Transparency Myanmar

transparency.myanmar@gmail.com

Yangon Chronicle(Quotes & Comments)
Document Yangon Chronicle(Quotes & Comments)

Snapshot of the item below:
Yangon Chronicle(Quotes & Comments)

 

*

*

၁၇.၂.၂၀၁၃

သတင်းနှင့်ဆောင်းပါးကောက်နှုတ်ချက်များ

“ဒီဥပဒေအရတိုင်ကြားလာရင် မည်သူ့ကိုမဆို ကော်မရှင်ကစစ်ဆေးခွင့်ရှိပြီး သက်ဆိုင်ရာတရားရုံးတွေကို တရားစွဲဆိုတင်ပို့ခွင့်ရှိပါတယ်။ တိုင်းဒေသကြီးနဲ့ ပြည်နယ်အစိုးရအဖွဲ့တွေက ဝန်ကြီးချုပ်အဆင့်ရှိ ပုဂ္ဂိုလ်တွေကို စစ်ဆေးဖို့ရှိလာရင် သက်ဆိုင်ရာ တိုင်းဒေသကြီးနဲ့ ပြည်နယ်တရားရုံးတွေကို ဒီဥပဒေအရ စစ်ဆေးအရေးယူခွင့်ပေးထားပါတယ်။ ဒီ တရားရုံးများအပေါ်မှာ အုပ်ချုပ်ရေးအဖွဲ့တွေက သြဇာလွှမ်းမိုးခံရတယ်လို့ ကော်မရှင် ကယူဆရင် အထူး တရားရုံးတွေ ဖွဲ့စည်းဆောင်ရွက်ခွင့်ကိုလည်း ဥပဒေအရ ပေးအပ်ထားပါတယ်။”

ဖေဖော်ဝါရီလ ၁၈ ရက်နေ့ထုတ် Fresh News Journal အမှတ်(၃/၁၈၈)တွင်ပါရှိသော “လာဘ်ကိစ္စလက်ရှောင်ကြလော့”သတင်းမှ ပြည်ထောင်စု လွှတ်တော်ဥပဒေကြမ်း ပူးပေါင်းကော်မတီဝင် ဒေါက်တာမြတ်ဥာဏစိုး၏ ပြောကြားချက်အားကောက်နှုတ်ချက်။

------------------------------------------------------------------------------------------

“ဒီ ညီလာခံက အရေးကြီးတယ်။ ဘာလို့လဲဆိုတော့ ကျွန်တော်တို့ပါတီက ဒီမိုကရေစီပါတီဆိုတော့ ဒီမိုကရေ စီနည်းကျကျ ရွေးချယ်တင်မြှောက်ပွဲတွေကို အောက်ခြေအကျဆုံးဖြစ်တဲ့ ရပ်ကွက်၊ ကျေးရွာ တို့အထိ အားလုံး မှာ ညီလာခံတွေလုပ်ပြီးတော့မှ နောက်ဆုံးဗဟိုညီလာခံလုပ်မှာဖြစ်ပါတယ်။ ကျွန်တော်တို့ ရဲ့ပါတီ ဒီမိုကရေစီ နည်းကျတည်ဆောက်တဲ့နေရာမှာ အရေးကြီးဆုံးအချက်ဖြစ်တယ်လို့ပြောချင်ပါတယ်။”

ဖေဖော်ဝါရီလ ၁၅ ရက်နေ့ထုတ် မွန်းတည့်နေဂျာနယ် အတွဲ (၁) အမှတ် (၁၀) တွင်ပါရှိသော “NLD ပြည်လုံးကျွတ်ညီလာခံ မတ်လ အတွင်း ကျင်းပမည်” သတင်းမှ ဦးတင်ဦး၏ ပြောကြားချက်အား ကောက်နှုတ် ချက်။

---------------------------------------------------------------------------------------------------

“အစိုးရကအသွင်ကူးပြောင်းနေချိန်မှာ အရင်ကဖြစ်ခဲ့တာတွေကို မလုပ်တာထားပါတော့ လက်ရှိ အစိုးရမှာ ဖြစ်တဲ့ ကိစ္စတွေကိုတော့ သေချာကိုင်တွယ် ရပါလိမ့်မယ်”

ဖေဖော်ဝါရီလ ၁၈ ရက်နေ့ထုတ် The Voice Journal အတွဲ (၉) အမှတ် (၇) တွင်ပါရှိသော “လက်ပံတောင်း တောင် သပိတ်စခန်းဖြိုခွင်းရာ တွင် စစ်သုံးလက်နက်များ အသုံးပြုခဲ့ဟုဆို” သတင်းမှ လက်ပံတောင်းတောင် အရေး ပူးပေါင်းလုပ်ဆောင်နေသည့် Justice Trust အဖွဲ့ဒါရိုက်တာ Roger Normand ၏ပြောကြားချက် အားကောက်နှုတ်ချက်။

-------------------------------------------------------------------------------------------------------

“စင်ကာပူနိုင်ငံမှာ ဆိုရင်တက္ကသိုလ်ကျောင်းသားတွေ အချိန်ပိုင်းအလုပ်လုပ်ခွင့်ရှိတယ်။ ကျွန်တော်တို့ နိုင်ငံမှာ အချိန်ပိုင်း အလုပ်လုပ်ခွင့် ဘယ်နေရာမှ မပေးဘူး။ အဲဒီတော့ ကျွန်တော်တို့ရဲ့ မီဒီယာမှာ အချိန်ပိုင်းလာလုပ်ဖို့ အစီအစဉ်ရေးဆွဲနေပါတယ်။ တက္ကသိုလ် ကျောင်းသား၊ ကျောင်းသူလေးတွေ အချိန်ပိုင်း အဖြစ် သတင်းလိုက် ခြင်း၊ သတင်းစာစီ၊ စာရိုက်ခြင်း၊ Marketing ဆင်းခြင်းစတဲ့ ဝါသနာပါတဲ့ အလုပ်ကို ဝင်ရောက်လုပ်ကိုင်ပြီး ဝင်ငွေရှာနိုင် ပါတယ်။”

ဖေဖော်ဝါရီလ ၁၈ ရက်နေ့ထုတ် The Street View Journal အတွဲ (၂) အမှတ် (၇) တွင်ပါရှိသော “တက္ကသိုလ်ကျောင်းသားများ အချိန်ပိုင်းအလုပ်ရရှိအောင် ကူညီပေးမည်” သတင်းမှ Home Multi Media Group မှ တာဝန်ရှိသူတစ်ဦး၏ ပြောကြားချက် အားကောက်နှုတ်ချက်။

--------------------------------------------------------------------------------------------------

“အခုလို လှူဒါန်းနိုင်တာဟာ ငြိမ်းချမ်းရေးလက်မှတ်ထိုးနိုင်တဲ့ အကျိုးဆက်တစ်ခုလို့ပဲ ယူဆပါတယ်။ လက်နက်ကိုင် ပဋိပက္ခဖြစ်ပွားခဲ့တာလည်း နှစ် ၆၀ ကျော်ခဲ့ပါပြီ။ မြေစာပင်ဖြစ်ခဲ့တာ ကျွန်တော်တို့ ပြည်သူများ ပဲဖြစ်ပါတယ်။ ယခုကဲ့သို့ စားနပ်ရိက္ခာများပေးအပ်ခြင်းသည် ဒုက္ခသည်များအတွက် ပထမဆုံး အကြိမ် တရားဝင် ရရှိသော ထောက်ပံ့မှုလည်း ဖြစ်ပါတယ် ”

ဖေဖော်ဝါရီလ ၁၈ ရက်နေ့ထုတ် The Street View Journal အတွဲ (၂) အမှတ် (၇) တွင်ပါရှိသော “KNU နယ်မြေထဲရှိ ဒုက္ခသည်များအား နီပွန်ဖောင်ဒေးရှင်းမှ သွားရောက်လှူဒါန်း” သတင်းမှ KNU ဆက်ဆံရေးရုံးမှ ကာကွယ်ရေးတာဝန်ရှိသူ ဦးစောရော်ဂျာစင်၏ ပြောကြားချက် အားကောက်နှုတ်ချက်။

                                                            ********************************************************

 

 


Google Drive: create, share, and keep all your stuff in one place. Logo for Google Drive

0 comments:

Post a Comment