Posts
 | yangonchronicle2011 Op-Ed |
၁.၆.၂၀၁၂
ဆောင်းပါးကဏ္ဍ
- စိတ်ရှည်စွာဖြင့်
*****************************************
ဆောင်းပါးကဏ္ဍ
စိတ်ရှည်စွာဖြင့်
မိုးမြင့်ငြိမ်း
နေပြည်တော်အစိုးရသစ်၏ နိုင်ငံရေးအပြောင်းအလဲများကြောင့် ပြည်သူများမှာ နိုင်ငံရေးလွတ်လပ်မှုအပေါ် ပီတိဖြာနေရသည့်အပြင် ယင်းတို့လို လားချက်များကို ဆန္ဒဖော်ထုတ်တောင်းဆိုခွင့်ရရှိနေပြီလည်း ဖြစ်သည်။ ပြည်သူများ၏ လျှပ်စစ်မီးရရှိရေး ဆန္ဒထုတ်ဖော်မှုများကို အပေါ်ယံကြောကြည့်ပြီး အစိုးရအပေါ် ဖိအားပေးတောင်းဆိုမှုများ လုပ်နေသည်ဟု လက်တန်းကြည့်မြင်လို့တော့မဖြစ်ပေ။ အဓိကပြဿနာမှာ ယင်းထက် ပိုမိုရှုပ်ထွေးသည့် သ ဘောဆောင်သလို ပါဝင်သည့် Stakeholder များ၏ ရှုထောင့်သဘောထားမှာလည်း မြန်မာနိုင်ငံ၏ ကံကြမ္မာအကောင်း၊ အဆိုးကို ပြဋ္ဌာန်းသွားမှာ ဖြစ်သည်။
ပြီးခဲ့သည့် ကြားဖြတ်ရွေးကောက်ပွဲ၏ ရလဒ်ကိုကြည့်လျှင် မြန်မာပြည်သူများမှာ နိုင်ငံရေးဖြစ်စဉ်သစ်နှင့် မည်သို့မှ အသားမကျနိုင်သေးသည့် သဘောမှာရှိပါသည်။ ဤသည်မှာလည်း ဒီမိုကရေစီကျင့်သုံးမှု နုနယ်သည့် နိုင်ငံတိုင်းတွင် တွေ့ရှိရတတ်သည့် သဘောထားလည်းဖြစ်သည်။ တနည်း ဆိုရလျှင် အပြောင်းအလဲအပေါ် လူထုတစ်ရပ်လုံးက အကြွင်းမဲ့ ပြောင်းလဲလိုခြင်းပင်ဖြစ်သည်။ ဒီမိုကရေစီသဘောတရားအရ အာဏာကို ပြည်သူများထံ အပ်နှင်းပြီး အစိုးရကို ရွေးကောက်တင်မြောက်ကာ ယင်းတို့၏ လိုလားချက်များကို လုပ်ဆောင်ပေးစေခြင်းဟု ယေဘူယျအားဖြင့် သိမှတ်နားလည်၍ ရပါ သည်။ သို့သော် ဒီမိုကရေစီကျင့်သုံးမှု ရင့်ကျက်နေပြီဆိုသည့် နိုင်ငံများတွင်ပင် ထိုသဘောတရားအတိုင်း အတိအကျဖြစ်ထွန်းနေသည်တော့ မဟုတ်ပါ။ သူ့အရပ်နှင့် သူ့ဇာတ်ဆိုသလို ပြဿနာအနည်းအများရှိမည်သာဖြစ်သည်။ ဒီမိုကရေစီစနစ်ကို တစ်ကမ္ဘာလုံးကျင့်သုံးဖို့ ကြိုးပမ်းနေသည့် အမေရိကန်လူ့အ ဖွဲ့အစည်းတွင်တောင် ဒီမိုကရေစီဆန်မှုနောက်ကွယ်တွင် အကျိုးစီးပွားများ ကိန်းအောင်းနေသည်ဟု ရေးသားပြောဆိုမှုများရှိနေသည်။ အဓိကပါတီကြီး နှစ်ခုတည်းသာရှိသော အမေရိကန်နိုင်ငံတွင် ရီပါပလီကန်ပါတီမှာ ရေနံနှင့်စွမ်းအင်ကုမ္ပဏီကြီးများ၏ အကျိုးစီးပွားကို အခြေခံ၍လည်းကောင်း၊ ဒီမိုကရက် တစ်ပါတီမှာ ဝေါလမ်းမ ငွေကြေးနှင့် ဘဏ်လုပ်ငန်းကြီးများ၏ အကျိုးစီးပွားကို အခြေခံ၍လည်းကောင်း နိုင်ငံကို အုပ်ချုပ်နေသည်ဟု ဝေဖန်ရေးသားမှုများ လည်း ရှိနေသည်။ တနည်းဆိုရလျှင် စီးပွားရေးအခြေခံအကြောင်းတရားပေါ်မူတည်၍ နိုင်ငံရေးရာသီဥတုများ လိုက်ပါပြောင်းလဲနေခြင်းဖြစ်သည်။
မြန်မာလူမျိုးတို့၏ အာဏာကို ကိုယ်လိုလားသည့်သူထံ ပုံအောပေးအပ်သည့် နိုင်ငံရေးဓလေ့မှာ ပြီးခဲ့သည့် ကြားဖြတ်ရွေးကောက်ပွဲဖြင့် ပြန်လည် ပြသလိုက်ပြီဖြစ်သည်။ ထိုအတွက်ကြောင့် ဤနည်းနှင့်ဆင်သော ဆန္ဒထုတ်ဖော်မှုများလည်း ဆက်တိုက်ဆိုသလို ကြုံတွေ့ရမည်သာဖြစ်သည်။ ဤသည် ကို လက်ရှိအစိုးရသစ်မှ နိုင်ငံလုံခြုံရေးရှုထောင့်မှ မကြည့်မြင်ဖို့ တိုက်တွန်းချင်ပါသည်။ ယင်းမှာ မြန်မာပြည်သူများ၏ နိုင်ငံရေးဓလေ့ ဖြစ်သည်ကို သဘော ပေါက် နားလည်စေချင်ပါသည်။ တံခါးပိတ်ထားဖို့ရာ ခက်ခဲသည့် ကမ္ဘာပြုမှုဖြစ်စဉ်ကြီးတွင် အခြားနိုင်ငံများ၏ လူမှုစီးပွားရေး အဆင့်အတန်းမြင့်မှုအပေါ် သိရှိသဘောပေါက်၍ မိမိနိုင်ငံကိုလည်း ဤသို့ ဖြစ်စေချင်သည့် ဆန္ဒများရှိနေကြသည်သာဖြစ်သည်။ အရေးကြီးအချက်မှာ ပြည်သူများ၏ လူမှုစီးပွားရေး ဘဝဖြစ်သည်။ နိုင်ငံရေးအရဆန္ဒထုတ်ဖော်မှုများသည် စီးပွားရေးအဆင်မပြေလည်မှုပေါ်တွင် များစွာ မူတည်သည်။ “စစ်ပွဲများသည် နိုင်ငံတော်ကို ဖန်တီး သည်” (wars make state) ဟူသော နိုင်ငံရေးဘောဂဗေဒ သဘောတရားတစ်ခုရှိပါသည်။ နိုင်ငံ၏ စီးပွားရေးအရင်းအမြစ်များကို အကျိုးစီးပွားအုပ်စု များက စစ်ရေးအသွင်ဖြင့် အကြမ်းဖက်ဆောင်ရွက်နေခြင်းမှ တဖြည်းဖြည်း ဒီမိုကရေစီနည်းလမ်းဖြင့် ဆောင်ရွက်လာကြခြင်းဖြစ်သည်။ ယဉ်ကျေးမှုနိမ့် သည့် အင်အားကြီးသူနိုင် စိုးမိုးမှု (Rule of Jungle) သဘောတရားမှ ယဉ်ကျေးမှုမြင့်သည့် တရားဥပဒေစိုးမိုးမှု (Rule of Law) ဆီသို့ ကူးပြောင်းလာ ခဲ့ခြင်းဖြစ်သည်။ ယခုအစိုးရသစ်မှ ပြည်သူများ ဖိအားပေးတောင်းဆိုနေမှုများကို သဘောထားကြီးသူများပီပီ နားလည်သဘောပေါက် လက်သင့်ခံ၍ ပြည်သူများ၏ အကျိုးစီးပွားကို တစိုက်မတ်မတ် အကောင်အထည်ဖော်ပေးစေချင်ပါသည်။ ကိုယ်မှ အကောင်အထည်မဖော်လျှင်လည်း ပြည်သူများမှာ အခြား အရွေးချယ်စရာ ရှိနေပြီဆိုသည်ကို သိနားလည်စေချင်သည်။
မြန်မာနိုင်ငံတွင် ငြိမ်းတော့မည့် ပြည်တွင်းမီးတွင်လည်း ထာဝရငြိမ်းချမ်းရေးအတွက် အကောင်အထည်ဖော် ဆောင်ရွက်မှုတွင် လူမျိုးစုများ လူမှု စီးပွားရေးဘဝကို အစွမ်းကုန်မြှင့်တင်ပေးဖို့ဖြစ်သည်။ လက်နက်ကိုင်၍ နေရခြင်းမှာ လူမျိုးရေးမာန်မာနအတွက် ဖြစ်နိုင်သလို၊ စီးပွားရေးအကျိုးစီးပွား ကြောင့်လည်း ဖြစ်နိုင်ပါသည်။ သို့မဟုတ်လျှင် DKBA မှ ဗိုလ်နှုတ်ခမ်းမွေးမှာ ဘိန်းအရောင်းအဝယ်လုပ်သည်ဟု နာမည်ထွက်လာစရာ အကြောင်းမရှိ။ ရွှေတြိဂံနယ်မြေတွင် လွန်ဆွဲနေသည့် အကျိုးစီးပွားမှာ ငြိမ်းချမ်းရေးတည်ဆောက်မှုတစ်လျှောက် ထင်ထားသည်ထက် ရင်ဆိုင်ရမှာဖြစ်သလို ကချင်ပြည် နယ်တွင် ဆောင်ရွက်နေသည့် အစိုးရစီမံကိန်းများသည်လည်း KIA နှင့် ကချင်လူမျိုးတို့၏ အကျိုးစီးပွားအတွက် တစ်စုံတစ်ရာ ဖြည့်တင်နိုင်ခြင်းမရှိသည့် အတွက် မအောင်မြင်နိုင်။ ထို့အတွက် ပြည်ထောင်စုအဆင့် ငြိမ်းချမ်းရေးဆွေးနွေးပွဲများသည် ယင်းမဟာဗျူဟာကျသည့် အရေးကိစ္စများကို အဓိကထား ဆောင်ရွက်ရမည်သာ ဖြစ်သည်။
မြန်မာနိုင်ငံမှာ ပြဿနာများစွာ ဖြေရှင်းနေရသည့်အပြင် နောက်ထပ်လည်း စိန်ခေါ်မှုများ ကြုံတွေ့လာမည်သာဖြစ်သည်။ ထိုသို့ ကြုံတွေ့လာ လျှင် ပါဝင်သည့် stakeholder အားလုံးမှ ပူးပေါင်းပြီး အမျိုးသား အကျိုးစီးပွားရေးအတွက် ကြံကြံခိုင်ခိုင်ရင်ဆိုင်ဖို့အရေးမှာ မြန်မာနိုင်ငံ၏ ကံကြမ္မာကို အဆုံးအဖြတ်ပေးသွားမည်ဖြစ်ပါကြောင်း။
*****************************************
Google Docs makes it easy to create, store and share online documents, spreadsheets and presentations.
