Transparency Myanmar

transparency.myanmar@gmail.com

အစိုးရဝန်ထမ်းများ၏ လစာ တိုးမြှင့်သတ်မှတ်ခြင်း

Posted by Transparency Myanmar 2010
Wednesday, January 13, 2010

ပြည်ထောင်စု မြန်မာနိုင်ငံတော် အစိုးရ
ဘဏ္ဍာရေးနှင့် အခွန် ဝန်ကြီးဌာန
ဝန်ကြီးရုံး
အမိန့်ကြော်ငြာစာ အမှတ် ၁၈၄/ ၂ဝဝ၉
နေပြည်တော်မြို့၊ ၁၃၇၁ ခုနှစ်၊ ပြာသိုလပြည့်ကျော် (၁) ရက်
(၂ဝဝ၉ ခုနှစ်၊ ဒီဇင်ဘာလ ၃၁ ရက်)


အကြောင်းအရာ။ ။ အစိုးရဝန်ထမ်းများ၏ လစာနှုန်း၊ ပင်စင်လစာနှင့် လုပ်ခများ တိုးမြှင့်သတ်မှတ်ခြင်း
၁။ တပ်မတော်သည် ပြည်သူများ၏ အကျိုးစီးပွားကို အစဉ်တစိုက် ကာကွယ်စောင့်ရှောက် လျက်ရှိသည်နှင့်အညီ ဝန်ထမ်းများ၏ စားဝတ်နေရေး သက်သာချောင်လည်မှု ရှိစေရန် လည်းကောင်း၊ တပ်မတော်နေ့သို့ ဂုဏ်ပြုသည့်အနေဖြင့် လည်းကောင်း၊ နိုင်ငံတော် အစိုးရသည် ဝန်ထမ်းများ၏ လစာနှုန်းများကို တိုးမြှင့်ပေးရန် ဆုံးဖြတ်ခဲ့သည်။

၂။ သို့ပါ၍ အစိုးရဌာနများနှင့် အဖွဲ့အစည်းများ၏ ဖွဲ့စည်းပုံအရ ခွင့်ပြုထားသော ရာထူးများ၏ တာဝန်ထမ်းဆောင်နေကြသည့် အစိုးရဝန်ထမ်းများ၏ လစာနှုန်းထားများကို အောက်ဖော်ပြပါဇယားအတိုင်း တိုးမြှင့်သတ်မှတ်လိုက်သည်။

စဉ် လက်ရှိလစာနှုန်း (ကျပ်) တိုးမြှင့်လစာနှုန်း (ကျပ်)

၁။ ၁၅၀၀၀- ၁၀၀၀- ၂၀၀၀၀ ၃၅၀၀၀- ၁၀၀၀- ၄၀၀၀၀

၂။ ၂၁၀၀၀- ၁၀၀၀- ၂၆၀၀၀ ၄၁၀၀၀- ၁၀၀၀- ၄၆၀၀၀

၃။ ၂၇၀၀၀- ၁၀၀၀- ၃၂၀၀၀ ၄၇၀၀၀- ၁၀၀၀- ၅၂၀၀၀

၎။ ၃၃၀၀၀- ၁၀၀၀- ၃၈၀၀၀ ၅၃၀၀၀- ၁၀၀၀- ၅၈၀၀၀

၅ ၃၉၀၀၀- ၁၀၀၀- ၄၄၀၀၀ ၅၉၀၀၀- ၁၀၀၀- ၆၄၀၀၀

၆။ ၄၅၀၀၀- ၁၀၀၀- ၅၀၀၀၀ ၆၅၀၀၀- ၁၀၀၀- ၇၀၀၀၀

၇။ ၈၀၀၀၀- ၂၀၀၀- ၉၇၀၀၀ ၁၀၀၀၀၀- ၂၀၀၀- ၁၁၀၀၀၀

၈။ ၁၀၀၀၀၀- ၂၀၀၀- ၁၁၀၀၀၀ ၁၂၀၀၀၀- ၂၀၀၀- ၁၃၀၀၀၀

၉။ ၁၂၀၀၀၀- ၂၀၀၀- ၁၃၀၀၀၀ ၁၄၀၀၀၀- ၂၀၀၀- ၁၅၀၀၀၀

၁၀။ ၁၄၀၀၀၀- ၂၀၀၀- ၁၅၀၀၀၀ ၁၆၀၀၀၀- ၂၀၀၀- ၁၇၀၀၀၀

၁၁။ ၁၆၀၀၀၀- ၂၀၀၀- ၁၇၀၀၀၀ ၁၈၀၀၀၀- ၂၀၀၀- ၁၉၀၀၀၀

၁၂။ ၁၉၀၀၀၀- ၂၀၀၀- ၂၀၀၀၀၀ ၂၁၀၀၀၀- ၂၀၀၀- ၂၂၀၀၀၀


မှတ်ချက်။ ။ နှစ်တိုးများကို (၂) နှစ်လျှင် တစ်ကြိမ် ခံစားခွင့်ပြုရန်။

၃။ လက်ရှိလစာနှုန်းမှ တိုးမြှင့်လစာနှုန်းသို့ ပြောင်းလဲသွားသည့်အခါ နှစ်တိုးများကို လက်ရှိလစာနှုန်းအရ နှစ်တိုးကာလများအတိုင်း နှစ်တိုးဆက်လက် ခံစားခွင့်ပြုရန်ဖြစ်သည်။ တိုးမြှင့်လစာနှုန်းသို့ ပြောင်းလဲမှုကြောင့် နှစ်တိုးကျရောက်သည့်နေ့များ ပြောင်းလဲသွားခြင်း မရှိစေရ။
နေ့စားလုပ်အားခ

၎။ အစိုးရဌာနများနှင့် အဖွဲ့အစည်းများရှိ နေ့စားအလုပ်သမားများ၏ လုပ်ခကို အလုပ်ချိန် တစ်နေ့ (၈) နာရီအတွက် လက်ရှိသတ်မှတ်ထားသော လုပ်ခကျပ် (၅ဝဝ) မှ လုပ်ခ (၁ဝဝဝ) သို့ တိုးမြှင့်သတ်မှတ်လိုက်သည်။
တပ်မတော် (ကြည်း၊ ရေ၊ လေ) ဝန်ထမ်းများ၏ လစာနှုန်းများ

၅။ တပ်မတော်အတွက် သတ်မှတ်ထားသော လစာနှင့် စရိတ်နှုန်းထားများအပြင် အငြိမ်းစား လစာနှင့် ဆုကြေးဆိုင်ရာ လုပ်ထုံးလုပ်နည်းများကို ကာကွယ်ရေးဝန်ကြီးဌာန၊ ကာကွယ်ရေး ကောင်စီသို့ တင်ပြ၍ အတည်ပြုချက် ရယူဆောင်ရွက်ရန် ဖြစ်ပါသည်။
နိုင်ငံခြားတွင် တာဝန်ထမ်းဆောင်နေသည့် ဝန်ထမ်းများအတွက် ခံစားခွင့်

၆။ နိုင်ငံခြားတွင် တာဝန်ထမ်းဆောင်နေသည့် နိုင်ငံခြားရေးဝန်ထမ်းများနှင့် အခြားအလားတူ ဝန်ထမ်းများသည် ပြည်ပတွင် တာဝန်ထမ်းဆောင်နေစဉ်အတွင်း လက်ရှိခံစားနေသော လစာ နှုန်းများ အတိုင်းသာ နိုင်ငံခြားသုံးငွေဖြင့် ထုတ်ယူခံစားရန်ဖြစ်ပါသည်။ မြန်မာနိုင်ငံသို့ ပြည်လည်ရောက်ရှိ တာဝန်ထမ်းဆောင်ရသည့်အခါတွင် မိမိရာထူး အဆင့်နှင့် လျော်ညီစွာ သတ်မှတ်ထားသော လစာနှုန်းသစ်ကို ခံစားရန်ဖြစ်ပါသည်။

၇။ ဤအမိန့်ကြေငြာစာအရ ခံစားခွင့်များကို ၂ဝ၁ဝ ပြည့်နှစ် ဇန်နဝါရီလ အတွက် လစာမှစ၍ ခံစားခွင့် ရှိစေရမည်။

(ဗိုလ်ချုပ် လှထွန်း)
ဝန်ကြီး

0 comments:

Post a Comment

Subscribe to: Post Comments (Atom)