Transparency Myanmar

transparency.myanmar@gmail.com

yangonchronicle 2011
yangonchronicle 2011

၈.၈.၂၀၁၁

ပြည်တွင်းသတင်းများ

နေပြည်တော်တွင် မြေအောက်ရထားလမ်းဖောက်လုပ်မည့်စီမံကိန်း ရုရှားကုမ္ပဏီတစ်ခုရရှိ

နေပြည်တော်တွင် မြေအောက်ရထားလမ်းစီမံကိန်းတစ်ခုစတင်ပြုလုပ်မည့် လုပ်ငန်းကို ရုရှားကုမ္ပဏီတစ်ခုမှ လုပ်ကိုင်ခွင့်ရရှိသွားကြောင်း ရုရှားအခြေစိုက် သတင်းဌာနများမှ ဖော်ပြချက်များကို ကိုးကားပြီးယခုရက်ပိုင်းထုတ် သတင်းဂျာနယ်များတွင်ဖော်ပြထားသည်။

အဆိုပါ မြေအောက်ရထားလမ်းစီမံကိန်း အကောင်အထည်ဖော် ဆောင်ရွက်နိုင်ရန်အတွက် တာဝန်ရှိသူများက နေပြည်တော်တွင် မြေအောက်ရထားလမ်း ဖောက်လုပ်ရန် ဖြစ်နိုင်ခြေရှိ၊ မရှိ စမ်းသပ်တိုင်းတာခြင်းများကို အကြိမ်ကြိမ်ပြုလုပ်ခဲ့ပြီး ယခုနှစ် မေလကပြုလုပ်ခဲ့သော အစည်းအဝေးတွင်လည်း နေပြည်တော်ကောင်စီမှ တာဝန်ရှိသူများက မြေအောက်ရထားလမ်း တိုင်းတာရေးလုပ်ငန်းများ ဆောင်ရွက်ရန် တာဝန်ရှိသူများကို ပြောကြားခဲ့ကြောင်း သိရသည်။

မြန်မာနိုင်ငံတွင် ပထမဆုံးမြေအောက်ရထားလမ်းဖောက်လုပ်ရန် တာဝန်ရှိသူများက စိတ်အားထက်သန်လျက် ရှိပြီး ရုရှားနိုင်ငံမှ ကုမ္ပဏီများနှင့် ပူးပေါင်းလုပ်ဆောင်နေပြီး အဆိုပါ ရထားလမ်းစီမံကိန်းမှာ ၅၀ ကီလိုမီတာ(၃၁မိုင်ကျော်) ရှည်လျားမည်ဖြစ်ကြောင်း ရုရှားနိုင်ငံ အခြေစိုက် သတင်းဌာနများမှ သတင်းထုတ်ပြန်ခဲ့သည်။

နေပြည်တော်တွင် မြေအောက်ရထားလမ်းဖောက်လုပ်မည့် စီမံကိန်းနှင့်ပတ်သတ်၍ ရထားပို့ဆောင်ရေး ဝန်ကြီးဌာနမှ တာဝန်ရှိသူ တစ်ဦးအား ဆက်သွယ်မေးမြန်းရာ ၎င်းတို့အနေဖြင့် မြေအောက်ရထားလမ်းဖောက်လုပ်မည့် အစီအစဉ်နှင့် ပတ်သက်၍ သိရှိခြင်းမရှိကြောင်း ပြန်လည်ဖြေကြားခဲ့သည်။

မကြာမီကာလများတွင် ရန်ကုန်မြို့တွင်းပြေးဆွဲလျက်ရှိသော မြို့ပတ်ရထားပြေးဆွဲမှုလုပ်ငန်းကို ပုဂ္ဂလိကသို့ လုပ်ကိုင်ခွင့်ပေးသွားမည်ဖြစ်ကြောင်း သိရသည်။

Ref         : 7 Day News

-------------------------------------------------------------------------------------------------------------

ရေလွှမ်းခံရသော စပါးခင်းများကို အရင်းအနှီးချေးငွေထုတ်ချေးမည်

ဇူလိုင်လအတွင်းက မြန်မာနိုင်ငံနေရာတော်တော်များများတွင် ရေကြီး ရေလျှံမှုများဖြစ်ပွားခဲ့ကာ လယ်ယာမြေများ ပျက်စီးသွားခဲ့သောကြောင့် ပြန်လည် မစိုက်ပျိုးနိုင်သေးသော တောင်သူများကို ကျေးရွာအုပ်ချုပ်ရေးမှူးများမှ တစ်ဆင့် အထက်ကိုတင်ပြကာ အရင်းအနှီးချေးငွေ ထုတ်ချေးသွားမည် ဖြစ်ကြောင်း သိရသည်။

ယခုကဲ့သို့ ဇူလိုင်လအတွင်းက ရေးကြီးရေလျှံကာ ပျက်စီးလယ်ယာမြေများနေရာတွင် စပါးအချိန်မီပြန်လည် စိုက်ပျိုးနိုင်ရန် ငှားရမ်းရမည့်လုပ်သားအင်အားနှင့် ပျိုးပင်များ ရှာဖွေစုဆောင်းရမည့် စရိတ်စက များမှာ အလွန် များပြားသည့်အတွက် တောင်သူများမှာ အခက်အခဲ အကြပ်အတည်းနှင့် တွေ့လျက်ရှိကြောင်း သိရသည်။

ရေကြီးမှုကြောင့် ကျောက်တော်မြို့နယ် ကုလားတန် မိုးစပါးစိုက်ပျိုးရေးဇုန်နှင့် မြောက်ဦးမြို့နယ် လေးမြို့မြစ်ကမ်း မိုးစပါးဇုန်များ၌ မိုးစပါးစိုက်ခင်းများ ဧကပေါင်းများစွာ ပျက်စီးဆုံးရှုံးမှုရှိခဲ့သည့်အတွက် သြဂုတ်လမတိုင်မီ အချိန်တွင် အချိန်မီပြန်လည်စိုက်ပျိုးနိုင်ရန်လိုအပ်ကြောင်း သိရသည်။ ယခုအခါ ငွေကြေးမတတ်နိုင်သဖြင့် အချိန်မီစပါးစိုက်ပျိုးမည့် တောင်သူမျာကို ကျေးရွာအုပ်ချုပ်ရေးမှူးများမှ တစ်ဆင့် အထက်သို့တင်ပြပြီး တောင်သူများ အရင်းအနှီးချေးငွေရရနိုင်စေရန် ဆောင်ရွက်သွားမည်ဖြစ်ကြောင်း သိရသည်။

ထို့ပြင် ၂၀၁၁ ခုနှစ် သြဂုတ်လ ၁ ရက်နေ့တွင်လည်း ဧရာဝတီတိုင်းဒေသကြီး ဖျာပုံခရိုင်အတွင်း၌ မြန်မာ့စီးပွားရေး ဦးပိုင်လီမီတတ်ထံမှ စိုက်ပျိုးစရိတ်ငွေချေးယူကာ ပြန်မဆပ်သည့်လယ်သမားများကို သက်ဆိုင်ရာ တာဝန်ရှိသူများက ဖမ်းဆီချုပ်နှောင်ခဲ့သည့်အတွက် တောင်သူများမှာ အစိုးရထံမှ စိုက်ပျိုးစရိတ် ချေးယူရန် စိုးရိမ်လျက် ရှိကြောင်း သိရသည်။

REF: 7Day News၊

---------------------------------------------------------------------------------------------

ငွေစက္ကူအတုများကြောင့် ပြည်တွင်းဘဏ်များတွင် ငွေအတုစစ်ဆေးစက် တပ်ဆင်မည်

မြန်မာနိုင်ငံရှိ အစိုးရပိုင်ဘဏ်များနှင့် ပုဂ္ဂလိကပိုင် ဘဏ်အများစုတွင် ငွေအတုလာရောက်အပ်နှံသည့် ဖြစ်ရပ်များ များပြားလာသည့်အတွက် ပြည်တွင်းရှိ ဘဏ်များတွင် ငွေစက္ကူအတု စစ်ဆေးဖော်ထုတ်ပေးနိုင်မည့် Sensor စက်များအသုံးပြုရန် ဘဏ္ဍာရေးနှင့် အခွန်ဝန်ကြီးဌာနမှ ညွှန်ကြားထားကြောင်း ပုဂ္ဂလိကဘဏ်တစ်ခုက တာဝန်ရှိသူတစ်ဦးက ပြောကြားခဲ့သည်။

လက်ရှိအချိန်တွင်လည်း ပြည်တွင်းဘဏ်အချို့တွင် ငွေစက္ကူအတု ရှာဖွေဖော်ထုတ်စစ်ဆေးပေးနိုင်မည့် Sensor စက်များတပ်ဆင်ထားပြီး ငွေလာရောက်အပ်နှံသည့် ပုဂ္ဂိုလ်များ စိတ်အနှောင့်အယှက်ကင်းဝေးစွာနဲ့ ဘဏ်များတွင် ငွေလာရောက်အပ်နှံလျက်ရှိကြောင်း သိရသည်။

ယခုကဲ့သို့ ပြည်တွင်းရှိဘဏ်များတွင် ငွေအတုစစ်ဆေးဖော်ထုတ်ပေးနိုင်မည့် Sensor စက်များ တပ်ဆင်လိုက်ခြင်းဖြင့် ငွေစက္ကူ အတုကိုင်ဆောင်သူများကို ထိရောက်စွာ အရေးယူဆောင်ရွက်နိုင်မည့်အပြင် ၎င်း အန္တရာယ်များကြောင့် ဖြစ်ပေါ်လာနိုင်မည့် အကျိုးဆက်များလည်း ကင်းဝေးသွားနိုင်မည်ဖြစ်ကြောင်း သိရသည်။

၂၀၁၁ ခုနှစ် မေလ ၂ ရက်ကတည်းကပင် ဘဏ်များတွင် ငွေစက္ကူအတုရှာဖွေဖော်ထုတ် စစ်ဆေးပေးနိုင်မည့် Sensor စက်များတပ်ဆင်အသုံးပြုရန် ဘဏ္ဍာရေးနှင့် အခွန်ဝန်ကြီးဌာနမှ ညွှန်ကြားထားကြောင်း သိရသည်။

REF:ENVOY

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

အမျိုးသားဒီမိုကရေစီအင်အားစုပါတီမှ အဖွဲဝင် ၄၂ ယောက်နုတ်ထွက်မှုအား စစ်ဆေးသွားမည်  

အမျိုးသားဒီမိုကရေစီအင်အားစုပါတီ တောင်ဒဂုံမြို့နယ်မှ ပါတီဝင် ၄၅ ဦးစုပေါင်းနုတ်ထွက်မှုနှင့် ပတ်သက်ပြီး စုံစမ်းစစ်ဆေးမှုများ ပြုလုပ်သွားမည် ဖြစ်ကြောင်း အဆိုပါ ပါတီဥက္ကဋ္ဌ ဒေါက်တာသန်းငြိမ်းမှ ပြောကြားခဲ့သည်။

သြဂုတ်လ ပထမပတ်တွင် တောင်ဒဂုံမြို့နယ်မှ အမျိုးသားဒီမိုကရေစီအင်အားစုပါတီဝင် ၄၅ ဦး နုတ်ထွက်ကြောင်း ထွက်စာတင်သွင်းခဲ့ခြင်းကို လူတစ်ဦးတစ်ယောက်၏ စည်းရုံးခြင်းကြောင့် နုတ်ထွက်ခြင်းဖြစ်သည်ဟု ပါတီမှယူဆကာစစ်ဆေးမှုများ ပြုလုပ်သွားမည်ဖြစ်ကြောင်း သိရသည်။

အမျိုးသားဒီမိုကရေစီအင်အားစုပါတီတွင် တရားဝင်အသိအမှတ်ပြုကတ် ထုတ်ပေးထားသော ပါတီဝင် ၈၀၀၀ ကျော်ရှိသည်။ ၂၀၁၀ ရွေးကောက်ပွဲတွင် အမျိုးသားဒီမိုကရေစီအင်အားစုပါတီမှ ဝင်ရောက် ယှဉ်ပြိုင်ခဲ့သည့် လွှတ်တော်ကိုယ်စားလှယ်လောင်း ၁၆ ဦး အနိုင်ရရှိခဲ့သည်။ သို့သော် အနိုင်ရရှိခဲ့သည့် လွှတ်တော်ကိုယ်စားလှယ်များထဲမှ ကိုယ်စားလှယ် ၅ ဦး နုတ်ထွက်သွားခဲ့ကြောင်း သိရသည်။                                                                                                                                                                

Ref : ပြည်သူ့ခေတ်ဂျာနယ်

---------------------------------------------------------------------------------------------

အကြွေးမဆပ်နိုင်သဖြင့် ထိန်းသိမ်းထားသော လယ်သမားအားလုံး ဦးပိုင် ပြန်လွှတ်

ယမန်နှစ်မိုးစပါးရာသီက စစ်တပ်ပိုင် မြန်မာ့စီးပွားရေးဦးပိုင်လီမီတက်ထံမှ ချေးငွေရယူထားပြီး  အကြွေးမဆပ် နိုင်သဖြင့် ခေါ်ယူ ထိန်းသိမ်း ထားခြင်းခံရသော လယ်သမားအားလုံးကို ယမန်နေ့က ပြန်လွှတ်ပေးလိုက်ပြီ ဖြစ်ကြောင်း သိရသည်။

ဧရာဝတီတိုင်း ဒေးဒရဲမြို့နယ်၊ နောက်ပြန်တိုးကျေးရွာရှိ ဦးပိုင်လီမီတက်ပိုင် အဓိပတိဆန်စက်တွင် ဇူလိုင်လ ၃၁ ရက်နေ့မှ စတင်ထိန်းသိမ်း ခံထားရသော တောင်သူလယ်သမား ၁၅၀ ၀န်းကျင်ကို အလီလီ ပြန်လွှတ်ပေးလိုက်ပြီ ဖြစ်ကြောင်း နောက်ပြန်တိုး ဒေသခံများထံမှသိရသည်။

“၁၅၀မှာက ၁၃၀ လောက်က အကြွေးပြန်ဆပ်လို့လွှတ်ပေးတာ။ ကျန်တဲ့ ၃၀ လောက်က မနေ့ကမှ ဒီဗွီဘီမှာ အော်လို့ ခံဝန်နဲ့လွှတ်ပေးလိုက်တာ။ ခံဝန်မှာက ဘယ်တော့ပြန်ဆပ်ရမယ်ဆိုတာ ပါတယ်”ဟု မှော်အိုင်ကျေးရွာမှ ရွာသား တစ်ဦးက ပြောကြားသည်။

ယင်းဒေသ လယ်သမားများကို ပြီးခဲ့သော နှစ် မိုးစပါးရာသီက တစ်ဧက လျှင် ၅၀၀၀၀ ကျပ်နှုန်း၊ အတိုး ၂ ကျပ်နှုန်းဖြင့် ထုတ်ချေးခဲ့သည်။ ယင်းချေးငွေကို ၂၀၁၁ ခုနှစ် မတ်လ တွင်ပြန်လည်ပေးဆပ်ရမည်ဖြစ်သည်။

သို့သော်လည်း မိုးစပါးချေးငွေ ပြန်ဆပ်ရန် သတ်မှတ်သည့် ကာလကို ၄ လ ကျော်သွားသောကြောင့် ကျေးရွာ အုပ်ချုပ်ရေးမှုးမှတဆင့် အကြွေးကျန်တောင်သူများကို ဆွေးနွေးညှိနှိုင်းရန်အတွက်ဟုဆိုကာ နောက်ပြန်တိုးကျေးရွာရှိ အဓိပတိ ဆန်စက် ခေါ်ယူ ထိန်းသိမ်းခဲ့ကြောင်း သိရသည်။

“အမျိုးသမီး၊ အမျိုးသားခွဲပြီး ဂိုဒေါင်ရေစုပ်စက်ထားတဲ့ အခန်းမှာပိတ်လှောင် ထားတယ်။ ထမင်းကို စက်ရုံရှေ့ကဆိုင်ကနေပြီး တနပ် ၅၀၀ နဲ့ ၀ယ်စားရတယ်။ အပြင်ကို ထွက်လို့မရဘူး။ စက်ရုံဝန်ထမ်းကနေ မှာပေးလုိ့စားရတာ။ အပေ့ါကိုလည်း အခန်းထဲမှာပဲသွားရတယ်။ ရေတော့ပေးချိုးတယ်။ အလေးသွားချင်ရင်တော့ ၀န်ထမ်းကို ခေါ်ပြီး အပြင်ထွက်လို့ရတယ်။ ဒါပေမယ် ၀န်ထမ်းတွေကို တော်ရုံမတွေ့ဘူး”ဟု ၅ ရက်ကြာ ထိန်းသိမ်းခံထားရသူ အသက် ၃၀ ကျော်အရွယ် တောင်သူတစ်ဦးကဆိုသည်။

ပထမရက်များတွင် ဂိုဒေါင် ကြမ်းပြင်ပေါ်တွင် တလပတ်ခင်းကာ ထိန်းသိမ်းထားကြောင်း၊ အမျိုးသမီးများကိုမူ စက်ရုံအတွင်းရှိ အတန်ငယ် ကောင်းမွန်သော နေရာတွင် ထိန်းသိမ်းထားကြောင်း၊ ဂိုဒေါင်အပြင် ဆန်စက်ဝင်းအတွင်း အချို့နေရာများကို ထွက်ခွင့်ပေးချိန်တွင် ဆန်စက်ဝင်ပေါက် ဂိတ်အနီးရှိ ထမင်းဆိုင်သို့သွားရောက် စားသောက်သူများကို သတိပေးကာ ပိုမိုကျဉ်းမြောင်းသော စက်ခန်းအတွင်း၌ လှောင်ပိတ်ထားကြောင်း၊ ဂိုဒေါင်အပိတ်ဖြစ်သဖြင့် လေ၀င်လေထွက်မကောင်းကြောင်း၊ အချို့ထိန်းသိမ်း ခံရသူများမှာ အသက် ၇၀ ခန့်ရှိသူများပါဝင်ကြောင်း မငေးကြီး ကျေးရွာမှ ထိန်းသိမ်းခံတောင်သူများကို သွားရောက်မေးမြန်းမှုများအရသိရသည်။

“နာဂစ်တုန်းကထက်တောင်ပိုဆိုးတယ်။ ခံရတာ။ နာဂစ်တုန်းက ကိုယ့်မှာရှိပြီးသားဟာ ကုန်သွားတာ။ အခုဟာက ပြန်လွတ်လာဖို့ကို ရှိသမျှပစ္စည်း ထုခွဲရောင်းချအတိုးကြီးကြီးချေးပြီး ပြန်ဆပ်ရတာ”ဟု အင်းဒူးကျေးရွာမှ တောင်သူတစ်ဦးက ဆိုသည်။

တောင်သူများပြန်မဆပ်နိုင်ရခြင်းမှာ မိုးစပါး နှင့် နွေစပါး နှစ်ရာသီ စလုံးတွင် ရာသီဥတု ဖျက်သဖြင့် စပါးအထွက်နှုန်းကျဆင်း၍ ဖြစ်ကြောင်း လယ်သမားများက ပြောကြားသည်။

ချေးငွေ ရယူစဉ်က ပြန်မဆပ်နိုင်ပါက ဥပဒေအရ အရေးယူမည်ဟု စာချုပ်တွင်လက်မှတ်ထိုးထားသော်လည်း ထိုသို့ ပြန်မဆပ်နိုင်ချိန်တွင် ဥပဒေကြောင်းအရသာ အရေးယူသင့်ပြီး ယခုကဲ့သို့ တရားလက်လွတ်ထိန်းသိမ်းထားခြင်းမှာ မှားယွင်းသော လုပ်ထုံးလုပ်နည်းဖြစ်ကြောင်း ပညာတတ် လယ်သမားတစ်ဦး ဆိုသည်။

မြန်မာနိုင် ဆန်စပါးလုပ်ငန်းဖွံ့ဖြိုးရေးအတွက်ဟုဆိုကာ မြန်မာနိုင်ငံဆန်စပါးလုပ်ငန်းအသင်းက ဆန်စပါးစိုက်ပျိုးထုတ်လုပ်သူ၊ ကုန်သည်၊ ဆန်စက်ပိုင်ရှင်၊ အထူးပြုကုမ္ပဏီများ အစုအဖွဲ့အလိုက် ဆွေးနွေးပွဲများ ကို သြဂုတ် ၈ နှင့် ၉ ရက်များတွင် ပြုလုပ်ခဲ့သည်။

ညိုချော

---------------------------------------------------------------------------------------------

ပုသိမ်ဆိပ်ကမ်းမှ ပြည်ပသို့ ဆန်စပါးတင်ပို့ခွင့်ရပြီ

ဧရာဝတီတိုင်းဒေသကြီး၊ ပုသိမ်မြို့ ပုသိမ်ဆိပ်ကမ်းမှ ပြည်ပသို့ ၂၅ မှတ်ဆန်တင်ပို့ခွင့် ရပြီဖြစ်ကြောင်း မြန်မာနိုင်ငံ ဆန်စပါး လုပ်ငန်းရှင်းများအသင်း၏ ဒု-ဥက္ကဌ ဦးစိန်ဝင်းလှိုင်က ဆိုသည်။ ယင်းက ဆန်စပါး လုပ်ငန်း နယ်ပယ်ရှိ မည်သည် ကုမ္မဏီ၊ လူပုဂ္ဂိုလ်ကိုမဆို ပြည်ပသို့ ပုသိမ် ဆိပ်ကမ်းမှ နေ၍ ဆန်တင်ပို့ခွင့် ပြုမည်ဖြစ်ကြောင်း  ပြောကြားခဲ့သည်။

 “လတ်တလောမှာတော့ ဧရာဝတီတိုင်းဒေသကြီးထွက်  ၂၅ မှတ်ဆန်ကို ပြည်ပတင်ပြုခွင့် ပြုမှာပါ။

ဇူလိုင်လအတွင်း ဧရာဝတီတိုင်းဒေသကြီး အတွင်းရှိ ဆန်လုပ်ငန်းရှင်များ၊မြန်မာနိုင်ငံ ဆန်စပါးလုပ်ငန်းအသင်းမှ တာဝန်ရှိသူများ အစည်းအဝေး ကျင်းပ၍ ပြည်ပသို့ ဧရာဝတီတိုင်းဒေသကြီးမှ ထွက်ရှိသော ၂၅ မှတ်ဆန်အား အဓိကထားကာ ပြည်ပသို့ တင်ပို့မည် ဖြစ်ကြောင်း ဆုံးဖြတ်ခဲ့သည်။

ပြီးခဲ့သော ဇူလိုင်လကလည်း ဖိလစ်ပိုင်မှ ဆန်တန်ချိန် ၃၀၀၀ တင်ဆောင်နိုင်သော သဘောင်္တစ်စင်းသည် ပုသိမ်ဆိပ်ကမ်းသို့ ဆိုက်ကပ်ခါနီးတွင် ရာသီဥတုဆိုးရွားမှုကြောင့် ကမ်းမကပ်နိုင်ဘဲ ဖြစ်ပွားခဲ့ပြီး၊ယခုအခါတွင် ကုန်သင်္ဘောများ ပုသိမ်ဆိပ်ကမ်းသို့ ကမ်းကပ်နိုင်ရန် မြစ်ကြောင်း ရှင်းပေးခြင်း လုပ်ငန်းများ လုပ်ဆောင်ပြီးစီးခဲ့ပြီ ဖြစ်ကြောင်း ပြည်တွင်းသို့ ဖုန်းဆက်မေးမြန်းခြင်းအား ပုသိမ်&#