Posts
 | yangonchronicle 2011 |
၂၃.၃.၂၀၁၁
ပြည်တွင်းသတင်းများ
သင်္ကြန်မဏ္ဍပ်များ အခက်ကြုံနေ
ရန်ကုန်၊ မတ်၂၃။
ရန်ကုန်တိုင်းဒေသကြီး အေးချမ်းသာယာရေးနှင့် ဖွံဖြိုးရေးကောင်စီမှ ထုတ်ပြန်ခဲ့သော သင်္ကြန်မဏ္ဍပ်များ လိုက်နာရန် စည်းကမ်းချက် (၂၅)ချက် သည် သင်္ကြန်မဏ္ဍပ်များ စီစဉ်ရန် အခက်ကြုံဖွယ်ရှိကြောင်း သင်္ကြန်မဏ္ဍပ်စီစဉ်သူများက ဆိုသည်။
သင်္ကြန်မဏ္ဍပ်များ၏ လုံခြုံရေးကို အလေးဂရုပြုနိုင်ရန်အတွက် CCTV ကင်မရာများထားရှိရမည်။ မဏ္ဍပ်တိုင်းတွင် လုံခြုံရေးကုမ္မဏီများမှ ဝန်ထမ်း ၁၀ ဦးနှင့်အထက် ငှားရမ်းရမည် ဆိုသော စည်းကမ်းချက်များသည် မဏ္ဍပ်စီစဉ်သူများ အတွက် အကျပ်တွေ့စရာဖြစ်ကြောင်း ၂၀၁၀ မဟာ သင်္ကြန်ကျစဉ်က ကမ္ဘာအေးဘုရားလမ်းတွင် မဏ္ဍပ်စီစဉ်ခဲ့သူတစ်ဦးမှ ဆို သည်။
“ ဒီလိုစည်းကမ်းချက်တွေ ထုတ်ပြန်တာက လုံခြုံရေးဆိုင်ရာဘက်ကြည့်ရင်တော့ ကောင်းပါတယ်။ဒါပေမယ့် တဖြည်းဖြည်း မြင့်တက်လာတဲ့ ကုန်ဈေးနှုန်းတွေကြောင့်ရယ်၊ မဏ္ဍပ်တစ်ခုတည်ဆောက်ရင် ကုန်ကျတဲ့စရိတ်တွေရယ်က နှစ်တိုင်းတက်လာတော့ ကျွန်တော်တို့ရဲ့ နှစ်စဉ် မြတ်စွန်း တာတွေကလည်း တဖြည်းဖြည်းလျော့လာတယ်ဗျာ။ ဒီ၂၀၁၁ မှာ ဒီလို စည်းကမ်းချက်တွေအသစ်ထုတ်ပြန်တော့ ကျွန်တော်လဲဒီနှစ် မဏ္ဍပ် ဆောက်ဖို့ကို သေချာတွက်ချက်နေရတယ်”ဟု ယင်းပုဂ္ဂိုလ်မှဆိုသည်။
မဏ္ဍပ်တစ်ခုချင်းစီအတွက် ကုန်ကျမည်ဖြစ်သော စရိတ်မြင့်တက်လာခြင်းအား ခံစားရမည်မှာ ရေကစားသူများ ဖြစ်သည့်အတွက် ရေကစား မဏ္ဍပ်တိုင်းတွင် ရေကစားသူဦးရေသည် အရင်နှစ်ကထက်လျော့ကျသွားနိုင်ကြောင်း ရေစုပ်စက်နှင့် ရေစုပ်ပန့်၊ ပိုက်များအား ငှားရမ်းသည့် လုပ်ငန်းရှင် တစ်ဦးမှသုံးသပ်သည်။
“ကျွန်တော်တို့တော့ ဒီလိုစည်းကမ်းချက်တွေ ထွက်လာတယ်ဆိုတာ မသိဘူး။ ဒီနှစ်မှာလည်း ပစ္စည်းငှားဈေး တွေ က အရင်နှစ်ကထက်တော့ နည်းနည်းတက်နိုင်ပါတယ်။ဆီဈေးတွေက တော်တော်လေးတက်နေတော့ အရင်နှစ်တွေကလို ကုန်ကျတဲ့ ဆီအပါအဝင် ငှားရမ်းတဲ့ Package အစား၊ ဆီကို စီစဉ်သူတွေ စိုက်၊စက်ပစ္စည်းပိုင်းရဲ့ ကုန်ကျစရိတ်ကိုပဲပေး ဆိုတာမျိုးပြောင်းရမယ်ထင်တယ်”ဟု အဆိုပါ ပုဂ္ဂိုလ်က ဆိုသည်။
စက်သုံးဆီဈေးနှုန်းများ မြင့်တက်လာခြင်းနှင့် အခြေခံကုန်စည်များ၏ဈေးနှုန်းများ မြင့်တက်လာခြင်းသည် မဟာသင်္ကြန်အား စည်းကားစေမှုအား ယုတ်လျော့သွားနိုင်ကြောင်း ကုန်သည်အသိုင်းအဝိုင်းက သုံးသပ်ကြသည်။သင်္ကြန်မဏ္ဍပ် များတွင် လုံခြုံရေး ၁၀ ဦးနှင့်အထက် ငှားရမ်းရခြင်း၊ CCTV ကင်မရာများ တပ်ဆင်ပေးရခြင်းများကြောင့် သင်္ကြန်ကာလ လေးရက်စာအတွက် ကုန်ကျငွေသည် ကျပ်ငွေ ၁၂သိန်းမှ ၂၀ ကြားတွင် ကုန်ကျမည် ဖြစ်ကြောင်း သိရှိရသည်။
မြန်မာနိုင်ငံတွင် လုံခြုံရေးဝန်ဆောင်မှုအား အဓိက ထားလုပ်ဆောင်နေကြသည်မှာ အစိုးရထိပ်ပိုင်း ခေါင်းဆောင် များနှင့် ရင်းနှီးသည့် အသိုင်းအဝိုင်းမှ ဖြစ်ကြောင်း သိရှိရသည်။
ကျော်စွာ
--------------------------------------------------------------------------------------------------------
(SEZ) ဥပဒေတစ်ခုချင်းအလိုက်ထွက်ရှိလာပါကသီလဝါနှင့် ရန်ကုန်ဆိပ်ကမ်း လုပ်ငန်းများ ပိုမိုဆောင်ရွက်နိုင်ဖွယ်ရှိ
ရန်ကုန်၊ မတ်၂၃။
လက်ရှိ၌ ပြည်တွင်းပြည်ပ ရင်းနှီးမြှုပ်နှံမှုများဖြင့် လုပ်ကိုင်ဆောင်ရွက်လျှက်ရှိသည့် အထူးစီးပွားရေးဇုန် တခုချင်းအလိုက် သီးသန့်ဥပဒေများ ထွက်ရှိလာပါက သီလဝါစက်မှုဇုန်၊ သီလဝါဆိပ်ကမ်း နှင့် ရန်ကုန်ဆိပ်ကမ်းသည် နောင်လာမည့် ငါးနှစ် ဆယ်နှစ်အတွင်းမှာပင် ပိုမိုဖွံ့ဖြိုး လာနိုင်မည် ဖြစ်ကြောင်း ကုန်သွယ်ရေးဆိုင်ရာ ကျွမ်းကျင်သူ ပုဂ္ဂိုလ်တစ်ဦးက ပြောကြားခဲ့သည်။
ရန်ကုန်ဆိပ်ကမ်းသည် ကုန်သွယ်ပို့ဆောင်ရေး၏ သွင်းကုန်ပို့ကုန် ၉၀ ရာခိုင်နှုန်းအား ကိုင်တွယ်ဆောင်ရွက် လျှက်ရှိသည့် နိုင်ငံ၏အဓိက ဆိပ်ကမ်းတစ်ခုလည်း ဖြစ်သည်။ရန်ကုန်ဆိပ်ကမ်းအတွင်း နိုင်ငံတစ်ကာမှ သဘောင်္ကြီးများ ဝင်ရောက်ဆိုက်ကပ် နိုင်ရန် ဆိပ်ခံတံတား ၂၂ ခုထား ရှိကြောင်းသိရသည်။
ရန်ကုန်ဆိပ်ကမ်း၏ ဆိပ်ခံတံတား ၂၂ စင်းတွင် ပုဂ္ဂလိက လုပ်ကိုင်ဆောင်ရွက်နိုင်ရန် ၁၅ စင်းပေးထားကြောင်း၊ အစိုးရပိုင်အဖြစ် လုပ်ကိုင် နေသည်မှာ ၇ စင်းရှိကြောင်း၊ ထို့ပြင် သီလဝါဆိပ်ကမ်းဘက်တွင်လည်း ဆိပ်ခံတံတားနှင့် ဆိပ်ကမ်းများကို ထပ်မံတိုးချဲ့နိုင်ရန် စီစဉ်သွားမည်ပာု သိရကြောင်း၊ ရန်ကုန်ဆိပ်ကမ်းဘက်တွင်လည်း ရင်းနှီးမြှုပ်နှံမည့် သူများ တိုးလာနိုင်ကြောင်း၊ ထိုသို့တိုးလာပါက ရန်ကုန်ဆိပ်ကမ်းတွင် ထုတ်ကုန်၊ သွင်းကုန်လုပ်ငန်းများကို ပိုမိုလုပ်ဆောင် လာနိုင်ဖွယ်ရှိကြောင်း အပြည်ပြည်ဆိုင်ရာ ကုန်စည်လုပ်ငန်း လုပ်ကိုင်ဆောင်ရွက်လျှက်ရှိသော ပုဂ္ဂိုလ်တစ်ဦးက ပြော ကြားသည်။
ထားဝယ်ရေနက်ဆိပ်ကမ်းအား စတင်လုပ်ဆောင်မည့်အချိန်မှစ၍ ရန်ကုန်ဆိပ်ကမ်း၏ လုပ်ဆောင်နေမှုများကို ထိခိုက်နိုင်မည်မပာုတ်ကြောင်း၊ ရန်ကုန်ဆိပ်ကမ်းနှင့် ထားဝယ်ရေနက်ဆိပ်ကမ်းမှာ မတူညီသည့်အတွက် မည်သို့မျှ ထူးခြားပြောင်းလဲသွားမည်မပာုတ်ကြောင်း၊ သို့သော် ထားဝယ် ဆိပ်ကမ်း အလုပ်လုပ်ဆောင်မည့် အချိန်မှစ၍ ရန်ကုန်ဆိပ် ကမ်းမှာ ပို၍အလုပ် လုပ်ဆောင်လာနိုင်မည်ဖြစ်ကြောင်း သွင်းကုန်ထုတ်ကုန်လုပ်ငန်းမှ တာဝန်ရှိသူ တစ်ဦးက ပြော ကြားခဲ့သည်။
--------------------------------------------------------------------------------------------------------
ထားဝယ် ရေနက်ဆိပ်ကမ်း၌ ဌာနအလိုက်ရုံးခွဲများ ပြောင်းရွှေ့တော့မည်ဖြစ်
ထားဝယ် ရေနက်ဆိပ်ကမ်း အတွင်း ဋ္ဌာနဆိုင်ရာ လုပ်ငန်းများနှင့် ဆက်စပ်သည့် လုပ်ငန်းများ လုပ်ဆောင်နိုင်ရန် သက်ဆိုင်ရာ ဝန်ကြီးဌာနများ အလိုက် ဌာနဆိုင်ရာ ရုံးခွဲများကို မကြာမီကာလများ အတွင်း ပြောင်းရွှေ့ဖွင့်လှစ် တော့မည် ဖြစ်ကြောင်း သိရသည်။
ဌာနဆိုင်ရာများအလိုက် ထားဝယ် ရေနက်ဆိပ်ကမ်းနှင့် ဆက်စပ်လျှက်ရှိသည့် လုပ်ငန်းများကို အလွယ်တကူ လုပ်ဆောင်နိုင်စေရန် ဖြစ်ကြောင်း၊ ထားဝယ်ရေနက်ဆိပ်ကမ်းအတွင်း ဌာနဆိုင်ရာများအလိုက် ရုံးထိုင်ရန် အဆောက် အဦးများကိုလည်း ဆောက်လုပ်ပြီးဖြစ်သည့်အတွက် မကြာမီ အချိန်အတွင်းမှာပင် ပြောင်းရွှေ့လာကြတော့မည်ဖြစ်ကြောင်း၊ ပို့ဆောင်ရေးဝန်ကြီးဋ္ဌာနလက်အောက်မှ ဌာနများဖြစ်သည့် လူဝင်မှုကြီးကြပ်ရေး၊ စက်မှုနှင့် စီးပွားကူးသန်း တို့အပြင် အခြားသက်ဆိုင်ရာ ဌာနများလည်း ပြောင်းရွှေ့လာမည်ဖြစ်ကြောင်း ထားဝယ်ရေနက်ဆိပ်ကမ်းမှ တာဝန်ရှိသူတစ်ဦးက ပြောကြားခဲ့သည်။
ဌာနဆိုင်ရာများထဲမှ တာဝန်ရှိသူတစ်ဦးကို မေးမြန်းရာ၌လည်း ထားဝယ်ရေနက်ဆိပ်ကမ်းစီမံကိန်းသို့ တာဝန် ထမ်းဆောင်ရန် အလှည့်ကျ သွားရောက်ရမည်ပာု သတင်းထွက်နေသော်လည်း မည်သူမည်မျှ သွားရောက် တာဝန်ထမ်း ဆောင်ရမည် ဆိုသည်ကို ညွှန်ကြားချက် ကျရောက်ခြင်း မရှိသေးကြောင်း ပြောခဲ့သည်။
ထားဝယ်ရေနက်ဆိပ်ကမ်းသည် နိုင်ငံတော်မှ စီးပွားရေးဖွံ့ဖြိုးတိုးတတ်မှုများရှိလာနိုင်စေရန် လုပ်ဆောင်လျှက် ရှိသည့် စီမံကိန်း ဖြစ်သည်နှင့် အညီ လက်ရှိ၌လည်း ပြည်ပမှ ရင်းနှီးမြှုပ်နှံမှုများပြုလုပ်ရန် အထူးစိတ်ဝင်စားလျှက်ရှိသော စက်မှုဇုန်တစ်ခုလည်းဖြစ်သည်။ ၎င်းထားဝယ် ရေနက် ဆိပ်ကမ်းအား အဆင့် (၃) ဆင့်ခွဲ၍ ပြုလုပ်မည်ဖြစ်ပြီး ၁၀ နှစ်အတွင်း အကောင်အထည်ဖော် ဆောင်ရွက်သွားမည်ဖြစ်ကြောင်း သိရသည်။
--------------------------------------------------------------------------------------------------------
ဂျပန်ဆူနာမီခွေ ရောင်းအားကောင်း
ရန်ကုန်၊ မတ် ၁၈။
မတ်လ ၁၁ရက်နေ့က ဂျပန်နိုင်ငံ အရှေ့မြောက်ဘက် ဆူဒိုင်းဒေသတွင် လှုပ်ခတ်ခဲ့သော နှစ်ပေါင်း ၁၄၀အတွင်း ပဉ္စမမြောက် အင်အား အကြီးဆုံး မြေငလျှင်အကြောင်း မှတ်တမ်းတင်ထားသည့် ဒီဗီဒီခွေများ ရောင်းအားကောင်းလျှက်ရှိ ကြောင်း ၎င်းအခွေရောင်းချ သူများနှင့် ဝယ်ယူကြည့်ရှု့ သူအချို့ထံမှ သိရှိရသည်။
၄၃အထူးယာဉ် လမ်းကြောတစ်လျှောက်တွင် ၄င်းအခွေ လက်ပွေ့ရောင်းချသူတစ်ဦးက “ ကျွန်တော်က ဂျာနယ်လည်း လက်ပွေ့ရောင်းတယ်။ မိုးရွာနေတော့ ဂျာနယ်က ရောင်းရတာခက်တယ်။ ခု လက်တလော အခွေပြောင်း ရောင်းတာပေါ့။ တော်တော်တွက်ခြေ ကိုက်တယ်။ ၁၆ရက်နေ့က ခွေစရောင်းတုန်းကဆို တစ်နေ့တည်း ခွေသုံးဆယ်ကျော်ရောင်း ရတာ။ ကိုယ့်အတွက် တစ်သောင်းလောက် ကျန်တယ်။” ဟု ပြောကြားသည်။
ယင်းအခွေများသည် ပြသချိန် တစ်နာရီခွဲဝန်းကျင်ခန့်ရှိပြီး ဂျပန်သတင်းဌာနများ၊ CNN၊ AP၊ Youtube မှ ဗီဒီယို ဖိုင်များ ပေါင်း စပ် ပါဝင်ပြီး တစ်ခွေနှင့်တစ်ခွေ ပါဝင်သည့် အကြောင်းအရာများ အနည်းငယ် ကွဲပြားမှုရှိကြောင်း ၎င်းတို့ထံမှ သိရသည်။
ယင်းအခွေများကို တစ်ခွေငါးရာကျပ်ဖြင့် လမ်းဘေးအခွေရောင်းဆိုင်တိုင်းတွင် ဝယ်ယူနိုင်ကြောင်း၊ ယာဉ်လိုင်း များတွင်လည်း လက်ပွေ့ရောင်းချလျှက်ရှိကြောင်း၊ ၄၃အထူးယာဉ်လိုင်းနှင့် ၃၉ အထူးယာဉ်လိုင်း ပြေးဆွဲရာလမ်းကြော တစ်လျှောက်တွင်ပင် ယင်းခွေများ လက်ပွေ့(တက်ဆင်း) ရောင်းချသူ ၂၀ဦးထက်မနည်း ရှိကြောင်း ထပ်မံသိရသည်။
The CJs News
×××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
ရန်ကုန်တိုင်း အုပ်ချုပ်ရေးပိုင်း ဝန်ကြီးများအတွက် မော်တော်ကား ဝေစုများ ရန်ကုန်သို့ ရောက်ရှိ
ရန်ကုန်တိုင်း ဝန်ကြီးမှစ၍ ရန်ကုန်တိုင်း အုပ်ချုပ်ရေးအပိုင်းတွင် တာဝန်ယူထားသော ဝန်ကြီးများ အားလုံး အတွက် မော်တော်ကားများ ရွှေတိဂုံဘုရား အနောက်ဘက်မုဒ်ရှိ ရန်ကုန်တိုင်း လွှတ်တော်ဝင်း အတွင်းသို့ မတ်လ ၂၁ရက်နေ့တွင် ရောက်ရှိနေပြီဖြစ်ကြောင်းသိရသည်။
“အုပ်ချုပ်ရေးပိုင်းက ဝန်ကြီးတွေအတွက် သူတို့စီးဖို့ ကား ၄၁စီးရောက်နေပြီ။” ဟုရန်ကုန်တိုင်း
လွှတ်တော်မှ တာဝန်ရှိသူတစ်ဦးက ပြောဆိုသည်။ ရန်ကုန်တိုင်း လွှတ်တော်ဥက္ကဌမှာ မော်တော်ကားဝေစု ၃စီး ရရှိမည်ဖြစ်ပြီး၊ ကား ၄၁စီးလုံးးမှာ အနက်ရောင်များ ဖြစ်ကြကြောင်း သိရသည်။
“ကားတွေရောက် ရောက်ခြင်းပဲ သူတို့ရရှိမဲ့ ဝေစုအတိုင်းဝေပေးလိုက်တယ် တချို့ပဲလွှတ်တော် အဝင်းထဲမှာ ကျန်တော့တယ်။” ဟု ရန်ကုန်တိုင်း လွှတ်တော်မှ တာဝန်ရှိသူ တစ်ဦးကပြော ဆိုသည်။
အုပ်ချုပ်ရေးပိုင်းဆိုင်ရာ ဝန်ကြီးများအတွက် ခံစားခွင့်များ ရရှိနေပြီဖြစ်သော်လည်း ဥပဒေပြုရေး ဆိုင်ရာ ဝန်ကြီးများအတွက်မူ မည်သည့် ခံစားခွင့်မှ မရရှိသေးကြောင်း ဥပဒေပြုရေးဆိုင်ရာ ဝန်ကြီး တစ်ဦးက ပြောကြားသည်။
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
"ကျွန်တော်မိတ်ဆွေတစ်ယောက်က ကျွန်တော့်ကို ရှင်းပြဖူးတယ်။ Transaction Cost တွေက ၂၀ ရာ ခိုင်နှုန်းထက် မကျော်သင့်ဘူးတဲ့။ Fail State ဖြစ်တဲ့ နိုင်ငံတွေရဲ့ Transaction cost တွေက ၆၀ ရာခိုင်နှုန်းလောက်ရှိတယ်တဲ့။ ကျွန်တော်တို့နိုင်ငံရဲ့ transaction cost ကို ဂရုစိုက်ဖို့ ပြောလိုတာပါ။ ဒီ transaction cost တွေကြောင့် primary producer တွေ အလုပ် မလုပ်နိုင်ဘူးဆိုရင် ကျွန်တော်တို့ ယှဉ်ပြိုင်နိုင်စွမ်းမရှိဘူး။ ဒါကို ကျွန်တော်တို့အားလုံးက လေး လေးနက်နက် ပိုစဉ်းစားရမယ်။ အခုထိတော့ ကျွန်တော်တို့နိုင်ငံက ရိက္ခာထုတ်လုပ်ပြီး တင်ပို့နိုင်တဲ့ အခြေအနေထဲမှာ ရှိနေပါသေးတယ်။ ပိုပြီး ပို့နိုင်ဖို့ ပြင်ဆင်ဖို့တွေ လုပ်ကြရပါမယ်"
မတ် ၂၄ ထုတ် ပြည်သူ့ခေတ်ဂျာနယ် အတွဲ(၁) အမှတ်(၃၇) မှာပါသည့် စီးပွားရေးလုပ်ငန်းရှင် ဦးလှမောင်ရွှေနှင့် အင်တာ ဗျူး ကောက်နှုတ်ချက်
--------------------------------------------------------------------------------------------------------
"ဒီမှာ ဒီဇယ်၊ ဓာတ်ဆီကို တရုတ်ကိုပို့နေတယ်လို့ကြားတယ်။ အထူးသဖြင့် ဒီဇယ်ပေါ့။ အဲဒီပြဿနာက သေးသေး မဟုတ် ဘူး။ အဲဒါဟာ ပုဂ္ဂလိက ပိုင်ပြုလုပ်ပြီးမှ ဖြစ်လာတဲ့သဘောလို့ပြောလို့ရတယ်။ ပြည်တွင်းမှာ ဆီတွေ တင်သွင်းခွင့်ရတဲ့သူ တွေကလည်း ဒေါ်လာနဲ့တင်သွင်းတယ်။ ဒီပေါ်မှာ အိမ်နီးချင်းနိုင်ငံတွေရဲ့ ရေနံဈေးနှုန်းခြားနားတာတွေအပေါ် နိုင်ငံအတွက်မကြည့်ဘဲ ကိုယ်ကျိုးအတွက်ပဲကြည့်တဲ့အတွက် ပြည်တွင်းမှာကားတွေ မလိုအပ်ဘဲ တန်းစီနေရတာဟာ မဖြစ်သင့်တဲ့ ကိစ္စပဲ။ ဒီအတိုင်းသာ ဆက်သွားမယ်ဆိုရင် မြန်မာပြည်တွင်းမှာ လောင်စာဆီဈေးပိုတက်လာမယ်။ ငွေဖောင်းပွတယ်လို့ လူတွေကထင်နေတဲ့အချိန်မှာ ဈေးတွေကလည်းတက်နေတယ်။ ဒီလိုအချိန်မှာ ဆီပြဿနာသာဖြစ် မယ်ဆိုရင် အခြားကုန် ဈေးနှုန်းတွေလည်း မြင့်သထက်မြင့်နိုင်တယ်"
မတ် ၂၄ ထုတ် ရန်ကုန်တိုင်းမ် အတွဲ(၇) အမှတ်(၁၂) မှာပါသည့် ငွေကြေးပညာရှင် ဦးဟန်ထွန်း (အခွန်)နှင့် အင်တာဗျူးကောက်နှုတ်ချက်
--------------------------------------------------------------------------------------------------------
သာမန်လူများ ရေထားသည့် အမြင်စာအုပ်များကို ဖတ်ရှုချင်သည့်မျက်မမြင်များ၏ အခက်အခဲများအား ဖြေရှင်းနိုင်ရန်နှင့် မျက်မမြင်များ ရေးသား ထားသော လက်စမ်းစာများကို သာမန်လူများလည်း ဖတ်ရှုနိုင်ရန် ရည်ရွယ်၍ ယင်းဆော့ဖ်ဝဲကို ရေးဆွဲခဲ့ခြင်းဖြစ်ကြောင်း ကိုယ်တိုင် ဆော့ဖ်ဝဲ ရေးဆွဲသူ ကိုအောင်လွင်ဦးက ပြောသည်။
"မြန်မာစာကိုတစ်ခါမှ မမြင်ဖူးတဲ့ မျက်မမြင်တစ်ယောက်ကိုယ်တိုင် သူ့ရင်ထဲက ခံစားပြီး ရေးဆွဲခဲ့တဲ့ မြန်မာနိုင်ငံအတွက် မျက်မမြင်စာကနေ မြန်မာစာကို ပြောင်းလဲနိုင်တဲ့ ဆော့ဖ်ဝဲတစ်ခုပါပဲ။ အခုဆိုရင် မျက်မမြင်တစ်ယောက်က စာရေးဆရာ ဖြစ်ချင်ရင်တောင် သူတို့ဘာသာသူတို့ စာရိုက်ပြီး ရေးနိုင်ပြီ" ဟုအဆိုပါဌာနမှ လက်ထောက်ညွှန်ကြားရေးမှူး ဒေါ်ယုယု ဆွေက ပြောကြားသည်။ ယင်းဆော့ဖ်ဝဲတွင် ဇော်ဂျီနှင့် ယူနီကုတ်ကို အသုံးပြုရေးဆွဲထားပြီး၊ ယခုနှစ် ဇန်နဝါရီတွင် စတင် ရေးဆွဲခဲ့ခြင်းဖြစ်ကြောင်း သိရသည်။
မတ် ၂၄ ထုတ် 7DAY NEWS အတွဲ(၁၀) အမှတ်(၃) မှာပါသည့် "မျက်မမြင်ပရိုဂရမ်မာများရေးသား သည့် မျက်မမြင် ဘာသာပြန် ဆော့ဖ်ဝဲ ထွက်ရှိ" သတင်းမှ ကောက်နှုတ်ချက်
--------------------------------------------------------------------------------------------------------
"နိုင်ငံတော်က ပြဋ္ဌာန်းထားတဲ့ ဘာသာရပ်ကို သင်တဲ့ ကျောင်းတွေ၊ ဆရာတွေမှာ ဘယ်လိုအရည် အချင်းရှိရမယ်ဆိုတာ သတ်မှတ်ထားတယ်၊ မှတ်ပုံလည်း တင်ထားရတယ်၊ ဒီဥပဒေနဲ့ မသက်ဆိုင်တဲ့ နိုင်ငံခြား ဘာသာရပ်သင်တဲ့ ဆရာတွေရဲ့ အရည်အချင်းတွေကတော့ ကျောင်းတက်ရောက်မယ့် ဆရာရဲ့ အရည်အချင်းကို သေချာစိစစ်ဖို့ လိုအပ်ပါတယ်။ ဘာလို့ ဒီလို ပြောရတာလည်းဆိုတော့ နိုင်ငံတော်က ဒီနိုင်ငံခြား ဘာသာရပ်တွေအလိုက် ဥပဒေပြဋ္ဌာန်းထားခြင်း မရှိလို့ပါ။ ဒီလို နိုင်ငံခြား ဘာသာ ရပ်တွေကို သင်ကြားတဲ့ ကျောင်းတွေအတွက် ဥပဒေသစ်တစ်ရပ် ပြဋ္ဌာန်းဖို့က လိုအပ်ပါတယ်။ ဒါပေ မယ့် နိုင်ငံတော်ကလည်း နိုင်ငံတော်နဲ့ဆိုင်တဲ့ ကိစ္စရပ်တွေကို ဦးစွာဆောင်ရွက်ပြီးမှ ဒီဘက်ကို ဆောင်ရွက်ပေးမယ်လို့ ထင်ပါတယ်"
မတ် ၂၄ ထုတ် ပြည်သူ့ခေတ်ဂျာနယ် အတွဲ(၁) အမှတ်(၃၇) မှာပါသည့် "နိုင်ငံခြား ဘာသာရပ်သင် ပုဂ္ဂလိက ပညာသင်ကျောင်းများအတွက် ဥပဒေသစ် ပြဋ္ဌာန်းရန် မျှော်လင့် " သတင်းမှ ဥပဒေပညာရှင် ဦးကျော်ဇေယျ၏ ပြောကြားချက်အပေါ် ကောက်နှုတ်ချက်
×××××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
အခွန်စနစ် မကြေညက်သော ဝန်ကြီးဦးဆောင်မည့်မြန်မာ့ဈေးကွက်စီးပွားရေး
မတ်လ ၂၁ ရက်နေ့က ကျင်းပခဲ့သော အမျိုးသားလွှတ်တော် အစည်းအဝေးတွင် ရန်ကုန်တိုင်း ဒေသကြီး မဲဆန္ဒနယ် အမှတ်(၄)မှ လွှတ်တော်ကိုယ်စားလှယ်ဖြစ်သူ ဒေါက်တာမြတ်ဥာဏစိုးမှ ပို့ကုန် သွင်းကုန်လုပ်ငန်းစဉ်များတွင် ကောက်ခံနေသော အခွန်များနှင့် ပတ်သက်၍ မေးမြန်းရာ ဘဏ္ဍာရေးနှင့် အခွန်ဝန်ကြီး ဦးလှထွန်းက ပြန်လည် ဖြေကြားခဲ့သည်ကို တွေ့ရပါသည်။ သို့ရာတွင် မေးခွန်းမေးသူ အမတ်မင်းသည် မိမိ မေးမြန်းမည့် မေးခွန်းအပေါ်တွင် ပိုင်နိုင်ခြင်း၊ မိမိသိလိုသော မေးခွန်းအပြင် မိမိ၏ ရည်ရွယ်ချက်ကို ရှင်းလင်းစွာ ချပြနိုင်သည့် အထောက်အထား မတွေ့ရသကဲ့သို့ ပြန်လည်ဖြေကြားသူ ဝန်ကြီးမှာ ဘဏ္ဍာရေးနှင့် အခွန်ဝန်ကြီး ဖြစ်သော်လည်း ဈေးကွက်စီးပွားရေး ဆိုသည်ကိုလည်း နားမလည်၊ ဝင်ငွေခွန်၏ ဘောဂဗေဒ အခြေခံမူ ကိုပင် ကောင်းစွာ နားမလည်ဘဲ ဖြေကြားခဲ့သည် ကိုလည်း တွေ့ရပါသည်။
ဒေါက်တာမြတ်ဥာဏစိုး မေးမြန်းသော မေးခွန်းကို အကျဉ်းချုပ်တင်ပြရသော် နိုင်ငံတော်အနေဖြင့် ပို့ကုန် ၁၀ ရာခိုင်နှုန်း ကောက်ခံနေခြင်းအစား ဘဏ္ဍာရေး နှစ်အလိုက် အမြတ်ခွန်ကိုသာ သီးသန့်ကောက်ခံရန် ဖြစ်နိုင်၊မဖြစ်နိုင်နှင့် သွင်းကုန်လုပ်ငန်း တွင် ၃ ဒဿမ ၅ ရာခိုင်နှုန်း ကောက်ခံနေခြင်းကို ပယ်ဖျက် ပေးနိုင်ခြင်းရှိမရှိ တို့ကို မေးမြန်းခဲ့ပါသည်။ ထို့ပြင် အချို့သော နိုင်ငံကြီးများမှာကဲ့သို့ ပို့ကုန် အမယ်အချို့အပေါ်တွင် ထပ်ဆောင်းငွေကို နိုင်ငံတော်က ဖြည့်ဆည်းပေးနိုင်ခြင်းရှိမရှိတို့ကိုပါမေးမြန်းခဲ့ပါသည်။
ဒေါက်တာ မြတ်ဥာဏစိုးအနေဖြင့် မေးခွန်းမေးမြန်းခြင်းထက် အဘယ့်ကြောင့် ထိုအချက်ကို တောင်းဆို ရခြင်းဖြစ်ကြောင်း ရှင်းလင်းစွာ တင်ပြခဲ့သည်ကိုမတွေ့ရပါ။ ဝင်ငွေခွန်ဆိုသည်မှာ မည်သို့ အဓိပ္ပါယ် ရှိသည်ကို လည်း ဝန်ကြီးကို ပြန်လည် ပြောကြားခြင်းမရှိသကဲ့သို့ ဝန်ကြီးကိုယ်တိုင် ပင်လျှင် လည်း ရှင်းလင်းစွာ နားလည်ပုံမရပါ။ကမ္ဘာ့နိုင်ငံ အများစုတွင်corporate tax ဆိုသည့် ခေါင်းစဉ်ဖြင့် ပြည်သူ့ အခွန်ဘဏ္ဍာရရှိရန် အခွန်ကောက်ခံ ရခြင်းမှာ နိုင်ငံတစ်ခု၏ စီးပွားရေးကို စီမံခန့်ခွဲရာတွင် အခြေခံ အကျဆုံးအချက်များအနက် အစိုးရတိုင်းက တာဝန်ယူ လုပ်ဆောင်ရသော အဓိက ကျသည့် လုပ်ငန်းစဉ်တစ်ရပ်ဖြစ်သည်။
ထိုသို့ ကောက်ယူရာတွင် မိမိနိုင်ငံအခြေအနေကို လိုက်၍ corporate tax ကို ၁၀ ရာခိုင်နှုန်းမှ ၄၅ ရာခိုင်နှုန်း ကောက်ယူလေ့ ရှိသည်ကို လေ့လာသိရှိနိုင်သည်။ဤသို့ ကောက်ယူခြင်းမှ အစိုးရများအနေဖြင့် ကောက်ယူနေသော အခွန်သုံးရပ်ဖြစ်သည့် 1. Corporate tax 2. Individual income tax 3. Value added tax (VAT) တို့ ဖြစ်ပြီး ဤအခွန်သုံးရပ်ကို ချိတ်ဆက် ထိန်းညှိကောက်ယူခြင်းဖြင့် ပြည်သူ့ရေးရာ ဝန်ဆောင်မှုများ ပေးနိုင်ရန် အတွက် အစိုးရ၏ အဓိက ဝင်ငွေ အဖြစ်ကောက်ခံ ခြင်းဖြစ်သည်။
သို့သော် အထက်ပါအခွန်သုံးရပ်ကို ထိန်းညှိကောက်ယူရာတွင် အခွန်ပေးဆောင်သူများအတွက် သင့်တော်သော အခွန်နှုန်းထားဖြစ်ရန် အအအစဉ်အမြဲ အဓိကထား တွက်ချက် ထိန်းညှိရခြင်းဖြစ်ပါသည်။ ဤကဲ့သို့ ထိန်းညှိရာတွင် အခြေခံရသော မူမှာ အခွန်ပေးသူ တစ်ဦးခြင်း သော်လည်းကောင်း၊ စီးပွားရေး လုပ်ငန်းများအပေါ်တွင် လည်းကောင်း၊ ဝန်ထုတ်ဝန်ပိုးမဖြစ်စေရန်နှင့် လူတစ်ဦးချင်းမှသည် နိုင်ငံစီးပွားရေး တစ်ရပ်လုံးကို တိုးတက်ချဲ့ထွင် လုပ်ကိုင်နိုင်စေရန် အတွက် တွန်းအားတစ်ခု၊ မက်လုံးတစ်ခု ဖြစ်စေရန် ရည်မှန်းချက်ထား လုပ်ဆောင်ရပါသည်။မိမိနိုင်ငံ၏ အခွန်စနစ်သည် ဈေးကွက်စီးပွားရေး စနစ်၏ အဓိက အခြေခံ လိုအပ်ချက်ဖြစ်သော emablming business environment ဟုခေါ်သည့် လူအများ လုပ်သာကိုင်သာ ရှိမည့် စိးပွားရေး ပတ်ဝန်းကျင်ကို ဖန်တီးပေးနိုင်စွမ်းရှိမှသာ ထိုနိုင်ငံ၏ စီးပွားရေး ဖွံ့ဖြိုးတိုးတက်လာမည်ဖြစ်ပြီး လိုအပ်သည့် ပြည်သူ့ရေးရာ ဝန်ဆောင်မှုများကို ဖြည့်ဆည်းပေးနိုင်မည် ဖြစ်သည်။ ဤသို့ အပြန်အလှန် အကျိုးပြုသည့် အခွန်စနစ်ကို ထိန်းကျောင်း စီမံနိုင်ခြင်းသည်ပင်လျှင် အစိုးရတစ်ရပ်၏ အရည်အသွေးကို ဖော်ညွှန်းရာရောက်ပေသည်။
corporate tax များ ကောက်ခံသော မူများမှာ မိမိနိုင်ငံ၏ စီးပွားရေး အခြေအနေကို လိုက်၍ ပုံစံအမျိုးမျိုး ဖြစ်သည်ဟု ဆိုသော်လည်း အခွန်ကောက်ယူရန် အခြေခံအဖြစ် သတ်မှတ်ချက်မှာ အကျိုးအမြတ်ထဲမှ အစိတ်အပိုင်းတစ်ခုကို ဝင်ငွေခွန်အဖြစ် ပေးသွင်းစေခြင်းသည်ပင်လျှင် အခွန် ကောက်ခံခြင်း၏ အဓိက အကျဆုံးသော အခြေခံ သဘောတရားဖြစ်ပေသည်။ အခွန်တွက်ချက်မှုများ အားလုံးသည် ပုံစံကွဲပြားသော်လည်း အနှစ်သာရအားဖြင့် ရရှိသော အကျိုးအမြတ်ကိုသာ တွက်ချက် ကောက်ခံခြင်း ဖြစ်ပြီး လုပ်ငန်းသုံးအရင်းအနှီး working capital ကို အခြေခံ အဖြစ်ယူ၍နှုန်းထားသတ်မှတ်ကောက်ခံခြင်းမရှိပါ။
အခွန်ကောက်ခံရာတွင် တစ်နှစ်ဝင်ငွေကို တွက်ချက်၍ သတ်မှတ်ထားသော ဝင်ငွေမှ နှုတ်ယူခွင့်ပြုသည့် deductable ခေါင်းစဉ်များကို သတ်မှတ်ပေးလေ့ရှိပြီး အခွန်ရှင်းတမ်းများ တင်သွင်းစေ၍ ယင်းတို့ကို စိစစ်ပြီး အခွန်ပေးသွင်းစေခြင်းသည်သာလျှင် စနစ်ကျသော အခွန်စနစ်ဖြစ်ပါသည်။
မတ်လ ၂၁ရက်နေ့က ဘဏ္ဍာရေးနှင့် အခွန်ဝန်ကြီးဖြစ်သူ ဦးလှထွန်း၏ ရှင်းလင်းချက်များမှာ အထက်ပါ အခွန်ကောက်ယူခြင်း အခြေခံများ ဈေးကွက်စီးပွားရေး စနစ်၏ သဘောတရားများနှင့် လွဲချော်နေသည်ကို တွေ့မြင်နိုင်ပါသည်။
ဝင်ငွေခွန် ဥပဒေအရ အသားတင်အမြတ်၏ ၃၀ ရာခိုင်နှုန်း ပေးဆောင်စေခြင်း မရှိဘဲ ရောင်းရငွေ (နိုင်ငံခြားငွေဖြင့် ရောင်းရငွေ) စုစုပေါင်းအပေါ် ၂ ရာခိုင်နှုန်းသာ ပေးဆောင်စေခြင်းသည် အသားတင် အမြတ်၏ ၃၀ ရာခိုင်နှုန်းကို ပေးဆောင်ရခြင်းထက် ဝန်ထုပ်ဝန်ပိုး မဖြစ်စေရန် ဖြစ်သည်ဟု ဝန်ကြီးက ပြောကြားသွားခဲ့သည်။
ဤသည်ကိုလည်း သေချာစွာ စဉ်းစားကြည့်ပါက နိုင်ငံခြားငွေဖြင့် ရောင်းရငွေ စုစုပေါင်း၏ ၂ရာခိုင်နှုန်းကိုသာ ပေးဆောင်စေခြင်းဟု ဆိုရာတွင် အခြေခံ မတူသော အသားတင်အမြတ်နှင့် ရောင်းရငွေ စုစုပေါင်းကို နှိုင်းယှဉ်ပြောကြားသွားခြင်းမှာမှားယွင်းနေသော အချက်ဖြစ်ပါသည်။
ကုန်သွယ်မှု အမျိုးအစားနှင့် ပမာဏကို မူတည်၍ ထို ၂ ရာခိုင်နှုန်း အခွန်သည် အသားတင် အမြတ်၏ ၃၀ ရာခိုင်နှုန်းအခွန်ထက် ပမာဏ များပြားနိုင်သည်ကို လစ်လျူရှုပြီး ထိုနှစ်ခုကို နှိုင်းယှဉ် ရှင်းလင်း ပြောကြား သွားခြင်းသည် ရိုးသားပွင့်လင်းမှုမရှိရာရောက်စေပါသည်။
၈ ရာခိုင်နှုန်း ကောက်ခံသော ကုန်သွယ်လုပ်ငန်းခွန်ဆိုသည့် ကိစ္စတွင်လည်း ၅ရာခိုင်နှုန်းမှ ၂၀၀ ရာခိုင်နှုန်း အထိ ရှိကြောင်း ပြောကြားခဲ့ပြီး မိမိနိုင်ငံတွင် မလိုအပ်သည့် ပစ္စည်းများကို ပိုမိုစည်းကြပ်ကောက်ခံ ပါကြောင်း မိမိနိုင်ငံအတွက် လိုအပ်သည့် ပစ္စည်းကို လျှော့၍ ကောက်ခံပါကြောင်း အချို့ကိုမူ ကင်းလွတ်ခွင့်အထိ ပေးထားပါကြောင်း ပြောကြားသွားရာတွင် အခြေခံအချက်များ လွဲချော်နေသည်ကို တွေ့ရပါသည်။ ဝန်ကြီး ရှင်းလင်းသွားသော အချက်များမှာ သွင်းကုန်နှင့် သက်ဆိုင်သည့် မူများဖြစ်ပြီး ပို့ကုန်လုပ်ငန်းနှင့် သက်ဆိုင်ခြင်းမရှိပါ။
ပို့ကုန်အခြေပြု စီးပွားရေး စနစ်တည်ဆောက်နေသော နိုင်ငံများအနေဖြင့် မိမိနိုင်ငံ၏ သဘာဝ သယံဇာတ အရင်းအမြစ် ပြုန်းတီးစေသည့် ပို့ကုန်များမှ အပ အခြားမည်သည့် ထုတ်ကုန်မျိုးကို မဆို အခွန်ကောက်ခံခြင်း မရှိဘဲ ပို့ကုန်လုပ်ငန်းမြင့်တက်ရန် အားပေးလေ့ရှိပါသည်။
အမြတ်ချည်းသက်သက် ပေါ်တွင် ၃၀ ရာခိုင်နှုန်း အခွန်ကောက်ယူခြင်းသည် နဲသည် များသည်ဟု သုံးသပ်ခြင်းထက် ယနေ့ခတ် အခါအရ ရရှိသည့် အကျိုးအမြတ် ပမာဏကို အခြေခံသည့် သင့်တော်သော နှုန်းထားများဖြင့် အဆင့်ဆင့်ကောက်ခံခြင်း စနစ်က သာ ဈေးကွက်စီးပွားရေး စနစ်ကို ပီပြင်စေမည် ဖြစ်ပါသည်။ ဥပမာ စင်္ကာပူတွင် အရင်းအနှီးငွေထဲမှ ကြိုတင်ထုတ်ယူခြင်းမဟုတ်ဘဲ အမှန်တကယ်ရရှိသည့် ဝင်ငွေခွန်ပေါ်တွင် ကောက်ခံသည့် အခွန်နှုန်းထားများမှာ အောက်ပါအတိုင်း ဖြစ်ပါသည်။
ဝင်ငွေ ၀ ဒေါ်လာ မှ ဒေါ်လာ ၁ သိန်း အတွင်းသည် အခွန်ငွေ ပေးဆောင်ရန်မလိုပါ။ သို့ရာတွင် ၃ နှစ်အကြာ ကုမ္ပဏီ အရှိန်ရလာသည့်အခါတွင် ဝင်ငွေ ဒေါ်လာ ၁သောင်းမှ ၃ သိန်းအထိကို ၄ ဒဿမ ၅ ရာခိုင်နှုန်း စတင် ကောက်ခံပါသည်။ ကောက်ခံရာတွင်လည်း လုပ်ငန်းရင်းနှီးငွေပေါ်မှ မဟုတ်ဘဲ အသားတင်အမြတ်ပေါ်မှသာ ကောက်ခံခြင်း ဖြစ်သည်။ဝင်ငွေ ဒေါ်လာ ၁ သိန်းမှ ၃ သိန်းဖြင့် စတင်ရရှိသော ကုမ္ပဏီ တစ်ခု အတွက် အခွန်ငွေမှာ ၈ ဒဿမ ၅ ရာခိုင်နှုန်း၊ ၃သိန်းမှ ၂သန်းအကြားရရှိသူအတွက် ဝင်ငွေခွန်ကို ၁၇ ရာခိုင်နှုန်းထိ ကောက်ခံပါသည်။ ထိုသို့ကောက်ခံရာတွင်လည်း အသားတင် အမြတ်မှသာ ကောက်ခံခြင်းဖြစ်ပြီး လုပ်ငန်းရင်းနှီးငွေပေါ်တွင် ကောက်ခံခြင်းမပြုပါ။
အခွန်ထမ်းများ ဝန်ထုတ်ဝန်ပိုး မဖြစ်စေရန်နှင့် အခွန်ထမ်းဆောင်ရာတွင် ရှင်းလင်းစေရန် အတွက် နိုင်ငံခြားငွေနှင့် ရောင်းရသည့် အပေါ်တွင် ကုန်သွယ်လုပ်ငန်းခွန် အဖြစ် ၈ရာခိုင်နှုန်းကိုသာ ပေးဆောင်စေသည်ဟု ဆိုရာတွင်လည်း အခွန်ကောက်ခံခြင်း၏ အခြေခံမူဖြစ်သည့် လုပ်ငန်း အရင်းအနှီး မပြုန်းတီးစေဘဲ ရရှိသော အကျိုးအမြတ်ထဲမှ အစိတ်အပိုင်းတစ်ခုကိုသာ ကောက်ယူရာ မရောက်သည်ကို တွေ့ရှိရပါသည်။ ဤလွဲမှားချက်သည် ပို့ကုန်လုပ်ငန်းများ ကြီးထွားနိုင်မှုကို အဟန့်အတားဖြစ်စေသကဲ့သို့ အမျိုးသား စီးပွားရေး တစ်ခုလုံး၏ ယှဉ်ပြိုင်နိုင်စွမ်းကို ဖျက်စီးရာရောက်နေပါသည်။
ထိုသို့ အမျိုးသား ယှဉ်ပြိုင်နိုင်စွမ်းအားကို ဖျက်ဆီးနေယုံမျှမက မြန်မာနိုင်ငံအနေဖြင့် နိုင်ငံခြား ရငွေအားလုံး (အကျိုးအမြတ်ပေါ်မှ မဟုတ်ဘဲ ရငွေအားလုံး) အပေါ် ၁၀ ရာခိုင်နှုန်းကောက်ခံနေခြင်းသည် ရင့်သီး လွန်း၍ နားမလည်နိုင်အောင်ပင် ဖြစ်ရပါသည်။ ဥပမာဆိုရလျှင် ဒေါ်လာ ၁၀၀ ရင်းနှီး မြှပ်နှံ၍ မြန်မာနိုင်ငံဘက်မှ ပို့ကုန်တင်ပို့ သူ ကုန်သည်တစ်ဦးသည် ဒေါ်လာ၁၀၀ အပေါ်တွင် ၅ ဒေါ်လာအမြတ်ဖြင့် တစ်နှစ်အတွင်း ၁၀ကြိမ်တင်ပို့ပြီးလျှင် အရင်းပြုတ်သွားတော့မည့် သဘောဖြစ်နေပါသည်။ ဤကိစ္စမျိုးကို ဝန်ကြီးဖြစ်သူက တရားပါသည်ဟု ဆိုရခြင်းမှာ အံသြဖွယ် ဟုသာဆိုရပါလိမ့်မည်။
သွင်းကုန်လုပ်ငန်းများမှ ကောက်ယူနေသော ပင်ရင်းမှ နှုတ်ယူပေးသွင်းသည့် အခွန် withholding tax ၃ဒဿမ ၅ရာခိုင်နှုန်းသည်လည်း သွင်းကုန်လုပ်ငန်းအတွက် ငွေထုတ်ပေးရန် တာဝန်ရှိသူ နိုင်ငံခြားသားအပေါ်မှ ကောက်ခံခြင်းဖြစ်ရာ အစိုးရတစ်ရပ်အနေဖြင့် ကောက်ယူပိုင်ခွင့်ရှိပါသည်။ သို့သော် လုပ်ငန်းရင်းနှီးငွေပေါ်မှ ကောက်ယူပြီး သက်ဆိုင်ရာသို့ လွှဲပြောင်းပေးရသည့် အခွန်အမျိုးမျိုးမဟုတ်ပါ။ ဤကဲ့သို့ အခွန်ကောက်ခံပုံသည် ကမ္ဘာ့နိုင်ငံ အများစု၏ ကုန်သွယ်ရေး လုပ်ငန်းများတွင် ကောက်ယူခြင်း လုံးဝ မရှိသည့် အမျိုးအစားဖြစ်ပါသည်။
၎င်းအခွန်သည် သွင်းကုန်ပစ္စည်း ဝယ်ယူတင်သွင်းသည့် နိုင်ငံသားက ပေးဆောင်ရခြင်းမဟုတ်ဘဲ ပေးချေငွေရရှိသည့် ကုန်ပစ္စည်းရောင်းချသူ ပြည်ပနိုင်ငံခြားသာကိုသာ ပေးဆောင်စေရခြင်းဖြစ်ပါသည် ဟု ဆိုသည့် အချက်သည်လည်း အခြေခံအားဖြင့် လွဲမှားနေသည်။
အဘယ့်ကြောင့်ဆိုသော ဤအခွန်အမျိုးအစားသည် မိမိနိုင်ငံအတွက် လာရောက် မြှုပ်နှံထားသည့် လုပ်ငန်းများ အပေါ်မှ အကျိုးအမြတ် ခွဲဝေမှုများကို အခွန်အဖြစ် ကောက်ယူရာတွင် လွယ်ကူရှင်းလင်းစေရန် အတွက် ကြိုတင်ပေးသွင်းစေပြီး ဘဏ္ဍာရေးနှစ်အကုန် အခွန်ရှင်းလင်းချိန်တွင် ထည့်သွင်း ရှင်းလင်းစေသည့် စနစ်ဖြစ်ပါသည်။
ထိုနည်းတူ မိမိနိုင်ငံတွင် လာရောက်၍ အလုပ်လုပ်ကိုင်နေသော နိုင်ငံခြားသား လခစားဝန်ထမ်းများ၏ ဝင်ငွေခွန်ကို စည်းကျပ်နိုင်ရန် အသုံးပြုသော နည်းလမ်းဖြစ်ပါသည်။ မိမိနိုင်ငံအတွင်းတွင် နိုင်ငံခြားသားများ ပိုင်ဆိုင်ခွင့် ပြုထားသည့် မရွှေ့မပြောင်းနိုင်သော ပစ္စည်းများ ကွန်ဒိုတိုက်ခန်းများ (နိုင်ငံခြားသားများကို မြေယာပိုင်ဆိုင်ခွင့် ပေးလေ့ မရှိသဖြင့်) ကဲ့သို့သော ပိုင်ဆိုင်မှုများ လွှဲပြောင်းရောင်းဝယ်မှုဖြင့် ရရှိသည့် အကျိုးအမြတ်များ အပေါ်မှ ဝင်ငွေခွန်စည်းကြပ်ခြင်း အတွက် အသုံးပြုသည့် နည်းလမ်းတစ်ခု ဖြစ်ပါသည်။
နိုင်ငံအစိုးရတရပ်အနေဖြင့် သင့်တော်သော နှုန်းထားအနေဖြင့် အခွန်ကောက်ခံခြင်းမှာ မိမိအခွင့် အာဏာအတွင်းရှိ လုပ်ပိုင်ခွင့်ရှိသော ၊ ရပိုင်ခွင့်ဖြစ်သော်လည်း ဤကဲ့သို့ သွင်းကုန်လုပ်ငန်းများမှ အခွန်ကောက်ခံခြင်းကို လွဲမှားသော ခေါင်းစဉ်တပ်၍ ကောက်ခံနေခြင်းမှာ မှားယွင်းနေသော ကိစ္စတစ်ရပ်ဖြစ်ပါသည်။
အချုပ်အနေဖြင့် ပြောရလျှင် ဘဏ္ဍာရေးနှင့် အခွန်ဝန်ကြီး ဦးလှထွန်းပြန်လည် ဖြေကြားသွားခြင်းသည် ရိုးရှင်းလွယ်ကူသည့် အခွန်ကောက်ခံခြင်း အခြေခံမူများကို နားလည်သိရှိမှု မရှိသကဲ့သို့ ဖြေကြားသွားသည်ကို တွေ့ရပါသည်။
ထို့ပြင် စစ်အစိုးရ ဝန်ကြီးများ၏ ဖြေကြားတုံ့ပြန်ပုံတို့မှာ ကြံခိုင်ရေးပါတီ မဟုတ်သော အဆိုအားလုံးကို မှားယွင်း ကြောင်း ကိန်းဂဏန်းများ ရွတ်ပြ၍ ရုပ်သိမ်းခိုင်းခြင်း၊ မေးခွန်းအားလုံးကို မလိုက်လျောနိုင်ကြောင်း အကြောင်း အမျိုးမျိုးပြ၍ ငြင်းပယ်ခြင်းများကို တစ်သွေး၊ တစ်သံ တစ်မိန့် ဦးလည်မသုန် ထမ်းရွက်ရမည့် တာဝန်ကြီးတစ်ရပ် သဖွယ် ထမ်းဆောင်နေ ကြသည် ကိုတွေ့ရပါသည်။ ထိုဝန်ကြီးအားလုံးသည် လွှတ်တော်ထဲသို့ အမှန်အကန် မဲရလဒ်ဖြင့် ရောက်ရှိလာကြသော အမတ်မင်းများနောက်တွင် ပြည်သူလူထုကြီး ရှိနေသည်ကို ထီမထင်၊ အရေးမစိုက်သည့် သဘောပြနေ ကြသည်ကို စိတ်ပျက်ဖွယ် တွေ့ရှိနေရပါသည်။
အမှန်တကယ် သိရှိနားလည်ခြင်း မရှိဟုဆိုပါက နိုင်ငံတစ်နိုင်ငံ အစိုးရတစ်ခု၏ အသက်သွေးကြောဟု ပြောဆိုနိုင်သည့် အခွန်ကောက်ခံသည့် လုပ်ငန်းကို ဤဝန်ကြီးအနေဖြင့် ပိုင်နိုင်စွာ စီမံကွပ်ကဲနိုင်မည်ဟု မယူဆနိုင်ပါ။ အကျိုးဆက်အနေဖြင့် ဈေးကွက်စီးပွားရေး စနစ် ဖွံ့ဖြိုးတိုးတက်လာရန်နှင့် ယင်းမှ ရရှိမည့် အခွန်ငွေများဖြင့် ပြည်သူ့ရေးရာ ဝန်ဆောင်မှုများ ထိရောက်စွာ လုပ်ဆောင်ပေးနိုင်မည့် အလားအလာ လွန်စွာမှပင် နည်းပါးနေသည်ဟု သုံးသပ်နိုင်ပါသည်။
ထိုသို့ မဟုတ်ဘဲ အခြေခံမူများကို သိရှိနားလည်သော်လည်း စစ်အစိုးရလက်ထက် ဗဟိုချုပ်ကိုင်မှုများကြောင့် လုပ်သာကိုင်သာ မရှိခြင်းဟု ဆိုပါက ယခုအချိန်သည် ထိုအလွဲများကို ဥပဒေပြုရေး နည်းလမ်း အစိုးရစီမံခန့်ခွဲခြင်း နည်းလမ်း စသည့် နည်းလမ်းပေါင်းစုံဖြင့် ပြုပြင်ပြောင်းလဲရမည့် အချိန်ဖြစ် ပါသည်။
ဤကဲ့သို့ ပြုလုပ်မှသာ ပြည်ပရောက် မြန်မာနိုင်ငံသားများအကြား ခဲတံနှင့် ခဲဖျက်သာ ကိုင်ခွင့်ရှိသည့် ဘဏ္ဍာရေးဝန်ကြီး အဖြစ်မှ နိုင်ငံ၏ fiscal policy ဟု ခေါ်ဆိုသည့် ငွေကြေးမူဝါဒ ထိန်းကျောင်းသူအဖြစ် တက်လမ်းရမည့် အချိန်လည်း ဖြစ်ပါသည်။
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.
×××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
