Posts
 | yangonchronicle2011 |
၂၀.၇.၂၀၁၂
ပြည်တွင်းသတင်းများ
- အဂတိလိုက်စားမှုပပျောက်ရေးအတွက် လွှတ်တော်တွင် ကော်မရှင်ဖွဲ့စည်းနိုင်ရန် လွှတ်တော်သို့တင်သွင်းမည်
- ဆီတင်သင်္ဘောအချို့ မှောင်ခိုဆီလုပ်ငန်း လုပ်ကိုင်လျက်ရှိ
- ထွန်တုံးတိုက်ပွဲတွင်ပါဝင်သူ ကံကောင်းရွာသားများ တရားစွဲဆိုခြင်းခံရ
ပြည်တွင်းပါတီ၊ နိုင်ငံရေးသတင်းများ
- တရားစီရင်ရေးတွင် ခေတ်မမီသောစီရင်ထုံးများ ပယ်ဖျက်ပေးရန် အဆိုတင်သွင်း
- ရှမ်းပြည်ကိုးကန့် ဒီမိုကရက်တစ်ပါတီ တည်ထောင်ခွင့်ရ
သတင်းနှင့် ဆောင်းပါးများမှ ကောက်နှုတ်ချက်များ
*************************
ပြည်တွင်းသတင်းများ
အဂတိလိုက်စားမှုပပျောက်ရေးအတွက် လွှတ်တော်တွင် ကော်မရှင်ဖွဲ့စည်းနိုင်ရန် လွှတ်တော်သို့တင်သွင်းမည်
မြန်မာနိုင်ငံအတွင်း အစိုးရဝန်ကြီးဌာနများနှင့် ဝန်ထမ်းအဖွဲ့အစည်းများအားလုံး၌ အဂတိလိုက်စားမှုပပျောက်ရေးအတွက် ပြည်ထောင်စုလွှတ် တော်တွင် အဂတိလိုက်စားမှုပပျောက်ရေးကော်မရှင် ဖွဲ့စည်းရေးအတွက် မကြာမီကာလအတွင်း ပြည်ထောင်စုလွှတ်တော်သို့ အဆိုတင်သွင်းသွားမည် ဖြစ်ကြောင်း ပြည်သူ့လွှတ်တော်တရားစီရင်ရေးနှင့် ဥပဒေရေးရာကော်မတီမှ တာဝန်ရှိသူတစ်ဦး၏ ပြောကြားချက်အရ သိရသည်။
“အခု လက်ရှိကို ဌာနဆိုင်ရာတွေမှာ လူကြီးအဆင့်ရှိသူတွေက အရင်အကျင့်တွေကို မဖျောက်နိုင်ကြသေးပါဘူး။ ပိုက်ဆံပေးပြီးခိုင်းတာတွေ၊ ပြည်သူတွေဆီက မတရားရယူနေတာတွေ ရှိနေတုန်းပါပဲ။ ပြီးတော့ တရားစီရင်ရေးမဏ္ဍိုင်မှာဆိုရင်လည်း အတူတူပါပဲ။ ဒါကြောင့် အဂတိလိုက်စားမှု ပပျောက်ရေးအတွက် ကော်မရှင်တစ်ခုဖွဲ့စည်းနိုင်အောင် ပြည်ထောင်စုလွှတ်တော်မှာ အဆိုတင်သွင်းသွားပါမယ်”ပာု အထက်ပါပုဂ္ဂိုလ်က ဆက်လက် ပြောကြားသည်။
မြန်မာနိုင်ငံသည် အစိုးရသစ်လက်ထက်မှစတင်၍ နိုင်ငံရေး၊ စီးပွားရေးပြုပြင်ပြောင်းလဲမှုများကို လုပ်ဆောင်ခဲ့သည့်အပြင် ယခင် အစိုးရလက်ထက်ကပင် ဌာနဆိုင်ရာအသီးသီး၌ ဖြစ်ပွားလျက်ရှိသည့် အဂတိလိုက်စားမှုများ၊ လာဘ်ပေးလာဘ်ယူမှုများ ပပျောက်စေရေးအတွက် စီမံချက်များ ချမှတ်၍ ဆောင်ရွက်လျက်ရှိကြောင်း သိရသည်။
“လာဘ်ပေးလာဘ်ယူမှုတွေ ပပျောက်စေဖို့အတွက် နိုင်ငံတော်က လုပ်ဆောင်နေသလို ပြည်သူတွေကလည်း ဒီကိစ္စမှာ ပူးပေါင်းပါဝင်ဖို့ လိုပါ တယ်။ အစိုးရဌာနတွေမှာ လာဘ်ပေးလာဘ်ယူမှုတွေလုပ်တယ်။ အဂတိလိုက်စားမှုတွေလုပ်တယ်ဆိုတာ ပြည်သူတွေက ဌာနဆိုင်ရာဝန်ထမ်းတွေကို အကျင့်လုပ်ပြီး ပေးနေတာတွေလည်း ပါပါတယ်”ပာု ဥပဒေရေးရာကျွမ်းကျင်သူတစ်ဦးက ဆိုသည်။
ထို့ပြင် ဇူလိုင်လ ၆ ရက်နေ့တွင် ကျင်းပခဲ့သည့် ပထမအကြိမ် ပြည်သူ့လွှတ်တော် စတုတ္ထပုံမှန်အစည်းအဝေးတွင် ပြည်သူ့လွှတ်တော်ဥက္ကဋ္ဌ သူရဦးရွှေမန်းက ကဏ္ဍအသီးသီးနှင့် နယ်ပယ်အသီးသီးအတွက် စံချိန်စံညွှန်းများ ရေးဆွဲသတ်မှတ်၍ ဥပဒေပြဋ္ဌာန်းနိုင်ရန် အချိန်ကာလသတ်မှတ်ပြီး သတ်မှတ်ချိန်အတွင်း ဆောင်ရွက်ပေးနိုင်ပါရန် ပြည်ထောင်စုအစိုးရသို့ တိုက်တွန်းကြောင်း အဆိုနှင့်ပတ်သက်၍ အစိုးရအဖွဲ့မှ ပြန်လည်ဖြေကြားခဲ့ သည့် ကတိကဝတ်များ ပြီးစီးရမည့်အချိန်တွင် ပြီးစီးမှု ရှိ၊ မရှိ လွှတ်တော်မှ စောင့်ကြည့်သွားမည်ဖြစ်ကြောင်း ပြောကြားခဲ့သည်။
YC
-----------------------------------------------------------------------------------------------------------------------------------
ဆီတင်သင်္ဘောအချို့ မှောင်ခိုဆီလုပ်ငန်း လုပ်ကိုင်လျက်ရှိ
ဆီတင်သင်္ဘောအများစုသည် တင်သွင်းရန်ခွင့်ပြုချက်ရရှိထားသည့် တန်ချိန်ထက် ပိုမိုတင်ဆောင်မှုများပြုလုပ်ပြီး တန်ပိုဆီများမှာ မှောင်ခို ဈေးကွက်အတွင်းသို့ ရောက်ရှိသွားသည့်အတွက် အခွန်အကောက်ဆုံးရှုံးမှုများသာမက အမှန်တကယ်ဆီတင်သွင်းမှုများ ပြုလုပ်လျက်ရှိသည့် ကုမ္ပဏီ များပါ နစ်နာမှုများဖြစ်ပေါ်လျက်ရှိကြောင်း စက်သုံးဆီတင်သွင်းဖြန့်ဖြူးရောင်းချသူများအသင်းမှ တာဝန်ရှိသူတစ်ဦး၏ ပြောကြားချက်အရ သိရသည်။
“တစ်ချို့ဆီတင်သင်္ဘောတွေက တန်ချိန် ၂၀၀၀ ပဲတင်မယ်လို့ စာရင်းပို့ထားပေမယ့် အမှန်တကယ်တင်သွင်းတော့ တန်ချိန် ၃၀၀၀ လောက် တင်သွင်းလာတယ်။ ဒီတော့ ကျန်တဲ့ဆီတွေက တရားမဝင်ဖြစ်ပြီး မှောင်ခိုဈေးကွက်ကို ရောက်သွားရော။ ပြည်ထောင်စုအစိုးရအဖွဲ့က ဘယ်လိုပဲ ဆီ မှောင်ခိုပပျောက်ရေးဆိုပြီးလုပ်ပေမယ့် လုပ်ငန်းရှင်အချို့ကြောင့် ဆီမှောင်ခိုဈေးကွက်က ကြီးနေတုန်းပဲ။ ဒီကိစ္စတွေကို သက်ဆိုင်ရာက အရင်ထက် ပိုကြပ်မတ်ပြီး လုပ်ဆောင်မယ်လို့ ကြားပါတယ်”ပာု ၎င်းက ဆက်လက်ပြောကြားသည်။
ထို့ပြင် မြန်မာနိုင်ငံအတွင်း စက်သုံးဆီမှောင်ခိုရောင်းချမှုများ ပပျောက်သွားနိုင်စေရန် မြန်မာနိုင်ငံစက်သုံးဆီ တင်သွင်းရောင်းချဖြန့်ဖြူးရေး အသင်းအနေဖြင့် မြို့နယ်တိုင်းရှိ မှောင်ခိုဆီများ ရောင်းချလျက်ရှိသူများအား တက်နိုင်သမျှ တရားဝင်ခွင့်ပြုနိုင်သည့် အဆင့်သို့ရောက်ရှိနိုင်စေရန် ဆောင်ရွက်ပေးသွားမည်ဖြစ်ပြီး တရားမဝင် စက်သုံးဆီမှောင်ခိုဈေးကွက် ပပျောက်သွားနိုင်စေရန်အတွက် စီးပွားရေးလုပ်ငန်းရှင်များ ကုမ္ပဏီအဖွဲ့ အစည်းများ၏ ပူးပေါင်းပါဝင်ကူညီမှုဖြင့် ဆောင်ရွက်သွားမည်ဖြစ်ကြောင်း မြန်မာနိုင်ငံစက်သုံးဆီရောင်းချသူများအသင်းမှ တာဝန်ရှိသူတစ်ဦးက ပြောကြားသည်။
“လမ်းဘေးမှောင်ခိုဆီဈေးကွက် ပပျောက်သွားအောင် နိုင်ငံတော်ကလည်း လုပ်ဆောင်နေပါတယ်။ ဒီအပေါ်မှာ လုပ်ငန်းရှင်တွေနဲ့ ကုမ္ပဏီအဖွဲ့ အစည်းတွေလည်း ပူးပေါင်းပါဝင်သင့်ပါတယ်။ လမ်းဘေးမှာ ရောင်းချနေတဲ့ မှောင်ခိုဆီဈေးသည်တွေကို တက်နိုင်သမျှ တရားဝင်ဖြစ်အောင် လုပ်ဆောင် ပေးသွားမှာပါ။ မြို့တွင်းမှာ မှောင်ခိုဆီရောင်းချဖို့ခွင့်မပေးဘူးဆိုရင် မြို့ပြင်မှာ ရောင်းချနိုင်အောင် ဆောင်ရွက်ပေးသွားမှာပါ”ပာု အထက်ပါပုဂ္ဂိုလ်က ဆက်လက်ပြောကြားသည်။
လက်ရှိအချိန်တွင် စွမ်းအင်ဝန်ကြီးဌာန မြန်မာ့ရေနံထွက်ပစ္စည်းရောင်းဝယ်ရေးလုပ်ငန်းက ပုဂ္ဂလိကစက်သုံးဆီ အရောင်းဆိုင်များသို့ပေးသော ဓာတ်ဆီခွဲတမ်းများအား ဇူလိုင်လမှစတင်၍ လျှော့ချရောင်းချပေးခဲ့သည့်အတွက် မန္တလေးမြို့ရှိ ပုဂ္ဂလိကစက်သုံးဆီအရောင်းဆိုင်များက ဝယ်ယူခွင့် စာအုပ် ရောင်းချသော ဓာတ်ဆီများအား မောင်တော်ယာဉ်တစ်စီးလျှင် ၆ ဂါလံ လျှော့ချရောင်းချခဲ့သည့်အတွက် ပြင်ပဆီဈေးကွက်တွင် ဈေးနှုန်းမြင့် တက်လျက်ရှိကြောင်း သိရသည်။
YC
-----------------------------------------------------------------------------------------------------------------------------------
ထွန်တုံးတိုက်ပွဲတွင်ပါဝင်သူ ကံကောင်းရွာသားများ တရားစွဲဆိုခြင်းခံရ
မန္တလေးတိုင်း မိထ္ထီလာ (၄)ခရိုင်အတွင်း ဇူလိုင်လ ၁၁ရက်နေ့တွင် စတင်ခဲ့သော ထွန်တုံးတိုက်ပွဲ၌ ပါဝင်ခဲ့သူများဖြစ်သာ ရှမ်းတဲတိုက်နယ် ကံကောင်းရွာသား (၁၉)ဦးကို ပုဒ်မ ၄၁၇၊ ၄၄၇တို့ဖြင့် ထိုလယ်ယာမြေများကို ပိုင်ဆိုင်သူဟုဆိုသူ ဦးမြင့်ဇော်မှ တရားစွဲဆိုလိုက်ကြောင်း မိထ္ထီလာခရိုင် ပြည်သူ့အကျိုးဆောင်ကွန်ယက်မှ လယ်သမားအရေး ဆောင်ရွက်ပေးနေသူတဦး၏ အတည်ပြုပြောကြားချက်အရ သိရသည်။
"ကံကောင်းရွာသား ၁၉ဦးကို အကျိုးဖျက်ဆီးမှု၊ ပိုင်နက်ကျူးလွန်မှုတွေနဲ့ တရားစွဲထားတာပါ။ အဲဒီလယ်မြေတွေကို အမှန်တကယ်ပိုင်ဆိုင်သူက ၈ဦးနဲ့ ကျန်တာက သူတို့ရွာကပဲ ကူညီတောင်းဆိုပေးသူ ၁၀ဦးပါ၊ ဇူလိုင် ၁၈ရက်နေ့ မနက်ရုံးချိန်းမှာ အာမခံရလာပြီးတော့ သြဂုတ်လ (၁)ရက်နေ့ကို ပြန်ချိန်းထားပါတယ်" ဟု ၎င်းက အတည်ပြုပြောကြားသည်။
ကံကောင်းကျေးရွာသားများ ထွန်တုံးတိုက်ပွဲ ဆင်နွဲတောင်းဆိုခဲ့သော မြေဧကများမှာ ၄၀.၆ဧကရှိပြီး ယခင်အစိုးရဟောင်းလက်ထက်တွင် ကိုမြင့်ဇော်ဆိုသူမှ ကြက်ဆူပင်စိုက်ပျိုးရန် လျောက်ထားသောမြေများဖြစ်ကြောင်း၊ လယ်ယာမြေဥပဒေအရဆိုပါက ပိုင်ဆိုင်သည့်အချိန်မှ လေးနှစ် အတွင်းတွင် လုပ်ကိုင်ရမည်ဖြစ်ကြောင်း သိရသည်။
အဆိုပါထွန်တုံးတိုက်ပွဲများကို မိထ္ထီလာ (၄)ခရိုင်ဖြစ်သော ရှမ်းတဲတိုက်နယ်၊ ကံကောင်းကျေးရွာ၊ ဝမ်းတွင်းမြို့နယ် အိုးပြွန်ကန်ကျေးရွာ၊ မလှိုင် မြို့နယ် ဘုံတောင်နှင့် သရက်ကျေးရွာ၊ သာစည်မြို့နယ် ကျွဲတပ်ဆုံကျေးရွာ အစရှိသော ကျေးရွာများတွင် (၁၁)ရက်နေ့မှစတင်ပြီး ၎င်းတို့ ယခင်ပိုင်ဆိုင် ခဲ့ကြသော လယ်ယာမြေများပေါ်တွင် ထွန်ယက်စိုက်ပျိုး တောင်းဆိုခဲ့ကြသည်။
လယ်ယာမြေအသိမ်းဆည်းခံခဲ့ရသော တောင်သူလယ်သမားများကိုယ်စား ဆောင်ရွက်ပေးသူအချို့ကိုလည်း ဇူလိုင်လ (၁၄)ရက်နေ့တွင် မိထ္ထီ လာခရိုင်အုပ်ချုပ်ရေးမှူးမှ ခေါ်ယူတွေ့ဆုံခဲ့ကြောင်း အဆိုပါနေ့က ခရိုင်အုပ်ချူပ်ရေးမှူးနှင့် သွားရောက်တွေ့ဆုံခဲ့သူ အမျိုးသားဒီမိုကရေစီအဖွဲ့ချုပ်၊ မိထ္ထီလာခရိုင် အတွင်းရေးမှူးဟောင်းတစ်ဦးဖြစ်ပြီး၊ ကြားဖြတ်ရွေးကောက်ပွဲတွင် တစ်သီးပုက္ကလအနေဖြင့် ဝင်ရောက်ရွေးချယ်ခံခဲ့သူ ပြည်သူ့အကျိုး ဆောင်ကွန်ယက်မှ ဒေါ်မြင့်မြင့်အေးက ပြောကြားသည်။
မိထ္ထီလာခရိုင် (၄)မြို့နယ်အတွင်း သိမ်းဆည်းထားသော မြေဧကပေါင်း ၁၀၀၀နီးပါးရှိပြီး အဓိကသိမ်းဆည်းထားသော ကုမ္ပဏီမှာ ကောင်းကင် ကုမ္ပဏီဖြစ်ကြောင်း၊ ဆောက်လုပ်ရေးမှတဆင့် မြေယာပွဲစားများထံသို့ ရောက်ရှိသွားသော လယ်ယာမြေများလည်းပါရှိကြောင်း သိရသည်။
PL
*************************
ပြည်တွင်းပါတီ၊ နိုင်ငံရေးသတင်း
တရားစီရင်ရေးတွင် ခေတ်မမီသောစီရင်ထုံးများ ပယ်ဖျက်ပေးရန် အဆိုတင်သွင်း
၂၀၁၂ ဇူလိုင်လ ၁၈ ရက်နေ့တွင် ကျင်းပခဲ့သည့် ပထမအကြိမ် ပြည်သူ့လွှတ်တော် စတုတ္ထပုံမှန်အစည်းအဝေး (၁၁)ရက်မြောက်နေ့တွင် အမရပူရမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးသိန်းထွန်းဦးက လက်ရှိ တရားစီရင်ရေးကဏ္ဍတွင် ဖြောင့်မတ်မှန်ကန်နိုင်ရေးအတွက် ခေတ် မမီသော စီရင်ထုံးများ ပယ်ဖျက်ပေးရန် အဆိုတင်သွင်းခဲ့ကြောင်း နိုင်ငံပိုင်သတင်းစာများတွင် ဖော်ပြပါရှိချက်အရ သိရသည်။
၎င်း အဆိုတင်သွင်းမှုအား ပြည်ထောင်စုတရားလွှတ်တော်ချုပ် တရားသူကြီး ဦးစိုးညွှန့်က “မှားယွင်းနေသော၊ ခေတ်မမီသော စီရင်ထုံးတွေကို ပယ်ဖျက်ဖို့အတွက် လုပ်ထုံးလုပ်နည်းကတော့ စီရင်ထုံးပြုထားတဲ့ အမှုနဲ့ အလားတူအမှုမျိုး ပြည်ထောင်စုလွှတ်တော်ချုပ်ထံကို အယူခံမှု၊ ပြင်ဆင်မှု၊ စာချွန်တော်အမှု၊ အထူးအယူခံမှုတွေနဲ့ လျှောက်ထားလာတဲ့အခါ ပြည်ထောင်စုတရားလွှတ်တော်ချုပ်က အကြောင်းခြင်းရာ အချက်အလက်၊ ဥပဒေ အချက်အလက်တွေကို သုံးသပ်ပြီးတော့ ပယ်ဖျက်သင့်တာတွေကို ပယ်ဖျက်ပေးရပါတယ်”ပာု ပြောကြားသည်။
ထို့ပြင် မှားယွင်းသည့် ခေတ်မမီသည့် စီရင်ထုံးများကို နောက်စီရင်ထုံးဖြင့်သာ ကျိုးကြောင်းဖော်ပြ၍ ပယ်ဖျက်ရသည့်သာဓကရှိကြောင်း၊ အခြား နိုင်ငံများရှိ တရားလွှတ်တော်၊ တရားလွှတ်တော်ချုပ်များသည်လည်း ဤသာဓကအတိုင်းသာ ဆောင်ရွက်ကြပါကြောင်း၊ ထို့ကြောင့် မှားယွင်းသော၊ ခေတ်မမီသောစီရင်ထုံးများကို ပယ်ဖျက်ရန်မှာ အလားတူအမှုမျိုး တွေ့ကြုံလာသည့်အခါ ပြည်ထောင်စုတရားလွှတ်တော်ချုပ်က ရှေ့ကချမှတ်ခဲ့သည့် စီရင်ထုံးများကို ပယ်ဖျက်ရန်သင့်သည်ပာု သဘောရရှိပါက ကျိုးကြောင်းဆီလျော်စွာသုံးသပ်ပြီး ပယ်ဖျက်သည့် စီရင်ချက်ချမှတ်ကာ စီရင်ထုံးပြု ဆောင် ရွက်သွားမည်ဖြစ်ပါကြောင်းနှင့် အချိန်ကာလကန့်သတ်၍ ဆောင်ရွက်ရန်မဖြစ်နိုင်ပါကြောင်း ပြည်ထောင်စုတရားလွှတ်တော်ချုပ်တရားသူကြီး ဦးစိုးညွှန့် က ပြန်လည်ဖြေကြားခဲ့သည်။
YC
-----------------------------------------------------------------------------------------------------------------------------------
ရှမ်းပြည်ကိုးကန့် ဒီမိုကရက်တစ်ပါတီ တည်ထောင်ခွင့်ရ
ပြည်ထောင်စုရွေးကောက်ပွဲကော်မရှင်မှ ၂၀၁၂ ခုနှစ် ဇူလိုင် ၁၈ ရက်နေ့မှစတင်၍ ရှမ်းပြည်ကိုးကန့် ဒီမိုကရက်တစ်ပါတီအား နိုင်ငံရေးပါတီ အဖြစ် တည်ထောင်ခွင့်ပြုလိုက်ကြောင်း နိုင်ငံပိုင်သတင်းစာများတွင် ဖော်ပြပါရှိချက်အရ သိရသည်။
ရှမ်းပြည်ကိုးကန့် ဒီမိုကရက်တစ်ပါတီတည်ထောင်ခွင့် လျှောက်ထားချက်သည် ဥပဒေ၊ နည်းဥပဒေများနှင့် ညီညွှတ်ကြောင်း တွေ့ရှိရသည့် အတွက် ပါတီမှတ်ပုံတင်ခြင်း ဥပဒေပုဒ်မ ၉ နှင့်အညီ ပြည်ထောင်စုရွေးကောက်ပွဲကော်မရှင်မှ ပါတီတည်ထောင်ခွင့်ပြုခဲ့ခြင်းဖြစ်ကြောင်း သိရသည်။
ယခု ပြည်ထောင်စုရွေးကောက်ပွဲကော်မရှင်၏ မှတ်ပုံတင်ခွင့်ပြုချက်ရရှိခဲ့သည့် ရှမ်းပြည်ကိုးကန့် ဒီမိုကရက်တစ်ပါတီအပါအဝင် ပြည်ထောင်စု ပအို့ဝ်အမျိုးသားအဖွဲ့ချုပ်၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်၊ “ဝ”အမျိုးသား ဖွံ့ဖြိုးတိုးတက်ရေးပါတီ၊ အမျိုးသားဒီမိုကရေစီအဖွဲ့ချုပ် (NLD) ပါတီတို့အား ပြီးခဲ့သည့် ၂၀၁၀ ခုနှစ်၊ စက်တင်ဘာလ ၁၄ ရက်နေ့တွင် နိုင်ငံရေးပါတီတည်ထောင်လိုကြောင်း လာရောက်လျှောက်ထားခြင်းမရှိသည့် အတွက် ပြည်ထောင်စုရွေးကောက်ပွဲကော်မရှင်မှ ကြေညာချက်အမှတ် (၉၇/၂၀၁၀) ဖြင့် နိုင်ငံရေးပါတီအဖြစ် မှတ်ပုံတင်ထားခြင်းကို ပယ်ဖျက်၍ ပါတီ များကို ဖျက်သိမ်းလိုက်ကြောင်း ထုတ်ပြန်ကြေညာခဲ့သည်။
YC
**************************
သတင်းနှင့် ဆောင်းပါးများမှ ကောက်နှုတ်ချက်များ
“Sanction က လွှတ်လိုက်ပြီဆိုတော့ အကောင်းဆုံးပေါ့။ ဒါပေမယ့် အန်ကယ်တို့မြင်တာကတော့ အခု အိုဘားမားကြေညာခဲ့တဲ့ Sanction က သူတို့ လူမျိုး investor တွေကိုသာ လွှတ်လိုက်တာ။ လက်နက်ကလွဲရင်ပေါ့။ မြန်မာပြည်ကလူတွေကလည်း သူတို့ပစ္စည်းတော့ဝယ်လို့ရတယ်။ ဒါပေမယ့် ငွေကြေး Sanction မလွှတ်သေးဘူး။ ဒေါ်လာနဲ့ဝယ်မှရမှာဆိုတော့ ကြားကတစ်ဆင့် ဝယ်မှရမယ်။ ဝန်ဆောင်ခတော့ ပေးရမှာပေါ့။ ဒါမကောင်းဘူး ကြန့် ကြာမှုရှိတယ်”
ဇူလိုင် ၂၀ရက်နေ့ထုတ် သံတော်ဆင့်ဂျာနယ် အတွဲ (၁) အမှတ် (၁၉) တွင်ပါရှိသည့် “Sanction ဖွင့်သော်လည်း ငွေကြေးတိုက်ရိုက် ကုန်သွင်းခွင့် မရခြင်းကြောင့် ခက်ခဲ” သတင်းမှ လှိုင်သာယာစက်မှုဇုန်မှ စီးပွားရေးလုပ်ငန်းရှင်တစ်ဦး၏ ပြောကြားချက်အပေါ် ကောက်နှုတ်ချက်။
--------------------------------------------------------------------------------------------------------------------------------
“နိုင်ချင်ဇောနဲ့ ဇွတ်လုပ်တဲ့အခါ ၂၀၁၀ ပြည်ခိုင်ဖြိုးကလုပ်တယ်။ နိုင်တယ်။ ဒါပေမယ့် တိုင်းပြည်မပြေလည်ဘူး။ ဘယ်ဟာကို ပြေလည်တယ်လို့ ခေါ်လိုက် တာလဲ။ အမေရိကန်က ပိတ်ဆို့မှုနည်းနည်းလေး လျော့ပေးတာ ပြေလည်တယ်လို့ ခေါ်သလား။ နိုင်ချင်လို့ ဇွတ်လုပ်တဲ့ကိစ္စမှန်သမျှ ပြေလည်မှာ မဟုတ်ဘူး။ တိုင်းပြည်ရဲ့ အနာဂတ်အတွက် ကျွန်တော်စိတ်တိုင်းမကျဘူး”
ဇူလိုင် ၂၀ရက်နေ့ထုတ် သံတော်ဆင့်ဂျာနယ် အတွဲ (၁) အမှတ် (၁၉) တွင်ပါရှိသည့် “မြန်မာ့ဒီမိုကရေစီကွန်ဂရက်ပါတီဥက္ကဋ္ဌ ဦးကောင်းမြတ်ထွဋ်နှင့် တွေ့ဆုံခြင်း”အင်တာဗျူးမှ ဦးကောင်းမြတ်ထွဋ်၏ ပြောကြားချက်အပေါ် ကောက်နှုတ်ချက်။
--------------------------------------------------------------------------------------------------------------------------------
“ထောင်ထဲမှာရှိတဲ့ အကျဉ်းသားတွေသာမက ထောင်အပြင်မှာရှိတဲ့ အကျဉ်းသားတွေအတွက် လိုအပ်တဲ့အကူအညီတွေ တတ်နိုင်သမျှ ပေးနေပါတယ်။ ဒုက္ခရောက်နေသူတွေထဲမှာ လက်ရှိ ထောင်ထဲမှာရှိတဲ့ အကျဉ်းသားတွေထက် အပြင်မှာရှိတဲ့လူတွေက ပိုပြီး များနေပါတယ်။ ထောင်ရဲ့ဝဋ်ကြွေးတွေ၊ ထောင်ရဲ့ဒဏ်တွေ ဒီနေ့ထိ မကုန်နိုင်ဘူး။ ကျွန်တော်တို့တောင်းဆိုနေတာ ယုံကြည်ချက်အကျဉ်းသားတွေ တစ်ယောက်မကျန် လွတ်မြောက်ဖို့ တောင်း ဆိုနေပါတယ်”
ဇူလိုင် ၂၀ရက်နေ့ထုတ် သံတော်ဆင့်ဂျာနယ် အတွဲ (၁) အမှတ် (၁၉) တွင်ပါရှိသည့် "ယုံကြည်ချက်အကျဉ်းသားနှင့် အကျဉ်းသားဟောင်းများအား ဟံသာဝတီဦးဝင်းတင်ဖောင်ဒေးရှင်း တတိယအကြိမ် ထောက်ပံ့ပေးအပ်" သတင်းမှ ဦးဝင်းတင်၏ ပြောကြားချက်အပေါ် ကောက်နှုတ်ချက်။
**************************
Google Drive: create, share, and keep all your stuff in one place.
