းလာတယ်။ နောက်ပြီး လမ်းတလျှောက် တောင်ကုန်း တပ်စခန်းတချို့မှာ တပ်တွေ၃-၄ခုမက ပိုလာတော့ သူတို့လဲ ကြုံရင်ကြုံသလို ပိုက်ဆံတောင်းတယ်။ အသေးစား ပိုက်ဆံတောင်း ဂိတ်တွေပေါ့။ အနည်းဆုံး တထောင်နှစ်ထောင် ကုန်တာဘဲ။” ဟု တာချီလိတ်မှ ယာဉ်မောင်းတစ်ဦးက ပြောကြားသည်။

     
================================================================


ပြည်တွင်းပါတီ၊နိုင်ငံရေးသတင်းများ    


ဥပဒေမူကြမ်းကော်မတီများဖွဲ့စည်း

မတ်လ၁။
 
မတ်လ ၁ရက်နေ့တွင် ပြည်သူ့လွှတ်တော်နှင့် အမျိုးသားလွှတ်တော် အစည်းအဝေးများ ပြန်လည်ကျင်းပခဲ့ပြီး ဥပဒေမူကြမ်းများ တင်သွင်းသည့်အခါ အကြံဥာဏ်ပေးနိုင်ရန် အတွက် ဥပဒေမူကြမ်း ကော်မတီကို အဖွဲ့ဝင် ၁၅ဦးစီဖြင့်ဖွဲ့စည်းလိုက်သည်။

ဥပဒေမူကြမ်း ကော်မတီများ၏ ဥက္ကဋ္ဌများမှာ ပြည်သူ့လွှတ်တော် ဒုဥက္ကဋ္ဌနှင့် အမျိုးသား လွှတ်တော်  ဒုဥက္ကဋ္ဌများဖြစ်သည့် ဦးနန္ဒကျော်စွာနှင့် ဦးမြငြိမ်း၊ အတွင်းရေးမှူးများမှာ ဦးတီခွန်မြတ်နှင့် ဦးစံထွန်းဖြစ်ပြီး ပြည်ခိုင်ဖြိုးပါတီ အမတ်များဖြစ်သည်။

ပြည်သူ့လွှတ်တော် ဥပဒေမူကြမ်း ကော်မတီဝင်များမှာ ဒေါ်နန်းဝါနု (ကွန်ဟိန်း)၊ ဦးသောင်း (မော်လိုက်)၊ ဦးဘရှိန် (ကျောက်ဖြူ)၊ ဦးငွန်မောင်း (ဟားခါး)၊ ဒေါ်ဒွဲဘူ (အင်ဂျန်းယန်)၊ ဦးနန္ဒကျော်ဇွာ (ဒဂုံ)၊ ဦးတီခွန်မြတ် (ကွတ်ခိုင်)၊ ဦးစောလှထွန်း (ချောင်းဦး)၊ ဦးခင်မောင်မြင့် (ဇီးကုန်း)၊ ဦးမောင်ညို (ပေါက်)၊ ဦးခင်မောင်ရွှေ (တမူး)၊ ဦးစိုးရယ် (ဒီမောဆိုး)၊ ဦးစတီဗင် (ကျိုင်းတုံ)၊ ဦးသိန်းထွန်း (အမရပူရ) နှင့် ဒေါက်တာစိုးမိုးအောင် (ဘီးလင်း) ပါဝင်ကြောင်းသိရသည်။

ရှမ်း၊ရခိုင်နှင့် ချင်းတိုင်းရင်းသား ပါတီများမှ တစ်ဦးစီပါဝင်ပြီး၊ တစညတစ်ဦး၊ ပြည်ခိုင်ဖြိုး မိတ်ဆွေပါတီ စည်းလုံးညီညွှတ်ရေးနှင့် ဒီမိုကရေစီပါတီ ကချင်ပြည်နယ်မှ တဦးမှလွဲ၍ ကျန်၁ဝဦးသည် ပြည်ခိုင်ဖြိုးပါတီ အမတ်များဖြစ်ကြသည်။

အမျိုးသားလွှတ်တော်အတွက် ဥပဒေကြမ်း ကော်မတီ အဖွဲ့ဝင်များမှာ ဦးမြငြိမ်း (ပြည်ခိုင်ဖြိုး) ၊ဦးခက်ထိန်နန် (စဒက) ၊ဒေါ်နန်းနီနီအေး ပြည်ခိုင်ဖြိုး၊ မန်းအောင်တင်မြင့် (ကရင်ဒီမိုကရေစီနှင့်ဖွံ့ဖြိုးရေးပါတီ)၊ စွန်ဒုတ်ကျင် (ပြည်ခိုင်ဖြိုး)၊ ဒေါက်တာလှသိန်း (ပြည်ခိုင်ဖြိုး)၊ ဦးသန်းမြင့် (ပြည်ခိုင်ဖြိုး)၊ ဦးမြင့်ထွန်း (ပြည်ခိုင်ဖြိုး)၊ ဦးစိုးမြင့် (ပြည်ခိုင်ဖြိုး)၊ ဦးဇော်မြင့်ဖေ (ဒီမိုကရေစီနှင့်ငြိမ်းချမ်းရေးပါတီ)၊ ဒေါက်တာမြတ်ဥာဏစိုး (NDF) ၊ ဦးတင်ယု ( (ပြည်ခိုင်ဖြိုး)၊ ဦးကျော်ထွန်းအောင် (RNDP) ၊ဦးစံထွန်း (ပြည်ခိုင်ဖြိုး)နှင့် စိုင်းပေါင်းနပ် (ဝဒီမိုကရက်တစ်ပါတီ)  ပါဝင်ကြောင်းသိရသည်။

လွှတ်တော် နှစ်ရပ်ပေါင်း ကျင်းပသည့် ပြည်ထောင်စုလွှတ်တော်ကို ပြီးခဲ့သည့် ဖေဖော်ဝါရီလ ၂၅ရက်နေ့တွင် ရပ်နားခဲ့ရာမှ ယနေ့တွင် လွှတ်တော်တရပ်ချင်းစီ အစည်းအဝေးများကို ပြန်လည်စတင်ခဲ့ခြင်းဖြစ်သည်။

 
================================================================

သတင်းနှင့်ဆောင်းပါးများမှကောက်နှုတ်ချက်များ


UMFCCI အသင်းချုပ်၏ အလုပ်အမှုဆောင်သက်တမ်းကို ၂နှစ်လျှင် တစ်ကြိမ် အသင်းမှ ပြန်လည်ရွေးချယ်ခန့်အပ်ရသော်လည်း ၆ ကြိမ်တိုင်တိုင်အသင်းချုပ် ဥက္ကဋ္ဌရွေးချယ်ရာတွင် ဦးဝင်မြင့်တစ်ဦးသာ ပြန်လည်ခန့်အပ်ချင်းခံရကြောင်း UMFCCI ၏ အလုပ်အမှုဆောင် တစ်ဦးက ပြောပါသည်။

၁၉၉၉ခုနှစ်က စတင်ဖွဲ့စည်းသည့် အသင်းချုပ်၏ အဖွဲ့ဝင်စည်းမျဉ်းများကို ပြန်လည်ပြင်ဆင်မှုပြုခဲ့ရာ ရာထူးသက်တမ်း ၂ နှစ်ကို ၂ကြိမ်သာ ထမ်းဆောင်ရမည်ဆိုသည့်အချက်ကို ၂၀၀၄ ခုနှစ်က ပထမဆုံးအကြိမ် ပယ်ဖျက်ပြင်ဆင်ခဲ့ပြီး၊ ၂၀၀၉ ခုနှစ် မတ်လ ၂၆ ရက် နေပြည်တော်တွင် ကျင်းပခဲ့သည့် အလုပ်အမှုဆောင်အစည်းအဝေးတွင် အသင်းဝင်တိုင်း ပါတီနိုင်ငံရေကင်းရှင်းရမည် ဆိုသည့်အချက်အား ဒုတိယအကြိမ် ပယ်ဖျက်ပြင်ဆင်ခဲ့သည်။

မတ် ၁ ထုတ် TRUE NEWS မှာပါသည့် ပြည်ထောင်စုဝန်ကြီး တစ်ဦးအဖြစ် ရွေးချယ်ခံထားရသည့် UMFCCI ဥက္ကဋ္ဌ ဦးဝင်းမြင့် နေရာတွင် အစားထိုး ခန့်အပ်နိုင်မည့် အစည်းအဝေးကို မတ်လတွင်ကျင်းပ မည် သတင်းမှကောက်နှုတ်ချက်

-----------------------------------------------------------------------------------------------------------------------------------

စိတ်ဒဏ်ရာတွေကို ကုတာနဲ့ အကြမ်းဖက်မှုတွေ မသက်ဆိုင်ဘူး။ Real Politicခေါ်တဲ့ နိုင်ငံရေးရာ မှာ ဒီကိစ္စက ဘာမှအရေးမကြီးဘူးလို့ မတွေးသင့်ဘူးလို့ စာအုပ်ကရေးတယ်။ အကြမ်းပတမ်းလုပ်တော့ ခံရသူတွေရဲ့ စိတ်မှာ နာကုန်တယ်။ စိတ်နာနေတဲ့ (ဒဏ်ရာမပျောက်တဲ့) ငနဲက အကြမ်းပတမ်းတွေ ပြန်လုပ်ချင်တယ်။ ဒါဆိုရင် ဘယ်သူ့မှာ လုံခြုံမှု မရှိနိုင်တော့ဘူး။ အဲသ လို စိတ်ဒဏ်ရာနဲ့ အကြမ်းကိစ္စတွေဟာ ဆက်နေတယ်။ ကမ္ဘာကြီးက ဂြိုလ်သေးသေးလေးပဲ။ ငါတို့ကလည်း ခဏအလည်လာတဲ့ ဧည့်သည်တွေပဲ။ ငြိမ်းငြိမ်းချမ်းချမ်းလေး နေရအောင် ကြိုးစားကြဖို့ကိစ္စထက် အရေးကြီးတာရှိသေးလား။

မတ် ၁ ထုတ် TRUENEWS မှာပါသည့် ဆောင်ပါးရှင်ကိုတာ၏ ဒဏ်ရာတွေနဲ့တိုင်းပြည် ဆောင်းပါးမှ ကောက်နှုတ်ချက်

-----------------------------------------------------------------------------------------------------------------------------------

“ရုပ်သိမ်းတယ်၊ မရုပ်သိမ်းဘူးဆိုတာ အီးယူနဲ့ အမေရိကန်အပေါ်မှာပဲ မူတည်တယ်။ သူတို့က မရုပ်သိမ်းပေးသရွေ့တော့ ဒါကဆက်နေဦးမှာပဲလေ။ ဘာမှ ထွေထွေထူးထူးလုပ်ဆောင်ဖို့ လိုလိမ့်မယ်မထင်ဘူး။ အရင်အတိုင်းနဲ့ ဒီအတိုင်းပဲ ကိုယ်လုပ်စရာရှိတာ ကိုယ်လုပ်ရမှာပေါ့။ ခင်ဗျားအနေနဲ့ စီး ပွားရေးပိတ်ဆို့မှုအပေါ် ဘယ်လိုအရာတွေကို မေးနေတာလဲဆိုတာတော့ သိဖို့လိုလိမ့်မယ်”

မတ် ၁ ထုတ် The Flower News မှာပါသည့် ရုပ်သိမ်းတယ်၊ မရုပ်သိမ်းဘူးဆိုတာ အီးယူနဲ့ အမေရိ ကန်ပေါ်မှာပဲမူတည်တယ် အင်တာဗျူးမှ ခင်မောင်ညို (ဘောဂဗေဒ) ဖြေကြားချက်အပေါ်မှ ကောက်နှုတ်ချက်

-----------------------------------------------------------------------------------------------------------------------------------

“အနောက်နိုင်ငံတွေ ကိုတော့ မပြောချင်တော့ဘူး၊ အာဆီယံနိုင်ငံအချင်းချင်း ယဉ်ကျေးမှုချင်း ထိစပ်မှုရှိသည့် ထိုင်းနိုင်ငံမှာဆိုရင် ထိုင်းနိုင်ငံသားတစ်ဦး ဆေးရုံတက်ရင် ဘတ် ၅၀ ပဲကုန်တယ်။ သူ့ဘာသာ ဘာရောဂါကြီးပဲဖြစ်ဖြစ်၊ ဆေးရုံမှာ ဘယ်လောက်ပဲ ကြာကြာ နေရနေရ၊ ဆယ်ကြိမ်မက ခွဲ စိတ်တာမျိုးပဲရှိရှိ ဘတ် ၅၀ ပဲကုန်ကျတယ်။ အဲဒီတော့ အခြေခံလူတန်းစားတွေအတွက် ကိုယ့်ရဲ့ ကျန်းမာရေးကို အစိုးရက တာဝန်ယူထားတာမဟုတ်လား။  အဲဒီအတွက် မတ်တက်စာ၊ လဲလျောင်းစာ စတာတွေ ရှာစရာမလိုတော့ဘူး။ ချမ်းသာ သူတွေကတော့ သူတို့အဆင့်အလိုက်သူတို့ ဘာသာအကုန် ခံဆေးကုသမှုခံကြတာ ထုံးစံပဲလေ။ ပြောချင်တာကအခြေခံ လူတန်းစားတွေအတွက်ပဲ။ ပြီးတော့ ပညာရေးကို ထိုင်းမှာ GCE A Level (၁၂) တန်းအထိ အခမဲ့ပညာသင်စနစ်နဲ့ သင်ကြားရတယ်။ မြန်မာနိုင်ငံမှာ ဆိုရင် တက္ကသိုလ်ဝင်တန်းအောင်တဲ့အထိပေါ့။ အဲဒီလိုတွေဟာ တာဝန်ယူထားတယ်။ အဲဒီလိုတွေ ထောက်ပံ့ပေးထားတော့ ကိုယ့်စားဝတ်နေရေးအတွက် မိသားစုဖူလုံဖို့အတွက်အချိန်ပြည့် လောဘတကြီး ရှာဖွေနေစရာမလိုတော့ဘူး။ ဘာသာရေး၊ လူမှုရေးတွေအတွက် အချိန်ပေးလာနိုင်ပြီ”

မတ် ၁ ထုတ် The Flower News မှာပါသည့် အခြေခံလူတန်းစားမြင့်မားရေး အစိုးရသစ်ပုံဖော်ဖို့လို သတင်းဆောင်းပါးမှ MHRကျောင်းအုပ် ဦးအေးကျော်၏ ဖြေကြားချက်အပေါ် ကောက်နှုတ်ချက်

=================================================================

ဆောင်းပါးကဏ္ဍ


မြန်မာနိုင်ငံနှင့် Sanction (၂)


မြန်မာနိုင်ငံ၏ တပ်မတော်အစိုးရအား ဆန့်ကျင်သည့် အမေရိကန်၏ တစ်ဖက်သတ်စီးပွားရေးပိတ်ဆို့ ဒဏ်ခတ်အရေးယူမှုသည် ကလင်တန်အစိုးရလက်ထက် လွှတ်တော်အမတ်များနှင့် ဒီမိုကရေစီလိုလားသော အုပ်စုများသည် ကလင်တန်အစိုးရအား ဖိအားပေး စေခြင်းဖြင့် ထွက်ပေါ်လာသော ရလဒ်ဖြစ်သည်။ အမေရိကန်အစိုးရ၏ စီစစ် သုံးသပ်ချက်များ အရ မြန်မာနိုင်ငံသည် အမေရိကန်နိုင်ငံ ခြားရေးမူဝါဒအတွက် အရေးပါမှုအနည်းငယ်သာရှိပါသည်။

မြန်မာနိုင်ငံအပေါ် ထားရှိသော အမေရိကန်၏ နိုင်ငံခြားရေးမူဝါဒမှာ မြန်မာနိုင်ငံကို အာဏာပိုင် အုပ်ချုပ်ရေးစနစ်မှ ဒီမိုကရေစီစနစ်ဆီသို့ ငြိမ်းချမ်းစွာ အသွင်ကူးပြောင်းနိုင်ရေးဖြစ်သည်။ ထိုအတွက်ကြောင့် အမျိုးသားဒီမိုကရေစီအဖွဲ့ချုပ်အပါအဝင် ခေါင်းဆောင် ဒေါ်အောင်ဆန်းစုကြည် ကိုပါ ထောက်ပံ့ကူညီမှုများရှိခဲ့သည်။ သို့နှင့်တိုင်အမေရိကန်၏ ပြည်ထောင်စုအစိုးရသည် တစ်ဖက်သတ်စီးပွားရေးပိတ်ဆို့မှုကို အသုံးပြု၍ ယင်းတို့၏ မူဝါဒအောင်မြင်အောင် ဘယ်လိုဖော်ဆောင်သင့်သည်ကို မသတ်မှတ်နိုင်ဖြစ်နေသည်။ ယင်း မသတ်မှတ်နိုင်သည့် မူဝါဒသည်ပင် မြန်မာနိုင်ငံကို အထီးကျန်ဖြစ်မှုမှ ဒီမိုကရေစီအသွင်ကူးပြောင်းမှုသို့ ရောက်ရှိလာရန်နှင့် တင်းကြပ်ဖိနှိပ်သည့် စစ်တပ်အစိုးရမှ ဈေးကွက်အခြေပြုဒီမိုကရေစီစနစ်ဆီသို့ ကူးပြောင်းလာနိုင်မည်ဟု ယူဆကြသည်။  အမှန်စင်စစ် ၁၉၉၇ ခုနှစ်မှ စတင်သည့် စီးပွားရေးပိတ်ဆို့မှုသည် မြန်မာနိုင်ငံအား ဒီမိုကရေစီနှင့်လူ့အခွင့်အရေးရှိသည့် နိုင်ငံတစ်ခုအဖြစ်ရောက်ရှိသွားပြီလော။ တပ်မတော်အစိုးရမှ ခေါင်းဆောင်များ နိုင်ငံရေး၊ စီးပွားရေးအကျပ်အတည်းများရင်ဆိုင်နေရပြီလော။ ဤကဲ့သို့ မေးခွန်းများ ကို ဖြေဆိုနိုင်ရန်အလို့ဌာ စီးပွားရေးအရသက်ရောက်မှုများကို အရင်ဆုံးလေ့လာကြည့်မှ နားလည်နိုင်မည်ဖြစ်သည်။

စီးပွားရေးအကျိုးသက်ရောက်မှု

မြန်မာနိုင်ငံသည် အရှေ့တောင်အာရှတွင် အင်ဒီုနီးရှားပြီးလျှင် ဒုတိယအကြီးဆုံးနိုင်ငံဖြစ်ပြီး ဗီယမ်နမ်ထက် ၂ဆ ကျယ်ဝန်းကာ လူဦးရေအားဖြင့် သန်း ၆၀ ခန့်ရှိသော နိုင်ငံတစ်နိုင်ငံဖြစ်သည်။ စိုက်ပျိုးမြောက်များစွာရှိသော နိုင်ငံတစ်ခုဖြစ်ပြီး ကမ်းလွန် သဘာဝ ဓာတ်ငွေ့ကဲ့သို့ သဘာဝရင်းမြစ်များလည်းပေါကြွယ်ဝသည်။ သို့သော် အာဆီယံနိုင်ငံများတွင် လာအိုပြီးလျှင် အဆင်းရဲဆုံးနိုင်ငံဖြစ်သည်။ ဤကဲ့သို့ဖြစ်နေခြင်းမှာ  တည်ငြိမ်မှုမရှိသော နိုင်ငံရေးနှင့် စီးပွားရေးမူဝါဒအမှားများ နှစ် ၅၀ ကျော်ချ မှတ်ခဲ့ခြင်း ကြောင့် ဖြစ်သည်။ ၁၉၉၀ခုနှစ်တွင် အစိုးရမှ လုပ်ငန်းများကို ပုဂ္ဂိုလိကသို့ လွဲပြောင်းရယူခဲ့သည့်အတွက် စီးပွားရေးအရနှစ် အနည်းငယ် ပြေလည်မှုများ ရှိခဲ့သော်လည်း နိုင်ငံရေးအရ ဗဟိုဦးစီး ဖြစ်သည့်အတွက် စီးပွားရေး တုံ့ဆိုင်းမှုနှင့် ပြန်လည်ကြုံတွေ့ခဲ့ရသည်။

ဤနေရာတွင် သတိထားမေးရမည့်မေးခွန်းမှာ အမေရိကန် စီးပွားရေးပိတ်ဆို့မှုသည် မြန်မာနိုင်ငံကို စီးပွားရေး ပိုမိုတုံ့ဆိုင်းသွားစေပြီး အာဏာပိုင်အုပ်ချုပ်ရေးအား ၎င်း၏အပြုအမူ ပြောင်းသွားစေ သလားဟူ၍ ဖြစ်ပါသည်။ အမှန်စင်စစ် စီးပွားရေးပိတ်ဆို့မှုသည် မြန်မာနိုင်ငံအပေါ် သက်ရောက်မှုရှိ၊ မရှိဆိုခြင်းထက် အခြားအချက်နှစ်ချက်က နိုင်ငံ၏စီးပွားရေးကို အောက်ဆုံးထစ်ရောက်အောင် ပို့ ဆောင်ပေးခဲ့သည်။

(၁) အစိုးရ၏ လွဲမှားသော စီမံခန့်ခွဲမှု

ကနေဦးအစ ဈေးကွက် အခြေပြု တည်ဆောက်ပုံများကို ထိရောက်စွာပြောင်းလဲမှုမလုပ်နိုင်ခြင်း၊ စစ်အသုံးစရိတ်များခြင်း၊ ကျွမ်းကျင်ပညာရှင်များနည်းပါးခြင်း၊ အုပ်ချုပ်ရေးယန္တရား၏ မူဝါဒများ၊ လုပ်ထုံးလုပ်နည်းများ တိကျခိုင်မာစွာမရှိခြင်းနှင့် အကျင့်ပျက် ချစားမှုများ ခြင်းတို့သည် အစိုးရ၏ စီမံခန့်ခွဲမှု အမှားများဖြစ်သည်။ အစိုးရတွင် တပ်မတော်မှ အရာရှိများကို နေရာချထားခြင်းသည် စစ်အသုံးစရိတ်ကို တိုးမြင့်သုံးစွဲရန် ဖိတ်ခေါ်သကဲ့သို့ ဖြစ်သွားစေခဲ့သည်။ အရှင်မွေးသူကောင်းပြုစေပြီး စီးပွားရေး လုပ်ငန်းရှင်များကို အခွင့်အရေး
ပေးခြင်းဖြင့် အကျင့်ပျက်ချစားမှု များပြားစေခဲ့သည်။ နောက်ထပ်အစိုးရ၏ စီမံခန့်ခွဲမှုအမှားများမှာ  နိုင်ငံခြားမှ နည်းစနစ်ဆိုင်ရာ အကူအညီနှင့် သင်တန်းများ ရရှိအောင် မယူနိုင်ခြင်းတို့ဖြစ်သည်။

(၂) နိုင်ငံခြားအကူအညီဖြတ်တောက်မှု

ဘဏ္ဍရေးနှင့် နည်းစနစ်အထောက်အပံ့ကဲ့သို့သော  နိုင်ငံခြားအကူအညီများ ဖြတ်တောက် ထားခြင်းသည် မြန်မာနိုင်ငံ၏ စီးပွားရေးအပေါ် အဓိကသက်ရောက်မှုရှိသည်။ ဖွံ့ဖြိုးရေးအကူအညီပေးသော အင်ဂျင်စီများနှင့် အပြည့်အဝအချိတ်ဆက်လုပ်ဆောင်ခဲ့သော် ကမ္ဘာဘဏ်၊ အာရှဖွံ့ဖြိုးရေး ဘဏ်နှင့် ဂျပန်နိုင်ငံတို့ တစ်ခုစီမှ တစ်နှစ်ကို ဒေါ်လာ သန်း ၃၀၀ အထောက်အပံ့ရရှိမည်ဖြစ်သည်။  ယင်းတို့သည် အရှေ့တောင်အာရှ၏ ဖွံ့ဖြိုးမှုအနည်းဆုံးနိုင်ငံများအား နှစ်စဉ်ပေးအပ်လျက်ရှိသည်။ မြန်မာနိုင်ငံအနေဖြင့် ၎င်းဖွင့်ဖြိုးရေး အကူအညီ ပေးသော အင်ဂျင်စီများထံမှ ၁နှစ်ကို သန်းတစ်ထောင် ခန့်ရရှိမည်ဖြစ်သည်။ ဤကဲ့သို့သော ဘဏ္ဍရေးအကူအညီသည် နည်းစနစ်ပိုင်းကျွမ်းကျင်မှု အထူးလိုအပ်သည့် ပညာရေး၊ ကျန်းမာရေး၊ စိုက်ပျိုးရေးနှင့် အခြေခံအဆောက်အအုံးများကို အထူးပြု သုံးစွဲရန် ဖြစ်သည့်အပြင် ယင်းကျွမ်းကျင်မှုများနှင့် ဆက်စပ်သည့် အဆောက်အအုံပိုင်းဆိုင်ရာ တည်ဆောက်မှု များပါအကျုံးဝင်သည်။

××××××××××××××××××××××××××××××××××××××××××××××××××××××××××××××
 
Sent to transparency.myanmar@gmail.com: unsubscribe | update profile | forward to a friend
Email Marketing Powered by MailChimp
 

0 comments:

Post a Comment

Subscribe to: Post Comments (Atom)