![]() | yangonchronicle 2011 |
၂၇.၅.၂၀၁၁
ဘာသာပြန်သတင်းများ
မြန်မာသည် အာဆီယံအတွက် ဖြေရှင်းရခက်သော ပြဿနာဖြစ်နေဆဲ
(25 May 2011 ရက်စွဲပါ The Nation ၏ ခေါင်းကြီးပိုင်းဖြစ်သော Burma remains a millstone around Asean’s neck ကို ဘာသာပြန်ဆိုသည်)
ပြီးခဲ့သည့် မသမာသော ရွေးကောက်ပွဲ ပြီးကတည်းကပင် အမည်ဆိုးတွင်သော နိုင်ငံတွင် မြင်သာထင်သာသော တိုးတက်မှုများ မရှိခြင်းသည် အာဆီယံ၏ ပြင်ပရေးရာကိစ္စများကို ထိခိုက်စေသည်။ သမ္မတဦးသိန်းစိန်ဦးဆောင်သော မြန်မာအစိုးရသစ်သည် အပေါင်းလက္ခဏာဆောင်သော ပြောင်းလဲမှုနှင့် ရိုးသားမှုရှိပါက တိုင်းပြည်နှင့် နိုင်ငံသားများ၏ အနာဂတ်ကို ကြီးမားသော ပြောင်းလဲမှုများ ပြုလုပ်ပေးနိုင်မည် ဖြစ်သည်။
ဦးသိန်းစိန်သည် ခေါင်းဆောင်သစ်တစ်ဦး အနေဖြင့် နိုင်ငံတကာအသိုင်းအဝိုင်းသို့ အနည်းငယ်လုပ်ပြရုံမျှဖြင့် ယင်းသည် စစ်အာဏာရှင် ဗိုလ်ချုပ်မှူးကြီးသန်းရွှေ၏ ကြိုးဆွဲရာ ကရသူမဟုတ်ကြောင်း၊ စစ်အစိုးရဟောင်း၏ အခွင့်ထူးခံ မဟုတ်ကြောင်း သက်သေပြရန် လုံလောက်နေသည်။ လုပ်ပြရမည့် အရေးကိစ္စများတွင် လူ့အခွင့်အရေးကိစ္စနှင့် အကျင့်ပျက်ခြစားမှုတို့ပင် ဖြစ်သည်။ ဦးသိန်းစိန်အား လူမုန်းများသော အစိုးရအပေါ် ပြုပြင် ပြောင်းလဲမှုများ ယူဆောင် လာနိုင်သည့် လက်တွေ့ဝါဒခေါင်းဆောင်သစ်အဖြစ် ဖော်ပြလာသည်။
လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် Tomas Ojea Quintana နှင့် အထူးသံတမန် Vijay Nambiar တို့ကလည်း မြန်မာ နိုင်ငံ၏ လက်ရှိအခြေအနေကို ထိုနည်းလည်းကောင်း သုံးသပ်ခဲ့ကြသည်။ အစိုးရသစ်၏ တိုးတက်မှုများကို သုံးသပ်ရန် လာရောက်မည့် Quintana မှာ ပြည်ဝင်ခွင့် ငြင်းပယ်ခံခဲ့ရပြီး Nambiar မှာ ယခုလအစောပိုင်းက လာရောက်ခွင့်ရခဲ့သည်။
ပထမဦးစွာ ပြောရမည့်အချက်မှာ တိုင်းရင်းသားများအပေါ် လူ့အခွင့်အရေးချိုးဖောက်မှုများမှာ လျော့မသွားဘဲ ပိုလာသည်ဆိုသည့် အချက် ဖြစ်သည်။ Quintana ၏ မှန်ကန်သောသုံးသပ်ချက်အရ အစိုးရ၏ စစ်ရေးအရ စနစ်တကျလုပ်ဆောင်မှုကြောင့် ထိုင်း-မြန်မာ နယ်စပ်တွင် လူ့အခွင့်အရေး ချိုးဖောက်မှုကို ဖြစ်စေသည်ဟု ဆိုသည်။ မြေသိမ်းယူမှုများ၊ အတင်းအဓမ္မ လုပ်အားပေးစေမှုများ၊ ရွှေ့ပြောင်းစေမှုများနှင့် လိင်ဆိုင်ရာ ကျူးလွန်မှုများ ကျယ်ပြန့်စွာ ဖြစ်ပွားလျက် ရှိသည်။ မြန်မာစစ်တပ်သည် အမျိုးသမီးများအား အဓမ္မပြုကျင့်ခြင်းအား တိုင်းရင်းသားများ အထူးသဖြင့် ရှမ်းပြည်တွင် အကြမ်းဖက် လက်နက်သဖွယ် အသုံးပြုမှုမှာ လူအများသိရှိသော အချက်တစ်ခုဖြစ်သည်။
အရေးကြီးဆုံးဖြစ်သော အမျိုးသားပြန်လည်ပေါင်းစည်းရေးလုပ်ငန်းစဉ်ကို သုံးဦး သုံးဖလှယ် စတင်ရမည်ကို မစနိုင်ဘဲ ရှိနေသေးသည်။ ကရင် ပြည်နယ်ရှိ သူပုန်များနှင့် အပစ်အခတ်ရပ်စဲရေး၊ ရှမ်းပြည်နယ်မှ နိုင်ငံရေးအကျဉ်းသားများ လွှတ်ပေးရေး ကဲ့သို့သော အချို့တိုင်းရင်းသားအုပ်စုများနှင့် ပတ်သက်၍ အစိုးရထံမှ အပေါင်းလက္ခဏာ ဆောင်သော လက္ခဏာများ ရှိခဲ့သည်။ သို့သော် ခိုင်မာသော ရလဒ်များ ရှိရမည် ဖြစ်သည်။ ထိုအချက်မှလွဲ၍ ခြုံကြည့်လျှင် အပေါင်းလက္ခဏာဆောင်ခြင်းကိုသာ တွေ့ရမည် ဖြစ်သည်။
ပြီးခဲ့သည့်အပတ်က အမေရိကန် လက်ထောက်နိုင်ငံခြားရေးဝန်ကြီး Joseph Yun သည် မြန်မာနိုင်ငံသို့ အစိုးရသစ်တက်ပြီး ပထမဆုံး အမေရိကန် အကြီးတန်းအရာရှိ အဖြစ် လာရောက်ခဲ့သည်။ ယင်းက သတင်းထောက်များသို့ ပြောကြားရာတွင် လူ့အခွင့်အရေးတိုးတက်မှု၊ နိုင်ငံရေး အကျဉ်းသားများ အားလုံးလွှတ်ပေးမှုနှင့် ကောင်းမွန်သော အုပ်ချုပ်ရေးတို့ အပေါ် အခြေခံ၍ မြန်မာနိုင်ငံနှင့် အားကောင်းစွာ ဆက်ဆံရန် လိုလား ကြောင်း ပြောခဲ့သည်။ ယခုလက်ရှိ အချိန်တွင်မူ အထက်ပါအခြေအနေများ ပြည့်မီသည်အထိ ဝါရှင်တန်က မြန်မာနိုင်ငံအပေါ် ချမှတ်ထားသော အရေးယူမှုများ ဆက်လက် ထားရှိမည်ဖြစ်သည်။
အတိုက်အခံခေါင်းဆောင် ဒေါ်အောင်ဆန်းစုကြည်က အမေရိကန်အား လူ့အခွင့်အရေး တိုးတက်မှုများ ရသည်အထိ Sanctions များ ဆက် လက် ထားရှိရန် တိုက်တွန်းခဲ့ပြီး Sanctions များသည် စစ်ခေါင်းဆောင်များကို ထိခိုက်သည်ဟု ဆိုသည်။ မြန်မာနိုင်ငံတွင် အပေါင်းလက္ခဏာဆောင် သော တိုးတက်မှုများ မရှိမခြင်း ၂၀၁၄ တွင် အာဆီယံ အဖွဲ့ဥက္ကဌ တာဝန်ယူခြင်းကို ခွင့်ပြုရန် မစဉ်းစားသင့်ပေ။ အင်ဒိုနီးရှားနိုင်ငံခြားရေးဝန်ကြီး Marty Natalegawa သည် လက်တွေ့အခြေအနေများ အကဲဖြတ်ရန် သွားရောက်ခြင်းမရှိသေးပေ။ ကံကောင်းထောက်မစွာပင် အာဆီယံ ခေါင်းဆောင် များသည် ထိုကိစ္စအား စဉ်းစားရန် နိုဝင်ဘာလအထိ ရွှေ့ဆိုင်းထားသည်။ အဆိုပြုသောနှစ်မှာ သုံးနှစ်ခန့်လိုသေးသည် ဆိုသော်လည်း မြန်မာနိုင်ငံမှ အခြေအနေများသည် ဒေသတွင်း စုဖွဲ့မှုနှင့် ဆွေးနွေးဖက်ပါတနာများ အထူးသဖြင့် အမေရိကန်တို့အပေါ် များစွာသက်ရောက်မှုများ ရှိနိုင်ပေသည်။ မြန်မာနိုင်ငံတွင် တိုးတက်မှု မရှိခြင်းကြောင့် ဝါရှင်တန်က ပါဝင်ရန်ငြင်းဆိုခဲ့လျှင် အာဆီယံဦးဆောင်သော ဖိုရမ်များဖြစ်သည့် အရှေ့အာရှ ထိပ်သီး အစည်းအဝေးမှာ ဆိုးဝါးစွာ ရပ်တန့်သွားနိုင်သည်။ အာဆီယံအနေဖြင့် အဆိုပါသံတမန်ရေးရာ မှားယွင်းမှုကို မလုပ်ဆောင်သင့်ပေ။
မြန်မာနိုင်ငံကို အာဆီယံသို့ ၁၉၉၇ ခုနှစ်က ဝင်ရောက်ခွင့်ပြုခဲ့သည့်အချိန်တွင် မြန်မာနိုင်ငံသည် သွေးထွက်သံယို နှိပ်ကွပ်မှုများ၊ မရိုးသားသော လုပ်ဆောင်မှုများကို နှစ်ပေါင်းများစွာကပင် လုပ်ဆောင်ခဲ့ပြီးဖြစ်သည်။ ထိုသမိုင်းကြောင်းကို ကြည့်၍ အကဲဖြတ်ရလျှင် နေပြည်တော်သည် ကုလ သမဂ္ဂနှင့် နိုင်ငံတကာအသိုင်းအဝိုင်းက တောင်းဆိုချက်များကို လုပ်ဆောင်ပေးလိမ့်မည်ဆိုသည်မှာ သံသယဖြစ်ဖွယ်ဖြစ်သည်။ နိုင်ငံတကာ၏ စုစည်းညီညွတ် သော ကြိုးပမ်းအားထုတ်မှု သည်သာ မြန်မာနိုင်ငံ အကောင်းဖက်သို့ ပြောင်းလဲရေးအကူအညီ ပေးနိုင်လိမ့်မည်ဖြစ်သည်။
************************************************************************
ဒေါ်အောင်ဆန်းစုကြည် ဟောင်ကောင်ကျောင်းသားများနှင့်စကားပြောမည်
(24 may 2011 ရက်စွဲပါ Monsters and Critics မှ Myanmar’s Aung San Suu Kyi to speak to Hong Kong students ကိုဘာသာပြန်ဆိုသည်)
မြန်မာ့အတိုက်အခံခေါင်းဆောင် နှင့် နိုဘယ်ဆုရှင် ဒေါ်အောင်ဆန်းစုကြည် သည်ကျောင်းသားများနှင့် ဗီဒီယိုဖြင့် တိုက်ရိုက်ဆက်သွယ် စကား ပြောမည်ဖြစ်ကြောင်း ဟောင်ကောင်တက္ကသိုလ် က အင်္ဂါနေ့ က ကြေညာခဲ့သည်။
၎င်းအား “A Centenary Dialogue with Aung San Suu Kyi” ဟု အမည်ပေးထားပြီး၊ သူမ လွတ်လာပြီးကတည်းက ပထမဆုံးအကြိမ်အဖြစ် အာရှ တက္ကသိုလ် တစ်ခုမှ စကားပြောရန် ဖိတ်ကြားလာခြင်းကို လက်ခံခဲ့ခြင်း ဖြစ်သည်။ တက္ကသိုလ် ပြောရေးဆိုခွင့်ရှိသူက ပြောကြားရာတွင် ဒေါ်အောင်ဆန်းစုကြည်သည် မေလ(၃၀)ရက်နေ့တွင် ကျောင်းသားများနှင့် ပြည်သူများအား ကျယ်ပြန့်စွာ ဆွေးနွေးမည်ဟု မျှော်လင့်ရသည်ဟု ဆိုသည်။
သူမသည် မြန်မာနိုင်ငံ၏ လွတ်လပ်ရေးသူရဲကောင်း ဗိုလ်ချုပ်အောင်ဆန်း၏ သမီးဖြစ်ပြီး ပြီးခဲ့သည့် ၂၀၁၀ နိုဝင်ဘာလ (၁၃)ရက်နေ့ က နေအိမ် အကျယ်ချုပ် မှ လွှတ်ပေးခဲ့ခြင်းဖြစ်သည်။
အသက်(၆၅)နှစ် ရှိပြီဖြစ်သော သူမသည် အမျိုးသားဒီမိုကရေစီအဖွဲ့ချုပ် (NLD) ကိုဦးဆောင်ခဲ့ပြီး၊ NLD သည် နိုဝင်ဘာ ရွေးကောက်ပွဲ တွင် ပါဝင်ခွင့် မရအောင် ထိရောက်စွာ တားဆီးခြင်းခံရသည်။
ရွေးကောက်ပွဲအား အနောက်ဒီမိုကရေစီနိုင်ငံများက လိမ်ညာမှု တစ်ခုအဖြစ် သတ်မှတ်ခဲ့ပြီး၊ ဗိုလ်ချုပ်ကြီးဟောင်း ဦးသိန်းစိန် ခေါင်းဆောင် သော ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အစိုးရအာဏာ ရရှိခဲ့သည်။
************************************************************************
ဒေါ်အောင်ဆန်းစုကြည် မြန်မာပြည်တစ်ခွင် ခရီးလှည့်လည်ကာ လွတ်လပ်ခွင့် ကန့်သတ်မှု ကို အကဲစမ်းမည်
(Daily Telegraph မှ 26 May,2011 ရက်စွဲပါ “Aung San Suu Kyi to test limits of freedom with Burma tour” သတင်းကို ဘာသာပြန်ဆိုသည်။)
မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်သည် ရန်ကုန်မြို့တော်အပြင်ဘက် ဧရိယာ၌ လူထုကြား မိန့်ခွန်းများပြောကြားမှု များဖြင့် မြန်မာနိုင်ငံမှ တပ်မတော်နောက်ခံ အစိုးရ၏ စိတ်နေသဘောထားကို စမ်းသပ်ရန်ရှိသည်ဟု သိရှိရသည်။
သူမ၏ နောက်ဆုံး အကျယ်ချုပ် (၇)နှစ် ပြစ်ဒဏ်မှ အစိုးရက လွှတ်ပေးလိုက်ပြီး ၆လခန့်အကြာတွင် မြန်မာနိုင်ငံ၏ ယခင်ကမြို့တော်ဟောင်း မန္တလေးတွင် အဆုံးသတ်မည့် ခရီးစဉ်ကို မော်တော်ယာဉ်တန်းများဖြင့် သွားရန် ရည်ရွယ်ထားကြောင်း တိကျပြတ်သားစွာ ပြောဆိုလိုက်ပြီ ဖြစ်ကြောင်း နိုင်ငံရေးလုပ်ဖော်ကိုင်ဖက်တစ်ဦး ပြောကြားသည့် အတိုင်း Times က ဖော်ပြခဲ့သည်။
“သူမ ဆုံးဖြတ်ပြီးသွားပြီလို့ မကြာခင်ကပဲ ပြောခဲ့ပါတယ်။ တစ်လ (သို့) နှစ်လ အတွင်း နယ်ကို သူမ ခရီးထွက်တော့မှာပါ” ဟု ဒေါ်အောင်ဆန်း စုကြည်၏ အရင်းနှီးဆုံး လုပ်ဖော်ကိုင်ဖက်ဖြစ်သူ၊ NLD ပါဝင်တည်ထောင်သူ ဦးဝင်းတင်က Times သို့ ပြောကြားခဲ့သည်။
နိုင်ငံရေးအကျဉ်းသား အဖြစ် အကျဉ်းထောင်အတွင်း အနှစ် ၂၀ ခန့် အချိန်ကုန်ခံရသူ ဦးဝင်းတင်က ဆက်လက် ပြောကြားရာတွင် ဒေါ်အောင်ဆန်းစုကြည်၏ ပုဂ္ဂလိက လုံခြုံရေးအပေါ် ခြိမ်းခြောက်မှု မရှိဟု အစိုးရက ပြန်ကြားခြင်းကို လက်ခံရရှိထားကြောင်းနှင့် သို့သော်လည်း သူမကို ထောက်ခံအားပေးသူများနှင့် စစ်တပ်အကြား ပဋိပက္ခ ဖြစ်နိုင်ဖွယ်ရှိကြောင်း ထည့်သွင်းပြောဆိုသည်။
မြန်မာနိုင်ငံ၏ နိုင်ငံရေးပြောင်းလဲမှု အရှိန်နှေးနေခြင်းနှင့် ဒေါ်အောင်ဆန်းစုကြည် လွတ်မြောက်လာပြီးနောက် NLD ၏ အင်အားပြည့် နိုင်ငံရေးလှုပ်ရှားမှုများ ပျက်ကွက်နေခြင်းတို့ကြောင့် စိတ်ပျက်လက်ပျက်ဖြစ်နေကြသော “ဒေါ်အောင်ဆန်းစုကြည် ထောက်ခံအားပေးသူများ” ကမူ ယခုကဲ့သို့ တိုင်းပြည်တခွင် ခရီးလှည့်လည်မည့် ဆုံးဖြတ်ချက်ကို ကြိုဆိုထောက်ခံကြပါလိမ့်မည်။
ယခု မဟာဗျူဟာတွင် စွန့်စားမှုများ တွဲဖက်ပါဝင်နေသော်လည်း သူမ၏ လွတ်လပ်ခွင့်ရေချိန်ကို စမ်းသပ်ရန်နှင့် မြို့တော်ပြင်ပသို့ ထွက်၍ လှုပ်ရှားရန် ပြည်ပ ရောက် ဒီမိုကရေစီ အုပ်စုများက ငြိမ်းချမ်းရေးနိုဘယ်ဆုရှင်ကို တောင်းဆိုနေကြသည်။
၂၀၀၃ ခုနှစ်က နောက်ဆုံးအကြိမ် ရန်ကုန်မြို့တော်အပြင်ထွက်၍ နယ်ခရီးလှည့်လည်ခဲ့ရာတွင် သူမ၏ ယာဉ်တန်းကို အစိုးရ စီစဉ်ပံ့ပိုးသော ဆန္ဒပြပြည်သူများက တိုက်ခိုက်သည့်ဖြစ်ရပ် ဖြစ်ပွားခဲ့သည်။ သူမအနေဖြင့် ဆိုးဆိုးဝါးဝါး ထိခိုက်မှုအန္တရာယ်မှ သီသီကလေး လွတ်မြောက်လာ ခဲ့သော်လည်း သူမကို အားပေးထောက်ခံသူများစွာ အသက်ဆုံးရှုံးခဲ့ရပြီး သူမသည်လည်း မနှစ်နိုဝင်ဘာလ အထိ အကျယ်ချုပ်ဖမ်းဆီး ထိန်းသိမ်းခြင်း ခံခဲ့ရသည်။ လွန်ခဲ့သော ၂၂ နှစ်အတွင်း သူမ အကျယ်ချုပ် ထိန်းသိမ်းခြင်းခံရသော ကာလမှာ စုစုပေါင်း ၁၅ နှစ်ခန့်ရှိခဲ့သည်။
***************************************************************
နိုင်ငံခြား ရင်းနှီးမြှုပ်နှံမှု အတွက် မြန်မာ အသင့်ဖြစ်
(Burmese Area မှ 26 May, 2011 ရက်စွဲပါ “Myanmar get ready for foreign Investment” သတင်းကို ဘာသာ ပြန်ဆိုသည်)
လာမည့် ၅ နှစ်အတွင်း ၂၀၁၆ တိုင်အောင် နိုင်ငံခြား ရင်းနှီး မြှုပ်နှံမှုကို ကြိုဆို လက်ခံရန် မြန်မာ နိုင်ငံက ပြင်ဆင် လျက်ရှိသည် ဟု ကြာသပတေးနေ့ Xinhua သတင်းများက ဆိုသည်။ ၂၀၁၁ ဧပြီလက စသည့် ဘဏ္ဍာရေးကာလ စတင်ချိန်မှ စ၍ စီးပွားရေး ဖွံ့ဖြိုး ကြီးထွားနှုန်း ၁၀.၅% ရရှိရန် မြန်မာ အစိုးရက ပစ်မှတ် ထားသည်ဟု သိရှိရသည်။ နိုင်ငံခြား ရင်းနှီးမြှုပ်နှံမှုကို ဆွဲဆောင်နိုင်ရန် အတွက် ၂၀၁၁ မတ်လ အထိ ကဏ္ဍစုံ ရန်ပုံငွေများ ထဲသို့ အမေရိကန် ဒေါ်လာ ၃၆.၅ ဘီလျံ မြန်မာ အစိုးရက လောင်းထည့် ခဲ့သည် ဟု ဆိုသည်။ မြန်မာနိုင်ငံတွင် ၁၉၈၈ မှစ၍ ဈေးကွက် စီးပွားရေး ဦးစားပေး မူဝါဒကို စတင် ချမှတ် ကျင့်သုံးခဲ့သည်။ ယခုအခါ မြန်မာနိုင်ငံတွင် ရင်းနှီးမြှုပ်နှံမှု ပြုလုပ်ထားသော နိုင်ငံပေါင်း ၃၁ နိုင်ငံခန့် ရှိနေပြီ ဖြစ်သည်။
ဟောင်ကောင်အပါအ၀င် တရုတ်နိုင်ငံက ရင်းနှီးမြှုပ်နှံမှု အမေရိကန်ဒေါ်လာ ၁၅.၅ ဘီလျံဖြင့် ဦးဆောင်နေသည်။ ထိုင်းနိုင်ငံက အမေရိကန် ဒေါ်လာ ၉.၅၆ ဘီလျံဖြင့် ဒုတိယနေရာတွင် ရှိသည်။ ဆက်လက်၍ တောင်ကိုးရီးယား (အမေရိကန် ဒေါ်လာ ၂.၉၁၅ ဘီလျံ)၊ ဗြိတိန် (အမေရိကန် ဒေါ်လာ ၂.၆၉၅ ဘီလျံ)၊ စင်ကာပူ (အမေရိကန်ဒေါ်လာ ၁.၈၁၈ ဘီလျံ) စသဖြင့် အစဉ်လိုက် နေရာယူထားကြသည်။
နိုင်ငံခြား ရင်းနှီးမြှုပ်နှံမှုကို ပစ်မှတ်ထားသော ကဏ္ဍများထဲတွင်မူ လျှပ်စစ် စွမ်းအင်ကဏ္ဍ (ရင်းနှီးမြှုပ်နှံမှု အမေရိကန် ဒေါ်လာ ၁၄.၅ဘီလျံ)၊ ရေနံနှင့် ဓာတ်ငွေ့ (အမေရိကန် ဒေါ်လာ ၁၃.၈ ဘီလျံ) သတ္တုတွင်း (အမေရိကန် ဒေါ်လာ ၂.၈ ဘီလျံ)၊ ထုတ်လုပ်မှုကဏ္ဍ (အမေရိကန် ဒေါ်လာ ၁.၇ ဘီလျံ) ဟိုတယ်နှင့် ခရီးသွားကဏ္ဍ (အမေရိကန် ဒေါ်လာ ၁ ဘီလျံ) စသည်ဖြင့် အစဉ်လိုက် နေရာ ယူထားကြသည်။
**********************************************************************
ကုလသမဂ္ဂ လူအခွင့်အရေး ကိုယ်စားလှယ်အား မြန်မာက ပိတ်ပင်ထားခြင်းကို နမ်ဘီယာ က တင်ပြဆွေးနွေးခဲ့ခြင်းကိစ္စ သဲကွဲစွာ မသိရသေး၊ မေးခွန်းများကိုလည်း နမ်ဘီယာ က မဖြေဆို
(Inner City Press မှ 23 May 2011 ရက်စွဲပါ “As Myanmar Blocks UN Human Rights Rapporteur, Not Clear If Nambiar Raised It, He still won’t Take Questions” ကို ဘာသာ ပြန်ဆိုသည်)
မြန်မာနိုင်ငံဆိုင်ရာ ကုလသမဂ္ဂ ယာယီအထူးကိုယ်စားလှယ် ဗီဂျေနမ်ဘီးယား မြန်မာနိုင်ငံသို့ သွားရောက်ခဲ့ပြီး နောက်တွင် ကုလသမဂ္ဂ လူ့အခွင့်အရေး ကိုယ်စားလှယ် Tomas Ojea Quintana ၏ စကားလုံးများဖြစ်သော “မြေယာ သိမ်းဆည်းခြင်း၊ အဓမ္မပေါ်တာဆွဲခြင်း၊ နေစရာ မရှိခြင်း၊ ဥပဒေမဲ့သတ်ဖြတ်ခြင်း၊ လိင် အကြမ်းဖက်ခြင်း ကိစ္စများ မြန်မာ နိုင်ငံတွင် ပျံ့နှံ့နေဆဲ၊ ယနေ့အထိ ရှိနေဆဲ ဖြစ်ပြီး၊ အာဏာပိုင်များကလည်း သူတို့ လိုအပ်ချက်အရ မဖြေရှင်းရသေးပဲ ပစ်ထားဆဲ” စသည့် စကားရပ်များပါဝင်သည့် “အားတက်သရော အစီရင်ခံစာ” ကို ကုလသမဂ္ဂ လုံခြုံရေးကောင်စီ သို့ တင်ပြလိုက်ပြီဖြစ်သည်။
မစ္စတာနမ်ဘီယာက ၎င်း၏ ကုလသမဂ္ဂ ကိုယ်စားလှယ်တာဝန်နှင့် ပတ်သက်သော မေးခွန်းများ လက်ခံ ဖြေဆိုပေးရန် တောင်းဆိုမှုကို ငြင်းဆိုခဲ့သည်။ မေ (၂၃)ရက် နေ့တွင် Inner City Press က ထပ်မံ၍ “မစ္စတာ နမ်ဘီယာနှင့် မစ္စတာကင်တာနာ တို့၏ အကဲဖြတ်မှုများ ကြားမှ တူညီ သည့် အချက်များကို ယခုတစ်ကြိမ် ရှင်းပြပေးရန် နှင့် မြန်မာအာဏာပိုင်များ ပိတ်ပင်ထားသော မစ္စတာ ကင်တာနာ မြန်မာနိုင်ငံတွင်း ဝင်ရောက်ခွင့်ရရန် မစ္စတာ နမ်ဘီယာ က တောင်းဆို ခဲ့ခြင်း ရှိ/ မရှိ မေးမြန်းခဲ့သည်။
ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်း ၏ ပြောရေးဆိုခွင့် ရှိသူ မာတင်နက်စကီး က Inner City Press သို့ ပြောကြားရာတွင် ၎င်းအနေဖြင့် ဤကိစ္စကို လေ့လာနေဆဲဖြစ်ကြောင်း၊ ထင်ထားသကဲ့သို့လည်း ဖြစ်နိုင်ကြောင်း၊ နမ်ဘီယာကို မေးမြန်းရဦးမည်ဖြစ်ကြောင်း၊ အကယ်၍ ထိုကိစ္စကို အာဏာပိုင်များထံ တင်ပြခဲ့သည် ဆိုပါက ယခင်အပတ်က သတင်းတွင် ဖေါ်ပြခြင်းမရှိခဲ့သည့် အားလျော်စွာ Inner City Press သို့ ယင်းကိစ္စ နှင့် ပတ်သက်၍ ပြောပြမည် ဖြစ်ကြောင်း ရှင်းလင်းခဲ့သည်။
“မစ္စတာ နမ်ဘီယာသည် အဘယ်ကြောင့် အခြားကုလသမဂ္ဂ ကိုယ်စားလှယ်များကဲ့သို့ မေးခွန်းအနည်းငယ် မျှကိုပင် ဖြေဆိုခြင်း မပြု နိုင်သနည်း” ဟု Inner City Press ကမေးမြန်းသည်။ မာတင်နက်စကီးက “ကင်တာနာရဲ့ မေးခွန်း နဲ့ အကဲဖြတ်ချက်တွေကို သတင်းထဲမှာ မဖေါ်ပြပါဘူး” ဟုဝန်ခံလိုက်ပြီးနောက် “ဒီကိစ္စကို သတင်းထုတ်ပြန်ရာမှာ အလှည့်အပတ် ကလေးတွေပါဝင်နေပါတယ်” ဟုပြောကြားခဲ့သည်။
ကုလသမဂ္ဂသတင်းထောက်များ အသင်းအနေဖြင့် မစ္စတာ နမ်ဘီယာ၏ သတင်းစာရှင်းလင်းပွဲကို တောင်းဆိုလျက် ရှိပြီး အမှန်အတိုင်း သိရှိသဘောပေါက်နိုင်ရန် ပို၍ ပို၍ ခက်ခဲလာခြင်းကြောင့် နမ်ဘီယာ၏ ငြင်းဆန်မှုကို ပါ မေးခွန်းထုတ်လျက် ရှိကြသည်။
Inner City Press က ပို၍ စိတ်ဝင်စားဖွယ်ကောင်းသော သတင်းများရရှိရန်အတွက် ၎င်းတို့ ဝက်ဘ်ဆိုက်ကို စောင့်ဖတ်ပါဟု ဆိုသည်။
***********************************************************************
ဂျပန်နိုင်ငံ၏ လူသုံးကုန်ပစ္စည်း ငွေကြေးဖောင်းပွမှု ဧပြီလတွင် ဝ.၆% မြင့်တက်
(26 May 2011 ရက်စွဲပါ BBC news မှ Japan’s comsumer price inflation rises 0.6% in April ကို ဘာသာ ပြန်ဆိုသည်)
ဂျပန်နိုင်ငံတွင် စားသုံးကုန်ပစ္စည်းများသည် လွန်ခဲ့သော နှစ်ကထက်စာလျှင် ဧပြီလ၌ ၀.၆% မြင့်တက်ခဲ့သည်ဟု စာရင်းအင်းဗျူရို၏ အဆိုအရ သိရှိရသည်။ ယင်းမှာ ဂျပန်နိုင်ငံအတွက် နှစ်နှစ်အတွင်း ငွေကြေးဖောင်းပွမှုအတွက် ပထမဆုံးလက္ခဏာဖြစ်သည်။ သဘာဝ ဘေးအန္တရာယ် နှစ်ခု အပြီးတွင် ဂျပန်နိုင်ငံ၌ လောင်စာဆီအမြောက်အမြား တင်သွင်းခဲ့ရခြင်းကြောင့် ဖြစ်သည်။
ဈေးတက်လာသော အရေးကြီးသည့် အဓိက လူသုံးကုန်များတွင် စားသောက်ကုန်ဈေးနှုန်း မပါဝင်ခဲ့သော်လည်း မျှော်လင့်သည့်အတိုင်း ဈေးတက် လာခြင်း ဖြစ်သည်။ စားသောက်ကုန်အပါအဝင် လူသုံးကုန်ပစ္စည်းဈေးနှုန်းများသည် လွန်ခဲ့သည့်နှစ်ကနှင့် နှိုင်းယှဉ်လျှင် ဧပြီလ၌ ၀.၃% မြင့်တက် ခဲ့သည်။ ဂျပန်နိုင်ငံသည် လွန်ခဲ့သော ဆယ်နှစ်ခန့်မှစ၍ ငွေကြေးကျုံ့ဝင်မှု (deflation) နှင့် ဈေးနှုန်းများ ကျဆင်းမှုတို့ဖြင့် နပမ်းလုံး နေခဲ့ရ သည်။
ဈေးနှုန်းများကျဆင်းမှု
ငွေကြေးကျုံ့ဝင်မှုသည် ဈေးဆစ်ရမှ ကြိုက်သော ဝယ်သူ သုံးစွဲသူများအတွက် အပေါင်းလက္ခဏာ ဆောင်သည် ဟုဆိုသော်လည်း ဈေး ဆက်လက် ကျဆင်းမည်ကို မျှော်လင့်၍ ဝယ်ယူခြင်းကို တုံ့ဆိုင်းစေသည်။ ယခုဧပြီလ ကိန်းဂဏန်းများသည် ယခင်လမ်းကြောင်းနှင့် ဆန့်ကျင်ဘက် ဖြစ်ပြီး လောင်စာဆီဈေးနှုန်းမြင့်မားလာခြင်းမှ အစပြုသည်။
မတ်လ (၁၁) ရက်နေ့က မြေငလျင်နှင့် ဆူနာမီသည် လူပေါင်း (၂၄၀၀၀) ခန့်ကို သေဆုံးခြင်း၊ ပျောက်ဆုံးခြင်း များဖြစ်စေသည်။ အဆိုပါ ဘေးအန္တရာယ်သည် ဂျပန်နိုင်ငံ၏ လျှပ်စစ်ဓာတ်အား ထုတ်လုပ်မှုကိုလည်း ထိခိုက်ခဲ့သည်။ ထို့ကြောင့် လောင်စာဆီ အမြောက်အမြားကို ဝယ်ယူ တင်သွင်းခဲ့ရသည်။
“လူသုံးကုန်တွေနဲ့ ရေနံစိမ်းဈေးနှုန်းက ငွေကြေးဖောင်းပွမှု ကိန်းဂဏန်းတွေကို ဆွဲတင်ခဲ့တာပါ” ဟု Credit Suisse မှ စာရင်းကိုင်ချုပ် ဟီရိုမီချီရှိရာကာဝါက ပြောကြားခဲ့သည်။ “ကျွန်တော် မေလလောက်မှာ စားသုံးသူတွေရဲ့ သုံးစွဲမှု ပြန်နာလံထလာလိမ့်မယ်လို့ မျှော်လင့်ရပေမဲ့ လစာ အတွက် နေ့တွက်လခတွေက တက်မလာသေးပါဘူး” ဟု ၎င်းက ဆိုသည်။ “ကျွန်တော်က စားသုံးသူတွေရဲ့ သုံးစွဲနိုင်အားကို နွေရာသီအထိ ပူပန်မှုတွေ ဖြစ်နေတယ်” ဟုလည်း ဖြည့်စွက် ပြောသည်။
ဂျပန်နိုင်ငံ၏ စီးပွားရေးသည် ကမ္ဘာပေါ်တွင် တတိယအကြီးဆုံးဖြစ်ပြီး မြေငလျင်နှင့်ဆူနာမီကြောင့် စီးပွားရေး ကပ်ဆိုက်မှုကို ပြန်လည် ဖြစ်စေခဲ့သည်။ ပြည်တွင်းအသားတင် ထုတ်လုပ်မှု (GDP) သည် ယခုနှစ် ပထမသုံးလတွင် ၀.၉% လျော့နည်းခဲ့သည်။ ဂျပန်နိုင်ငံ၏စီးပွားရေးသည် တစ်နှစ်အတွင်း လေးလပတ်နှစ်ခုခန့် လျော့နည်းခဲ့ရာ သာမန်အားဖြင့် စီးပွားရေးကပ် ဟု လက်ခံထားသည်။
*********************************************************************
တရုတ်က နိုင်ငံခြားကုမ္ပဏီများကို မမျှမတဆက်ဆံ
(25 May 2011 ရက်စွဲပါ BBC News မှ China treats Foreign Firms unfairly ကို ဘာသာပြန်ဆိုသည်)
တရုတ်နိုင်ငံတွင် ဥရောပကုမ္ပဏီများ တိုးပွားလျက်ရှိသော်လည်း အစိုးရသည် မမျှတစွာ ဆက်ဆံလျက် ရှိပြီး ခွဲခြားဆက်ဆံမှု ဆက်လက် တိုးပွားလာဦးမည်ဟု မျှော်လင့်ရကြောင်း စစ်တမ်းတစ်ခုက အကြံပြုပြောကြားခဲ့သည်။
တရုတ်ရှိ ဥရောပသမဂ္ဂ ကုန်သည်ကြီးများအသင်း၏ အစီရင်ခံစာက တွေ့ရှိချက်အရ နိုင်ငံခြားသားစီးပွားရေး လုပ်ငန်းများအပေါ် ဘေဂျင်း၏ မမျှမတ ဆက်ဆံမှုသည် ကုမ္ပဏီများ၏ ၄၃% အထိ ခံရကြောင်း ယမန်နှစ်က ၃၃% သာ ရှိကြောင်း သိရှိရသည်။ အဆိုပါ ရာခိုင်နှုန်းသည် လာမည့် ၂ နှစ် အတွင်း ၄၆% ထိ တက်လာဖွယ်ရှိကြောင်း ၂၀၁၀ ခုနှစ်တွင် ၃၆% မှစ၍ တက်လာခဲ့ခြင်းဖြစ်ကြောင်း ဆိုသည်။
တရုတ် ကူးသန်းရောင်းဝယ်ရေး ဝန်ကြီးဌာနကမူ ချက်ချင်း မှတ်ချက်ပေးခဲ့ခြင်း မရှိပေ။ တရုတ်အား ယခင်ကတည်းက ယင်း၏ ကိုယ်ပိုင် ကုမ္ပဏီများအပေါ် မျက်နှာသာပေးမှုအပေါ် စွပ်စွဲမှုများ ရှိခဲ့သည်။ ၂၀၀၁ ခုနှစ် WTO သို့ ဝင်ရောက်စဉ်က လွတ်လပ်သော ကုန်သွယ်မှုအစီအစဉ်များကို ချိုးဖောက်နေသည်။ တရုတ်နိုင်ငံရှိ ဥရောပသမဂ္ဂ ကုန်သည်ကြီးများအသင်း ဥက္ကဋ္ဌ David Cucino က တရုတ်အာဏာပိုင်များအား အားလုံး သာတူ ညီမျှစေရန် အတားအဆီး အားလုံးဖယ်ရှားပေးရန် တောင်းဆိုခဲ့သည်။
ဥရောပကုမ္ပဏီ ၅၉၈ ခု ရှိသည့်အနက် ၂၀% စစ်တမ်းကောက်ယူချက်အရ မမျှတစွာ ဆက်ဆံခံရမှုများနှင့် ပတ်သက်၍ တုန့်ပြန်မှုပြုလုပ်ရန် စဉ်းစား သောအခါ တရုတ်နိုင်ငံတွင် ရင်းနှီးမြှုပ်နှံမှု လျှော့ချရန် သို့မဟုတ် ပိတ်သိမ်းရန် စဉ်းစားလျက်ရှိသည်ဟု ဆိုသည်။
ပြီးခဲ့သည့်လက တရုတ်နိုင်ငံရှိ အမေရိကန် ကုန်သည်ကြီးများအသင်းက ပြောကြားရာတွင် တရုတ်၏ မိမိကိုယ်ကို ကာကွယ်ရေးဝါဒသည် ငွေကြေးကပ်ဆိုက်မှုအပြီး ပိုမို ဆိုးရွားလာသည်ဟု ဆိုသည်။
***************************************************************************
Singapore Airlines က ခရီးဝေးသွား စရိတ်နည်း ခရီးသည်တင် လေကြောင်းလိုင်း စတင်မည်
(25 May 2011 ရက်စွဲပါ BBC News မှ Singapore Airlines to start long-haul budget carrier ကို ဘာသာ ပြန်သည်)
Singapore Airlines ( SIA ) က ၎င်းသည် ခရီးဝေး သွားသော တန်ဖိုးနည်း ဘတ်ဂျက်လေကြောင်း ပြေးဆွဲရေး အစီအစဉ် ကို စတင်တော့မည် ဖြစ်ကြောင်း ပြောကြားခဲ့သည်။ ယင်းလေကြောင်း လိုင်းသစ်ကို တစ်နှစ်အတွင်း စတင်မည် ဖြစ်ပြီး ဘော်ဒီကျယ်သော လေယာဉ်ပျံများကို အသုံးပြု၍ ခရီးသည်များ ပို့ဆောင်မည် ဖြစ်သည်။
အခြားအသေးစ်ိတ်များဖြစ်သော လေကြောင်းလိုင်း အမည်၊ ပြေးဆွဲမည့်လမ်းကြောင်းများ နှင့် လက်မှတ်ဈေးနှုန်း စသည်များကို ထုတ်ဖော် ပြောကြားခြင်း မရှိသေးပေ။ ယခု ဘတ်ဂျက်လေကြောင်းလိုင်းသည် သြစတေးလျ ၏ Qantas နှင့် မလေးရှား ၏ Air Asia တို့က ပြေးဆွဲနေသော ခရီးဝေးသွား၊ ဈေးနှုန်းလျော့ချထားသော အာရှလေကြောင်းလိုင်းများကို ပြိုင်ဆိုင်မည်ဟု မျှော်လင့်ရသည်။
“ကျွန်တော်တို့အာရှတိုက်အတွင်း ခရီးတိုတွေအပေါ် လေ့လာချက်အရ၊ အာရှလေကြောင်းလိုင်းတွေက ဈေးနှုန်း အနိမ့်နဲ့ ပြေးဆွဲတော့ ခရီးသွားမယ့် လူကို ဆွဲဆောင်ပြီးသား ဖြစ်နေတယ်” SIA ၏ အမှုဆောင်ချုပ် Goh Choon Phong က ၎င်း၏ ကြေညာချက်တွင်ဖော်ပြထားသည်။
“ခရီးဝေးသွားတဲ့ ခရီးစဉ်တွေမှာလည်း ဒီအတိုင်းပဲ ဖြစ်လိမ့်မယ်လို့ ကျွန်တော်တို့ မျှော်လင့်ပါတယ်” ဟု ၎င်းက ဖော်ပြထားသည်။ ခရီးတို ပြေးဆွဲမှုများမှာ ပြေးဆွဲချိန် လေးနာရီအောက်တွင်သာ ရှိသော်လည်း၊ ခရီးဝေးသွား ခရီးစဉ်များမှာ ထိုထက်ပိုကြာနိုင်သည်။ လေကြောင်းလိုင်းသစ်ကို စင်္ကာပူ တွင် အခြေစိုက်မည်ဖြစ်ပြီး၊ SIA က ရာနှုန်းပြည့် ပိုင်ဆိုင်မည်ဖြစ်သည်။ သို့သော် ၎င်းသည် SIA နှင့် သီးခြားစီ စီမံခန့်ခွဲမည်ဖြစ်ပြီး၊ လွတ်လပ်စွာပြေးဆွဲမည်ဖြစ်သည်။ SIA သည် Silkair ကိုလည်းပိုင်ဆိုင်ပြီး၊ အာရှတစ်ခွင် ခရီးတိုများ ပျံသန်းလျက်ရှိသည်။
Silkair ၏ ဈေးနှုန်းမှာ Jetstar Asia နှင့် Tiger Airways စသည့် ဘတ်ဂျက်လေကြောင်း လိုင်းများထက် ဈေးပိုကြီးသော်လည်း SIA ခရီးစဉ်များ ထက်မူ သက်သာသည်။
Google Docs makes it easy to create, store and share online documents, spreadsheets and presentations.