Posts
BBC News, 14th March 2010
ထောင်ပေါင်းများစွာသော ထိုင်း အတိုက်အခံ အင်အားစုများသည် ဘန်ကောက်မြို့တော်တွင် စုဝေးကာ လက်ရှိအစိုးရ နုတ်ထွက်ပေးရန် ဖိအားပေး တောင်းဆိုခဲ့ကြသည်။
ဆန္ဒပြ ခေါင်းဆောင်များက လက်ရှိ အစိုးရကို ရွေးကောက်ပွဲ အသစ် ကျင်းပရန် တနင်္လာနေ့အထိ အချိန်ပေးထားသည်။
ဝန်ကြီးချုပ် အဘီဆစ် ဗဲ့ဂျာဂျီဗားကမူ နုတ်မထွက်နိုင်ဟု တင်းခံနေသည်။ စစ်တပ်နှင့် ရဲတပ်ဖွဲ့ အင်အား ၄၀,၀၀၀ ခန့်ကိုလည်း တပ်ဖြန့် အစောင့်ချထားသည်။
ရှပ်နီဝတ် ဆန္ဒပြသူများမှာ ၂၀၀၆ ခုနှစ် စစ်တပ် အာဏာသိမ်းမှုတွင် တိမ်းရှောင်သွားသော ဝန်ကြီးချုပ်ဟောင်း သက်ဆင်ရှင်နာဝပ်ထရာကို အဓိက ထောက်ခံသူများ ဖြစ်သည်။
ဆန္ဒပြသူ အများစုမှာ မစ္စတာ သက်ဆင်၏ ပါဝါကို ကျောထောက်နောက်ခံ ပေးထားသော ထိုင်းနိုင်ငံ မြောက်ပိုင်း ကျေးလက်ဒေသများမှ လာရောက်ကာ ဘန်ကောက်တွင် စုဝေးကြခြင်း ဖြစ်သည်။
ဆန္ဒပြပွဲတွင် ရောက်ရှိနေသော BBC သတင်းထောက် Rachel Harvey က ဆန္ဒပြသူ အင်အား ၁၀၀, ၀၀၀ ခန့်ရှိသည်ဟု သတင်းပို့သည်။ နောက်ထပ် အင်အား သိန်းဂဏန်း အရေအတွက် ထပ်တိုးလာဦးမည်ဟု ရှပ်နီ စည်းရုံးရေးမှူးများက ပြောကြားသည်။
ဆန္ဒပြသူများသည် ဘန်ကောက်မြို့လယ် စင်မြင့်ရှေ့တွင် တနင်္ဂနွေနေ့က စုဝေးကာ ၎င်းတို့ ခေါင်းဆောင်များ၏ တောင်းဆိုမှုများကို နားထောင်ကြသည်။
အတိုက်အခံ ခေါင်းဆောင် တစ်ဦးဖြစ်သူ ဗီရာမူဆစ်ကာပေါင်က လူထုကို ဂုဏ်ပြုစကား ပြောကြားကာ "ဘန်ကောက်မြို့လယ်ကို လျှံထွက်သွားစေသည့် မိမိတို့ ရှပ်နီ အင်အားစုများက ပြည်သူများထံ အာဏာ ပြန်အပ်ရန်နှင့် ပြည်တွင်းရေးကို အမြန်ဆုံး ဖြေရှင်းရန် အစိုးရကို တောင်းဆိုလိုက်သည်။ မိမိတို့သည် ဤနေရာတွင် တပ်စွဲထားမည် ဖြစ်ပြီး အစိုးရထံမှ ၂၄ နာရီ အတွင်း အဖြေပေးရန် စောင့်ဆိုင်းနေမည်" ဟု ရာဇသံပေးလိုက်သည်။
ထိုင်းအစိုးရကလည်း နုတ်ထွက်ပေးရန် ရည်ရွယ်ချက် မရှိဟု ပြန်လည် တုန့်ပြန်ထားသည်။
အတိုက်အခံ စည်းရုံးရေးမှူးများက ငြိမ်းချမ်းစွာ ဆန္ဒပြရန် ကတိပြုထားကြသော်လည်း အစိုးရကသာ နုတ်ထွက်ရန် ငြင်းဆန်ပါက လှုပ်ရှားမှုများကို တိုးမြှင့်သွားမည်ဟု ဆိုသည်။
အာဏာရှင် ဆန့်ကျင်ရေး ဒီမိုကရေစီ ညီညွတ်ရေးတပ်ဦး UDD ဦးဆောင်သော ဆန္ဒပြအုပ်စုများက ပြောကြားရာတွင် လက်ရှိဝန်ကြီးချုပ် အဘီဆစ်သည် စစ်တပ်နှင့် ဘန်ကောက် ရေပေါ်ဆီများ၏ ပံ့ပိုးမှုဖြင့် တရားမဝင် အာဏာရယူထားခြင်းသာ ဖြစ်သည်ဟု အတိအလင်း ထုတ်ဖော် စွပ်စွဲထားသည်။
အစိုးရ အိမ်တော်နှင့် အခြား မဟာဗျူဟာ အချက်အချာ နေရာများကို အဓိကရုဏ်း နှိမ်နင်းရေး ရဲတပ်ဖွဲ့ နှင့် စစ်တပ်က နေရာယူ စောင့်ကြပ်နေသည်။
လိုအပ်ပါက လူထု စုဝေးမှု အရေအတွက်ကို ကန့်သတ်ရန် နှင့် ညမထွက်ရ ကာဖျူးအမိန့် ထုတ်ပြန်ရန် စစ်တပ်ကို လုပ်ပိုင်ခွင့် အာဏာအပြည့် ပေးထားဖြစ်သည်ဟု ဆိုသည်။
ယခင်နှစ် ဧပြီလက နောက်ဆုံး ဆန္ဒပြပွဲများသည် အကြမ်းဖက်မှုအဖြစ် ပြောင်းလဲသွားပြီး ၂ ဦး သေဆုံးကာ ဒါဇင်နှင့် ချီ၍ ဒဏ်ရာရခဲ့ကြသည်။
ထိုင်းနိုင်ငံရေး လမ်းကြောင်းကို ပြောင်းပြန်လှန်ရန် အတိုက်အခံ ရှပ်နီအုပ်စုများ အတွက် ယခုတစ်ကြိမ်သည် နောက်ဆုံး အခွင့်အရေး ဖြစ်သည်ဟု BBC သတင်းထောက်က ပြောကြားသည်။ လူထု လှုပ်ရှားမှုများမှာ လက်ပမ်းကျလာပြီ ဖြစ်သကဲ့သို့ ရန်ပုံငွေလည်း လျှော့နည်းလာပြီဟု ဆိုသည်။
ထိုင်းနိုင်ငံရေး အခြေအနေမှာ ၂၀၀၆ က စ၍ ရှုပ်ထွေးခဲ့ခြင်း ဖြစ်ပြီး ထိုအချိန်က ဝန်ကြီးချုပ်ကို အကျင့်ပျက် ခြစားမှုများဖြင့် စွပ်စွဲကာ နှုတ်ထွက်ပေးရန် သက်ဆင် ဆန့်ကျင်သော ရှပ်ဝါ အင်အားစုများက စတင် တောင်းဆိုခဲ့ကြခြင်း ဖြစ်သည်။
သက်ဆင်သည် နောက်ပိုင်းတွင် စစ်တပ်၏ အာဏာသိမ်းခြင်း ခံခဲ့ရသော်လည်း ၂၀၀၈ တွင် ၎င်း၏ မဟာမိတ်များ တဖန် အာဏာပြန်ရလာသောအခါ ၎င်းအား ဆန့်ကျင်သော နိုင်ငံရေး အုပ်စုများက ဝန်ကြီးချုပ်ရုံးကို ၃ လခန့် သိမ်းပိုက်ထားပြီး ဘန်ကောက်၏ အဓိက လေဆိပ် ၂ ခုကိုလည်း တစ်ပတ်ခန့် စီးနင်းထားခဲ့သည်။
ဝန်ကြီးချုပ်ဟောင်း သက်ဆင်အား အာဏာ အလွဲသုံးစားမှုဖြင့် ၎င်း၏ မျက်ကွယ်တွင် ထောင်ဒဏ် ၂ နှစ် ချမှတ်ခဲ့ပြီးနောက် ဒူဘိုင်းတွင် ပြည်ပြေးတစ်ဦး အဖြစ် နေထိုင်နေသည်။ သက်ဆင်၏ အမှုသည် နိုင်ငံရေးအရ မနာလို၍ ကြံစည်မှုသာ ဖြစ်သည်ဟု ၎င်းကို ထောက်ခံသူများက ပြောကြားသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.