Transparency Myanmar

transparency.myanmar@gmail.com

Document yangonchronicle2011
yangonchronicle2011

၃၁.၇.၂၀၁၂

ပြည်တွင်းသတင်းများ

  1. ရခိုင်ပြည်နယ်တွင် ပုဒ်မ ၁၄၄ အမိန့်ရုပ်သိမ်းရန် ပြင်ဆင်
  2. မြန်မာတိုင်းရင်းသားမျိုးနွယ်တွင် ရိုဟင်ဂျာလူမျိုးမရှိကြောင်း လဝကဝန်ကြီး ငြင်းဆို

ပြည်တွင်းပါတီ၊ နိုင်ငံရေးသတင်း

  1. ကေအန်င်ယူနှင့်ဆွေးနွေးရန် ပြည်ထောင်စုဝန်ကြီး ဦးအောင်မင်း မဲဆောက်သွားမည်
  2. ကွင်တားနား အင်းစိန်အကျဉ်းထောင်သို့ သွားရောက်လေ့လာ
  1. ဦးအောင်သိန်းလင်းကြောင့် ပြည်ခိုင်ဖြိုးပါတီ ကြေငြာချက်ထုတ်ပြန်

သတင်းနှင့် ဆောင်းပါးများမှ ကောက်နှုတ်ချက်များ

****************************

ပြည်တွင်းသတင်းများ

ရခိုင်ပြည်နယ်တွင် ပုဒ်မ ၁၄၄ အမိန့်ရုပ်သိမ်းရန် ပြင်ဆင်

လူမျိုးရေး အဓိကရုဏ်များ ပြင်းထန်စွာ ဖြစ်ပွားခဲ့သည့် ရခိုင်ပြည်နယ်ရှိမြို့နယ်အချို့တွင် ညမထွက်ရအမိန့် (ပုဒ်မ ၁၄၄) ထုတ်ထားခြင်းအား သြဂုတ်လဆန်းတွင် ရုပ်သိမ်းတော့မည်ဖြစ်ကြောင်း ပြည်နယ်အစိုးရအဖွဲ့မှ တာဝန်ရှိသူတစ်ဦးက ပြောကြားသည်။

ကုလသမဂ္ဂ လူ့အခွင့်အရေး ကိုယ်စားလှယ် မစ္စတာကင်တားနား ရခိုင်ပြည်နယ်သို့ လာရောက်လေ့လာအပြီးတွင် ပုဒ်မ ၁၄၄ အမိန့်ထုတ်ပြန် ခြင်းအား ရုပ်သိမ်းရန်အစီအစဉ်ရှိကြောင်း စစ်တွေမြို့ အမှတ် (၁)ရဲစခန်းမှ တာဝန်ရှိသူတစ်ဦးက ဆက်လက် အတည်ပြုပြောကြားသည်။

"မြို့ပေါ်မှာလည်း အခြေအနေတွေ ငြိမ်နေပါပြီ၊ နစကတပ်ဖွဲ့တွေကလည်း နေရာတော်တော်များများမှာ စခန်းထိုင်ဖို့ ပြင်နေပြီဆိုတော့ ကျွန် တော်ထင်ပါတယ် သြဂုတ်လဆန်းတော့ ကာဖြူးရုပ်ပါပြီ"ဟု ယင်းက ဆိုသည်။

အဓိကရုဏ်းများ ငြိမ်သက်သွားသဖြင့် စစ်တွေမြို့၊ ဘူးမှင်ရွာ အနားရှိ စစ်တွေတက္ကသိုလ်ကို ဇူလိုင်လ ဒုတိယရက်သတ္တပတ်က ပြန်လည်ဖွင့် လှစ်ခဲ့သည်။

ဇွန်လ ဒုတိယရက်သတ္တပတ်မှစတင်ကာ ရခိုင်ပြည်နယ်အတွင်းရှိ ဗုဒဘာသာဝင်များနှင့် မွတ်စလင်ဘာသာဝင်များမကြား ပဋိပက္ခများ ဖြစ်ပွားခဲ့ သည့်အတွက် ဇွန်လ ၁၀ ရက်နေ့တွင် ညမထွက်ရအမိန့် ပုဒ်မ ၁၄၄ ကို ထုတ်ပြန်ခဲ့ရသည်။

ရခိုင်ပြည်နယ်တစ်ခုလုံးတွင် အဓိကရုဏ်းဖြစ်ပွားချိန်မှ ယနေ့အထိ ပျက်စီးသည့် အိမ်ပေါင်း သုံးထောင်ကျော်ရှိပြီး၊ သေဆုံး သူ ၁၅၀ ကျော်ရှိ ကြောင်း ရခိုင်ပြည်နယ်အစိုးရအဖွဲ့က သတင်းထုတ်ပြန်ထားသည်။                            

အောင်စည်

-----------------------------------------------------------------------------------------------------------------------------------

မြန်မာတိုင်းရင်းသားမျိုးနွယ်တွင် ရိုဟင်ဂျာလူမျိုးမရှိကြောင်း လဝကဝန်ကြီး ငြင်းဆို

မြန်မာတိုင်းရင်းသားမျိုးနွယ်တွေထဲမှာ ရိုဟင်ဂျာလူမျိုးဆိုတာမရှိကြောင်း လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စု ဝန်ကြီး ဦးခင်ရီက ဇူလိုင် ၃၀ ရက်နေ့က နိုင်ငံခြားရေးဝန်ကြီးရုံးဟောင်းမှာ ပြုလုပ်တဲ့ သတင်းစာရှင်းလင်းပွဲ၌ ပြောကြားလိုက်သည်။

အင်္ဂလိပ်ခေတ်မှစ၍ ၁၉၇၃ခုနှစ်နှင့်၈၃ ခုနှစ်များတွင် ပြည်လုံးကျွတ်ကောက်ယူခဲ့သည့် သန်းခေါင်စာရင်းများအရ မြန်မာ တိုင်းရင်းသား ၁၃၅ မျိုးမှာ ရိုဟင်ဂျာ လူမျိုးပါဝင်တယ်ဆိုတာကို မတွေ့ခဲ့ရကြောင်း ၎င်းက ဆက်လက်ပြောကြားသည်။

"ဘင်္ဂါလီလူမျိုးတွေကို အင်္ဂလိပ်ခေတ်မှာ လယ်ကူလီလုပ်ဖို့ ခေါ်ယူခဲ့ရခြင်းသာ ဖြစ်ပါတယ်"ဟု ပြည်ထောင်စုဝန်ကြီး ဦးခင်ရီက ဆိုသည်။

ရိုဟင်ဂျာလူမျိုးသည် မြန်မာတိုင်းရင်းသားမျိုးနွယ်ဖြစ်သဖြင့် တိုင်းရင်းသားအခွင့်အရေးနှင့် တန်းတူညီမျှသည့် အခွင့်အရေးပေးရန်အပြင် ကိုယ် ပိုင်အုပ်ချုပ်ခွင့်ရဒေသတစ်ခုရရှိရန်ကိုပါ တောင်းဆိုနေကြောင်း သိရသည်။

"ဘင်္ဂလားနဲ့မြန်မာနယ်စပ်မှာ အခြေစိုက်တဲ့ ရိုဟင်ဂျာလွတ်မြောက်ရေးအစည်းအရုံး (RSO)လို အဖွဲ့တစ်ချို့က လက်နက် စွဲကိုင်ပြီး၊ ခွဲထွက်ဖို့ ကြိုးစားနေတာရှိတယ်"ဟု မောင်တောမြို့မှ နစကအရာရှိတစ်ဦးက ဆိုသည်။

TTP အဖွဲ့က ပါကစ္စတန်နိုင်ငံအနေဖြင့် အစ္စလမ်မာဘတ်မြို့ရှိ မြန်မာသံရုံးကို ပိတ်ပစ်၍ မြန်မာနိုင်ငံနှင့် ဆက်ဆံရေးဖြတ်တောက်ရမည် ဖြစ် ကြောင်း၊ ရခိုင်ပြည်နယ်အတွင်း ဖြစ်ပွားခဲ့မှုများနှင့် ပတ်သက်၍လည်း “သွေးနှင့် လက်စားချေမည်” ဖြစ်ကြောင်း ဇူလိုင် ၂၆ ရက်နေ့က ထုတ်ပြန်ခဲ့ခြင်းကို မြန်မာပြည်တွင်းနေ အစ္စလမ်ဘာသာဝင်များက တုံ့ပြန်ပြောဆိုလိုက်ခြင်း ဖြစ်သည်။

အောင်စည်

****************************

ပြည်တွင်းပါတီ၊ နိုင်ငံရေးသတင်း

ကေအန်င်ယူနှင့်ဆွေးနွေးရန် ပြည်ထောင်စုဝန်ကြီး ဦးအောင်မင်း မဲဆောက်သွားမည်

မြန်မာနိုင်ငံ၏ ပြည်တွင်းစစ်သမိုင်းတွင် သက်တမ်းအရှည်ကြာဆုံး တိုင်းရင်းသားတော်လှန်ရေးအင်အားစုဖြစ်သည့် ကရင်အမျိုးသား အစည်း အရုံးနှင့် ငြိမ်းချမ်းရေးဆွေးနွေးရန် ပြည်ထောင်စုအဆင့် ငြိမ်းချမ်းမှုဖော်ဆောင်ရေးကော်မတီ ဥက္ကဋ္ဌ၊ ရထားပို့ဆောင်ရေးဝန်ကြီး ဦးအောင်မင်းသည် သြဂုတ်လ ၁၀ ရက်နေ့တွင် ထိုင်းနိုင်ငံ၊ တက်ခရိုင်၊ မဲဆောက်သို့ ထွက်ခွာရန်ရှိကြောင်း သိရသည်။

အဆိုပါခရီးစဉ်တွင် ဆွေးနွေးရန်ကျန်ရှိနေသေးသည့် အပိုင်းများကို ဆက်လက် ဆွေးနွေးမည်ဖြစ်ကြောင်း ကရင်ပြည်နယ် နှင့်ပက်သက်၍ ငြိမ်းချမ်းမှုဖော်ဆောင်ရေး တာဝန်ရှိသူ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးခင်ရီက ဆိုသည်။

"ဝန်ကြီးဦးအောင်မင်းက ဦးဆောင်ပြီး ကရင်ပြည်နယ်တာဝန်ခံဖြစ်တဲ့ ကျွန်တော်ပါမယ်။ ဒီတစ်ခါလည်း IDP ကိစ္စရပ်တွေ၊ တစ်ချိူ့တစ်ချို့သော ကိစ္စရပ်တွေ ဆွေးနွေးသွားမယ်"ဟု ယင်းက ဆက်လက်ပြောကြားသည်။

နယ်စပ်ရှိ တိုင်းရင်းသားလက်နက်ကိုင်တပ်ဖွဲ့များ စုပေါင်းထားသည့် ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (UNFC) အဖွဲ့တွင်း ပြည်ထောင်စုအစိုးရနှင့် ငြိမ်းချမ်းရေးတည်ဆောက်မှုများကို ကေအန်င်ယူမှ ရှင်းပြနေသည့်အတွက် ပြည်ထောင်စုအဆင့် ငြိမ်းချမ်းမှု ဖော်ဆောင်ရေးကော်မတီအဖွဲ့ဝင်များနှင့် ဆွေးနွေးမှုများ အဆက်မပြတ် ပြုလုပ်နေရခြင်းဖြစ်ကြောင်း ထိုင်း-မြန်မာနယ်စပ်မှ မြန်မာ့အရေးလေ့လာသူ တစ်ဦးက ဆိုသည်။

"UNFC မှာက ကေအိုင်အေလည်းပါတော့ ပြောရဆိုရတာ နည်းနည်းကြာနိုင်တယ်"ဟု ၎င်းက ဆက်လက်ရှင်းပြသည်။

ကရင်အမျိုးသားအစည်းအရုံးနှင့် ပြည်ထောင်စုအဆင့် ငြိမ်းချမ်းမှုဖော်ဆောင်ရေးကော်မတီတို့အကြား ငြိမ်းချမ်းရေး ဆွေး နွေးနေသည်မှာ ခြောက်ကြိမ်ကျော်ပြီ ဖြစ်သည်။

အောင်စည်

-----------------------------------------------------------------------------------------------------------------------------------

ကွင်တားနား အင်းစိန်အကျဉ်းထောင်သို့ သွားရောက်လေ့လာ

ဇူလိုင်လ ၂၉ရက်နေ့မှစတင်၍ ရခိုင်အရေးကိစ္စနှင့် ပတ်သက်၍ မြန်မာနိုင်ငံသို့ ၇ရက်ကြာ လာရောက်လေ့လာမှုများ ပြုလုပ်သည့် မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂအထူးကိုယ်စားလှယ် မစ္စတာ ကွင်တားနားသည် ဇူလိုင်လ ၃၀ ရက်နေ့ မနက် ၈နာရီတွင် ရန်ကုန်မြို့ ဗဟိုအကျဉ်း ထောင် (အင်းစိန်)၌ အကျဉ်းကျခံနေရသူများသူ သွားရောက်တွေ့ဆုံခဲ့ကြောင်း သိရှိရပြီး အင်းစိန်အထွေထွေရောက်ဂါကုဆေးရုံကြီးသို့ သွားရောက်လေ့ လာခဲ့ကြောင်း နိုင်ငံပိုင်သတင်းမီဒီယာများ၏ သတင်းဖော်ပြချက်အရ သိရသည်။

ယင်းသို့ အင်းစိန်ဗဟိုအကျဉ်းထောင်သို့ သွားရောက်လေ့လာရာ၍ နိုင်ငံရေးအကျဉ်းသားများ၏ ကျန်းမာရေး စောင့်ရှောက်မှုများနှင့် ပတ်သက် ၍ ၎င်း၏ အစီရင်ခံစာ၌ ထည့်သွင်းဖော်ပြသွားမည်ဖြစ်ကြောင်း သိရှိရပြီး ယုံကြည်ချက်ကြောင်း အကျဉ်းကျခံနေရပြီး အသည်းကင်ဆာရောဂါသည် အဖြစ် အင်းစိန်ဆေးရုံကြီးတွင် ဆေးကုသမှုခံယူနေရသည့် နိုင်ငံရေးအကျဉ်းသား ကိုဖြိုးဝေအောင်အား သွားရောက်တွေ့ဆုံကာ အားပေးနှစ်သိမ့်စကား များ ပြောဆိုသွားခဲ့ကြောင်း သိရသည်။

"နိုင်ငံရေးအကျဉ်းသား ကိုဖြိုးဝေအောင်က အောက်ပိုင်းသေနေတာပါ။ ပြီးတော့ သူ့ခြေထောက်ကိုလည်း ခုထင်ခြေရင်းက ခုတင်တိုင်နဲ့ ခြေချင်းခတ်ထားပါတယ်။ ကုလအထူးကိုယ်စားလှယ် ကွင်တားနားလာတယ်ဆိုတော့ အဲဒါကိုအရင်လာပြီး ဖြုတ်ဖို့လုပ်တယ်။ ဒါပေမယ့် ကိုဖြိုးဝေ အောင်ရဲ့ ဇနီး မဌေးေ