Transparency Myanmar

transparency.myanmar@gmail.com

VOA News, 13th March 2010

မြန်မာ စစ်ဖက် အစိုးရက လူကြိုက်များသော အတိုက်အခံ နိုင်ငံရေး ခေါင်းဆောင်အား အာဏာမရနိုင်စေရန် တားမြစ်ထားသည့် ရွေးကောက်ပွဲ ဥပဒေသစ်ကို ထုတ်ပြန် ကြေညာလိုက်သည်။ ဒီမိုကရေစီ လုပ်ငန်းစဉ် သွင်ပြင်ကို ယူ၍ စစ်အစိုးရ၏ အာဏာကို ခိုင်မြဲစေရန် ကြိုးစားခြင်းပင် ဖြစ်သည်။

ဤသည်မှာ အတိုက်အခံ ခေါင်းဆောင်များ၊ တိုင်းရင်းသား ခေါင်းဆောင်များနှင့် ကျယ်ကျယ်ပြန့်ပြန့် ဆွေးနွေး အဖြေရှာရေး အစီအစဉ်ကို မျက်ကွယ်ပြုကာ ရွေးကောက်ပွဲ အစီစဉ်များကို ဆက်လက် လုပ်ဆောင်သွားမည့် အစိုးရ၏ ဆုံးဖြတ်ချက်ကို ထင်ဟပ် ပေါ်လွင်စေခဲ့ပြီး အမေရိကန် ပြည်ထောင်စုကို အကြီးအကျယ် ပူပန်သောက ရောက်စေသည့် လုပ်ရပ်တစ်ခု ဖြစ်သည်။

မတ်လ ၁၀ ရက်နေ့ နိုင်ငံပိုင် သတင်းစာများတွင် ကြေညာခဲ့သော နိုင်ငံရေးပါတီများ မှတ်ပုံတင်ခွင့် ဥပဒေအရ လာမည့် ရွေးကောက်ပွဲတွင် ပါဝင် ယှဉ်ပြိုင်ခြင်း ပြု / မပြုကို ကြေညာရန် ပါတီများအား ရက်ပေါင်း ၆၀ အချိန် ပေးထားသော်လည်း ဘာသာရေး အသင်းအဖွဲ့များနှင့် အပစ်ရပ် အဖွဲ့များကို ထည့်သွင်းထားခြင်း မရှိပါ။ တရားရုံး ပြစ်ဒဏ် ကျခံနေရသူများကိုလည်း နိုင်ငံရေး ပါတီဝင် အဖြစ် ခွင့်မပြုဘဲ တားဆီးထားသည်။ ယင်းစည်းကမ်းချက်သည် ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား ရွေးကောက်ပွဲတွင် ယှဉ်ပြိုင်ခြင်း မပြုနိုင်ရန်နှင့် သူမ၏ ပါတီကိုိ ဦးဆောင် လှုပ်ရှားခြင်း မပြုနိုင်ရန် ပိတ်ပင်ခြင်း ဖြစ်သည်။ နိုင်ငံရေး လှုပ်ရှားမှုများကြောင့် ပြစ်ဒဏ်ကျခံနေရသော အခြား နိုင်ငံရေးသမား များစွာမှာလည်း ယင်းဥပဒေအရ တားမြစ်ခြင်း ခံရမည် ဖြစ်သည်။

၁၉၉၀ နောက်ပိုင်း ပထမဆုံးအကြိမ် ဖြစ်ဖွယ်ရှိသော ရွေးကောက်ပွဲများ ကျင်းပမည့်ရက် မသတ်မှတ် ရသေးသည့် အချိန်တွင် စစ်ဖက် အစိုးရက ဒီမိုကရေစီ စနစ်သို့ ရှေ့ရှုသည့် ဆောင်ရွက်ချက် တစ်ခု အဖြစ် ကြိုတင် ကြော်ငြာထိုးလျက် ရှိပြီး အငြင်းပွားဖွယ် အခြေခံ ဥပဒေကို ၂၀၀၈ တွင် လက်ခံ ဆုံးဖြတ်ကာ စတင် လုပ်ဆောင်ခဲ့ခြင်း ဖြစ်သည်။ မည်သို့ပင် ဖြစ်စေ၊ ယခု ရွေးကောက်ပွဲ ဥပဒေနှင့် ပါတီ မှတ်ပုံတင်ခွင့် ဥပဒေများကြောင့် ရွေးကောက်ပွဲများမှာ လေးစား ယုံကြည် လက်ခံဖွယ် ရှိမည် မဟုတ်ဟု အမေရိကန် ပြည်ထောင်စုက ယုံကြည်နေသည်။

ယုံကြည် လေးစားမှုကို ခံယူလိုသည် ဆိုပါက မြန်မာ စစ်ဖက် ခေါင်းဆောင်များ အနေဖြင့် ရွေးကောက်ပွဲ လုပ်ငန်းစဉ်ကို ပွင့်လင်းစွာ ဖွင့်ပေးသင့်သည်။ ၎င်းတို့ သဘောမတူသော ကိုယ်စားလှယ်လောင်းများကို ပိတ်ပင်ထားခြင်းဖြင့်လည်း မတင်းကျပ်သင့်ပါ။ အမျိုးသား ပြန်လည် ပေါင်းစည်းရေးကို ရှေ့ရှုသည့် ပထမဆုံး ဆောင်ရွက်ချက် အဖြစ် နိုင်ငံရေး အင်အားစု အားလုံးနှင့် စစ်မှန်သော ဆွေးနွေး အဖြေရှာမှုကို စတင် ပြုလုပ်သင့်သလို အတိုက်အခံတို့၏ သဘောထားကိုလည်း ထုတ်ဖော် ခွင့်ပြုကာ နိုင်ငံရေး လုပ်ငန်းစဉ်တွင် အပြည့်အဝ ပါဝင်နိုင်ရန် အခွင့်အရေး ပေးရမည် ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

0 comments:

Post a Comment