Posts
Irish Times, 26th June 2010
ကြွယ်ဝသော ၈ နိုင်ငံ အုပ်စု G-8 သည် မြောက်ကိုရီးယားအား တောင်ကိုရီးယား သင်္ဘောကို တိုက်ခိုက် နစ်မြုပ်ခဲ့သည့် အတွက် ယနေ့ ပြစ်တင် ရှုတ်ချလိုက်ကြပြီး အီရန် ခေါင်းဆောင်များအားလည်း ဥပဒေ စည်းမျဉ်းနှင့် လွတ်လပ်စွာ ပြောဆိုခွင့်ကို လေးစားရန် တောင်းဆိုလိုက်သည်။
တိုရန်တို မြောက်ပိုင်း ဟန့်စ်ဗီလီးတွင် ကျင်းပသည့် ထိပ်သီးညီလာခံတွင် ထုတ်ပြန်မည့် ကြေညာချက် မူကြမ်းကို ရိုက်တာမှ တွေ့မြင်ခဲ့ရာ၊ "၂၀၁၁ နှစ်လယ်တွင် တပ်ဖွဲ့များ စတင် လျော့ချမည့် အမေရိကန် ပြည်ထောင်စု၏ အစီအစဉ်အတွက် အရေးကြီးသည့် လုံခြုံရေးဆိုင်ရာ ထိထိရောက်ရောက် တာဝန်ယူနိုင်မှုနှင့် ပတ်သက်ပြီး မဟာမိတ်များအား လက်ဆုပ်လက်ကိုင် တိုးတက်မှုများ ပြသနိုင်အောင် ဂျူလိုင်လ ကဘူး ညီလာခံတွင် အဆင်သင့် ဖြစ်နေရန်" အာဖဂန် နစ္စတန် အစိုးရကို တောင်းဆိုထားသည်။
လွန်ခဲ့သော ၂၁ နှစ်အတွင်း ၁၅ နှစ်ခန့် ထိန်းသိမ်းခြင်း ခံနေရသော နိုဘယ်ဆုရှင် အတိုက်အခံ ခေါင်းဆောင် ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသား အားလုံးကို အမြန်ဆုံး လွှတ်ပေးရန် G-8 က မြန်မာ စစ်ဖက် အုပ်ချုပ်သူများကို တောင်းဆိုလိုက်သည်။
ထို့အပြင် မတ်လ အတွင်းက ရေတပ်သား ၄၆ ဦး သေဆုံးခဲ့ရသည့် ချိုနန် စစ်သင်္ဘော နစ်မြုပ်မှုနှင့် ပတ်သက်ပြီး မြောက်ကိုရီးယား အပေါ် အရေးယူသည့် ကုလသမဂ္ဂ လုံခြုံရေး ကောင်စီ ဆုံးဖြတ်ချက် ထုတ်ပြန်နိုင်ရန် တွန်းအားပေးနေသည့် တော်ကိုရီးယား နိုင်ငံကို ထောက်ခံကြောင်း G-8 က ပြောကြားခဲ့သည်။
"၄၆ ဦး ကြေကွဲဖွယ် အသက် ဆုံးရှုံးခဲ့ရသည့် တောင်ကိုရီးယား ရေတပ် သင်္ဘော နစ်မြုပ်မှုကို ဖြစ်ပွားစေသော တိုက်ခိုက်မှုကို ကန့်ကွက် ရှုတ်ချသည့် ယခုဖြစ်ရပ်သည် ဒေသတွင်း ငြိမ်းချမ်းရေးနှင့် လုံခြုံရေးကို စိန်ခေါ်မှု တစ်ခု ဖြစ်သည်" ဟု ကြေညာချက် မူကြမ်းတွင် ဖော်ပြထားသည်။
ယခု ဖြစ်ရပ်တွင် ပါဝင် ပတ်သက်မှု မရှိကြောင်း ပြုံးယမ်းက ငြင်းဆိုခဲ့ပြီး တောင်ကိုရီးယားက လုပ်ကြံ ဖန်တီးခြင်းသာ ဖြစ်သည်ဟု ပြောကြားခဲ့ခြင်းကြောင့် နှစ်ခြမ်းကွဲ ကိုးရီးယား ကျွန်းဆွယ်တွင် တင်းမာမှုများကို မြင့်တက်စေခဲ့သည်။
မြောက်ကိုရီးယား၏ အဓိက ကျောထောက်နောက်ခံ လုံခြုံရေးကောင်စီ အမြဲတမ်း အဖွဲ့ဝင် တရုတ်နိုင်ငံက ဤကိစ္စတွင် မည်သူ တာဝန်ရှိသည် ဆိုသည်ကို ပြောကြားခြင်း မရှိပါ။
အီရန် အရေးနှင့် ပတ်သက်၍ ယခင်နှစ် ညီလာခံမှ တောင်းဆိုချက်များကို G-8 က ထပ်မံ တောင်းဆိုခဲ့ပြီး ၂၀၀၉ ရွေးကောက်ပွဲ အလွန် ဆန္ဒပြမှုများကို အစိုးရ တပ်ဖွဲ့များ ချေဖျက်ချိန်မှ စတင်ခဲ့သော အတိုက်အခံ ထောက်ခံသူများအပေါ် ဖြိုခွဲမှုများကို ရပ်တန့်ကာ ဥပဒေ စည်းမျဉ်းများကို လေးစားကြရန် အီရန် ခေါင်းဆောင်များကို တိုက်တွန်းလိုက်သည်။ အီရန် နိုင်ငံလည်း အပါအဝင် ဖြစ်သည့် ကမ္ဘာ့နိုင်ငံများက သတ်မှတ်ထားသော ဥပဒေ စည်းမျဉ်းနှင့် လွတ်လပ်စွာ ပြောဆိုခွင့်တို့ကို အီရန် အစိုးရက လေးစားလိမ့်မည်ဟု မိမိတို့ မျှော်လင့်ကြောင်း ကြေညာချက် မူကြမ်းတွင် ဖေါ်ပြထားသည်။
အနုမြူဗုံး ထုတ်လုပ်လိမ့်မည်ဟု အနောက်နိုင်ငံများက စိုးရိမ်နေကြသော အီရန်၏ နျူကလီယာ အစီအစဉ်နှင့် ပတ်သက်၍ တီဟီရန် အပေါ် ကုလသမဂ္ဂ အရေးယူ ပိတ်ဆို့မှု အသစ်များ ချမှတ်ရန် အမေရိကန် ဦးဆောင်သော အဓိက G-8 နိုင်ငံများက ယခုလအတွင်း တွန်းအား ပေးခဲ့ကြသည်။ အီရန်ကမူ ၎င်း၏ နျူကလီယာ အစီအစဉ်သည် စွမ်းအင် အတွက် ငြိမ်းချမ်းစွာ သုံးစွဲရန်သာ ဖြစ်သည်ဟု ကာကွယ် ပြောကြားခဲ့သည်။
ထို့အပြင် G-8 ခေါင်းဆောင်များ၏ ကြေညာချက် မူကြမ်းတွင် "လာမည့်လ ကဘူးညီလာခံသည် အာဖဂန် နစ္စတန် သမ္မတ ဟာမစ်ကာဇိုင်း အတွက် ၉ နှစ်တာ အာဖဂန် စစ်ပွဲကာလအတွင်း အရေးကြီးဆုံး အချိန်၌ အုပ်ချုပ်ရေးနှင့် လုံခြုံရေးကို တိုးတက်စေရန် ကတိပေးထားမှု အပေါ် ကောင်းမွန်စွာ လုပ်ဆောင်နေကြောင်း ပြသရန် အရေးကြီးသည့် အခွင့်အလမ်း ဖြစ်သည်" ဟု ဖော်ပြသည်။
ဟာမစ်ကာဇိုင်း အနေဖြင့် အမေရိကန် ဦးဆောင်သော နိုင်ငံစုံ တပ်ဖွဲ့များ အပြီးသတ် ရုတ်သိမ်းနိုင်ရန် မရှိမဖြစ် အဆင့်များဖြစ်သော ၅ နှစ်အတွင်း လုံခြုံရေးအရ ပိုမို တာဝန်ယူနိုင်မှုနှင့် တရားစီရင်ရေးစနစ် ပြန်လည် အားဖြည့် တည်ဆောက်မှုတွင် လက်ဆုပ်လက်ကိုင် တိုးတက်မှုများ ပြသကာ အသေးစိတ် အစီအစဉ်များကို တင်ပြနိုင်လိမ့်မည်ဟု G-8 အဖွဲ့က မျှော်လင့်နေသည်။
အိမ်ဖြူတော်ကို ဒေါသထွက်စေသည့် မှတ်ချက်များ ပေးခဲ့သော အာဖဂန် နစ္စတန်ဆိုင်ရာ အမေရိကန် တပ်မှူး ဗိုလ်ချုပ်ကြီး စတန်လေမက် ခရစ္စတယ်ကို ထုတ်ပယ်ရန် အမေရိကန် သမ္မတ ဘားရက်အိုဘားမားက ယခင် အပတ်က ဆုံးဖြတ်ခဲ့ပြီးနောက် အမေရိကန် ဦးဆောင်သော အာဖဂန် စစ်ပွဲ အပေါ် သံသယသစ်များ ကြီးထွားလာချိန်တွင် G-8 အစည်းအဝေးကို ကျင်းပခဲ့ခြင်း ဖြစ်သည်။
G-8 က ဆက်လက်၍ ပါလက်စတိုင်း ထောက်ခံသူ ကိုးဦး သေဆုံးခဲ့ရသော၊ အစ္စရေး ကွန်မန်ဒိုများ၏ ဂါဇာ ကယ်ဆယ်ရေး သင်္ဘော စီးနင်းမှုတွင် အသက်ဆုံးရှုံးရသူများ အတွက် အထူးပင် ဝမ်းနည်းကြောင်း ပြောကြားခဲ့ပြီး အဆို ဖြစ်ရပ်ကို စုံစမ်း စစ်ဆေးရန် လွတ်လပ်သော လူထု ကော်မရှင် ဖွဲ့စည်းမည့် အစ္စရေး အစိုးရ၏ ဆုံးဖြတ်ချက်ကို ကြိုဆိုလိုက်သည်။
ဟားမားစ်များ ထိန်းချုပ်ထားသော ဂါဇာကမ်းမြောင်ကို ပိတ်ဆို့ထားသည့် အစီအစဉ်များအား ဖြေလျော့ပေးမည့် အစ္စရေး၏ ဆုံးဖြတ်ချက်ကို G-8 က ကြိုဆိုခဲ့ပြီး "လက်ရှိ စီမံ ခန့်ခွဲမှုတွေကို ဆက်ထိန်းထားလို့ မရပါဘူး။ ဒါကြောင့် ပြောင်းလဲ ပစ်ရပါလိမ့်မယ်" ဟု ပြောကြားခဲ့သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.