Transparency Myanmar

transparency.myanmar@gmail.com

yangonchronicle 2011- (1)
yangonchronicle 2011- (1)

၂၃.၁.၂ဝ၁၂

ဘာသာပြန်သတင်းများ အပိုင်း(၂)

  1. မြန်မာ့ပြုပြင်ပြောင်းလဲမှုအသီးအပွင့်များကို ရိတ်သိမ်းရန် ရင်းနှီးမြှုပ်နှံသူများမျှော်မှန်း

(AFP မှ 23 January 2012 ရက်စွဲပါ Investors aim to reap benefits of Myanmar reforms ကို ဘာသာ ပြန်ဆိုသည်)

  1. မြန်မာ့ကောင်းကင်ဆီက တိမ်မည်းတွေ ကင်းစင်သွားပြီလား

(International Herald Tribune သတင်းစာမှ 18 Jan 2012 ရက်စွဲပါ Turning Off the Dark in Myanmar? ကို ဆီလျော်အောင် ဘာသာ ပြန်ဆိုသည်)

********************************************************************************************

မြန်မာ့ပြုပြင်ပြောင်းလဲမှုအသီးအပွင့်များကို ရိတ်သိမ်းရန် ရင်းနှီးမြှုပ်နှံသူများမျှော်မှန်း

(AFP မှ 23 January 2012 ရက်စွဲပါ Investors aim to reap benefits of Myanmar reforms ကို ဘာသာ ပြန်ဆိုသည်)

မြန်မာနိုင်ငံတွင် စတင်လျက်ရှိသော မကြုံစဖူးပြောင်းလဲမှုများက ယင်းနိုင်ငံ၏ အရာမယွင်းသေးသော စီးပွားရေးဈေးကွက်အလားအလာဝေစုကို လေ့လာနေသည့် နိုင်ငံခြားရင်းနှီးမြှုပ်နှံသူများအား စိတ်ဝင်တစားဖြစ်အောင် ဆွဲဆောင်နေပြီ ဖြစ်သည်။

နှစ်ပေါင်း ၅ဝ စစ်ဖက်က အုပ်ချုပ်ခဲ့ပြီးနောက် အာဏာရလာသော အရပ်ဖက်အစိုးရသစ်က ပြုပြင်ပြောင်းလဲမှုတို့ကို အရှိန်မြှင့်လုပ်ဆောင်လာပြီ ဖြစ်၍ မြန်မာနိုင်ငံ၏ ဖွံ့ဖြိုးမှုကို အဟန့်အတားဖြစ်စေခဲ့သော အရေးယူ ဒဏ်ခတ်မှု Sanctions များကို ရုတ်သိမ်းဖြေလျော့ပေးရန် အနောက်နိုင်ငံများက စဉ်းစား သုံးသပ်နေကြပြီ ဖြစ်သည်။ သို့သော်လည် Sanctions များ အပြီးတိုင်ရုတ်သိမ်း၍ မီးစိမ်းပြသည့်အချိန်တွင် ယခင်နှစ်ပေါင်း ၅ဝ စစ်အုပ်ချုပ်ရေးနှင့် စီးပွားရေးစီမံခန့်ခွဲမှုအလွဲများ၏ တစ်စစီချိုးဖဲ့ခြင်း ခံထားရသော မြန်မာနိုင်ငံကိုသာ နိုင်ငံတကာကုမ္ပဏီများ တွေ့မြင်ကြပါလိမ့်မည်။

ဗိုလ်ချုပ်ကြီးများ အာဏာမသိမ်းခင်အချိန်ကဆိုလျှင်မူ ရွှေ၊ ရေနံ၊ ဓာတ်ငွေ့၊ ကျွန်းသစ်၊ ကျောက်စိမ်း၊ ကျောက်မျက် စသည်တို့ အပါအဝင် `ကြွယ်ဝသော သယံဇာတများက နိုင်ငံကို ဖွံ့ဖြိုးချမ်းသာအောင် ပြုလုပ်ပေးနိုင်ပါလိမ့်မည်။ မြန်မာနိုင်ငံသည် လွတ်လပ်ရေးမရမီ ဗြိတိသျှကိုလိုနီ အုပ်ချုပ်ရေးခေတ်၏ အမွေအဖြစ် အင်္ဂလိပ်ဘာသာစကားကို ကျယ်ကျယ်ပြန့်ပြန့်ပြောဆိုခြင်းနှင့်အတူ လုပ်အားခဈေးချိုသော လုပ်သားထုကြီးကို ပိုင်ဆိုင်ထားပေသည်။ ထို့အပြင် ဆွဲဆောင်အားကောင်းသော ကိုလိုနီဗိသုကာလက်ရာများ၊ ခမ်းနားကြီးကျယ်သော ဘုရားပုထိုးများနှင့် ရွှေရောင်တောက် ကမ်းခြေများ၏ ကျေးဇူးကြောင့် အလားအလာကောင်းနေသော ကမ္ဘာလှည့်ခရီးသွားအပန်းဖြေနေရာ အဖြစ် သတ်မှတ်ခန့်မှန်းခြင်း ခံနေရပြီဖြစ်သည်။

“ကိန်းဂဏန်းတွေကတော့ ဝုန်းဒိုင်းကြဲတိုးတက်နေပါတယ်။ ဒီခရီးသွားရာသီအတွင်း ဟိုတယ်တွေမှာ အခန်းလွတ် မရှိတော့ပါဘူး။” ဟု ကမ္ဘာလှည့် ခရီးသွားလုပ်ငန်းတွင် လုပ်ကိုင်နေသော နိုင်ငံခြားရင်းနှီးမြှုပ်နှံသူတစ်ဦးက ဆိုသည်။ “စီးပွားရေးလုပ်ဖို့အတွက်လည်း ပိုမိုလွယ်ကူလာပြီ။ သီတင်းပတ်များစွာ စောင့်ဆိုင်းခဲ့ရတဲ့ လိုင်စင်တွေကိုလည်း တစ်ရက်တည်းနဲ့ ရနိုင်ပြီး လုပ်လို့ မဖြစ်နိုင်တဲ့ အရာတွေကိုလည်း အခုတရားဝင် လုပ်ခွင့်ရပြီ” ဟု ယင်းက ဆက်လက်ဆိုသည်။ မြန်မာအစိုးရ၏ဆက်လက်ပြောင်းလဲမှုများကို တုံ့ပြန်ချီးမြှောက်မည်ဟု ဝါရှင်တန်က ကတိပြုထားပြီး အီးယူကလည်း Sanctions များကို စောနိုင်သမျှစောကာ ဖေဖော်ဝါရီလတွင် စတင်ရုတ်သိမ်းပေးရန် စဉ်းစားသုံးသပ်လျက် ရှိသည်ဟု ဘရပ်ဆဲလ် သံတမန် သတင်းရပ်ကွက်က ဆိုသည်။ သို့သော်လည်း ရင်းနှီးမြှုပ်နှံမှုဆိုင်ရာ ဥပဒေကို လွှတ်တော်က အတည်မပြုရသေးခြင်း၊ တရားစီရင်ရေး စနစ်မှာလည်း ကန်ထရိုက်စာချုပ်များကို အာမခံချက်ပေးနိုင်လောက်သော အာဏာနှင့် လွတ်လပ်မှု မရှိခြင်း စသော အချက်များကို မြန်မာနိုင်ငံသို့ အလုအယက် ပြေးဝင်ရန် မျှော်လင့်နေသော ကုမ္ပဏီများ ခေါင်းထဲ ထည့်ထားရလိမ့်မည်ဟု အကဲခတ် လေ့လာသူများက သတိပေးပြောကြားကြသည်။

“ဥပဒေက ခေတ်မမီတော့တဲ့အတွက် လူတွေက ကိုယ့်နည်းကိုယ့်ဟန်နဲ့ ဖြေရှင်းလာကြတာပါ။ ဥပဒေကို မချိုးဖောက်ချင်ပေမဲ့ ရွေးစရာလမ်း မရှိကြဘူး။” ဟု အောက်လွှတ်တော်ဥက္ကဋ္ဌဦးရွှေမန်း၏ သားဖြစ်သူ တိုးနိုင်မန်းက AFP သို့ ပြောကြားသည်။ ထို့အပြင် တရားမဝင် စီးပွားရေးပုံစံဖြ)