Transparency Myanmar

transparency.myanmar@gmail.com

Document yangonchronicle 2011- (1)
yangonchronicle 2011- (1)

 

၂၉.၆.၂၀၁၂

ဘာသာပြန်သတင်းများ

  1. ကလေးစစ်သားပပျောက်ရေး မြန်မာကြိုးပမ်း

(UPI သတင်းဌာနမှ 27 June 2012 ရက်စွဲပါ Myanmar ending practice of child soldiers ကိုဘာသာပြန်ဆိုသည်)

  1. တံခါးဖွင့်စနစ်ကျင့်သုံးသော်လည်း နိုင်ငံတကာအလှူရှင်များ မြန်မာသို့ ဝင်ရောက်မှုမရှိ

(The Nation သတင်းစာမှ 28 June 2012 ရက်စွဲပါ Myanmar: International aid not coming despite 'open door' ကိုဘာသာပြန်ဆိုသည်)

  1. မြန်မာ့စွမ်းအင်ကဏ္ဍတွင် ဝင်ရောက်ရင်းနှီးမြှုပ်နှံရန် အမေရိကန်အစိုးရကို ဆီနိတ်တာများဖိအားပေး

(AP သတင်းဌာနမှ 28 June 2012 ရက်စွဲပါ Senators press US on Myanmar petroleum investment ကိုဘာသာပြန်ဆိုသည်)

*****************************************

ဘာသာပြန်သတင်းများ

ကလေးစစ်သားပပျောက်ရေး မြန်မာကြိုးပမ်း

(UPI သတင်းဌာနမှ 27 June 2012 ရက်စွဲပါ Myanmar ending practice of child soldiers ကိုဘာသာပြန်ဆိုသည်)

စစ်တပ်ထဲသို့ဝင်ရောက်ရန် ကလေးသူငယ်များစုဆောင်းခြင်းနှင့် ကလေးသူငယ်စစ်မှုထမ်းခြင်းတို့ အဆုံးသတ်နိုင်ရေး အတွက် ကုလသမဂ္ဂ အရာရှိများနှင့် မြန်မာစစ်ဘက်အရာရှိကြီးများ စီမံချက်တစ်ရပ်ကို ဇွန်လ ၂၇ ရက်နေ့က သဘောတူလက်မှတ်ရေးထိုးလိုက်ကြောင်း ကုလသမဂ္ဂက သတင်း ထုတ်ပြန်သည်။

အဆိုပါသဘောတူညီချက်တွင် ကလေးသူငယ်များအား လက်နက်ကိုင်တပ်ဖွဲ့များ သို့မဟုတ် တပ်မတော်တွင် စစ်မှုထမ်းရခြင်းမှ ကာကွယ် ပေးနိုင်မည့် အထူးစီမံချက်များနှင့် အစီအစဉ်များကို ကုလသမဂ္ဂနှင့် မြန်မာအစိုးရ ပူးတွဲအကောင်အထည်ဖော်ရန် ဖော်ပြထားကြောင်း သတင်း ထုတ်ပြန်ချက်တွင်ပါဝင်သည်။

"ပထမဆုံးလုပ်ဆောင်ရမယ့် အရေးအကြီးဆုံးအလုပ်ကတော့ တပ်မတော်ထဲမှာရှိတဲ့ ကလေးသူငယ်တွေ အမြန်ဆုံး ပြန်ထွက်နိုင်ဖို့နဲ့ သူတို့ရဲ့ မိသားစုတွေနဲ့ အသိုက်အမြုံတွေဆီ ပြန်သွားနိုင်အောင်လုပ်ပေးဖို့ရယ်၊ သူတို့တတွေ ပညာသင်ကြားရေး၊ အသက်မွေးဝမ်းကျောင်း အလုပ်အကိုင်ရရှိရေး၊ ဓနပေါကြွယ်ဝရေး စတာတွေအတွက် အထောက်အပံ့ပေးဖို့ပဲ ဖြစ်ပါတယ်" မြန်မာအခြေစိုက် ကုလသမဂ္ဂကလေးသူငယ်များရန်ပုံငွေအဖွဲ့(ယူနီဆက်)၏ ဌာနေကိုယ်စားလှယ် Ramesh Shrestha ကပြောကြားသည်။

မြန်မာသည် ကုလသမဂ္ဂအထွေထွေအတွင်းရေးမှူး၏ အစီရင်ခံစာတွင် ကလေးသူငယ်များ အခွင့်အရေး ချိုးဖောက်မှုရှိပြီး စစ်မက်ပဋိပက္ခ ဖြစ်ပွားသော နိုင်ငံများစာရင်းတွင်ပါဝင်သည်။

"ဒါဟာ နှစ်ပေါင်းများစွာကြာမြင့်ခဲ့တဲ့ အရေးကိစ္စတစ်ခုကို ကိုင်တွယ်ဖြေရှင်းနိုင်ဖို့အတွက် မြန်မာအစိုးရနဲ့ ကုလသမဂ္ဂရဲ့ ဦးတည်ချက် ကြီးမားတဲ့ စီမံချက်ပဲ ဖြစ်ပါတယ်။ နိုင်ငံတကာအနေနဲ့ အခုကိစ္စကို မဖြစ်မနေ ကျောထောက်နောက်ခံ ပေးရမှာဖြစ်ပါတယ်။ နောက်ပြီးတော့ ဒါဟာ ကလေးသူငယ်တွေ အတွက် မြန်မာအစိုးရရဲ့ စေ့စပ်ညှိနှိုင်းလုပ်ကိုင်ပေးမှု အပေါ် စမ်းသပ်ချက်တစ်ရပ်လည်း ဖြစ်ပါတယ်"ဟု ၎င်းကပြောကြားသည်။

                                                                *********************************

တံခါးဖွင့်စနစ်ကျင့်သုံးသော်လည်း နိုင်ငံတကာအလှူရှင်များ မြန်မာသို့ ဝင်ရောက်မှုမရှိ

(The Nation သတင်းစာမှ 28 June 2012 ရက်စွဲပါ Myanmar: International aid not coming despite 'open door' ကိုဘာသာပြန်ဆိုသည်)

နိုင်ငံတကာ အလှူရှင်များအနေဖြင့် မြန်မာနိုင်ငံတွင် ကျင့်သုံးလျက်ရှိသော တံခါးဖွင့်မူဝါဒ၏ အခွင့်အလမ်းများကို ရယူပြီး အကူအညီ အထောက်အပံ့များ ပေးပို့သင့်သည်ဟု သမ္မတဦးသိန်းစိန်က ဇွန်လ ၂၈ ရက်နေ့တွင် ပြောကြားသည်။

မြန်မာသမ္မတဦးသိန်းစိန်သည် ၂၀၁၁ ခုနှစ် မတ်လ၊ သမ္မတရာထူး ရယူသည့်အချိန်မှစ၍ ပြုပြင်ပြောင်းလဲမှုများကို ပြုလုပ်ခဲ့ရာ အမေရိကန် ပြည်ထောင်စုနှင့် အီးယူတို့က တုံ့ပြန်သည့်အနေဖြင့် ပိတ်ဆို့အရေးယူမှုများကို ဖယ်ရှားပေးခဲ့သည်။ သို့ရာတွင် နိုင်ငံတကာမှ အကူအညီအထောက်အပံ့များ သိသိသာသာ ဝင်ရောက်လာခြင်း မရှိသေးပေ။

"ကျွန်တော်တို့အစိုးရဟာ နိုင်ငံတကာအသိုင်းအဝိုင်းနဲ့ ထိတွေ့မှုရှိအောင် တံခါးဖွင့်ခဲ့ပါတယ်။ အဲဒီအတွက် သင်တို့အနေနဲ့ ကျွန်တော်တို့ရဲ့ လုပ်ရပ်တွေကို အပြုသဘောဆောင်တဲ့အမြင်နဲ့ ကြိုဆိုသင့်သလို ကျွန်တော်တို့နဲ့ ပူးပေါင်းဆောင်ရွက်မှု ပြုသင့်ပါတယ်"ဟု နေပြည်တော်တွင်ပြုလုပ်သော ကွန်ဖရင့်၌ သမ္မတဦးသိန်းစိန်ကပြောကြားသည်။

"အကြောင်းအမျိုးမျိုးကြောင့် ကျွန်တော်တို့နိုင်ငံဟာ နိုင်ငံတကာအဖွဲ့အစည်းတွေရဲ့ လျစ်လျူရှုခံခဲ့ရပါတယ်။ ကျွန်တော်တို့ရဲ့ အခွင့်အရေး တွေလည်း ငြင်းပယ်ခံခဲ့ရပါတယ်"ပာု ၎င်းက မြန်မာ့လူမှုကာကွယ်ရေးဆိုင်ရာ ကွန်ဖရင့်တွင် ပြောကြားသည်။

အဆိုပါကွန်ဖရင့်သို့ ကုလသမဂ္ဂလက်အောက်ခံအဖွဲ့အစည်းများနှင့် အစိုးရမဟုတ်သော အဖွဲ့အစည်းများ တက်ရောက်ကြသည်။

အကူအညီပေးမည့်သူများ၊  အလှူရှင်များအနေဖြင့် မြန်မာပြည်သူများ၏ အကျိုးစီးပွားအတွက် အကောင်အထည်ဖော်ခဲ့သော "တံခါးဖွင့်မူဝါဒသစ်"ကို အသိအမှတ်ပြုသင့်ကြောင်း ဦးသိန်းစိန်ကဆိုသည်။

                                                                        ***********************************

မြန်မာ့စွမ်းအင်ကဏ္ဍတွင် ဝင်ရောက်ရင်းနှီးမြှုပ်နှံရန် အမေရိကန်အစိုးရကို ဆီနိတ်တာများဖိအားပေး

(AP သတင်းဌာနမှ 28 June 2012 ရက်စွဲပါ Senators press US on Myanmar petroleum investment ကိုဘာသာပြန်ဆိုသည်)

ယခုအခါ အမေရိကန်ပြည်ထောင်စုက မြန်မာနိုင်ငံအပေါ် သတ်မှတ်ပြဋ္ဌာန်းခဲ့သော စီးပွားရေးပိတ်ဆို့အရေးယူမှုများကို ဆိုင်းငံ့လိုက်ပြီဖြစ်သည့် အတွက် ရီပတ်ဘလီကန်၊ ဒီမိုကရက် ဆီနိတ်တာများနှင့် စီးပွားရေးလုပ်ငန်းကြီးများက အမေရိကန်ရေနံနှင့် သဘာဝဓာတ်ငွေ့ ကုမ္ပဏီများအား မြန်မာပြည်တွင် ဝင်ရောက်ရင်းနှီးမြှုပ်နှံခွင့်ပြုရန် ဝါရှင်တန် အစိုးရကို ဖိအားပေးတောင်းဆိုလျက် ရှိကြောင်းသိရသည်။

ဒီမိုကရက်ပါတီဆီနိတ်တာ Jim Webb နှင့် ရီပတ်ဘလီကန်ပါတီဆီနိတ်တာ James Inhofe တို့က ဇွန်လ ၂၇ ရက်နေ့တွင်ပြုလုပ်သော မြန်မာနိုင်ငံဆိုင်ရာအမေရိကန်သံအမတ်ကြီး ခန့်အပ်အတည်ပြုရေးအတွက် ကြားနာမှုတွင် ထိုသို့ အမေရိကန်ကုမ္ပဏီများ မြန်မာ့စွမ်းအင်အခန်းကဏ္ဍ၌ ရင်းနှီးမြှုပ်နှံခွင့်ပြုရန် မေတ္တာရပ်ခံခဲ့ကြသည်။

အမေရိကန်သမ္မတ အိုဘားမားအုပ်ချုပ်ရေးအဖွဲ့က စစ်တပ်သြဇာ လွှမ်းမိုးမှုအောက်တွင်ရှိသော မြန်မာအစိုးရသစ်၏ ဒီမိုကရေစီ ပြုပြင်ပြောင်းလဲမှုများကို အသိအမှတ်ပြုသည့်အနေဖြင့် ပိတ်ဆို့အရေးယူမှုများကို လျှော့ချမည်ဖြစ်ကြောင်း ပြီးခဲ့သည့် မေလအတွင်းကြေညာခဲ့သည်။ နှစ်ပေါင်း ၂၂ နှစ်ကျော်ကာလအတွင်း ပထမဆုံးအမေရိကန် သံအမတ်ကြီးအဖြစ် နာမည်စာရင်းတင်သွင်းခံရသူ Derek Mitchell ၏အဆိုအရ အိုဘားမား အုပ်ချုပ်ရေးအဖွဲ့သည် အမေရိကန်ရင်းနှီးမြှုပ်နှံမှုများ အဆင်ပြေချောမွေ့စွာလုပ်ကိုင်နိုင်မည့် အထွေထွေလိုင်စင်ချထားပေးရေးအတွက် အသေးစိတ် အချက်အလက်များကို စဉ်းစားချင့်ချိန်လျက်ရှိသည်။

မြန်မာနိုင်ငံ၏ မည်သည့်စီးပွားရေးအခန်းကဏ္ဍကိုမျှ ချန်လှပ်ထားခဲ့မည်မဟုတ်ကြောင်း၊ သို့သော် စွမ်းအင်လုပ်ငန်းများ ပူးပေါင်းလုပ်ဆောင်ရမည့် နိုင်ငံပိုင် ရေနံနှင့်သဘာဝဓာတ်ငွေ့လုပ်ငန်း၏ အဂတိလိုက်စားမှုများနှင့် ပွင့်လင်းမြင်သာခြင်း မရှိမှုများနှင့်ပတ်သက်၍ စိုးရိမ်ကြောင်း ၎င်းက ပြောကြားသည်။

Derek Mitchell သည်ပြီးခဲ့သည့် ၂၀၁၁ ခုနှစ် တစ်နှစ်တာကာလအတွင်း မြန်မာနိုင်ငံနှင့် စေ့စပ်ညှိနှိုင်းရေးအတွက်  အမေရိကန်အစိုးရ၏ ကြိုးပမ်းလုပ်ဆောင်မှုများကို ဦးဆောင်ခဲ့သူဖြစ်သည်။ ၎င်းအား မြန်မာဆိုင်ရာအမေရိကန် သံအမတ်ကြီးအဖြစ်ခန့်အပ်ရေးကို ဆီးနိတ်လွှတ်တော်က အတည်ပြုပေးလိမ့်မည်ဟု အားလုံးက ခန့်မှန်းထားပြီးဖြစ်သည်။

Jim Webb ကမူ အတည်ပြုမှုကို ယခုရက်သတ္တပတ်အတွင်းပြုလုပ်ဖွယ်ရှိသည်ဟု ဆိုသည်။

မြန်မာနိုင်ငံသည် အာဏာရှင်စနစ်မှကင်းလွတ်လာကာ ပြုပြင်ပြောင်းလဲမှုများ လုပ်ဆောင်နိုင်ခဲ့သည့်တိုင် စိန်ခေါ်မှုပေါင်း မြောက်မြားစွာနှင့် ရင်ဆိုင်နေရဆဲပင်ဖြစ်သည်။

ဒီမိုကရေစီအသွင်ကူးပြောင်းမှုများကို ဦးဆောင်လုပ်ကိုင်နေသည့် သမ္မတဦးသိန်းစိန်အား Derek Mitchell က "သာမန်မဟုတ် ထူးခြား ပြောင်မြောက်သော အမြော်အမြင်နှင့် ဦးဆောင်မ