Posts
The Economist, 9th September 2010
လွန်ခဲ့သော နှစ် ၅၀ ခန့်က တရုတ်နိုင်ငံ ကမ္ဘာ့ စင်မြင့် ထက်တွင် နေရာ မရသေးချိန်တွင် မြန်မာ နိုင်ငံနှင့် ၎င်း၏ ဆက်ဆံရေးမှာ ဦးစားပေး အလေးထားရသည့် ကိစ္စ ဖြစ်ခဲ့သည်။ ၁၉၅၄ မှ ၁၉၆၅ အတွင်း တရုတ်၏ ပထမဆုံး ကွန်မြူနစ် ဝန်ကြီးချုပ် ချူအင်လိုင်း အနည်းဆုံး ၉ ကြိမ်ခန့် လာရောက် လည်ပတ်ခဲ့ဖူးသည်။ ထိုနောက်ပိုင်း တရုတ်နိုင်ငံ ကြီးထွားလာခဲ့ခြင်းကြောင့် နှစ်နိုင်ငံကြား ဆက်ဆံမှုနှုန်း နှေးကွေးသွားခဲ့သော်လည်း မြန်မာနိုင်ငံ၏ မက်မောဖွယ် သယံဇာတများနှင့် မဟာ ဗျူဟာမြောက် တည်ရှိမှုတို့က တရုတ်၏ အလေးထားမှုကို ရယူနိုင်နေဆဲ ဖြစ်သည်။ ပြီးခဲ့သော စက်တင်ဘာ ၇ ရက်နေ့တွင် မြန်မာ စစ်ဖက် အုပ်ချုပ်သူ အကြီးအကဲ ဗိုလ်ချုပ်မှူးကြီး သန်းရွှေ၏ တရားဝင် ၄ ရက် ခရီးစဉ် တရုတ်နိုင်ငံက လက်ခံ ကြိုဆိုခဲ့သည်။ ပုလင်းတူ ဘူးဆို့ မြောက်ကိုရီးယားမှ အာဏာရှင် ကင်ဂျုံအီး ပြီးလျှင် ၎င်းသည် အန္တရာယ် ကြီးသော လူတစ်ယောက် ဖြစ်သည်။
နှစ်နိုင်ငံ အကြား စီးပွားရေး ဆက်သွယ် ဆောင်ရွက်မှုများ ကြီးထွားလာခြင်းကြောင့် ဗိုလ်ချုပ်မှူးကြီး၏ ယခု ခရီးစဉ် ပေါ်ထွက်လာခြင်း ဖြစ်သည်။ ယခုနှစ် တစ်နှစ်ထဲ၌ပင် တရုတ်သည် မြန်မာနိုင်ငံတွင် ဒေါ်လာ ၈ ဘီလျံကျော် ရင်းနှီး မြှုပ်နှံခဲ့ရာ အထူးသဖြင့် ဓာတ်ငွေ့၊ ရေနံနှင့် ရေအား လျှပ်စစ် စီမံကိန်းများတွင် ဖြစ်ပြီး၊ ယခင်နှစ် ၂၀ အတွင်း စုစုပေါင်း ရင်းနှီး မြှုပ်နှံမှု၏ သုံးပုံနှစ်ပုံ ပမာဏခန့် ရှိသည်ဟု သိရှိရသည်။ နှစ်နိုင်ငံ အပြန်အလှန် ကုန်သွယ်မှု ပမာဏမှာလည်း အလားတူ မြင့်တက်ခဲ့သည်။
နှစ်နိုင်ငံ ခေါင်းဆောင်များသည် ကုန်သွယ်ရေးနှင့် စွမ်းအင်ကဏ္ဍများ အပြင် နိုင်ငံရေး ကိစ္စများကိုလည်း သေချာပေါက် ဆွေးနွေးကြလိမ့်မည် ဖြစ်သည်။ မြန်မာနိုင်ငံသည် အနှစ် ၂၀ အတွင်း ပထမဆုံး ရွေးကောက်ပွဲများကို နိုဝင်ဘာလတွင် ကျင်းပရန် ပြင်ဆင်လျက် ရှိရာ၊ ခေါင်းဆောင်ပိုင်း အပြောင်းအလဲ ဖြစ်ဖွယ် ရှိနေသည်။ ပြည်ပ နိုင်ငံ များစွာက ပြစ်တင် ရှုတ်ချမှုကြောင့် တရားဝင် ဖြစ်ရန် အလှမ်းဝေးနေသည့် ရွေးကောက်ပွဲ လုပ်ငန်းစဉ် အတွက် တရုတ်နိုင်ငံ၏ ထောက်ခံမှု ရရှိရေးသည် မြန်မာနိုင်ငံကို လွှမ်းမိုး ချုပ်ကိုင်ထားသည့် စစ်ခေါင်းဆောင် အတွက် အလွန် အရေးကြီး နေသည်။
တရုတ် နိုင်ငံကလည်း ကူညီမည့် လက္ခဏာ ရှိသည်။ ၎င်း၏ အိမ်နီးချင်း မဟာမိတ် နိုင်ငံ၏ ဆိုးဝါးလှသော လူ့အခွင့်အရေးနှင့် စီးပွားရေး စီမံခန့်ခွဲမှု မှတ်တမ်းများပေါ် သည်းခံနေခြင်းကြောင့် ထွက်ပေါ်လာသည့် အစောပိုင်း ပြစ်တင် ဝေဖန်မှုများကို တရုတ်က ပယ်ချလိုက်သည်။ ရက်စက် ကြမ်းကြုတ်သော အာဏာရှင် အစိုးရများကို အားပေး ကူညီသူ အဖြစ် သတ်မှတ်ခံ နေရခြင်းကို တရုတ်က စွန့်စား၍ အရောင်တင်နေခြင်း အပေါ် စိုးရိမ် ပူပန်နေသည့် Human Rights Watch လူ့အခွင့်အရေး အဖွဲ့၏ တိုင်ကြားမှုများမှာလည်း အလွယ်တကူပင် အရေး မပါတော့သလို ဖြစ်သွားလိမ့်မည်။
မည်သည့် ကိစ္စတွင်မဆို အိမ်နီးချင်းများ အပေါ် တရုတ်နိုင်ငံ၏ မောင်းနှင်အားတွင် အကန့်အသတ် ရှိနေသည်ဟု ဥာဏ်ကြီးရှင် အုပ်စု International Crisis Group မှ ပညာရှင်များက ထောက်ပြသည်။ မြန်မာနိုင်ငံမှ အတ္တကြီးသော၊ မျိုးချစ်စိတ် အစွန်းရောက်သော ခေါင်းဆောင်များသည် ဘေဂျင်း အပါအဝင် မည်သူ့ထံမှ အမိန့်ကိုမျှ နာခံလိမ့်မည် မဟုတ်ဟု ၎င်းတို့က မှတ်ချက် ပေးထားသည်။ အကယ်၍ လာမည့် ရွေးကောက်ပွဲများကြောင့် မြန်မာနိုင်ငံ၏ ပုံရိပ် တိုးတက်ခဲ့သည် ဆိုပါက ဘေဂျင်းအနေဖြင့် တိတ်တိတ်ကလေး ကြိတ်၍ အမှတ်ယူ ရုံသာ ရှိသည်ဟု ၎င်းတို့က ဆိုသည်။
မည်သို့ပင် ဖြစ်စေ၊ တရုတ်တို့ လိုလားသော အရာမှာ ပြုပြင် ပြောင်းလဲမှု မဟုတ်ဘဲ အမိန့်အာဏာသာ ဖြစ်သည်။ လာမည့် ရွေးကောက်ပွဲများသည် အခြေခံကျကျ ကြီးမားသော ပြောင်းလဲမှုကို ဆောင်ကြဉ်း ပေးနိုင်မည့် အလားအလာ မရှိပါ။ မဲဆန္ဒရှင်များက မည်သည့် သဘောထား ရှိသည် ဖြစ်စေ၊ အခြေခံ ဥပဒေက တပ်မတော် အတွက် ကြီးမားသော ကဏ္ဍကို နေရာ ပေးထားပြီး ဖြစ်သည်။ လူသိများ ထင်ရှားသော ဒီမိုကရေစီ လှုပ်ရှားသူ ဒေါ်အောင်ဆန်းစုကြည်၏ NLD ပါတီက ရွေးကောက်ပွဲ ဝင်မည် မဟုတ်သော်လည်း သူမ၏ ပါတီမှ ခွဲထွက်သွားသော ပါတီကသာ ရွေးကောက်ပွဲ ဝင်မည် ဖြစ်သည်။ သို့သော်လည်း အစိုးရကို ဆန့်ကျင်သော တိုင်းရင်းသား လက်နက်ကိုင်များ အခြေစိုက်ရာ ဒေသဖြစ်သော ရှည်လျားသည့် တရုတ်-မြန်မာ နယ်စပ် တလျှောက် တည်ငြိမ် အေးချမ်းရေးမှာမူ မသေချာ၊ မရေရာဘဲ ဖြစ်နေသည်။ အဆိုပါ ဒေသတွင် မနှစ်က ပြင်းထန်သော တိုက်ပွဲများ ဖြစ်ပွားခဲ့ခြင်းကြောင့် စစ်ပြေး ဒုက္ခသည် ထောင်ပေါင်း များစွာ ယူနန် ပြည်နယ်ထဲသို့ ဝင်ပြေးကြသဖြင့် ပြဿနာ ပေါ်ပေါက်ခဲ့ရသည်။
တရုတ်နိုင်ငံ အတွက် အရေးကြီးနေသည်မှာ စစ်ဖက် ဆက်ဆံရေးနှင့် ဘင်္ဂလား ပင်လယ်အော် မြန်မာ ကမ်းရိုးတန်း တစ်လျှောက်ရှိ ဆိပ်ကမ်းများ တိုးတက် ဖွံ့ဖြိုးရေးပင် ဖြစ်သည်။ ၎င်းအချက်များက တရုတ်နိုင်ငံအား မဟာ ဗျူဟာမြောက် စိတ်ဝင်စားဖွယ် ဖြစ်နေသည့် အိန္ဒိယ သမုဒ္ဒရာသို့ ထွက်ပေါက် ရရှိစေမည် ဖြစ်သည့် တရုတ်နိုင်ငံက ရေနံနှင့် အခြားကုန်စည်များ အတွက် သင်္ဘော လမ်းကြောင်းသစ် ရရှိလိုခြင်းမျှသာ ဖြစ်ပြီး ရေတပ် အင်အား တည်ဆောက်ရနန် ဆန္ဒမရှိပါဟု ခုခံ ပြောကြားလျက် ရှိသည်။ သို့သော်လည်း အိန္ဒိယနှင့် အခြားနိုင်ငံများက အနည်းငယ်ပင် ယုံကြည်ခြင်း မရှိကြပါ။ အကြောင်းမှာ မြို့တော် ရန်ကုန်အနီး သီလဝါ ဆိပ်ကမ်းသို့ သြဂုတ်လ ၂၉ ရက်နေ့တွင် တရုတ် စစ်သင်္ဘော ၂ စင်း ၅ ရက်ကြာ ဆိုက်ကပ် ရပ်နားခဲ့ခြင်းကြောင့် ဖြစ်သည်။ အဆိုပါ ဆိုက်ကပ် ရပ်နားမှုကို ချစ်ကြည်ရေး အတွက် ဝင်ရောက် လည်ပတ်ခြင်း ဖြစ်သည်ဟု တရုတ်တို့က ရှင်းလင်း ပြောကြားခဲ့သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.