Transparency Myanmar

transparency.myanmar@gmail.com

yangonchronicle 2011
yangonchronicle 2011

၂၁.၉.၂ဝ၁၁

ဘာသာပြန်သတင်းများ

  1. အာဆီယံ ဥက္ကဋ္ဌနေရာအတွက် ဒေါ်အောင်ဆန်းစုကြည် အသံကို အာဆီယံ နားထောင်မည်

(Kompas မှ 20 September 2011 ရက်စွဲပါ Jimmy Hitipeuw ရေးသားသော Indonesia : ASEAN to listen to Suu Kyi as Myanmar seeks chair ကို ဘာသာ ပြန်ဆိုသည်)

  1. မြန်မာတွင် နိုင်ငံခြားတိုက်ရိုက်ရင်းနှီးမြှုပ်နှံမှု မြင့်တက်

(CFR မှ 19 Sept 2011 ရက်စွဲပါ “Foreign Investment on the Rise in Burma” ကို ဘာသာပြန်ဆိုသည်)

  1. မြန်မာပြည်အသစ်အတွက် မျှော်လင့်နေဆဲ

(20 September 2011 ရက်စွဲပါ Bangkok Post မှ ခေါင်းကြီးပိုင်းဖြစ်သော still hoping for a new Burma ကို ဘာသာ ပြန်ဆိုသည်)

  1. အသက်ဝင်ရန် ရုန်းကန်နေရသည့် မြန်မာတို့၏ ဟိုဝေးဝေးတောထဲက မြို့တော်

(AFP News မှ 20 Sept 2011 ရက်စွဲပါ “Myanmar’s Jungle Capital Stirs to Life” ကို ဘာသာ ပြန်ဆိုသည်)

***************************************************************************************************************************

အာဆီယံ ဥက္ကဋ္ဌနေရာအတွက် ဒေါ်အောင်ဆန်းစုကြည် အသံကို အာဆီယံ နားထောင်မည်

(Kompas မှ 20 September 2011 ရက်စွဲပါ Jimmy Hitipeuw ရေးသားသော Indonesia : ASEAN to listen to Suu Kyi as Myanmar seeks chair ကို ဘာသာ ပြန်ဆိုသည်)

                ၂ဝ၁၄ ခုနှစ်တွင် အာဆီယံ ဥက္ကဋ္ဌနေရာအတွက် မြန်မာနိုင်ငံအား ဖိတ်ခေါ်ခြင်းပြုမပြုဆိုသည်မှာ ဒီမိုကရေစီ ခေါင်းဆောင် ဒေါ်အောင်ဆန်း စုကြည်နှင့် အရပ်ဖက်အဖွဲ့အစည်းများ (Civil Society) ၏ အမြင်က လွှမ်းမိုးလိမ့်မည် ဖြစ်ကြောင်း အင်ဒိုနီးရှားနိုင်ငံခြားရေးဝန်ကြီးက ပြောကြားလိုက် သည်။

                နိုင်ငံခြားရေးဝန်ကြီး Marty Natalegawa က AP သို့ပြောကြားရာတွင် ၎င်းသည် အောက်တိုဘာလတွင် မြန်မာနိုင်ငံသို့ သွားရောက်၍ အာဆီယံ အနေဖြင့် မြန်မာနိုင်ငံသည် လမ်းကြောင်းပေါ်တွင် ရှိနေခြင်း ရှိမရှိ အကဲဖြတ်မည်ဟု ဆိုသည်။

                မြန်မာနိုင်ငံသည် လက်ရှိအင်ဒိုနီးရှား တာဝန်ယူနေသော အဖွဲ့ဝင် (၁ဝ) နိုင်ငံ ပါဝင်သော အာဆီယံ၏ အလှည့်ကျ ဥက္ကဋ္ဌနေရာအား တာဝန် ယူရန် အလွန်အမင်းစိတ်အားထက်သန်နေကြောင်း ၎င်းက ပြောသည်။ ထို့ကြောင့် ပြောင်းလဲမှုများ မြန်မြန်ဆန်ဆန် ပြုလုပ်ရန်  အရေးကြီးသော အခွင့် အရေးဖြစ်ကြောင်း ၎င်းက ဖော်ပြခဲ့သည်။

                “ဒေါ်အောင်ဆန်းစုကြည်ရဲ့ အသံတင်မကပါဘူး၊ အရပ်ဖက်အဖွဲ့အစည်းတွေရဲ့ အသံကိုပါ နားထောင်ဖို့ ကျွန်တော် ဆန္ဒပြင်းပြနေပါတယ်” ဟု Natalegawa က ပြောသည်။

*************************************************************************

မြန်မာတွင် နိုင်ငံခြားတိုက်ရိုက်ရင်းနှီးမြှုပ်နှံမှု မြင့်တက်

(CFR မှ 19 Sept 2011 ရက်စွဲပါ “Foreign Investment on the Rise in Burma” ကို ဘာသာပြန်ဆိုသည်)

မြန်မာနိုင်ငံသည် ပြီးခဲ့သည့် ၂၀၁၀ ပြည့်နှစ်အတွင်း နိုင်ငံခြားတိုက်ရိုက်ရင်းနှီးမြှုပ်နှံမှု (FDI) တွင် ဒေါ်လာ ၂၀ ဘီလီယံ ရရှိခဲ့ကြောင်း The Diplomat မဂ္ဂဇင်းတွင်ပါရှိသော အစီရင်ခံချက်တစ်ရပ်က ဆိုသည်။ အဆိုပါ ပမာဏသည် လွန်ခဲ့သည့် ဆယ်စုနှစ် ၂ ခုတာကာလအတွင်းရရှိခဲ့သော စုစုပေါင်း FDI တန်ဖိုးများထက်ပင်ပိုမိုသည်။

သို့သော် မြန်မာနိုင်ငံနှင့်ပတ်သက်လျှင် အမြဲတစေ သံသယဖြင့်သာ စောင့်ကြည့်ခြင်းခံခဲ့ရသည်ဖြစ်ရာ ယင်းကိန်းဂဏန်းများ အပြောင်းအလဲ မဖြစ်နိုင်ဟု မည်သူမျှ တပ်အပ် ပြောနိုင်မည်မဟုတ်ကြောင်း Council on Foreign Relation(CFR) က ရေးသားဖော်ပြသည်။ "ယခုထွက်ပေါ်လာသည့် ကိန်းဂဏန်းများသည် ခွင့်ပြုချက်ရထားသော ရင်းနှီးမြှုပ်နှံမှုများ အတွက်ဖြစ်ပြီး အဆိုပါ ရင်းနှီးမြှုပ်နှံမှုများ လက်တွေ့အကောင်အထည်ဖော်ခြင်း မရှိ သေးပေ။ တည်ငြိမ်မှု မရှိသော စီးပွားရေးအနေအထား၊ နိုင်ငံရေးအခြေအနေ သို့မဟုတ် အခြားသောအကြောင်းအရင်းများကြောင့် အပြောင်းအလဲ ရှိနိုင် သည်" ဟု CFR က ဆိုသည်။

သို့သော် မြန်မာနိုင်ငံရရှိလိုက်သည့် FDI တန်ဖိုးသည် အရှေ့တောင်အာရှဒေသမှ ဗီယက်နမ်ကဲ့သို့သော နိုင်ငံခြားရင်းနှီးမြှုပ်နှံမှုနှင့် ပတ်သက်၍ အလားအလာအကောင်းဆုံးနိုင်ငံများနှင့် နှိုင်းယှဉ်ပါက လွန်စွာကြီးမားသည်ကို တွေ့ရသည်။ သမိုင်းကြောင်းကို နှိုင်းယှဉ်ကြည့်ပါက မြန်မာနိုင်ငံသည် အခြားသော ဒေသတွင်းနိုင်ငံများထက် နိုင်ငံတကာ အသိုင်းအဝိုင်းတွင် အထီးကျန်ဆန်ခဲ့ပြီး အနောက်နိုင်ငံများ၏ ပိတ်ဆို့အရေးယူမှုကိုလည်း ကာလ ကြာရှည်စွာ ခံခဲ့ရသည်ကို တွေ့နိုင်သည်။

The Diplomats မဂ္ဂဇင်း၏ မှတ်ချက်အရ မြန်မာနိုင်ငံရရှိလိုက်သော ရင်းနှီးမြှုပ်နှံမှုသစ်များသည် ရေနံ၊ သဘာဝဓာတ်ငွေ့၊ ဆည်တမံကြီးများ နှင့် အခြားသော အရင်းအမြစ်ထုတ်လုပ်ရေးလုပ်ငန်းများတွင် ဖြစ်သည်။ သို့အတွက်ကြောင့် နိုင်ငံသူ၊ နိုင်ငံသားများအနေဖြင့် အဆိုပါရင်းနှီးမြှုပ်နှံမှုများမှ ရရှိမည့် အမြတ်အစွန်းများ ရရှိနိုင်ခြင်း ရှိ၊မရှိ ဟူသောအချက်မှာ စိတ်ဝင်စားစရာကောင်းကြောင်း၊ အတိတ်ကာလတွင်ရရှိခဲ့သည့် သဘာဝသယံဇာတ များ ရှာဖွေရေး အခန်းကဏ္ဍများ၌ ရင်းနှီးမြှုပ်နှံမှုများကို အစိုးရအနေဖြင့် အသာတကြည်ပင် ကဲ့ဝှက်ရယူခဲ့ကြောင်း ယင်းမဂ္ဂဇင်းက ဆိုသည်။ အတိတ် ကာလတွင် ရှိခဲ့သော နိုင်ငံခြားရင်းနှီးမြှုပ်နှံရေး စီမံကိန်းကြီးများကြောင့် အဓမ္မ လုပ်သားစေခိုင်မှုများ၊ မြေယာ မတရားသိမ်းပိုက်ခံရမှုများနှင့် အခြားသော ရာဇဝတ်မှုများဖြစ်ပေါ်ခဲ့ကြောင်း လူ့အခွင့်အရေး လေ့လာစောင့်ကြည့်သော အဖွဲ့အစည်းများက စွပ်စွဲပြောဆိုထားသည်။

မြန်မာအစိုးရသည် အနောက်၏ ပိတ်ဆို့အရေးယူမှုများနှင့် ရင်ဆိုင်ခဲ့ရသည့်တိုင် အိမ်နီးချင်းအာဆီယံနှင့် အာရှနိုင်ငံများမှ ရင်းနှီးမြှုပ်နှံမှုများရရှိ အောင် ဆွဲဆောင်နိုင်သည့် အရည်အချင်း မိမိတို့တွင်အပြည့်အဝရှိကြောင်း၊ အဆိုပါ ပိတ်ဆို့အရေးယူမှုများသည် ထိုင်း၊ အိန္ဒိယ၊ စင်ကာပူ သို့မဟုတ် တရုတ်နိုင်ငံတို့ အပေါ် သက်ရောက်မှုမရှိကြောင်း ထုတ်ဖော် ပြသလျက် ရှိသည်။ အမေရိကန်ပြည်ထောင်စု၏ အခန်းကဏ္ဍသည် မြန်မာနိုင်ငံတွင်း အထိုက်အလျောက် အရေးပါသည့် နေရာတွင်ရှိပြီး ပိတ်ဆို့အရေးယူမှုများက အရေးကြီးသည့် ဦးတည်ချက်များကို ပုံဖော်ပေးနိုင်ဖွယ်ရှိသည်ဟု ဆိုနိုင် သည့်တိုင် အကန့်အသတ်များစွာရှိနေသည်ကို သတိချပ်သင့်ကြောင်း၊ အမေရိကန်ရင်းနှီးမြှုပ်နှံမှုများ မပါဝင်သည့်တိုင် မြန်မာအစိုးရအနေဖြင့် ဆက်လက် ရှင်သန်ရပ်တည်နိုင်မည်သာ ဖြစ်ကြောင်း CFR က ဆိုသည်။

******************************************************************************

မြန်မာပြည်အသစ်အတွက် မျှော်လင့်နေဆဲ

(20 September 2011 ရက်စွဲပါ Bangkok Post မှ ခေါင်းကြီးပိုင်းဖြစ်သော still hoping for a new Burma ကို ဘာသာ ပြန်ဆိုသည်)

                အာရှ၏ ဒီမိုကရေစီ စံပြုပုဂ္ဂိုလ် ဒေါ်အောင်ဆန်းစုကြည်က မြန်မာနိုင်ငံ၏ အနာဂတ်နှင့် ပတ်သက်၍ အကောင်း မြင်သည် ဆိုခြင်းသည် အားတက်ဖွယ်ဖြစ်သည်။ သို့သော် တိုင်းသူပြည်သားများ အနေဖြင့် တကယ့် လွတ်လပ်ခြင်းများ ရရှိရန် အဝေးကြီးလိုသေးကြောင်း အနောက်နိုင်ငံ သတင်းထောက်တစ်ဦးနှင့် တွေ့ဆုံရာတွင် သူမက ပြောပြခဲ့သည်။

                ဒေါ်အောင်ဆန်းစုကြည်သည် ကာလရှည်ကြာ နေအိမ်အကျယ်ချုပ်မှ လွတ်ပြီးနောက် အမှန်တကယ် လွတ်လပ်သွားပြီဟု ယုံကြည်ရသည်။ သူမ၏ ကြေညာချက်များနှင့် ပြောစကားများတွင် သူမသည် လက်ရှိတွင် အကောင်းမြင် လမ်းကြောင်းပေါ်၌ ရှိနေကြောင်း ပြဆိုနေသည်။

                မြန်မာနိုင်ငံတွင် နှစ်ပေါင်းငါးဆယ်ခန့်စစ်အာဏာရှင်စနစ် ရှိနေခဲ့သည်။ တစ်စုံတစ်ဦးအနေဖြင့် တကယ့် ပြုပြင်ပြောင်းလဲရေး အတွက် အစပြု သည့် အနေဖြင့် ပြည်သူများအလိုကျ ပြုံးပြနေသည်ကို မှားယွင်း အကဲဖြတ်မှုများ မဖြစ်စေလိုပေ။ အခြားနည်းလမ်းများ အသုံးပြုရမည့်အစား စစ်တပ်က တာဝန်ယူလာမည်အရေး ရှိနေသည်။

                ၁၉၆၂ ခုနှစ်တွင် မြန်မာနိုင်ငံအား စစ်တပ်မှ လုံးဝ ချုပ်ကိုင်ခဲ့သည်။ ထိုစဉ်က တိုင်းပြည်သည် အရှေ့တောင် အာရှတွင် အားလုံးထက် သာ သည်။ လွတ်လပ်ရေးရပြီးခြင်း၊ လွတ်လပ်ပြီး စီးပွားရေးအရ ဖွံ့ဖြိုးမှုရှိနေခြင်းထို့ကြောင့် နှစ်ဆယ်ရာစု နှောင်းပိုင်းတွင် ဒေသတွင်း၌ မြန်မာနိုင်ငံက ဦးဆောင်လိမ့်မည်ဟု ရှင်းလင်းစွာ တွေ့နေရသည်။ သို့သော် ဖြစ်မလာပါ။ အလုပ်အကြောင်း နားမလည်သော အကျင့်ပျက်ခြစားသည့် ဗိုလ်ချုပ်များ ပါဝင်သော အစိုးရသည် တိုင်းပြည်ကို ရက်စက်ကြမ်းကြုတ်စွာ အုပ်ချုပ်ခဲ့ကြသည်။ စစ်တပ်သည် စီးပွားရေးကို လုယူချုပ်ကိုင်ခဲ့ပြီး၊ စစ်အရာရှိများနှင့် အခွင့်ထူးခံများကို အဆင့်တိုင်းတွင် ထည့်သွင်းခဲ့သည်။

                သို့သော် ယူနီဖောင်းဝတ်များက အစပိုင်းတွင် ၄င်းတို့သည် ဆိုရှယ်လစ်စနစ်ကို လုပ်ဆောင်နေကြကြောင်း ရှင်းလင်းခဲ့ကြ&