Transparency Myanmar

transparency.myanmar@gmail.com

yangonchronicle 2011
yangonchronicle 2011

 

၃၁.၅.၂၀၁၁

ပြည်တွင်းသတင်းများ

တနေ့နှစ်ဂါလံ ထုတ်ယူခွင့်ပြုထားသော်လည်း ဆီမှောင်ခိုဈေးကွက်ဖြစ်ပေါ်နေ

ပြည်ထောင်စုမြန်မာနိုင်ငံ အစိုးရသစ်လက်ထက်၌ စက်သုံးဆီများကို ပုဂ္ဂလိကလုပ်ငန်းရှင်များသို့ လုပ်ကိုင်ခွင့်ပြုပြီးနောက် ယာဉ်ပိုင်ရှင်များအား ဆီစာအုပ်ဖြင့် တစ်နေ့လျှင် နှစ်ဂါလံ ထုတ်ယူခွင့်ပြုထားသော်လည်း ဆီမှောင်ခိုသမားများမှာ နည်းမျိုးစုံဖြင့် ဆီလိမ်လည်၍ ထုတ်ယူမှုများ ဖြစ်ပေါ်လျှက်ရှိ ကြောင်း သိရသည်။

ပုဂ္ဂလိကဆီဆိုင်များတွင် ဆီစာအုပ်များကို အတုပြုလုပ်၍ရောင်းဝယ်လျှက်ရှိကြောင်း၊ ဆီစာအုပ်တစ်အုပ်လျှင် ၂၅၀၀ ကျပ်ဖြင့် ဆီစာအုပ်များကို ဝယ်ယူ၍ ရရှိနိုင်ကြောင်း၊ ဆီစာအုပ်မှာ အတုပြုလုပ်ထားသော်လည်း ဆီစာအုပ်အစစ်နှင့် တူညီမှုရှိကြောင်း၊ ယင်းစာအုပ်များကို ပုဂ္ဂလိကဆီဆိုင်များရှိ ဆီဆိုင်မန်နေဂျာများကိုယ်တိုင်ရောင်းစားလျှက်ရှိကြောင်း၊ ဆီစာအုပ်အား ပုံမှန်ပြုလုပ်မည်ဆိုပါက ပိုက်ဆံပေးရန် မလိုအပ်ကြောင်း ယာဉ်ပိုင်ရှင်တစ်ဦးက ပြောကြားခဲ့သည်။

ဆီမှောင်ခိုသမားများမှာ ပုံစံနောက်တစ်မျိုးအနေဖြင့် ဆီထုတ်ပြီးစာအုပ်မှ ကလစ်ကိုဖြုတ်ယူ၍ နောက်တစ်ဆိုင်တွင် သွားရောက်ထုတ်ယူပြီး တစ်နေ့လျှင် ၆ ဂါလံ ၁၀ ဂါလံမျှ ထုတ်ယူလျှက်ရှိကြောင်း၊ ဓာတ်ဆီပုံမှန်ဈေးမှာ ဆိုင်ထုတ်ဈေး ၂၅၀၀ ကျပ်ပေးရသော်လည်း မှောင်ခိုပြန်သွင်းဈေး ၄၁၀၀၀ ကျပ်ရရှိသည့်အတွက် ဆီမှောင်ခိုသမားများမှာ စီးပွားရေးတစ်ခုအနေဖြင့်လုပ်ကိုင်လျှက်ရှိကြောင်း၊ မှောင်ခိုဆီထုတ်သများတစ်ချို့၏ လက်ထဲ တွင် ဆီစာအုပ် အုပ်၂၀ ခန့်ရှိတတ်ကြောင်း၊ ယင်းမှောင်ခိုဈေးကွက်ကြောင့်ပင် ပြင်ပဆီဈေးကွက်မှ မြင့်တတ်လျှက်ရှိကြောင်း ၎င်းက ဆက်လက်ပြော ကြားခဲ့သည်။

ဓာတ်ဆီခွဲတမ်းအနေဖြင့်လည်း ရန်ကုန်တိုင်းဒေသကြီးအတွင်း၌ တစ်လလျှင် ဂါလံ ၃ သန်းနှင့် ၃ ဒဿမ ၄ သန်းကြားသာ သုံးစွဲခွင့်ပြု ထား ကြောင်း သိရသည်။ ယင်းကဲ့သို့ ကန့်သတ်ချက်ဖြင့် ဓာတ်သုံးစွဲခွင့်ပြုထားသည့်အတွက် ရန်ကုန်မြို့တွင်းရှိယာဉ်များ တစ်နေ့တစ်ဂါလံနှုန်း ထုတ်ယူမည်ဆို ပါက သုံးစွဲခွင့်ပမာဏနှင့် ယာဉ်အရေအတွက်မှာ ကိုက်ညီမှုရှိတော့မည်မပာုတ်ကြောင်း ရန်ကုန်တိုင်းဒေသကြီးအဖွဲ့မှ တာဝန်ရှိသူတစ်ဦးက ပြောကြားခဲ့ သည်။

ယခုကဲ့သို့ အစိုးရသစ်လက်ထက်၌ စက်သုံးဆီဆိုင်များကို ပုဂ္ဂလိကလုပ်ငန်းရှင်များသို့ လုပ်ကိုင်ခွင့် ပေးထားသည်မှာ ယာဉ်ပိုင်ရှင်များ ဆီလုံလုံ လောက်လောက်သုံးစွဲနိုင်ရေး၊ မှန်ကန်သောဈေးနှုန်းဖြင့် ဆီရောင်းဝယ်မှုပြုလုပ်နိုင်ရေး၊ အဓိကအားဖြင့် ဆီမှောင်ခိုဈေးကွက် ပပျောက်စေရန် ရည်ရွယ်၍ လုပ်ကိုင်ခွင့်ပေးထားခြင်းပင်ဖြစ်သော်လည်း ပုဂ္ဂလိကဆီဆိုင်များရှိ ဝန်ထမ်းများနှင့် ဆီမှောင်ခိုသမားတို့၏ ပူးပေါင်းလုပ်ကိုင်မှုများကြောင့် ဆီမှောင်ခို ဈေးကွက်မှာ ပပျောက်သွားနိုင်ခြင်း မရှိသေးကြောင်း သိရသည်။

(Venus၊ အတွဲ-၂၊ အမှတ်-၄၂ ပါ “ဆီမှောင်ခိုများနည်းမျိုးစုံဖြင့် လိမ်လည်ဆီထုတ်နေ”  သတင်းအား အကျဉ်းချုံး ဖော်ပြသည်)

-----------------------------------------------------------------------------------------------------------------------------------

ကုန်ရှားပါးမှုကြောင့် အထမ်းသမားများ ဝင်ငွေနည်း

ရန်ကုန်တိုင်းဒေသကြီးရှိ ကုန်ထမ်းခြင်းပြုလုပ်၍ အသက်မွေးလျှက်ရှိသော ကုန်ထမ်းသမားများမှာ ယခင်ထက် ကုန်ရှားပါးမှုများကြောင့် ဝင်ငွေ များ လျော့နည်းလာလျှက်ရှိပြီး တစ်နေ့လျှင် နေ့စားခ ၁၅၀၀၊ ၂၀၀၀ ခန့်သာ ရရှိတော့ကြောင်း သိရသည်။

ဈေးကြီးအတွင်းရှိ ကုန်ထမ်းသမားများမှာ ကုန်ရှားပါးမှုများကြောင့် ဈေးရုံအတွင်းပတ်၍ ကုန်ထမ်းခိုင်းစေမည့် ကုန်သည်များအား ရှာကြရ ကြောင်း၊ ဈေးဆိုင်ခန်းများတွင် ကုန်ထမ်းခိုင်းမည့် အလုပ်ရှင်များကို ရှာဖွေရလေ့ရှိကြောင်း၊ သို့သော် ယခုအခါတွင် ကုန်ထမ်းသမားများမှာ မိမိတို့အား အလုပ်လာအပ်မည့်သူကိုသာ စောင့်မျှော်ရတော့ကြောင်း၊ ယခင်နှစ်များတွင်မူ မိုးတွင်း၌ ကုန်ထမ်းသည့်အလုပ်ရှားပါးသည်ပာု ဆိုသော်လည်း တစ်နေ့လျှင် ကုန်ထမ်းခ ကျပ် ၈၀၀၀၊ ၉၀၀၀ ခန့်ရရှိတတ်ကြကြောင်း၊ ယခုအခါ ကုန်ထမ်းသမားများ၏ နေ့စားခဝင်ငွေမှာ များစွာပင် လျှော့နည်းသွားကြောင်း မင်္ဂလာ ဈေး၌ အလုပ်လုပ်ကိုင်လျှက်ရှိသည့် ကုန်ထမ်းသမားတစ်ဦးကလည်းပြောကြားခဲ့သည်။

ကုန်ထမ်းသမားအများစုမှာ ယခင်လုပ်ကိုင်နေကြ ဈေးရုံများအပြင် ကုန်ရှားပါးမှုကြောင့် အခြားဈေးရုံမျာသို့ပါ သွားရောက်လုပ်ကိုင်နေရကြောင်း သိရသည်။ ယခင်နှစ်များထက်စာလျှင် ယခုရာသီသည် ကုန်ရှားပါးမှုကြောင့် အခြေခံလူတန်းစားတစ်ရပ်ဖြစ်သည့် ကုန်ထမ်းသမားများမှာ ဝမ်းဝရုံမျှသာ အလုပ်လုပ်ကိုင်နေရကြောင်းသိရသည်။

နယ်ကုန်သည်များ ရှားပါးသည့်အတွက် ဈေးရုံအတွင်းရှိဆိုင်ခန်းများတွင်လည်း အရောင်းအဝယ်နည်းပါးကြောင်း၊ ထို့ကြောင့် ကုန်ထမ်းသမား များ တွင်လည်း အလုပ်လုပ်ကိုင်နိုင်မှုမရှိတော့ကြောင်း ကုန်ထမ်းလုပ်ကိုင်နေသူ တစ်ဦးကလည်း ပြောကြားခဲ့သည်။

ကုန်ကားများမှာလည်း အဝင်အထွက်မရှိတော့သည့်အတွက် အလုပ်ရှားပါးကြောင်း၊ ထိုကဲ့သို့ အလုပ်ပါးသည့်အတွက် နေ့တွက်ခမှာ သိပ်မရရှိ တော့ကြောင်း၊ ယခုရာသီ၌ အလုပ်ရှားပါးလေ့ရှိကြောင်း၊ အလုပ်ရှိသည်ဆိုသည့် နေ့မျိုးတွင်မှ တစ်နေ့လျှင် ကုန်ထမ်းခ ကျပ် ၄၀၀၀၊ ၅၀၀၀ ခန့် ရရှိကြ ကြောင်း၊ တစ်ချို့ အလုပ်လုံးဝပါးသည့်နေ့မျိုးတွင် အိမ်ပြန်ရင် လမ်းစရိတ်ပင် မရှိတော့ကြောင်း မင်္ဂလာဈေးရှိ ကုန်ထမ်းသမားတစ်ဦးကလည်း ပြော ကြားခဲ့သည်။

(ကုမုဒြာ၊ အတွဲ-၁၊ အမှတ်-၁၃ ပါ “ကုန်ရှားလို့ ကုန်ထမ်းသမားတွေ ဝင်ငွေလျော့” သတင်းအား အကျဉ်းချုံး ဖော်ပြသည်)

-----------------------------------------------------------------------------------------------------------------------------------

ပြည်တွင်းဘဏ်များ Credit Card ကျင့်သုံးရန် ခွင့်ပြုချက်ရရှိ

ပြည်ထောင်စုမြန်မာနိုင်ငံတော်အစိုးရသစ်လက်ထက်၌ ပြည်တွင်းရှိ ဘဏ်များအားလုံး အကြွေးဝယ်ယူနိုင်သည့်စနစ် (Credit Card) စနစ်အား စတင်ကျင့်သုံးနိုင်ရန်ခွင့်ပြုချက်ရရှိခဲ့ပြီဖြစ်ကြောင်း ပုဂ္ဂလိကဘဏ်တစ်ခုမှ တာဝန်ရှိသူတစ်ဦးက ပြောကြားခဲ့သည်။

Credit Card စနစ်အား စတင်အသုံးပြုရန် ဘဏ္ဍာရေးနှင့် အခွန်ဝန်ကြီးဌာနမှ ခွင့်ပြုချက်ရရှိခဲ့ပြီးဖြစ်ကြောင်း၊ ယင်း စနစ်အသုံးပြုမည့် အစီ အစဉ်အား စနစ်တကျလုပ်ဆောင်သွားမည်ဖြစ်ကြောင်း၊ နိုင်ငံတကာပုံစံအတိုင်းပင် လုပ်ဆောင်သွားမည်ဖြစ်ကြောင်း CB ဘဏ်ဥက္ကဋ္ဌ ဦးခင်မောင်အေး က ပြောကြားခဲ့သည်။

လက်ရှိအချိန်တွင်လည်း ဘဏ်များအနေဖြင့် အပ်ငွေလက်ခံခြင်း၊ အတိုးနှုန်း၊ စီးပွားရေးလုပ်ငန်းချေးငွေများ၊ ငွေလွှဲခြင်း၊ ချက်လက်မှတ် အသုံးပြု ရန် စီစဉ်ခြင်း၊ ဂြိုလ်တုစနစ်အသုံးပြု၍ ငွေသွင်း၊ ငွေလွှဲစနစ်များအသုံးပြုခြင်း၊ ဘဏ်စုငွေ ပြုလုပ်နိုင်ရန် စီစဉ်ခြင်း၊ စာရင်းသေအပ်ငွေနှင့် စာရင်းရှင် အပ်ငွေ လက်ခံခြင်း စသည့် ဘဏ်ဝန်ဆောင်မှုများကို လုပ်ကိုင် ဆောင်ရွက်ပေးလျှက်ရှိကြောင်း သိရသည်။

ယင်း စနစ်စတင်အသုံးပြုခြင်းသည် မြန်မာ့ဘဏ်လောကတွင် ခေတ်မီသည့် ဘဏ်လုပ်ငန်းစနစ် စတင်ပေါ်ပေါက် ရန် အလားအလာကောင်းများ ဖြစ်ပေါ်လာနိုင်မည့် လမ်းစပင်ဖြစ်ကြောင်း စီးပွားရေးပညာရှင်အများစုက သုံးသပ်ကြသည်။

(ပြည်မြန်မာ၊ အမှတ်-၇၇၀၊  ပါ “ပြည်တွင်းဘဏ်များအားလုံး Credit Card စတင်ကျင့်သုံးရန် ခွင့်ပြုချက်ရရှိ” သတင်းအား အကျဉ်းချုံး ဖော်ပြသည်)

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

ကန်အထက်လွှတ်တော်အမတ် ဂျွန်မက်ကိန်း မြန်မာနိုင်ငံသို့ လာမည်

အမေရိကန်နိုင်ငံ အထက်လွှတ်တော်အမတ် John McCain သည် မြန်မာနိုင်ငံသို့လာရောက်မည်ဖြစ်ကြောင်း နိုင်ငံတကာသတင်းများမှ သိရှိရသည်။

John McCain သည် အသက်(၇၅) နှစ်အရွယ်ရှိပြီဖြစ်ပြီး ဗီယက်နမ်စစ်ပြန်တစ်ယောက်ဖြစ်ကာ လွန်ခဲ့သည့် ၂၀၀၈ ခုနှစ် အမေရိကန် ရွေး ကောက်ပွဲ၌ ရီပတ်ပလစ်ကင်ပါတီကိုယ်စားပြု ဝင်ရောက်ယှဉ်ပြိုင်ခဲ့သူဖြစ်ပြီး လက်ရှိ အမေရိကန်သမ္မတ အိုဘားမားအား ယှဉ်ပြိုင် ရှုံးနိမ့်ခဲ့သူဖြစ်ကြောင်း သိရသည်။

John McCain သည် အမေရိကန်ပြည်ထောင်စု အာရှနှင့် ပစိဖိတ်ရေးရာ ဒုလက်ထောက် နိုင်ငံခြားရေးဝန်ကြီး ဂျိူးဇက်ယွန်း မြန်မာန