Transparency Myanmar

transparency.myanmar@gmail.com

yangonchronicle2011
Document yangonchronicle2011

Snapshot of the item below:
yangonchronicle2011

၂.၁၂.၂၀၁၂

ပြည်တွင်းသတင်း  

  1. နိုင်ငံတော်ကိုပေးရမည့် ကြွေးမြီးများကြောင့် ပြည်တွင်းလုပ်ငန်းများပြိုလဲနိုင်
  2. NGO နှင့်ပတ်သက်သော ဥပဒေလွှတ်တော်တွင်ရေးဆွဲနိုင်ရန်တင်ပြမည်
  3. မြန်မာရေလုပ်ငန်း အပေါ်အမြတ်ထုတ်နေသော ထိုင်းနိုင်ငံနှင့် ပူးတွဲကော်မတီမဖွဲ့သင့်

နိုင်ငံရေးသတင်း

  1. လက်ပံတောင်းတောင် ကြေးနီစီမံကိန်းနှင့် ပတ်သက်၍ စုံစမ်းစစ်ဆေးရေးကော်မရှင်ဖွဲစည်း

သတင်းနှင့် ဆောင်းပါးများမှ ကောက်နှုတ်ချက်များ

  ********************************************************************************************

ပြည်တွင်းသတင်း

နိုင်ငံတော်ကိုပေးရမည့် ကြွေးမြီးများကြောင့် ပြည်တွင်းလုပ်ငန်းများပြိုလဲနိုင်

ပြည်တွင်း စီးပွားရေးလုပ်ငန်းရှင်များ အနေဖြင့် နိုင်ငံတော်သို့ပေးသွင်းရမည့် ကြွေးကျန်ငွေများကို ယခုဘဏ္ဍာနှစ်အတွင်းပေး သွင်းရမည်ဆိုပါက စီးပွားရေးလုပ်ငန်းများ ရပ်ဆိုင်း၍ လုပ်ငန်းများပြိုလဲသွားနိုင်ကြောင်း ကိုစီးပွားရေး လုပ်ငန်းရှင် များမှ ပြောကြား ကြောင်းသိရသည်။

ရာသီဥတုဖောက်ပြန်ခြင်း ကြောင့်စိုက်ပျို့ရေးပို့ကုန်များ ကျဆင်းလာခြင်း၊ မွေးမြူရေးလုပ်ငန်းများတွင် တိရစ္ဆာန် အစားစရိတ် များကြီးမြင့်လာခြင်း၊ ရေထွက်ကုန်လုပ်ငန်းများတင်ပို့ရာတွင် ဒေါ်လာဈေးကျဆင်းမှုကြောင့် အရှုံးများ၍ အမြတ်ငွေနည်းပါခြင်း တို့ကြောင့်နိုင်ငံတော်သို့ပေးဆပ်ရန် ကျန်ရှိနေသောကြွေးမြီများကို နှစ်အလိုက်အရစ်ကျစနစ်ဖြင့်သာ ပေးချေသွားရန် လိုလားလျှက်ရှိကြောင်း လုပ်ငန်းရှင်များမှပြောကြားသည်။

                ပြည်ထောင်စုလွှတ်တော် ငွေစာရင်းပူးပေါင်းရေး ကော်မတီမှ ပြည်ထောင်စုလွှတ်တော် သို့တင်သွင်းခဲ့သော အစီရင် ခံစာတွင် ကျပ်ငွေသန်းပေါင်းရှစ်သောင်းကျော်နှင့် အမေရိကန်ဒေါ်လာ သန်းပေါင်း ခုနှစ်သန်းကျော် ကိုပုဂ္ဂလိက လုပ်ငန်းရှင်များအနေဖြင့် သက်ဆိုင်ရာ အစိုးရဌာနများသို့ ပေးသွင်းရန်ကျန်ရှိလျှက်ရှိကြောင်းသိရသည်။ အဆိုပါဌာနများ အနေဖြင့် ပုဂ္ဂလိကလုပ်ငန်းရှင်များထံမှ ရရန်အကြွေးမျာအား မည်ကဲ့သို့ဖြေရှင်းဆောင်ရွက်လျှက်ရှိကြောင်းကို ၂၀၁၃ ခုနှစ် မတ်လ ၃၁ ရက်နေ့နောက်ပိုင်းကျင်းပသော လွှတ်တော်အစည်း အဝေးတွင်ပြန်လည်တင်ပြရမည်ဖြစ်ကြောင်း သိရသည်။

လုပ်ငန်းရှင်များအနေဖြင့် ယခုနှစ်ဘဏ္ဍာနှစ်အတွင်နိုင်ငံတော် သို့ပေးသွင်းရမည့်ငွေများတွင် မွေးမြူရေး အစာ အစာနှင့်  ရေထွက်လုပ်ငန်းမှ ငွေကျပ်သန်းပေါင်း ၃၅၆၅၃ ဒသမ ၇၀၇သန်းနှင့် အများဆုံဖြစ်ပြီး ဟိုတယ်နှင့်ခရီးသွားလုပ် ငန်း၊ မြန်မာရှပ်ရှင် လုပ်ငန်း၊နယ်စပ် ကုန်သွယ်ရေးလုပ်ငန်း တို့မှငွေကျပ်သန်းပေါင်း ၅၁၇၄ ဒသမ ၄၁၅ သန်းရှိကြောင်းသိရသည်။

ပုဂ္ဂလိကထံမှ ရရန်ကြွေးများနှင့် ဋ္ဌာနဆိုင်ရာဝန်ထမ်းများ၏ မှားယွင်းမှု၊ အလွဲသုံးစားမှုကြောင့် နိုင်ငံတော်ထံသို့ ပြန်လည်ပေး သွင်းရမည့်ငွေကျပ် သန်းပေါင်း  လေးသောင်းကျော် ရှိကြောင်း ပြည်ဆောင်စု စာရင်းစစ်ချုပ်ရုံး၏ စစ်ဆေးတွေ့ရှိချက်နှင့် စပ်လျင်း၍ နိ်ိုင်ငံတော်သမ္မတထံသို့ အရေးကြီး အဆို တင်သွင်းခဲ့ကြောင်းကို သတင်းထုတ်ပြန်ရေးအဖွဲ့က သတင်းထုတ်ပြန်ချက်အမှတ်(၅/၂၀၁၂)ကို နိုဝင်ဘာလ ၂၄ ရက်နေ့တွင် ထုတ်ပြန် ကြေညာ ခဲ့သည်။

YC

-------------------------------------------------------------------------------

NGO နှင့်ပတ်သက်သော ဥပဒေလွှတ်တော်တွင်ရေးဆွဲနိုင်ရန်တင်ပြမည်

ပြည်းတွင်းပြည်ပရှိအစိုးရမဟုတ်သော အဖွဲ့အစည်း (NGO,INGO) များလူမှုရေးလုပ်ငန်များ လုပ်ဆောင်ရာတွင် ကြုံတွေ့ နေရ သော ပြသနာများကိုဖြေရှင်းနိုင်ရန်အတွက် လွှတ်တော်တွင် ဥပဒေ တစ်ရပ်ရေးဆွဲ၍ ပြဋ္ဌာန်းနိုင်ဖို့ တင်ပြပေးမည် ဖြစ်ကြောင်းကို ပြည်တွင်းပြည်ပ အဖွဲ့အစည်းဆိုင်ရာ ကော်မတီ ဥက္ကဋ္ဌ ဒေါ်ခင်ဝိုင်းကြည်က ပြောကြားချက်အရသိရသည်။

ပြည်တွင်းပြည်ပအဖွဲ့အစည်းဆိုင်ရာကော်မတီနှင့် ပြည်တွင်းရှိ NGO နှင့် INGO တို့သည့် စက်တင်ဘာ ၂၆ ရက်နေ့တွင် တွေ့ဆုံ ခဲ့ပြီး ယင်းတို့၏ အခက်အခဲများကို တင်ပြခဲ့ကြောင်းသိရသည်။

အစိုးရ မဟုတ်သော အဖွဲ့အစည်းများဖြစ်သည့် NGO,INGO များအတွက် မှတ်ပုံတင်ရာတွင် အချိန်ကြာမြင့်စွာ စောင့်ဆိုင်း နေရခြင်း၊ အစိုးရအဖွဲ့ အစည်းများနှင့် ပူးပေါင်းဆောင်ရွက်ရာတွင် အခက်အခဲများရှိခြင်းနှင့် လူမှုရေးလုပ်ငန်းများ ဆောင်ရွက်ရာတွင် ပြဿနာများ ရှိခြင်းတို့ကြောင့် အဆိုပါ ကိစ္စရပ်များ ဖြေရှင်းရာတွင် ဥပဒေတစ်ရပ်ပြဋ္ဌာန်းခြင်းဖြစ်လွယ်ကူ အဆင်ပြေ မည်ဖြစ်ကြောင်း သိရသည်။

YC

-------------------------------------------------------------------------------------

မြန်မာရေလုပ်ငန်း အပေါ်အမြတ်ထုတ်နေသော ထိုင်းနိုင်ငံနှင့် ပူးတွဲကော်မတီမဖွဲ့သင့်

မြန်မာရေသံယံဇာတပေါကြွယ်ဝမှု အပေါ်တွင် နှစ်ပေါင်းများစွာအမြတ်ထုတ်နေသော ထိုင်းနိုင်ငံနှင့်ပူးပေါင်း၍ ပူးတွဲကော်မတီ တစ်ရပ်ဖွဲ့စည်းကာ ပင်လယ်ပြင်သုတေသနနှင့် ငါးဖမ်းခွင့်များကို ဆက်လက်လုပ်ကိုင်ခွင့်မပြုသင့်ကြောင်း ကိုမြန်မာရေလုပ်ငန်း ရှင်များကပြောကြားခဲ့သည်။

ထိုင်းနိုင်ငံသည် နှစ်နိုင်ငံချစ်ကြည်ရင်းနှီးမှုကိုဂရုမစိုက်ပဲ မြန်မာပိုင်ပင်လယ်ပြင်တွင် နည်းမျိုးစုံသုံး၍ ငါးများကို အလွန်အကျွံ ဖမ်းစီးနေကြောင်း၊ ထိုသို့ခိုးဖမ်းနေသောလှေများပေါ်တွင် လူကုန်ကူးခြင်းခံရသော မြန်မာလုပ်သားများအား လုပ်ခလစာ အနည်းငယ် သာပေး၍ တင်းကျပ်စွာခိုင်းနေကြောင်းကို ရေလုပ်ငန်းရှင်များ၏ ပြောကြားမှုအရသိရသည်။ သို့သော် ထိုင်းနိုင်ငံသည် ဈေးကွက် အတွင်းဖြန့်ဝေပုံ၊ မွေးမြူရေးနှင့် ဆိုင်သော သုတေသနလုပ်ငန်းများတွင် အထူးကောင်းမွန်သည့်အတွက် မြန်မာနိုင်ငံအနေဖြင့် အဆိုပါကိစ္စရပ်မျိုးတွင်တော့ ပူးပေါင်းဆောင်ရွက်သင့်ကြောင်း ငါးလုပ်ငန်းအဖွဲ့ချုမှ တာဝန်ရှိသူတစ်ဦး၏ ပြောကြား ချက်အရသိရ သည်။

မြန်မာ့ပင်လယ်ပြင်တွင် သုတေသန နှစ်ကြိမ် ပြုလုပ်ခဲ့သော ထိုင်းနိုင်ငံ ဘန်ကောက်မြို့ အခြေစိုက် အရှေတောင်အာရှ ငါးလုပ် ငန်း ဖွံ့ဖြိုးတိုးတက်ရေးဆိုင်ရာ သုတေသနအဖွဲ့တွင် ထိုင်းပညာရှင်များစွာပါရှိသဖြင့် ထိုသူတို့မှတဆင့် မြန်မာပင်လယ်ပြင် သံယံ ဇာတ နှင့်ပတ်သက်သောအစီရင်ခံစာများကို ထိုင်းနိုင်ငံမှသိရှိသွားရခြင်း ဖြစ်ကြောင်းခန့်မှန်း ပြောဆိုမှုများ အရ သိရသည်။

YC

**************************************************************************************************

နိုင်ငံရေးသတင်း

လက်ပံတောင်းတောင် ကြေးနီစီမံကိန်းနှင့် ပတ်သက်၍ စုံစမ်းစစ်ဆေးရေးကော်မရှင်ဖွဲစည်း

မုံရွာခရိုင် ဆားလင်းကြီးမြို့နယ် လက်ပံတောင်တောင် ကြေးနီစီမံကိန်းနှင့်စီမံကိန်းနယ်မြေအတွင်းရှိ ဆန္ဒပြနေ သော သပိတ်စခန်းများကိုရှင်းလင်းဆောင်ရွက်မှုများနှင့်ပတ်သက်၍ စုံစမ်းစစ်ဆေးရေး ကော်မရှင်တရပ်ဖွဲ့စည်းကြောင်းကို နိုင်ငံတော်သမ္မတ ရုံး အမိန့်ကြော်ငြာစာအမှတ် (၉၂/၂၀၁၂)ကို ဒီဇင်ဘာလ ၁ ရက်နေ့ကထုတ်ပြန်လိုက်ကြောင်း သိရ သည်။

ထိုကော်မရှင်တွင် ဒေါ်အောင်ဆန်းစုကြည်က ဥက္ကဋ္ဌအဖြစ်ဆောင်ရွက်ပြီး မြန်မာနိုင်ငံအမျိုးသားလူအခွင့်အရေး ကော်မရှင် ဦးစစ်မြိုင်ကအတွင်းရေးမှုးအဖြစ်ဆောင်ရွက်ကာ ပညာရှင်များအပါအဝင် နယ်ပယ်ပေါင်းစုံမှ ထင်ရှားသူများ ဖြင့်အဖွဲ ဝင်၂၈ ဦးကို နိုင်ငံ တော် သမ္မတ၏ညွှန်ကြားချက်နှင့် ဖွဲ့စည်းလိုက်ကြောင်း သိရသည်။

အဆိုပါအဖွဲ့သည် ကြေးနီစီမံကိန်းကြောင့်သဘာဝပတ်ဝန်းကျင် ထိခိုက်မှုရှိမရှိ၊ စီမံကိန်းသည် နိုင်ငံတော်အတွက် အကျိုးမည်မျှဖြစ်ထွန်းကြောင်း၊ စီမံကိန်းရပ်ဆိုင်းရန် ဆန္ဒထုတ်ဖော်ရသည့်အကြောင်းအရင်း၊ ဆန္ဒထုတ်ဖော်မှုကို အာဏာပိုင်များမှ ကိုင်တွယ်ဖြေရှင်းမှုကြောင့်ထိခိုက်ဒါဏ်ရာရသည့်အကြောင်းအရင်းများကို သုံးသပ်ချက်နှင့်အတူ အကြံပြုတင်ပြရမည် ဖြစ်ကြောင်း သိရသည်။

စုံစမ်းစစ်ဆေးရေးကော်မရှင်သည် ပြစ်မှုဆိုင်ရာကျင့်ထုံးဥပဒေများအရ လိုအပ်သာ သက်သေအထောက်အထား များကိုတောင်းခံနိုင်ခြင်း ပြစ်မှုဖြစ်ပွားရာနေရာဒေသများသိုသွားရောက်ကာ စစ်ဆေးခွင့်ရှိကြောင်းနှင့် ထိုစစ်ဆေးမှုအစီရင် ခံစာကို ၂၀၁၂ ဒီဇင်ဘာ ၃၁ ရက်နေ့နောက်ဆုံးထား၍ နိုင်ငံတော်သမ္မတထံအစီရင်ခံတင်ပြရမည်ဖြစ်ကြောင်းသိရသည်

YC

****************************************************************************************

သတင်းနှင့် ဆောင်းပါးများမှ ကောက်နှုတ်ချက်များ          

Federal ကိုပြောရင် Federal ပုံစံမျိုး ဆွေးနွေးကြတယ်။ နောက်တစ်ခုက ကျွန်တော်တို့ ဒီတိုင်းပြည်က နှစ်ပေါင်း ၆၀ ကျော် ပြဿနာ တွေဖြစ်ပွားခဲ့တယ်။ တစ်ရက်တည်း တစ်ချိန်တည်းရှင်းလို့မရဘူး။ သားသမီးတွေ မြေးတွေ၊မြစ်တွေ တင်မကဘူး။ အသွေးထဲမှာ စွဲနေပြီး ငြိမ်းချမ်းရေးကို တစ်ကယ်လုပ်ပြီးတော့ ဒီတိုင်းပြည်မပျက်စီးအောင် ဝိုင်းပြီးတော့ ပြန်လည်ကယ်တင်ရမှာ၊ ကျွန်တော်တို့ ခင်ဗျားတို့ရဲ့ တာဝန်ပဲ။ ဒီတိုင်းပြည်မှာပေါ်တဲ့ ကိစ္စတိုင်းမှာ အကုန်ပါတဲ့ Stateholder အကုန်ပါရမယ်။ လူတိုင်း၊ တိုင်းရင်းသားလက်နက်ကိုင်တဲ့ အဖွဲ့ ကောအကုန်ပါရမယ်။ လူမှုရေးအဖွဲ့အစည်းတွေ အကုန်ပါရမယ်။ လူမျိုးတစ်မျိုးတည်းမရဘူး၊ဗမာလည်းပါရမယ်။ ဒေါ်အောင်ဆန်းစု ကြည် လည်းပါရမယ်။ အခု အစိုးရလည်း ပါရမယ်။ တပ်မတော်လည်း ပါရမယ်။ အဲဒီလို အကုန်လုံးခေါ်ပြီးရှင်းရမယ်။”

နိုဝင်ဘာ ၂၉ ရက်နေ့ထုတ် Hot News Journal အတွဲ (၃) အမှတ် (၁၁၈) တွင်ပါရှိသော “KNU ဗိုလ်မှူးဟောင်းတစ်ဦးက ငြိမ်းချမ်းရေးကို တစ်ကယ်လုပ်၍ တိုင်းပြည်ပျက်စီးနေမှုအား ပြန်လည်ကယ်တင်ရမည်ဟုဆို” သတင်းမှ KNU ကဗိုလ်မှူး ဟောင်း ဖဒိုထူးထူးလေး၏ပြောကြားချက်အားကောက်နှုတ်ချက်။

-----------------------------------------------------------------------------------------------

“ကျွန်တော်တို့ရရှိထားတဲ့နိုင်ငံရေးဖြစ်ထွန်းမှုတွေကြောင့် မိမိတို့ တိုင်းရင်းသားအချင်းချင်း ငြိ်မ်းချမ်းစွာ ဆွေးနွေးညှိနှုိင်းတဲ့နည်းလမ်းကို အသုံးပြုပြီး နိုင်ငံရေးအရ အဖြေရှာနိုင်တဲ့ အဆင့်ကိုရောက်ရှိနေကြောင်းကို သက်သေထူနိုင်ပြီ ဖြစ်ပါတယ်။”

နိုဝင်ဘာလ ၃၀ ရက်နေ့ထုတ် မြန်မာပို့စ် ဂလိုဘယ် ဂျာနယ် အမှတ် (၈၇) တွင် ပါရှိသော “ပြည်ထောင်စုဝန်ကြီးများနှင့် ရှမ်းတိုင်းရင်းသားခေါင်းဆောင်များတွေ့ဆုံ” သတင်းမှ ပြည်ထောင်စုဝန်ကြီး ဦးအောင်မင်း ၏ပြောကြားချက်အား ကောက် နှုတ်ချက်။

-------------------------------------------------------------------------------------

“ရိုဟင်ဂျာတွေမှာလည်း တူညီတဲ့ဂုဏ်သိက္ခာရှိတယ်လို့ အိုဘားမားကပြောသွားတယ်။ အမျိုးသားပြန်လည်သင့် မြတ်ရေး ရင်ကြားစေ့ ရေးဆိုတာ ဘယ်လိုသင့်မြတ်ရေးမျိုးကို ပြောတာလဲ ကျွန်တော်တို့လိုလားတဲ့ သင့်မြတ်ရေးမျိုးဆိုတာ အကြောက်တရားကင်းရမယ်။ တစ်ဦးနဲ့တစ်ဦး အပြန်အလှန်လေးစားရမယ်။ ဘင်္ဂါလီဆိုတာအကြမ်းဖက်တယ်။ ကျူးကျော်တယ်။ ကျွန်တော်တို့ရဲ့ အားနာတက်တဲ့စိတ် ခွင့်လွှတ်တက်တဲ့စိတ်တွေကြောင့် သူတို့ဒီလိုမျိုး ပြုမူလာရတာ။ ရိုဟင်ဂျာဆိုတဲ့ အသုံးအနှုန်းကို တော့ လုံးဝရှုတ်ချတယ်။ ရိုဟင်ဂျာဆိုတဲ့ စကားက ဘယ်သမိုင်းအထောက်အထား ဘာမှမရှိဘူး။ ဘယ်နိုင်ငံရေးသမားမှလည်း အသိအမှတ်မပြုဘူး။ အိုဘားမားက ဘာတွေကို အခြေခံပြီးဟောပြောတာလဲ ဒီကိစ္စနဲ့ပတ်သက်ပြီးတော့ အမေရိကန်သံရုံးကတဆင့် အိုဘားမားဆီ စာပို့မယ်။ အစီအစဉ်ရှိတယ် ”

ဒီဇင်ဘာလ ၁ ရက်နေ့ထုတ် Unity Journal အတွဲ (၁) အမှတ် (၃၆) တွင် ပါရှိသော “ရိုဟင်ဂျာဟူသော အသုံးအနှုန်းအတွက် သမ္မတအိုဘားမားထံ ရခိုင်အမျိုးသားကွန်ရက် ကန့်ကွက်စာပေးပို့မည်” သတင်းမှ (RNN) ဥက္ကဠ ဦးတင်အောင်ထူး ၏ ပြောကြားချက်အား ကောက်နှုတ်ချက်။

                           ******************************************************************************************

 

 

 


Google Drive: create, share, and keep all your stuff in one place. Logo for Google Drive

0 comments:

Post a Comment