Transparency Myanmar

transparency.myanmar@gmail.com

Reuters, 16th Sept 2010

စစ်ဖက် အုပ်ချုပ်သော မြန်မာနိုင်ငံမှ ရွေးကောက်ပွဲ ကော်မရှင်သည် အဓိက တိုင်းရင်းသား အုပ်စု တစ်စုမှ ခေါင်းဆောင်ဟောင်းများအား ကိုယ်စားလှယ်လောင်း အဖြစ်မှ ပယ်ချခဲ့ကြောင်းနှင့် လာမည့် ရွေးကောက်ပွဲတွင် တိုင်းရင်းသားများ ဝင်ရောက် ယှဉ်ပြိုင်ခွင့်နှင့် ပတ်သက်၍ သံသယများ ကြီးထွားလာကြောင်း ကြာသပတေးနေ့တွင် ရရှိသော သတင်းတစ်ရပ်က ဆိုလာသည်။

တရုတ်နှင့် နယ်စပ်၊ ကချင်ပြည်နယ်မှ နိုင်ငံရေးသမားများအား ဒေသကြီးနှင့် အမျိုးသား လွှတ်တော်များအတွက် ပြုလုပ်မည့် နိုဝင်ဘာ ၇ ရက် ရွေးကောက်ပွဲတွင် လွတ်လပ်သော တသီးပုဂ္ဂလ ကိုယ်စားလှယ်လောင်းများအဖြစ် ပါဝင်ယှဉ်ပြိုင်ခွင့် ပိတ်ပင်ခဲ့ခြင်းနှင့် ပတ်သက်ပြီး ပြည်ထောင်စု ရွေးကောက်ပွဲ ကော်မရှင်က ရှင်းလင်း ပြောကြားခြင်း မရှိပါ။

ကိုယ်ပိုင် အုပ်ချုပ်ခွင့် ရရန်  ဆယ်စုနှစ်ပေါင်းများစွာ ကြိုးစားနေကြသော လက်နက်ကိုင် တိုင်းရင်းသား အုပ်စုများအား ရွေးကောက်ပွဲ မတိုင်မီ တိုင်းပြည်ကို စုစည်းရန် ရည်ရွယ်သည့် နိုင်ငံရေး လုပ်ငန်းစဉ်သို့ ပူးပေါင်းကြရန် စစ်ဖက် အုပ်ချုပ်သူများက ဖိအားပေးခဲ့ပြီးနောက် ထုတ်ပြန် ကြေညာခြင်း မပြုသေးသည့် အထက်ပါ ဆုံးဖြတ်ချက် ထွက်ပေါ်လာခဲ့ခြင်း ဖြစ်သည်။

ကချင်ပြည်နယ်ကို ကိုယ်စားပြုရန် နိုင်ငံရေးပါတီ ၃ ခု ဖွဲ့စည်းခဲ့ကြသော်လည်း  ရွေးကောက်ပွဲအတွက် မှတ်ပုံတင်ရာတွင် ၎င်းတို့အားလုံး ပယ်ချခံရသည့်အတွက် မြန်မာနိုင်ငံမှ အဓိက တိုင်းရင်းသား ၈ အုပ်စုတွင် ပါဝင်သည့် ကချင် ကိုယ်စားလှယ်များမှာ လာမည့် အငြင်းပွားဖွယ် ရွေးကောက်ပွဲတွင် ကိုယ်စားပြု ပါဝင်ခွင့် ရမည်မဟုတ် ဟူသော အဓိပ္ပာယ် သက်ရောက်နေသည်။

ယခုကဲ့သို့ ကချင် နိုင်ငံရေးသမားများအား ရွေးကောက်ပွဲ ဝင်ခွင့် ပိတ်ပင်ခဲ့ခြင်းမှာ အစိုးရ ဦးဆောင်သည့် နယ်ခြားစောင့် တပ်ဖွဲ့သို့ လက်နက်ချ ပူးပေါင်းရန် ငြင်းဆန်ခဲ့သည့် ကချင် လွတ်မြောက်ရေး တပ်မတော် KIA  ကို ခြိမ်းခြောက်သည့် လက္ခဏာ ဖြစ်ဖွယ် ရှိသည်ဟု ကချင် နုိင်ငံရေးသမားများနှင့် အဆက်အသွယ် ရှိသည့် ရန်ကုန် အခြေစိုက် စီးပွားရေး လုပ်ငန်းရှင် တစ်ဦးက ပြောကြားသည်။

စစ်ဖက် အုပ်ချုပ်သူများ၏ လက်တုန့်ပြန်မှုကို ကြောက်ရွံ့၍ အမည် မဖော်လိုသော သတင်းပေးသူက "ပြည်ထောင်စု ရွေးကောက်ပွဲ ကော်မရှင်က ဘာအကြောင်းပြချက်မှ မပေးပါဘူး၊ အစိုးရရဲ့ နယ်ခြားစောင့် တပ်ဖွဲ့ (BGF)  အစီအစဉ်ကို ငြင်းပယ်ခဲ့တာကြောင့် ဆိုတာကတော့ သေချာပါတယ်'' ဟု ပြောကြားခဲ့သည်။

ကချင် လွတ်မြောက်ရေး တပ်မတော် KIA  ကို ၁၉၆၁ တွင် စတင် တည်ထောင်ခဲ့ပြီး ကိုယ်ပိုင် အုပ်ချုပ်ခွင့် ရရှိရေးအတွက် ၁၉၉၄ အပစ်အခတ် ရပ်စဲရေး သဘောတူညီချက် လက်မှတ် မထိုးမီအထိ လက်ရှိ အာဏာရ စစ်ဖက်အစိုးရကို ဆန့်ကျင် တိုက်ခိုက်ခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Asian Correspondent, 16th Sept 2010

မြန်မာ အစိုးရသည် လာမည့် ရွေးကောက်ပွဲအား သပိတ်မှောက်ခြင်းကြောင့် ဒေါ်အောင်ဆန်းစုကြည်၏ ပါတီအား ဖျက်သိမ်းခဲ့သော်လည်း သူမအား ထောက်ခံ ပံ့ပို့သူများကို အာဏာပိုင်များက အဆက်မပြတ် ကြည့်ရှုလျက် ရှိကြောင်း ပြောခွင့်ရ ပုဂ္ဂိုလ်က ဗုဒ္ဓဟူးနေ့က ပြောကြားလိုက်သည်။

အမျိုးသား ဒီမိုကရေစီ အဖွဲ့ချုပ် ပြောခွင့်ရပုဂ္ဂိုလ် ဥာဏ်ဝင်းက ပြောကြားရာတွင် ၎င်းအပါအဝင် အခြားပါတီ အဖွဲ့ဝင်များ သွားလေရာ နေရာသို့ အရပ်ဝတ် ဝတ်ဆင်ထားသော အရာရှိများ အနည်းဆုံး သုံးဦးခန့် သွားလေရာ နေရာသို့ လိုက်လံ ကြည့်ရှုကြောင်း ဆိုသည်။

"NLD ကို အဓိက နိုင်ငံရေးပါတီ တစ်ခုလို့ သူတို့ မြင်နေတုန်းပဲလို့ ကျွန်တော်ယုံကြည်ပါတယ်'' ဟု ၎င်းက ပြောသည်။ "ကျွန်တော်တို့ ရွေးကောက်ပွဲ မဝင်တော့ပါဘူးလို့ ကြေညာထားပေမယ့် NLD ခေါင်းဆောင် အားလုံး အနီးကပ် စောင့်ကြည့်ခံနေရတုန်းပဲ'' ဟု သူက ပြောသည်။

ရွေးကောက်ပွဲသို့ ဝင်ရောက် ယှဉ်ပြိုင်မည့် ပါတီတစ်ခုမှလည်း အလားတူ မကျေနပ်မှုကို ဖော်ပြခဲ့ဖူးသည်။ ပြီးခဲ့သည့်လက ဒီမိုကရက်တစ်ပါတီ ခေါင်းဆောင်က ရဲများ၏ ခြောက်လှန့်မှုများအတွက် ရွေးကောက်ပွဲ ကော်မရှင်သို့ စာရေးသား တိုင်ကြားခဲ့သည်။

ရဲများသည် ရန်ကုန်ရှိ ပါတီ အဖွဲ့ဝင်များ၏ အိမ်များသို့ လာရောက်ပြီး ကိုယ်ရေးရာဇဝင်နှင့် ဓါတ်ပုံများကို တောင်းကြောင်း ဒီမိုကရက်တစ်ပါတီ ဥက္ကဋ္ဌ ဦးသုဝေက ပြောသည်။ "ဒါဟာ ခြောက်လှန့်မှု တစ်ခုပါပဲ'' ဟု ၎င်းက ဆိုသည်။

NLD သည် ၁၉၉၀ခုနှစ် ရွေးကောက်ပွဲတွင် အနိုင်ရခဲ့သော်လည်း အစိုးရက အာဏာ မပေးခဲ့ပါ။ NLD  သည် ယခု နိုဝင်ဘာ ရွေးကောက်ပွဲအတွက် အစိုးရ၏ ရွေးကောက်ပွဲ ဥပဒေသည် နေအိမ် အကျယ်ချုပ်ခံနေရသော ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများအား မပါဝင်နိုင်အောင် တားဆီးထားသည်ဟု ဆိုကာ ရွေးကောက်ပွဲကို သပိတ်မှောက်ရန် ဆုံးဖြတ်ခဲ့သည်။

ပါတီ ခေါင်းဆောင်များသည် NLD  ပါတီ၏ အနာဂတ်ကို ဆွေးနွေးရန်အတွက် ဗုဒ္ဓဟူးနေ့တွင် စုဝေးခဲ့ကြပြီး အစိုးရက အင်္ဂါနေ့တွင် တရားဝင် ကြေညာခဲ့သည့် ပါတီဖျက်သိမ်းမှုကို တရားစွဲဆို ကန့်ကွက်မည့် ဒေါ်အောင်ဆန်းစုကြည်၏ အစီအစဉ်ကို ဆက်လက် ဆွေးနွေးခဲ့ကြသည်ဟု ဝါရင့် ပါတီဝင်များက ပြောကြားသည်။

ရွေးကောက်ပွဲ ကော်မရှင်က "ရွေးကောက်ပွဲတွင် နိုင်ငံရေးပါတီ ၃၇ ခု ပါဝင် ယှဉ်ပြိုင်ကြမည် ဖြစ်ကြောင်း၊ စက်တင်ဘာ ၂၄ မှ အောက်တိုဘာ ၃၀ အထိ မဲဆွယ် စည်းရုံးမှုများ ပြုလုပ်နိုင်ကြောင်း၊ သို့သော်လည်း တပ်မတော်၏ ဂုဏ်သိက္ခာကို ထိခိုက်စေမည့် ပြောဆိုမှုများကို ရှောင်ကြဉ်ရမည် ဖြစ်ကြောင်း'' ကြေညာခဲ့သည်။

ဦးဥာဏ်ဝင်းက အာဏာပိုင်များသည် NLD ကို အဓိက နိုင်ငံရေး ပါတီကြီး အဖြစ် ဆက်လက် ယူဆနေကြသေးကြောင်းကို ပါတီခေါင်းဆောင်များအား အဆက်မပြတ် စောင့်ကြည့်နေခြင်းကို ကိုးကား၍ ပြောကြားခဲ့သည်။

ဒေါ်အောင်ဆန်းစုကြည်ကလည်း ပါတီဆိုင်းဘုတ်နှင့် ခွပ်ဒေါင်းအလံကို ဖြုတ်မချရန် ညွှန်ကြားခဲ့သည်ဟု ဦးဥာဏ်ဝင်းက ပြောကြားသည်။ သူမက ဒီမိုကရေစီ အတွက် ရုန်းကန် လှုပ်ရှားမှု၊ ပြည်သူတို့အပေါ် ထောက်ခံ အားပေးမှုကို လုံးဝ နောက်ပြန်လှည့်မည် မဟုတ်ဟု ပါတီ ပြောရေးဆိုခွင့် ရှိသူမှ တဆင့် ပါတီဝင်များကို မှာကြားသည်ဟုလည်း သိရှိရသည်။

မြန်မာနိုင်ငံကို စစ်တပ်က အုပ်ချုပ်ခဲ့သည်မှာ နှစ် ၅၀ ခန့် ရှိပြီ ဖြစ်သည်။ စစ်အစိုးရ နောက်ခံပါတီ အနိုင်ရရန် အကွက်ချ စီစဉ်ထားသလို၊ လွှတ်တော်အတွင်း စစ်တပ် ကိုယ်စားလှယ်များ အတွက် နေရာ ကြိုတင်ဖယ်ထားပြီး ဖြစ်သော်လည်း ယခု ရွေးကောက်ပွဲသည် အရပ်ဖက် အုပ်ချုပ်ရေးသို့ အသွင် ကူးပြောင်းရာတွင် အရေးကြီးသည့် အဆင့်ဖြစ်သည်ဟု လက်ရှိ အစိုးရက အသံလွှင့်လျက် ရှိသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Phoebe Kennedy in Rangoon, 14th September 2010

မြန်မာ စစ်အစိုးရသည် လာမည့် နိုဝင်ဘာ ရွေးကောက်ပွဲတွင် နိုင်ငံခြားသား လေ့လာသူများကို ဖိတ်ကြားလိမ့်မည် မဟုတ်ပေ။ သို့သော် ထိုတာဝန်ကို တိုင်းပြည်တွင်းရှိ ဘလော့ဂ်ဂါများနှင့် ပြည်တွင်း သတင်းစာ ဆရာများက ယူရန် ပြင်ဆင်နေကြပြီ ဖြစ်သည်။

အစိုးရသည် အင်တာနက် ဆင်ဆာများ လုပ်ခြင်း၊ ဖမ်းမိသော အွန်လိုင်းပေါ်တွင် အစိုးရကို ဝေဖန်သူများအား ပြင်းထန်သော အပြစ်ပေးမှုများ ပြုလုပ်ခြင်းများ ပြုလုပ်နေစေကာမူ မြန်မာနိုင်ငံတွင် အပြောင်းအလဲ ဖြစ်ရေးအတွက် တက်ကြွသော ဘလော့ဂါများ၊ Facebook အသုံးပြုသူများက အင်တာနက်သည် အားကောင်းသော အင်အားစု ဖြစ်သည်ဟု ယုံကြည်နေဆဲ ဖြစ်သည်။ နိုဝင်ဘာ ရွေးကောက်ပွဲသည် လွတ်လပ်၍ တရားမျှတလိမ့်မည် မဟုတ် ဆိုသည်ကို ဗိုလ်ချုပ်မှူးကြီး သန်းရွှေက ပြသခဲ့ပြီး ဖြစ်ရာ အစိုးရ ပါတီတွင် စစ်တပ်မှ ထွက်သော ကိုယ်စားလှယ်လောင်းများကို ငွေကြေးများ ထောက်ပံ့ခြင်း၊ အတိုက်အခံ ပါတီများအား ခြောက်လှန့်ခြင်း၊ ငွေကြေးအရ ဒုက္ခရောက် စေခြင်းများလည်း ပြုလုပ်လျက် ရှိသည်။

သို့သော် ရန်ကုန်မြို့လယ်၌ အင်တာနက် ကဖေး တစ်ခုတွင် စုမိကြသော တက်ကြွသော လူငယ် ဆိုက်ဘာ အုပ်စုကလေး တစ်ခုက ပြောကြားရာတွင် ရွေးကောက်ပွဲ အဖြေထွက်ပြီးသားဟု ဆိုသော်လည်း ၎င်းတို့က ရွေးကောက်ပွဲကို အလေးအနက် ထားကြောင်း ပြောကြသည်။

"ရွေးကောက်ပွဲ ပြီးရင် အခု စစ်အစိုးရက အာဏာ ဆက်ယူမယ်ဆိုတာ ကျွန်မတို့ အားလုံး သိပါတယ်။ ဒါပေမယ့် ရွေးကောက်ပွဲကို သပိတ် မှောက်တာကတော့ ဘာအထောက် အကူမှ မဖြစ်ပါဘူး" ဟု ပေါ်ပြူလာ ဖြစ်သော မြန်မာ ဘလော့ တစ်ခုတွင် ရေးသားသူ အမျိုးသမီး ဘလော့ဂါ အသက် ၂၇ နှစ်ရှိ အောင်က ပြောသည်။

ဘလော့ဂါများသည် လက်ရှိ အစိုးရကို ပြင်းပြင်းထန်ထန် ဆန့်ကျင်ကြသည်။ သို့သော် မြန်မာနိုင်ငံ အကြောင်း လူ့အခွင့်အရေး ဝက်ဆိုဒ်များတွင် ရေးသားခြင်း၊ ပြည်ပရောက် နိုင်ငံရေးသမားများ ဘလော့ရေးသားခြင်း၊ နိုင်ငံပြင်ပမှ သတင်းများ ပေးပို့ခြင်းများကို မိမိတို့ ငြီးငွေ့နေပြီ ဖြစ်ကြောင်း၊ ၎င်းတို့တွင် အပေါင်း လက္ခဏာ ဆောင်သော အရာများ ရေးသားထားသည်ကို မတွေ့ရဘဲ၊ အစိုးရကို အပြစ်တင်သည်များကိုသာ ရေးသားထားကြောင်း ဘလော့ဂါများက ဆိုသည်။

"သူတို့မှာ အစိုးရကို တိုက်ခိုက်နေတာက လွဲလို့ ဘာမှ မပါဘူး" ဟု အသက် ၃၀ ရှိ ဘလော့ဂါ Eugene က ပြောသည်။ "သူတို့က ထွက်ပေါက်ကို မပြပါဘူး။ ပြဿနာတွေ အကြောင်းပဲ ပြောပြီး အဖြေကို မပြောပါဘူး။ လူအများက ဒီထက်မက သိလိုကြတယ်။ ကျွန်တော်တို့ကလည်း အဖြေကို ပေးလိုတယ်" ဟု ၎င်းက ဆိုသည်။

အသက် ၃၈ နှစ်အောက် ရှိသူများသည် ယခင်က မဲမပေးဖူးကြပါ။ နောက်ဆုံး ရွေးကောက်ပွဲမှာ ၁၉၉၀ ခုနှစ်က ဖြစ်ပြီး ထိုစဉ်က နိုဘယ်ဆုရှင် ဒေါ်အောင်ဆန်းစုကြည်၏ ပါတီ ဖြစ်သော အမျိုးသား ဒီမိုကရေစီ အဖွဲ့ချုပ်က အနိုင် ရခဲ့သော်လည်း အစိုးရက ရလဒ်ကို အသိအမှတ် မပြုခဲ့ပေ။

ဒီမိုကရေစီ အတွက် အတွေ့အကြုံ မရှိသော်လည်း၊ ဘလော့ဂါများသည် ၎င်းတို့၏ ကဏ္ဍကို ပညာပေးရေးနှင့် သတင်းပေးရေး အဖြစ် မြင်ကြသည်။

"ရွေးကောက်ပွဲ ဘယ်လိုလုပ်မယ် ဆိုတာ ကျွန်တော်တို့ ရှင်းပြချင်ပါတယ်။ အခု ကျွန်တော် နိုင်ငံရေး ပါတီတွေရဲ့ သတင်းတွေ၊ ရွေးကောက်ပွဲ ကော်မရှင်နဲ့ အခြား နိုင်ငံရေး သတင်းများကို တင်ထားပြီး ဖြစ်ပါတယ်။ အချို့လူတွေက အစိုးရရဲ့ နိုင်ငံရေးသမားတွေကို လှောင်မယ်။ ဒါမှမဟုတ် သူတို့ဟာ ညာနေတာလို့ ပြောရဲဆိုရဲ ရှိကြပါတယ်" ဟု အသက် ၃၀ ရှိ ကလေးနှစ်ဦး ဖခင် IT ပညာရှင် တစ်ဦးက ပြောသည်။

ရွေးကောက်ပွဲ ကျင်းပသော ရက်တွင်မူ ဘလော့ဂါများသည် ရန်ကုန်နှင့် အခြားမြို့များသို့ ဖြန့်၍ ရွေးကောက်ပွဲကို စောင့်ကြည့်သည့် ကွန်ရက် တစ်ခု ထူထောင်ရန် ပြင်ဆင်နေသည်။

"ဘလော့ဂါ အနေနဲ့ ဖြစ်ဖြစ်၊ နိုင်ငံသား သတင်းစာ ဆရာအဖြစ်ပဲ ဖြစ်ဖြစ် ရွေးကောက်ပွဲကို ကျွန်တော်တို့ တစ်ဦးချင်း စောင့်ကြည့်သွားပါမယ်"  ဟု အောင်က ပြောသည်။ "ကျွန်မတို့ မဲရုံတွေကနေ ဖုန်းဆက်ပြီး ဖြစ်ဖြစ် SMS၊ Twitter တွေသုံးပြီး သတင်းရအောင် ယူပြီး မဲဆန္ဒပေးမှု တရားမျှတမှု ရှိမရှိ ပြောကြပါ့မယ်။ ဒါဟာ ကျွန်မတို့ရဲ့ တာဝန်ပါပဲ" ဟု သူမက ပြောသည်။

ဘလော့ဂါများသည် ဤအလုပ်၏ အန္တရာယ် များမှုကို သိကြသည်။ ဘလော့ဂါတစ်ဦး ဖြစ်သူ နေဘုန်းလတ်သည် ၂၀၀၈ ခုနှစ် အစောပိုင်းတွင် အဖမ်းခံရပြီး ထောင် ၁၂ နှစ် ချခံခဲ့ရသည်။ ၎င်းသည် အသက် ၃၀ ရှိပြီး ၂၀၀၇ ခုနှစ် ရွှေဝါရောင် တော်လှန်ရေးတွင် ထင်ရှားခဲ့သော ဘလော့ဂါ တစ်ဦး ဖြစ်သည်။

နေဘုန်းလတ်ကို ယခုနှစ်တွင် Time မဂ္ဂဇင်း၏ သြဇာ လွှမ်းမိုးနိုင်သော ပုဂ္ဂိုလ် ၁၀၀ တွင် စာရင်း ထည့်သွင်းထားသည်။ ယခုအခါ သူသည် ဘားအံထောင်တွင် ရှိနေပြီး သူ့မိသားစုက သူ့အား တစ်ခါတစ်ရံ တွေ့ခွင့်ရပြီး ၎င်း၏ အွန်လိုင်း မိတ်ဆွေများနှင့် တစ်ခုတည်းသော အဆက်အသွယ်မှာ လက်ရေးစာများနှင့် ဖြစ်သည်။

ဘလော့ဂါများသည် ဂရုစိုက်ရန်လည်း ပြင်ဆင်နေကြသည်။ ၎င်းတို့၏ တစ်ဦးချင်း ဘလော့များသည် အလွယ်တကူ ခြေရာခံ၍ ရသည်။ ထို့ကြောင့် ၎င်းတို့သည် ၂၀၀၇ ခုနှစ် အရေးအခင်း ကာလတွင် ထူထောင်ထားသော အုပ်စုဘလော့ "နယ်နမိတ်မဲ့ မြန်မာ ဘလော့ဂါများ" ကဲ့သို့သော ဘလော့ကို အသုံးပြုဖွယ် ရှိသည်။ စစ်အစိုးရသည် မြန်မာနိုင်ငံတွင်းရှိ ဘလော့များကို ပိတ်ရန် ကြိုးစားလျက် ရှိသည်။ သို့သော် ဘလော့ဂါများက ပြောကြားရာတွင် အစိုးရ၏ အင်တာနက်ကို စနစ်ကျနမှု မရှိစွာ ချုပ်ကိုင်ထားမှုများကြောင့် ၎င်းတို့၏ ပညာရပ်ဆိုင်ရာ အသိများကို ရှေ့သို့ ရောက်နေစေကြောင်း ဆိုသည်။

"ကျွန်မတို့ သူတို့ ပိတ်ထားတွေ၊ ချုပ်ကိုင်ထားတာတွေကို ရှောင်လို့ ရပါတယ်။ ဒါက ကျွန်မတို့ အတွက် လွယ်လွယ်လေးပါ။ ကျွန်မတို့ မြန်မာနိုင်ငံ ပြင်က Proxy Server တွေနဲ့ Software တွေကို သုံးပါတယ်။ ဒါဟာ ကျွန်မတို့ အတွက် သဘာဝ ဖြစ်နေပါပြီ" ဟု အင်္ဂလိပ်စာ ဘွဲ့ရ၊ IT သင်ကြားပေးသူ အောင်က ပြောသည်။ ဘလော့ဂါများက အရပ်သား အစိုးရသည် လွတ်လပ်မှု အသစ် အချို့ကို သယ်ဆောင်လာနိုင်ခြင်း၊ စနစ် အတွင်းမှာပင် အက်ကြောင်းများ ပေါ်လာနိုင်ပြီး ထိုးဖောက် ဝင်ရောက်နိုင်လိမ့်မည်ဟု မျှော်လင့်နေကြသည်။

"တော်လှန်ရေးဆိုတာ ဖြစ်မလာနိုင်ပါဘူး။ ဒါ့ကြောင့် နည်းနည်းလေး ပြောင်းသွားတယ် ဆိုရင်ပဲ ကျွန်မတို့အတွက် အကောင်းပါပဲ" ဟု အောင်က ပြောသည်။ "ကျွန်မတို့ နိုင်ငံရေးသမား မဖြစ်ချင်ပါဘူး။ ကျွန်မတို့ကိုယ် ကျွန်မတို့ လူမှုရေး တက်ကြွသူများ အဖြစ်ပဲ မြင်ပါတယ်။ တိုင်းပြည်မှာ ခြားနားမှု တစ်ခု လုပ်နိုင်ဖို့ မီဒီယာ အသစ်ရဲ့ စွမ်းအားကို ကျွန်မတို့ ယုံကြည်ပါတယ်" ဟု သူမက ပြောသည်။

 "ဘလော့များမှ"

ရိုးရိုးလေး ယုံကြည်မှု ပျောက်ဆုံးခြင်း၊ ဖေဖော်ဝါရီ ၂၀၀၉

ကျွန်တော်တို့ အစိုးရ အပေါ် လုံးဝ အယုံအကြည် မရှိတော့ပါ။ ပညာရေးစနစ်၊ ကျန်းမာရေး စောင့်ရှောက်မှု စနစ် စသည်ဖြင့် ဖြစ်သည်။ အစိုးရ ရုံးများသို့ သွားလျှင် အလုပ်တစ်ခု ပြီးမြောက်ရေး အတွက် အောက်ဆုံးအဆင့်မှ စ၍ လာဘ်ပေး လာဘ်ယူ လုပ်နေရသည်။ စာသင်သော ဆရာနှင့် ဆရာဝန် အများစုတို့မှာ ၎င်းတို့၏ ရိုးသားမှုများကို ရုပ်ဝတ္ထုပစ္စည်း ရည်မှန်းချက်များ သို့မဟုတ် အသက်ရှင်မှု လိုအပ်ချက်များနှင့် လဲပစ်လိုက်ကြရသည်။ ကျောင်းများသည် ပညာ သင်ပေးရေးနှင့် ပြုစု ပျိုးထောင်ခြင်း တည်းဟူသော အနှစ်သာရများ ပျောက်ဆုံးခဲ့ရပြီ။ ကျွန်ုပ်တို့၏ ပညာရေး ဘွဲ့လက်မှတ်များသည် တန်ဖိုး မရှိတော့။ မြန်မာနိုင်ငံတွင် အကျင့်ပျက် ခြစားမှုနှင့် လိမ်ညာမှုများသည် ဆယ်စုနှစ်နှင့် ချီ၍ တဖြည်းဖြည်း ဝင်ရောက် နေရာယူလာပြီး၊ လူအများ၏ နေ့စဉ် ဘဝထဲတွင် နေသား ကျသွားပြီ ဖြစ်သည်။

အတိတ်က လှပသလောက်၊ တိုက်ခိုက်ခြင်းများ စိုးရိမ်ခြင်းများဖြင့် ယနေ့၊ ဇူလိုင် ၂၀၀၈

ဤသို့ ဆိုလျှင် ယနေ့ မြန်မာနိုင်ငံ၏ လက်ရှိ အခြေအနေသည် မည်သို့နည်း။ မြန်မာနိုင်ငံတွင် အရပ်သားများကမူ ပတ်ဝန်းကျင် အခြေအနေ ပေးလျှင် ပေးသလောက် အကောင်းဆုံး ကြိုးစားရှာ ကြသည်။ စစ်အစိုးရကလည်း ၎င်းကို ဆန့်ကျင်သူ မည်သူကိုမဆို နှိပ်စက်ခြင်း၊ သတ်ဖြတ်ခြင်းများကို ထပ်ခါထပ်ခါ ပြုလုပ်လျက် ရှိသည်။ ဖိနှိပ်မှုအောက်တွင် အိမ်ထောင်စုများ ဖြိုခွဲခံရခြင်း၊ ဖျက်ဆီးခံရခြင်းများ ရှိခဲ့သည်။ သားများ သေအံ့ဆဲဆဲ ဖြစ်နေခြင်းကြောင့် ငိုနေရသော အမေများ ဒုနှင့်ဒေး နှင့်ဖြစ်သည်။ နိုင်ငံရေး အကျဉ်းသားများ အမှောင်ထဲမှာပင် နေနေရသည်။ နိုင်ငံရေး ပဋိပက္ခများသည် နက်ရှိုင်းသော လူမှုရေး ပဋိပက္ခများကို ဖြစ်စေပြီး၊ တဖန် နိုင်ငံရေးအရ မငြိမ်သက်မှုများကို ပြန်လည် ဖြစ်ပေါ်စေသည်။ ထိုအထဲတွင် နာဂစ် ဆိုက်ကလုန်းသည် မြန်မာနိုင်ငံကို အဆိုးဆုံး အစွန်းကို တွန်းပို့သည်။ အရာရာသည် မျှော်လင့်ချက် ကင်းမဲ့နေပြီး၊ စိုးရိမ်စိတ်များနှင့် စိတ်ပျက်နေသည့် သန်း ငါးဆယ်သော ပြည်သူများသည် မိမိတို့ ဘာဖြစ်ကြမည် ဆိုသည်ကို မတွေးနိုင်အောင် ရှိကြရသည်။ နောက်တော်လှန်ရေး တစ်ခုများ တဖန် ဖြစ်လာလေဦးမည်လား။ နောက်ထပ် ခံစားရမည့် ဆိုက်ကလုန်း တစ်ခု လာလေ ဦးမည်လား။ အာဏာရှင်ကို ဒဏ်ခတ်ဖို့ နောက်ထပ် မြေငလျင်များ လှုပ်လေဦးမည်လား။ ပိုကောင်းလာစေမည့် စနစ်တစ်ခု လာလေဦးမည်လား။ ပိုများ ဆိုးသွားလေဦးမည်လား။ သေချာသည့် တစ်ခုမှာကား လက်ရှိ အခြေအနေမှာ စိုးရိမ်မှုတွေ တိုက်ခိုက်မှုတွေနှင့် ဖြစ်သည်။

တောင်ကြီးတစ်ခုနှင့် တူသော မြန်မာနိုင်ငံ၊ ၂၀၀၈ ဇွန်လ

ဘာလို့ ကျွန်တော့် အစ်ကို အင်းစိန်ထောင်ထဲ ရောက်နေရသနည်း။ ဖေဖော်ဝါရီလ ၁၅ ရက်နေ့က စစ်တပ်က အပတ်စဉ် ဂျာနယ် မြန်မာနေးရှင်း ရုံးသို့ ဝင်စီးခဲ့ပြီး အယ်ဒီတာချုပ် ကျွန်တော့် အစ်ကိုကို ထောင်ထဲ ပို့ခဲ့သည်။ သူ့ရဲ့ ရာဇဝတ်မှုကြောင့်လား။ ပြီးခဲ့သည့် စက်တင်ဘာက အများက ရွှေဝါရောင် တော်လှန်ရေး ဟုခေါ်သော အရေးအခင်းတွင် စစ်တပ်၏ ရက်ရက်စက်စက် ပြုမှုပုံများနှင့် ပတ်သက်သော ကုလသမဂ္ဂ အစီရင်ခံစာကို ကိုင်ဆောင်ထား၍ဟု ဆိုသည်။

ကျွန်တော့် အစ်ကို အမည်မှာ သက်ဇင်ဖြစ်ပြီး၊ စစ်အစိုးရ၏ ဆိုးဝါးသော ပြုမူပုံများနှင့် ပတ်သက်၍ အင်တာနက်မှ တနည်း လုပ်ရိုးလုပ်စဉ် ဂျာနယ်လစ်ဇင်ဖြင့် တဖုံ အမှန်တရားကို ဖော်ထုတ်ရန် ကြိုးစားနေသူ ရာပေါင်းများစွာသော မြန်မာ နိုင်ငံသားများတွင် တစ်ဦး အပါအဝင် ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

AFP, 16th Sept 2010

မြန်မာ အစိုးရနှင့် ဆက်ဆံ ဆွေးနွေးရေး ကိစ္စကို ဦးဆောင်နေသော အမေရိကန် အစိုးရ တာဝန်ရှိသူက ၎င်းအနေဖြင့် ဆွေးနွေးမှု ရလဒ်များကြောင့် အလွန်အမင်း စိတ်အနှောင့်အယှက် ဖြစ်ရသော်လည်း အဆိုပါ နိုင်ငံတွင် အငြင်းပွားဖွယ် ရွေးကောက်ပွဲများ အတွက် ကြိုတင် ပြင်ဆင်နေသဖြင့် တွေ့ဆုံ ဆွေးနွေးခြင်းသည် အကောင်းဆုံး နည်းလမ်း ဖြစ်သည်ဟု ကြာသပတေးနေ့တွင် ပြောကြားခဲ့သည်။

"နေရာတိုင်းမှာ စိတ်အနှောင့်အယှက် ဖြစ်ခဲ့ရတယ်လို့ ပြောရင် လွန်မယ် မထင်ပါဘူး" ဟု အရှေ့အာရှနှင့် ပစိဖိတ်ရေးရာ လက်ထောက် နိုင်ငံခြားရေး ဝန်ကြီး Kurk Campbell က ပြောဆိုခဲ့ခြင်း ဖြစ်သည်။

US Institute of Peace  တွင် ပြုလုပ်သော ဖိုရမ်၌ Campbell က "ဒီနေ့အထိ ကျွန်တော်တို့ တွေ့မြင်ခဲ့သမျှ အရကတော့ နိုဝင်ဘာလ ရွေးကောက်ပွဲတွေဟာ နိုင်ငံတကာ အသိအမှတ် ပြုမှုကို ရမှာ မဟုတ်ပါဘူး" ဟု ပြောကြားခဲ့သည်။

ကမ္ဘာတွင် BURMA ဟု သိရှိကြသည့် မြန်မာနိုင်ငံမှ စစ်ဖက် အစိုးရကို ခွဲခြားပစ်ပယ်ထားသည့် မူဝါဒသည် ကောင်းမွန်သော ရလဒ်များ မထွက်ပေါ်ခဲ့ဟု အိုဘားမား အစိုးရက သုံးသပ်ခဲ့ပြီးနောက် တွေ့ဆုံ ညှိနှိုင်းရေး အစီအစဉ်ကို ယမန်နှစ်က စတင်ခဲ့ခြင်း ဖြစ်သည်။

အမေရိကန် ပြည်ထောင်စု၏ ဦးစားပေး ကိစ္စများတွင် အတိုက်အခံ ခေါင်းဆောင် ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားများအား လွှတ်ပေးစေရန်နှင့်၊ မြောက်ကိုးရီးယားနှင့် နျူကလီယာ ပူးပေါင်းဆောင်ရွက်မှု သတင်းများကို ဖြေရှင်းစေရန် စစ်ဖက် အစိုးရအား စည်းရုံးရေး အစီအစဉ် ပါဝင်သည်ဟု Campbell  က ဆိုသည်။ သို့သော်လည်း စစ်ဖက် အစိုးရသည် ရွေးကောက်ပွဲ မတိုင်မီ ဒေါ်အောင်ဆန်းစုကြည်၏ အမျိုးသား ဒီမိုကရေစီ အဖွဲ့ချုပ်ကို တရားဝင် ဖျက်သိမ်းပစ်ခဲ့ပြီး အငြင်းပွားဖွယ် နိုဝင်ဘာလ ၇ ရက် ရွေးကောက်ပွဲကို ဦးတည် ပြင်ဆင်လျက် ရှိသည်။

NLD ပါတီ အောင်ပွဲခံခဲ့သော ၁၉၉၀ ရွေးကောက်ပွဲများ နောက်ပိုင်းတွင် ပထမဆုံးအကြိမ် အဖြစ် လာမည့် ရွေးကောက်ပွဲကို ပြုလုပ်မည် ဖြစ်သည်။  ထိုစဉ်က အနိုင် ရရှိသည့် အတိုက်အခံ ပါတီမှာ အာဏာ လွှဲပြောင်းယူခွင့် မရရှိခဲ့သကဲ့သို့ ပါတီခေါင်းဆောင် ဒေါ်အောင်ဆန်းစုကြည်မှာလည်း အကျယ်ချုပ် ဖမ်းဆီးခံခဲ့ရသည်။

သို့သော်လည်း Campbell က "ခက်ခဲတဲ့ နည်းလမ်းတွေ အားလုံးထဲက အကောင်းဆုံး နည်းလမ်းနဲ့ ရှေ့ဆက်နေပါတယ်" ဟု ပြောကြားကာ စစ်အစိုးရနှင့် တွေ့ဆုံ ဆွေးနွေးရေး မူဝါဒကို ထောက်ခံခဲ့သည်။

"ရွေးကောက်ပွဲ အလွန်ကာလမှာ ပလေယာ အသစ်တွေ၊ အာဏာ ဆက်နွယ်မှု အသစ်တွေ၊ ဖွဲ့စည်းပုံ အသစ်တွေ ပေါ်ထွက်လာနိုင်ပါတယ်။ ဒါကြောင့် ကျွန်တော်တို့ အဆင်သင့် ရှိနေဖို့ လိုအပ်ပြီး ဘယ်လိုပုံစံနဲ့ ပေါ်လာမလဲဆိုတာကို စောင့်ကြည့်ရမယ်လို့ ထင်ပါတယ်" ဟု Campbell က ဆိုသည်။

မြန်မာနိုင်ငံတွင် တိုးတက်ပြောင်းလဲမှု ဖြစ်ပေါ်စေရန် အတွက် ဖိအားနှင့် အခွင့်အရေး ပေးမှု ပူးတွဲ ကျင့်သုံးသွားရန် အမေရိကန် ပြည်ထောင်စုက အဆင်သင့် ရှိသည်ဟုလည်း Campbell က ပြောကြားသည်။

လက်တွေ့ တိုးတက်မှု အခြေအနေများအရ အထက်ပါအတိုင်း အစီအစဉ် ၂ မျိုး လှုပ်ရှားသွားရန် ပြင်ဆင်ထားသည်ဟု Campbell က ပြောဆိုသည်။

အမေရိကန် ပြည်ထောင်စုက မြန်မာ အစိုးရအပေါ် အရေးယူ ပိတ်ဆို့မှုများ ဆက်လက် ချမှတ်ထားသော်လည်း တိုးတက် ပြောင်းလဲမှုများအတွက် အပြန်အလှန်အားဖြင့် ဖြေလျှော့ပေးရန် ဆန္ဒရှိသည်ဟု ၎င်းက ထုတ်ဖော် ပြောကြားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

တရုတ် ငွေကြေး ထိန်းချုပ်မှုများ အပေါ် အမေရိကန် ဘဏ္ဍာရေးဝန်ကြီး Timothy Geithner ၏ ပြစ်တင် ဝေဖန်မှုများကို ဘေဂျင်းအစိုးရက ပယ်ချလိုက်ကြောင်း AP သတင်းဌာနက ရေးသား ဖော်ပြသည်။ တရုတ်ငွေကြေး ကိစ္စအပေါ် အမေရိကန် ပြည်ထောင်စုက ဖိအားပေးမှုများ ဆက်လက် ပြုလုပ်နေခြင်းကြောင့် အခြေအနေ ပိုမို ဆိုးရွားစေနိုင်ကြောင်း ဘေဂျင်းအစိုးရက ဆိုသည်။

တရုတ်နိုင်ငံ၏ ငွေကြေးနှင့် အခြားသော မူဝါဒများသည် အမေရိကန် ပြည်ထောင်စုကို ထိခိုက် နစ်နာစေကြောင်း ဘဏ္ဍာရေးဝန်ကြီး Timothy Geithner က အမေရိကန် လွှတ်တော်၏ စီးပွားရေးဆိုင်ရာ ကြားနာမှု အခမ်းအနားတွင် ထုတ်ဖော် ပြောဆိုခဲ့သည်။ တရုတ်နိုင်ငံက ယွမ်ငွေကြေး တန်ဖိုး လျှော့ချထားခြင်းကြောင့် တရုတ်ပို့ကုန် တင်ပို့သူများ အနေဖြင့် မျှတမှုမရှိသော အကျိုးအမြတ်များ ရရှိနေရုံသာမက တရုတ်နိုင်ငံအတွက် ကုန်သွယ်ရေး ပိုလျှံမှုများ မြောက်မြားစွာ ဖြစ်ပေါ်စေကြောင်း လေ့လာ အကဲခတ်သူများက ဆိုသည်။

"ယွမ်ငွေတန်ဖိုး ပြင်ဆင်သတ်မှတ်ပြီး တရုတ်နိုင်ငံရဲ့ ကုန်သွယ်ရေး လိုငွေပြတဲ့ ပြဿနာကို မဖြေရှင်းနိုင်ပါဘူး။ အခုလို ဖိအားပေးမှုတွေ လုပ်လို့လည်း ငွေကြေးအရေးကိစ္စ ပြေလည်အောင် လုပ်နိုင်မှာ မဟုတ်ပါဘူး။ ဆန့်ကျင်ဘက် သဘောတရားတွေကိုသာ ဖြစ်ပေါ်စေနိုင်ပါတယ်" ဟု တရုတ် နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူ Jiang Yu က ပြောကြားသည်။

တရုတ်ငွေကြေး လဲလှယ်မှုနှုန်းထားများ ပိုမို ပြောင်းလွယ်ပြင်လွယ် ရှိအောင် ပြုလုပ်ပေးသွားမည်ဟု ဘေဂျင်းအစိုးရက ပြီးခဲ့သည့် ဇွန်လတွင် ကတိပြု ပြောဆိုခဲ့သော်လည်း ထိုအချိန် နောက်ပိုင်း ယွမ်ငွေတန်ဖိုး မြင့်တက်မှုသည် ၁ ရာခိုင်နှုန်းမျှသာ ရှိသေးသည်။ "တရုတ်နိုင်ငံရဲ့ ကုန်သွယ်မှု မိတ်ဖက် နိုင်ငံတွေလိုပဲ ကျွန်တော်တို့ အမေရိကန် ပြည်ထောင်စုကလည်း စိုးရိမ်ပူပန်မိပါတယ်။ ဘာဖြစ်လို့လဲဆိုတော့ တရုတ်နိုင်ငံရဲ့ ယွမ်ငွေကြေး တန်ဖိုး ပြင်ဆင်သတ်မှတ်မှု ခြေလှမ်းဟာ လွန်စွာ နှေးကွေးနေပြီး ကန့်သတ်ချက်တွေ ရှိနေတာကြောင့်ပါ" ဟု အမေရိကန် ဘဏ္ဍာရေး ဝန်ကြီးက ဆိုသည်။

တရုတ်နိုင်ငံ အနေဖြင့် ယွမ်ငွေတန်ဖိုး ပြင်ဆင် သတ်မှတ်သည့် ကိစ္စကို လျှင်မြန်စွာ ပြုလုပ်ပေးနိုင်ခြင်း မရှိပါက ကုန်သွယ်ရေးအရ ဒဏ်ခတ် အရေးယူမှုများ ပြုလုပ်ရန် အမေရိကန် ဥပဒေ ရေးဆွဲသူများက ဖိအားပေးလျက် ရှိသည်။

AP သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

အမေရိကန် ပြည်ထောင်စု အနေဖြင့် မြောက်ကိုရီးယားအပေါ် မဟာဗျူဟာ နှစ်မျိုး ကျင့်သုံး၍ ဆက်ဆံသွားမည် ဖြစ်ကြောင်း မြောက်ကိုရီးယား အရေးကိစ္စ ဆိုင်ရာ အမေရိကန် ထိပ်တန်း သံတမန် တစ်ဦးက စက်တင်ဘာလ ၁၆ ရက်နေ့တွင် ပြောကြားလိုက်သည်။

မဟာဗျူဟာ နှစ်မျိုး ဟူသည်မှာ နျူကလီးယား အစီအစဉ်အတွက် တစ်ဖက်တွင် စီးပွားရေး ပိတ်ဆို့ အရေးယူမှုများ ပြုလုပ်ပြီး အခြားတစ်ဖက်က မြောက်ကိုရီးယားနှင့် ဆွေးနွေး ညှိနှိုင်းမည့် နည်းလမ်းရှာခြင်း ဖြစ်သည်ဟု အမေရိကန် သံတမန် Stephen Bosworth က တရုတ်နိုင်ငံ၊ ဘေဂျင်းမြို့၌ ပြုလုပ်သော တရုတ် အရာရှိကြီးများနှင့် တွေ့ဆုံ ဆွေးနွေးပွဲတွင် ပြောကြားသည်။

တောင်ကိုရီးယား၊ တရုတ်၊ ဂျပန်၊ ရုရှား၊ အမေရိကန်တို့ ပါဝင်သည့် နျူကလီးယား ဆိုင်ရာ ခြောက်နိုင်ငံ ဆွေးနွေးပွဲသို့ မြောက်ကိုရီးယား ပြန်လည် ဝင်ရောက်မည့် အရိပ်အယောင် တစ်ခုမျှ မတွေ့ရကြောင်း ၎င်းက ဆိုသည်။

"အမေရိကန် ပြည်ထောင်စု အနေနဲ့ ဘက်နှစ်ဘက် ပါတဲ့ မဟာဗျူဟာကို အခြေခံပြီး ချဉ်းကပ်သွားမှာပါ။ တစ်ဖက်မှာ ပိတ်ဆို့ အရေးယူမှုတွေ တိုးမြှင့် လုပ်ဆောင်ပြီး နောက်တစ်ဖက်ကနေ အပြုသဘော ဆောင်တဲ့ စေ့စပ်ညှိနှိုင်းမှုတွေနဲ့ ဒိုင်ယာလော့ခ်တွေ လုပ်ဖို့ တံခါး ဖွင့်ပေးထားမှာ ဖြစ်ပါတယ်" ဟု သံအမတ်ကြီး Stephen Bosworth က ပြောကြားသည်။

မြောက်ကိုရီးယားက တာဝေးပစ် ဒုံးကျည် စမ်းသပ် ပစ်ခတ်မှုအပေါ် နိုင်ငံတကာက ပြစ်တင် ဝေဖန်ခဲ့မှုကို ဆန္ဒပြသည့် အနေဖြင့် ခြောက်နိုင်ငံ ဆွေးနွေးပွဲမှ ယမန်နှစ်က နုတ်ထွက်ခဲ့သည်။ ယခုနှစ် မတ်လအတွင်း ဖြစ်ပေါ်ခဲ့သည့် ချိုနန်စစ်သင်္ဘော နစ်မြုပ်မှုကို တောင်ကိုရီးယားက ပြင်းပြင်းထန်ထန် ကန့်ကွက်ခဲ့ပြန်ရာ ခြောက်နိုင်ငံ ဆွေးနွေးပွဲ ပြန်လည် စတင်နိုင်ရေးမှာ နှောင့်နှေးခဲ့ရသည်။

မြောက်ကိုရီးယား အနေဖြင့် ယခင်က ပေးခဲ့ဖူးသော ကတိကဝတ်များ ဖြစ်သည့် စီးပွားရေး အကူအညီနှင့် သံတမန် ဆက်ဆံမှုများ ရရှိရေးအတွက် နျူကလီးယား အစီအစဉ် အဆုံးသတ်ရန် တစ်ဆင့်ပြီး တစ်ဆင့် လုပ်ကိုင် ဆောင်ရွက် သွားမည် ဟူသည့်အတိုင်း လုပ်ကိုင်သင့်ကြောင်း ၎င်းက ပြောသည်။

"ကျွန်တော်တို့ အရင်က ပြောခဲ့ဖူးသလိုပဲ။ စကားပြောရုံ သက်သက်အတွက် စကားပြောရတာမျိုးကို စိတ်မဝင်စားပါဘူး။ ကျွန်တော်တို့က ရလဒ်တွေ ထွက်ဖို့ပဲ စိတ်ဝင်စားတာပါ" ဟု ၎င်းက ဆိုသည်။

အမေရိကန်၊ ဂျပန်နှင့် တောင်ကိုရီးယား အရာရှိကြီးများက မြောက်ကိုရီးယား အနေဖြင့် ချိုနန်စစ်သင်္ဘော နစ်မြုပ်မှုအပေါ် တာဝန်ယူစေလိုသည်။ သို့သော် မြောက်ကိုရီးယားက သင်္ဘာကိစ္စ မိမိတို့နှင့် ပတ်သက်မှု မရှိကြောင်း ငြင်းပယ်ထားသည်။

မစ္စတာ Bosworth က ရုရှားနိုင်ငံသို့လည်း ထပ်မံ သွားရောက်မည် ဖြစ်ကြောင်း၊ သို့သော် လက်ရှိ အာရှခရီးစဉ်၏ တစ်စိတ်တစ်ပိုင်း မဟုတ်ကြောင်း ပြောသည်။

AP သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.