Transparency Myanmar

transparency.myanmar@gmail.com

yangonchronicle2011
Document yangonchronicle2011

Snapshot of the item below:
yangonchronicle2011

၂၄.၁၂.၂၀၁၂

ပြည်တွင်းသတင်း

  1. AEC အားယှဉ်ပြိုင်နိုင်ရန် မြန်မာနိုင်ငံအတွင်း အများပိုင်ကုမ္ပဏီအများအပြား ပေါ်ပေါက်လာရန်လိုအပ်
  2. တရုတ်စီးပွားရေးလုပ်ငန်းရှင်များ၏ ဖြားယောင်းသွေးဆောင်မှုကြောင့် မြန်မာကုန်သည်များနစ်နာဆုံးရှုံးလျက်ရှိ
  3. ဘဏ္ဍာရေးနှစ်ကုန်ဆုံးရန် သုံးလကျန်သော်လည်း ခုနစ်နှစ် အတွင်း နိုင်ငံတကာသို့ဆန်တင်ပို့မှု အများဆုံးဖြစ်လာ
  4. မြန်မာနိုင်ငံနယ်စပ်နှင့်အချက်အချာဒေသများတွင် စက်မှုဇုန်သစ် ခုနစ်ခုတည်ထောင်မည်

နိုင်ငံရေးသတင်း

  1. လွှတ်တော် ကော်မတီနှစ်ရပ်ပေါင်း၍ ကေအိုင်အေ နှင့်ငြိမ်းချမ်းရေး အမြန်ဆောင်ရွက်နိုင်ရန် အဆိုတင်မည်

သတင်းနှင့် ဆောင်းပါးများမှ ကောက်နှုတ်ချက်များ

************************************************************************************

ပြည်တွင်းသတင်း

AEC အားယှဉ်ပြိုင်နိုင်ရန် မြန်မာနိုင်ငံအတွင်း အများပိုင်ကုမ္ပဏီအများအပြား ပေါ်ပေါက်လာရန်လိုအပ်

အာဆီယံစီးပွားရေးအသိုက်အဝန်း(AEC)ဖြစ်ပေါ်လာပါက အာဆီယံဒေသတွင်းနိုင်ငံများနှင့် ယှဉ်ပြိုင်နိုင်ရန် ပြည်တွင်းရှိကုမ္ပဏီများအနေဖြင့် ပြည်ပလုပ်ငန်းရှင်ကြီးများနှင့်ပူးပေါင်း၍ စီးပွားရေးကော်ပိုရေးရှင်းများဖြင့် အများပိုင်ကုမ္ပဏီများ တည်ထောင်နိုင်ရန် အထူးလိုအပ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီးဦးဝင်းမြင့်က ဒီဇင်ဘာလ ၂၂ ရက်နေ့တွင် ရန်ကုန်မြို့ လမ်းမတော်မြို့နယ်ရှိ ကုန်သည်/စက်မှုအသင်းချုပ်၌ ကျင်းပခဲ့သည့် ရွှေနိုင်ငံအရှေ့အာရှဖွံ့ဖြိုးရေးဘဏ်လီမီတက်၏ ၂၀၁၁-၂၀၁၂ နှစ်ပတ်လည်အထွေထွေအစည်းအဝေးတွင် ပြောကြားခဲ့သည်။

မြန်မာနိုင်ငံအတွင်း ပုဂ္ဂလိကစီးပွားရေးအခန်းကဏ္ဍ မြင့်တက်လာနိုင်စေရေးအတွက် အရည်အသွေးရှိအများပိုင်ကုမ္ပဏီများ အများအပြား ပေါ်ပေါက်လာရန်လိုအပ်သည့်အပြင် နိုင်ငံတော်အနေဖြင့်လည်း ဈေးကွက်စီးပွားရေးစနစ် ပီပြင်စွာဖြစ်ပေါ်လာရေး၊ ငွေကြေးမူဝါဒနှင့် ဘဏ္ဍာရေးမူဝါဒများ ဖြစ်ပေါ်လာနိုင်စေရေး ဆောင်ရွက်လျက်ရှိသည့်အတွက် ပုဂ္ဂလိကလုပ်ငန်းရှင်များ၏ အစုရှယ်ယာဈေးကွက် ပေါ်ပေါက်လာမည်ဆိုပါက အများပိုင် ကုမ္ပဏီများတည်ထောင်၍ ရှယ်ယာရောင်းချနိုင်ပါက နိုင်ငံ၏စီးပွားရေးဖွံ့ဖြိုးတိုးတက်မှုအတွက် အကောင်းမွန်ဆုံးဖြစ်ကြောင်း သိရသည်။

လက်ရှိအချိန်တွင် နိုင်ငံတော်စီးပွားရေးဖွံ့ဖြိုးတိုးတက်မှုအတွက် အဓိကကျသည့် အများပိုင်ကုမ္ပဏီများကို တိုးချဲ့ဖွဲ့စည်းလျက်ရှိကြောင်း သိရသည်။ ထို့ပြင် ငါးနှစ်ကျော်သက်တမ်းရှိပြီဖြစ်သည့် ရွှေနိုင်ငံအရှေ့အာရှဖွံ့ဖြိုးတိုးတက်ရေးလီမီတက်(GLAD) ကုမ္ပဏီ၏ နှစ်စဉ်အမြတ်ဝေစု ခွဲဝေပေးနိုင်မှုများကိုလည်း အထူးအလေးထားဂုဏ်ယူမိကြောင်း ၎င်းကဆက်လက်ပြောကြားသည်။

မြန်မာနိုင်ငံသည် အာဆီယံအဖွဲ့ဝင်နိုင်ငံတစ်နိုင်ငံဖြစ်သည့်အပြင် ASEAN-China, ASEAN-Japan, ASEAN-India, ASEAN-Korea စသည့် ဒေသဆိုင်ရာစီးပွားရေးနယ်ပယ်များဖြစ်သည့် လွတ်လပ်သောကုန်သွယ်မှုဒေသ(CFTA)များတွင် ပါဝင်သည့်အလျောက် နိုင်ငံစီးပွားရေးဖွံ့ဖြိုး တိုးတက်မှုများအတွက်  ကုန်သွယ်မှုအပိုင်းကို အဓိကထားကြိုးပမ်းဆောင်ရွက်လျက်ရှိကြောင်းသိရသည်။ ထိုသို့ကြိုးပမ်းဆောင်ရွက်မှုများကြောင့် မြန်မာ နိုင်ငံ၏ကုန်သွယ်မှုကဏ္ဍသည် နှစ်စဉ်တိုးတက်များပြားလာကြောင်း သိရသည်။

ထို့ပြင် နိုင်ငံတော်အနေဖြင့် ပုဂ္ဂလိကကုမ္ပဏီများ၊ အရင်းအနှီးစုဆောင်း လုပ်ဆောင်နိုင်ရန် အများပိုင်ကုမ္ပဏီများ အလေ့အကျင့်ကောင်းများ ရရှိနိုင်စေရေးအတွက် နိုင်ငံတော်မှ ပျိုးထောင်ပေးလျက်ရှိကြောင်း သိရသည်။

YC

------------------------------------------------------------------------------------------------

တရုတ်စီးပွားရေးလုပ်ငန်းရှင်များ၏ ဖြားယောင်းသွေးဆောင်မှုကြောင့် မြန်မာကုန်သည်များနစ်နာဆုံးရှုံးလျက်ရှိ

တရုတ်နိုင်ငံသို့ကုန်ပစ္စည်းများတိုက်ရိုက်တင်ပို့ပါက ဈေးပိုပေးမည်ဖြစ်ကြောင်း တရုတ်စီးပွားရေးလုပ်ငန်းရှင်များမှ နည်းအမျိုးမျိုးဖြင့် ဖြား ယောင်းသွေးဆောင်ပြောကြားခဲ့သော်လည်း အမှန်တကယ်တင်ပို့သောအခါ ဈေးလျှော့၍ဝယ်ယူမှုများကြောင့် မြန်မာလုပ်ငန်းရှင်များ ဆုံးရှုံးနစ်နာလျက် ရှိကြောင်း သိရသည်။

တရုတ်လုပ်ငန်းရှင်များက မြန်မာနိုင်ငံရှိ ကုန်ပစ္စည်းများဝယ်ယူရာတွင် ကချင်ပြည်နယ်အတွင်းဖြစ်ပွားလျက်ရှိသော စစ်ပွဲများကိုအကြောင်းပြ၍ မြန်မာနိုင်ငံမှ ပို့ကုန်တင်ပို့မှုများအပေါ် တရားမဝင်ဝယ်ယူလျက်ရှိသည့်အပြင် တရုတ်စီးပွားရေးလုပ်ငန်းရှင်များ၏ စကားမတည်ဘဲ လိုသလို ပြောင်းလဲ အသုံးချမှုများကြောင့် မြန်မာကုန်သည်များအနေဖြင့် ငွေကြေးဆုံးရှုံးနစ်နာမှုများဖြစ်ပေါ်ခဲ့ရကြောင်း သိရသည်။

ထိုသို့ တရုတ်စီးပွားရေးလုပ်ငန်းရှင်များမှ ဈေးပိုပေးမည်ပာု မက်လုံးပေးမှုများကြောင့် မြန်မာကုန်သည်များမှ ပြည်တွင်းထွက်ကုန်စည်များကို ဈေးနှုန်းပိုပိုသာသာပေး ဝယ်ယူ၍ တရုတ်နိုင်ငံသို့တင်ပို့ရောင်းချရာတွင် တရုတ်စီးပွားရေးလုပ်ငန်းရှင်များက ဈေးနှုန်းလျှော့ချဝယ်ယူခဲ့ကြကြောင်းသိရ သည်။

၂၀၁၁-၂၀၁၂ ဘဏ္ဍာနှစ်အတွင်း တရုတ်-မြန်မာ နယ်စပ်ကုန်သွယ်မှုပမာဏမှာ အမေရိကန်ဒေါ်လာ ၂၉၈၅.၄၂၄ သန်းရှိကြောင်းသိရသည်။ တရုတ်နိုင်ငံသို့ မြန်မာ့ပို့ကုန်တင်ပို့မှုတန်ဖိုးမှာ တရုတ်နိုင်ငံမှတင်သွင်းသည့် သွင်းကုန်တန်ဖိုးထက် အမေရိကန်ဒေါ်လာ ၆၅၈.၃၇၂ သန်း ပိုမိုမြင့်မား လျက်ရှိကြောင်းသိရသည်။

                                  YC         

------------------------------------------------------------------------------------------------

ဘဏ္ဍာရေးနှစ်ကုန်ဆုံးရန် သုံးလကျန်သော်လည်း ခုနစ်နှစ် အတွင်း နိုင်ငံတကာသို့ဆန်တင်ပို့မှု အများဆုံးဖြစ်လာ

ပြည်ပနိုင်ငံများသို့ဆန်တင်ပို့မှုသည် ဒီဇင်ဘာလအထိ ဆန်တင်ပို့မှုတန်ချိန် ၈၇၄၀၀၀ ကျော်တင်ပို့မှုကြောင့်  အမေရိကန် ဒေါ်လာ ၃၄၃ သန်း ကျော်ရရှိထားပြီဖြစ်၍ ၂၀၁၁-၂၀၁၂ ဘဏ္ဍာရေးနှစ် ကုန်ဆုံးရန်သုံးလကျန်နေသော်လည်း လွန်ခဲ့သည့် ခုနစ်နှစ် ဘဏ္ဍာရေးနှစ်တနှစ်လုံးတင်ပို့မှုထက် ကျော်လွန်နေကြောင်းကို စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနမှ သိရှိရသည်။

ဆန်များကိုပင်လယ်ရေကြောင်းသာမက နယ်စပ်ကုန်သွယ်ရေးစခန်းများကပါ တင်ပို့ခွင့်ပြုထားကြောင်း အများဆုံးဝယ်ယူသည့်နိုင်ငံများမှာ တရုတ်၊ ဖိလစ်ပိုင်၊ အင်ဒိုနီးရှားနှင့် အာဖရိကနိုင်ငံများကို တင်ပို့လျှက်ရှိကြောင်း၊ အင်ဒိုနီးရှားနိုင်ငံအနေဖြင့်လည်း ဆန်တန်ချိန်ကို ငါးသိန်းအထိ တိုးကာဝယ်ယူမည်ဖြစ်ကြောင်းကိုလည်း မြန်မာနိုင်ငံဆန်စပါးလုပ်ငန်း အသင်းချုပ်ဥက္ကဋ္ဌဦးချစ်ခိုင်က ပြောကြားကြောင်းသိရသည်။

မြန်မာနိုင်ငံအ&#