Transparency Myanmar

transparency.myanmar@gmail.com

Quote & Comment and News in brief
Document

Snapshot of the item below:
Quote & Comment and News in brief

သတင်းဆောင်းပါးမှ ကောက်နှုတ်ချက်များ

“နိုင်ငံတကာ အလှူရှင်တွေကို MPC ကပဲ ချုပ်ကိုင်ထားတယ်ဆိုတာ မဟုတ်ပါဘူး။ အလှူရှင်တွေကနေ ပြီးတော့ တိုင်းရင်း သား လက်နက်ကိုင်တွေကို ပေးတဲ့ဟာ MPC က တစ်ဆင့် သွားတယ်ဆိုတာလည်း ရှိမှ မရှိတာ ဘယ်လို ပြောပြရမလဲ။ ကျွန်တော် ကိုယ်တိုင် MPC မှာ လုပ်နေပေမယ့် ကျွန်တော့်အတွက် ထိုင်ခုံ မရှိပါဘူး”

၂၀၁၃ခုနှစ် ဇွန်လ ၂၇ ရက်နေ့ထုတ် Popular News ဂျာနယ် အတွဲ (၅) ၊ အမှတ် (၂၅) တွင် ပါရှိသော “ငြိမ်းချမ်းရေး စင်တာ၏ လုပ်ဆောင်ချက် ဒေါက်တာနိုင်အောင် ဝေဖန်” သတင်းမှ ငြိမ်းချမ်းရေး အကျိုးတော်ဆောင် ဦးလှမောင်ရွှေ၏ ပြောကြားချက်အား ကောက်နှုတ်ချက်။


 “ဖွဲ့စည်းပုံအခြေခံ ဥပဒေပြောင်းလဲရေးနဲ့ ပတ်သက်လို့ ဆိုလို့ရှိရင် အန်တီတို့အနေနဲ့ကတော့ ပြည်သူကို ရှင်းပြဖို့ သိပ် အရေး ကြီးတဲ့ကိစ္စတစ်ခုလို့ ဒီလိုပဲမြင်တယ်။ ဘာဖြစ်လို့ ပြောင်းလဲချင်တာလဲ၊ ပြောင်းလဲခြင်းအား ဖြင့် ဒီနိုင်ငံအတွက် ဘာအ ကျိုးရှိမလဲ၊ နိုင်ငံအတွင်းက ပြည်သူတွေနဲ့ အဖွဲ့အစည်းတွေ၊ အဖွဲ့အစည်းတွေဆို တာ ပြောရမယ်ဆိုရင် တပ်မတော် အပါအ ၀င် ပြည်သူတွေအတွက် အကျိုးတွေ ရှိမယ် ထင်သလဲဆိုတာ ဒါတွေ ရှင်းပြရမယ်။ ရှင်းပြပြီးတော့ ပြည်သူလူထုက သဘော ပေါက်ပြီး လက်ခံသွားပြီဆိုရင် အောင်မြင်ကို အောင်မြင်ရမယ်။ အနှေးနဲ့ အမြန်ပေါ့။ အမြန်ဆိုတော့ ပိုကောင်းတာပေါ့”

၂၀၁၃ ခုနှစ် ဇွန်လ ၂၆ ရက်နေ့ထုတ် Yangon Times နေ့စဉ်ထုတ်သတင်းစာတွင် ပါရှိသော “သမ္မတဖြစ်ရေး သူရဦး ရွှေမန်း အပြော ဒေါ်အောင်ဆန်းစုကြည် သဘောကျ” သတင်းမှ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ နှင့် ပြည်သူ့ လွှတ်တော် ကိုယ်စားလှယ် ဒေါ်အောင်ဆန်းစုကြည်၏ ပြောကြားချက် အား ကောက်နှုတ်ချက်။


“အဲဒီ အသေးစိတ်ကတော့ ကျွန်တော် မပြောနိုင်ဘူး။ ကျွန်တော် ပြောနိုင်တာကတော့ အခုကလေးနဲ့ တမူးမှာ ဒုတိယ ရဲချုပ် ခေါင်းဆောင်ပြီးတော့ ပြည်ထောင်စု ပြည်ထဲရေးဝန်ကြီးဌာနက ကိုင်တွယ်တဲ့ဟာက ကောင်းမွန်တဲ့ ခြေလှမ်းဖြစ်တယ်။ မူးယစ်ဆေးဝါးထိ ပြဿနာကို ပြည်သူလူထုက တင်ပြလို့ လူထုက ရတဲ့ သတင်းနဲ့ အခုလို အရေးယူဆောင်ရွက်တဲ့ ပုံမျိုးကို အဲဒီလိုပဲ လူထုတိုင်ကြားတဲ့ပေါ် မူတည်ပြီးတော့ ကျန်တဲ့ တရားသူကြီးတွေ အပါအ၀င်ပေါ့။ ကျန်တဲ့ အကျင့်ပျက်တဲ့လူတွေကို သက်ဆိုင်ရာ ဌာနအသီးသီးက အခု ကလေးနဲ့ တမူးမှာ လုပ်သလို အရေးယူ ဆောင်ရွက်ခြင်းဟာ သမ္မတကြီးပြောတဲ့ သန့်စင်တဲ့အစိုးရ၊ ကောင်းမွန်တဲ့ အုပ်ချုပ်ရေး တည်ထောင်ဖို့အတွက် အင်မတန် လိုအပ်တဲ့ ခြေလှမ်းပဲလို့ ကျွန်တော်မြင် တယ်”

၂၀၁၃ ခုနှစ် ဇွန်လ ၂၇ ရက်နေ့ထုတ် Popular News ဂျာနယ် အတွဲ (၅) ၊ အမှတ် (၂၅) တွင် ပါရှိသော “ကလေးမြို့ သာဓကနှင့် အကျင့်ပျက်ခြစားမှု ပြဿနာ ဘယ်လို ကိုင်တွယ်ကြမလဲ” သတင်းမှ ပြည်သူ့လွှတ်တော်ကိုယ်စားလှယ် ဦးသိန်းညွန့်၏ ပြောကြားချက်အား ကောက်နှုတ်ချက်။


 “ဦးဝီရသူ ဘက်ကနေ မဟုတ်ဘဲနဲ့ မြန်မာနိုင်ငံမှာ လွတ်လပ်စွာ ယုံကြည်ကိုးကွယ်ခွင့်ရှိတယ်။ အခြေခံဥပဒေ ကလည်း ကာကွယ်ထားတယ်။ ဗုဒ္ဓဘာသာကလည်း သိမ်မွေ့နက်နဲတဲ့ နူးညံ့တဲ့ငြိမ်းချမ်းရေးကို လုပ်တဲ့ဘာသာ ဖြစ်တယ်။ အခုအချိန်မှာ ပဋိပက္ခတွေကို ကာကွယ်ဖို့အတွက် အားလုံး ပူးပေါင်းဆောင်ရွက်နေတယ်။ အခုလို ဆောင်ရွက်နေတဲ့အချိန်မှာ ရေးသား ထားတဲ့ အတွက် ကန့်ကွက်ရတာဖြစ်ပါတယ်ဗျ”

၂၀၁၃ ခုနှစ် ဇွန်လ ၂၈ ရက်နေ့ထုတ် လူထုပုံရိပ် ဂျာနယ် အတွဲ (၁) အမှတ် (၃၉) တွင်ပါရှိသော “တိုင်းမဂ္ဂဇင်းကို အရေးယူ ပေးရန် အရေးပေါ်ကာလ စီမံခန့်ခွဲရေး ဗဟိုကော်မတီထံ မေတ္တာရပ်ခံ” သတင်းမှ နိုင်ငံတော်သမ္မတ ပြောရေးဆိုခွင့်ရှိသူ ပြန်ကြားရေး ဒုတိယ၀န်ကြီး ဦးရဲထွဋ်၏ ပြောကြားချက်အား ကောက်နှုတ်ချက်။


 “အဲဒါကိုတော့ ကျွန်တော်တို့ သဘောမတူပါဘူး။ တစ်ခုရှိတာက ကျွန်တော်တို့က လွတ်လပ်စွာ ကိုးကွယ်ခွင့် ရှိပါတယ်။ ကျွန်တော်တို့ရဲ့ ဖွဲ့စည်းပုံ အခြေခံဥပဒေမှာလည်း ဒါတွေနဲ့ ပတ်သက်လို့ လွတ်လပ်ခွင့် ပေးထားပါတယ်။ အဲတော့ ဘာသာ နှစ်ခု အပြန်အလှန် လေးစားကြဖို့ပါပဲ”

၂၀၁၃ ခုနှစ် ဇွန်လ ၂၆ ရက်နေ့ထုတ် Mizzima နေ့စဉ်ထုတ်သတင်းစာတွင် ပါရှိသော “မျိုးစောင့် ဥပဒေကို သဘော မတူ ဟု မြန်မာ့လူ့အခွင့်အရေးကော်မရှင် ပြော” အမျိုးသား လူ့အခွင့်အရေးကော်မရှင် အတွင်းရေးမှူး ဦးစစ်မြိုင်၏ ပြောကြား ချက်အား ကောက်နှုတ်ချက်။


သတင်းတိုများ

 ၂၀၁၅ ရွေးကောက်ပွဲတွင် ဒေါ်အောင်ဆန်းစုကြည် သမ္မတအဖြစ် မပါဝင်ပါက  သြစတြေးလျ ကူညီတော့ မည် မဟုတ်ဟုဆို

လာမည့် ၂၀၁၅ ခုနှစ်တွင် ကျင်းပမည့် ရွေးကောက်ပွဲ၌ အမျိုးသားဒီမိုကရေစီအဖွဲ့ချုပ် (NLD)ပါတီဥက္ကဋ္ဌ ဒေါ်အောင် ဆန်းစုကြည်အား သမ္မတအဖြစ် ဝင်ရောက်ယှဉ်ပြိုင်အရွေးချယ်ခံနိုင်ရန် ဖွဲ့စည်းပုံအခြေခံဥပဒေပုဒ်မ ၅၉(စ)ကို ပြင်ဆင်ခြင်း မရှိဘဲ ဆက်လက်တားမြစ် ထားမည်ဆိုပါက အဆိုပါရွေးကောက်ပွဲတွင် သြစတြေးလျအစိုးရအနေဖြင့် ဝင်ရောက်အကူအညီ ပေးမည်မပာုတ်ကြောင်း သိရသည်။

ထိုသို့ ဒေါ်အောင်ဆန်းစုကြည်အား သမ္မတအဖြစ် ဝင်ရောက်အရွေးချယ်ခံရန် တားမြစ်ထားခြင်းသည် မြန်မာနိုင်ငံ၏ နိုင်ငံရေးတိုးတက်မှုဖြစ်စဉ်ကို အသိအမှတ်ပြုထားသော ဒေသတွင်းနိုင်ငံများနှင့် နိုင်ငံတကာ၏ ထောက်ခံအားပေးမှုများကို ပျက်ပြားစေနိုင်မည်ဖြစ်ကြောင်း သိရသည်။

 လက်ရှိအချိန်တွင် ၂၀၁၅ အထွေထွေရွေးကောက်ပွဲ၌  သမ္မတတာဝန်ကို ထမ်းဆောင်လိုကြောင်း အမျိုးသား ဒီမိုကရေစီ အဖွဲ့ချုပ်ပါတီ ဥက္ကဋ္ဌ ဒေါ်အောင်ဆန်းစုကြည်၊ ပြည်သူလွှတ်တော် ဥက္ကဋ္ဌ သူရဦးရွှေမန်းနှင့် လက်ရှိသမ္မတဖြစ်သူ ဦးသိန်းစိန်တို့က ဝန်ခံပြောကြားထားသည်။


 အထူးစီးပွားရေးဇုန်များတွင်  နိုင်ငံခြားသားများ ရာခိုင်နှုန်းပြည့် ရင်းနှီးမြှုပ်နှံခွင့်ရရှိရန် လွှတ်တော်တွင် ဆွေးနွေးမည်

လက်ရှိ ပြည်သူ့လွှတ်တော်သို့ တင်သွင်းထားသည့် မြန်မာ့အထူးစီးပွားရေးဇုန် ဥပဒေကြမ်းတွင် ပါရှိသော အထူး စီးပွားရေး ဇုန်များတွင်  နိုင်ငံသားနှင့် နိုင်ငံခြားသားများကို ရာခိုင်နှုန်းပြည့် ရင်းနှီးမြှုပ်နှံခွင့် ပြုရန် သင့်၊  မသင့် ကိစ္စရပ် နှင့်ပတ် သက်၍ စီးပွားရေးဇုန်များတွင် နိုင်ငံခြားသားများ ရာခိုင်နှုန်း ရင်းနှီးမြှုပ်နှံခွင့်ရရှိရန် ဇွန်  ၂၆ ရက်နေ့တွင် ကျင်းပမည့် ပြည်သူ့ လွှတ်တော် အစည်းအဝေး၌ ဆက်လက် ဆွေးနွေးသွားမည် ဖြစ်ကြောင်း သိရသည်။

အဆိုပါ ဥပဒေကြမ်းကို ဇွန်လ ၂၅ ရက်နေ့က ပြုလုပ်သည့် ပြည်သူလွှတ်တော်အစည်းအဝေး၌ အတည်ပြုနိုင်ရေး အတွက် ဆွေးနွေးခဲ့ပြီး ယင်းအထူးစီးပွားရေးဇုန်များကို ကွပ်ကဲမည့် ဗဟိုအဆင့်လုပ်ငန်း အဖွဲ့များ၊ စီမံခန့်ခွဲရေးကော်မတီများ တွင်  ပြည်ပမှပညာရှင်များကိုလည်း ပါဝင်ရန် ဖိတ်ခေါ်ထားကြောင်း  သိရသည်။


 KIO  ဘက်မှ ငြိမ်းချမ်းရေးဆိုင်ရာ အလုပ်အဖွဲ့ ဖွဲ့စည်းရေး ရှင်းလင်း

အစိုးရ ငြိမ်းချမ်းမှုဖော်ဆောင်ရေးအဖွဲ့နှင့် ကချင်လွတ်မြောက်ရေးအဖွဲ့(KIO)တို့အကြား သဘောတူညီ ထားသော အလုပ်အဖွဲ့(Technical Team) ဖွဲ့စည်းရေးမူကြမ်းကို မြစ်ကြီးနားမြို့ရှိ လူမှုအခြေပြုအဖွဲ့အစည်းများ နှင့် ကချင်လူထုအား ဇွန်လ ၂၂ ရက်နေ့က ရှင်းလင်းခဲ့ကြောင်း သိရသည်။

ဇွန်လ ၁၈၊  ၁၉ ရက်နေ့တို့တွင် ပြုလုပ်သော KIO ငြိမ်းချမ်းရေး ခေါင်းဆောင်များ၊ PCG နှင့် ဘာသာရေး ခေါင်းဆောင်များ၏  အစည်းအဝေးများတွင် Technical Team အဖွဲ့ကိုဖွဲ့စည်းရန် ဆုံးဖြတ်ခဲ့ပြီး  ယင်းအဖွဲ့ တွင် ပါဝင်မည့် သူများကို ဇွန်လ ၂၆ ရက်၌ အပြီးသတ်ရွေးချယ်ကာ  ဇွန်လ ၂၇ ရက်နေ့မှစတင်၍ မြစ်ကြီးနားမြို့  KIO ဆက်ဆံရေးရုံး၌ ရုံးထိုင်ရမည်ဖြစ်ကြောင်း သိရသည်။


 

မျိုးစောင့်ဥပဒေကို သဘောမတူဟု မြန်မာ့လူ့အခွင့်အရေးကော်မရှင်ပြော

မျိုးစောင့်ဥပဒေဟု အမည်ပေးထားသည့် “ မြန်မာဗုဒ္ဓဘာသာဝင် အမျိုးသမီးများ လက်ထပ်ထိမ်းမြားခြင်းဆိုင်ရာ အရေးပေါ်ဥပဒေ”တွင်ပါရှိသည့် ဗုဒ္ဓဘာသာဝင် အမျိုးသမီးများ လက်ထပ်မည့် အမျိုးသားသည် လူမျိုးခြား ဖြစ်ပါက  ဗုဒ္ဓဘာ သာဝင်အဖြစ် ကူးပြောင်းပြီးမှသာ လက်ထပ်ရမည်ဆိုသောအချက်အား အမျိုးသားလူ့အခွင့် အရေးကော်မရှင်က သဘောမ တူကြောင်း ပြန်လည်ပြောဆိုခဲ့သည်။

အဆိုပါ မျိုးစောင့်ဥပဒေကြမ်းသည် ဇွန်လ ၁၃ ရက်က ရန်ကုန်တိုင်း၊ မှော်ဘီမြို့နယ် ဓမ္မဒူတ ဇေတဝန်တောရ အရှင်ဆေကိန္ဒာရာမကျောင်းတိုက်တွင် ကျင်းပသော ဗုဒ္ဓသာသနာတော်ဆိုင်ရာ သြဝါဒခံယူပွဲနှင့် အကြိုညှိနှိုင်း ဆွေးနွေးပွဲ အပြီး သတင်းစာရှင်းလင်းပွဲမှ ထွက်ပေါ်လာခြင်းဖြစ်သည်။

အမျိုးဘာသာသာသနာအား စောင့်ရှောက်ခြင်းသည် နိုင်ငံသားများ၏ ထိန်းသိမ်းရမည့် တာဝန်ဖြစ်ပြီး  လူမျိုးခြား၊ ဘာသာခြားများအား လက်ထပ်ခြင်း၊ ကိုးကွယ်ခြင်းသည် ပြည်သူများ၏ ခံယူချက်သက်သက်သာ ဖြစ်ကြောင်း  လူ့အခွင့် အရေးကော်မရှင် အတွင်းရေးမှူး ဦးစစ်မြိုင်က ပြောဆိုခဲ့သည်။


 ပုဂ္ဂလိက နေ့စဉ်ထုတ်သတင်းစာ ငါးစောင်အား ယာယီထုတ်ဝေခွင့်ပြု

ပြန်ကြားရေးဝန်ကြီးဌာနမှ  ပုဂလိကနေ့စဉ်သတင်းစာများအား  ၂၀၁၃ ခုနှစ် ဧပြီလ ၄ ရက်မှ စတင်၍  တတိယ အကြိမ်အဖြစ် သတင်းစာစောင်ရေ စုစုပေါင်း ၂၆ စောင်အထိ  ထုတ်ဝေခွင့်ပြုခဲ့ပြီး ယခု စတုထ္ထအကြိမ်မြောက် အဖြစ်   ၂၀၁၃ ခုနှစ် ဇွန်လ  ၁ ရက်မှ စတင်၍ People Net Daily ၊ မြန်မာ့သဝဏ်နေ့စဉ်( The Myanmar Thawon Daily )၊ မြန်မာဝတီ နေ့စဉ်သတင်းစာ (The Myanmar Wady Daily)၊ မြန်မာ့ဝတီနေ့စဉ်(The Myanmar Daily)၊ Victory  နေ့စဉ်သတင်းစာ တို့ကို ယာယီထုတ်ဝေခွင့်ပြုလိုက်ပြီဖြစ်ကြောင်း သိရသည်။


 

မူးယစ်တိုက်ဖျက်ရေးအဖွဲ့ ဗုံးခွဲတိုက်ခိုက်ခံရမှုကြောင့် တစ်ဦးသေဆုံး

မူးယစ်သယ်ဆောင်မှု သတင်းရရှိချက်အရ မူးယစ်တိုက်ဖျက်ရေးအဖွဲ့မှ နမ့်ခမ်းမြို့နယ် လွယ်လင်ကန်ကျေးရွာ အတွင်း ဇွန်လ ၂၅ ရက်နေ့ ညနေ ၆ နာရီတွင် သွားရောက်စောင့်ဆိုင်းရာတွင် ဗုံးခွဲတိုက်ခိုက်ခံရပြီး အဆိုပါအဖွဲ့မှ တစ်ဦးပွဲ ချင်းပြီးသေဆုံးကာ ၂ ဦးဒဏ်ရာ ပြင်းထန်စွာ ရရှိခဲ့ကြောင်း ဒေသခံများ၏ ပြောကြားချက်အရ သိရသည်။

ထိုသို့ ဗုံးခွဲတိုက်ခိုက်မှုများ ပြုလုပ်ခဲ့သည်မှာ ယင်းနယ်မြေအတွင်း မူးယစ်ဆေးဝါးရောင်းဝယ် ထုတ်လုပ်မှုများ ဆောင်ရွက်လျက်ရှိသည့် ပန်ဆေးကျော်မြင့်အဖွဲ့ဖြစ်နိုင်ကြောင်း ဒေသခံများက ခန့်မှန်းပြောဆိုခဲ့ပြီး ပြီးခဲ့သည့် မေလအတွင်း ကလည်း အမည်မသိအဖွဲ့တစ်ခုမှ နမ့်ခမ်းမြို့နယ်၊ အောင်မေတ္တာရပ်ကွက်ရှိ ပရိပတ္ထိစာသင်တိုက်ကျောင်း အနီးတွင် ရဲတပ်ဖွဲ့ အား တိုက်ခိုက်ခဲ့ရာ ရဲတစ်ဦးမှာ ပွဲချင်းပြီးသေဆုံးခဲ့ပြီး နှစ်ဦးဒဏ်ရာပြင်းထန်စွာရရှိခဲ့ကြောင်း သိရသည်။


 မြစ်ဆုံစီမံကိန်းပြန်လည်စတင်ရန် တရုတ်(CPI) ကချင်ဘာသာရေးခေါင်းဆောင်များအား စည်းရုံး        

နိုင်ငံတော်သမ္မတအမိန့်ဖြင့် ရပ်ဆိုင်းထားသော ကချင်ပြည်နယ်အတွင်းရှိ မြစ်ဆုံရေအားလျှပ်စစ်စီမံကိန်း ပြန်လည် စတင်နိုင်ရန် တရုတ်စွမ်းအင်ရင်းနှီးမြှုပ်နှံမှုကော်ပိုရေးရှင်း(CPI)ကုမ္ပဏမှ ဒုတိယညွှန်ကြားရေးမှူးတစ်ဦး အပါအဝင် အင်ဂျင်နီ ယာ ၆ ဦးတို့က ကချင်ဘာသာရေးခေါင်းဆောင်အချို့ကို သွားရောက်တွေ့ဆုံ၍ စည်းရုံးမှုများ ပြုလုပ်လျက်ရှိကြောင်း ကချင် လူမှုဖွံ့ဖြိုးရေး ကွန်ရက်(KDNG)မှ ပြောရေးဆိုခွင့်ရှိသူတစ်ဦးက ပြောကြားသည်။

ထို့ပြင် မြန်မာနိုင်ငံသို့ရောက်ရှိနေသည့် တရုတ်ပြည်သူ့ သမ္မတ နိုင်ငံတော် ကောင်စီဝင် မစ္စတာ ရန်ကျဲချိကလည်း တရုတ်-မြန်မာ နှစ်နိုင်ငံ ဆက်ဆံရေးနှင့် ပူးပေါင်းဆောင်ရွက်ရေး ပိုမိုဖွံ့ဖြိုးရန် ပိုမိုနက်နဲစွာ ဆောင်ရွက်လျက်ရှိသည် ဟုပြော ဆိုမှုမှာ မြစ်ဆုံအရေးအတွက် ရတက်မအေးစရာ ကိစ္စရပ်တစ်ခုပင်ဖြစ်သည်။

တရုတ်အစိုးရသည် မြစ်ဆုံစီမံကိန်းအတွက် အမေရိကန်ဒေါ်လာ ၃ ဒဿမ ၆ ဘီလီယံ ရင်းနှီးမြှုပ်နှံထားပြီး မေခ၊ မလိခမြစ်များပေါ်ရှိ ရေကာတာစီမံကိန်းများအတွက် အမေရိကန်ဒေါ်လာ ၂၀ ဘီလီယံအထိ ရင်းနှီးမြှုပ်နှံထားကြောင်းသိရ သည်။

 


 

 

 


Google Drive: create, share, and keep all your stuff in one place. Logo for Google Drive

0 comments:

Post a Comment