Transparency Myanmar

transparency.myanmar@gmail.com

yangonchronicle2013 (1)
Document yangonchronicle2013 (1)

Snapshot of the item below:
yangonchronicle2013 (1)

၂၈.၁.၂၀၁၃

ဘာသာပြန်သတင်းများ

  1. ကချင်ပြည်နယ်တွင်းတိုက်ပွဲများအပေါ် အမေရိကန်အထူးစိုးရိမ်နေ

 (VOA သတင်းဌာနမှ 24 Jan 2013 ရက်စွဲပါ US Deeply Concerned About Burma Fighting ကိုဘာသာပြန်ဆိုသည်)

  1. ကြွေးကျန်များပေးဆပ်ရေး နှင့် ဖွံ့ဖြိုးရေးချေးငွေသစ်များရနိုင်ရေးအတွက် မြန်မာကိုဂျပန်ကူညီ

(Global Post မှ 27 Jan 2013 ရက်စွဲပါ Japan helps Myanmar clear debts, qualify for new development loans ကိုဘာသာပြန်ဆိုသည်)

  1. သမ္မတလောင်းစာရင်းမဝင်အောင် ပိတ်ပင်ထားမှုအဆုံးသတ်ရေးဒေါ်အောင်ဆန်းစုကြည်မျှော်လင့်

(The Associated Press မှ 26 Jan 2013 ရက်စွဲပါ “Suu Kyi hopeful on ending Myanmar presidency ban”သတင်းကိုဘာသာပြန်ဆိုသည်)

***************************************************************

ဘာသာပြန်သတင်းများ

ကချင်ပြည်နယ်တွင်းတိုက်ပွဲများအပေါ် အမေရိကန်အထူးစိုးရိမ်နေ

 (VOA သတင်းဌာနမှ 24 Jan 2013 ရက်စွဲပါ US Deeply Concerned About Burma Fighting ကိုဘာသာပြန်ဆိုသည်)

မြန်မာနိုင်ငံ၊ ကချင်ပြည်နယ်တွင် အစိုးရစစ်တပ်နှင့် ကေအိုင်အေသူပုန်များအကြား ဖြစ်ပွားလျက်ရှိသောအကြမ်းဖက်တိုက်ခိုက်မှုများကြောင့် အလွန်အမင်းစိုးရိမ်ပူပန်ရကြောင်း အမေရိကန်ပြည်ထောင်စုက ထုတ်ဖော်ပြောဆိုသည်။

ရန်ကုန်အခြေစိုက် အမေရိကန်သံရုံးကထုတ်ပြန်သော ကြေညာချက်တွင် "မြန်မာစစ်တပ်သည် မြောက်ပိုင်းဒေသရှိကချင်ပြည်နယ်တွင် ထိုးစစ်ဆင် တိုက်ခိုက်မှုများပြုလုပ်လျက်ရှိကြောင်း၊ ယင်းသို့ထိုးစစ်ဆင်မှုများက အရပ်သားများထိခိုက်သေဆုံးမှုကို ဖြစ်ပေါ်စေပြီး အမျိုးသားပြန်လည် သင့်မြတ်ရေးကြိုးပမ်းမှုများကိုလည်း ထိခိုက်နစ်နာစေကြောင်း" မီဒီယာများနှင့် NGO များ၏ သတင်းပေးပို့ချက်များကို ကိုးကားဖော်ပြသည်။

မြန်မာသမ္မတဦးသိန်းစိန်၏ ပြောရေးဆိုခွင့်ရှိသူက အမေရိကန်သံရုံး၏ ကြေညာချက်သည် မျှတမှု မရှိကြောင်း ပြောကြားသည်။

“ကချင်ပြည်နယ်တွင်း အခြေအနေအရပ်ရပ်အတွက် အမေရိကန်အစိုးရက စိုးရိမ်ပူပန်တယ်ဆိုတာ ကျွန်တော်တို့နားလည်ပါတယ်။ ဒါပေမဲ့ မျှမျှတတဖြစ်အောင်ပြောရမယ်ဆိုရင် သူတို့အနေနဲ့ နှစ်ဖက်စလုံးရဲ့ပစ်ခတ်တိုက်ခိုက်မှုတွေကို ထုတ်ဖော်ပြောဆိုရမှာ ဖြစ်ပါတယ်။ အစိုးရဘက်ကိုချည်းပဲ အပြစ်ပုံချပြောဆိုတာ မျှတမှုမရှိပါဘူး” ဟု သမ္မတဦးသိန်းစိန်အစိုးရ၏ ပြောရေးဆိုခွင့်ရှိသူဦးရဲထွဋ်က ပြောကြားသည်။

မြန်မာအစိုးရသည် ပြီးခဲ့သည့် ရက်သတ္တပတ်အတွင်းကေအိုင်အေနှင့် အပစ်အခတ်ရပ်စဲမည်ဟု တစ်ဖက်သတ် ကြေညာခဲ့သည်။ သို့သော် ပစ်ခတ်တိုက်ခိုက်မှုများမှာ ဆက်လက်ဖြစ်ပွားနေဆဲဖြစ်သည်။ မျက်မြင်သက်သေများနှင့် လက်နက်ကိုင်သူပုန်အဖွဲ့မှ တာဝန်ရှိသူများက VOA သို့ ပြောပြချက်အရ မြန်မာစစ်တပ်သည် ကေအိုင်အေလက်နက်ကိုင်များ၏ အခြေအနေအပေါ် အသာစီးရရန်အလို့ငှာ ခဏတာမျှ နှစ်သိမ့်မှုပေးခြင်းပင် ဖြစ်သည်ဟုသိရသည်။

သမ္မတဦးသိန်းစိန်က မိန့်ခွန်းပြောကြားရာတွင် အစိုးရတပ်ဖွဲ့ဝင်များသည် တရုတ်နယ်စပ်ဒေသလိုင်ဇာမြို့ရှိ ကေအိုင်အေဌာနချုပ်တွင် ထိုးစစ်ဆင်တိုက်ခိုက်မှုများ မပြုလုပ်ဘဲနေကြောင်းပြောကြားသည်။

မြန်မာတပ်မတော်မှ စစ်ကြောင်းများအားစိတ်ရင်းစေတနာမှန်ကို ထုတ်ဖော်ပြသသည့်အနေဖြင့် ထိုးစစ်ဆင်တိုက်ခိုက်မှုမပြုလုပ်ရန် အမိန့် ပေးထားကြောင်း ဦးသိန်းစိန်က ပြောကြားပြီး ကေအိုင်အေတို့အနေဖြင့်လည်း ဆွေးနွေးပွဲစကားဝိုင်းသို့ အမြန်ဆုံးပြန်လည်ဝင်ရောက်ရန် တိုက်တွန်းသည်။

အမေရိကန်သံရုံး၏ ကြေညာချက်တွင်မူ နှစ်ဦးနှစ်ဖက်အနေဖြင့် ဒိုင်ယာလော့ခ်ပြုလုပ်နိုင်မည့် အနေအထားတစ်ခုကို ဖန်တီးနိုင်မည့် အဆင့်သို့ တက်လှမ်းသင့်ကြောင်း၊ ကုလသမဂ္ဂနှင့် နိုင်ငံတကာအေဂျင်စီများအနေဖြင့် အကူအညီလိုအပ်နေသော ဒုက္ခသည်များအား ကူညီခွင့်ရရှိအောင် ပြုလုပ်ပေးသင့်ကြောင်း တိုက်တွန်းဖော်ပြသည်။

မြန်မာနိုင်ငံတွင် အစိုးရတပ်များနှင့် ကချင်လက်နက်ကိုင်သူပုန်များသည် နှစ်ပေါင်း ၁၇ နှစ်ကြာ ရရှိခဲ့သော အပစ်အခတ်ရပ်စဲရေး သဘောတူညီချက် ပယ်ပျက်သွားပြီးနောက် ၂၀၁၁ ခုနှစ်မှစတင်ကာ ပစ်ခတ်တိုက်ခိုက်မှုများ ပြုလုပ်ခဲ့ကြသည်။ ယင်းတိုက်ပွဲများသည် မြန်မာနိုင်ငံတွင် သက်တမ်းအရှည်ကြာဆုံးသော ပြည်တွင်းစစ်တစ်ရပ်လည်းဖြစ်သည်။ အခြားတိုင်းရင်းသားလက်နက်ကိုင်အုပ်စုများမှာမူ အစိုးရနှင့် အပစ်အခတ်ရပ်စဲရေး သဘောတူညီချက် ရယူထားပြီးဖြစ်သည်။

ကချင်ပြည်နယ်တွင် ဖြစ်ပွားနေသောတိုက်ပွဲများကြောင့် လူထောင်ပေါင်းများစွာ နေရာရွှေ့ပြောင်းထွက်ပြေးခဲ့ကြရသလို လက်ရှိအစိုးရကအကောင်အထည်ဖော်လျက်ရှိသည့် ပြုပြင်ပြောင်းလဲရေးလုပ်ငန်းစဉ်မှာလည်း များစွာထိခိုက်နစ်နာလျက်ရှိသည်။

                                        --------------------------------------------------------------------------------------------------

ကြွေးကျန်များပေးဆပ်ရေး နှင့် ဖွံ့ဖြိုးရေးချေးငွေသစ်များရနိုင်ရေးအတွက် မြန်မာကိုဂျပန်ကူညီ

(Global Post မှ 27 Jan 2013 ရက်စွဲပါ Japan helps Myanmar clear debts, qualify for new development loans ကိုဘာသာပြန်ဆိုသည်)

photo credit - AFP

ယခုအခါ ဂျပန်နိုင်ငံသည် မြန်မာနိုင်ငံအနေဖြင့် ပေးရန်ရှိသည့် ကြွေးကျန် ဒေါ်လာသန်း ၉၀၀ ကိုပေးဆပ်နိုင်ရေးအတွက် ပေါင်းကူး ချေးငွေ (Bridge Loan) တစ်ရပ် ထောက်ပံ့ပေးလိုက်ပြီဖြစ်သည်။

မြန်မာအစိုးရအနေဖြင့် ဖိလစ်ပိုင်နိုင်ငံ၊ မနီလာမြို့တော်အခြေစိုက် အာရှဖွံ့ဖြိုးရေးဘဏ်(ADB) သို့ပေးရန်ကျန်ရှိနေသောကြွေးမြီ ဒေါ်လာသန်း ၉၀၀ ပေးဆောင်နိုင်ရေးအတွက် ဂျပန်အပြည်ပြည်ဆိုင်ရာပူးပေါင်းဆောင်ရွက်ရေးဘဏ် ကပေါင်းကူးချေးငွေ ထောက်ပံ့ပေးခဲ့ကြောင်း AP သတင်းဌာနက ရေးသားဖော်ပြသည်။

ရိုက်တာသတင်းအဆိုအရ မြန်မာနိုင်ငံတွင် သမ္မတဦးသိန်းစိန်အစိုးရလက်ထက်မှစ၍ နိုင်ငံရေးအကျဉ်းသားများ လွတ်ငြိမ်းချမ်းသာခွင့်ပေးမှု အပါအဝင် နိုင်ငံရေးနှင့် စီးပွားရေးပြုပြင်ပြောင်းလဲမှုများ ပြုလုပ်လာခြင်းကြောင့် အနောက်နိုင်ငံများက ၎င်းတို့၏ ပိတ်ဆို့အရေးယူမှုများကို စတင်ဖယ်ရှားပေးခဲ့သည်။

သို့သော် မြန်မာသည် ၁၉၈၇ ခုနှစ်ဝန်းကျင်ခန့်လောက်က ပေးရန်ရှိသောကြွေးမြီများ ပေးဆပ်မှု မပြုလုပ်ခဲ့သောကြောင့် နိုင်ငံတကာ ငွေကြေးအဖွဲ့အစည်းများထံမှ ကြွေးမြီသစ်များထပ်မံရယူရန် အခက်အခဲကြုံတွေ့နေရကြောင်း AP သတ