Transparency Myanmar

transparency.myanmar@gmail.com

မြောက်ကိုရီးယား နိုင်ငံတွင် လူမှုရေး မတည်ငြိမ်မှုများ မြင့်တက်လျက် ရှိရာ အစိုးရ အနေဖြင့်  ပုဂ္ဂလိက ဈေးကွက်များအပေါ် ကန့်သတ် ချုပ်ခြယ်မှုများကို လျှော့ချရမည့် ကိန်းသို့ ဆိုက်ရောက် လျက် ရှိကြောင်း သတင်း ပေးပို့ချက်များအရ သိရပါသည်။

မြောက်ကိုရီးယား အစိုးရက ငွေကြေး တန်ဖိုး ပြန်လည် သတ်မှတ်မှုများ ပြုလုပ်ခဲ့ရာ နိုင်ငံသားတို့မှာ စုငွေ အတော်များများ ဆုံးရှုံးသွားခဲ့ရကြောင်း၊ သို့အတွက်ကြောင့် လူမှုရေး မတည်ငြိမ်မှုများ ထွက်ပေါ်လာခြင်း ဖြစ်ကြောင်း သတင်းများက ဆိုသည်။

ယင်းသို့ ငွေတန်ဖိုး ပြန်လည် ပြင်ဆင် သတ်မှတ်ခြင်းသည် မြောက်ကိုရီးယား ခေါင်းဆောင် တို့က နိုင်ငံ စီးပွားရေးကို ပြန်လည် ထိန်းချုပ်ရန် ကြိုးစားမှု တစ်ရပ် ဖြစ်ဟန် ရှိပါသည်။

တောင်ကိုရီးယား နိုင်ငံ အခြေစိုက် နိုင်ငံတကာ သတင်းထောက်များ၏ အဆိုအရ မြောက်ကိုရီးယားတွင် ဖြစ်ပေါ်နေသော လူမှု မတည်ငြိမ်မှုအတွက် တစ်ခုတည်းသော ထွက်ပေါက်မှာ စီးပွားရေး ဈေးကွက်များကို လွတ်လပ်စွာ လည်ပတ်ခွင့် ပြုရန်သာ ဖြစ်ပါသည်။

တောင်ကိုရီးယား အမျိုးသား ထောက်လှမ်းရေး အဖွဲ့ (NIS) ၏ ပြောခွင့်ရ ပုဂ္ဂိုလ်က ယခုအခါ မြောက်ကိုရီးယား အစိုးရသည် မတူညီသော ဈေးကွက် အသီးသီးတွင် ကန့်သတ် ထိန်းချုပ်မှုများ လျှော့ချပေးမည့် အရိပ်အယောင်များ တွေ့မြင်နေရသည်ဟု ပြောပါသည်။

"အာဏာပိုင်တွေက ပြည်သူတွေရဲ့ တောင်းဆိုမှုကို ဆက်ပြီး လျစ်လျူရှု ထားနိုင်မယ့် အခြေအနေ မရှိပါဘူး" ဟု ၎င်းက AFP သတင်းဌာနသို့ ပြောကြားပါသည်။

ဆိုးလ်မြို့ အခြေစိုက် BBC သတင်းထောက် John Sudworth က လက်တလော ရက်သတ္တပတ် များအတွင်း ဖြစ်ပေါ်နေသော လူမှုရေး မတည်ငြိမ်မှုများ၊ ငွေကြေး ဖောင်းပွမှုများ၊ စားနပ်ရိက္ခာ ပြတ်လပ်မှုများကြောင့် မြောက်ကိုရီးယား စီးပွားရေး သမားများ၊ ကုန်သည်များနှင့် မှောင်ခို သမားများသည် လုံခြုံရေး တင်းကြပ်လွန်းသည့် တရုတ်နယ်စပ် ဒေသကို ဖြတ်ကျော်ကာ ထွက်ပြေးသွားကြပြီ ဖြစ်ကြောင်း သတင်း ပေးပို့ပါသည်။

မြောက်ကိုရီးယားနှင့် အဆက်အသွယ် ရှိသော အသင်းအဖွဲ့များ၏ အဆိုအရ အချို့သော ပြည်သူများသည် ဈေးများကို လှည့်လည် စောင့်ကြပ်သော လုံခြုံရေး တပ်ဖွဲ့ဝင်များအား တိုက်ခိုက် ခဲ့ကြသည်ဟု ဆိုပါသည်။

ပြီးခဲ့သည့် ၂၀၀၉ ခုနှစ်၊ နိုဝင်ဘာလ ၃၀ ရက်နေ့တွင် မြောက်ကိုရီးယား အစိုးရက ဘဏ်လက်မှတ်များ အားလုံး ပြန်လည် လဲလှယ်ရမည် ဟူသော အမိန့် ဒီကရီ တစ်ရပ် ထုတ်ပြန် လိုက်ပြီးနောက် ယင်းသို့ မတည်မငြိမ်မှုများ ဆက်တိုက်ဆိုသလို ထွက်ပေါ်ခဲ့ခြင်း ဖြစ်ပါသည်။

ထို့ပြင် ပြည်သူများ လက်ဝယ်တွင် ရှိသော ငွေကြေးများကို လဲလှယ်ရမည့် ပမာဏကိုလည်း ပြုံးယမ်း အစိုးရက တင်းကြပ်စွာ ကန့်သတ်ခဲ့ရာ အဆိုပါ ငွေပမာဏထက် များပြားသော ငွေကြေး ကိုင်ဆောင်သူတို့၏ ငွေများမှာ တန်ဖိုး တစ်ပြားမှ မရှိတော့သည့် ကိန်းသို့ ဆိုက်ရောက်သွားသည်။

သို့အတွက်ကြောင့် တင်းမာမှုများ၊ လူမှုရေး မတည်ငြိမ်မှုများ ထွက်ပေါ်ခဲ့ခြင်း ဖြစ်သည်ဟု သတင်း ပေးပို့ချက်များက ဆိုပါသည်။

ထိန်းချုပ် ကိုင်တွယ်ရန် ကြိုးပမ်းချက် ယင်းသို့ ငွေကြေးတန်ဖိုး ပြောင်းလဲ သတ်မှတ်မှုကြောင့် မြောက်ကိုရီးယားတွင် ငွေကြေး ဖောင်းပွမှုများ အဆမတန် ဖြစ်ပွားခဲ့ရသည်။

မြောက်ကိုရီးယား ကုန်သည်များက ယင်းသို့ ငွေကြေး တန်ဖိုး ပြောင်းလဲ သတ်မှတ်မှု ပေါ်ထွက် ခဲ့ပြီးနောက် ရုတ်ချည်းပင် အမေရိကန် ဒေါ်လာ ၁ ဒေါ်လာလျှင် မြောက်ကိုရီးယား ဝမ် ၉၈ သို့ ရောက်ရှိသွားကြောင်း၊ ယခုအခါ ၁ ဒေါ်လာလျှင် ဝမ် ၃၀၀ မှ ၅၀၀ အကြားတွင် ရှိကြောင်း ပြောကြားပါသည်။

တောင်ကိုရီးယား သတင်းစာ တစ်စောင် ဖြစ်သော Chosun Ilbo ၏ ရေးသားချက်အရ ယင်းသို့ ပလုံးပထွေး အနေအထားမျိုးကို ဖြစ်ပေါ်စေခဲ့သည် ဟူသော စွပ်စွဲချက်ဖြင့် မြောက်ကိုရီးယား အစိုးရက ဘဏ္ဍာရေး ဆိုင်ရာ အရာရှိကြီး တစ်ဦးကို အလုပ်ထုတ် ပစ်လိုက်ကြောင်း သိရပါသည်။ ပြီးခဲ့သည့် ဇန်နဝါရီလ အစောပိုင်း လောက်ကတည်းက ကွန်မြူနစ် ပါတီ၏ စီးပွားရေးနှင့် ဘဏ္ဍာရေး စီမံကိန်း ဆိုင်ရာ ဒါရိုက်တာ Pak Nam-Ki ဆိုသူမှာ ရာထူးမှ ထုတ်ပယ်ခြင်း ခံခဲ့ရသည်။

မြောက်ကိုရီးယားသည် ပြီးခဲ့သည့် ၂၀၀၂ ခုနှစ်တွင် ကန့်သတ်မှု ရှိသော ဈေးကွက် ပြုပြင် ပြောင်းလဲမှု မူဝါဒ တစ်ရပ်ကို မိတ်ဆက်ခဲ့သည်။ အဆိုပါ မူဝါဒအရ ပြည်သူများ အနေဖြင့် လွတ်လပ်သော ဈေးကွက်သဘောဖြင့် ကုန်ပစ္စည်းများ ဝယ်ယူ၊ ရောင်းချခွင့် ရရှိခဲ့သည်။

အဆိုပါ ဈေးကွက်များသည် မြောက်ကိုရီးယား၏ သာမန် လူတန်းစားများအတွက် လွန်စွာ အရေးကြီးသော အသက်သွေးကြော တစ်ခုသဖွယ် ဖြစ်လာခဲ့သည်။ နိုင်ငံတော်ပိုင် ဈေးဆိုင်များတွင် မရရှိနိုင်သော လျှပ်စစ်ပစ္စည်းများ၊ အဝတ်အထည်များနှင့် စားသောက်ကုန်များကို ကျယ်ပြန့်သော အတိုင်းအတာဖြင့် အရောင်းအဝယ် ပြုလုပ်နိုင်ခဲ့ကြသည်။

BBC သတင်းဌာန၏ North Korea eases market curbs ကို ဘာသာ ပြန်ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာနိုင်ငံ စစ်အစိုးရသည် ဒေသတွင်း နျူကလီးယား အန္တရာယ် လုံခြုံရေး အဖွဲ့ ဖြစ်သော အာရှ ပစိဖိတ် လုံခြုံရေး ကွန်ရက် Asia Pacific Safeguards Network (APSN) သို့ ဆက်သွယ် ဝင်ရောက်ရန် စိတ်ဝင်စားလျက် ရှိကြောင်း သြစတြေးလျ ရေဒီယို သတင်းဌာန၏ အဆိုအရ သိရပါ သည်။

အဆိုပါ ကိစ္စနှင့် စပ်လျဉ်း၍ APSN သည် သြစတြေးလျတွင် တွေ့ဆုံ ဆွေးနွေးမှုများ ပြုလုပ်ခဲ့သည်ဟုလည်း သိရပါသည်။ မြန်မာ စစ်အစိုးရ အနေဖြင့် APSN တွင် အဖွဲ့ဝင် အဖြစ် ပါဝင်ရန် စိတ်ဝင်စားလျက် ရှိကြောင်း အစိုးရ အဖွဲ့အစည်း မဟုတ်သော ဝါရှင်တန် အခြေစိုက် သိပ္ပံနှင့် နိုင်ငံတကာ လုံခြုံရေး အဖွဲ့ထံမှ စုံစမ်း သိရှိရပါသည်။

အထီးကျန် တစ်ကိုယ်တော် သမားအဖြစ် ပြုမူ နေထိုင်လျက် ရှိသော မြန်မာ စစ်အစိုးရ၏ အုပ်ချုပ်သူများသည် မြောက်ကိုရီးယား၏ အကူအညီဖြင့် နျူကလီးယား လက်နက် တပ်ဆင်ရေး ကိစ္စများကို တိုးမြှင့် ဆောင်ရွက်လျက် ရှိသော နိုင်ငံတစ်ခု ဖြစ်ပါသည်။

ယင်းသို့ အဖွဲ့ဝင် ဖြစ်ရန် မြန်မာ အစိုးရက စိတ်ဝင်စားလျက် ရှိသည်ကို အချို့သော ဒေသတွင်း နိုင်ငံအချို့က ယုံကြည်မှု ရှိမည် မဟုတ်ပေ။ အချို့အတွက်မူ အငြင်းပွားစရာပင် ဖြစ်နေပါသည်။

သြစတြေးလျ နိုင်ငံခြားရေး ဝန်ကြီးဌာနကမူ မြန်မာနိုင်ငံမှ တရားဝင် ဆက်သွယ် တောင်းဆိုမှု မရှိသေးသဖြင့် စဉ်းစားရန် မလိုသေးဟု ပြောကြားသည်။ "ဒီကိစ္စ အမှန်တကယ် ဖြစ်လာပြီဆိုရင် ဒီ လုံခြုံရေး ကွန်ရက်မှာ ပါဝင်တဲ့ တခြား အဖွဲ့ဝင်တွေနဲ့လည်း ညှိနှိုင်းဖို့ လိုပါတယ်။ သူတို့ရဲ့ သဘော တူညီမှု၊ တစ်နည်းအားဖြင့် အများရဲ့ သဘော တူညီမှု ရဖို့ လိုပါတယ်" ဟုလည်း ၎င်းက ဆက်လက် ပြောကြားပါသည်။

ဤသို့သော အချိန်မှာပင် သြစတြေးလျ နိုင်ငံသည် လူသားချင်း စာနာ ထောက်ထားသော အနေဖြင့် မြန်မာနိုင်ငံအား နောင် သုံးနှစ်တာ ကာလအတွက် ၄၀ ရာခိုင်နှုန်း အထိ တိုးမြှင့် ထောက်ပံ့ရန် ဆုံးဖြတ်ချက် ချမှတ် လိုက်သည်။

နိုင်ငံရေးအရ တိုးတက် ပြုပြင် ပြောင်းလဲမှုများကို စောင့်စားနေရန် မဖြစ်နိုင်တော့သည်က တစ်ကြောင်း၊ မြန်မာ နိုင်ငံသားများ ဆင်းရဲ ဒုက္ခ အဖုံဖုံဖြင့် လူ့ အခွင့်အရေးများ ဆုံးရှုံးနေရသည်ကို မတွေ့မြင် လိုသည်က တစ်ကြောင်း ဤသို့ အကူအညီများ တိုးမြှင့် ထောက်ပံ့ပေးခြင်း ဖြစ်သည်ဟုလည်း သိရပါသည်။

မြန်မာနိုင်ငံ၏ ကျန်းမာရေး၊ ပညာရေးနှင့် စိုက်ပျိုးရေး စသည်တို့ အတွက် ရည်ရွယ်ပြီး ယခင် ထောက်ပံ့ငွေ ဒေါ်လာ ၂၆ သန်းမှ ဒေါ်လာ ၄၃ သန်းအထိ တိုးမြှင့် ပေးသွားမည် ဖြစ်ကြောင်း သြစတြေးလျ နိုင်ငံခြားရေး ဝန်ကြီးက ဆိုပါသည်။

သို့သော် အဆိုပါ အကူအညီ ပေးမည့် ကိစ္စသည် မြန်မာ စစ်ဗိုလ်ချုပ်များ အတွက် ဆုငွေ ချီးမြှင့်ပေးခြင်း လုံးဝ မဟုတ်ပါကြောင်း၊ သြစတြေးလျသည် နိုင်ငံတကာ အသိုင်းအဝိုင်း နည်းတူ မြန်မာနိုင်ငံကို ကူညီ ထောက်ပံ့ပေးရန် အသင့် အနေအထားတွင် ရှိပါကြောင်း ၎င်းက ဆိုပါသည်။

Radio Australia ၏ Burma Considers joining regional nuclear safeguards body ကို ဘာသာ ပြန်ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

AFP, 7th February 2010

တရုတ် ကွန်မြူနစ် ပါတီ ထိပ်တန်း တာဝန်ရှိ ပုဂ္ဂိုလ်သည် တနင်္ဂနွေနေ့က မြောက်ကိုရီးယား နှင့် ဆွေးနွေးပွဲများ ကျင်းပခဲ့ပြီး နျူကလီးယား လက်နက် ဖျက်သိမ်းရေး ဆွေးနွေးပွဲသို့ ပြန်လည် တက်ရောက်ရန် ပြုံးယမ်း အပေါ် ဖိအားပေးမှုများ ကြီးထွားလာနေသည်ဟု နိုင်ငံပိုင် သတင်းဋ္ဌာနက ထုတ်ပြန်ပါသည်။

တရုတ် ကွန်မြူနစ်ပါတီ နိုင်ငံတကာရေးရာ ဋ္ဌာနမှူး ဝမ်ကျားရွှေ၏ ခရီးစဉ်သည် ကုလသမဂ္ဂ အကြီးအကဲ ဘန်ကီမွန်း၏ ထိပ်တန်း နိုင်ငံရေး အကြံပေး Lynn Pascoe ပြုံးယမ်းသို့ မရောက်ရှိမီ ရက်ပိုင်း အလိုတွင် ပေါ်ထွက်လာခဲ့ခြင်း ဖြစ်သည်။

ယခု လတ်တလော ခရီးစဉ်များ မတိုင်မီတွင် မြောက်ကိုရီးယားက အမေရိကန် သာသနာပြုကို ပြန်လွှတ်ပေးခဲ့ပြီး ၎င်းသည် မြောက်ကိုရီးယားရှိ လူ့အခွင့်အရေး ချိုးဖောက်မှုများကို ဆန္ဒပြ ကန့်ကွက်ရန် ရေခဲနေသော နယ်ခြားမြစ်ကို တရုတ်ပြည်ဖက်ခြမ်းမှ တဆင့် ဖြတ်ကူး ဝင်ရောက် ခဲ့ပြီးနောက် ခရစ်စမတ်နေ့တွင် ဖမ်းဆီးခံရသူ ဖြစ်သည်။

တရားဝင် Korean Central News Agency သတင်း ထုတ်ပြန်ချက်အရ 'ဝမ်' သည် မြောက်ကိုရီးယား ကွန်မြူနစ် ပါတီမှ ၎င်းနှင့် အဆင့်တူ ခေါင်းဆောင် ကင်ယုံအီးနှင့် တွေ့ဆုံ၍ အစဉ်အလာ မပျက် ရင်းနှီးမှုများ မြှင့်တင်ရေးအပြင် အပြန်အလှန် စိုးရိမ် ပူပန်နေသော ကိစ္စရပ်များနှင့် ပတ်သက်၍ အမြင်ချင်း ဖလှယ် ခဲ့ကြသည်ဟု ဆိုပါသည်။

' ဝမ် ' သည် မြောက်ကိုရီးယား ခေါင်းဆောင် ကင်ဂျုံအီးနှင့်လည်း တွေ့ဆုံမည် ဖြစ်ပြီး တရုတ်နိုင်ငံက ၂၀၀၃ ခုနှစ်ကပင် စ၍ လက်ခံ ကျင်းပခဲ့သော နျူကလီးယား လက်နက် ဖျက်သိမ်းရေး ခြောက်နိုင်ငံ ဆွေးနွေးပွဲကို ပြန်လည် စတင်ရန် တိုက်တွန်းထားသည့် သမ္မတ ဟူကျင်းတောင် ထံမှ ပေးစာကို ပေးအပ်လိမ့်မည်ဟု တောင်ကိုရီးယား သတင်းဋ္ဌာနက ပြောကြားပါသည်။

ကိုရီးယား နှစ်နိုင်ငံ၊ တရုတ်၊ ဂျပန်၊ အမေရိကန် နှင့် ရုရှားတို့ ပါဝင်သော ရပ်ဆိုင်းနေသည့် စေ့စပ် ဆွေးနွေးပွဲများကို ပြန်လည် စတင်ရန် အရေးယူခံ မြောက်ကိုရီးယား  အပေါ် နိုင်ငံတကာ၏ ဖိအားပေးမှုများ ပိုမို တိုးပွားလာပါသည်။

မြောက်ကိုရီးယား၏ ဒုံးပျံနှင့် နျူကလီယား စမ်းသပ်မှုများကို တုန့်ပြန်သည့် အနေဖြင့် ကုလသမဂ္ဂက ပြင်းထန်သည့် အရေးယူ ဒဏ်ခတ်မှုများ ပြုလုပ်ခဲ့ပြီးနောက် ပြီးခဲ့သော ဧပြီလတွင် ခြောက်နိုင်ငံ ဆွေးနွေးပွဲမှ ပြုံးယမ်းက နှုတ်ထွက်ခဲ့ခြင်း ဖြစ်သည်။

ဆွေးနွေးပွဲများ ပြန်လည် ကျင်းပရေးကို မူဝါဒအားဖြင့် လက်ခံသည်ဟု မြောက်ကိုရီးယားက ပြောကြားခဲ့သော်လည်း အရေးယူမှုများ ရုတ်သိမ်းပေးရန်နှင့် ကိုရီးယား ကျွန်းဆွယ် ငြိမ်းချမ်းရေး စာချုပ်နှင့် ပတ်သက်၍ ဆွေးနွေးရေးကို အမေရိကန်က သဘောတူရန် ကြိုတင် သတ်မှတ်ချက် ၂ ခု ကို တောင်းဆိုထားပါသည်။

၁၉၅၀ - ၅၃  ကိုရီးယား စစ်ပွဲသည် အပစ်အခတ် ရပ်စဲရေးဖြင့် အဆုံးသတ်ခဲ့ခြင်း ဖြစ်၍ နှစ်နိုင်ငံ စစ်မက် ပြိုင်ဆိုင်မှုများ ရှိနေဆဲ ဖြစ်ပါသည်။ ယင်း အချက်သည် အမေရိကန် တိုက်ခိုက်မှုများကို ဟန့်တားရန် နျူကလီးယား လက်နက် ထုတ်လုပ်ခြင်း ဆီသို့ ဦးတည်စေခဲ့သည် ဟု မြောက်ကိုရီးယားက စောဒက တက်ခဲ့ပါသည်။

မြောက်ကိုရီးယား ကွန်မြူနစ်ပါတီ၏ အာဘော်ဖြစ်သော ရိုးဒွန်းဆင်မန် သတင်းစာက ငြိမ်းချမ်းရေး စာချုပ်ချုပ်ဆိုရေး အတွက် အမေရိကန် ပြည်ထောင်စုက သဘောတူရန် တနင်္ဂနွေနေ့တွင် ထပ်မံ တိုက်တွန်းလိုက်ပါသည်။

အပစ်အခတ် ရပ်စဲရေး သဘော တူညီချက်သည် မတော်တဆ စစ်ရေး ပဋိပက္ခကို တားဆီးနိုင်မည် မဟုတ်ပါ။ အပစ်ရပ် သဘောတူညီချက်ကို ငြိမ်းချမ်းရေး သဘောတူညီချက်ဖြင့် အစားထိုးရန် ရဲရင့် ပြတ်သား၍ တာဝန်ယူမည့် ဆုံးဖြတ်ချက်ကို အမေရိကန်က ချမှတ်ရမည်ဟု ရိုဒွန်း သတင်းစာက တိုက်တွန်း ပြောကြားပါသည်။

မြောက်ကိုရီးယား၏ အဆိုပါ ကမ်းလှမ်းမှုကို အမေရိကန်နှင့် တောင်ကိုရီးယားက ပယ်ချခဲ့ပြီး ပထမဦးစွာ ဆွေးနွေးပွဲများသို့ ပြန်လည် တက်ရောက်ရန်နှင့် ၂၀၀၅ တွင် တစ်ကြိမ်၊ ၂၀၀၇ တွင် တစ်ကြိမ် ကတိပြုထားသော နျူကလီးယား ဖျက်သိမ်းရေး သဘောတူညီချက်ကို ပြန်လည် အတည်ပြုရန် ကွန်မြူနစ် နိုင်ငံအား တိုက်တွန်းထားပါသည်။

ကုလသမဂ္ဂ ကိုယ်စားလှယ် အဖွဲ့သည် ပြုံးယမ်းသို့ မသွားမှီ တောင်ကိုရီးယား နိုင်ငံခြားရေး ဝန်ကြီး ရိုမြောင်ဟွန်း အပါအဝင် တာဝန်ရှိ ပုဂ္ဂိုလ်များနှင့် အရင် တွေ့ဆုံရန် ဆိုးလ်သို့ စနေနေ့တွင် ရောက်ရှိခဲ့ပါသည်။

ကုလသမဂ္ဂ အထွေထွေ အတွင်းရေးမှူးချုပ်၏ နိုင်ငံရေး အကြံပေး Lynn Pescoe သည် ၎င်း၏ ခရီးစဉ်အတွင်း ဖေဖော်ဝါရီ ၉ မှ ၁၂ တွင် မြောက်ကိုရီးယားသို့ လာရောက်မည် ဖြစ်ပြီး တရုတ်နှင့် ဂျပန်နိုင်ငံများသို့ သွားရောက်မည် ဖြစ်သည်။

နျူကလီးယား ဆွေးနွေးပွဲတွင် အဓိက ကျသော တိုးတက်မှုများ ရှိလာပါက ကုလသမဂ္ဂမှ အရေးယူမှုများကို ဖြေလျှော့ပေးရန် ဆုံးဖြတ်နိုင်ဖွယ် ရှိပါသည်။ ၁၉၉၀ ခုနှစ်များတွင် သဘာဝ ကပ်ဘေး ကျရောက်ခဲ့မှုကြောင့် ၎င်း၏ ပြည်သူများအား ကျွေးမွေးရန် နိုင်ငံခြား အထောက်အပံ့များ အပေါ် မှီခိုခဲ့ရသည့် မြောက်ကိုရီးယားသည် ကုလသမဂ္ဂ ဒဏ်ခတ် အရေးယူမှုများကြောင့် စီးပွားရေး ကဏ္ဍတွင် ပြင်းထန်စွာ ထိခိုက်ခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Reuters, 8th February 2010

အစိုးရသည် ကူးသန်း ရောင်းဝယ်ရေး မြို့တော် ရန်ကုန်ရှိ ဆိပ်ကမ်း ဝန်ဆောင်မှု လုပ်ငန်း ၃ ခု ကို ပုဂ္ဂလိက ကဏ္ဍသို့ လွှဲပြောင်းရန် စီစဉ်နေပြီး လတ်တလော ပုဂ္ဂလိကပိုင် ပြုလုပ်ရေး စာရင်းသို့ ထည့်သွင်းထားသည်ဟု သက်ဆိုင်ရာ အရာရှိ တစ်ဦးက တနင်္လာနေ့တွင် ပြောကြားသည်။

ရန်ကုန်ရှိ ဆိပ်ကမ်း ၃ ခု အပါအဝင် ပို့ဆောင်ရေး ဝန်ကြီးဌာန လက်အောက်ရှိ ဆိပ်ကမ်းများကို လွှဲပြောင်းရန် စီမံ ခန့်ခွဲရေး လုပ်ငန်းများ ဆောင်ရွက်နေဆဲ ဖြစ်သည်ဟု မြန်မာ ကုန်သည်ကြီးများ အသင်းမှ ဝါရင့် တာဝန်ရှိ ပုဂ္ဂိုလ် တစ်ဦးက ပြောကြားခဲ့ခြင်း ဖြစ်သည်။

၁၉၉၂ ခုနှစ် အာဏာ သိမ်းပြီးချိန်မှ စ၍ သွင်ပြင်ပုံစံ မျိုးစုံဖြင့် အုပ်ချုပ်လာခဲ့သော စစ်တပ်သည် ယခုနှစ်အတွင်း ကျင်းပဖွယ် ရှိသည့် ရွေးကောက်ပွဲများ မတိုင်မီ နိုင်ငံပိုင် လုပ်ငန်းများကို ပုဂ္ဂလိကပိုင် ပြုလုပ်ရေး အတွက် စီစဉ် စိုင်းပြင်းနေပါသည်။

နိုင်ငံတဝှမ်းရှိ လောင်စာဆီ အရောင်းဆိုင် ၂၅၀ ခန့်ကို ယခင် အပတ်က ပုဂ္ဂလိက လက်သို့ လွှဲပြောင်း ခဲ့ပါသည်။ စက်ရုံများ၊ ဆန်စက်များ၊ ရုပ်ရှင်ရုံများ၊ မြေကွက်များနှင့် လေကြောင်း လိုင်းကိုလည်း လွှဲပြောင်းပေးခဲ့ပြီး အချို့မှာလည်း လွှဲပြောင်းနေဆဲ ဖြစ်ပါသည်။

ပုဂ္ဂလိကသို့ လွှဲပြောင်းမည့် ဆိပ်ကမ်းများမှာ ဗိုလ်တထောင် ဆိပ်ကမ်း၊ ဗိုလ်အောင်ကျော် ဆိပ်ကမ်း နှင့် ဆူးလေ ဆိပ်ကမ်းတို့ ဖြစ်၍ မြန်မာ့သွင်းကုန် ထုတ်ကုန် လုပ်ငန်း၏ ၉၀ % ကို ကိုင်တွယ် ဆောင်ရွက်နေသော ဆိပ်ကမ်းများ ဖြစ်သည့် ပုဂ္ဂလိက ကုမ္ပဏီ နှစ်ခုမှာ ရန်ကုန် ဆိပ်ကမ်း ဝန်ဆောင်မှု လုပ်ငန်းကို ယခင်ကပင် လုပ်ကိုင်နှင့်ခဲ့ပြီး ဖြစ်ပါသည်။

ရန်ကုန် အနောက်ပိုင်း အလုံ ဆိပ်ကမ်းကို အေရှားဝေါလ် ကုမ္ပဏီက လုပ်ကိုင်နေပြီး ဟောင်ကောင် အခြေစိုက် Myanmar International Terminals Thilawa (MITT) ကလည်း သီလဝါ ဆိပ်ကမ်းကို လုပ်ကိုင်နေသည်။ အဆိုပါ သီလဝါ ဆိပ်ကမ်းသည် ရန်ကုန် မြစ်ဝရှိ ရေနက် ဆိပ်ကမ်း တစ်ခု ဖြစ်၍ ရန်ကုန်မြို့လယ်မှ ၉ မိုင် (၁၄.၅ ကီလိုမီတာ) ခန့် ဝေးကွာပါသည်။

ပို့ဆောင်ရေး ဝန်ကြီးဌာနမှ အရာရှိကြီး တစ်ဦးက အထက်ပါ ကိစ္စနှင့် စပ်လျဉ်း၍ မှတ်ချက်ပေးရန် ငြင်းဆန်ခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News, 8th February 2010

နိုင်ငံရေး ပြုပြင် ပြောင်းလဲမှုများအတွက် အဆင်သင့် ဖြစ်နေစေရန် သြစတြေးလျ နိုင်ငံက မြန်မာနိုင်ငံအား လူသားချင်း စာနာ ထောက်ထားသော အကူအညီများ တိုးမြှင့် ပေးအပ် ကူညီမည်ဟု သြစတြေးလျ နိုင်ငံခြားရေး ဝန်ကြီးက ပြောကြားခဲ့ပါသည်။

မြန်မာ ပြည်သူများအပေါ် ဆိုးကျိုးများ ကျရောက်စေမည့် တတိတိ ဖျက်ဆီး ဆုံးရှုံးမှု များ ဖြစ်ပေါ်နေခြင်းကို ခွင့်မပြုနိုင်ပါဟု  Stephen Smith  က ပြောပါသည်။

မြန်မာ အစိုးရ အပေါ် ဆွေးနွေး ညှိနှိုင်းမှုနှင့် အရေးယူ ပိတ်ဆို့မှုကို တပြိုင်တည်း ကျင့်သုံးနေသော အမေရိကန် ပြည်ထောင်စု၏ မူဝါဒ အတိုင်း အကူအညီများကို တိုးမြှင့်ပေးသွားမည်ဟု ၎င်းက ဆိုပါသည်။

သို့ရာတွင် Mr Smith က ယခု ကတိကဝတ်သည် မကြာမီ ရွေးကောက်ပွဲများ ကျင်းပမည့် တပ်မတော် ခေါင်းဆောင် များ၏ အစီအစဉ် အတွက် ပေးအပ်ခြင်း မဟုတ်ဟု ပြောပါသည်။

ယခု အခါ နိုင်ငံတကာ အသိုင်းအဝိုင်းက ပြန်လည် တည်ဆောက်ပေးမှု စတင်ရန် လိုအပ်နေသည် ဟုလည်း ၎င်းက ပြောဆိုပါသည်။

လူသားခြင်း စာနာ ထောက်ထားသော အကူအညီကို ယခု ဘဏ္ဍာရေးနှစ်တွင် သြစတြေးလျ ဒေါ်လာ သန်း ၃၀  ( အမေရိကန် ဒေါ်လာ  ၂၆သန်း ) မှ လာမည့် နှစ်တွင် သြစတြေးလျ ဒေါ်လာ သန်း ၅၀ အထိ ၄၀%  တိုးမြှင့်သွားမည်ဟု ဆိုပါသည်။

အရေးပါသော ပြောင်းလဲမှု

Mr Smith က ပြောကြားရာတွင် အကူအညီ တိုးမြှင့်ခြင်းသည် မြန်မာ့ တပ်မတော်ကို ချီးမြှင့်ခြင်း မဟုတ်ကြောင်းနှင့် လက်ရှိနှင့် အနာဂတ် မြန်မာ မျိုးဆက်သစ်များ ရင်ဆိုင်နေရသည့် ကြီးမားသော အခက်အခဲများကို အသိအမှတ် ပြုခြင်းသာ ဖြစ်သည်ဟုဆိုပါသည်။

မြန်မာပြည်သူများ၏ ဒီမိုကရေစီ ရည်မှန်းချက်ကို မြန်မာ စစ်တပ်က ဖိနှိပ်ခြင်းနှင့် ပြည်သူလူထု၏ လူ့အခွင့်အရေးကို မလေးစားခြင်းတို့ကြောင့် သြစတြေးလျနိုင်ငံ အနေဖြင့် အလွန်ပင် တုန်လှုပ် ခြောက်ချား ခဲ့ရကြောင်းလည်း ၎င်းက ပြောကြားပါသည်။

မြန်မာ အာဏာပိုင်များထံမှ အရေးပါသော ပြောင်းလဲမှုများ မြင်တွေ့ရသည် အထိ သြစတြေးလျက ဘဏ္ဍာရေး အရ ပိတ်ဆို့ အရေးယူမှု ဝါဒကို ကျင့်သုံး သွားမည်ဟုလည်း  Mr Smith  က ပြောကြား လိုက်ပါသည်။

၁၉၈၈ ခုနှစ် ဒီမိုကရေစီ ဆန္ဒပြသူများအား မြန်မာ အစိုးရက ချေမှုန်းခဲ့စဉ်မှ စ၍ မြန်မာစစ်တပ် ထိပ်ပိုင်း ခေါင်းဆောင်များ လာရောက်ခွင့်ကို သြစတြေးလျက ပိတ်ပင်ခဲ့ပြီး ကာကွယ်ရေး လက်နက် ပစ္စည်းများ မြန်မာသို့ တင်ပို့ခြင်းကိုလည်း တားမြစ်ထားခဲ့ပါသည်။

ပြီးခဲ့သော နှစ်ကမူ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က အရေးယူ ပိတ်ဆို့မှုများ သက်သက်ဖြင့် မြန်မာနိုင်ငံတွင် နိုင်ငံရေး ပြုပြင် ပြောင်းလဲမှုများ ပေါ်ထွက်လာရန် လုပ်ဆောင်နိုင်ခြင်း မရှိခဲ့ကြောင်း၊ သို့ဖြစ်၍ တပ်မတော် ခေါင်းဆောင်များနှင့် ညှိနှိုင်း ဆွေးနွေးရန် အိမ်ဖြူတော်က ကြိုးစားနေသည်ဟု ပြောကြားခဲ့ပါသည်။

မြန်မာ စစ်ဖက် အစိုးရက ယခုနှစ် ကုန်တွင် ရွေးကောက်ပွဲများ ကျင်းပရန် စီစဉ်နေပါသည်။

၁၉၉၀ ရွေးကောက်ပွဲတွင် အပြတ်အသတ် အနိုင်ရခဲ့သော NLD ပါတီကို အသိအမှတ် ပြုရန် မြန်မာ စစ်တပ်က ငြင်းဆန်ခဲ့ပြီး နောက်ပိုင်း ယခု ပထမဆုံး အကြိမ် ပြန်လည် ကျင်းပရန် စီစဉ်ခြင်း ဖြစ်သည်။

ဒီမိုကရေစီ လှုပ်ရှားမှု ခေါင်းဆောင်နှင့် NLD ခေါင်းဆောင် ဒေါ်အောင်ဆန်းစုကြည်သည် လတ်တလောတွင် နေအိမ် အကျယ်ချုပ် ထိန်းသိမ်း ထားခြင်း ခံနေရပြီး ရွေးကောက်ပွဲတွင် ပါဝင်ရန် အချိန်မှီ လွတ်မြောက်နိုင်ဖွယ် မရှိဟု မျှော်လင့်ရပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Bangkokpost.com, 8th February 2010

မြန်မာနိုင်ငံနှင့် ဗီယက်နမ် နိုင်ငံတို့မှ ဆန်တင်ပို့မှု ပမာဏ ရုတ်တရက် မြင့်တက်လာခြင်းကြောင့် ထိုင်းနိုင်ငံ၏ နိုင်ငံတကာသို့ ဆန်တင်ပို့မှု ဈေးကွက် ဝေစုများ ဆုံးရှုံးသွားနိုင်ပြီး၊ ထိုင်းအနေဖြင့် ကမ္ဘာ့နံပါတ် (၁)  ဆန်တင်ပို့သော နိုင်ငံအဖြစ်မှ နေရာ ဖယ်ပေး ရနိုင်ပါသည်။

ထိပ်တန်း စက်မှု ပညာရှင် အချို့က ပြောကြားရာတွင် ဒေသတွင်း ဆန်တင်ပို့မှု အောင်မြင်လာခြင်းသည် အရှေ့တောင် အာရှ တစ်ခုလုံး၏ စီးပွားရေးကိုပါ ဆွဲတင်သလို ဖြစ်ကြောင်း၊ ထိုင်းနိုင်ငံ အနေဖြင့်လည်း သူ၏ နေရာကို ကမ္ဘာ့ အဓိက ဆန်ရောင်းဝယ်ရာ ဗဟိုဌာန အဖြစ် ဖွင့်ပေးခြင်းဖြင့် ဆက်လက်ထိန်းသိမ်းရန် အခွင့်အလမ်းများ ရရှိမည် ဖြစ်ပါသည်ဟု ပြောကြားခဲ့ ပါသည်။

မိမိတို့သည် မြန်မာနိုင်ငံနှင့် ဗီယက်နမ်တို့၏ ဆန်တင်ပို့မှု မြင့်တက်လာမှုကို စိုးရိမ်နေမည့်အစား မိမိတို့ နည်းပညာများ လေ့လာရေး၊ ဈေးကွက် ရှာဖွေရေး၊ ဖြန့်ဝေမှု စွမ်းရည် တိုးတက်စေရေး၊ ဆန်ထုတ်လုပ်မှု စွမ်းအားနှင့် အခြေခံ အဆောက်အအုံ ကောင်းမွန်အောင် ပြုလုပ်ခြင်း၊ ထိုင်းနိုင်ငံအား ဆန်ရောင်းဝယ်ရေး ဗဟိုဌာန ဖြစ်အောင် မြှင့်တင်ရေးတို့ကို အာရုံပြု လုပ်ဆောင်သင့်ကြောင်း ထိုင်း ဆန်တင်ပို့သူများ အသင်း ဂုဏ်ထူးဆောင် ဥက္ကဋ္ဌ Chookiat Ophaswongse က ပြောကြားခဲ့ပါသည်။

ထိုသို့ ပြုလုပ်ခြင်းကြောင့် အာဆီယံ လွတ်လပ်သော ကုန်သွယ်မှု သဘောတူညီချက် (AFTA) အရ ရရှိမည့် အကျိုးရလဒ်များကို တိုးတက်အောင် ပြုလုပ်နိုင်လိမ့်မည် ဖြစ်ပါသည်။ ဘရူနိုင်း၊ မလေးရှား၊ အင်ဒိုနီးရှား၊ ဖိလစ်ပိုင်၊ စင်္ကာပူ နှင့် ထိုင်းနိုင်ငံတို့သည် ယခု ဇန်နဝါရီလ (၁) ရက်နေ့ မှစ၍ ဆန်သွင်းကုန် အပေါ် အခွန် ကောက်ခံမှု ပယ်ဖျက်ပေးရန် သဘောတူညီပြီး ဖြစ်ပါသည်။ မြန်မာ၊ ကမ္ဘောဒီးယား၊ လာအို နှင့် ဗီယက်နမ်တို့သည် ၂၀၁၅ ခုနှစ်တွင် စတင်ရန် သဘောတူကြပြီး ဖြစ်ပါသည်။

အာဆီယံ ဒေသသည် ၂၀၀၈ ခုနှစ်က ဆန်တန်ချိန် သန်းပေါင်း ၁၀၈ သန်း ထုတ်လုပ်ခဲ့ပြီး၊ တစ်ကမ္ဘာလုံး ထုတ်လုပ်မှု ဆန်တန်ချိန် သန်းပေါင်း ၄၃၃ သန်း၏ ၂၄ % ရှိပါသည်။

ထိုင်းနိုင်ငံ နှင့် ဗီယက်နမ် နိုင်ငံတို့သည် ကမ္ဘာပေါ်တွင် ဆန်အများဆုံး တင်ပို့သော နိုင်ငံ နှစ်ခု ဖြစ်ပြီး နှစ်နိုင်ငံပေါင်း ဆန်တန်ချိန် ၁၄ သန်း တင်ပို့ခဲ့ရာ မနှစ်က တစ်ကမ္ဘာလုံး ဆန်တင်ပို့မှု ပမာဏ၏ တစ်ဝက် ရှိပါသည်။

၂၀၀၉ ခုနှစ်က ဗီယက်နမ်သည် ဆန်တန်ချိန် ၆ သန်း တင်ပို့ခဲ့ပြီး ယမန်နှစ်က တန် ၄.၆ သန်းသာ တင်ပို့နိုင်ခဲ့သည်။

မြန်မာနိုင်ငံသည် မနှစ်က ဆန်တန်ချိန် တစ်သန်းခန့် တင်ပို့နိုင်ခဲ့ရာ လွန်ခဲ့သော နှစ်နှစ်က တန် ၃၀,၀၀၀ သာ တင်ပို့နိုင်ခဲ့ခြင်း ဖြစ်ပါသည်။

Mr. Chookiat က ပြောကြားရာတွင် အဆိုပါ နိုင်ငံများ၊ အထူးသဖြင့် မြန်မာနိုင်ငံနှင့် ဈေးနှုန်းတွင် ပြိုင်ဆိုင်ရလိမ့်မည် ဖြစ်ကြောင်း၊ မြန်မာနိုင်ငံတွင် ထုတ်လုပ်မှု စရိတ် သက်သာပြီး၊ ထွက်နှုန်း မြင့်သောကြောင့်ဟု ဆိုပါသည်။

မြန်မာနိုင်ငံသည် ဆန်တိုးတက် တင်ပို့ရန် အလားအလာ အများကြီး ကောင်းကြောင်း၊ ၎င်း၏ မြစ်ဝကျွန်းပေါ် ဒေသတွင် စိုက်ပျိုး ဧရိယာကောင်း များစွာ ရှိပြီး တစ်နှစ်လျှင် ဆန်တန်ချိန် တန်သန်း ၃၀ ထိ ထုတ်လုပ်နိုင်ရန် များစွာ အထောက်အကူ ပြုကြောင်း ၎င်းက ပြောပါသည်။

သို့သော် မြန်မာနိုင်ငံတွင် ပိုမို ကောင်းမွန်သော စီမံခန့်ခွဲမှုနှင့် နည်းပညာများ လိုအပ်နေဆဲ ဖြစ်ကြောင်း ဆက်လက် ပြောကြားခဲ့ပါသည်။

ထိုင်းနိုင်ငံကို ဒေသတွင်း ဆန်ရောင်းဝယ်မှု ဗဟိုဌာန အဖြစ် ရောက်ရှိအောင် နှစ်အနည်းငယ် စောင့်ရဦးမည် ဖြစ်ကြောင်း ပြောပါသည်။ ထိုင်းနိုင်ငံသည် ပထမအဆင့် အနေဖြင့် အာဆီယံ အဖွဲ့ဝင်များကို ဆန်ဈေးကွက် ဖွင့်ပေးရမည် ဖြစ်ပြီး၊ ပြန်လည် တင်ပို့ရန် တင်သွင်းလာသည့် ဆန်များကို ထိုင်းဆန်များနှင့် မရောမိစေရန် ဂိုဒေါင်များတွင် ရှင်းရှင်းလင်းလင်း ခွဲထားရန် လိုအပ်ကြောင်း ၎င်းက ပြောပါသည်။

နိုင်ငံခြားသား ပွဲစားများနှင့် ရောင်းဝယ်ရေး ကုမ္ပဏီများသည် မြန်မာနိုင်ငံတွင် ခြေချင်းလိမ်နေပြီး၊ စပါးများကို ဈေးအနိမ့်ဖြင့် ဝယ်ယူနေကြကြောင်း ၎င်းက ပြောပါသည်။

ထိုင်းနိုင်ငံသည် မြန်မာနိုင်ငံနှင့် ပူးပေါင်း ဆောင်ရွက်ခြင်းအားဖြင့် ဈေးနှုန်း ပြိုင်ဆိုင်ရမှုကို ရှောင်ရှားနိုင်ပါသည်။ အထူးသဖြင့် ၂၅ မှတ် ဆန်ဖြူ (25 % grade white rice) တွင် မြန်မာနိုင်ငံမှ ဆန်သည် ဈေးပိုပေါ ပါသည်။ ယမန်နှစ်က ၂၅ မှတ် ဆန်ဖြူ တစ်တန်လျှင် အမေရိကန် ဒေါ်လာ ၃၄၀ (၁၁၂၅၆ ဘတ်) မှ ၃၅၀ ထိ မြန်မာနိုင်ငံမှ ဈေးဖွင့်ခဲ့ချိန်တွင် ထိုင်းဆန်သည် တစ်တန်လျှင် ဒေါ်လာ ၅၀၀ ရှိပါသည်။

Chookiat က ဆက်လက် ပြောကြားရာတွင် ဗီယက်နမ် ဆန်တင်ပို့သူများသည် ကမ္ဘောဒီးယားအား ပူးပေါင်း ဆောင်ရွက်ရန် ကမ်းလှမ်းခဲ့ကြောင်း၊ အဘယ်ကြောင့်ဆိုသော် ကမ္ဘောဒီးယားသည် ပြီးခဲ့သည့် နှစ်များအတွင်း ဆန်ထုတ်လုပ်မှု တိုးတက်လာခဲ့ခြင်းကြောင့် ဖြစ်ပါသည်။

ထိုင်း ဆန်စက် လုပ်ငန်းရှင်များ အသင်းမှ ဂုဏ်ထူးဆောင် ဥက္ကဋ္ဌ Pramotc Vanichanont ကလည်း Chookiat ၏ အမြင်အတိုင်း  ထပ်တူ ပြောကြားခဲ့ပါသည်။

အစိုးရ အနေဖြင့်  ဆန် ထုတ်လုပ်မှုကို လာမည့် ၅ နှစ် မှ ၁၀ နှစ် အတွင်း မဟာဗျူဟာ စီမံကိန်းများ ချမှတ်ကာ အာဆီယံ နှင့် အာဆီယံ + ၃ နိုင်ငံတို့၏(တရုတ်၊ တောင်ကိုရီးယား နှင့် ဂျပန်) ဈေးကွက်ကို ချဲ့ထွင်ပြီး ဝင်ငွေများ ရရန် ပြုလုပ်သင့်ကြောင်း Pramote က တောင်းဆိုခဲ့ပါသည်။

မိမိတို့ အနေဖြင့် အရည်အသွေး အမြင့်ဆုံး ဆန်များ ရောင်းချနိုင်ရေးကို ရည်မှန်းထားရမည် ဖြစ်ပြီး ကျန်းမာရေး အတွက် စားသုံးရန်နှင့် အာဟာရဓာတ် မြင့်မားစွာ ပါဝင်သော ဆန်များကဲ့သို့သော တန်ဖိုးမြှင့် ဆန်ထုတ်ကုန်များဖြင့် ဈေးကွက် ဝေစုသစ် ရှာဖွေရမည် ဖြစ်ကြောင်း Pramote က ပြောကြား ခဲ့ပါသည်။

          ထိုင်းနိုင်ငံ အနေဖြင့် လာမည့် ငါးနှစ် မှ ဆယ်နှစ် အတွင်း ခက်ခက်ခဲခဲ ယှဉ်ပြိုင်ရမှုများ တိုးတက်လာမှုကို ရှောင်ရှားရန်နှင့် ကမ္ဘာ့ ဆန်တင်ပို့မှု စာရင်းတွင် ဦးဆောင်နေရာ ဖယ်မပေးရရန် အတွက် ရှင်းလင်းသည့် မဟာဗျူဟာ အမြင်နှင့် ဦးတည်ချက်များ ရှိရန် လိုအပ်သည်ဟု Pramote က ဆိုပါသည်။

မြန်မာ နှင့် ဗီယက်နမ်တို့ ဆန်တင်ပို့မှု တိုးတက်လာခြင်းကို စိုးရိမ်ရန် မလိုကြောင်း Pramote က ဆိုပါသည်။

မြန်မာနိုင်ငံတွင် စပါး တစ်တန်လျှင် ထုတ်လုပ်မှု စရိတ် ဘတ် ၁၅၀၀ မှ ၁၈၀၀ ကြားတွင် ရှိပြီး ထိုင်းနိုင်ငံတွင် ဘတ် ၄၆၀၀ ရှိကြောင်း၊ သို့သော် အရည်အသွေး များစွာ ကွာခြားကြောင်း ၎င်းက ပြောပါသည်။

ထိုင်းဆန်သည် မြန်မာဆန်ထက် ဆန်သား ပိုရှည်ပြီး အရသာရော အရောင်ပါ မတူညီပေ။

ပြီးခဲ့သည့် နှစ်နှောင်းပိုင်းက မြန်မာ ဆန်စက် ပိုင်ရှင်များသည် ၎င်းတို့၏ ထိုင်း လုပ်ဖော်ကိုင်ဖက် များထံမှ ဆန်အမျိုးမျိုး ထုတ်လုပ်နိုင်ရေး အတွက် ထိုင်း - မြန်မာ ဆန်စက် လုပ်ငန်းရှင်များ အစည်းအဝေးတွင် အကူအညီ တောင်းခံ ခဲ့ပါသည်။

အဖွဲ့ဝင် ၉၀၀ ကျော် ပါဝင်သော မြန်မာ ဆန်စက် လုပ်ငန်းရှင်များ အသင်းသည် ဆန်တင်ပို့မှု တိုးတက်ရေးအတွက် စိတ်အား ထက်သန်ပြီး၊ အကောင်းမြင် မျှော်လင့်လျက် ရှိကြပါသည်။

၎င်းတို့သည် ၂၀၀၀ ရွေးကောက်ပွဲ မတိုင်မီ ကုန်သွယ်ရေး စည်းမျဉ်းများ ဖြေလျော့ပေးမှုကို မျှော်လင့်လျက် ရှိနေကြပါသည်။

မြန်မာနိုင်ငံသည် ၁၉၆၂ ခုနှစ် ဗိုလ်ချုပ်ကြီး နေဝင်း အာဏာ မသိမ်းမီက ကမ္ဘာ့အကြီးဆုံး ဆန်တင်ပို့သည့် နိုင်ငံ ဖြစ်ခဲ့ပါသည်။

၎င်းတို့သည် ပိုမို ကောင်းမွန်အောင် ပြင်ဆင်မှုများ လျင်မြန်စွာ ပြုလုပ်လျက် ရှိကြောင်း၊ ထို့ကြောင့် ဒေသတွင်း ဆန်တင်ပို့မှု ဗဟိုဖြစ်အောင် အားကောင်းစေရန် မြန်မာနိုင်ငံနှင့် ပူးပေါင်း ဆောင်ရွက်သင့်ကြောင့် Chookiat က ပြောကြားခဲ့ပါသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာနိုင်ငံပိုင် လုပ်ငန်းများအား ပုဂ္ဂလိကပိုင် ပြုလုပ်မည့် အစီအစဉ်ကို စစ်အစိုးရက ယခုနှစ်အတွင်း တွန်းအားပေး အကောင်အထည်ဖော်မည် ဖြစ်ကြောင်း သိရပါသည်။

မြန်မာအစိုးရ၏ ပုဂ္ဂလိကပိုင်ပြုရေး ဆိုင်ရာကော်မရှင်၏ ထုတ်ပြန် ကြေညာချက်အရ ဝန်ကြီး ဌာနပေါင်း ၁၁ ခုက ပိုင်ဆိုင်သော အဆောက်အအုံများ၊ စက်ရုံများ၊ ဆိပ်ကမ်းများ၊ ကုန်လှောင်ရုံများ နှင့် ရုပ်ရှင်ရုံများကို ပုဂ္ဂလိက ကုမ္မဏီ ၁၁၀ အား လေလံတင် ရောင်းချမည် ဖြစ်သည်။

အမည်မဖော်လိုသော သတင်းရင်းမြစ်တစ်ခုက အဆိုပါ ထုခွဲရောင်းချရေး အစီအစဉ်တွင် လောင်စာဆီ ဖြန့်ဖြူးရောင်းချရေး လုပ်ငန်းကိုပါ ပုဂ္ဂလိက ကဏ္ဍသို့ လွှဲပြောင်းပေးမည် ဖြစ်သည်ဟု ဆိုသည်။

အဆိုပါ ဖြစ်ရပ်ကြောင့် မြန်မာပြည်တွင်း လူမှုရေး မတည်မငြိမ်မှုများ ဖြစ်ပေါ်လာဖွယ် ရှိသည် ဟုလည်း လေ့လာ စောင့်ကြည့်သူတို့က ပြောပါသည်။ အမှန်တကယ်တွင် မြန်မာအစိုးရသည် ၁၉၉၅ ခုနှစ် ကတည်းက နိုင်ငံပိုင် စီးပွားရေး လုပ်ငန်းများအား ပုဂ္ဂလိကပိုင်အဖြစ် လုပ်ကိုင်ခွင့်ပြုသည့် အစီအစဉ် တစ်ရပ်ကို မိတ်ဆက်ခဲ့ပြီးဖြစ်သည်။

ထိုစဉ်က စစ်အစိုးရက ဈေးကွက် စီးပွားရေးစနစ်ကို အောင်မြင်စွာ အကောင်ထည် ဖော်နိုင်ရန်နှင့် စီးပွားရေး လုပ်ငန်းများပိုမို ထိထိရောက်ရောက် ဆောင်ရွက်နိုင်ရန် အလို့ငှာ နိုင်ငံပိုင် စီးပွားရေး လုပ်ငန်းများအား ပြည်တွင်း သို့မဟုတ် ပြည်ပမှ ရင်းနှီးမြှုပ်နှံသူများနှင့် ဖက်စပ်ဖြစ်စေ၊ အပြည့်အဝဖြစ်စေ လုပ်ကိုင်ခွင့် ပေးမည်ဟု ထုတ်ဖော်ခဲ့သည်။

ယခု လေလံတင် ရောင်းချမည့် အစိုးရပိုင် စီးပွားရေး လုပ်ငန်းနှင့် အဆောက်အအုံ အများစုမှာ ရန်ကုန်၊ မန္တလေး၊ ဧရာဝတီ၊ ပဲခူး နှင့် ရခိုင်ပြည်နယ် တို့တွင်ရှိသည်။ လေလံတင် ရောင်းချမည့် နေ့မှာ ဖေဖော်ဝါရီလ ၂၆ ရက်နေ့ ဖြစ်သည်ဟု ဆိုပါသည်။

သို့သော် စီးပွားရေး လေ့လာသုံးသပ်သူများ အမှန်တကယ် စိတ်ဝင်စားနေသည့် အချက်မှာ  မတ်လ ၃၁ ရက်နေ့ နောက်ဆုံးထား၍ အစိုးရပိုင် ဓာတ်ဆီ၊ ဒီဇယ်နှင့် သဘာဝဓာတ်ငွေ့ အရောင်းဆိုင်များ အားလုံး ပုဂ္ဂလိကပိုင် ပြုပေးမည့် ကိစ္စပင်ဖြစ်သည်။

ယနေ့အချိန်အထိ သေချာစွာ ပြောနိုင်သည့် ကိစ္စတစ်ခုမှာ အဆိုပါ လောင်စာဆီ တင်သွင်းသူ နှင့် ဖြန့်ဖြူး ရောင်းချသူများ အသင်းသည် စစ်အစိုးရနှင့် ရင်းနှီးသော ထိပ်ပိုင်းစီးပွားရေး သမားများသာ ဖြစ်မည်ဟူသော အချက်ပင် ဖြစ်ပါသည်။

ဆိုပါ အသစ်ဖွဲ့စည်းလိုက်သော အသင်း၏ ဥက္ကဋ္ဌမှာ ကုလသမဂ္ဂ၏ နာမည်ပျက် စီးပွားရေး လုပ်ငန်းရှင်များ စာရင်းတွင် ပါဝင်ပြီး စစ်အစိုးရနှင့် လွန်စွာ ရင်းနှီးကျွမ်းဝင်သော စီးပွားရေးသမားကြီး ဦးတေဇပင် ဖြစ်သည်။

အဆိုပါ အနေအထားမျိုးတွင် စွမ်းအင် ဆာလောင်မွတ်သိပ်နေသော တရုတ်နိုင်ငံကလည်း လွတ်လပ်သော ကုန်သွယ်မှုကို အကြောင်းခံကာ မိမိနိုင်ငံအတွင်းသို့ မြန်မာနိုင်ငံမှ လောင်စာများ တင်သွင်းခွင့် ရရှိရန် နည်းလမ်းရှာလျက် ရှိသည်။

မြန်မာ စွမ်းအင်ဝန်ကြီးဌာန၏ အဆိုအရ မြန်မာနိုင်ငံ တစ်ဝန်း၌ လောင်စာဆီ အရောင်းဆိုင် စုစုပေါင်း ၂၅၀ ရှိသည်။ မည်သို့ပင်ဆိုစေ ယခုကဲ့သို့ ပုဂ္ဂလိကပိုင်ပြုသည့် ကိစ္စကြောင့် အများ ပြည်သူများသို့ ရောင်းချသည့် လောင်စာဆီ ဈေးနှုန်းများ အဆမတန် မြင့်တက် သွားနိုင်သည့် အနေအထားတွင် ရှိပါသည်။

ပြီးခဲ့သည့် ၂၀၀၇ ခုနှစ်အတွင်းက စစ်အစိုးရက ဓာတ်ဆီ၊ ဒီဇယ်ဆီနှင့် သဘောဝဓာတ်ငွေ့ အစရှိသည့် လောင်စာဆီ ရောင်းချသည့် ဈေးနှုန်းများကို နှစ်ဆခန့် မြှင့်တင်လိုက်ရာ သံဃာတော် များက ဦးဆောင်ပြီး ငြိမ်းချမ်းစွာ ကန့်ကွက်ဆန္ဒပြမှု ထွက်ပေါ်ခဲ့သည်။

သို့သော် ရွှေဝါရောင် တော်လှန်ရေး အမည်တွင်သည့် အဆိုပါ ဆန္ဒပြပွဲမှာ သွေးပေစွန်း၍ ပြီးဆုံးခဲ့ရသည်။
Asian News မှသတင်းကိုဘာသာပြန်ဆိုပါသည်

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.