Posts
AFP, 28th Sept 2010
မြန်မာနိုင်ငံမှ စစ်ဖက် အုပ်ချုပ်သူများ အနေဖြင့် နိုဘယ်ဆုရှင် အတိုက်အခံ ခေါင်းဆောင် ဒေါ်အောင်ဆန်းစုကြည်ကို လွှတ်ပေးခြင်း မရှိပါက ၎င်းတို့ စီစဉ်နေသော ရွေးကောက်ပွဲမှာ လက်ခံ ယုံကြည်ဖွယ် ရှိမည် မဟုတ်ကြောင်း ကုလသမဂ္ဂ ညီလာခံရောက် ဝန်ကြီးများ အုပ်စုက တနင်္လာနေ့တွင် ပြောကြားလိုက်သည်။
ကုလ သမဂ္ဂ အကြီးအကဲ ဘန်ကီမွန်းက အစည်းအဝေး အပြီး ပြောဆိုရာတွင် "တရုတ်၊ အိန္ဒိယ စသော အိမ်နီးချင်းများ အပါအဝင် ဗြိတိန်၊ အမေရိကန် ပြည်ထောင်စု စသော နိုင်ငံများမှ ဝန်ကြီးများ ပါဝင်သော အုပ်စုသည် မြန်မာနိုင်ငံ ရွေးကောက်ပွဲ လုပ်ငန်းစဉ် အတွက် လိုအပ်ချက် ဖြစ်သည့် ယခုထက် ပို၍ အားလုံး ပါဝင်နိုင်ရေး၊ ပိုမို ပွင့်လင်း မြင်သာရေးတို့ကို ရှင်းလင်းစွာ ထပ်မံ ပြောကြားခဲ့ကြသည်" ဟု ဆိုသည်။
"ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားတွေကို လွှတ်ပေးဖို့ အဖွဲ့ဝင်တွေက တောင်းဆိုခဲ့ပါတယ်။ ရွေးကောက်ပွဲကို လက်ခံ ယုံကြည်နိုင်ဖို့၊ မြန်မာနိုင်ငံရဲ့ တည်ငြိမ်မှုနဲ့ ဖွံ့ဖြိုး တိုးတက်မှုကို ဖြစ်ပေါ်စေဖို့ ဆိုရင် ဒါကို မဖြစ်မနေ လုပ်ရမှာပါ'' ဟု မြန်မာဆိုင်ရာ မိတ်ဆွေများ အဖွဲ့အစည်း အပြီးတွင် ဘန်ကီမွန်းက သတင်းထောက်များအား ပြောကြားခဲ့သည်။
ကုလသမဂ္ဂ ညီလာခံ အဝန်းအဝိုင်းတွင် ပြုလုပ်သော အစည်းအဝေးသို့ မြန်မာ အစိုးရ ကိုယ်စားလှယ်များ တက်ရောက်ခြင်း မရှိပါ။
တိုင်းပြည်၏ နှစ် ၂၀ အတွင်း ပထမဆုံး ရွေးကောက်ပွဲတွင် ဒေါ်အောင်ဆန်းစုကြည်၏ NLD ပါတီနှင့် အခြား အတိုက်အခံ ပါတီ ၉ ခုတို့ မပါဝင်နိုင်အောင် အစိုးရက တားဆီးထားသည်။ အတိုက်အခံများက ၎င်းရွေးကောက်ပွဲကို အတုအယောင်သာ ဖြစ်သည်ဟု ဝေဖန် ပြောဆိုလျက် ရှိသည်။
သို့သော်လည်း အတိုက်အခံ ခေါင်းဆောင် အနေဖြင့် မဲပေးခွင့် ရလိမ့်မည်ဟု အစိုးရက ပြောကြားသည်။
ဘန်ကီမွန်းသည် မြန်မာ နိုင်ငံခြားရေး ဝန်ကြီး ဦးဥာဏ်ဝင်းနှင့် ရွေးကောက်ပွဲ ကိစ္စများကို တနင်္ဂနွေနေ့က ကုလ သမဂ္ဂ ဌာနချုပ်တွင် တွေ့ဆုံ ဆွေးနွေးခဲ့သည်ဟု ကုလ ပြောရေးဆိုခွင့် ရှိသူက အတည်ပြု ပြောကြားသော်လည်း အသေးစိတ် ပြောဆိုခြင်း မရှိပေ။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.