Transparency Myanmar

transparency.myanmar@gmail.com

Document yangonchronicle2011
yangonchronicle2011

၁၇.၉.၂၀၁၂

ပြည်တွင်းသတင်း

  1. ယာယီစာနယ်ဇင်းကောင်စီ ပြန်လည်ဖွဲ့စည်း
  2. မြန်မာပို့ကုန်များအပေါ် နော်ဝေနိုင်ငံမှ အခွန်အထူးသက်သာခွင့်ပေး
  3. ငါးနှစ်ပြည့် ရွှေဝါရောင် နှစ်ပတ်လည်နေ့အထိမ်းအမှတ်ပွဲပြုလုပ်မည်

 ပြည်တွင်းပါတီ၊ နိုင်ငံရေးသတင်း

  1. စတုတ္ထအကြိမ်မြောက် အကျဉ်းသားငါးရာကျော် လွှတ်ငြိမ်းချမ်းသာခွင့်ပြု
  2. ပြည်တွင်းငြိမ်းချမ်းရေးအတွက် အင်ဒိုနှင့် ဖိလစ်ပိုင်နိုင်ငံများမှ အတွေ့အကြုံဝေမျှမည်

 သတင်းနှင့် ဆောင်းပါးများမှ ကောက်နှုတ်ချက်များ

******************************

ပြည်တွင်းသတင်း

ယာယီစာနယ်ဇင်းကောင်စီ ပြန်လည်ဖွဲ့စည်း

စက်တင်ဘာလ ၁၇ရက်နေ့ နံနက်ပိုင်းတွင် ရန်ကုန်မြို့ ချက်ထရီယံဟိုတယ်၌ ကျင်းပပြုလုပ်သည့် စာနယ်ဇင်းအဖွဲ့ဝင်များ တွေ့ဆုံညှိနှိုင်းပွဲအ ခမ်းအနား၌ စာနယ်ဇင်းကောင်စီ(ယာယီ)အဖွဲ့အား ပြန်လည်ဖွဲ့စည်းလိုက်ကြောင်း သိရသည်။

အဆိုပါအဖွဲ့တွင် ဥက္ကဋ္ဌအဖြစ် ဦးခင်မောင်အေး (တရားသူကြီး (ငြိမ်း))နှင့် ဒု-ဥက္ကဋ္ဌအဖြစ် ဦးစိုးသိမ်း(ခ)မောင်ဝံသတို့အား တာဝန်ပေးခန့်အပ် လိုက်ကြောင်း သိရှိရပြီး အတွင်းရေးမှူးအဖြစ် အယ်ဒီတာချုပ် ဦးကျော်မင်းဆွေ (The Voice Journal) အား ခန့်အပ်တာဝန်ပေးအပ်ကြောင်း သိရသည်။

ထို့နောက် အဆိုပါအဖွဲ့၏ တွဲဖက်အတွင်းရေးမှူးနေရာအား ဦးကိုကို(ကိုကို-စက်မှုတက္ကသိုလ်)မှ ၎င်းကိုယ်တိုင် အမည်စာရင်း တင်သွင်းခဲ့သော် လည်း အဆိုပါနေရာအား ဒေါ်နန်းကလျာဝင်း (ပေါ်ပြူလာဂျာနယ်)အား ခန့်အပ်လိုက်ကြောင်း သိရှိရပြီး ဦးကိုကိုသည် အတွင်းရေးမှူးနေရာအတွက်လည်း ဝင်ရောက်အမည်စာရင်းပေးသွင်းရာ ကန့်ကွက်ခံရကြောင်း သိရ သည်။

"ဦးကိုကိုက ပထမ အတွင်းရေးမှူးနေရာမှာ နာမည်စာရင်းပေးထားတာ။ ဒါပေမယ့် Eleven ဂျာနယ်က ဦးကျော်မင်းဆွေကို အတွင်းရေးမှူးနေရာ အတွက် အမည်စာရင်းပေးသွင်းလိုက်တာပါ။ ပြီးတော့ ဦးကိုကိုက တွဲဖက်အတွင်းရေးမှူးနေရာအတွက် သူကိုယ်တိုင်အမည်စာရင်းတင်သွင်းတော့လည်း မရခဲ့ဘူး"ဟု အဆိုပါပွဲသို့တက်ရောက်သည့် စာနယ်ဇင်းတစ်ဦးက ဆိုသည်။

ထို့ပြင် ယင်းအဖွဲ့အား ပြန်လည်ဖွဲ့စည်းရာ၌ ဒုတိယဥက္ကဋ္ဌနေရာအတွက် ၈၈မျိုးဆက်ကျောင်းသားခေါင်းဆောင်ဖြစ်သည့် ကိုကိုကြီးနှင့် ဒေါက်တာဖေမြင့်တို့အား ပါဝင်အမည်စာရင်းတင်သွင်းပေးခဲ့သော်လည်း ၎င်းတို့ကိုယ်တိုင် ကန့်ကွက်မှုများရှိကြောင်း သိရှိရပြီး အဆိုပါအဖွဲ့ ပြန်လည်ဖွဲ့ စည်းနိုင်ငံရေးအတွက် စာနယ်ဇင်းအဖွဲ့ဝင်များ တွေ့ဆုံညှိနှိုင်းပွဲ အခမ်းအနားသို့ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးအောင်ကြည် တက် ရောက်ခဲ့ကြောင်း သိရသည်။

ATM

--------------------------------------------------------------------------------------------------------------------------------

မြန်မာပို့ကုန်များအပေါ် နော်ဝေနိုင်ငံမှ အခွန်အထူးသက်သာခွင့်ပေး

နော်ဝေနိုင်ငံမှ မြန်မာနိုင်ငံ၏ထွက်ရှိ ကုန်ပစ္စည်းများ နော်ဝေနိုင်ငံသို့တင်ပို့နေမှုများအပေါ် အခွန်အထူးသက်သာခွင့်(GSP-Generalized System of Prefrrences)ကို ပေးလိုက်ပြီဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ တာဝန်ရှိသူတစ်ဦး၏ ပြောကြားချက်အရ သိရသည်။

“မြန်မာနိုင်ငံကို နော်ဝေနိုင်ငံက ကုန်ပစ္စည်းတင်ပို့မှုတွေအပေါ် အထူးအခွန်သက်သာခွင့်(GSP)ကို ပေးလိုက်ပါပြီ။ မြန်မာပို့ကုန်လုပ်ငန်းရှင်တွေ အနေနဲ့လည်း ဈေးကွက်ပိုပြီးချဲ့ထွင်နိုင်တော့မှာပါ။ ပြီးတော့ မကြာသေးခင်ပ ILO က သူ့ရဲ့တားမြစ်ချက်အချို့ကို ရုတ်သိမ်းပေးလိုက်ပြီဆိုတော့ မြန်မာ နိုင်ငံအနေနဲ့ တခြားနိုင်ငံတွေနဲ့ ကုန်သွယ်မှုတွေလုပ်ရာမှာ ပိုပြီးအခွင့်အလမ်းရှိလာတော့မှာပါ”ပာု အထက်ပါပုဂ္ဂိုလ်က ဆက်လက်ပြောကြားသည်။

မြန်မာနိုင်ငံအနေဖြင့် ယခုကဲ့သို့ နော်ဝေနိုင်ငံ၏ GSP ရရှိခဲ့ပြီးဖြစ်သည့်အတွက် ပြည်တွင်းထွက်ကုန်ပစ္စည်းများအား နော်ဝေနိုင်ငံအတွင်းသို့ ဈေးကွက်ပိုမိုရှာဖွေနိုင်ခြင်း၊ လွတ်လပ်စွာတင်ပို့ရောင်းချခွင့်ရှိခြင်းနှင့် မြန်မာနိုင်ငံအတွင်း နိုင်ငံခြားရင်းနှီးမြှုပ်နှံမှုများမှတစ်ဆင့် ပြည်သူများအတွက် အလုပ်အကိုင်အခွင့်လမ်း ပိုမိုရရှိလာနိုင်စေမည်ဖြစ်ကြောင်း သိရသည်။

“နော်ဝေနိုင်ငံရဲ့ အထူးအခွန်သက်သာခွင့် GSP က မြန်မာ့စီးပွားရေးဖွံ့ဖြိုးတိုးတက်မှုတွေအတွက် တကယ်ကို အထောက်အကူဖြစ်စေမှာပါ။ ပြီးတော့ FDI Law ကိုလည်း ပြဋ္ဌာန်းပြီးပြီဆိုတော့ ပြည်တွင်းကို နိုင်ငံခြားရင်းနှီးမြှုပ်နှံမှုတွေ တရှိန်ထိုးဝင်လာတော့မှာပါ။ ဒီဝင်လာမှုတွေနဲ့အတူ မြန်မာ ပြည်သူတွေအတွက် နည်းပညာတွေနဲ့ အလုပ်အကိုင်အခွင့်အလမ်းတွေပိုပြီး ရရှိလာတော့မှာဖြစ်ပါတယ်”ပာု ပြည်တွင်း စီးပွားရေးလုပ်ငန်းရှင်တစ်ဦးက ပြောကြားသည်။

မြန်မာနိုင်ငံအား စစ်လက်နက်ရောင်းချခြင်းနှင့် စစ်ရေးအရ ပူးပေါင်းဆောင်ရွက်ခြင်း ကိစ္စရပ်များမှအပ ကျန်မြန်မာနိုင်ငံအပေါ် အရေးယူပိတ်ဆို့ မှုများကို ဧပြီလ ၁၅ ရက်နေ့တွင် နော်ဝေအစိုးရက ရုတ်သိမ်းပေးခဲ့သည်။

YC

--------------------------------------------------------------------------------------------------------------------------------

ငါးနှစ်ပြည့် ရွှေဝါရောင် နှစ်ပတ်လည်နေ့အထိမ်းအမှတ်ပွဲပြုလုပ်မည်

လာမည့် စက်တင်ဘာလ ၁၈ ရက်နေ့တွင် ကျရောက်မည့် ငါးနှစ်ပြည့် ရွှေဝါရောင်တော်လှန်ရေးနေ့ နှစ်ပတ်လည်အထိမ်းအမှတ်ပွဲ အခမ်းအနား ကို စက်တင်ဘာလ ၁၈ ရက်နေ့ နေ့လည် ၁၁ နာရီမှ ၂ နာရီအထိ ရန်ကုန်မြို့၊ ဒဂုံမြို့သစ်အရှေ့ပိုင်းမြို့နယ်၊ ၇ ရပ်ကွက်၊ ဖျာပုံလမ်းရှိ ဇေယျသီဒ္ဓိ တက္ကသိုလ် မပာာသတိပဋ္ဌာန်ကျောင်းတိုက်၌ ၈၈ မျိုးဆက်ကျောင်းသားများမှ ပြုလုပ်ကျင်းပသွားမည်ဖြစ်ကြောင်း သိရသည်။

၅ နှစ်ပြည့် နိုင်ငံလုံးဆိုင်ရာ ရွှေဝါရောင်တော်လှန်ရေးနေ့ နှစ်ပတ်လည်အခမ်းအနားကျင်းပရခြင်း၏ ရည်ရွယ်ချက်မှာ ပြည်တွင်းငြိမ်းချမ်းရေး၊ နိုင်ငံရေးအကျဉ်းသားများအားလုံး လွှတ်ပေးရေး၊ ပြည်ပရောက် ဒီမိုကရေစီအင်အားစုအားလုံး လွတ်လပ်စွာပြန်လာခွင့်ပေးရေး၊ အမျိုးသားပြန်လည် သင့်မြတ်ရေး၊ အခြေခံဒီမိုကရေစီ အခွင့်အရေးများ အပြည့်အဝရရှိရေး စသည့်အချက်များကြောင့်ဖြစ်ကြောင်း သိရသည်။

“ဒီပွဲကို စီစဉ်တယ်ဆိုတာကလည်း နိုင်ငံတော်ကို ပုန်ကန်ချင်လို့မပာုတ်တာ။ ဒီအရေးအခင်းမှာ အသက်ပေးသွားကြတဲ့သူတွေကို သတိတရ လည်းရှိနေအောင်၊ ပြီးတော့ သူတို့အတွက် ကောင်းရာမွန်ရာလေးတွေဖြစ်အောင် ဆွမ်းကပ်တာတွေလောက်ပဲလုပ်မှာပါ။ ဒီဆွမ်းကပ်တာလောက်နဲ့ကတော့ တရားဝင်သွားပြီးတင်ပြစရာ မလိုဘူးလို့ထင်လို့ မတင်ပြခဲ့ပါဘူး”ပာု ၈၈ မျိုးဆက်ကျောင်းသားများအဖွဲ့မှ တာဝန်ရှိသူတစ်ဦးက ပြောကြားသည်။

ငါးနှစ်မြောက် ရွှေဝါရောင်နှစ်ပတ်လည်နေ့ အထိမ်းအမှတ်ပွဲ ကျင်းပနိုင်ရေး ညှိနှိုင်းအစည်းအဝေးကို စက်တင်ဘာလ ၁၅ ရက်နေ့တွင် ရန်ကုန်မြို့၊ တောင်ဥက္ကလာပမြို့နယ်ရှိ ငွေကြာယံပရိယတ္တိစာသင်တိုက်တွင် ကျင်းပပြုလုပ်ခဲ့ပြီး ယင်းနှစ်ပတ်လည်နေ့အခမ်းအနားတွင် နောက်လာနောင် သား သိရှိနိုင်စေရန်၊ ညီညွှတ်ခြင်းအားကို မြင်တွေ့နိုင်စေရန်၊ ဝမ်းနည်းခြင်းအထိမ်းအမှတ်အဖြစ် တစ်မိနစ်ခန့်ငြိမ်သက်မှုများကိုလည်း ပြုလုပ်သွားမည် ဖြစ်ကြောင်း သိရသည်။

              YC

 ******************************

ပြည်တွင်းပါတီ၊ နိုင်ငံရေးသတင်း

စတုတ္ထအကြိမ်မြောက် အကျဉ်းသားငါးရာကျော် လွှတ်ငြိမ်းချမ်းသာခွင့်ပြု

စက်တင်ဘာ ၁၇ရက်နေ့တွင် နိုင်ငံတော်သမ္မတအမိန့်ဖြင့် နိုင်ငံတစ်နိုင်ငံလုံးရှိ အကျဉ်းထောင်အသီးသီးမှ အကျဉ်းသား ၅၁၄ဦးအား ဖွဲ့စည်းပုံ အခြေခံဥပဒေပုဒ်မ ၂၀၄(က)နှင့်အညီ ကျင့်ထုံးဥပဒေပုဒ်မ ၄၀၁ (၁)ဖြင့် မြန်မာသက္ကရာဇ် ၁၃၇၄ခုနှစ်၊ တော်သလင်းလဆန်း (၂)ရက်နေ့ (ခရစ်နှစ် ၂၀၁၂ခုနှစ်၊ စက်တင်ဘာလ ၁၇ရက်နေ့)မှစတင်၍ လွှတ်ငြိမ်းချမ်းသာခွင့် ပေးလိုက်ခြင်းဖြစ်ကြောင်း နိုင်ငံပိုင်သတင်းမီဒီယာများ၏ သတင်းဖော်ပြချက် အရ သိရသည်။

အဆိုပါ နိုင်ငံတော်သမ္မအမိန့်ဖြင့် ပြန်လည်လွှတ်ပေးခဲ့သည့် အကျဉ်းသားများထဲ၌ နိုင်ငံခြားသားအကျဉ်းသားအချို့ပါဝင်ကြောင်း သိရှိရသည်။

ထို့ပြင် နိုင်ငံတော်သမ္မတသည် ယခုကဲ့သို့ နိုင်