Transparency Myanmar

transparency.myanmar@gmail.com

yangonchronicle2011
yangonchronicle2011

၂၆.၁၁.၂၀၁၁

ပြည်တွင်းသတင်းများ

  1. သတ်မှတ်ကာလအတွင်း လာရောက်ထုတ်ယူခြင်းမရှိသည့် နိုင်ငံကူးလက်မှတ်များ ပယ်ဖျက်မည်
  2. မြန်မာ- ထိုင်းဒေသဆိုင်ရာ နယ်ခြားကော်မတီနှင့် မြို့နယ်အဆင့် နယ်ခြားကော်မတီ ပြင်ဆင်ဖွဲ့စည်း
  3. ပြည်တွင်းရှိ ဘဏ် ၁၁ ခု LC လုပ်ကိုင်ခွင့်ရ

ပြည်တွင်းပါတီ၊ နိုင်ငံရေးသတင်းများ

  1. ပထမအကြိမ် ပြည်ထောင်စုလွှတ်တော် ဒုတိယပုံမှန်အစည်းအဝေး ကျင်းပပြီးစီး
  2. ပထမအကြိမ် ပြည်ထောင်စုလွှတ်တော် အစည်းအဝေးတွင် အတည်ပြုဆုံးဖြတ်ခဲ့သော ဥပဒေနှင့် ဥပဒေကြမ်းများ

သတင်းနှင့် ဆောင်းပါးများမှ ကောက်နှုတ်ချက်များ

**********************************************************************************************

ပြည်တွင်းသတင်းများ

သတ်မှတ်ကာလအတွင်း လာရောက်ထုတ်ယူခြင်းမရှိသည့် နိုင်ငံကူးလက်မှတ်များ ပယ်ဖျက်မည်

နိုင်ငံကူးလက်မှတ်များ လာရောက်လျှောက်ထားပြီးသော်လည်း သတ်မှတ်ကာလအတွင်း လာရောက်ထုတ်ယူခြင်း မရှိသည့် နိုင်ငံကူး လက်မှတ်များကို ပယ်ဖျက်သွားမည်ဖြစ်ကြောင်း နိုင်ငံပိုင်သတင်းစာများတွင် ဖော်ပြချက်အရ သိရသည်။

နိုင်ငံကူးလက်မှတ်ထုတ်ပေးရေးရုံးတွင် လျှောက်ထားပြီးသော်လည်း လာရောက်ထုတ်ယူခြင်းမရှိသည့် လက်ကျန်သက်တမ်း တစ်နှစ်ကျာ် ခန့်သာ ကျန်ရှိသည့် လက်ရေးစာမူစာအုပ်များအား ဆက်လက်ထုတ်ပေးမည် မဟုတ်ကြောင်း သိရသည်။ ၎င်းပြင် စက်ဖြင့် ဖတ်ရှုစစ်ဆေးသည့် အမ်အာပီစနစ်တွင် ထုတ်ယူရန်ကျန်ရှိသော စာအုပ်များအနက် ၂၀၁၀ ပြည့်နှစ်အတွင်းက လျှောက်ထားသူများကို ၂၀၁၁ နှစ်ကုန်တွင် ဆက်လက် ထုတ်ပေးခြင်းမပြုရန် စီစဉ်လျက်ရှိကြောင်း သိရသည်။ ၂၀၁၀ ပြည့်နှစ်အတွင်းက လျှောက်ထားပြီး လာရောက်ထုတ်ယူခြင်းမပြုသည့် စာအုပ်များကို ၂၀၁၁ ခုနှစ် ဒီဇင်ဘာ ၃၁ ရက်နေ့ နောက်ဆုံးထားပြီး လာရောက်ထုတ်ယူရမည်ဖြစ်ကြောင်း သိရသည်။

နိုင်ငံကူးလက်မှတ်စာအုပ်များ လျှောက်ထားပြီး လာရောက်ထုတ်ယူခြင်း မရှိသည်မှာ ၂၀၀၈ ခုနှစ်မှ ၂၀၀၉ ခုနှစ်အတွင်း လက်ရေးနှင့် ရေးသား ထားသည့် နိုင်ငံကူးလက်မှတ်အဟောင်း စာအုပ် ၆၀၇၉၄ အုပ်နှင့် အမ်အာပီ(ကွန်ပျူတာ)စနစ်ဖြင့် ထုတ်ပေးသည့်စာအုပ် ၄၂၆၆၃ အုပ်ရှိကြောင်း နိုင်ငံပိုင်သတင်းစာများတွင် ဖော်ပြချက်အရ သိရသည်။

YC

-----------------------------------------------------------------------------------------------------------------------------------

မြန်မာ- ထိုင်းဒေသဆိုင်ရာ နယ်ခြားကော်မတီနှင့် မြို့နယ်အဆင့် နယ်ခြားကော်မတီ ပြင်ဆင်ဖွဲ့စည်း

မြန်မာ- ထိုင်းဒေသဆိုင်ရာနယ်ခြားကော်မတီနှင့် မြန်မာ-ထိုင်း မြို့နယ်အဆင့် ဒေသဆိုင်ရာနယ်ခြားကော်မတီကို ၂၀၁၁ ခုနှစ် အောက်တိုဘာ လ ၁၇ ရက်နေ့တွင် ပြင်ဆင်ဖွဲ့စည်းခဲ့ကြောင်း သိရသည်။

နိုင်ငံတော်အစိုးရအဖွဲ့က ချမှတ်ပေးသော မူဝါဒဘောင်အတွင်းမှ မြန်မာ- ထိုင်းနယ်စပ်ဒေသတွင် အရေးတကြီး ဆောင်ရွက်ရန် ပြဿနာများ ပေါ်ပေါက်လာပါက တစ်ဖက်ဒေသဆိုင်ရာ နယ်ခြားကော်မတီနှင့် အပြန်အလှန်ဆက်သွယ်၍ ပူးပေါင်းညှိနှိုင်း ဖြေရှင်းရမည်ဖြစ်ကြောင်း သိရသည်။

လုံခြုံရေးကိစ္စရပ်များမှအပ နယ်ခြားဒေသတွင် ပေါ်ပေါက်လာသည့် စီးပွားရေး၊ လူမှုရေး၊ လူဝင်မှု၊ အကောက်ခွန်၊ မှုခင်းနှင့် မူးယစ်ဆေးဝါး ကိစ္စရပ်များကို ကာကွယ်ရေးဦးစီးချုပ်ရုံး(ကြည်း)မှတစ်ဆင့် သက်ဆိုင်ရာဝန်ကြီးဌာနများသို့ ဆက်သွယ်ညှိနှိုင်း ဆောင်ရွက်ရမည် ဖြစ်ကြောင်း သိရသည်။

ပြဿနာများပေါ်ပေါက်မှု မရှိစေရန် လိုအပ်သော ကြိုတင်စီမံမှုများ၊ နည်းလမ်းများ၊ လိုက်နာရမည့် လုပ်ထုံးလုပ် နည်းမူများ ချမှတ်ထားရှိရမည် ဖြစ်ကြောင်းသိရသည်။ ဒေသဆိုင်ရာနယ်ခြားကော်မတီသည် ကာကွယ်ရေးဦးစီးချုပ်ရုံး (ကြည်း)မှတစ်ဆင့် အမျိုးသားကာကွယ်ရေးနှင့် လုံခြုံရေး ကောင်စီသို့ တာဝန်ခံရ မည်ဖြစ်ကြောင်း သိရသည်။

မြန်မာ- ထိုင်းမြိုနယ်အဆင့် နယ်ခြားကော်မတီအဖွဲ့ဝင် မြို့နယ်များမှာ တာချီလိတ်၊ ဖားဆောင်း၊ဘော်လခဲ၊ မြဝတီ၊ ကြာအင်းဆိပ်ကြီးနှင့် ကော့သောင်းမြို့နယ်တို့ဖြစ်ကြောင်း သိရသည်။ မြို့နယ်ဆိုင်ရာ နယ်ခြားကော်မတီများသည် ဒေသဆိုင်ရာနယ်ခြားကော်မတီသို့ တာဝန်ခံရမည်ဟု နိုဝင်ဘာလ ၄ ရက်နေ့ထုတ် ပြည်ထောင်စုသမ္မတ နိုင်ငံတော်ပြန်တမ်းတွင် ဖော်ပြထားကြောင်း သိရသည်။

ယခုလို နယ်ခြားကော်မတီများကို စနစ်တကျပြင်ဆင်ဖွဲစည်း ဆောင်ရွက်မှုကြောင့် နယ်ခြားဒေသတွင် ဖြစ်ပေါ်နေသော ပြဿနာများကို အလျင်အမြန် ဖြေရှင်းဆောင်ရွက်နိုင်မည့်အပြင် သက်ဆိုင်ရာဝန်ကြီးဌာနများသည်လည်း အချင်းချင်း ညှိနှိုင်းဆောင်ရွက်နိုင်မည်ဖြစ်ကြောင်း သိရသည်။

Ref : နေပြည်တော်တိုင်းမ်

-----------------------------------------------------------------------------------------------------------------------------------

ပြည်တွင်းရှိ ဘဏ် ၁၁ ခု LC လု