Transparency Myanmar

transparency.myanmar@gmail.com

yangonchronicle 2011
yangonchronicle 2011

 

၃၀.၅.၂၀၁၁

ပြည်တွင်းသတင်းများ

လေဆိပ်၌ ခရီးသည်ဝန်ဆောင်ခ ကောက်ခံမည်

လေဆိပ်များတွင် ဇွန်လ ၁ ရက် နေ့မှစတင်၍ ပြည်တွင်းထွက်ခွာ ခရီးသည်များထံမှ ခရီးသည်ဝန်ဆောင်ခ (Pass enger Service Charge) ကို တစ်ဦးလျှင် မြန်မာငွေကျပ် ၁၀၀၀ နှုန်းဖြင့် ကောက်ခံသွားမည်ဖြစ်ကြောင်း လေကြောင်းပို့ဆောင်ရေး ညွှန်ကြားမှုဦးစီးဌာနမှ တာဝန်ရှိသူတစ်ဦး၏ ပြော ကြားချက်အရ သိရသည်။

ခရီးသည်ဝန်ဆောင်ခအား ပို့ဆောင်ရေးဝန်ကြီးဌာန လက်အောက်ရှိ လေကြောင်းပို့ဆောင်ရေး ညွှန်ကြားမှုဦးစီးဌာနမှ လေဆိပ်များ၏ ဖွံ့ဖြိုးတိုး တက်ရေးနှင့် ခရီးသည် ဝန်ဆောင်မှုလုပ်ငန်းများ တိုးတက်ကောင်းမွန်လာစေရေးအတွက် ဆောင်ရွက်နိုင်ရန် ကောက်ခံခြင်းဖြစ်ကြောင်း သိရသည်။

ခရီးသည် ဝန်ဆောင်ခ ကောက်ခံမှုအတွက် လေကြောင်းလိုင်းများ၊ သက်ဆိုင်သူများသိရှိရန် အကြောင်းကြားစာ ဖြန့်ဝေထားကြောင်း သိရသည်။ PSC ကောက်ခံခြင်းအား ယခင်က ပြည်ပထွက်ခွာ(နိုင်ငံခြားသား/နိုင်ငံသား) ခရီးသည်များကိုသာ ရန်ကုန်နှင့် မန္တလေး အပြည်ပြည်ဆိုင်ရာ လေဆိပ်များ တွင် ကောက်ခံမှုများ ပြုလုပ်ခဲ့ကြောင်း သိရသည်။

--------------------------------------------------------------------------------------------------------------------------------

စားအုန်းဆီဈေးနှုန်းကို သက်ဆိုင်ရာကသတ်မှတ်မည်

ယခုလအတွင်း စားအုန်းဆီ တင်သွင်းခွင့်ရရှိထားသော ပုဂ္ဂလိက ကုမ္ပဏီများမှ သင်္ဘောဖြင့် တင်သွင်းလာမည့် စားအုန်းဆီတန်ချိန် သုံးသောင်း ဝန်းကျင်မှ ဆီတန်ချိန်၏ ၆၀ ရာခိုင်နှုန်းကို သက်ဆိုင်ရာမှ ဈေးနှုန်းသတ်မှတ် ရောင်းချပေးမှုများ ပြုလုပ်သွားမည် ဖြစ်ကြောင်း ဆီလုပ်ငန်းရှင်များ အသင်းမှ တာဝန်ရှိသူတစ်ဦးက ပြောကြားခဲ့သည်။

တစ်ကြိမ် တင်သွင်းလျှင် အနည်းဆုံးဆီတန်ချိန် ၃၀၀၀ နှင့်အထက် တင်သွင်းနိုင်သူများကို စားအုန်းဆီတင်သွင်းခွင့် ချထားပေးခဲ့ခြင်းဖြစ်ပြီး အဆိုပါ ကုမ္ပဏီများမှ တင်သွင်းလာသည့် ဆီတန်ချိန် ၆၀ရာခိုင်နှုန်းကို ပြည်ထောင်စု ကုန်ဈေး နှုန်း တည်ငြိမ်ရေးကော်မတီမှတစ်ဆင့် ခွဲဝေပေးသွားမည် ဖြစ်ပြီး ကျန် ၄၀ ရာခိုင်နှုန်းကို တင်သွင်းလာသည့် ကုမ္ပဏီအား လွတ်လပ်စွာ ရောင်းချခွင့်ပေးမည်ဖြစ်ကြောင်း သိရသည်။

စားအုန်းဆီ တင်သွင်းခွင့်များအား စတင်ချထားပေးခဲ့သည့် ဧပြီလနောက်ပိုင်းမှ စတင်ကာ မေလ ၁၉ ရက်နေ့ အထိ စားအုန်းဆီသင်္ဘော လေးစင်း ဝင်ရောက်ပြီးဖြစ်ကြောင်း၊ သင်္ဘောတစ်စင်းတွင် ဆီတန်ချိန် ၃၀၀၀ ၀န်းကျင်ဖြင့် လေးစင်းအတွက် ဆီတန်ချိန် ၁၂၀၀၀ ၀င်ရောက်ပြီးဖြစ်ကြောင်း သိရှိရ သည်။

စားအုန်းဆီ တင်သွင်းရန် လျှောက်ထားသည့် ကုမ္ပဏီပေါင်း ၁၀၀ ကျော်အထိ ရှိကြောင်းနှင့် တစ်ကြိမ်တည်း တန် ချိန် ၃၀၀၀ မတင်သွင်းနိုင်သည့် ကုမ္ပဏီငယ်များအား ကုမ္ပဏီ ၅၀ လျှင် တစ်စုဖွဲ့၍ တင်သွင်းခွင့် ပေးသွားမည်ဖြစ်ကြောင်း ဆီလုပ်ငန်းရှင်များထံမှ သတင်းရရှိသည်။

(Weekly ELEVEN ဂျာနယ် အတွဲ(၆)၊ အမှတ်(၃၅) ပါ “တင်သွင်းလာမည့် ဆီတန်ချိန်၏ ၆၀ရာခိုင်နှုန်းကို သက်ဆိုင်ရာမှ ဈေးနှုန်းသတ်မှတ် ရောင်းချပေးသွားမည် ” သတင်းအား အကျဉ်းချုံးဖော်ပြသည်)

--------------------------------------------------------------------------------------------------------------------------------

မြန်မာ့ကျောက်စိမ်း တရုတ်နယ်စပ်တွင် အထူး အဝယ်လိုက်

တရုတ်-မြန်မာနယ်စပ်တွင် ယခုလအတွင်း မြန်မာနိုင်ငံထွက် ကျောက်စိမ်းများ ယခင်ကနှင့်မတူဘဲ အထူးအဝယ်လိုက်နေသည်ဟု နယ်စပ် ကျောက်စိမ်းကုန်သည် အသိုင်းအဝိုင်းမှ စုံစမ်းသိရသည်။

အထူးသဖြင့် မြန်မာငွေ သိန်းပေါင်း ထောင်နှင့် သောင်းနှင့်ညီမျှသည့် တရုတ်ယွမ်ငွေ (၁၀) သိန်းမှ သိန်း (၁၀၀) ကြား တန်ဘိုးရှိသည့် ကျောက် စိမ်းများကို တရုတ်သူဌေးများ ပိုမိုဝယ်ယူလာကြခြင်း ဖြစ်ကြောင်း သိရသည်။

မြန်မာကျောက်စိမ်းများကို ရွှေလီမြို့တွင် အများဆုံးရောင်းဝယ်နေကြပြီး ယင်းတစ်မြို့ထဲမှာပင် ကျောက်စိမ်းရောင်းချသည့် ဆိုင်ပေါင်း (၂၀၀၀) ကျော်ရှိသည်ဟု ရွှေလီမြို့ခံတစ်ဦး၏ ပြောကြားချက်အရ သိရသည်။

ကျောက်ဝယ်ယူနေသည့် သူဌေးများမှာ တရုတ်နိုင်ငံနှင့် ထိုင်းနိုင်ငံများမှ ဖြစ်ကြောင်း၊ ၎င်းကျောက်စိမ်းများကို ပန်းပု၊ ပုတီး၊ ပန်းချီ၊ လက်ဝတ် ရတနာ စသည်ဖြင့် အမျိုးမျိုးဖန်တီး အသုံးပြုကြကြောင်း သိရသည်။

မြန်မာနိုင်ငံတွင် ကျောက်စိမ်းထုတ်လုပ်မှု တစ်နှစ်ထက်တစ်နှစ် တိုးတက်များပြားလာနေရာ ယမန်နှစ်ကကျောက် စိမ်းတန်ချိန် (၃၄ ၅၅၄) ထုတ် လုပ်ခဲ့ပြီး (၁၆) နှစ်အတွင်း စံချိန်တင်သည့်နှစ် ဖြစ်သည်ဟု Weekly Eleven ဂျာနယ်တွင် ဖော်ပြချက်အရ သိရသည်။

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

မြန်မာ-တရုတ် သဘောတူစာချုပ်ကိုးခု လက်မှတ်ရေးထိုး

နိုင်ငံတော်သမ္မတ ဦးသိန်းစိန်၏ တရုတ်ပြည်သူ့သမ္မတနိုင်ငံ ချစ်ကြည်ရေးခရီးစဉ်နှင့် တရုတ်ပြည်သူ့ သမ္မတနိုင်ငံ ကွန် မြူနစ်ပါတီ ဗဟိုကော်မတီ နိုင်ငံရေးဗျူရို အမြဲတမ်းကော်မတီဝင်နှင့် တရုတ်ပြည်သူ့နိုင်ငံရေး အတိုင်ပင်ခံ ကွန်ဖရင့်၏ (၁၁) ကြိမ်မြောက် အမျိုးသားကော်မတီ ဥက္ကဋ္ဌကျာချင့်လင်၏ မြန်မာနိုင်ငံ ခရီးစဉ်အတွင်း သဘောတူစာချုပ် ကိုးခု လက်မှတ်ရေးထိုးခဲ့ကြောင်း သတင်းဖော်ပြချက်များအရ သိရသည်။

အဆိုပါ ခရီးစဉ်အတွင်း သဘောတူစာချုပ် ကိုးခုကို လက်မှတ်ရေးထိုးခဲ့ပြီး ယင်းတွင် တရုတ်ဖွံ့ဖြိုး တိုးတက်ရေးဘဏ်မှ ချေးငွေ အမေရိကန် ဒေါ်လာ ၇၆၃ သန်းအတွက် သဘောတူစာချုပ်လည်း ပါဝင်ကြောင်း သိရသည်။ နှစ်နိုင်ငံ ဆက်ဆံရေးနှင့် ပူးပေါင်းဆောင်ရွက်မှုဆိုင်ရာ နှစ်နိုင်ငံ ပူးတွဲ ကြေညာချက်ကိုလည်း ထုတ်ပြန်ခဲ့သည်။

တရုတ်နိုင်ငံ၏ ရင်းနှီးမြှုပ်နှံမှုသည် မြန်မာနိုင်ငံ၏ နိုင်ငံခြားရင်းနှီးမှု အခန်းကဏ္ဍတွင် ထိပ်ဆုံးမှ ရပ်တည်နေသည်။ ထို့အတူ တရုတ်နိုင်ငံ  ရင်းနှီး မြှုပ်နှံမှု တိုးတက်လာသည်နှင့်အမျှ တရုတ်နိုင်ငံသားများ မြန်မာနိုင်ငံ၌ လာရောက် အခြေချနေထိုင်မှုမှာလည်း တစ်နှစ်ထက်တစ်နှစ် တိုးတက်လာသည်ကို တွေ့ရသည်။

ဦးသိန်းစိန် နိုင်ငံတော်သမ္မတအဖြစ် ကတိသစ္စာပြုပြီးနောက် ရက်ပိုင်းအတွင်း တရုတ်ပြည်သူ့ သမ္မတနိုင်ငံ ကွန်မြူနစ်ပါတီ ဗဟိုကော်မတီ နိုင်ငံ ရေးဗျူရို အမြဲတမ်းကော်မတီဝင်နှင့် တရုတ်ပြည်သူ့နိုင်ငံရေး အတိုင်ပင်ခံ ကွန်ဖရင့်၏ (၁၁) ကြိမ်မြောက် အမျိုးသားကော်မတီ ဥက္ကဋ္ဌ ကျာချင့်လင်နှင့် တရုတ်ပြည်သူ့ သမ္မတနိုင်ငံ ဗဟိုစစ်ကော်မရှင် ဒုတိယ ဥက္ကဋ္ဌ General Xu Caihou  တို့  မြန်မာနိုင်ငံသို့  လာရောက်လည်ပတ်ခဲ့ပြီး ခရီးစဉ်များအတွင်း မြန်မာနိုင်ငံ နှင့် စီးပွားရေးနှင့် နည်းပညာပူးပေါင်း ဆောင်ရွက်ရေးနှင့် ချေးငွေဆိုင်ရာ သဘောတူစာချုပ်များနှင့် တရုတ်-မြန်မာတပ်မတော် နှစ်ရပ်အကြား သဘောတူစာချုပ်များ လက်မှတ်ရေးထိုးခဲ့ကြသည်။

မြန်မာနှင့် တရုတ်နိုင်ငံသည် နယ်နိမိတ် ထိစပ်နေရုံသာမက နှစ်နိုင်ငံ ကုန်သွယ်ရေးမှာ တစ်နှစ်ထက်တစ်နှစ် တိုးတက်လာပြီး ၂၀၁၀ ပြည့်နှစ် တွင် အမေရိကန်ဒေါ်လာ ၄ ဒသမ ၄၄၄ ဘီလျံ ရှိခဲ့ပြီး ၂၀၀၉ ခုနှစ်ထက် ၅၃ ဒသမ ၂ ရာခိုင် နှုန်း မြင့်တက်ခဲ့ကြောင်း တရုတ်အစိုးရ၏ ထုတ်ပြန်ချက်အရ သိရသည်။

--------------------------------------------------------------------------------------------------------------------------------

ပါတီပိုင်စီးပွားရေး ဒီငြိမ်း မလုပ်ဟုဆို

ဒီမိုကရေစီနှင့် ငြိမ်းချမ်းရေးပါတီအနေဖြင့် ပါတီပိုင် စီးပွားရေး လုပ်ဆောင်မည်မဟုတ်ဟု ယင်းပါတီမှ အထွေထွေအတွင်းရေးမှူး ဦးမျိုးညွန့်၏ ပြောကြားချက်အရ သိရသည်။

ပါတီပိုင် စီးပွားရေးလုပ်ငန်းများ လုပ်ကိုင်ခြင်းကြောင့် နောင်အခါ ရှုပ်ထွေးသော ကိစ္စရပ်များ ပေါ်ပေါက်လာနိုင်ကြောင်း ၎င်းက ပြောကြားသည်။

“ပါတီတွေအနေနဲ့  စီးပွားရေး လုပ်ငန်းကို ဘယ်အခါမှ မလုပ်ထိုက်တဲ့အရာလို့ မြင်ပါတယ်။ ကမ္ဘာမှာရော မြန်မာမှာပါ ဒါမျိုးမရှိခဲ့ပါဘူး။ မြန်မာ ပြည်မှာ ၁၉၂ဝ ကနေ ၁၉၉ဝထိ ပေါ်ပေါက်ခဲ့တဲ့ ပါတီတွေမှာ အဲဒီလို စီးပွားရေးလုပ်ငန်း ထူထောင်ခြင်းမရှိခဲ့ဖူးပါဘူး။ ကမ္ဘာမှာရှိတဲ့ ဘယ်နိုင်ငံမဆိုပါတီစုံ ဒီမိုကရေစီမှာ အဲဒီလိုမျိုး မလုပ်ပါဘူး။ အဲဒါ တွေလုပ်ရင် အလွန်ရှုပ်ထွေးတဲ့ကိစ္စတွေပေါ်ပေါက်လာ ပါလိမ့်မယ်” ဟု ၎င်းက ပြောကြားသည်။

ပါတီဝင်များ သီးခြားစီးပွားရေး လုပ်ငန်းရှိခြင်းနှင့် ယင်းတို့မှ ယင်းတို့၏ အကျိုးစီးပွားကို ပါတီသို့ ထည့်ဝင်လှူဒါန်းခြင်းများ ရှိကြောင်း၊ ယင်းသည် လုပ်ဆောင်သင့်သောကိစ္စ ဖြစ်ကြောင်း၊ ပါတီအနေနှင့်မူ စီးပွားရေး မလုပ်ဆောင်သင့်ကြောင်း ၎င်းက ဆက်လက်ပြောကြားသည်။

×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

"အိမ်ဝယ်၊ ကားဝယ်၊ အရောင်းအဝယ်လုပ်ကြတဲ့အခါ ဂုံနီအိတ်တွေနဲ့ထမ်းပြီး ဝယ်သူနဲ့ ရောင်းသူကြား ငွေချေးကြတယ်။ နောက်ရောင်းတဲ့သူက ဒီပိုက်ဆံ ကိုပဲ ဘဏ်မှာပြန်အပ်တယ်ဆိုတာတွေ ဒီငွေပမာဏတစ်ခုတည်းကိုပဲ ဝယ်မယ့်သူက ရေရတယ်။ နောက်ရောင်းတဲ့သူက ထပ်ရေတယ် နောက်ဆုံးတော့  ဘဏ်ကိုပဲ ပြန်ရောက်လာပြီး ဘဏ်က ထပ်ရေတယ်။ ဒီလောက်အထိ ပိုက်ဆံကို ထိတွေ့နေမှတော့ ပိုက်ဆံတွေ မပျက်စီးဘဲမနေဘူး။ ဒီအစား ပိုကောင်းတဲ့ စနစ်တစ်ခုကို သွားဖို့သင့်ပြီ၊ ချက်လက်မှတ်ကိုတွင်ကျယ်အောင်သုံးတာတို့၊ ဘဏ်မှာ Account ဖွင့်တဲ့သူအချင်းချင်း ငွေလွှဲတာတို့ကို တွင်ကျယ်စွာ လုပ် ဆောင်သင့်နေပြီ ဒီလိုဆိုရင် ငွေတွေအပုံလိုက်ရေရတဲ့ ပြဿနာလည်းအေးမယ်။ ကြားထဲကမလိုအပ်တဲ့အဆင့် တွေကိုလည်း လျော့ချနိုင်ပါတယ်"

မေ ၃၀ ထုတ် The Messenger အတွဲ(၂) အမှတ်(၂) တွင်ပါသည့် "နိုင်ငံအတွင်း ငွေကြေးကိုင်ဆောင် သုံးစွဲသည့် ယဉ်ကျေးမှု ပပျောက်ရန် လိုအပ်" သတင်းမှ စီးပွားရေးပညာရှင်တစ်ဦး၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

မြန်မာနိုင်ငံနှင့် တရုတ်နိုင်ငံတို့သည် နှစ်နိုင်ငံအကြား သံတမန်ဆက်ဆံခဲ့သည်မှာ နှစ်ပေါင်း(၆၀)ကျော် ကြာမြင့်ခဲ့ပြီး ငြိမ်းချမ်းစွာ အတူယှဉ်တွဲ နေထိုင်ရေး မူကြီး (၅)ချက်နှင့်အညီ ဆက်ဆံလျက်ရှိသည်။ သမိုင်းအစဉ်အလာရှိသည့် ဆွေးမျိုးပေါက်ဖော် ဆက်ဆံရေးဖြစ်ထွန်းခဲ့ပြီး မဟာဗျူဟာမြောက် ဆက်ဆံရေး အဆင့်သို့ ရောက်ရှိပြီး ဖြစ်သည်။

နိုင်ငံတော်သမ္မတ ဦးသိန်းစိန်က "မိမိတို့နှစ်နိုင်ငံအကြား ဘက်စုံမဟာဗျူဟာမြောက် ပူးပေါင်းဆောင်ရွက်ရေး မိတ်ဖက်နိုင်ငံများ ဆက်ဆံရေးအဖြစ် သတ် မှတ်နိုင်ခြင်းသည် တရုတ်နှင့် အခြားနိုင်ငံများအကြား ဆက်ဆံရေးတွင် အဆင့်အမြင့်ဆုံး ဆက်ဆံရေးဖြစ်သည့်အပြင် မြန်မာ-တရုတ် ဆက်ဆံရေးသမိုင်း ကြောင်းတွင်လည်း သမိုင်းမျက်နှာအသစ်အဖြစ် မှတ်ယူနိုင် ပါကြောင်း" ဖြင့် ဆွေးနွေးပွဲတွင် ထည့်သွင်းဆွေးနွေးပြောကြားခဲ့သည်။

မေ ၂၉ ထုတ် မြန်မာ့အလင်း အတွဲ(၅၀) အမှတ်(၂၃၆)တွင်ပါသည့် "မြန်မာနှင့်တရုတ် နှစ်နိုင်ငံအကြား ချစ်ကြည်ရင်းနှီးမှု ဆတက်ထမ်းပိုး ပိုမို တိုးတက်ဖြစ်ထွန်းလာမည်" သဘောထားအမြင်မှ ကောက်နှုတ်ချက်

-----------------------------------------------------------------------------------------------------------------------------------

"အခမဲ့ပညာရေးစနစ်ကို အကောင်အထည်ဖော်ရာမှ တစ်အချက်အနေနဲ့လိုအပ်တာက လုံလောက်ပြီး ထိရောက်တဲ့ ပညာရေးအသုံးစရိတ် ငွေတွေကို တရားဝင် ချထားပေးဖို့၊ နှစ်အချက်က ခွင့်ပြုလိုက်တဲ့ငွေကြေးပမာဏကို သက်ဆိုင်ရာ ခေါင်းစဉ်အလိုက် အလေအလွင့်မရှိဘဲ သုံးစွဲနိုင်ဖို့၊ အဲဒီမှာ မသမာမှု တွေ၊ အလွဲသုံးစားပြုမှုတွေ၊ လာဘ်ပေးလာဘ်ယူမှုတွေ မရှိရအောင်လဲ လုပ်ဆောင်ရမှာပါ။ ချပေးလိုက်တဲ့ဘတ်ဂျက်က သက်ဆိုင်ရာ လက်ခံမယ့် ကလေး တွေလက်ထဲကို သက်ဆိုင်ရာ ခေါင်းစဉ်အလိုက် အပြည့်ရောက်သွားဖို့ပေါ့"

ဇွန် ၃၁ ထုတ် THE FOLWER NEWS အတွဲ(၇) အမှတ်(၂၀) တွင်ပါသည့် "သမီးကျောင်းတက်ချင်တယ် ဖေဖေ...." သတင်း ဆောင်းပါးမှ ပညာ ရေးအတိုင်ပင်ခံ ဒေါက်တာစိုးဝင်းဦး၏ ပြောကြားချက်အပေါ် ကောက်နှုတ် ချက်

-----------------------------------------------------------------------------------------------------------------------------------

"ပြောစရာကို မလိုတော့ဘူး။ နေပြည်တော်မှာ စစ်ဆေးတွေ့ရှိတယ်ဆိုပေမယ့် ဒီလိုပစ္စည်းတွေက တစ်နိုင်ငံလုံးကို ဖြန့်ပြီး ရောင်းနေတာလေ။ တစ်နိုင်ငံလုံး စားနေတာ။ ဒီလောက်အထိ အတင့်ရဲတာကတော့ လွန်တယ်ဆိုတဲ့အဆင့်ထက်ပိုတယ်လို့မြင့်တယ်။ ဥပဒေရှိရင် ဥပဒေအရ လုံးဝကို အရေးယူသင့်တယ်။ တခြားတံဆိပ်တွေလည်း ဒီလိုလုပ်နေတာတွေရှိနိုင်တယ်။ အားလုံးစစ်ပြီး အရေးယူပစ်သင့်တယ်။ လုပ်ငန်းပိတ် သိမ်းတာ တစ်ခုတည်း မဟုတ်ဘဲ ဥပဒေအရ အရေးယူပစ်မှ ရမယ်လို့မြင်တယ်။ နေ့စဉ်ပါးစပ်ထဲ ထည့်နေရတဲ့ပစ္စည်းတွေလေ"

ဇွန် ၁ ထုတ် Weekly ELEVEN NEWS အတွဲ(၆) အမှတ် (၃၅) တွင်ပါသည့် "ငရုတ်သီးမှုန့်အမှတ်တံဆိပ်အချို့တွင် အခြား အမှုန့်အတုများ၊ ရောနှောပစ္စည်းများနှင့် ကင်ဆာဖြစ်စေနိုင်သောဆိုးဆေးများ ရောနှောထုတ်လုပ် ရောင်းချကြောင်း စစ်ဆေးတွေ့ရှိ" သတင်းဆောင်းပါးမှ စားသုံးသူတစ်ဦး၏ ပြောကြားချက်အပေါ် ကောက်နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

တရုတ်- မြန်မာ ဘက်စုံမဟာဗျူဟာ(၁)

နှစ်ပေါင်း ၅၀ တိုင်ခဲ့လေပြီ။ ၁၉၅၀ ခုနှစ် ဇွန်လ ၈ ရက်နေ့မှစတင်၍ တရုတ် - မြန်မာနှစ်နိုင်ငံ သံတမန်ဆက်ဆံမှု စတင်တည်ထောင်ခဲ့ပြီး နှစ်နိုင်ငံသည် အိမ်နီးချင်းကောင်းပီသစွာ ပူးပေါင်းဆောင်ရွက်ခဲ့ရာ တရုတ်- မြန်မာဆက်ဆံရေး တိုးတက်လာသည်မှာ လက်တွေ့ပင် ဖြစ်လေသည်။ ဆွေမျိုးပေါက်ဖော်ကြီး နှစ်နိုင်ငံဖြစ်သော တရုတ်နှင့် မြန်မာနှစ်နိုင်ငံစလုံး လှုမှုရေး၊ စီးပွားရေး၊ နိုင်ငံရေးအခြေအနေများသည် အပြောင်းအလဲများစွာဖြင့် ဖြတ်သန်းခဲ့ပြီးဖြစ်သည်။ နိုင်ငံရေးအရ ကွန်မြူနစ် အရင့်အမာကြီးဖြစ်သော တရုတ်နိုင်ငံသည် အရင်းရှင်စီးပွားရေးစနစ်ဖြင့် ကမ္ဘာ့ဒုတိယအကြီးမားဆုံး စီးပွားရေး အင်အားစုကြီးဖြစ်အောင် ကြံဆောင်ကြိုးစားလာခဲ့လေသည်။ မြန်မာနိုင်ငံသည်လည်း အာဏာပိုင်စနစ်မှ ဒီမိုကရေစီ အုပ် ချုပ်ရေးစနစ်ကို ၂၀၁၁ ခုနှစ်တွင် ပြောင်းလဲကာ ဈေးကွက်စီးပွားရေးစနစ်ကို ပီပီပြင်ပြင်ဖြစ်လာစေရန်လည်း အားယူနေလျက်ရှိပါသည်။ ဤကဲ့သို့ နှစ်နိုင်ငံ လူမှုရေးအပြောင်း အလဲများ၊ ဖွံ့ဖြိုးတိုးတက်မှု အခြေအနေများတွင် နှစ်နိုင်ငံ ဆက်ဆံရေးအခြေအနေသည် ယခင်ထက် ပိုမိုခိုင်မာမည်လော၊ နဂိုရှိနှင့်ပြီးသား သံတမန်ဆက် ဆံရေး ချောမွေ့မှုကို ထိန်းသိမ်းရင် ယခုထက်ပိုမို၍ ဖွံ့ဖြိုးတိုးတက်သည့် လူမှုရေးအခြေအနေမျိုးကို ရယူနိုင်မည်လောဟု သုံးသပ်စဉ်းစားစရာပင် ဖြစ်လေ သည်။

နှစ်နိုင်ငံဆက်ဆံရေးမှာ ယခင်က ထက်ပိုမိုတိုးတက်ရန် အကြောင်းအချက်များစွာ ရှိပါသည်။ အရေးအကြီးဆုံး အကြောင်းအရင်းမှာ စီးပွားရေး ကူးလူးဆက်ဆံမှု ဖြစ်လေသည်။ တရုတ်နိုင်ငံအနေဖြင့် မြန်မာနိုင်ငံတွင် စီးပွားရေးရင်းနှီး မြှုပ်နှံရန် လွန်စွာစိတ်ဝင်စားသကဲ့သို့ မြန်မာနိုင်ငံအနေဖြင့် တရုတ်ပြည်ကဲ့သို့ စားသုံးသူအမြောက်အများရှိသော ဈေးကွက်အတွင်း မိမိ၏ကုန်ပစ္စည်းများ တင်ပို့ရောင်းချနိုင်ရေးမှာ ကြီးစွာသော အခွင့်အလမ်းတစ်ရပ် ဖြစ်လေသည်။ ထိုအတွက်ကြောင့် ပြည်ထောင်စု သမ္မတမြန်မာနိုင်ငံတော် နိုင်ငံတော်သမ္မတ ဦးသိန်းစိန်သည် တရုတ်ပြည်သူ့သမ္မတနိုင်ငံ  သမ္မတ ဟူကျင် တောင်း၏ ဖိတ်ကြားချက်အရ တရုတ်ပြည်သူ့သမ္မတနိုင်ငံသို့ ချစ်ကြည်ရေးခရီးသွားအဖြစ် တရုတ်နိုင်ငံ၊ ပေကျင်းမြို့သို့ ထွက်ခွာသွားခဲ့ကာ နှစ်နိုင်ငံ ဘက်စုံ မဟာ ဗျူဟာမြောက် ပူးပေါင်းဆောင်ရွက်မှု မိတ်ဖက်နိုင်ငံများအဖြစ် ထူထောင်ရန် သဘောတူညီမှုကို အရယူခဲ့လေသည်။

ယင်းသဘောတူညီပါ အချက်(က)တွင် နှစ်ဖက်စလုံးက နှစ်နိုင်ငံလွှတ်တော်များ၊ အစိုးရများ၊ တရားရေး ဌာနများနှင့် နိုင်ငံရေးပါတီများအကြား အဆင့်မြင့်ထိတွေ့ဆက်ဆံမှုကို ထိန်းသိမ်းရန်၊ မဟာဗျူဟာမြောက် အပြန်အလှန်ယုံကြည်မှုကို ဆက်လက်မြင့်တင်ရန်နှင့် ခင်မင်ရင်းနှီးစွာ အပြန်အလှန် ဆက်ဆံရေးနှင့် ပူးပေါင်းဆောင်ရွက်ရေးကို ပိုမိုခိုင်မာအောင် ဆောင်ရွက်ရန်ဟူသော အချက်ကို သုံးသပ်ဝေဖန်ကြည့်ပါက နှစ်နိုင်ငံအစိုးရ ပူးပေါင်းဆောင် ရွက်မှု (G2G) ကို အရှိန်အဟုန်မြင့်ဆောင်ရွက်မည့်သဘောပင်ဖြစ်လေသည်။ တရုတ် နိုင်ငံနှင့် မြန်မာနိုင်ငံ တို့သည် စီးပွားရေး၊ တရားဥပဒေစိုးမိုးရေးကို ယခင်ထက်ပိုမို တိုးမြင့်ပူးပေါင်းဆောင်ရွက်ရ မည်ဖြစ်လေရာ ယခုကဲ့သို့ အစိုးရအချင်းချင်း ပူးပေါင်းဆောင်ရွက်မှုတိုးမြင့်ခြင်းသည် နှစ်နိုင်ငံစလုံးအတွက် အကျိုးများစွာ ဖြစ်ထွန်းစေနိုင်ပါသည်။ သို့သော် တရုတ်နိုင်ငံသို့ တစ်ပါတီနိုင်ငံရေးစနစ်ကျင့်သုံးသည့် နိုင်ငံတစ်ခုအနေဖြင့်သော်လည်းကောင်း၊ မီဒီယာ လွတ်လပ်ခွင့် မြန်မာနိုင်ငံလောက်တောင် မရှိသည့်နိုင်ငံလည်း ဖြစ်သောကြောင့် ပါတီစုံစနစ်လည်းကျင့်သုံး၊ မီဒီယာ လွတ်လပ်ခွင့်လည်း အနည်းငယ်ရှိ သည့် မြန်မာနိုင်ငံနှင့် မည်ကဲ့သို့ ထိတွေ့ဆက်ဆံ မည်နည်းဆိုသည်ကိုတော့ အမှန်ပင်စိတ်ဝင်စားစရာဖြစ်လေသည်။

ထို့အပြင် ပူးတွဲကြေညာချက် (ခ) အရ နှစ်ဖက်နိုင်ငံခြားရေးဝန်ကြီးဌာန အချင်းအချင်း အချိန်အခါမရွေး ဆွေးနွေးမှုကို ဆက်လက် ဆောင်ရွက် သွားပြီး နှစ်နိုင်ငံ ဆက်ဆံရေးနှင့် နိုင်ငံတကာနှင့် ဒေသတွင်းအရေးကြီး ကိစ္စရပ်များနှင့် စပ်လျဉ်း၍ အချိန်နှင့်တစ်ပြေးညီ အမြင်ချင်းဖလှယ်သွားကြရန် အလို့ဌာ နှစ်နိုင်ငံချင်းဖြစ်စေ၊ အပြည်ပြည်ဆိုင်ရာ ကဏ္ဍဖြင့်ဖြစ်စေ ပုံမှန်အစည်းအဝေးများ ကျင်းပသွားရန်ဆိုသည့်အချက်မှာ မြန်မာနိုင်ငံ နိုင်ငံခြားရေး မူဝါဒအတွက် အလွန်အရေးပါသည့် အချက်ဖြစ်သည်။ ယခုအခါတွင် တရုတ်နိုင်ငံ၏ စီးပွားရေး အင်အားမှာ ကြီးမားလာသလို စစ်ရေးအင်အားအရလည်း နည်းမျိုးစုံဖြင့် ကြီးထွားလာအောင် ကြိုးပမ်းနေလေသည်။ ဤသို့ ကြိုးပမ်းလာသည့်အလျှောက် ဒေသတွင်းနိုင်ငံများအပေါ် သြဇာလွှမ်းမိုးမှုလည်း ရှိလာ လေသည် ဖြစ်ရာ မြန်မာနိုင်ငံအပါအဝင် ဒေသတွင်းနိုင်ငံများအဖို့ အထူးသတိထားစရာ ဖြစ်နေ လေသည်။

တရုတ်နိုင်ငံအနေဖြင့် မြန်မာနိုင်ငံ၏ လွတ်လပ်ရေး၊ အချုပ်အခြာနှင့် နယ်မြေတည်တံ့ခိုင်မာရေးကို လေးစားကြောင့် အထပ်ထပ်အတည်ပြုပြီး ဖြစ်လေသည်။ ယင်းကဲ့သို့ အတည်ပြုခြင်းသည် အိမ်နီးကောင်းများ၏ လက္ခဏအချင်းအရာ အဖြစ်တည်ရှိနေသည်ဟု ထင်မြင်ယူဆ၍ ရနိုင်သော်လည်း အမှန်စင်စစ် မြန်မာဘက်မှ ယင်းနိုင်ငံတော်တည် ငြိမ်းရေးအတွက် မရှိမဖြစ်လိုအပ်သော ထောက်ခံချက်တစ်ခုကို ရယူလိုသောကြောင့်ဖြစ်သည်။ ယင်းမှာ အခြားကား မဟုတ်။ တိုင်ဝမ်းကျွန်းပြဿနာဖြစ်သည်။ မြန်မာနိုင်ငံသည် တရုတ်တစ်နိုင်ငံတည်း မူဝါဒကျင့်သုံးမှုကို ထောက်ခံခဲ့သည်မှာ ကြာရှည်ခဲ့လေပြီ။ တရုတ်ပြည်သူ့သမ္မတနိုင်ငံအစိုးရသည် တရုတ်တစ်နိုင်ငံလုံးကို ကိုယ်စားပြုသည့် တစ်ခုတည်းသော တရားဝင်အစိုးဖြစ်ကြောင့်နှင့် ထိုင်ဝမ်သည် တရုတ် နယ်မြေ၏ ခွဲခြားမရသော အစိတ်အပိုင်းဖြစ်ကြောင်းနှင့် ရေလက်ကြား နှစ်ဖက်ဆက်ဆံရေး၊ ငြိမ်းချမ်းစွာတိုးတက်ရေးနှင့် တရုတ်နိုင်ငံ၏ ငြိမ်းချမ်းစွာ ပြန် လည်ပေါင်းစည်းရေးကို ဆက်လက်ထောက်ခံသွားမည်ဟု ပူးတွဲကြေညာချက် (စ)တွင် ဖော်ပြထားလေသည်။ ဤသည်ကို ထောက်ခံလိုက်ခြင်းဖြင့် ထိုင်ဝမ် ကို တရုတ်နိုင်ငံနှင့် မပတ်သက်ဟု ရပ်တည်ထားသော အနောက်နိုင်ငံများနှင့် မြန်မာနိုင်ငံ၏ ဆက်ဆံရေးမှာ မဟာဗျူဟာရန်ဖက်များ ဖြစ်သွားနေမည် လောဟု သုံးသပ်ဝေဖန်မိပါသည်။

(ဆက်လက်ဖော်ပြပါမည်)

 ×××××××××××××××××××××××××××××××××××××××××××××××××××××××××××××××


Google Docs makes it easy to create, store and share online documents, spreadsheets and presentations.
Logo for Google Docs

0 comments:

Post a Comment