![]() | CURRENT NEWS |
ပြည်တွင်း နိုင်ငံရေး၊ စီးပွားရေး သတင်းစဉ်
- လက်ပံတောင်းတောင်စုံစမ်းရေး ကော်မရှင်၏ အစီရင်ခံစာအပေါ် အကောင်အထည်ဖော်မည့်ကော်မတီမှ သတင်း ထုတ်ပြန်
- စီးပွား/ကူးသန်းဝန်ကြီးဌာနလက်အောက်ရှိ ဌာနနှစ်ခု ပြောင်းလဲပြင်ဆင်ဖွဲ့စည်း
- ပြည်တွင်းငြိမ်းချမ်းရေးရရှိရေး NGO များပါဝင်ရမည့် အခန်းကဏ္ဍသတ်မှတ်ပေးရန်တောင်းဆို
- အပြည်ပြည်ဆိုင်ရာ မြေမြှုပ်မိုင်း အသိပညာပေးရေး အခမ်းအနားကျင်းပ
လက်ပံတောင်းတောင်စုံစမ်းရေး ကော်မရှင်၏အစီရင်ခံစာအပေါ် အကောင်အထည်ဖော်မည့်ကော်မတီမှ သတင်း ထုတ်ပြန်
လက်ပံတောင်းတောင် စုံစမ်းရေးကော်မရှင်၏ အစီရင်ခံစာအပေါ် အကောင်အထည်ဖော် ဆောင်ရွက်မည့်ကော်မတီမှ လက်ရှိလုပ်ကိုင်ဆောင်ရွက် ပြီးစီးမှုများနှင့်ပတ်သက်၍ သတင်းထုတ်ပြန်ချက်အမှတ်(၁/၂၀၁၃)ကို ဧပြီလ ၃ ရက်နေ့ရက်စွဲ ဖြင့် ထုတ်ပြန်ကြေညာခဲ့သည်။
အဆိုပါ ကော်မတီအနေဖြင့် စုံစမ်းရေးကော်မရှင်မှအကြံပြုခဲ့သည့်အတိုင်း ကြေးနီစီမံကိန်းနှင့်ပတ်သက်၍ လေ့လာ တွေ့ရှိခဲ့ရသော အားနည်းချက်များကိုပြုပြင်၍ နိုင်ငံတော်၏ အကျိုးစီးပွား၊ ဒေသခံလူထု၏ အကျိုးစီးပွားတို့ကို ရရှိနိုင်စေရန် အစီအမံများချမှတ်ပြီး စီမံကိန်းဆက်လက် ဆောင်ရွက်မည့် နည်းလမ်းအတိုင်း အကောင်အထည်ဖော် ဆောင်ရွက်လျက်ရှိ ကြောင်း သတင်းထုတ်ပြန်ခဲ့သည်။
လက်ပံတောင်းတောင် စီမံကိန်းဆောင်ရွက်နိုင်ရန် သိမ်းဆည်းထားသော မြေပမာဏမှာ လိုအပ်သည်ထက် ပိုမိုသိမ်း ဆည်းခြင်းရှိ/မရှိကို မြေတိုင်းတာရေးအဖွဲ့များဖြင့် ပြန်လည်တိုင်းတာ စိစစ်ခဲ့ရာတွင် မူလသိမ်းဆည်းခဲ့သော မြေဧရိယာမှာ ၇၈၆၇.၇၈ ဧကရှိခဲ့သော်လည်း တိုင်းတာတွက်ချက်ပြီး အနည်းဆုံးဆောင်ရွက်နိုင်မည့် စီမံကိန်းလုပ်ငန်းဧရိယာမှာ ၆၉၆၅.၅၄ ဧက ဖြစ်သည့်အတွက် စီမံကိန်းမှ ပြန်လည်ထုတ်နုတ်ပေးနိုင်မည့် မြေဧရိယာမှာ ၉၀၂.၂၄ ဧကရှိကြောင်း သိရသည်။
ထို့ပြင် ကြေးနီစီမံကိန်း မြေသိမ်းဆည်းခံထားရသော ဒေသခံလူထုအတွက် မြေလျော်ကြေးထပ်မံ ပေးအပ်ရာတွင် စုံစမ်းရေးကော်မရှင်၏ အစီရင်ခံစာပါ အကြံပြုချက်များအတိုင်း တောင်သူ(၅၇၀)ဦးအား မြေဧက ၁၇၅၃ ဒဿမ ၇၁ ဧက အတွက် တန်ဖိုးငွေကျပ်(၁၇၈၅၆ ဒဿမ ၇၅)သိန်း ပေးအပ်ခဲ့သည့်အပြင် ကျန်သူများကိုလည်း လယ်မြေ/ယာမြေအလိုက် စိစစ် ပေးအပ်သွားမည်ဖြစ်ကြောင်း ထုတ်ပြန်ချက်တွင် ဖော်ပြပါရှိသည်။
ထိုသို့ တောင်သူများအား လျော်ကြေးငွေပေးအပ်ရာတွင် မြေအမျိုးအစားကွာခြားမှုနှင့် အမွေဆိုင်ကိစ္စရပ်များကြောင့် တောင်သူများ၏ကန့်ကွက်မှု(၁၇၇)မှုအနက်(၃၃)မှုကို ဖြေရှင်းဆောင်ရွက်ပေးနိုင်ခဲ့ပြီးကော်မတီအနေဖြင့် သဘာဝပတ်ဝန်းကျင် ထိန်းသိမ်းရေး၊ ပြောင်းရွှေ့လာသော ကျေးရွာများဖွံ့ဖြိုးတိုးတက်ရေး၊ အလုပ်အကိုင်ရရှိရေးနှင့် ဒေသဖွံ့ဖြိုးရေးတို့ကို တစ်ပြိုင်တည်း ဆောင်ရွက်လျက်ရှိကြောင်း သိရသည်။
YC
စီးပွား/ကူးသန်းဝန်ကြီးဌာနလက်အောက်ရှိ ဌာနနှစ်ခု ပြောင်းလဲပြင်ဆင် ဖွဲ့စည်း
လက်ရှိ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန လက်အောက်ရှိ နယ်စပ်ကုန်သွယ်ရေး ဦးစီးဌာနအား ပြိုင်ဆိုင်မှု ရေးရာနှင့် စားသုံးသူရေးရာဌာနများပါဝင်သည့် ကူးသန်းရောင်းဝယ်ရေးနှင့် စားသုံးသူရေးရာဦးစီးဌာနအဖြစ် ပြောင်းလဲပြင်ဆင် ဖွဲ့စည်းခဲ့သည့်အပြင် မြန်မာ့လယ်ယာထွက်ကုန်ရောင်းဝယ်ရေးလုပ်ငန်းကိုလည်း ကုန်သွယ်မှုမြှင့်တင်ရေး ဦးစီး ဌာနအဖြစ် ပြောင်းလဲပြင်ဆင်ဖွဲ့စည်းလိုက်ပြီဖြစ်ကြောင်း အဆိုပါဝန်ကြီးဌာနမှ တာဝန်ရှိသူတစ်ဦး၏ ပြောကြားချက်အရ သိရသည်။
ယခုပြင်ဆင်ဖွဲ့စည်းလိုက်သည့် ကူးသန်းရောင်းဝယ်ရေးနှင့် စားသုံးသူရေးရာဦးစီးဌာနတွင် ဌာနခွဲများအဖြစ် ကုန် သွယ်မှုနှင့် ကုန်သွယ်စီးဆင်းမှုဌာနခွဲ၊ ဒေသတွင်း ကုန်သွယ်မှုဌာနခွဲ၊ ကုန်သွယ်မှုဆိုင်ရာ ညှိနှိုင်းကွပ်ကဲရေးဌာနခွဲ၊ ယှဉ်ပြိုင်မှု မူဝါဒဌာနခွဲ၊ စားသုံးသူရေးရာဌာနခွဲများပါဝင်မည်ဖြစ်ပြီး ကုန်သွယ်ရေးညွှန်ကြားမှု ဦးစီးဌာနတွင် လုပ်ကိုင်နေရသော လုပ်ငန်း များနှင့် ဌာနအမည်များမှာမူ အံဝင်မှုရှိသည့်အတွက် မူလအတိုင်းသာ ထားရှိမည်ဖြစ်ကြောင်း သိရသည်။
ကုန်သွယ်မှုမြှင့်တင်ရေးဌာနမှ အပြည်ပြည်ဆိုင်ရာ ကုန်စည်ပြပွဲများကျင်းပရေး၊ အသေးစားနှင့် အလတ်စား လုပ်ငန်းတို့ဖွံ့ဖြိုးတိုးတက်ရေး၊ အသေးစားငွေကြေး လုပ်ငန်းများဖွံ့ဖြိုးရေးနှင့် ပြည်ပကုန်သွယ်မှု လုပ်ငန်းများကို ဆောင်ရွက် သွားမည်ဖြစ်ကြောင်း သိရသည်။
ထို့ပြင်လာမည့် ၂၀၁၄ ခုနှစ်တွင်ဖြစ်ပေါ်လာမည့် အာဆီယံဒေသတွင်း လွတ်လပ်စွာကုန်သွယ်ခွင့်(AFTA)တွင် မြန်မာ နိုင်ငံအနေဖြင့်လည်း ပူးပေါင်းဆောင်ရွက်မှုများ လုပ်ကိုင်ဆောင်ရွက်နိုင်ရန်နှင့် လုပ်ငန်းစဉ်အများအပြားကို ထိရောက်စွာ ဆောင်ရွက်နိုင်စေရန် ရည်ရွယ်၍ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ လက်ရှိဖွဲ့စည်းပုံကို ပြန်လည်ပြင်ဆင် သွားမည်ဖြစ်ကြောင်း သိရသည်။
YC
ပြည်တွင်းငြိမ်းချမ်းရေးရရှိရေး NGO များပါဝင်ရမည့် အခန်းကဏ္ဍသတ်မှတ်ပေးရန်တောင်းဆို
မြန်မာနိုင်ငံ၏ ပြည်တွင်းငြိမ်းချမ်းရေး ဖော်ဆောင်မှုဖြစ်စဉ်များတွင် အရပ်ဘက် လူ့အဖွဲ့အစည်း(NGO)များ ပါဝင် ရမည့်အခန်းကဏ္ဍတစ်ခုအား တိကျရေရာစွာသတ်မှတ်ပေးရန် တိုင်းရင်းသားကိုယ်စားပြု အဖွဲ့(၆၂)ဖွဲ့မှ ဧပြီလ ၃ ရက်နေ့တွင် တောင်းဆိုလိုက်ကြောင်း သိရသည်။
လက်ရှိအချိန်တွင် ပြည်တွင်းတိုင်းရင်းသား လက်နက်ကိုင် အဖွဲ့(၁၁)ဖွဲ့အနက်(၁၀)ဖွဲ့နှင့် အပစ်အခတ်ရပ်စဲရေး သဘောတူစာချုပ်များ ချုပ်ဆိုပြီးသော်လည်း အချို့တိုင်းရင်းသား လက်နက်ကိုင်အဖွဲ့များနှင့် တပ်မတော်တို့တိုက်ပွဲများ ပြန် လည်ဖြစ်ပွားမှု ရှိနေသေးသည့်အပြင် သဘောတူစာချုပ်ပါအချက်များကို နှစ်ဖက်အဖွဲ့အစည်းမှ လေးစားလိုက်နာရန် အား နည်းလျက်ရှိပြီး ငြိမ်းချမ်းမှုဖြစ်စဉ်များတွင် အရပ်ဘက်လူ့အဖွဲ့အစည်း(NGO)များ ပါဝင်လာနိုင်မှသာ ပိုမိုပွင့်လင်းမြင်သာမှုကို ဖော်ဆောင်နိုင်မည်ဖြစ်ကြောင်း သိရသည်။
ပြီးခဲ့သည့် မတ်လပိုင်းတွင် ပြည်တွင်းငြိမ်းချမ်းရေး ဖော်ဆောင်ရေးအဖွဲ့နှင့် ကချင်လွတ်မြောက်ရေး တပ်မတော် (KIO)တို့ တရုတ်နိုင်ငံ ရွှေလီမြို့၌ ငြိမ်းချမ်းရေးတွေ့ဆုံ ဆွေးနွေးနေစဉ် ကာလအတွင်း တပ်မတော်နှင့် အပစ်အခတ်ရပ်စဲထား သည့် ရှမ်းပြည်တပ်မတော်တို့ တိုက်ပွဲများ ပြန်လည်ဖြစ်ပွားခဲ့ကြောင်း သိရသည်။
ထို့ပြင် လက်ရှိအချိန်တွင် ပြည်တွင်းငြိမ်းချမ်းရေး လုံးဝရရှိနိုင်စေရေးအတွက် တပ်မတော်နှင့်ရင်ဆိုင်တိုက်ပွဲများ ဖြစ်ပွားလျက်ရှိသည့် ကချင်လွတ်မြောက်ရေးတပ်မတော်(KIO)နှင့် ပြည်ထောင်စုငြိမ်းချမ်းရေးဖော်ဆောင်ရေးအဖွဲ့တို့မှ မကြာမီ ရက်များအတွင်း မြစ်ကြီးမြို့၌ ပထမဆုံးအဖြစ် ငြိမ်းချမ်းရေးတွေ့ဆုံ ဆွေးနွေးမှုများကို ပြုလုပ်မည်ဖြစ်ကြောင်း သိရသည်။
အစိုးရ၏ ပြည်ထောင်စုငြိမ်းချမ်းရေး ဖော်ဆောင်ရေးအဖွဲ့နှင့် ကချင်လွတ်မြောက်ရေး တပ်မတော်(KIO) တို့၏ နောက်ဆုံးအကြိမ်ဆွေးနွေးခဲ့သည့် ငြိမ်းချမ်းရေး ဆွေးနွေးပွဲတွင် နှစ်ဘက်အပစ်အခတ်ရပ်စဲရေးကို သဘောတူညီခဲ့ကြောင်း သိရသည်။
YC
အပြည်ပြည်ဆိုင်ရာ မြေမြှုပ်မိုင်း အသိပညာပေးရေး အခမ်းအနားကျင်းပ
အပြည်ပြည်ဆိုင်ရာ မြေမြှုပ်မိုင်း အသိပညာပေးရေး အခမ်းအနားကို ဧပြီလ ၄ ရက်နေ့တွင် Myanmar Peace Center ၌ကျင်းပပြုခဲ့ပြီးအခမ်းအနားသို့ သက်ဆိုင်ရာအဖွဲ့အစည်းများမှ တာဝန်ရှိပုဂ္ဂိုလ်များနှင့် ဖိတ်ကြားထားသော ဧည့် သည်တော်များ တက်ရောက်ခဲ့ပြီး ၎င်းတို့၏လုပ်ငန်းတာဝန်များနှင့် ပတ်သတ်၍ ရှင်းလင်းတင်ပြမှုများကို ပြုလုပ်ခဲ့ကြောင်း သိ ရသည်။
အဆိုပါအခမ်းအနားကို Myanmar Peace Center မှ ပထမဆုံးအကြိမ်အဖြစ် ကျင်းပခဲ့ခြင်းဖြစ်ပြီး မြေမြှုပ်မိုင်းများ မှာ ပြည်သူတို့၏ နေ့စဉ်လူနေမှုဘဝကို ထိခိုက်နစ်နာလျှက် ရှိသည့်အတွက် ယင်းပြဿနာများကို ကိုင်တွယ်ဖြေရှင်းနိုင်ရန် ရည်ရွယ်၍ ကျင်းပရခြင်းဖြစ်ကြောင်း Myanmar Peace Center မှအမှုဆောင်ညွှန်ကြားရေးမှူး ဦးကျော်စိုးလှိုင်က ပြောကြား ခဲ့သည်။
Myanmar Peace Center အနေဖြင့် ဒေသတွင်း အပစ်အခတ်ရပ်စဲရေး၊ နိုင်ငံရေး ညှိနှိုင်းဆွေးနွေးမှုများ၊ ပြည်သူ လူထုအား အသိပညာပေးရေး၊ ဒေသဖွံဖြိုးတိုးတက်ရေးနှင့် မြေမြှုပ်မိုင်းရှင်းလင်းရေး စသည့်အချက်များကို အဓိကထား ဆောင်ရွက်လျက်ရှိသည့်အပြင် မြေမြှုပ်မိုင်းရှင်းလင်းရေးနှင့် ပတ်သက်၍ နိုင်ငံတကာအဆင့်မီမြေမြှုပ်မိုင်း ရှင်းလင်းရေး နည်းဗျူဟာမူကြမ်း တစ်ရပ်ရေးဆွဲလျှက်ရှိကြောင်း ၎င်းက ဆက်လက်ပြောကြားခဲ့သည်။
မြန်မာနိုင်ငံအတွင်းရှိ မြေမြှုပ်မိုင်းများအား ရှင်းလင်းဆောင်ရွက်နိုင်ရန် သတင်းအချက်အလက်များ စုဆောင်းခြင်း၊ မပေါက်ကွဲ မပျက်စီးသေးသော မိုင်းများအားဖျက်ဆီးခြင်း စသည့်လုပ်ငန်းစဉ်များလုပ်ဆောင်ရာတွင် အဓိကအခက်အခဲများ အနေဖြင့် Survey ကောက်ယူရာတွင် သက်ဆိုင်ရာ တပ်မတော်နှင့် တိုင်းရင်းသားလက်နက်ကိုင်တပ်များထံမှ ခွင့်ပြုချက် လိုအပ်ခြင်းနှင့် ဒေသတွင်း ငြိမ်းချမ်းရေးမရရှိသေးသော နေရာဒေသများတွင် မြေမြှုပ်မိုင်းရှင်းလင်းရန် မလွယ်ကူခြင်းတို့ရှိ ကြောင်းသိရသည်။
ဆက်လက်၍ INGO အဖွဲ့အစည်းတစ်ခုဖြစ်သည့် Handicap International မှအဖွဲ့ဝင်မခင်ခင်ဝင်းက မြေမြှုပ်မိုင်း များကြောင့် ထိခိုက်ဒဏ်ရာရရှိသူများကို ကူညီစောင့်ရှောက်နိုင်ရေးနှင့် ပတ်သက်၍ သတင်းအချက်အလက်များ စုဆောင်း ခြင်း၊ အရေးပေါ်နှင့်လက်ရှိ လုပ်ဆောင်နေသော ကျန်းမာရေးဆိုင်ရာ စောင့်ရှောက်မှုများပေးခြင်း၊ လူမှုစိတ်ပိုင်းဆိုင်ရာ ထောက်ပံ့မှုများပေးခြင်း စသည့်ကိစ္စရပ်များကို ရှင်းလင်းတင်ပြခဲ့ပြီး မြန်မာနိုင်ငံအနေဖြင့်လည်း ၂၀၁၁ ခုနှစ်တွင် မြေမြှုပ်မိုင်း ဒဏ်ကြောင့် လူ ၂၇၄ ဦး အသက်ဆုံးရှုံးခဲ့ရကြောင်း ၎င်းကဆက်လက်ပြောကြားသည်။
လူမှုဝန်ထမ်းဦးစီးဌာနနှင့် UNICEF တို့မှလည်း မြေမြှုပ်မိုင်း အသိပညာပေးရေးဆိုင်ရာ အဖွဲ့များဖွဲ့စည်း၍ ဒေသခံများအား မြေမြှုပ်မိုင်းဆိုင်ရာ သတင်းအချက်အလက်များ မျှဝေခြင်း၊ ကုလသမဂ္ဂအဖွဲ့အစည်းများ၊ INGO၊ NGO များ နှင့်ပူးပေါင်း၍ မြေမြှုပ်မိုင်းရှင်းလင်းရေး ကိစ္စရပ်များဆောင်ရွက်ခြင်းနှင့် ထိရောက်သော မြေမြှုပ်မိုင်းဆိုင်ရာ အသိပညာပေး ရေးလုပ်ငန်းများကို လုပ်ဆောင်လျှက်ရှိသည့်အပြင် အနာဂါတ်တွင် ဆောင်ရွက်သွားမည့် မြေမြှုပ်မိုင်း ရှင်းလင်းရေးအစီ အစဉ် များကိုလည်း ချမှတ်လုပ်ဆောင်လျက်ရှိကြောင်း လူမှုဝန်ထမ်းဦးစီးဌာနမှ ညွှန်ကြားရေးမှူးချုပ် ဦးအောင်ကျော်မိုးက ရှင်းလင်း တင်ပြခဲ့သည်။
အဆိုပါအခမ်းအနားသို့ MPC မှတာဝန်ရှိသူများ၊ လူမှုဝန်ထမ်းဦးစီးဌာနမှ ညွှန်ကြားရေးမှူးချုပ် ဦးအောင်ကျော်မိုး၊ UNICEF ၊ Norwegian People’s Aid ၊ Handicap International တို့မှ တာဝန်ရှိသူများနှင့် ဖိတ်ကြားထားသော ပြည်တွင်း ပြည်ပမှ ဧည့်သည်တော်များ တက်ရောက်ခဲ့ကြပြီး ယင်းအခမ်းအနားအပြီးတွင် Norwegian People’s Aid ရှိအဖွဲ့ဝင်များမှ မိုင်းရှင်းလင်းရေး လုပ်ဆောင်ချက်များကို လက်တွေ့သရုပ်ဖော် ပြသခဲ့ကြာင်း သိရှိရသည်။
YC